මූල > අභිධම්මපිටක > පට්ඨානපාළි-5 > ධම්මපච්චනීයානුලොමෙ තිකපට්ඨානං

1. නකුසලං ¶ ¶ ¶ ධම්මං පටිච්ච අකුසලො ධම්මො උප්පජ්ජති හෙතුපච්චයා. අකුසලං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා නකුසලං ධම්මං පටිච්ච අබ්යාකතො ධම්මො උප්පජ්ජති හෙතුපච්චයා. විපාකාබ්යාකතං කිරියාබ්යාකතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… නකුසලං ධම්මං පටිච්ච අකුසලො ච අබ්යාකතො ච ධම්මා උප්පජ්ජන්ති හෙතුපච්චයා. තීණි.

නඅකුසලං ධම්මං පටිච්ච කුසලො ධම්මො උප්පජ්ජති හෙතුපච්චයා. නඅකුසලං ධම්මං පටිච්ච අබ්යාකතො ධම්මො උප්පජ්ජති හෙතුපච්චයා. නඅකුසලං ධම්මං පටිච්ච කුසලො ච අබ්යාකතො ච ධම්මා උප්පජ්ජන්ති හෙතුපච්චයා. තීණි.

නඅබ්යාකතං ධම්මං පටිච්ච අබ්යාකතො ධම්මො උප්පජ්ජති හෙතුපච්චයා. නඅබ්යාකතං ධම්මං පටිච්ච ¶ කුසලො ධම්මො උප්පජ්ජති හෙතුපච්චයා. නඅබ්යාකතං ධම්මං පටිච්ච අකුසලො ධම්මො උප්පජ්ජති හෙතුපච්චයා ¶ . නඅබ්යාකතං ධම්මං පටිච්ච කුසලො ච අබ්යාකතො ච ධම්මා උප්පජ්ජන්ති හෙතුපච්චයා. නඅබ්යාකතං ධම්මං පටිච්ච අකුසලො ච අබ්යාකතො ච ධම්මා උප්පජ්ජන්ති හෙතුපච්චයා. පඤ්ච.

නකුසලඤ්ච ¶ නඅබ්යාකතඤ්ච ධම්මං පටිච්ච අකුසලො ධම්මො උප්පජ්ජති හෙතුපච්චයා. නකුසලඤ්ච නඅබ්යාකතඤ්ච ධම්මං පටිච්ච අබ්යාකතො ධම්මො උප්පජ්ජති හෙතුපච්චයා. නකුසලඤ්ච නඅබ්යාකතඤ්ච ධම්මං පටිච්ච අකුසලො ච අබ්යාකතො ච ධම්මා උප්පජ්ජන්ති හෙතුපච්චයා. තීණි.

නඅකුසලඤ්ච නඅබ්යාකතඤ්ච ධම්මං පටිච්ච කුසලො ධම්මො උප්පජ්ජති හෙතුපච්චයා. නඅකුසලඤ්ච නඅබ්යාකතඤ්ච ධම්මං පටිච්ච අබ්යාකතො ධම්මො උප්පජ්ජති හෙතුපච්චයා. නඅකුසලඤ්ච නඅබ්යාකතඤ්ච ධම්මං පටිච්ච කුසලො ච අබ්යාකතො ච ධම්මා උප්පජ්ජන්ති හෙතුපච්චයා. තීණි.

නකුසලඤ්ච නඅකුසලඤ්ච ධම්මං පටිච්ච අබ්යාකතො ධම්මො උප්පජ්ජති හෙතුපච්චයා. එකං.

2. නකුසලං ධම්මං පටිච්ච අකුසලො ධම්මො උප්පජ්ජති ආරම්මණපච්චයා. නකුසලං ධම්මං පටිච්ච අබ්යාකතො ධම්මො උප්පජ්ජති ආරම්මණපච්චයා. ද්වෙ.

නඅකුසලං ධම්මං පටිච්ච කුසලො ධම්මො උප්පජ්ජති ආරම්මණපච්චයා. නඅකුසලං ධම්මං පටිච්ච අබ්යාකතො ධම්මො උප්පජ්ජති ආරම්මණපච්චයා. ද්වෙ.

නඅබ්යාකතං ධම්මං පටිච්ච කුසලො ¶ ධම්මො උප්පජ්ජති ආරම්මණපච්චයා. නඅබ්යාකතං ධම්මං පටිච්ච අකුසලො ධම්මො උප්පජ්ජති ආරම්මණපච්චයා. ද්වෙ.

