මූල > අභිධම්මපිටක > පට්ඨානපාළි-5 > ධම්මපච්චනීයානුලොමෙ තිකදුකපට්ඨානං

නකුසලං නහෙතුඤ්ච නඅබ්යාකතං නහෙතුඤ්ච ධම්මං පටිච්ච අකුසලො හෙතු ධම්මො උප්පජ්ජති හෙතුපච්චයා. නඅකුසලං නහෙතුඤ්ච නඅබ්යාකතං නහෙතුඤ්ච ධම්මං පටිච්ච කුසලො හෙතු ධම්මො උප්පජ්ජති හෙතුපච්චයා. නකුසලං නහෙතුඤ්ච නඅකුසලං නහෙතුඤ්ච ධම්මං පටිච්ච අබ්යාකතො හෙතු ධම්මො උප්පජ්ජති හෙතුපච්චයා. තීණි. (සංඛිත්තං.) හෙතුයා නව.

2. නකුසලං නනහෙතුං ධම්මං පටිච්ච අකුසලො නහෙතු ධම්මො උප්පජ්ජති හෙතුපච්චයා. නකුසලං නනහෙතුං ධම්මං පටිච්ච අබ්යාකතො නහෙතු ධම්මො ¶ උප්පජ්ජති හෙතුපච්චයා. නකුසලං නනහෙතුං ¶ ¶ ධම්මං පටිච්ච අකුසලො නහෙතු ච අබ්යාකතො නහෙතු ච ධම්මා උප්පජ්ජන්ති හෙතුපච්චයා. තීණි.

නඅකුසලං නනහෙතුං ධම්මං පටිච්ච කුසලො නහෙතු ධම්මො උප්පජ්ජති හෙතුපච්චයා. නඅකුසලං නනහෙතුං ධම්මං පටිච්ච අබ්යාකතො නහෙතු ධම්මො උප්පජ්ජති හෙතුපච්චයා. නඅකුසලං නනහෙතුං ධම්මං පටිච්ච කුසලො නහෙතු ච අබ්යාකතො නහෙතු ච ධම්මා උප්පජ්ජන්ති හෙතුපච්චයා. තීණි.

නඅබ්යාකතං නනහෙතුං ධම්මං පටිච්ච අබ්යාකතො නහෙතු ධම්මො උප්පජ්ජති හෙතුපච්චයා… පඤ්ච.

නකුසලං නනහෙතුඤ්ච නඅබ්යාකතං නනහෙතුඤ්ච ධම්මං පටිච්ච අකුසලො නහෙතු ධම්මො උප්පජ්ජති හෙතුපච්චයා… තීණි.

නඅකුසලං නනහෙතුඤ්ච නඅබ්යාකතං නනහෙතුඤ්ච ධම්මං පටිච්ච කුසලො නහෙතු ධම්මො උප්පජ්ජති හෙතුපච්චයා… තීණි.

නකුසලං නනහෙතුඤ්ච නඅකුසලං නනහෙතුඤ්ච ධම්මං පටිච්ච අබ්යාකතො නහෙතු ධම්මො උප්පජ්ජති හෙතුපච්චයා. එකං… හෙතුයා අට්ඨාරස.

3. නකුසලං නසහෙතුකං ධම්මං පටිච්ච අකුසලො සහෙතුකො ධම්මො උප්පජ්ජති හෙතුපච්චයා. නකුසලං නසහෙතුකං ධම්මං පටිච්ච අබ්යාකතො සහෙතුකො ධම්මො උප්පජ්ජති හෙතුපච්චයා. නඅකුසලං නසහෙතුකං ධම්මං පටිච්ච අබ්යාකතො සහෙතුකො ධම්මො උප්පජ්ජති හෙතුපච්චයා. නඅබ්යාකතං නසහෙතුකං ධම්මං පටිච්ච අකුසලො සහෙතුකො ධම්මො උප්පජ්ජති හෙතුපච්චයා. නකුසලං නසහෙතුකඤ්ච නඅබ්යාකතං නසහෙතුකඤ්ච ධම්මං පටිච්ච අකුසලො සහෙතුකො ධම්මො උප්පජ්ජති හෙතුපච්චයා. නකුසලං නසහෙතුකඤ්ච නඅකුසලං නසහෙතුකඤ්ච ධම්මං පටිච්ච අබ්යාකතො සහෙතුකො ධම්මො උප්පජ්ජති හෙතුපච්චයා. හෙතුයා ¶ ඡ.

4. නකුසලං නඅහෙතුකං ධම්මං පටිච්ච අබ්යාකතො අහෙතුකො ධම්මො උප්පජ්ජති හෙතුපච්චයා. නඅකුසලං නඅහෙතුකං ධම්මං පටිච්ච අබ්යාකතො අහෙතුකො ධම්මො උප්පජ්ජති හෙතුපච්චයා ¶ . නඅබ්යාකතං ¶ නඅහෙතුකං ධම්මං පටිච්ච අබ්යාකතො අහෙතුකො ධම්මො උප්පජ්ජති හෙතුපච්චයා. නකුසලං නඅහෙතුකඤ්ච නඅබ්යාකතං නඅහෙතුකඤ්ච ධම්මං පටිච්ච අබ්යාකතො අහෙතුකො ධම්මො උප්පජ්ජති හෙතුපච්චයා. නඅකුසලං නඅහෙතුකඤ්ච නඅබ්යාකතං නඅහෙතුකඤ්ච ධම්මං පටිච්ච අබ්යාකතො අහෙතුකො ධම්මො උප්පජ්ජති හෙතුපච්චයා. නකුසලං නඅහෙතුකඤ්ච නඅකුසලං නඅහෙතුකඤ්ච ධම්මං පටිච්ච අබ්යාකතො අහෙතුකො ධම්මො උප්පජ්ජති හෙතුපච්චයා. හෙතුයා ඡ.

1-3. කුසලත්තික-හෙතුසම්පයුත්තදුකං

5. නකුසලං නහෙතුසම්පයුත්තං ධම්මං පටිච්ච අකුසලො හෙතුසම්පයුත්තො ධම්මො උප්පජ්ජති හෙතුපච්චයා. නකුසලං නහෙතුසම්පයුත්තං ධම්මං පටිච්ච අබ්යාකතො හෙතුසම්පයුත්තො ධම්මො උප්පජ්ජති හෙතුපච්චයා. නඅකුසලං නහෙතුසම්පයුත්තං ධම්මං පටිච්ච අබ්යාකතො හෙතුසම්පයුත්තො ධම්මො උප්පජ්ජති හෙතුපච්චයා… ඡ. (සහෙතුකසදිසං.)

නකුසලං ¶ නහෙතුවිප්පයුත්තං ධම්මං පටිච්ච අබ්යාකතො හෙතුවිප්පයුත්තො ධම්මො උප්පජ්ජති හෙතුපච්චයා… ඡ. (අහෙතුකසදිසං, සංඛිත්තං.)

1-4-6. කුසලත්තික-හෙතුසහෙතුකාදිදුකානි

6. නකුසලං නහෙතුඤ්චෙව නඅහෙතුකඤ්ච ධම්මං පටිච්ච අකුසලො හෙතු චෙව සහෙතුකො ච ධම්මො උප්පජ්ජති හෙතුපච්චයා. නකුසලං නහෙතුඤ්චෙව නඅහෙතුකඤ්ච ධම්මං පටිච්ච අබ්යාකතො හෙතු චෙව සහෙතුකො ච ධම්මො උප්පජ්ජති හෙතුපච්චයා. ද්වෙ.

(නඅකුසලෙ ද්වෙ, නඅබ්යාකතෙ ද්වෙ. පඨමං ගණිතකෙන එකං, දුතියං ගණිතකෙන එකං, තතියං ගණිතකෙන එකං, සබ්බත්ථ නව පඤ්හා.)

නකුසලං නඅහෙතුකඤ්චෙව න ච හෙතුං ධම්මං පටිච්ච අකුසලො සහෙතුකො චෙව න ච හෙතු ධම්මො උප්පජ්ජති හෙතුපච්චයා… හෙතුයා නව.

7. නකුසලං ¶ නහෙතුඤ්චෙව නහෙතුවිප්පයුත්තඤ්ච ධම්මං පටිච්ච අකුසලො හෙතු චෙව හෙතුසම්පයුත්තො ච ධම්මො උප්පජ්ජති හෙතුපච්චයා… හෙතුයා නව.

නකුසලං ¶ නහෙතුවිප්පයුත්තඤ්චෙව නනහෙතුඤ්ච ධම්මං පටිච්ච අකුසලො හෙතුසම්පයුත්තො චෙව න ච හෙතු ධම්මො උප්පජ්ජති හෙතුපච්චයා… හෙතුයා නව.

