📜

ධම්මපච්චනීයානුලොමෙ දුකදුකපට්ඨානං

1-1. හෙතුදුක-සහෙතුකදුකං

1. නහෙතුං ¶ ¶ නසහෙතුකං ධම්මං පටිච්ච හෙතු සහෙතුකො ධම්මො උප්පජ්ජති හෙතුපච්චයා. නහෙතුං නසහෙතුකං ධම්මං පටිච්ච නහෙතු සහෙතුකො ධම්මො උප්පජ්ජති හෙතුපච්චයා. නහෙතුං නසහෙතුකං ධම්මං පටිච්ච ¶ හෙතු සහෙතුකො ච නහෙතු සහෙතුකො ච ධම්මා උප්පජ්ජන්ති හෙතුපච්චයා. තීණි.

නනහෙතුං නසහෙතුකං ධම්මං පටිච්ච නහෙතු සහෙතුකො ධම්මො උප්පජ්ජති හෙතුපච්චයා. එකං.

හෙතුයා චත්තාරි, ආරම්මණෙ චත්තාරි…පෙ… අවිගතෙ චත්තාරි.

2. නනහෙතු නඅහෙතුකො ධම්මො නහෙතුස්ස අහෙතුකස්ස ධම්මස්ස හෙතුපච්චයෙන පච්චයො.

හෙතුයා එකං, ආරම්මණෙ ඡ…පෙ… අවිගතෙ පඤ්ච. (පඤ්හාවාරං විත්ථාරෙතබ්බං.)

3. නහෙතුං නඅහෙතුකං ධම්මං පටිච්ච නහෙතු අහෙතුකො ධම්මො උප්පජ්ජති හෙතුපච්චයා. එකං.

නනහෙතුං ¶ නඅහෙතුකං ධම්මං පටිච්ච නහෙතු අහෙතුකො ධම්මො උප්පජ්ජති හෙතුපච්චයා. එකං.

නහෙතුං නඅහෙතුකඤ්ච නනහෙතුං නඅහෙතුකඤ්ච ධම්මං පටිච්ච නහෙතු අහෙතුකො ධම්මො උප්පජ්ජති හෙතුපච්චයා. එකං. හෙතුයා තීණි.

1-2-5. හෙතුදුක-හෙතුසම්පයුත්තාදිදුකානි

4. නහෙතුං ¶ නහෙතුසම්පයුත්තං ධම්මං පටිච්ච හෙතු හෙතුසම්පයුත්තො ධම්මො උප්පජ්ජති හෙතුපච්චයා… හෙතුයා චත්තාරි.

නහෙතුං නහෙතුවිප්පයුත්තං ධම්මං පටිච්ච නහෙතු හෙතුවිප්පයුත්තො ¶ ධම්මො උප්පජ්ජති හෙතුපච්චයා… හෙතුයා තීණි.

5. නහෙතුං නහෙතුඤ්චෙව නඅහෙතුකඤ්ච ධම්මං පටිච්ච හෙතු හෙතු චෙව සහෙතුකො ච ධම්මො උප්පජ්ජති හෙතුපච්චයා. හෙතුයා එකං.

නනහෙතුං නඅහෙතුකඤ්චෙව නනහෙතුඤ්ච ධම්මං පටිච්ච නහෙතු සහෙතුකො චෙව න ච හෙතු ධම්මො උප්පජ්ජති හෙතුපච්චයා. හෙතුයා එකං.

6. නහෙතුං නහෙතුඤ්චෙව නහෙතුවිප්පයුත්තඤ්ච ධම්මං පටිච්ච හෙතු හෙතු චෙව හෙතුසම්පයුත්තො ච ධම්මො උප්පජ්ජති හෙතුපච්චයා. හෙතුයා එකං.

නනහෙතුං නහෙතුවිප්පයුත්තඤ්චෙව නනහෙතුඤ්ච ධම්මං පටිච්ච නහෙතු හෙතුසම්පයුත්තො චෙව න ච හෙතු ධම්මො උප්පජ්ජති හෙතුපච්චයා. හෙතුයා එකං.