නකුසලඤ්ච නඅබ්යාකතඤ්ච ධම්මං පටිච්ච අකුසලො ධම්මො උප්පජ්ජති ආරම්මණපච්චයා. එකං.

නඅකුසලඤ්ච ¶ නඅබ්යාකතඤ්ච ධම්මං පටිච්ච කුසලො ධම්මො උප්පජ්ජති ආරම්මණපච්චයා. එකං.

නකුසලඤ්ච නඅකුසලඤ්ච ධම්මං පටිච්ච අබ්යාකතො ධම්මො උප්පජ්ජති ආරම්මණපච්චයා. එකං. හෙතුයා අට්ඨාරස, ආරම්මණෙ නව, අධිපතියා අට්ඨාරස…පෙ… අවිගතෙ අට්ඨාරස.

3. නකුසලං ධම්මං පටිච්ච අකුසලො ධම්මො උප්පජ්ජති නහෙතුපච්චයා. නකුසලං ධම්මං පටිච්ච අබ්යාකතො ධම්මො උප්පජ්ජති නහෙතුපච්චයා…පෙ… නකුසලඤ්ච නඅකුසලඤ්ච ධම්මං පටිච්ච අබ්යාකතො ධම්මො උප්පජ්ජති නහෙතුපච්චයා.

4. නකුසලං ¶ ධම්මං පටිච්ච අබ්යාකතො ධම්මො උප්පජ්ජති නආරම්මණපච්චයා…පෙ… නකුසලඤ්ච නඅකුසලඤ්ච ධම්මං පටිච්ච අබ්යාකතො ධම්මො උප්පජ්ජති නආරම්මණපච්චයා. (සංඛිත්තං.)

5. නහෙතුයා ඡ, නආරම්මණෙ ඡ, නඅධිපතියා අට්ඨාරස…පෙ… නොවිගතෙ ඡ.

හෙතුපච්චයා නආරම්මණෙ ඡ… (සංඛිත්තං).

නහෙතුපච්චයා ආරම්මණෙ ඡ… (සංඛිත්තං).

6. නකුසලං ¶ ධම්මං පච්චයා කුසලො ධම්මො උප්පජ්ජති හෙතුපච්චයා. නකුසලං ධම්මං පච්චයා අකුසලො ධම්මො උප්පජ්ජති හෙතුපච්චයා. නකුසලං ධම්මං පච්චයා අබ්යාකතො ධම්මො උප්පජ්ජති ¶ හෙතුපච්චයා. නකුසලං ධම්මං පච්චයා කුසලො ච අබ්යාකතො ච ධම්මා උප්පජ්ජන්ති හෙතුපච්චයා. නකුසලං ධම්මං පච්චයා අකුසලො ච අබ්යාකතො ච ධම්මා උප්පජ්ජන්ති හෙතුපච්චයා. පඤ්ච.

නඅකුසලං ධම්මං පච්චයා අකුසලො ධම්මො උප්පජ්ජති හෙතුපච්චයා… පඤ්ච.

නඅබ්යාකතං ධම්මං පච්චයා අබ්යාකතො ධම්මො උප්පජ්ජති හෙතුපච්චයා… පඤ්ච.

නකුසලඤ්ච නඅබ්යාකතඤ්ච ධම්මං පච්චයා… තීණි.

නඅකුසලඤ්ච නඅබ්යාකතඤ්ච ධම්මං පච්චයා… තීණි. නකුසලඤ්ච නඅකුසලඤ්ච ධම්මං පච්චයා කුසලො ධම්මො උප්පජ්ජති හෙතුපච්චයා… පඤ්ච. (සංඛිත්තං.) හෙතුයා ඡබ්බීසති, ආරම්මණෙ තෙරස…පෙ… අවිගතෙ ඡබ්බීසති.

සංසට්ඨවාරෙ හෙතුයා නව…පෙ… අවිගතෙ නව. (සංඛිත්තං.)

7. නකුසලො ¶ ධම්මො අකුසලස්ස ධම්මස්ස හෙතුපච්චයෙන පච්චයො. නකුසලො ධම්මො අබ්යාකතස්ස ධම්මස්ස හෙතුපච්චයෙන පච්චයො. නකුසලො ධම්මො අකුසලස්ස ච අබ්යාකතස්ස ච ධම්මස්ස හෙතුපච්චයෙන පච්චයො… තීණි.

නඅකුසලො ධම්මො කුසලස්ස ධම්මස්ස හෙතුපච්චයෙන පච්චයො… තීණි.