8. නකුසලං ¶ නහෙතුං නසහෙතුකං ධම්මං පටිච්ච අබ්යාකතො නහෙතු සහෙතුකො ධම්මො උප්පජ්ජති හෙතුපච්චයා… හෙතුයා තීණි.

9. නකුසලං නහෙතුං නඅහෙතුකං ධම්මං පටිච්ච අකුසලො නහෙතු අහෙතුකො ධම්මො උප්පජ්ජති හෙතුපච්චයා. (1)

නඅකුසලං නහෙතුං නඅහෙතුකං ධම්මං පටිච්ච අබ්යාකතො නහෙතු අහෙතුකො ධම්මො උප්පජ්ජති හෙතුපච්චයා. (1)

නඅබ්යාකතං නහෙතුං නඅහෙතුකං ධම්මං පටිච්ච අබ්යාකතො නහෙතු අහෙතුකො ධම්මො උප්පජ්ජති හෙතුපච්චයා. (1) (ගණිතකෙන තීණි පඤ්හා.)… හෙතුයා ඡ.

10. නකුසලො නසප්පච්චයො ධම්මො කුසලස්ස සප්පච්චයස්ස ධම්මස්ස ආරම්මණපච්චයෙන පච්චයො… ආරම්මණෙ ඡ. (සඞ්ඛතං සප්පච්චයසදිසං.)

11. නකුසලං නසනිදස්සනං ධම්මං පටිච්ච අබ්යාකතො සනිදස්සනො ධම්මො උප්පජ්ජති හෙතුපච්චයා… හෙතුයා ඡ.

නකුසලො නඅනිදස්සනො ධම්මො කුසලස්ස අනිදස්සනස්ස ධම්මස්ස ආරම්මණපච්චයෙන පච්චයො. (නව පඤ්හා කාතබ්බා).

12. නකුසලං ¶ නසප්පටිඝං ධම්මං පටිච්ච අබ්යාකතො සප්පටිඝො ධම්මො උප්පජ්ජති හෙතුපච්චයා… හෙතුයා ඡ.

නකුසලං ¶ නඅප්පටිඝං ධම්මං පටිච්ච අබ්යාකතො අප්පටිඝො ධම්මො උප්පජ්ජති හෙතුපච්චයා… හෙතුයා තීණි.

13. නකුසලං නරූපිං ධම්මං පටිච්ච අබ්යාකතො රූපී ධම්මො උප්පජ්ජති හෙතුපච්චයා… හෙතුයා ඡ.

නකුසලං ¶ නඅරූපිං ධම්මං පටිච්ච අබ්යාකතො අරූපී ධම්මො උප්පජ්ජති හෙතුපච්චයා… හෙතුයා තීණි.

14. නකුසලං නලොකියං ධම්මං පටිච්ච අබ්යාකතො ලොකියො ධම්මො උප්පජ්ජති හෙතුපච්චයා… හෙතුයා පඤ්ච.

නකුසලං නලොකුත්තරං ධම්මං පච්චයා කුසලො ලොකුත්තරො ධම්මො උප්පජ්ජති හෙතුපච්චයා. නකුසලං නලොකුත්තරං ධම්මං පච්චයා අබ්යාකතො ලොකුත්තරො ධම්මො උප්පජ්ජති හෙතුපච්චයා. (ඡ ¶ පඤ්හා කාතබ්බා.)

15. නකුසලං නකෙනචි විඤ්ඤෙය්යං ධම්මං පටිච්ච අකුසලො කෙනචි විඤ්ඤෙය්යො ධම්මො උප්පජ්ජති හෙතුපච්චයා… හෙතුයා අට්ඨාරස.

නකුසලං නකෙනචි නවිඤ්ඤෙය්යං ධම්මං පටිච්ච අකුසලො කෙනචි විඤ්ඤෙය්යො ධම්මො උප්පජ්ජති හෙතුපච්චයා… හෙතුයා අට්ඨාරස.

16. නකුසලං නොආසවං ධම්මං පටිච්ච අකුසලො ආසවො ධම්මො උප්පජ්ජති හෙතුපච්චයා… හෙතුයා තීණි.

නකුසලං නනොආසවං ධම්මං පටිච්ච අකුසලො නොආසවො ධම්මො උප්පජ්ජති හෙතුපච්චයා… හෙතුයා නව.

17. නකුසලං ¶ නසාසවං ධම්මං පටිච්ච අබ්යාකතො සාසවො ධම්මො උප්පජ්ජති හෙතුපච්චයා… හෙතුයා පඤ්ච.

නකුසලං නඅනාසවං ධම්මං පච්චයා කුසලො අනාසවො ධම්මො උප්පජ්ජති හෙතුපච්චයා. (සංඛිත්තං.) හෙතුයා ඡ…පෙ… විපාකෙ තීණි…පෙ… අවිගතෙ ඡ.

18. නකුසලං ¶ නආසවසම්පයුත්තං ධම්මං පටිච්ච අකුසලො ආසවසම්පයුත්තො ධම්මො උප්පජ්ජති හෙතුපච්චයා… හෙතුයා තීණි.

නකුසලං නආසවවිප්පයුත්තං ධම්මං පටිච්ච අකුසලො ආසවවිප්පයුත්තො ධම්මො උප්පජ්ජති හෙතුපච්චයා… හෙතුයා නව.

19. නකුසලං ¶ නආසවඤ්චෙව නඅනාසවඤ්ච ධම්මං පටිච්ච අකුසලො ආසවො චෙව සාසවො ච ධම්මො උප්පජ්ජති හෙතුපච්චයා… හෙතුයා තීණි.

නකුසලං නඅනාසවඤ්චෙව නනො ච ආසවං ධම්මං පටිච්ච අකුසලො සාසවො චෙව නො ච ආසවො ධම්මො උප්පජ්ජති හෙතුපච්චයා… හෙතුයා නව.

20. නකුසලං නආසවඤ්චෙව නආසවවිප්පයුත්තඤ්ච ධම්මං පටිච්ච අකුසලො ආසවො චෙව ආසවසම්පයුත්තො ච ධම්මො උප්පජ්ජති හෙතුපච්චයා… හෙතුයා තීණි.

නකුසලං නආසවවිප්පයුත්තඤ්චෙව නනො ච ආසවං ධම්මං පටිච්ච අකුසලො ¶ ආසවසම්පයුත්තො චෙව නො ච ආසවො ධම්මො උප්පජ්ජති හෙතුපච්චයා… හෙතුයා තීණි.

21. නකුසලං ආසවවිප්පයුත්තං නසාසවං ධම්මං පටිච්ච අබ්යාකතො ආසවවිප්පයුත්තො සාසවො ධම්මො උප්පජ්ජති හෙතුපච්චයා… හෙතුයා පඤ්ච.

1-20-54. කුසලත්තික-සඤ්ඤොජනාදිගොච්ඡකානි

22. නකුසලං නොසඤ්ඤොජනං ධම්මං පටිච්ච අකුසලො සඤ්ඤොජනො ධම්මො උප්පජ්ජති හෙතුපච්චයා.

23. නකුසලං ¶ නොගන්ථං ධම්මං පටිච්ච අකුසලො ගන්ථො ධම්මො උප්පජ්ජති හෙතුපච්චයා.

24. නකුසලං නොඔඝං ධම්මං පටිච්ච අකුසලො ඔඝො ධම්මො උප්පජ්ජති හෙතුපච්චයා.

25. නකුසලං නොයොගං ධම්මං පටිච්ච අකුසලො යොගො ධම්මො උප්පජ්ජති හෙතුපච්චයා.

26. නකුසලං නොනීවරණං ධම්මං පටිච්ච අකුසලො නීවරණො ධම්මො උප්පජ්ජති හෙතුපච්චයා.

27. නකුසලං ¶ නොපරාමාසං ධම්මං පටිච්ච අකුසලො පරාමාසො ධම්මො උප්පජ්ජති හෙතුපච්චයා.

28. නකුසලං නසාරම්මණං ධම්මං පටිච්ච අබ්යාකතො සාරම්මණො ධම්මො උප්පජ්ජති හෙතුපච්චයා…පෙ….

29. නකුසලං ¶ නකාමාවචරං ධම්මං පටිච්ච අබ්යාකතො කාමාවචරො ධම්මො උප්පජ්ජති හෙතුපච්චයා… හෙතුයා පඤ්ච.

නකුසලං නනකාමාවචරං ධම්මං පටිච්ච අබ්යාකතො නකාමාවචරො ධම්මො උප්පජ්ජති හෙතුපච්චයා… හෙතුයා තීණි.