7. නහෙතුං නහෙතුං නසහෙතුකං ධම්මං පටිච්ච නහෙතු නහෙතු සහෙතුකො ධම්මො උප්පජ්ජති හෙතුපච්චයා. හෙතුයා එකං.

නහෙතුං නහෙතුං නඅහෙතුකං ධම්මං පටිච්ච නහෙතු නහෙතු අහෙතුකො ධම්මො උප්පජ්ජති හෙතුපච්චයා. හෙතුයා ¶ එකං.

1-6-12. හෙතුදුක-චූළන්තරදුකානි

8. නහෙතු ¶ නසප්පච්චයො ධම්මො හෙතුස්ස සප්පච්චයස්ස ධම්මස්ස ආරම්මණපච්චයෙන පච්චයො… ආරම්මණෙ තීණි. (සඞ්ඛතං සප්පච්චයසදිසං.)

9. නහෙතුං ¶ නසනිදස්සනං ධම්මං පටිච්ච නහෙතු සනිදස්සනො ධම්මො උප්පජ්ජති හෙතුපච්චයා… හෙතුයා තීණි.

නහෙතු නඅනිදස්සනො ධම්මො හෙතුස්ස අනිදස්සනස්ස ධම්මස්ස ආරම්මණපච්චයෙන පච්චයො… ආරම්මණෙ තීණි.

10. නහෙතුං නසප්පටිඝං ධම්මං පටිච්ච නහෙතු සප්පටිඝො ධම්මො උප්පජ්ජති හෙතුපච්චයා… හෙතුයා තීණි.

නහෙතුං ¶ නඅප්පටිඝං ධම්මං පටිච්ච නහෙතු අප්පටිඝො ධම්මො උප්පජ්ජති හෙතුපච්චයා. හෙතුයා එකං.

11. නහෙතුං නරූපිං ධම්මං පටිච්ච හෙතු රූපී ධම්මො උප්පජ්ජති හෙතුපච්චයා… හෙතුයා තීණි.

නහෙතුං නඅරූපිං ධම්මං පටිච්ච හෙතු අරූපී ධම්මො උප්පජ්ජති හෙතුපච්චයා… හෙතුයා තීණි.

12. නහෙතුං නලොකියං ධම්මං පටිච්ච නහෙතු ලොකියො ධම්මො උප්පජ්ජති හෙතුපච්චයා. නනහෙතුං නලොකියං ධම්මං පටිච්ච නහෙතු ලොකියො ධම්මො උප්පජ්ජති හෙතුපච්චයා (ගණිතකෙන තීණි.)

නහෙතුං නලොකුත්තරං ධම්මං පච්චයා හෙතු ලොකුත්තරො ධම්මො උප්පජ්ජති හෙතුපච්චයා… හෙතුයා තීණි.

13. නහෙතුං ¶ නකෙනචි විඤ්ඤෙය්යං ධම්මං පටිච්ච හෙතු කෙනචි විඤ්ඤෙය්යො ධම්මො උප්පජ්ජති හෙතුපච්චයා… හෙතුයා ¶ නව.

නහෙතුං නකෙනචි නවිඤ්ඤෙය්යං ධම්මං පටිච්ච හෙතු කෙනචි නවිඤ්ඤෙය්යො ධම්මො උප්පජ්ජති හෙතුපච්චයා… හෙතුයා නව.

1-13-18. හෙතුදුක-ආසවගොච්ඡකානි

14. නහෙතුං නොආසවං ධම්මං පටිච්ච හෙතු ආසවො ධම්මො උප්පජ්ජති හෙතුපච්චයා. නහෙතුං නොආසවං ධම්මං පටිච්ච නහෙතු ආසවො ධම්මො උප්පජ්ජති හෙතුපච්චයා. නහෙතුං නොආසවං ධම්මං පටිච්ච හෙතු ආසවො ච නහෙතු ආසවො ච ධම්මා උප්පජ්ජන්ති හෙතුපච්චයා. තීණි.

