මූල > අභිධම්මපිටක > පට්ඨානපාළි-4 > 7-1. සප්පච්චයදුක-කුසලත්තිකං

හෙතුයා එකං, ආරම්මණෙ ද්වෙ, අධිපතියා ද්වෙ, අනන්තරෙ එකං…පෙ… නිස්සයෙ එකං, උපනිස්සයෙ ද්වෙ, පුරෙජාතෙ එකං, පච්ඡාජාතෙ එකං, (සබ්බත්ථ එකං), අවිගතෙ එකං (සංඛිත්තං).

12. සප්පච්චයො අබ්යාකතො ධම්මො සප්පච්චයස්ස අබ්යාකතස්ස ¶ ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො.

අප්පච්චයො අබ්යාකතො ධම්මො සප්පච්චයස්ස අබ්යාකතස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො (සංඛිත්තං).

13. නහෙතුයා ද්වෙ, නආරම්මණෙ එකං (සංඛිත්තං).

හෙතුපච්චයා නආරම්මණෙ එකං (සංඛිත්තං).

නහෙතුපච්චයා ආරම්මණෙ ද්වෙ (සංඛිත්තං).

සප්පච්චයදුකකුසලත්තිකං නිට්ඨිතං.

14. සඞ්ඛතං කුසලං ධම්මං පටිච්ච සඞ්ඛතො කුසලො ධම්මො උප්පජ්ජති හෙතුපච්චයා (සංඛිත්තං. සප්පච්චයසදිසං විත්ථාරෙතබ්බං).

සඞ්ඛතදුකකුසලත්තිකං නිට්ඨිතං.

15. අනිදස්සනං ¶ ¶ කුසලං ධම්මං පටිච්ච අනිදස්සනො කුසලො ධම්මො උප්පජ්ජති හෙතුපච්චයා (සංඛිත්තං).

16. හෙතුයා ¶ එකං, ආරම්මණෙ එකං…පෙ… අවිගතෙ එකං. (සහජාතවාරෙපි…පෙ… පඤ්හාවාරෙපි සබ්බත්ථ එකං.)

17. අනිදස්සනං අකුසලං ධම්මං පටිච්ච අනිදස්සනො අකුසලො ධම්මො උප්පජ්ජති හෙතුපච්චයා (සංඛිත්තං).

18. හෙතුයා එකං, ආරම්මණෙ එකං…පෙ… අවිගතෙ එකං. (සහජාතවාරෙපි…පෙ… පඤ්හාවාරෙපි සබ්බත්ථ එකං.)

19. අනිදස්සනං අබ්යාකතං ධම්මං පටිච්ච අනිදස්සනො අබ්යාකතො ධම්මො උප්පජ්ජති හෙතුපච්චයා (සංඛිත්තං).

20. හෙතුයා ¶ තීණි, ආරම්මණෙ එකං, අධිපතියා තීණි…පෙ… අවිගතෙ තීණි (සංඛිත්තං).

නහෙතුයා තීණි (සබ්බත්ථ තීණි), නකම්මෙ තීණි, නවිපාකෙ තීණි, නආහාරෙ තීණි…පෙ… නොවිගතෙ තීණි (සංඛිත්තං).

21. අනිදස්සනො ¶ අබ්යාකතො ධම්මො අනිදස්සනස්ස අබ්යාකතස්ස ධම්මස්ස හෙතුපච්චයෙන පච්චයො… තීණි.

සනිදස්සනො ¶ අබ්යාකතො ධම්මො අනිදස්සනස්ස අබ්යාකතස්ස ධම්මස්ස ආරම්මණපච්චයෙන පච්චයො. (1)

අනිදස්සනො අබ්යාකතො ධම්මො අනිදස්සනස්ස අබ්යාකතස්ස ධම්මස්ස ආරම්මණපච්චයෙන පච්චයො. (1)

සනිදස්සනො අබ්යාකතො ධම්මො අනිදස්සනස්ස අබ්යාකතස්ස ධම්මස්ස අධිපතිපච්චයෙන පච්චයො – ආරම්මණාධිපති. (1)

අනිදස්සනො අබ්යාකතො ධම්මො අනිදස්සනස්ස අබ්යාකතස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. අනිදස්සනො අබ්යාකතො ධම්මො සනිදස්සනස්ස අබ්යාකතස්ස ච අනිදස්සනස්ස අබ්යාකතස්ස ච ධම්මස්ස අධිපතිපච්චයෙන පච්චයො – සහජාතාධිපති. (2)

සනිදස්සනො ¶ අබ්යාකතො ධම්මො අනිදස්සනස්ස අබ්යාකතස්ස ධම්මස්ස උපනිස්සයපච්චයෙන පච්චයො – පකතූපනිස්සයො. (1)

අනිදස්සනො අබ්යාකතො ධම්මො අනිදස්සනස්ස අබ්යාකතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. (1) (සංඛිත්තං.)