නඅබ්යාකතො ධම්මො අබ්යාකතස්ස ධම්මස්ස හෙතුපච්චයෙන පච්චයො… පඤ්ච.

නකුසලො ච නඅබ්යාකතො ¶ ච ධම්මා අකුසලස්ස ධම්මස්ස හෙතුපච්චයෙන පච්චයො… තීණි.

නඅකුසලො ච නඅබ්යාකතො ච ධම්මා කුසලස්ස ධම්මස්ස හෙතුපච්චයෙන පච්චයො… තීණි.

නකුසලො ච නඅකුසලො ච ධම්මා අබ්යාකතස්ස ධම්මස්ස හෙතුපච්චයෙන පච්චයො. එකං.

8. නකුසලො ¶ ධම්මො කුසලස්ස ධම්මස්ස ආරම්මණපච්චයෙන පච්චයො… තීණි.

නඅකුසලො ධම්මො අකුසලස්ස ධම්මස්ස ආරම්මණපච්චයෙන පච්චයො… තීණි.

නඅබ්යාකතො ධම්මො අබ්යාකතස්ස ධම්මස්ස ආරම්මණපච්චයෙන පච්චයො… තීණි.

නකුසලො ච නඅබ්යාකතො ච ධම්මා කුසලස්ස ධම්මස්ස ආරම්මණපච්චයෙන පච්චයො. නකුසලො ච නඅබ්යාකතො ච ධම්මා අකුසලස්ස ධම්මස්ස ආරම්මණපච්චයෙන පච්චයො. නකුසලො ච නඅබ්යාකතො ච ධම්මා අබ්යාකතස්ස ධම්මස්ස ආරම්මණපච්චයෙන පච්චයො. තීණි.

නඅකුසලො ච නඅබ්යාකතො ච ධම්මා කුසලස්ස ධම්මස්ස ආරම්මණපච්චයෙන පච්චයො. නඅකුසලො ච නඅබ්යාකතො ච ධම්මා අකුසලස්ස ධම්මස්ස ආරම්මණපච්චයෙන පච්චයො. නඅකුසලො ච නඅබ්යාකතො ච ධම්මා අබ්යාකතස්ස ධම්මස්ස ආරම්මණපච්චයෙන පච්චයො. තීණි.

නකුසලො ¶ ච නඅකුසලො ච ධම්මා කුසලස්ස ධම්මස්ස ආරම්මණපච්චයෙන පච්චයො… තීණි. (සංඛිත්තං.)

9. හෙතුයා අට්ඨාරස, ආරම්මණෙ අට්ඨාරස, අධිපතියා තෙවීස…පෙ… අවිගතෙ ද්වාවීස. (පඤ්හාවාරං විත්ථාරෙතබ්බං.)

10. නසුඛාය ¶ වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නසුඛාය වෙදනාය සම්පයුත්තං ධම්මං පටිච්ච දුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නසුඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (3)

නදුක්ඛාය වෙදනාය සම්පයුත්තං ධම්මං පටිච්ච දුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නදුක්ඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ¶ ධම්මො උප්පජ්ජති හෙතුපච්චයා. නදුක්ඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (3)

නඅදුක්ඛමසුඛාය වෙදනාය සම්පයුත්තං ධම්මං පටිච්ච අදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නඅදුක්ඛමසුඛාය වෙදනාය සම්පයුත්තං ධම්මං පටිච්ච සුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නඅදුක්ඛමසුඛාය වෙදනාය සම්පයුත්තං ධම්මං පටිච්ච දුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (3) (සංඛිත්තං.) හෙතුයා එකවීස, අධිපතියා එකවීස…පෙ… අවිගතෙ එකවීස.

11. නවිපාකං ¶ ධම්මං පටිච්ච විපාකො ධම්මො උප්පජ්ජති හෙතුපච්චයා. නවිපාකං ධම්මං පටිච්ච විපාකධම්මධම්මො උප්පජ්ජති හෙතුපච්චයා… පඤ්ච.

නවිපාකධම්මධම්මං පටිච්ච විපාකො ධම්මො උප්පජ්ජති හෙතුපච්චයා. නවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති හෙතුපච්චයා… තීණි.

නනෙවවිපාකනවිපාකධම්මධම්මං ¶ පටිච්ච නෙවවිපාකනවිපාකධම්මධම්මො උප්පජ්ජති හෙතුපච්චයා. නනෙවවිපාකනවිපාකධම්මධම්මං පටිච්ච විපාකො ධම්මො උප්පජ්ජති හෙතුපච්චයා… පඤ්ච. හෙතුයා ද්වාවීස.

12. නඋපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති හෙතුපච්චයා… තීණි.

නඅනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති හෙතුපච්චයා… පඤ්ච.

නඅනුපාදින්නඅනුපාදානියං ¶ ධම්මං පටිච්ච උපාදින්නුපාදානියො ධම්මො උප්පජ්ජති හෙතුපච්චයා… තීණි.

නඋපාදින්නුපාදානියඤ්ච නඅනුපාදින්නඅනුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති හෙතුපච්චයා. එකං.

නඅනුපාදින්නුපාදානියඤ්ච නඅනුපාදින්නඅනුපාදානියඤ්ච ධම්මං පටිච්ච උපාදින්නුපාදානියො ධම්මො උප්පජ්ජති හෙතුපච්චයා… තීණි.

නඋපාදින්නුපාදානියඤ්ච නඅනුපාදින්නුපාදානියඤ්ච ¶ ධම්මං පටිච්ච අනුපාදින්නඅනුපාදානියො ධම්මො උප්පජ්ජති හෙතුපච්චයා… තීණි. හෙතුයා අට්ඨාරස.

13. නසංකිලිට්ඨසංකිලෙසිකං ධම්මං පටිච්ච අසංකිලිට්ඨසංකිලෙසිකො ධම්මො උප්පජ්ජති හෙතුපච්චයා. නසංකිලිට්ඨසංකිලෙසිකං ධම්මං පටිච්ච අසංකිලිට්ඨඅසංකිලෙසිකො ධම්මො උප්පජ්ජති හෙතුපච්චයා. නසංකිලිට්ඨසංකිලෙසිකං ධම්මං පටිච්ච අසංකිලිට්ඨසංකිලෙසිකො ච අසංකිලිට්ඨඅසංකිලෙසිකො ච ධම්මා උප්පජ්ජන්ති හෙතුපච්චයා. තීණි.

නඅසංකිලිට්ඨසංකිලෙසිකං ධම්මං පටිච්ච අසංකිලිට්ඨසංකිලෙසිකො ධම්මො උප්පජ්ජති හෙතුපච්චයා… පඤ්ච.

නඅසංකිලිට්ඨඅසංකිලෙසිකං ධම්මං පටිච්ච සංකිලිට්ඨසංකිලෙසිකො ධම්මො උප්පජ්ජති හෙතුපච්චයා. නඅසංකිලිට්ඨඅසංකිලෙසිකං ධම්මං පටිච්ච අසංකිලිට්ඨසංකිලෙසිකො ¶ ධම්මො උප්පජ්ජති හෙතුපච්චයා. නඅසංකිලිට්ඨඅසංකිලෙසිකං ධම්මං පටිච්ච සංකිලිට්ඨසංකිලෙසිකො ච අසංකිලිට්ඨසංකිලෙසිකො ච ධම්මා උප්පජ්ජන්ති හෙතුපච්චයා. තීණි. හෙතුයා අට්ඨාරස.

14. නසවිතක්කසවිචාරං ¶ ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා. නසවිතක්කසවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති හෙතුපච්චයා. නසවිතක්කසවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා… සත්ත.

නඅවිතක්කවිචාරමත්තං ධම්මං පටිච්ච අවිතක්කවිචාරමත්තො ධම්මො උප්පජ්ජති හෙතුපච්චයා… සත්ත.

නඅවිතක්කඅවිචාරං ධම්මං පටිච්ච ¶ අවිතක්කඅවිචාරො ධම්මො උප්පජ්ජති හෙතුපච්චයා… සත්ත. හෙතුයා එකූනපඤ්ඤාස.

15. නපීතිසහගතං ධම්මං පටිච්ච පීතිසහගතො ධම්මො උප්පජ්ජති හෙතුපච්චයා… චත්තාරි.

නසුඛසහගතං ධම්මං පටිච්ච සුඛසහගතො ධම්මො උප්පජ්ජති හෙතුපච්චයා… චත්තාරි.

නඋපෙක්ඛාසහගතං ධම්මං පටිච්ච උපෙක්ඛාසහගතො ධම්මො උප්පජ්ජති හෙතුපච්චයා. නඋපෙක්ඛාසහගතං ධම්මං පටිච්ච පීතිසහගතො ධම්මො උප්පජ්ජති හෙතුපච්චයා… චත්තාරි. හෙතුයා අට්ඨවීස.