30. නකුසලං නරූපාවචරං ධම්මං පටිච්ච අබ්යාකතො රූපාවචරො ධම්මො උප්පජ්ජති හෙතුපච්චයා… හෙතුයා තීණි.

නකුසලං නනරූපාවචරං ධම්මං පටිච්ච අබ්යාකතො නරූපාවචරො ධම්මො උප්පජ්ජති හෙතුපච්චයා… හෙතුයා පඤ්ච.

31. නකුසලං ¶ නඅරූපාවචරං ධම්මං පච්චයා කුසලො අරූපාවචරො ධම්මො උප්පජ්ජති හෙතුපච්චයා… හෙතුයා ඡ.

නකුසලං නනඅරූපාවචරං ධම්මං පටිච්ච අබ්යාකතො නඅරූපාවචරො ධම්මො උප්පජ්ජති හෙතුපච්චයා… හෙතුයා ¶ පඤ්ච.

32. නකුසලං නපරියාපන්නං ධම්මං පටිච්ච අබ්යාකතො පරියාපන්නො ධම්මො උප්පජ්ජති හෙතුපච්චයා. නඅකුසලං නපරියාපන්නං ධම්මං පටිච්ච අබ්යාකතො පරියාපන්නො ධම්මො උප්පජ්ජති හෙතුපච්චයා. නඅබ්යාකතං නපරියාපන්නං ධම්මං පටිච්ච අබ්යාකතො පරියාපන්නො ධම්මො උප්පජ්ජති හෙතුපච්චයා… හෙතුයා පඤ්ච.

නකුසලං ¶ නඅපරියාපන්නං ධම්මං පච්චයා කුසලො අපරියාපන්නො ධම්මො උප්පජ්ජති හෙතුපච්චයා. නකුසලං නඅපරියාපන්නං ධම්මං පච්චයා අබ්යාකතො අපරියාපන්නො ධම්මො උප්පජ්ජති හෙතුපච්චයා. ද්වෙ. (අකුසලමූලෙ ද්වෙ, දුකමූලෙ ද්වෙ.)… හෙතුයා ඡ.

33. නකුසලං නනිය්යානිකං ධම්මං පච්චයා කුසලො නිය්යානිකො ධම්මො උප්පජ්ජති හෙතුපච්චයා… හෙතුයා තීණි.

නකුසලං නඅනිය්යානිකං ධම්මං පටිච්ච අබ්යාකතො අනිය්යානිකො ධම්මො උප්පජ්ජති හෙතුපච්චයා. නඅබ්යාකතං නඅනිය්යානිකං ධම්මං පටිච්ච අබ්යාකතො අනිය්යානිකො ධම්මො උප්පජ්ජති හෙතුපච්චයා. නඅකුසලං නඅනිය්යානිකඤ්ච නඅබ්යාකතං නඅනිය්යානිකඤ්ච ධම්මං පටිච්ච අබ්යාකතො අනිය්යානිකො ධම්මො උප්පජ්ජති හෙතුපච්චයා. හෙතුයා තීණි.

34. නකුසලං ¶ ¶ නනියතං ධම්මං පච්චයා කුසලො නියතො ධම්මො උප්පජ්ජති හෙතුපච්චයා… (අපරියාපන්නසදිසං ඡ පඤ්හා).

නකුසලං නඅනියතං ධම්මං පටිච්ච අබ්යාකතො අනියතො ධම්මො උප්පජ්ජති හෙතුපච්චයා. නඅකුසලං නඅනියතං ධම්මං පටිච්ච අබ්යාකතො අනියතො ධම්මො උප්පජ්ජති හෙතුපච්චයා. නඅබ්යාකතං නඅනියතං ධම්මං පටිච්ච අබ්යාකතො අනියතො ධම්මො උප්පජ්ජති හෙතුපච්චයා. නකුසලං නඅනියතඤ්ච නඅබ්යාකතං නඅනියතඤ්ච ධම්මං පටිච්ච අබ්යාකතො අනියතො ධම්මො උප්පජ්ජති හෙතුපච්චයා. නඅකුසලං නඅනියතඤ්ච නඅබ්යාකතං නඅනියතඤ්ච ධම්මං පටිච්ච අබ්යාකතො අනියතො ධම්මො උප්පජ්ජති හෙතුපච්චයා. හෙතුයා පඤ්ච.

35. නකුසලං නසඋත්තරං ධම්මං පටිච්ච අබ්යාකතො සඋත්තරො ධම්මො උප්පජ්ජති හෙතුපච්චයා. නඅකුසලං නසඋත්තරං ධම්මං පටිච්ච අබ්යාකතො සඋත්තරො ධම්මො උප්පජ්ජති හෙතුපච්චයා. නඅබ්යාකතං නසඋත්තරං ධම්මං පටිච්ච ¶ අබ්යාකතො සඋත්තරො ධම්මො උප්පජ්ජති හෙතුපච්චයා. නඅකුසලං නසඋත්තරඤ්ච නඅබ්යාකතං නසඋත්තරඤ්ච ධම්මං පටිච්ච අබ්යාකතො සඋත්තරො ධම්මො උප්පජ්ජති හෙතුපච්චයා. නකුසලං නසඋත්තරඤ්ච නඅකුසලං නසඋත්තරඤ්ච ධම්මං පටිච්ච අබ්යාකතො සඋත්තරො ධම්මො උප්පජ්ජති හෙතුපච්චයා. හෙතුයා පඤ්ච.

නකුසලං නඅනුත්තරං ධම්මං පච්චයා කුසලො අනුත්තරො ධම්මො උප්පජ්ජති හෙතුපච්චයා… (සංඛිත්තං.) හෙතුයා ඡ…පෙ… විපාකෙ තීණි…පෙ… අවිගතෙ ඡ.

36. නකුසලං නසරණං ධම්මං පච්චයා අකුසලො සරණො ධම්මො උප්පජ්ජති හෙතුපච්චයා… හෙතුයා තීණි.

නකුසලං ¶ නඅරණං ධම්මං පටිච්ච අබ්යාකතො අරණො ධම්මො උප්පජ්ජති හෙතුපච්චයා. නඅබ්යාකතං ¶ නඅරණං ධම්මං පටිච්ච අබ්යාකතො අරණො ධම්මො උප්පජ්ජති හෙතුපච්චයා. නකුසලං නඅරණඤ්ච නඅබ්යාකතං නඅරණඤ්ච ධම්මං පටිච්ච අබ්යාකතො අරණො ධම්මො උප්පජ්ජති හෙතුපච්චයා. හෙතුයා තීණි.

37. නසුඛාය වෙදනාය සම්පයුත්තං නහෙතුං ධම්මං පටිච්ච සුඛාය වෙදනාය සම්පයුත්තො හෙතු ධම්මො උප්පජ්ජති හෙතුපච්චයා. නසුඛාය වෙදනාය සම්පයුත්තං නහෙතුං ධම්මං පටිච්ච දුක්ඛාය වෙදනාය සම්පයුත්තො හෙතු ධම්මො උප්පජ්ජති හෙතුපච්චයා. නසුඛාය වෙදනාය සම්පයුත්තං නහෙතුං ධම්මං පටිච්ච අදුක්ඛමසුඛාය වෙදනාය සම්පයුත්තො හෙතු ධම්මො උප්පජ්ජති හෙතුපච්චයා. තීණි.

නදුක්ඛාය වෙදනාය සම්පයුත්තං නහෙතුං ධම්මං පටිච්ච දුක්ඛාය වෙදනාය සම්පයුත්තො හෙතු ධම්මො උප්පජ්ජති හෙතුපච්චයා… තීණි.

නඅදුක්ඛමසුඛාය වෙදනාය සම්පයුත්තං නහෙතුං ධම්මං පටිච්ච අදුක්ඛමසුඛාය වෙදනාය සම්පයුත්තො හෙතු ධම්මො උප්පජ්ජති හෙතුපච්චයා… තීණි.

නසුඛාය ¶ වෙදනාය සම්පයුත්තං නහෙතුඤ්ච නඅදුක්ඛමසුඛාය වෙදනාය සම්පයුත්තං නහෙතුඤ්ච ධම්මං පටිච්ච සුඛාය වෙදනාය සම්පයුත්තො හෙතු ධම්මො උප්පජ්ජති හෙතුපච්චයා… තීණි (දුතියං ගණිතකෙන තීණි). හෙතුයා ¶ එකවීස.

නසුඛාය වෙදනාය සම්පයුත්තං නනහෙතුං ධම්මං පටිච්ච දුක්ඛාය වෙදනාය සම්පයුත්තො නහෙතු ධම්මො උප්පජ්ජති හෙතුපච්චයා… ද්වෙ.