22. පුරෙජාතෙ තීණි, පච්ඡාජාතෙ තීණි, ආසෙවනෙ එකං, කම්මෙ ¶ තීණි, විපාකෙ තීණි, (සබ්බත්ථ තීණි) සම්පයුත්තෙ එකං, විප්පයුත්තෙ තීණි, අත්ථියා පඤ්ච, නත්ථියා එකං…පෙ… අවිගතෙ පඤ්ච. (සංඛිත්තං.)

සනිදස්සනදුකකුසලත්තිකං නිට්ඨිතං.

(අප්පච්චයම්පි අසඞ්ඛතම්පි සනිදස්සනම්පි න ලබ්භති.)

23. අප්පටිඝං කුසලං ධම්මං පටිච්ච අප්පටිඝො කුසලො ධම්මො උප්පජ්ජති හෙතුපච්චයා (සංඛිත්තං).

24. හෙතුයා ¶ ¶ එකං, ආරම්මණෙ එකං…පෙ… විප්පයුත්තෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)

25. අප්පටිඝං අකුසලං ධම්මං පටිච්ච අප්පටිඝො අකුසලො ධම්මො උප්පජ්ජති හෙතුපච්චයා (සංඛිත්තං).

හෙතුයා එකං…පෙ… අවිගතෙ එකං (පඤ්හාවාරෙපි සබ්බත්ථ එකං.)

26. සප්පටිඝං ¶ අබ්යාකතං ධම්මං පටිච්ච සප්පටිඝො අබ්යාකතො ධම්මො උප්පජ්ජති හෙතුපච්චයා. සප්පටිඝං අබ්යාකතං ධම්මං පටිච්ච අප්පටිඝො අබ්යාකතො ධම්මො උප්පජ්ජති හෙතුපච්චයා. සප්පටිඝං අබ්යාකතං ධම්මං පටිච්ච සප්පටිඝො අබ්යාකතො ච අප්පටිඝො අබ්යාකතො ච ධම්මා උප්පජ්ජන්ති හෙතුපච්චයා… නව.

අප්පටිඝං අබ්යාකතං ධම්මං පටිච්ච අප්පටිඝො අබ්යාකතො ධම්මො උප්පජ්ජති ආරම්මණපච්චයා (සංඛිත්තං).

27. හෙතුයා නව, ආරම්මණෙ එකං, අධිපතියා නව…පෙ… අඤ්ඤමඤ්ඤෙ ඡ, නිස්සයෙ නව, උපනිස්සයෙ එකං, පුරෙජාතෙ ආසෙවනෙ එකං, කම්මෙ නව, විපාකෙ නව…පෙ… අවිගතෙ නව (සංඛිත්තං).

28. සප්පටිඝං ¶ අබ්යාකතං ධම්මං පටිච්ච සප්පටිඝො අබ්යාකතො ධම්මො උප්පජ්ජති නහෙතුපච්චයා (සංඛිත්තං).

29. නහෙතුයා නව…පෙ… නොවිගතෙ නව (සබ්බත්ථ නව, සංඛිත්තං).

30. අප්පටිඝො අබ්යාකතො ධම්මො අප්පටිඝස්ස අබ්යාකතස්ස ධම්මස්ස හෙතුපච්චයෙන පච්චයො. (3) (සංඛිත්තං.)

31. හෙතුයා ¶ තීණි, ආරම්මණෙ ද්වෙ, අධිපතියා තීණි, අනන්තරෙ එකං, සමනන්තරෙ එකං, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ ද්වෙ, පුරෙජාතෙ තීණි, පච්ඡාජාතෙ ¶ තීණි, ආසෙවනෙ එකං, කම්මෙ තීණි, විපාකෙ තීණි, ආහාරෙ තීණි, ඉන්ද්රියෙ පඤ්ච, ඣානෙ තීණි, මග්ගෙ තීණි, සම්පයුත්තෙ එකං, විප්පයුත්තෙ චත්තාරි, අත්ථියා නව, නත්ථියා එකං, විගතෙ එකං, අවිගතෙ නව.