16. නදස්සනෙන පහාතබ්බං ධම්මං පටිච්ච භාවනාය පහාතබ්බො ධම්මො උප්පජ්ජති හෙතුපච්චයා. නදස්සනෙන පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා. නදස්සනෙන පහාතබ්බං ධම්මං පටිච්ච භාවනාය පහාතබ්බො ච නෙවදස්සනෙන නභාවනාය පහාතබ්බො ච ධම්මා උප්පජ්ජන්ති හෙතුපච්චයා. තීණි.

නභාවනාය ¶ ¶ පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති හෙතුපච්චයා. නභාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා. නභාවනාය පහාතබ්බං ධම්මං පටිච්ච දස්සනෙන පහාතබ්බො ච නෙවදස්සනෙන නභාවනාය පහාතබ්බො ච ධම්මා උප්පජ්ජන්ති හෙතුපච්චයා. තීණි.

නෙවදස්සනෙන නභාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා. නනෙවදස්සනෙන නභාවනාය පහාතබ්බං ධම්මං පටිච්ච දස්සනෙන ¶ පහාතබ්බො ධම්මො උප්පජ්ජති හෙතුපච්චයා… පඤ්ච. (සංඛිත්තං.) හෙතුයා අට්ඨාරස.

17. නදස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා… හෙතුයා ඡබ්බීස.

18. නආචයගාමිං ධම්මං පටිච්ච අපචයගාමී ධම්මො උප්පජ්ජති හෙතුපච්චයා… හෙතුයා අට්ඨාරස.

19. නසෙක්ඛං ධම්මං පටිච්ච අසෙක්ඛො ධම්මො උප්පජ්ජති හෙතුපච්චයා… හෙතුයා අට්ඨාරස.

20. නපරිත්තං ¶ ධම්මං පටිච්ච පරිත්තො ධම්මො උප්පජ්ජති හෙතුපච්චයා… හෙතුයා ද්වාවීස.

21. නපරිත්තාරම්මණං ධම්මං පටිච්ච පරිත්තාරම්මණො ධම්මො උප්පජ්ජති හෙතුපච්චයා… හෙතුයා තෙරස.

22. නහීනං ¶ ධම්මං පටිච්ච මජ්ඣිමො ධම්මො උප්පජ්ජති හෙතුපච්චයා… හෙතුයා අට්ඨාරස.

23. නමිච්ඡත්තනියතං ¶ ධම්මං පටිච්ච සම්මත්තනියතො ධම්මො උප්පජ්ජති හෙතුපච්චයා… හෙතුයා අට්ඨාරස.

24. නමග්ගාරම්මණං ධම්මං පටිච්ච මග්ගහෙතුකො ධම්මො උප්පජ්ජති හෙතුපච්චයා… හෙතුයා දස [හෙතුයා අට්ඨ?].

25. නඅනුප්පන්නො ධම්මො උප්පන්නස්ස ධම්මස්ස හෙතුපච්චයෙන පච්චයො. නඋප්පාදී ධම්මො උප්පන්නස්ස ධම්මස්ස හෙතුපච්චයෙන පච්චයො. නඅනුප්පන්නො ච නඋප්පාදී ච ධම්මා උප්පන්නස්ස ධම්මස්ස හෙතුපච්චයෙන පච්චයො. හෙතුයා තීණි.

26. නඅතීතො ධම්මො පච්චුප්පන්නස්ස ධම්මස්ස හෙතුපච්චයෙන පච්චයො. නඅනාගතො ධම්මො පච්චුප්පන්නස්ස ධම්මස්ස හෙතුපච්චයෙන පච්චයො. නඅතීතො ච නඅනාගතො ච ධම්මා පච්චුප්පන්නස්ස ධම්මස්ස හෙතුපච්චයෙන පච්චයො. හෙතුයා ¶ තීණි.

27. නඅතීතාරම්මණං ¶ ධම්මං පටිච්ච අතීතාරම්මණො ධම්මො උප්පජ්ජති හෙතුපච්චයා. නඅතීතාරම්මණං ධම්මං පටිච්ච අනාගතාරම්මණො ධම්මො උප්පජ්ජති හෙතුපච්චයා. නඅතීතාරම්මණං ධම්මං පටිච්ච පච්චුප්පන්නාරම්මණො ධම්මො උප්පජ්ජති හෙතුපච්චයා. තීණි.