නදුක්ඛාය වෙදනාය සම්පයුත්තං නනහෙතුං ධම්මං පටිච්ච… (ද්වෙ පඤ්හායෙව).

නඅදුක්ඛමසුඛාය වෙදනාය සම්පයුත්තං නනහෙතුං ධම්මං පටිච්ච… (ද්වෙයෙව. පඨමං ගණිතකෙන එකං, දුතියං ගණිතකෙන එකං, තතියං ගණිතකෙන එකං කාතබ්බං.) හෙතුයා නව.

38. නවිපාකං ¶ නහෙතුං ධම්මං පටිච්ච විපාකො හෙතු ධම්මො උප්පජ්ජති හෙතුපච්චයා. නවිපාකං නහෙතුං ධම්මං පටිච්ච විපාකධම්මධම්මො හෙතු ධම්මො උප්පජ්ජති හෙතුපච්චයා. නවිපාකං නහෙතුං ධම්මං පටිච්ච නෙවවිපාකනවිපාකධම්මධම්මො හෙතු ධම්මො උප්පජ්ජති හෙතුපච්චයා. තීණි.

නවිපාකධම්මධම්මං නහෙතුං ධම්මං පටිච්ච විපාකො හෙතු ධම්මො උප්පජ්ජති හෙතුපච්චයා. නවිපාකධම්මධම්මං නහෙතුං ධම්මං පටිච්ච නෙවවිපාකනවිපාකධම්මධම්මො හෙතු ධම්මො උප්පජ්ජති හෙතුපච්චයා. ද්වෙ.

නනෙවවිපාකනවිපාකධම්මධම්මං නහෙතුං ධම්මං පටිච්ච විපාකො හෙතු ධම්මො උප්පජ්ජති හෙතුපච්චයා. නනෙවවිපාකනවිපාකධම්මධම්මං නහෙතුං ධම්මං පටිච්ච විපාකධම්මධම්මො හෙතු ධම්මො උප්පජ්ජති හෙතුපච්චයා. ද්වෙ.

නවිපාකං නහෙතුඤ්ච නනෙවවිපාකනවිපාකධම්මධම්මං නහෙතුඤ්ච ධම්මං පටිච්ච විපාකධම්මධම්මො හෙතු ධම්මො උප්පජ්ජති හෙතුපච්චයා. එකං.

නවිපාකධම්මධම්මං නහෙතුඤ්ච නනෙවවිපාකනවිපාකධම්මධම්මං නහෙතුඤ්ච ධම්මං පටිච්ච විපාකො හෙතු ධම්මො ¶ උප්පජ්ජති හෙතුපච්චයා. එකං.

නවිපාකං නහෙතුඤ්ච නවිපාකධම්මධම්මං නහෙතුඤ්ච ධම්මං පටිච්ච විපාකො හෙතු ධම්මො උප්පජ්ජති හෙතුපච්චයා. නවිපාකං නහෙතුඤ්ච නවිපාකධම්මධම්මං නහෙතුඤ්ච ¶ ධම්මං පටිච්ච නෙවවිපාකනවිපාකධම්මධම්මො හෙතු ධම්මො උප්පජ්ජති හෙතුපච්චයා. ද්වෙ. (සංඛිත්තං.) හෙතුයා එකාදස.

නවිපාකං නනහෙතුං ධම්මං පටිච්ච විපාකධම්මධම්මො නහෙතු ධම්මො උප්පජ්ජති හෙතුපච්චයා… හෙතුයා අට්ඨාරස. (සංඛිත්තං.)

39. නඋපාදින්නුපාදානියං ¶ නහෙතුං ධම්මං පටිච්ච අනුපාදින්නුපාදානියො හෙතු ධම්මො උප්පජ්ජති හෙතුපච්චයා… හෙතුයා නව.

නඋපාදින්නුපාදානියං නනහෙතුං ධම්මං පටිච්ච අනුපාදින්නුපාදානියො නහෙතු ධම්මො උප්පජ්ජති හෙතුපච්චයා… හෙතුයා අට්ඨාරස.

40. නසංකිලිට්ඨසංකිලෙසිකං ¶ නහෙතුං ධම්මං පටිච්ච අසංකිලිට්ඨසංකිලෙසිකො හෙතු ධම්මො උප්පජ්ජති හෙතුපච්චයා… හෙතුයා නව.

6-11-1. විතක්කාදිත්තිකානි-හෙතුදුකං

41. නසවිතක්කසවිචාරං නහෙතුං ධම්මං පටිච්ච සවිතක්කසවිචාරො හෙතු ධම්මො උප්පජ්ජති හෙතුපච්චයා… හෙතුයා පන්නරස.

42. නපීතිසහගතං නහෙතුං ධම්මං පටිච්ච පීතිසහගතො හෙතු ධම්මො උප්පජ්ජති හෙතුපච්චයා… හෙතුයා අට්ඨවීස.

43. නදස්සනෙන පහාතබ්බං නහෙතුං ධම්මං පටිච්ච භාවනාය පහාතබ්බො හෙතු ධම්මො උප්පජ්ජති හෙතුපච්චයා… හෙතුයා නව.

44. නදස්සනෙන පහාතබ්බහෙතුකං නහෙතුං ධම්මං පටිච්ච භාවනාය පහාතබ්බහෙතුකො හෙතු ධම්මො උප්පජ්ජති හෙතුපච්චයා… හෙතුයා ¶ නව.

45. නආචයගාමිං නහෙතුං ධම්මං පටිච්ච අපචයගාමී හෙතු ධම්මො උප්පජ්ජති හෙතුපච්චයා… හෙතුයා නව.

46. නසෙක්ඛං ¶ ¶ නහෙතුං ධම්මං පටිච්ච අසෙක්ඛො හෙතු ධම්මො උප්පජ්ජති හෙතුපච්චයා… හෙතුයා නව.

47. නපරිත්තං නහෙතුං ධම්මං පටිච්ච මහග්ගතො හෙතු ධම්මො උප්පජ්ජති හෙතුපච්චයා… හෙතුයා එකාදස.

48. නපරිත්තාරම්මණං නහෙතුං ධම්මං පටිච්ච පරිත්තාරම්මණො හෙතු ධම්මො උප්පජ්ජති හෙතුපච්චයා… හෙතුයා තෙරස.

49. නහීනං නහෙතුං ධම්මං පටිච්ච මජ්ඣිමො හෙතු ධම්මො උප්පජ්ජති හෙතුපච්චයා… හෙතුයා නව.

50. නමිච්ඡත්තනියතං ¶ නහෙතුං ධම්මං පටිච්ච සම්මත්තනියතො හෙතු ධම්මො උප්පජ්ජති හෙතුපච්චයා… හෙතුයා නව.

51. නමග්ගාරම්මණං නහෙතුං ධම්මං පටිච්ච මග්ගහෙතුකො හෙතු ධම්මො උප්පජ්ජති හෙතුපච්චයා… (සංඛිත්තං.) හෙතුයා දස.

52. නඅනුප්පන්නො නනහෙතු ධම්මො උප්පන්නස්ස නහෙතුස්ස ධම්මස්ස හෙතුපච්චයෙන පච්චයො. නඋප්පාදී නනහෙතු ධම්මො උප්පන්නස්ස නහෙතුස්ස ධම්මස්ස හෙතුපච්චයෙන පච්චයො. නඅනුප්පන්නො නනහෙතු ච නඋප්පාදී නනහෙතු ච ධම්මා උප්පන්නස්ස නහෙතුස්ස ධම්මස්ස හෙතුපච්චයෙන පච්චයො. හෙතුයා තීණි.

53. නඅතීතො නනහෙතු ධම්මො පච්චුප්පන්නස්ස නහෙතුස්ස ධම්මස්ස හෙතුපච්චයෙන පච්චයො. නඅනාගතො නනහෙතු ධම්මො පච්චුප්පන්නස්ස නහෙතුස්ස ධම්මස්ස හෙතුපච්චයෙන පච්චයො. නඅතීතො නනහෙතු ¶ ච නඅනාගතො නනහෙතු ච ධම්මා පච්චුප්පන්නස්ස නහෙතුස්ස ධම්මස්ස හෙතුපච්චයෙන පච්චයො. හෙතුයා තීණි.

54. නඅතීතාරම්මණං ¶ නහෙතුං ධම්මං පටිච්ච අතීතාරම්මණො හෙතු ¶ ධම්මො උප්පජ්ජති හෙතුපච්චයා… හෙතුයා සත්තරස.

20-21-1. අජ්ඣත්තත්තිකද්වය-හෙතුදුකං

55. නඅජ්ඣත්තං නහෙතුං ධම්මං පටිච්ච බහිද්ධා හෙතු ධම්මො උප්පජ්ජති හෙතුපච්චයා.

