📜
75-1. කිලෙසදුක-කුසලත්තිකං
1-7. පටිච්චවාරාදි
පච්චයචතුක්කං
හෙතුපච්චයො
1. නොකිලෙසං ¶ ¶ ¶ කුසලං ධම්මං පටිච්ච නොකිලෙසො කුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
2. කිලෙසං අකුසලං ධම්මං පටිච්ච කිලෙසො අකුසලො ධම්මො උප්පජ්ජති හෙතුපච්චයා… තීණි.
නොකිලෙසං අකුසලං ධම්මං පටිච්ච නොකිලෙසො අකුසලො ධම්මො උප්පජ්ජති හෙතුපච්චයා… තීණි.
කිලෙසං අකුසලඤ්ච නොකිලෙසං අකුසලඤ්ච ධම්මං පටිච්ච කිලෙසො අකුසලො ධම්මො උප්පජ්ජති හෙතුපච්චයා… තීණි (සංඛිත්තං).
3. හෙතුයා නව, ආරම්මණෙ නව (සබ්බත්ථ නව), අවිගතෙ නව (සංඛිත්තං).
4. කිලෙසං අකුසලං ධම්මං පටිච්ච කිලෙසො අකුසලො ධම්මො උප්පජ්ජති නහෙතුපච්චයා – විචිකිච්ඡං පටිච්ච විචිකිච්ඡාසහගතො මොහො, උද්ධච්චං පටිච්ච උද්ධච්චසහගතො මොහො (1).
නොකිලෙසං අකුසලං ධම්මං පටිච්ච කිලෙසො අකුසලො ධම්මො උප්පජ්ජති නහෙතුපච්චයා – විචිකිච්ඡාසහගතෙ ¶ ¶ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)
කිලෙසං අකුසලඤ්ච නොකිලෙසං අකුසලඤ්ච ධම්මං පටිච්ච කිලෙසො අකුසලො ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ ච විචිකිච්ඡඤ්ච පටිච්ච විචිකිච්ඡාසහගතො මොහො, උද්ධච්චසහගතෙ ඛන්ධෙ ච උද්ධච්චඤ්ච පටිච්ච උද්ධච්චසහගතො මොහො. (1) (සංඛිත්තං.)
5. නහෙතුයා තීණි, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං, සහජාතවාරාදි විත්ථාරෙතබ්බො).
6. කිලෙසො ¶ අකුසලො ධම්මො කිලෙසස්ස අකුසලස්ස ධම්මස්ස හෙතුපච්චයෙන පච්චයො (සංඛිත්තං).
7. හෙතුයා තීණි, ආරම්මණෙ නව, අධිපතියා නව (මජ්ඣෙ තීණි සහජාතාධිපති), අනන්තරෙ නව, සමනන්තරෙ නව…පෙ… උපනිස්සයෙ නව, ආසෙවනෙ නව, කම්මෙ තීණි, ආහාරෙ තීණි, ඉන්ද්රියෙ තීණි, ඣානෙ තීණි, මග්ගෙ නව, සම්පයුත්තෙ නව…පෙ… අවිගතෙ නව (සංඛිත්තං).
නොකිලෙසං අබ්යාකතං ධම්මං පටිච්ච නොකිලෙසො අබ්යාකතො ¶ ධම්මො උප්පජ්ජති හෙතුපච්චයා (සංඛිත්තං).
8. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
76-1. සංකිලෙසිකදුක-කුසලත්තිකං
1-7. පටිච්චවාරාදි
පච්චයචතුක්කං
හෙතුපච්චයො
9. සංකිලෙසිකං ¶ කුසලං ධම්මං පටිච්ච සංකිලෙසිකො කුසලො ධම්මො උප්පජ්ජති හෙතුපච්චයා. (1)
අසංකිලෙසිකං කුසලං ධම්මං පටිච්ච අසංකිලෙසිකො කුසලො ධම්මො උප්පජ්ජති හෙතුපච්චයා. (1) (සංඛිත්තං.)
10. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. ලොකියදුකකුසලසදිසං. සහජාතවාරම්පි…පෙ… පඤ්හාවාරම්පි විත්ථාරෙතබ්බං).
11. සංකිලෙසිකං අකුසලං ධම්මං පටිච්ච සංකිලෙසිකො අකුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
12. සංකිලෙසිකං ¶ අබ්යාකතං ධම්මං පටිච්ච සංකිලෙසිකො අබ්යාකතො ධම්මො උප්පජ්ජති හෙතුපච්චයා. (1)
අසංකිලෙසිකං ¶ අබ්යාකතං ධම්මං පටිච්ච අසංකිලෙසිකො අබ්යාකතො ධම්මො උප්පජ්ජති හෙතුපච්චයා… තීණි.