නනහෙතුං ¶ නොආසවං ධම්මං පටිච්ච හෙතු ආසවො ධම්මො උප්පජ්ජති හෙතුපච්චයා. එකං.

නහෙතුං නොආසවඤ්ච නනහෙතුං නොආසවඤ්ච ධම්මං පටිච්ච හෙතු ආසවො ධම්මො උප්පජ්ජති හෙතුපච්චයා. එකං. හෙතුයා පඤ්ච.

නහෙතුං නනොආසවං ධම්මං පටිච්ච නහෙතු නොආසවො ධම්මො උප්පජ්ජති හෙතුපච්චයා. එකං.

නනහෙතුං නනොආසවං ධම්මං පටිච්ච නහෙතු නොආසවො ධම්මො උප්පජ්ජති හෙතුපච්චයා. නනහෙතුං නනොආසවං ධම්මං පටිච්ච හෙතු නොආසවො ධම්මො උප්පජ්ජති හෙතුපච්චයා. නනහෙතුං නනොආසවං ධම්මං පටිච්ච හෙතු නොආසවො ච නහෙතු නොආසවො ච ධම්මා උප්පජ්ජන්ති හෙතුපච්චයා තීණි.

නහෙතුං නනොආසවඤ්ච ¶ නනහෙතුං නනොආසවඤ්ච ධම්මං පටිච්ච නහෙතු නොආසවො ධම්මො උප්පජ්ජති හෙතුපච්චයා. එකං. හෙතුයා පඤ්ච.

15. නහෙතුං නසාසවං ධම්මං පටිච්ච නහෙතු සාසවො ධම්මො උප්පජ්ජති හෙතුපච්චයා… හෙතුයා තීණි.

නහෙතුං ¶ නඅනාසවං ධම්මං පච්චයා හෙතු අනාසවො ධම්මො උප්පජ්ජති හෙතුපච්චයා… හෙතුයා තීණි.

16. නනහෙතුං නආසවසම්පයුත්තං ධම්මං පටිච්ච නහෙතු ආසවසම්පයුත්තො ධම්මො උප්පජ්ජති හෙතුපච්චයා… හෙතුයා තීණි.

නහෙතුං නආසවවිප්පයුත්තං ධම්මං පටිච්ච හෙතු ආසවවිප්පයුත්තො ධම්මො උප්පජ්ජති හෙතුපච්චයා… හෙතුයා නව.

17. නහෙතුං නආසවඤ්චෙව නඅනාසවඤ්ච ධම්මං පටිච්ච හෙතු ආසවො චෙව සාසවො ච ධම්මො උප්පජ්ජති හෙතුපච්චයා… හෙතුයා පඤ්ච.

නහෙතුං නඅනාසවඤ්චෙව නනො ච ආසවං ධම්මං පටිච්ච නහෙතු සාසවො චෙව නො ච ආසවො ධම්මො උප්පජ්ජති හෙතුපච්චයා… හෙතුයා ¶ පඤ්ච.

18. නහෙතුං ¶ නආසවඤ්චෙව නආසවවිප්පයුත්තඤ්ච ධම්මං පටිච්ච හෙතු ආසවො චෙව ආසවසම්පයුත්තො ච ධම්මො උප්පජ්ජති හෙතුපච්චයා… හෙතුයා තීණි.

නහෙතුං නආසවවිප්පයුත්තඤ්චෙව නනො ච ආසවං ධම්මං පටිච්ච නහෙතු ආසවසම්පයුත්තො චෙව නො ච ආසවො ධම්මො උප්පජ්ජති හෙතුපච්චයා… හෙතුයා තීණි.

19. නහෙතුං ආසවවිප්පයුත්තං නසාසවං ධම්මං පටිච්ච නහෙතු ආසවවිප්පයුත්තො සාසවො ධම්මො උප්පජ්ජති හෙතුපච්චයා… හෙතුයා තීණි.