නබහිද්ධා නහෙතුං ධම්මං පටිච්ච අජ්ඣත්තො හෙතු ධම්මො උප්පජ්ජති හෙතුපච්චයා… හෙතුයා ද්වෙ.

56. නඅජ්ඣත්තාරම්මණං නහෙතුං ධම්මං පටිච්ච අජ්ඣත්තාරම්මණො හෙතු ධම්මො උප්පජ්ජති හෙතුපච්චයා… ද්වෙ.

නබහිද්ධාරම්මණං නහෙතුං ධම්මං පටිච්ච බහිද්ධාරම්මණො හෙතු ධම්මො උප්පජ්ජති හෙතුපච්චයා… හෙතුයා ඡ.

57. නසනිදස්සනසප්පටිඝං ¶ නහෙතුං ධම්මං පටිච්ච අනිදස්සනඅප්පටිඝො හෙතු ධම්මො උප්පජ්ජති හෙතුපච්චයා. නඅනිදස්සනසප්පටිඝං නහෙතුං ධම්මං පටිච්ච අනිදස්සනඅප්පටිඝො හෙතු ධම්මො උප්පජ්ජති හෙතුපච්චයා. නසනිදස්සනසප්පටිඝං නහෙතුඤ්ච නඅනිදස්සනසප්පටිඝං නහෙතුඤ්ච ධම්මං පටිච්ච අනිදස්සනඅප්පටිඝො හෙතු ධම්මො උප්පජ්ජති හෙතුපච්චයා. හෙතුයා තීණි.

නසනිදස්සනසප්පටිඝං නනහෙතුං ධම්මං පටිච්ච සනිදස්සනසප්පටිඝො නහෙතු ධම්මො උප්පජ්ජති හෙතුපච්චයා. නසනිදස්සනසප්පටිඝං නනහෙතුං ධම්මං පටිච්ච අනිදස්සනසප්පටිඝො නහෙතු ධම්මො උප්පජ්ජති හෙතුපච්චයා. (නහෙතු නනහෙතු ඔවත්තා, තීණි මූලානි, එකවීසති පඤ්හා කාතබ්බා.)

58. නසනිදස්සනසප්පටිඝං ¶ නසහෙතුකං ධම්මං පටිච්ච අනිදස්සනඅප්පටිඝො සහෙතුකො ධම්මො උප්පජ්ජති හෙතුපච්චයා. නඅනිදස්සනසප්පටිඝං නසහෙතුකං ධම්මං පටිච්ච අනිදස්සනඅප්පටිඝො සහෙතුකො ධම්මො උප්පජ්ජති හෙතුපච්චයා ¶ . නසනිදස්සනසප්පටිඝං නසහෙතුකඤ්ච නඅනිදස්සනසප්පටිඝං නසහෙතුකඤ්ච ධම්මං පටිච්ච අනිදස්සනඅප්පටිඝො සහෙතුකො ධම්මො උප්පජ්ජති හෙතුපච්චයා. හෙතුයා තීණි.

නසනිදස්සනසප්පටිඝං නඅහෙතුකං ධම්මං පටිච්ච සනිදස්සනසප්පටිඝො අහෙතුකො ධම්මො උප්පජ්ජති හෙතුපච්චයා… සත්ත.

නඅනිදස්සනසප්පටිඝං නඅහෙතුකං ධම්මං පටිච්ච අනිදස්සනසප්පටිඝො අහෙතුකො ධම්මො උප්පජ්ජති හෙතුපච්චයා… සත්ත.

නසනිදස්සනසප්පටිඝං නඅහෙතුකඤ්ච නඅනිදස්සනසප්පටිඝං නඅහෙතුකඤ්ච ධම්මං පටිච්ච අනිදස්සනසප්පටිඝො අහෙතුකො ධම්මො උප්පජ්ජති හෙතුපච්චයා… සත්ත. හෙතුයා එකවීස.

22-3-6. සනිදස්සනත්තික-හෙතුසම්පයුත්තාදිදුකානි

59. නසනිදස්සනසප්පටිඝං නහෙතුසම්පයුත්තං ධම්මං පටිච්ච අනිදස්සනඅප්පටිඝො හෙතුසම්පයුත්තො ධම්මො උප්පජ්ජති හෙතුපච්චයා… හෙතුයා ¶ තීණි.

නසනිදස්සනසප්පටිඝං නහෙතුවිප්පයුත්තං ධම්මං පටිච්ච සනිදස්සනසප්පටිඝො හෙතුවිප්පයුත්තො ධම්මො උප්පජ්ජති හෙතුපච්චයා… හෙතුයා එකවීස.

60. නසනිදස්සනසප්පටිඝං නහෙතුඤ්චෙව නඅහෙතුකඤ්ච ධම්මං පටිච්ච අනිදස්සනඅප්පටිඝො හෙතු චෙව සහෙතුකො ච ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නඅහෙතුකඤ්චෙව නන ච හෙතුං ධම්මං පටිච්ච අනිදස්සනඅප්පටිඝො සහෙතුකො චෙව න ච හෙතු ධම්මො උප්පජ්ජති හෙතුපච්චයා… හෙතුයා තීණි.

61. නසනිදස්සනසප්පටිඝං ¶ නහෙතුඤ්චෙව නහෙතුවිප්පයුත්තඤ්ච ධම්මං පටිච්ච අනිදස්සනඅප්පටිඝො හෙතු චෙව හෙතුසම්පයුත්තො ච ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං ¶ නහෙතුවිප්පයුත්තඤ්චෙව නන ච හෙතුං ධම්මං පටිච්ච අනිදස්සනඅප්පටිඝො හෙතුසම්පයුත්තො චෙව න ච හෙතු ධම්මො උප්පජ්ජති හෙතුපච්චයා… හෙතුයා තීණි.

62. නසනිදස්සනසප්පටිඝං ¶ නහෙතුං නසහෙතුකං ධම්මං පටිච්ච අනිදස්සනඅප්පටිඝො නහෙතු සහෙතුකො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නහෙතුං නඅහෙතුකං ධම්මං පටිච්ච සනිදස්සනසප්පටිඝො නහෙතු අහෙතුකො ධම්මො උප්පජ්ජති හෙතුපච්චයා… හෙතුයා එකවීස.

22-7-13. සනිදස්සනත්තික-චූළන්තරදුකානි

63. නසනිදස්සනසප්පටිඝො නසප්පච්චයො ධම්මො අනිදස්සනඅප්පටිඝස්ස සප්පච්චයස්ස ධම්මස්ස ආරම්මණපච්චයෙන පච්චයො. (සංඛිත්තං.) ආරම්මණෙ තීණි, අධිපතියා උපනිස්සයෙ තීණි.

64. නසනිදස්සනසප්පටිඝං නසනිදස්සනං ධම්මං පටිච්ච සනිදස්සනසප්පටිඝො සනිදස්සනො ධම්මො උප්පජ්ජති හෙතුපච්චයා… හෙතුයා පඤ්ච.

නඅනිදස්සනඅප්පටිඝො නනසනිදස්සනො ධම්මො අනිදස්සනඅප්පටිඝස්ස නසනිදස්සනස්ස ධම්මස්ස ආරම්මණපච්චයෙන පච්චයො. (සංඛිත්තං.) ආරම්මණෙ තීණි, අධිපතියා උපනිස්සයෙ පුරෙජාතෙ අත්ථියා අවිගතෙ තීණි.

65. නසනිදස්සනසප්පටිඝං නසප්පටිඝං ධම්මං පටිච්ච සනිදස්සනසප්පටිඝො සප්පටිඝො ධම්මො උප්පජ්ජති හෙතුපච්චයා… හෙතුයා නව.

නසනිදස්සනසප්පටිඝං ¶ ¶ නඅප්පටිඝං ධම්මං පටිච්ච අනිදස්සනඅප්පටිඝො අප්පටිඝො ධම්මො උප්පජ්ජති හෙතුපච්චයා… හෙතුයා තීණි.

66. නසනිදස්සනසප්පටිඝං නරූපිං ධම්මං පටිච්ච සනිදස්සනසප්පටිඝො රූපී ධම්මො උප්පජ්ජති හෙතුපච්චයා… හෙතුයා එකවීස.

නසනිදස්සනසප්පටිඝං නඅරූපිං ධම්මං පටිච්ච අනිදස්සනඅප්පටිඝො අරූපී ධම්මො උප්පජ්ජති හෙතුපච්චයා… හෙතුයා තීණි.