සංකිලෙසිකං ¶ අබ්යාකතඤ්ච අසංකිලෙසිකං අබ්යාකතඤ්ච ධම්මං පටිච්ච සංකිලෙසිකො අබ්යාකතො ධම්මො උප්පජ්ජති හෙතුපච්චයා (සංඛිත්තං).
13. හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච (සංඛිත්තං. ලොකියදුකඅබ්යාකතසදිසං. සහජාතවාරෙපි…පෙ… පඤ්හාවාරෙපි සබ්බත්ථ විත්ථාරෙතබ්බං).
77-1. සංකිලිට්ඨදුක-කුසලත්තිකං
1. පටිච්චවාරාදි
පච්චයචතුක්කං
14. අසංකිලිට්ඨං කුසලං ධම්මං පටිච්ච අසංකිලිට්ඨො කුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
15. සංකිලිට්ඨං ¶ අකුසලං ධම්මං පටිච්ච සංකිලිට්ඨො අකුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
16. අසංකිලිට්ඨං අබ්යාකතං ධම්මං පටිච්ච අසංකිලිට්ඨො අබ්යාකතො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
78-1. කිලෙසසම්පයුත්තදුක-කුසලත්තිකං
1-7. පටිච්චවාරාදි
පච්චයචතුක්කං
17. කිලෙසවිප්පයුත්තං ¶ කුසලං ධම්මං පටිච්ච කිලෙසවිප්පයුත්තො කුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා ¶ එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
18. කිලෙසසම්පයුත්තං ¶ අකුසලං ධම්මං පටිච්ච කිලෙසසම්පයුත්තො අකුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
19. කිලෙසවිප්පයුත්තං අබ්යාකතං ධම්මං පටිච්ච කිලෙසවිප්පයුත්තො අබ්යාකතො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
79-1. සංකිලෙසසංකිලෙසිකදුක-කුසලත්තිකං
1-7. පටිච්චවාරාදි
පච්චයචතුක්කං
20. සංකිලෙසිකඤ්චෙව ¶ නො ච කිලෙසං කුසලං ධම්මං පටිච්ච සංකිලෙසිකො චෙව නො ච කිලෙසො කුසලො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
21. කිලෙසඤ්චෙව ¶ සංකිලෙසිකඤ්ච අකුසලං ධම්මං පටිච්ච කිලෙසො චෙව සංකිලෙසිකො ච අකුසලො ධම්මො උප්පජ්ජති හෙතුපච්චයා… තීණි.
සංකිලෙසිකඤ්චෙව නො ච කිලෙසං අකුසලං ධම්මං පටිච්ච සංකිලෙසිකො චෙව නො ච කිලෙසො අකුසලො ධම්මො උප්පජ්ජති හෙතුපච්චයා… තීණි.
කිලෙසඤ්චෙව සංකිලෙසිකං අකුසලඤ්ච සංකිලෙසිකඤ්චෙව නො ච කිලෙසං අකුසලඤ්ච ධම්මං පටිච්ච කිලෙසො චෙව සංකිලෙසිකො ච අකුසලො ධම්මො උප්පජ්ජති හෙතුපච්චයා… තීණි (සංඛිත්තං).
22. හෙතුයා ¶ නව, ආරම්මණෙ නව…පෙ… අවිගතෙ නව (සංඛිත්තං, කිලෙසදුකඅකුසලසදිසං. සහජාතවාරෙපි…පෙ… පඤ්හාවාරෙපි සබ්බත්ථ විත්ථාරෙතබ්බං).
23. සංකිලෙසිකඤ්චෙව නො ච කිලෙසං අබ්යාකතං ධම්මං පටිච්ච සංකිලෙසිකො චෙව නො ච කිලෙසො අබ්යාකතො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි ¶ …පෙ… පඤ්හාවාරෙපි සබ්බත්ථ එකං.)
80-1. කිලෙසසංකිලිට්ඨදුක-කුසලත්තිකං
1-7. පටිච්චවාරාදි
පච්චයචතුක්කං
24. කිලෙසඤ්චෙව ¶ සංකිලිට්ඨඤ්ච අකුසලං ධම්මං පටිච්ච කිලෙසො චෙව සංකිලිට්ඨො ච අකුසලො ධම්මො උප්පජ්ජති හෙතුපච්චයා… තීණි.
සංකිලිට්ඨඤ්චෙව නො ච කිලෙසං අකුසලං ධම්මං පටිච්ච සංකිලිට්ඨො චෙව නො ච කිලෙසො අකුසලො ධම්මො උප්පජ්ජති හෙතුපච්චයා… තීණි.
