📜
44-1. නීවරණදුක-කුසලත්තිකං
1-7. පටිච්චවාරාදි
පච්චයචතුක්කං
හෙතුපච්චයො
1. නොනීවරණං ¶ කුසලං ධම්මං පටිච්ච නොනීවරණො කුසලො ධම්මො උප්පජ්ජති හෙතුපච්චයා (සංඛිත්තං).
2. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං).
3. නීවරණං අකුසලං ධම්මං පටිච්ච නීවරණො අකුසලො ධම්මො උප්පජ්ජති හෙතුපච්චයා. නීවරණං අකුසලං ධම්මං පටිච්ච නොනීවරණො අකුසලො ධම්මො උප්පජ්ජති හෙතුපච්චයා. නීවරණං අකුසලං ධම්මං පටිච්ච ¶ නීවරණො අකුසලො ච නොනීවරණො අකුසලො ච ධම්මා උප්පජ්ජන්ති හෙතුපච්චයා. (3) (සංඛිත්තං.)
4. හෙතුයා නව, ආරම්මණෙ නව…පෙ… අවිගතෙ නව (සංඛිත්තං).
පච්චනීයං
නහෙතුපච්චයො
5. නීවරණං අකුසලං ධම්මං පටිච්ච නීවරණො අකුසලො ධම්මො උප්පජ්ජති නහෙතුපච්චයා – විචිකිච්ඡානීවරණං උද්ධච්චනීවරණං පටිච්ච අවිජ්ජානීවරණං. (1)
නොනීවරණං ¶ අකුසලං ධම්මං පටිච්ච නීවරණො අකුසලො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච අවිජ්ජානීවරණං. (1)
නීවරණඤ්ච ¶ නොනීවරණඤ්ච අකුසලං ධම්මං පටිච්ච නීවරණො අකුසලො ධම්මො උප්පජ්ජති නහෙතුපච්චයා – විචිකිච්ඡානීවරණඤ්ච උද්ධච්චනීවරණඤ්ච සම්පයුත්තකෙ ච ඛන්ධෙ පටිච්ච අවිජ්ජානීවරණං. (1) (සංඛිත්තං.)
6. නහෙතුයා තීණි, නඅධිපතියා නව, නපුරෙජාතෙ නව…පෙ… නකම්මෙ තීණි…පෙ… නවිප්පයුත්තෙ නව (සංඛිත්තං).
(සහජාතවාරෙපි… සම්පයුත්තවාරෙපි සබ්බත්ථ නව.)
7. නීවරණො අකුසලො ධම්මො නීවරණස්ස අකුසලස්ස ධම්මස්ස හෙතුපච්චයෙන පච්චයො (සංඛිත්තං).
8. හෙතුයා තීණි, ආරම්මණෙ නව, අධිපතියා නව…පෙ… ආසෙවනෙ නව, කම්මෙ ආහාරෙ ඉන්ද්රියෙ ඣානෙ මග්ගෙ තීණි, සම්පයුත්තෙ නව…පෙ… අවිගතෙ නව (සංඛිත්තං).
නහෙතුයා නව, නආරම්මණෙ නව (සංඛිත්තං).
හෙතුපච්චයා ¶ නආරම්මණෙ තීණි (සංඛිත්තං).
නහෙතුපච්චයා ආරම්මණෙ නව (සංඛිත්තං).
(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං).
9. නොනීවරණං අබ්යාකතං ධම්මං පටිච්ච නොනීවරණො අබ්යාකතො ධම්මො උප්පජ්ජති හෙතුපච්චයා (සංඛිත්තං).
10. හෙතුයා ¶ එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
45-1. නීවරණියදුක-කුසලත්තිකං
1-7. පටිච්චවාරාදි
පච්චයචතුක්කං
හෙතුපච්චයො
11. නීවරණියං කුසලං ධම්මං පටිච්ච නීවරණියො කුසලො ධම්මො උප්පජ්ජති හෙතුපච්චයා. (1)
අනීවරණියං ¶ කුසලං ධම්මං පටිච්ච අනීවරණියො කුසලො ධම්මො උප්පජ්ජති හෙතුපච්චයා. (1) (සංඛිත්තං.)
12. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං).
(සහජාතවාරොපි…පෙ… පඤ්හාවාරොපි විත්ථාරෙතබ්බා).
13. නීවරණියං ¶ අකුසලං ධම්මං පටිච්ච නීවරණියො අකුසලො ධම්මො උප්පජ්ජති හෙතුපච්චයා (සංඛිත්තං).
14. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
15. නීවරණියං ¶ අබ්යාකතං ධම්මං පටිච්ච නීවරණියො අබ්යාකතො ධම්මො උප්පජ්ජති හෙතුපච්චයා. (1)
අනීවරණියං අබ්යාකතං ධම්මං පටිච්ච අනීවරණියො අබ්යාකතො ධම්මො උප්පජ්ජති හෙතුපච්චයා… තීණි.
නීවරණියං අබ්යාකතඤ්ච අනීවරණියං අබ්යාකතඤ්ච ධම්මං පටිච්ච නීවරණියො අබ්යාකතො ධම්මො උප්පජ්ජති හෙතුපච්චයා. (1) (සංඛිත්තං).
16. හෙතුයා පඤ්ච, ආරම්මණෙ ද්වෙ…පෙ… ආසෙවනෙ එකං…පෙ… විපාකෙ පඤ්ච…පෙ… අවිගතෙ පඤ්ච (සංඛිත්තං). (සහජාතවාරොපි…පෙ… පඤ්හාවාරොපි විත්ථාරෙතබ්බා.)