32. සප්පටිඝො අබ්යාකතො ධම්මො සප්පටිඝස්ස අබ්යාකතස්ස ධම්මස්ස සහජාතපච්චයෙන පච්චයො (සංඛිත්තං).

33. නහෙතුයා නව, නආරම්මණෙ නව (සංඛිත්තං).

හෙතුපච්චයා ¶ නආරම්මණෙ තීණි (සංඛිත්තං).

නහෙතුපච්චයා ආරම්මණෙ ද්වෙ (සංඛිත්තං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)

සප්පටිඝදුකකුසලත්තිකං නිට්ඨිතං.

34. අරූපිං කුසලං ධම්මං පටිච්ච අරූපී කුසලො ධම්මො උප්පජ්ජති හෙතුපච්චයා (සංඛිත්තං).

35. හෙතුයා එකං, ආරම්මණෙ එකං (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ එකං).

36. අරූපිං ¶ අකුසලං ධම්මං පටිච්ච අරූපී අකුසලො ධම්මො උප්පජ්ජති හෙතුපච්චයා (සංඛිත්තං).

37. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ එකං).

38. රූපිං ¶ ¶ අබ්යාකතං ධම්මං පටිච්ච රූපී අබ්යාකතො ධම්මො උප්පජ්ජති හෙතුපච්චයා… තීණි.

අරූපිං අබ්යාකතං ධම්මං පටිච්ච අරූපී අබ්යාකතො ධම්මො උප්පජ්ජති හෙතුපච්චයා… තීණි.

රූපිං අබ්යාකතඤ්ච අරූපිං අබ්යාකතඤ්ච ධම්මං පටිච්ච රූපී අබ්යාකතො ධම්මො උප්පජ්ජති හෙතුපච්චයා… තීණි.

රූපිං අබ්යාකතං ධම්මං පටිච්ච අරූපී අබ්යාකතො ධම්මො උප්පජ්ජති ආරම්මණපච්චයා (සංඛිත්තං).

39. හෙතුයා නව, ආරම්මණෙ තීණි, අධිපතියා පඤ්ච, අනන්තරෙ තීණි, සමනන්තරෙ තීණි…පෙ… අඤ්ඤමඤ්ඤෙ ඡ…පෙ… පුරෙජාතෙ එකං, ආසෙවනෙ එකං, කම්මෙ නව, විපාකෙ නව…පෙ… අවිගතෙ නව (සංඛිත්තං).

40. නහෙතුයා නව, නආරම්මණෙ තීණි, නඅධිපතියා නව…පෙ… නකම්මෙ ද්වෙ, නවිපාකෙ පඤ්ච, නආහාරෙ එකං, නඉන්ද්රියෙ එකං, නඣානෙ ද්වෙ, නමග්ගෙ නව, නසම්පයුත්තෙ තීණි, නවිප්පයුත්තෙ ¶ ද්වෙ, නොනත්ථියා තීණි, නොවිගතෙ තීණි (සංඛිත්තං, පච්චනීයං).

41. අරූපී ¶ අබ්යාකතො ධම්මො අරූපිස්ස අබ්යාකතස්ස ධම්මස්ස හෙතුපච්චයෙන පච්චයො (සංඛිත්තං).

42. හෙතුයා තීණි, ආරම්මණෙ ද්වෙ, අධිපතියා තීණි, අනන්තරෙ එකං, සමනන්තරෙ එකං, සහජාතෙ සත්ත, අඤ්ඤමඤ්ඤෙ ඡ, නිස්සයෙ සත්ත, උපනිස්සයෙ ද්වෙ, පුරෙජාතෙ එකං, පච්ඡාජාතෙ එකං, ආසෙවනෙ එකං, කම්මෙ තීණි, විපාකෙ තීණි, ආහාරෙ චත්තාරි, ඉන්ද්රියෙ ඡ, ඣානෙ තීණි, මග්ගෙ තීණි, සම්පයුත්තෙ එකං, විප්පයුත්තෙ ද්වෙ…පෙ… අවිගතෙ සත්ත (සංඛිත්තං).

නහෙතුයා සත්ත, නආරම්මණෙ සත්ත (සංඛිත්තං).

හෙතුපච්චයා ¶ නආරම්මණෙ තීණි (සංඛිත්තං).

නහෙතුපච්චයා ආරම්මණෙ ද්වෙ (සංඛිත්තං).