67. නසනිදස්සනසප්පටිඝං නලොකියං ධම්මං පටිච්ච සනිදස්සනසප්පටිඝො ලොකියො ධම්මො උප්පජ්ජති හෙතුපච්චයා… සත්ත.

නඅනිදස්සනසප්පටිඝං ¶ නලොකියං ධම්මං පටිච්ච අනිදස්සනසප්පටිඝො ලොකියො ධම්මො උප්පජ්ජති හෙතුපච්චයා… සත්ත. හෙතුයා එකවීස.

නසනිදස්සනසප්පටිඝං නලොකුත්තරං ධම්මං පච්චයා අනිදස්සනඅප්පටිඝො ලොකුත්තරො ධම්මො උප්පජ්ජති හෙතුපච්චයා. (සංඛිත්තං.) හෙතුයා තීණි…පෙ… අවිගතෙ තීණි.

68. නසනිදස්සනසප්පටිඝං නකෙනචි විඤ්ඤෙය්යං ධම්මං පටිච්ච සනිදස්සනසප්පටිඝො කෙනචි විඤ්ඤෙය්යො ධම්මො උප්පජ්ජති හෙතුපච්චයා… හෙතුයා ¶ පඤ්චතිංස.

නසනිදස්සනසප්පටිඝං නනකෙනචි විඤ්ඤෙය්යං ධම්මං පටිච්ච සනිදස්සනසප්පටිඝො නකෙනචි විඤ්ඤෙය්යො ධම්මො උප්පජ්ජති හෙතුපච්චයා… හෙතුයා පඤ්චතිංස.

22-14-19. සනිදස්සනත්තික-ආසවගොච්ඡකානි

69. නසනිදස්සනසප්පටිඝං ¶ නොආසවං ධම්මං පටිච්ච අනිදස්සනඅප්පටිඝො ආසවො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නනොආසවං ධම්මං පටිච්ච සනිදස්සනසප්පටිඝො නොආසවො ධම්මො උප්පජ්ජති හෙතුපච්චයා… හෙතුයා එකවීස.

70. නසනිදස්සනසප්පටිඝං නසාසවං ධම්මං පටිච්ච සනිදස්සනසප්පටිඝො සාසවො ධම්මො උප්පජ්ජති හෙතුපච්චයා… හෙතුයා එකවීස.

නසනිදස්සනසප්පටිඝං නඅනාසවං ධම්මං පච්චයා අනිදස්සනඅප්පටිඝො අනාසවො ධම්මො උප්පජ්ජති හෙතුපච්චයා. (සංඛිත්තං.) හෙතුයා තීණි…පෙ… අවිගතෙ තීණි.

71. නසනිදස්සනසප්පටිඝං නආසවසම්පයුත්තං ධම්මං පටිච්ච අනිදස්සනඅප්පටිඝො ආසවසම්පයුත්තො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං ¶ ¶ නආසවවිප්පයුත්තං ධම්මං පටිච්ච සනිදස්සනසප්පටිඝො ආසවවිප්පයුත්තො ධම්මො උප්පජ්ජති හෙතුපච්චයා… හෙතුයා එකවීස.

72. නසනිදස්සනසප්පටිඝං නආසවඤ්චෙව නඅනාසවඤ්ච ධම්මං පටිච්ච අනිදස්සනඅප්පටිඝො ආසවො චෙව සාසවො ච ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නඅනාසවඤ්චෙව නනො ච ආසවං ධම්මං පටිච්ච සනිදස්සනසප්පටිඝො සාසවො චෙව නො ච ආසවො ධම්මො උප්පජ්ජති හෙතුපච්චයා… හෙතුයා එකවීස.

73. නසනිදස්සනසප්පටිඝං නආසවඤ්චෙව නආසවවිප්පයුත්තඤ්ච ධම්මං පටිච්ච අනිදස්සනඅප්පටිඝො ආසවො චෙව ආසවසම්පයුත්තො ච ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං ¶ නආසවවිප්පයුත්තඤ්චෙව නනො ච ආසවං ධම්මං ¶ පටිච්ච අනිදස්සනඅප්පටිඝො ආසවසම්පයුත්තො චෙව නො ච ආසවො ධම්මො උප්පජ්ජති හෙතුපච්චයා… හෙතුයා තීණි.

74. නසනිදස්සනසප්පටිඝං ආසවවිප්පයුත්තං නසාසවං ධම්මං පටිච්ච සනිදස්සනසප්පටිඝො ආසවවිප්පයුත්තො සාසවො ධම්මො උප්පජ්ජති හෙතුපච්චයා… හෙතුයා එකවීස.

නසනිදස්සනසප්පටිඝං ආසවවිප්පයුත්තං නඅනාසවං ධම්මං පච්චයා අනිදස්සනඅප්පටිඝො ආසවවිප්පයුත්තො අනාසවො ධම්මො උප්පජ්ජති හෙතුපච්චයා… හෙතුයා තීණි.

22-20-54. සනිදස්සනත්තික-සඤ්ඤොජනාදිගොච්ඡකානි

75. නසනිදස්සනසප්පටිඝං නොසඤ්ඤොජනං ධම්මං පටිච්ච අනිදස්සනඅප්පටිඝො සඤ්ඤොජනො ධම්මො උප්පජ්ජති හෙතුපච්චයා… හෙතුයා තීණි.

76. නසනිදස්සනසප්පටිඝං නොගන්ථං ධම්මං පටිච්ච අනිදස්සනඅප්පටිඝො ¶ ගන්ථො ධම්මො උප්පජ්ජති හෙතුපච්චයා… හෙතුයා තීණි.

77. නසනිදස්සනසප්පටිඝං ¶ නොඔඝං ධම්මං පටිච්ච අනිදස්සනඅප්පටිඝො ඔඝො ධම්මො උප්පජ්ජති හෙතුපච්චයා… හෙතුයා තීණි.

78. නසනිදස්සනසප්පටිඝං නොයොගං ධම්මං පටිච්ච අනිදස්සනඅප්පටිඝො යොගො ධම්මො උප්පජ්ජති හෙතුපච්චයා… හෙතුයා තීණි.

79. නසනිදස්සනසප්පටිඝං නොනීවරණං ධම්මං පටිච්ච අනිදස්සනඅප්පටිඝො නීවරණො ධම්මො උප්පජ්ජති හෙතුපච්චයා… හෙතුයා තීණි.

80. නසනිදස්සනසප්පටිඝං නොපරාමාසං ධම්මං පටිච්ච අනිදස්සනඅප්පටිඝො ¶ පරාමාසො ධම්මො උප්පජ්ජති හෙතුපච්චයා… හෙතුයා තීණි.

22-55-68. සනිදස්සනත්තික-මහන්තරදුකානි

81. නසනිදස්සනසප්පටිඝං ¶ නසාරම්මණං ධම්මං පටිච්ච අනිදස්සනඅප්පටිඝො සාරම්මණො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නඅනාරම්මණං ධම්මං පටිච්ච සනිදස්සනසප්පටිඝො අනාරම්මණො ධම්මො උප්පජ්ජති හෙතුපච්චයා… හෙතුයා එකවීස.

82. නසනිදස්සනසප්පටිඝං නොචිත්තං ධම්මං පටිච්ච අනිදස්සනඅප්පටිඝො චිත්තො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නනොචිත්තං ධම්මං පටිච්ච සනිදස්සනසප්පටිඝො නොචිත්තො ධම්මො උප්පජ්ජති හෙතුපච්චයා… හෙතුයා එකවීස.

83. නසනිදස්සනසප්පටිඝං නචෙතසිකං ධම්මං පටිච්ච අනිදස්සනඅප්පටිඝො චෙතසිකො ධම්මො උප්පජ්ජති හෙතුපච්චයා… හෙතුයා ¶ තීණි.

නසනිදස්සනසප්පටිඝං නඅචෙතසිකං ධම්මං පටිච්ච සනිදස්සනසප්පටිඝො අචෙතසිකො ධම්මො උප්පජ්ජති හෙතුපච්චයා… හෙතුයා එකවීස.

84. නසනිදස්සනසප්පටිඝං නචිත්තසම්පයුත්තං ධම්මං පටිච්ච අනිදස්සනඅප්පටිඝො චිත්තසම්පයුත්තො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං ¶ නචිත්තවිප්පයුත්තං ධම්මං පටිච්ච සනිදස්සනසප්පටිඝො චිත්තවිප්පයුත්තො ධම්මො උප්පජ්ජති හෙතුපච්චයා… හෙතුයා එකවීස.