46-1. නීවරණසම්පයුත්තදුක-කුසලත්තිකං
1-7. පටිච්චවාරාදි
පච්චයචතුක්කං
හෙතුපච්චයො
17. නීවරණවිප්පයුත්තං ¶ කුසලං ධම්මං පටිච්ච නීවරණවිප්පයුත්තො කුසලො ධම්මො උප්පජ්ජති හෙතුපච්චයා (සංඛිත්තං).
18. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
19. නීවරණසම්පයුත්තං ¶ අකුසලං ධම්මං පටිච්ච නීවරණසම්පයුත්තො අකුසලො ධම්මො උප්පජ්ජති හෙතුපච්චයා (සංඛිත්තං).
20. හෙතුයා ¶ එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
21. නීවරණවිප්පයුත්තං අබ්යාකතං ධම්මං පටිච්ච නීවරණවිප්පයුත්තො අබ්යාකතො ධම්මො උප්පජ්ජති හෙතුපච්චයා (සංඛිත්තං).
22. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
47-1. නීවරණනීවරණියදුක-කුසලත්තිකං
1-7. පටිච්චවාරාදි
පච්චයචතුක්කං
හෙතුපච්චයො
23. නීවරණියඤ්චෙව ¶ නො ච නීවරණං කුසලං ධම්මං පටිච්ච නීවරණියො චෙව නො ච නීවරණො කුසලො ධම්මො උප්පජ්ජති හෙතුපච්චයා (සංඛිත්තං).
24. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
25. නීවරණඤ්චෙව නීවරණියඤ්ච අකුසලං ධම්මං පටිච්ච නීවරණො චෙව නීවරණියො ච අකුසලො ධම්මො උප්පජ්ජති හෙතුපච්චයා… තීණි.
නීවරණියඤ්චෙව නො ච නීවරණං අකුසලං ධම්මං පටිච්ච නීවරණියො චෙව නො ච නීවරණො අකුසලො ධම්මො උප්පජ්ජති හෙතුපච්චයා… තීණි.
නීවරණඤ්චෙව නීවරණියං අකුසලඤ්ච නීවරණියඤ්චෙව නො ච නීවරණං අකුසලඤ්ච ධම්මං ¶ පටිච්ච නීවරණො ච නීවරණියො ච අකුසලො ධම්මො උප්පජ්ජති හෙතුපච්චයා… තීණි (සංඛිත්තං).
26. හෙතුයා නව, ආරම්මණෙ නව…පෙ… අවිගතෙ නව (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ නව.)
27. නීවරණියඤ්චෙව ¶ නො ච නීවරණං අබ්යාකතං ධම්මං පටිච්ච නීවරණියො චෙව නො ච නීවරණො අබ්යාකතො ධම්මො උප්පජ්ජති හෙතුපච්චයා (සංඛිත්තං).
28. හෙතුයා ¶ එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
48-1. නීවරණනීවරණසම්පයුත්තදුක-කුසලත්තිකං
1-7. පටිච්චවාරාදි
පච්චයචතුක්කං
හෙතුපච්චයො
29. නීවරණඤ්චෙව නීවරණසම්පයුත්තඤ්ච අකුසලං ධම්මං පටිච්ච නීවරණො චෙව නීවරණසම්පයුත්තො ච අකුසලො ධම්මො උප්පජ්ජති හෙතුපච්චයා (සංඛිත්තං).
30. හෙතුයා නව, ආරම්මණෙ නව…පෙ… අවිගතෙ නව (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ නව.)
49-1. නීවරණවිප්පයුත්තනීවරණියදුක-කුසලත්තිකං
1-7. පටිච්චවාරාදි
පච්චයචතුක්කං
හෙතුපච්චයො
31. නීවරණවිප්පයුත්තං ¶ නීවරණියං කුසලං ධම්මං පටිච්ච නීවරණවිප්පයුත්තො නීවරණියො කුසලො ධම්මො උප්පජ්ජති හෙතුපච්චයා. (1)
නීවරණවිප්පයුත්තං අනීවරණියං කුසලං ධම්මං පටිච්ච නීවරණවිප්පයුත්තො අනීවරණියො කුසලො ධම්මො උප්පජ්ජති හෙතුපච්චයා. (1) (සංඛිත්තං.)
32. හෙතුයා ¶ ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං).
(සහජාතවාරොපි…පෙ… පඤ්හාවාරොපි විත්ථාරෙතබ්බා.)
33. නීවරණවිප්පයුත්තං නීවරණියං අබ්යාකතං ධම්මං පටිච්ච නීවරණවිප්පයුත්තො නීවරණියො අබ්යාකතො ධම්මො උප්පජ්ජති හෙතුපච්චයා. (1)
නීවරණවිප්පයුත්තං ¶ අනීවරණියං අබ්යාකතං ධම්මං පටිච්ච නීවරණවිප්පයුත්තො අනීවරණියො අබ්යාකතො ධම්මො උප්පජ්ජති හෙතුපච්චයා… තීණි.
නීවරණවිප්පයුත්තං නීවරණියං අබ්යාකතඤ්ච නීවරණවිප්පයුත්තං අනීවරණියං අබ්යාකතඤ්ච ධම්මං පටිච්ච නීවරණවිප්පයුත්තො නීවරණියො අබ්යාකතො ධම්මො උප්පජ්ජති හෙතුපච්චයා. (1) (සංඛිත්තං.)
34. හෙතුයා පඤ්ච, ආරම්මණෙ ද්වෙ…පෙ… විපාකෙ පඤ්ච (සංඛිත්තං).
(සහජාතවාරෙපි ¶ …පෙ… පඤ්හාවාරෙපි සබ්බත්ථ විත්ථාරෙතබ්බං.)
නීවරණගොච්ඡකකුසලත්තිකං නිට්ඨිතං.