43. ලොකියං ¶ ¶ කුසලං ධම්මං පටිච්ච ලොකියො කුසලො ධම්මො උප්පජ්ජති හෙතුපච්චයා. (1)

ලොකුත්තරං කුසලං ධම්මං පටිච්ච ලොකුත්තරො කුසලො ධම්මො උප්පජ්ජති හෙතුපච්චයා. (1)

ලොකියං කුසලං ධම්මං පටිච්ච ලොකියො කුසලො ධම්මො උප්පජ්ජති ආරම්මණපච්චයා. (1)

ලොකුත්තරං කුසලං ධම්මං පටිච්ච ලොකුත්තරො කුසලො ධම්මො උප්පජ්ජති ආරම්මණපච්චයා. (1) (සංඛිත්තං.)

44. හෙතුයා ද්වෙ, ආරම්මණෙ ද්වෙ, අධිපතියා ද්වෙ…පෙ… කම්මෙ ද්වෙ…පෙ… අවිගතෙ ද්වෙ (සංඛිත්තං, අනුලොමං).

45. නඅධිපතියා ද්වෙ…පෙ… නආසෙවනෙ එකං…පෙ… නවිප්පයුත්තෙ ද්වෙ (සංඛිත්තං).

46. ලොකියො ¶ කුසලො ධම්මො ලොකියස්ස කුසලස්ස ධම්මස්ස හෙතුපච්චයෙන පච්චයො. (1)

ලොකුත්තරො ¶ කුසලො ධම්මො ලොකුත්තරස්ස කුසලස්ස ධම්මස්ස හෙතුපච්චයෙන පච්චයො. (1)

ලොකියො කුසලො ධම්මො ලොකියස්ස කුසලස්ස ධම්මස්ස ආරම්මණපච්චයෙන පච්චයො. (1)

ලොකුත්තරො කුසලො ධම්මො ලොකියස්ස කුසලස්ස ¶ ධම්මස්ස ආරම්මණපච්චයෙන පච්චයො. (1)

ලොකියො කුසලො ධම්මො ලොකියස්ස කුසලස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. (1)

ලොකුත්තරො කුසලො ධම්මො ලොකුත්තරස්ස කුසලස්ස ධම්මස්ස අධිපතිපච්චයෙන පච්චයො – සහජාතාධිපති. ලොකුත්තරො කුසලො ධම්මො ලොකියස්ස කුසලස්ස ධම්මස්ස අධිපතිපච්චයෙන පච්චයො – ආරම්මණාධිපති. (2) (සංඛිත්තං.)

47. හෙතුයා ද්වෙ, ආරම්මණෙ ද්වෙ, අධිපතියා තීණි, අනන්තරෙ ද්වෙ, සමනන්තරෙ ද්වෙ, සහජාතෙ ද්වෙ…පෙ… උපනිස්සයෙ චත්තාරි, ආසෙවනෙ ද්වෙ, කම්මෙ ද්වෙ, ආහාරෙ ද්වෙ…පෙ… අවිගතෙ ද්වෙ (සංඛිත්තං.)

48. ලොකියං ¶ අකුසලං ධම්මං පටිච්ච ලොකියො අකුසලො ධම්මො උප්පජ්ජති හෙතුපච්චයා (සංඛිත්තං).

49. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං, සහජාතවාරොපි…පෙ… පඤ්හාවාරොපි සබ්බත්ථ සදිසා).

50. ලොකියං අබ්යාකතං ධම්මං පටිච්ච ලොකියො අබ්යාකතො ධම්මො උප්පජ්ජති හෙතුපච්චයා. (1)

ලොකුත්තරං ¶ අබ්යාකතං ධම්මං පටිච්ච ලොකුත්තරො ¶ අබ්යාකතො ධම්මො උප්පජ්ජති හෙතුපච්චයා… තීණි.

ලොකියං ¶ අබ්යාකතඤ්ච ලොකුත්තරං අබ්යාකතඤ්ච ධම්මං පටිච්ච ලොකියො අබ්යාකතො ධම්මො උප්පජ්ජති හෙතුපච්චයා. (1) (සංඛිත්තං.)

51. හෙතුයා පඤ්ච, ආරම්මණෙ ද්වෙ…පෙ… ආසෙවනෙ එකං, කම්මෙ පඤ්ච, විපාකෙ පඤ්ච…පෙ… අවිගතෙ පඤ්ච (සංඛිත්තං, අනුලොමං).