නඅනාගතාරම්මණං ධම්මං පටිච්ච අතීතාරම්මණො ධම්මො උප්පජ්ජති හෙතුපච්චයා. නඅනාගතාරම්මණං ධම්මං පටිච්ච පච්චුප්පන්නාරම්මණො ධම්මො උප්පජ්ජති හෙතුපච්චයා. ද්වෙ.

නපච්චුප්පන්නාරම්මණං ධම්මං පටිච්ච පච්චුප්පන්නාරම්මණො ධම්මො උප්පජ්ජති හෙතුපච්චයා. නපච්චුප්පන්නාරම්මණං ධම්මං පටිච්ච අතීතාරම්මණො ධම්මො උප්පජ්ජති හෙතුපච්චයා. නපච්චුප්පන්නාරම්මණං ධම්මං පටිච්ච අනාගතාරම්මණො ධම්මො උප්පජ්ජති හෙතුපච්චයා. තීණි. (සංඛිත්තං.) හෙතුයා සත්තරස.

28. නඅජ්ඣත්තං ධම්මං පටිච්ච බහිද්ධා ධම්මො උප්පජ්ජති හෙතුපච්චයා. එකං.

නබහිද්ධා ¶ ධම්මං පටිච්ච අජ්ඣත්තො ධම්මො උප්පජ්ජති හෙතුපච්චයා. එකං. හෙතුයා ද්වෙ.

29. නඅජ්ඣත්තාරම්මණං ¶ ධම්මං පටිච්ච අජ්ඣත්තාරම්මණො ධම්මො උප්පජ්ජති හෙතුපච්චයා… ද්වෙ.

නබහිද්ධාරම්මණං ධම්මං පටිච්ච බහිද්ධාරම්මණො ධම්මො උප්පජ්ජති හෙතුපච්චයා… ද්වෙ.

නඅජ්ඣත්තාරම්මණඤ්ච නබහිද්ධාරම්මණඤ්ච ධම්මං පටිච්ච අජ්ඣත්තාරම්මණො ධම්මො උප්පජ්ජති හෙතුපච්චයා… ද්වෙ. හෙතුයා ඡ.

30. නසනිදස්සනසප්පටිඝං ¶ ධම්මං පටිච්ච සනිදස්සනසප්පටිඝො ධම්මො උප්පජ්ජති හෙතුපච්චයා. නසනිදස්සනසප්පටිඝං ධම්මං පටිච්ච අනිදස්සනසප්පටිඝො ධම්මො උප්පජ්ජති හෙතුපච්චයා. නසනිදස්සනසප්පටිඝං ධම්මං පටිච්ච අනිදස්සනඅප්පටිඝො ධම්මො උප්පජ්ජති හෙතුපච්චයා. නසනිදස්සනසප්පටිඝං ධම්මං පටිච්ච සනිදස්සනසප්පටිඝො ච අනිදස්සනඅප්පටිඝො ච ධම්මා උප්පජ්ජන්ති හෙතුපච්චයා. නසනිදස්සනසප්පටිඝං ධම්මං පටිච්ච අනිදස්සනසප්පටිඝො ච අනිදස්සනඅප්පටිඝො ච ධම්මා උප්පජ්ජන්ති හෙතුපච්චයා. නසනිදස්සනසප්පටිඝං ධම්මං පටිච්ච සනිදස්සනසප්පටිඝො ච අනිදස්සනසප්පටිඝො ච ධම්මා උප්පජ්ජන්ති හෙතුපච්චයා. නසනිදස්සනසප්පටිඝං ධම්මං පටිච්ච සනිදස්සනසප්පටිඝො ච අනිදස්සනසප්පටිඝො ච අනිදස්සනඅප්පටිඝො ච ධම්මා උප්පජ්ජන්ති හෙතුපච්චයා. සත්ත.

නඅනිදස්සනසප්පටිඝං ධම්මං පටිච්ච අනිදස්සනසප්පටිඝො ධම්මො උප්පජ්ජති ¶ හෙතුපච්චයා. නඅනිදස්සනසප්පටිඝං ධම්මං පටිච්ච සනිදස්සනසප්පටිඝො ධම්මො උප්පජ්ජති හෙතුපච්චයා… සත්ත.

නඅනිදස්සනඅප්පටිඝං ධම්මං පටිච්ච අනිදස්සනඅප්පටිඝො ධම්මො උප්පජ්ජති හෙතුපච්චයා… සත්ත. හෙතුයා පඤ්චතිංස. (පඤ්හාවාරම්පි විත්ථාරෙතබ්බං.)

ධම්මපච්චනීයානුලොමෙ තිකපට්ඨානං නිට්ඨිතං.