85. නසනිදස්සනසප්පටිඝං නචිත්තසංසට්ඨං ධම්මං පටිච්ච අනිදස්සනඅප්පටිඝො චිත්තසංසට්ඨො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං ¶ නචිත්තවිසංසට්ඨං ධම්මං පටිච්ච සනිදස්සනසප්පටිඝො චිත්තවිසංසට්ඨො ධම්මො උප්පජ්ජති හෙතුපච්චයා… හෙතුයා එකවීස.

86. නසනිදස්සනසප්පටිඝං ¶ නොචිත්තසමුට්ඨානං ධම්මං පටිච්ච සනිදස්සනසප්පටිඝො චිත්තසමුට්ඨානො ධම්මො උප්පජ්ජති හෙතුපච්චයා… හෙතුයා එකවීස.

නසනිදස්සනසප්පටිඝං නනොචිත්තසමුට්ඨානං ධම්මං පටිච්ච අනිදස්සනඅප්පටිඝො නොචිත්තසමුට්ඨානො ධම්මො උප්පජ්ජති හෙතුපච්චයා… හෙතුයා තීණි.

87. නසනිදස්සනසප්පටිඝං නොචිත්තසහභුං ධම්මං පටිච්ච අනිදස්සනඅප්පටිඝො චිත්තසහභූ ධම්මො උප්පජ්ජති හෙතුපච්චයා… හෙතුයා පඤ්ච.

නසනිදස්සනසප්පටිඝං නනොචිත්තසහභුං ධම්මං පටිච්ච සනිදස්සනසප්පටිඝො නොචිත්තසහභූ ධම්මො උප්පජ්ජති හෙතුපච්චයා… හෙතුයා එකවීස.

88. නසනිදස්සනසප්පටිඝං නොචිත්තානුපරිවත්තිං ධම්මං පටිච්ච අනිදස්සනඅප්පටිඝො චිත්තානුපරිවත්තී ධම්මො උප්පජ්ජති හෙතුපච්චයා… හෙතුයා ¶ පඤ්ච.

නසනිදස්සනසප්පටිඝං නනොචිත්තානුපරිවත්තිං ධම්මං පටිච්ච සනිදස්සනසප්පටිඝො නොචිත්තානුපරිවත්තී ධම්මො උප්පජ්ජති හෙතුපච්චයා… හෙතුයා එකවීස.

89. නසනිදස්සනසප්පටිඝං නොචිත්තසංසට්ඨසමුට්ඨානං ධම්මං පටිච්ච අනිදස්සනඅප්පටිඝො චිත්තසංසට්ඨසමුට්ඨානො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නනොචිත්තසංසට්ඨසමුට්ඨානං ධම්මං පටිච්ච සනිදස්සනසප්පටිඝො නොචිත්තසංසට්ඨසමුට්ඨානො ධම්මො උප්පජ්ජති හෙතුපච්චයා… හෙතුයා එකවීස.

90. නසනිදස්සනසප්පටිඝං ¶ ¶ නොචිත්තසංසට්ඨසමුට්ඨානසහභුං ධම්මං පටිච්ච අනිදස්සනඅප්පටිඝො චිත්තසංසට්ඨසමුට්ඨානසහභූ ධම්මො උප්පජ්ජති හෙතුපච්චයා… හෙතුයා ¶ තීණි.

නසනිදස්සනසප්පටිඝං නනොචිත්තසංසට්ඨසමුට්ඨානසහභුං ධම්මං පටිච්ච සනිදස්සනසප්පටිඝො නොචිත්තසංසට්ඨසමුට්ඨානසහභූ ධම්මො උප්පජ්ජති හෙතුපච්චයා… හෙතුයා එකවීස.

91. නසනිදස්සනසප්පටිඝං නොචිත්තසංසට්ඨසමුට්ඨානානුපරිවත්තිං ධම්මං පටිච්ච අනිදස්සනඅප්පටිඝො චිත්තසංසට්ඨසමුට්ඨානානුපරිවත්තී ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නනොචිත්තසංසට්ඨසමුට්ඨානානුපරිවත්තිං ධම්මං පටිච්ච සනිදස්සනසප්පටිඝො නොචිත්තසංසට්ඨසමුට්ඨානානුපරිවත්තී ධම්මො උප්පජ්ජති හෙතුපච්චයා… හෙතුයා එකවීස.

92. නසනිදස්සනසප්පටිඝං නඅජ්ඣත්තිකං ධම්මං පටිච්ච අනිදස්සනසප්පටිඝො අජ්ඣත්තිකො ධම්මො උප්පජ්ජති හෙතුපච්චයා… හෙතුයා එකාදස.

නසනිදස්සනසප්පටිඝං ¶ නබාහිරං ධම්මං පටිච්ච සනිදස්සනසප්පටිඝො බාහිරො ධම්මො උප්පජ්ජති හෙතුපච්චයා… හෙතුයා එකවීස.

93. නසනිදස්සනසප්පටිඝං නොඋපාදා ධම්මං පටිච්ච සනිදස්සනසප්පටිඝො උපාදා ධම්මො උප්පජ්ජති හෙතුපච්චයා… හෙතුයා පඤ්චතිංස.

නසනිදස්සනසප්පටිඝං නනොඋපාදා ධම්මං පටිච්ච අනිදස්සනඅප්පටිඝො නොඋපාදා ධම්මො උප්පජ්ජති හෙතුපච්චයා… හෙතුයා තීණි.

94. නසනිදස්සනසප්පටිඝං නඅනුපාදින්නං ධම්මං පටිච්ච සනිදස්සනසප්පටිඝො අනුපාදින්නො ධම්මො උප්පජ්ජති හෙතුපච්චයා… හෙතුයා එකවීස.

22-69-74. සනිදස්සනත්තික-උපාදානාදිදුකානි

95. නසනිදස්සනසප්පටිඝං ¶ නොඋපාදානං ධම්මං පටිච්ච අනිදස්සනඅප්පටිඝො උපාදානො ධම්මො උප්පජ්ජති හෙතුපච්චයා… හෙතුයා තීණි.

22-75-82. සනිදස්සනත්තික-කිලෙසාදිදුකානි

96. නසනිදස්සනසප්පටිඝං ¶ ¶ නොකිලෙසං ධම්මං පටිච්ච අනිදස්සනඅප්පටිඝො කිලෙසො ධම්මො උප්පජ්ජති හෙතුපච්චයා… හෙතුයා තීණි.

22-83-99. සනිදස්සනත්තික-පිට්ඨිදුකානි

97. නසනිදස්සනසප්පටිඝං නදස්සනෙන පහාතබ්බං ධම්මං පච්චයා අනිදස්සනඅප්පටිඝො දස්සනෙන පහාතබ්බො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නනදස්සනෙන පහාතබ්බං ධම්මං පටිච්ච සනිදස්සනසප්පටිඝො නදස්සනෙන පහාතබ්බො ධම්මො උප්පජ්ජති හෙතුපච්චයා… හෙතුයා එකවීස.

98. නසනිදස්සනසප්පටිඝං නභාවනාය පහාතබ්බං ධම්මං පච්චයා අනිදස්සනඅප්පටිඝො භාවනාය පහාතබ්බො ධම්මො උප්පජ්ජති හෙතුපච්චයා… හෙතුයා ¶ තීණි.

නසනිදස්සනසප්පටිඝං නනභාවනාය පහාතබ්බං ධම්මං පටිච්ච සනිදස්සනසප්පටිඝො නභාවනාය පහාතබ්බො ධම්මො උප්පජ්ජති හෙතුපච්චයා… හෙතුයා එකවීස.

99. නසනිදස්සනසප්පටිඝං නදස්සනෙන පහාතබ්බහෙතුකං ධම්මං පටිච්ච අනිදස්සනඅප්පටිඝො දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නනදස්සනෙන පහාතබ්බහෙතුකං ධම්මං පටිච්ච සනිදස්සනසප්පටිඝො නදස්සනෙන පහාතබ්බහෙතුකො ධම්මො උප්පජ්ජති හෙතුපච්චයා… හෙතුයා එකවීස.

100. නසනිදස්සනසප්පටිඝං ¶ නභාවනාය පහාතබ්බහෙතුකං ධම්මං පච්චයා අනිදස්සනඅප්පටිඝො භාවනාය පහාතබ්බහෙතුකො ධම්මො උප්පජ්ජති හෙතුපච්චයා… හෙතුයා ¶ තීණි.

නසනිදස්සනසප්පටිඝං නනභාවනාය පහාතබ්බහෙතුකං ධම්මං පටිච්ච සනිදස්සනසප්පටිඝො නභාවනාය පහාතබ්බහෙතුකො ධම්මො උප්පජ්ජති හෙතුපච්චයා… හෙතුයා එකවීස.