52. නහෙතුයා එකං, නආරම්මණෙ තීණි, නඅධිපතියා ද්වෙ…පෙ… නපුරෙජාතෙ චත්තාරි, නපච්ඡාජාතෙ පඤ්ච…පෙ… නකම්මෙ එකං, නවිපාකෙ එකං, නආහාරෙ එකං…පෙ… නමග්ගෙ එකං, නසම්පයුත්තෙ තීණි, නවිප්පයුත්තෙ ද්වෙ, නොනත්ථියා තීණි, නොවිගතෙ තීණි (සංඛිත්තං, පච්චනීයං).

53. ලොකියො අබ්යාකතො ධම්මො ලොකියස්ස අබ්යාකතස්ස ධම්මස්ස හෙතුපච්චයෙන පච්චයො. (1)

ලොකුත්තරො අබ්යාකතො ධම්මො ලොකුත්තරස්ස අබ්යාකතස්ස ධම්මස්ස හෙතුපච්චයෙන පච්චයො… තීණි (සංඛිත්තං).

54. හෙතුයා චත්තාරි, ආරම්මණෙ තීණි, අධිපතියා චත්තාරි, අනන්තරෙ චත්තාරි, සහජාතෙ පඤ්ච, අඤ්ඤමඤ්ඤෙ ද්වෙ, නිස්සයෙ සත්ත, උපනිස්සයෙ චත්තාරි, පුරෙජාතෙ ද්වෙ, පච්ඡාජාතෙ ද්වෙ, ආසෙවනෙ එකං, කම්මෙ චත්තාරි, විපාකෙ චත්තාරි, ආහාරෙ චත්තාරි…පෙ… මග්ගෙ චත්තාරි, සම්පයුත්තෙ ද්වෙ, විප්පයුත්තෙ ¶ තීණි, අත්ථියා සත්ත…පෙ… අවිගතෙ සත්ත (සංඛිත්තං).

ලොකියදුකකුසලත්තිකං නිට්ඨිතං.

13-1. කෙනචිවිඤ්ඤෙය්යදුක-කුසලත්තිකං

55. කෙනචි ¶ ¶ විඤ්ඤෙය්යං කුසලං ධම්මං පටිච්ච කෙනචි විඤ්ඤෙය්යො කුසලො ධම්මො උප්පජ්ජති හෙතුපච්චයා. කෙනචි විඤ්ඤෙය්යං කුසලං ධම්මං පටිච්ච කෙනචි නවිඤ්ඤෙය්යො කුසලො ධම්මො උප්පජ්ජති හෙතුපච්චයා. කෙනචි විඤ්ඤෙය්යං කුසලං ධම්මං පටිච්ච කෙනචි විඤ්ඤෙය්යො කුසලො ච කෙනචි නවිඤ්ඤෙය්යො කුසලො ච ධම්මා උප්පජ්ජන්ති හෙතුපච්චයා. (3) (සංඛිත්තං.)

56. හෙතුයා නව, ආරම්මණෙ නව…පෙ… අවිගතෙ නව (සංඛිත්තං).

57. කෙනචි විඤ්ඤෙය්යං කුසලං ධම්මං පටිච්ච කෙනචි විඤ්ඤෙය්යො කුසලො ධම්මො උප්පජ්ජති නඅධිපතිපච්චයා (සංඛිත්තං).

58. නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ නව, නවිපාකෙ නව…පෙ… නවිප්පයුත්තෙ නව (සංඛිත්තං).

(සහජාතවාරොපි ¶ පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)

59. කෙනචි ¶ විඤ්ඤෙය්යො කුසලො ධම්මො කෙනචි විඤ්ඤෙය්යස්ස කුසලස්ස ධම්මස්ස හෙතුපච්චයෙන පච්චයො (සංඛිත්තං).

60. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව…පෙ… කම්මෙ නව…පෙ… අවිගතෙ නව (සංඛිත්තං).

නහෙතුයා නව, නආරම්මණෙ නව (සංඛිත්තං).

හෙතුපච්චයා නආරම්මණෙ නව (සංඛිත්තං).

නහෙතුපච්චයා ආරම්මණෙ නව (සංඛිත්තං).

(යථා ¶ කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං. කෙනචි විඤ්ඤෙය්යං අකුසලම්පි කෙනචි විඤ්ඤෙය්යං අබ්යාකතම්පි කෙනචි විඤ්ඤෙය්යකුසලසදිසං විත්ථාරෙතබ්බං).

කෙනචිවිඤ්ඤෙය්යදුකකුසලත්තිකං නිට්ඨිතං.