කිලෙසඤ්චෙව සංකිලිට්ඨං අකුසලඤ්ච සංකිලිට්ඨඤ්චෙව නො ච කිලෙසං අකුසලඤ්ච ධම්මං පටිච්ච කිලෙසො චෙව සංකිලිට්ඨො ච අකුසලො ධම්මො උප්පජ්ජති හෙතුපච්චයා… තීණි (සංඛිත්තං).
25. හෙතුයා නව, ආරම්මණෙ නව…පෙ… අවිගතෙ නව (සංඛිත්තං. කිලෙසදුකඅකුසලසදිසං. සහජාතවාරම්පි…පෙ… පඤ්හාවාරම්පි සබ්බත්ථ විත්ථාරෙතබ්බං).
81-1. කිලෙසකිලෙසසම්පයුත්තදුක-කුසලත්තිකං
1-7. පටිච්චවාරාදි
පච්චයචතුක්කං
26. කිලෙසඤ්චෙව කිලෙසසම්පයුත්තඤ්ච අකුසලං ධම්මං පටිච්ච කිලෙසො චෙව කිලෙසසම්පයුත්තො ච අකුසලො ධම්මො උප්පජ්ජති හෙතුපච්චයා… තීණි.
කිලෙසසම්පයුත්තඤ්චෙව ¶ ¶ නො ච කිලෙසං අකුසලං ධම්මං පටිච්ච ¶ කිලෙසසම්පයුත්තො චෙව නො ච කිලෙසො අකුසලො ධම්මො උප්පජ්ජති හෙතුපච්චයා… තීණි.
කිලෙසඤ්චෙව කිලෙසසම්පයුත්තං අකුසලඤ්ච කිලෙසසම්පයුත්තඤ්චෙව නො ච කිලෙසං අකුසලඤ්ච ධම්මං පටිච්ච කිලෙසො චෙව කිලෙසසම්පයුත්තො ච අකුසලො ධම්මො උප්පජ්ජති හෙතුපච්චයා… තීණි (සංඛිත්තං).
27. හෙතුයා නව, ආරම්මණෙ නව…පෙ… අවිගතෙ නව (සංඛිත්තං. කිලෙසදුකඅකුසලසදිසං. සහජාතවාරෙපි…පෙ… පඤ්හාවාරෙපි සබ්බත්ථ විත්ථාරෙතබ්බං).
82-1. කිලෙසවිප්පයුත්තසංකිලෙසිකදුක-කුසලත්තිකං
1-7. පටිච්චවාරාදි
පච්චයචතුක්කං
28. කිලෙසවිප්පයුත්තං සංකිලෙසිකං කුසලං ධම්මං පටිච්ච කිලෙසවිප්පයුත්තො සංකිලෙසිකො කුසලො ධම්මො උප්පජ්ජති හෙතුපච්චයා. (1)
කිලෙසවිප්පයුත්තං අසංකිලෙසිකං කුසලං ධම්මං පටිච්ච කිලෙසවිප්පයුත්තො අසංකිලෙසිකො කුසලො ධම්මො උප්පජ්ජති හෙතුපච්චයා (සංඛිත්තං).
29. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. ලොකියදුකකුසලසදිසං. සහජාතවාරෙපි…පෙ… පඤ්හාවාරෙපි විත්ථාරෙතබ්බං).
30. කිලෙසවිප්පයුත්තං ¶ සංකිලෙසිකං අබ්යාකතං ධම්මං පටිච්ච කිලෙසවිප්පයුත්තො සංකිලෙසිකො අබ්යාකතො ධම්මො උප්පජ්ජති හෙතුපච්චයා. (1)
කිලෙසවිප්පයුත්තං ¶ අසංකිලෙසිකං අබ්යාකතං ධම්මං පටිච්ච කිලෙසවිප්පයුත්තො අසංකිලෙසිකො අබ්යාකතො ධම්මො උප්පජ්ජති හෙතුපච්චයා… තීණි.
කිලෙසවිප්පයුත්තං ¶ සංකිලෙසිකං අබ්යාකතඤ්ච කිලෙසවිප්පයුත්තං අසංකිලෙසිකං අබ්යාකතඤ්ච ධම්මං පටිච්ච කිලෙසවිප්පයුත්තො සංකිලෙසිකො අබ්යාකතො ධම්මො උප්පජ්ජති හෙතුපච්චයා. (1) (සංඛිත්තං.)
31. හෙතුයා පඤ්ච, ආරම්මණෙ ද්වෙ…පෙ… ආසෙවනෙ එකං…පෙ… අවිගතෙ පඤ්ච (සංඛිත්තං. ලොකියදුකඅබ්යාකතසදිසං. සහජාතවාරෙපි…පෙ… පඤ්හාවාරෙපි සබ්බත්ථ විත්ථාරෙතබ්බං).
කිලෙසගොච්ඡකකුසලත්තිකං නිට්ඨිතං.