101. නසනිදස්සනසප්පටිඝං ¶ නසවිතක්කං ධම්මං පටිච්ච අනිදස්සනඅප්පටිඝො සවිතක්කො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නඅවිතක්කං ධම්මං පටිච්ච සනිදස්සනසප්පටිඝො අවිතක්කො ධම්මො උප්පජ්ජති හෙතුපච්චයා… හෙතුයා එකවීස.

102. නසනිදස්සනසප්පටිඝං නසවිචාරං ධම්මං පටිච්ච අනිදස්සනඅප්පටිඝො සවිචාරො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නඅවිචාරං ධම්මං පටිච්ච සනිදස්සනසප්පටිඝො අවිචාරො ධම්මො උප්පජ්ජති හෙතුපච්චයා… හෙතුයා එකවීස.

103. නසනිදස්සනසප්පටිඝං ¶ නසප්පීතිකං ධම්මං පටිච්ච අනිදස්සනඅප්පටිඝො සප්පීතිකො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නඅප්පීතිකං ධම්මං පටිච්ච සනිදස්සනසප්පටිඝො අප්පීතිකො ධම්මො උප්පජ්ජති හෙතුපච්චයා… හෙතුයා එකවීස.

104. නසනිදස්සනසප්පටිඝං නපීතිසහගතං ධම්මං පටිච්ච අනිදස්සනඅප්පටිඝො පීතිසහගතො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං ¶ නනපීතිසහගතං ධම්මං පටිච්ච සනිදස්සනසප්පටිඝො නපීතිසහගතො ධම්මො උප්පජ්ජති හෙතුපච්චයා… හෙතුයා එකවීස.

105. නසනිදස්සනසප්පටිඝං නසුඛසහගතං ධම්මං පටිච්ච අනිදස්සනඅප්පටිඝො සුඛසහගතො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නනසුඛසහගතං ධම්මං පටිච්ච සනිදස්සනසප්පටිඝො නසුඛසහගතො ධම්මො උප්පජ්ජති හෙතුපච්චයා… හෙතුයා ¶ එකවීස.

106. නසනිදස්සනසප්පටිඝං නඋපෙක්ඛාසහගතං ධම්මං පටිච්ච අනිදස්සනඅප්පටිඝො උපෙක්ඛාසහගතො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං ¶ නනඋපෙක්ඛාසහගතං ධම්මං පටිච්ච සනිදස්සනසප්පටිඝො නඋපෙක්ඛාසහගතො ධම්මො උප්පජ්ජති හෙතුපච්චයා… හෙතුයා එකවීස.

107. නසනිදස්සනසප්පටිඝං නකාමාවචරං ධම්මං පටිච්ච සනිදස්සනසප්පටිඝො කාමාවචරො ධම්මො උප්පජ්ජති හෙතුපච්චයා… හෙතුයා එකවීස.

නසනිදස්සනසප්පටිඝං නනකාමාවචරං ධම්මං පටිච්ච අනිදස්සනඅප්පටිඝො නකාමාවචරො ධම්මො උප්පජ්ජති හෙතුපච්චයා… හෙතුයා තීණි.

108. නසනිදස්සනසප්පටිඝං නරූපාවචරං ධම්මං පටිච්ච අනිදස්සනඅප්පටිඝො රූපාවචරො ධම්මො උප්පජ්ජති හෙතුපච්චයා… හෙතුයා ¶ තීණි.

නසනිදස්සනසප්පටිඝං නනරූපාවචරං ධම්මං පටිච්ච සනිදස්සනසප්පටිඝො නරූපාවචරො ධම්මො උප්පජ්ජති හෙතුපච්චයා… හෙතුයා එකවීස.

109. නසනිදස්සනසප්පටිඝං ¶ නඅරූපාවචරං ධම්මං පච්චයා අනිදස්සනඅප්පටිඝො අරූපාවචරො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නනඅරූපාවචරං ධම්මං පටිච්ච සනිදස්සනසප්පටිඝො නඅරූපාවචරො ධම්මො උප්පජ්ජති හෙතුපච්චයා… හෙතුයා එකවීස.

110. නසනිදස්සනසප්පටිඝං නපරියාපන්නං ධම්මං පටිච්ච සනිදස්සනසප්පටිඝො පරියාපන්නො ධම්මො උප්පජ්ජති හෙතුපච්චයා… හෙතුයා එකවීස.

නසනිදස්සනසප්පටිඝං නඅපරියාපන්නං ධම්මං පච්චයා අනිදස්සනඅප්පටිඝො අපරියාපන්නො ධම්මො උප්පජ්ජති හෙතුපච්චයා… හෙතුයා තීණි.

111. නසනිදස්සනසප්පටිඝං ¶ නනිය්යානිකං ධම්මං පච්චයා අනිදස්සනඅප්පටිඝො නිය්යානිකො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නඅනිය්යානිකං ධම්මං පටිච්ච සනිදස්සනසප්පටිඝො අනිය්යානිකො ධම්මො උප්පජ්ජති හෙතුපච්චයා… හෙතුයා එකවීස.

112. නසනිදස්සනසප්පටිඝං ¶ නනියතං ධම්මං පච්චයා අනිදස්සනඅප්පටිඝො නියතො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නඅනියතං ධම්මං පටිච්ච සනිදස්සනසප්පටිඝො අනියතො ධම්මො උප්පජ්ජති හෙතුපච්චයා… හෙතුයා එකවීස.

113. නසනිදස්සනසප්පටිඝං නසඋත්තරං ධම්මං පටිච්ච සනිදස්සනසප්පටිඝො සඋත්තරො ධම්මො උප්පජ්ජති හෙතුපච්චයා… හෙතුයා එකවීස.

නසනිදස්සනසප්පටිඝං ¶ නඅනුත්තරං ධම්මං පච්චයා අනිදස්සනඅප්පටිඝො අනුත්තරො ධම්මො උප්පජ්ජති හෙතුපච්චයා… හෙතුයා ¶ තීණි.

114. නසනිදස්සනසප්පටිඝං නසරණං ධම්මං පච්චයා අනිදස්සනඅප්පටිඝො සරණො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නඅරණං ධම්මං පටිච්ච සනිදස්සනසප්පටිඝො අරණො ධම්මො උප්පජ්ජති හෙතුපච්චයා… සත්ත.

නඅනිදස්සනසප්පටිඝං නඅරණං ධම්මං පටිච්ච සනිදස්සනසප්පටිඝො අරණො ධම්මො උප්පජ්ජති හෙතුපච්චයා… සත්ත.

නසනිදස්සනසප්පටිඝං නඅරණඤ්ච නඅනිදස්සනසප්පටිඝං නඅරණඤ්ච ධම්මං පටිච්ච සනිදස්සනසප්පටිඝො අරණො ධම්මො උප්පජ්ජති හෙතුපච්චයා… සත්ත. හෙතුයා එකවීස.

(සහජාතවාරම්පි පටිච්චවාරසදිසං විත්ථාරෙතබ්බං.)

115. නසනිදස්සනසප්පටිඝො නඅරණො ධම්මො සනිදස්සනසප්පටිඝස්ස ¶ අරණස්ස ධම්මස්ස හෙතුපච්චයෙන පච්චයො… සත්ත.

නඅනිදස්සනසප්පටිඝො නඅරණො ධම්මො සනිදස්සනසප්පටිඝස්ස අරණස්ස ධම්මස්ස හෙතුපච්චයෙන පච්චයො… සත්ත.

නසනිදස්සනසප්පටිඝො ¶ නඅරණො ච නඅනිදස්සනසප්පටිඝො නඅරණො ච ධම්මා සනිදස්සනසප්පටිඝස්ස අරණස්ස ධම්මස්ස හෙතුපච්චයෙන පච්චයො… සත්ත.

116. නසනිදස්සනසප්පටිඝො ¶ නඅරණො ධම්මො අනිදස්සනඅප්පටිඝස්ස අරණස්ස ධම්මස්ස ආරම්මණපච්චයෙන පච්චයො. නඅනිදස්සනසප්පටිඝො නඅරණො ධම්මො අනිදස්සනඅප්පටිඝස්ස අරණස්ස ධම්මස්ස ආරම්මණපච්චයෙන පච්චයො. නසනිදස්සනසප්පටිඝො නඅරණො ච නඅනිදස්සනසප්පටිඝො නඅරණො ච ධම්මා අනිදස්සනඅප්පටිඝස්ස අරණස්ස ධම්මස්ස ආරම්මණපච්චයෙන පච්චයො.

117. හෙතුයා එකවීස, ආරම්මණෙ තීණි…පෙ… අවිගතෙ එකවීස.

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)

ධම්මපච්චනීයානුලොමෙ තිකදුකපට්ඨානං නිට්ඨිතං.