නහෙතුං ආසවවිප්පයුත්තං නඅනාසවං ධම්මං පච්චයා හෙතු ආසවවිප්පයුත්තො අනාසවො ධම්මො උප්පජ්ජති හෙතුපච්චයා… හෙතුයා තීණි.

1-19. හෙතුදුක-සඤ්ඤොජනාදිගොච්ඡකානි

20. නහෙතුං ¶ ¶ නොසඤ්ඤොජනං ධම්මං පටිච්ච හෙතු සඤ්ඤොජනො ධම්මො උප්පජ්ජති හෙතුපච්චයා… හෙතුයා තීණි.

21. නහෙතුං නොගන්ථං ධම්මං පටිච්ච හෙතු ගන්ථො ධම්මො උප්පජ්ජති හෙතුපච්චයා… හෙතුයා නව.

22. නහෙතුං නොඔඝං ධම්මං පටිච්ච හෙතු ඔඝො ධම්මො උප්පජ්ජති හෙතුපච්චයා… හෙතුයා පඤ්ච.

23. නහෙතුං නොයොගං ධම්මං පටිච්ච හෙතු යොගො ධම්මො උප්පජ්ජති හෙතුපච්චයා… හෙතුයා පඤ්ච.

24. නහෙතුං නොනීවරණං ධම්මං පටිච්ච හෙතු නීවරණො ධම්මො උප්පජ්ජති හෙතුපච්චයා… හෙතුයා ¶ තීණි.

25. නහෙතුං නොපරාමාසං ධම්මං පටිච්ච නහෙතු පරාමාසො ධම්මො උප්පජ්ජති හෙතුපච්චයා… හෙතුයා තීණි.

1-54. හෙතුදුක-මහන්තරදුකං

26. නහෙතුං ¶ නසාරම්මණං ධම්මං පටිච්ච හෙතු සාරම්මණො ධම්මො උප්පජ්ජති හෙතුපච්චයා… හෙතුයා තීණි.

නහෙතුං නඅනාරම්මණං ධම්මං පටිච්ච නහෙතු අනාරම්මණො ධම්මො උප්පජ්ජති හෙතුපච්චයා… හෙතුයා තීණි.

27. නහෙතුං නොචිත්තං ධම්මං පටිච්ච නහෙතු චිත්තො ධම්මො උප්පජ්ජති හෙතුපච්චයා… හෙතුයා තීණි.

නහෙතුං නනොචිත්තං ධම්මං පටිච්ච හෙතු නොචිත්තො ධම්මො උප්පජ්ජති හෙතුපච්චයා… හෙතුයා තීණි.

28. නහෙතුං ¶ නචෙතසිකං ධම්මං පටිච්ච හෙතු චෙතසිකො ධම්මො උප්පජ්ජති හෙතුපච්චයා… හෙතුයා ¶ තීණි.

නහෙතුං නඅචෙතසිකං ධම්මං පටිච්ච නහෙතු අචෙතසිකො ධම්මො උප්පජ්ජති හෙතුපච්චයා… හෙතුයා තීණි.

29. නහෙතුං නචිත්තසම්පයුත්තං ධම්මං පටිච්ච හෙතු චිත්තසම්පයුත්තො ධම්මො උප්පජ්ජති හෙතුපච්චයා… හෙතුයා තීණි.

නහෙතුං නචිත්තවිප්පයුත්තං ධම්මං පටිච්ච නහෙතු චිත්තවිප්පයුත්තො ධම්මො උප්පජ්ජති හෙතුපච්චයා… හෙතුයා තීණි.

30. නහෙතුං නචිත්තසංසට්ඨං ධම්මං පටිච්ච හෙතු චිත්තසංසට්ඨො ධම්මො උප්පජ්ජති හෙතුපච්චයා… හෙතුයා තීණි.

නහෙතුං නචිත්තවිසංසට්ඨං ධම්මං පටිච්ච නහෙතු චිත්තවිසංසට්ඨො ධම්මො උප්පජ්ජති හෙතුපච්චයා… හෙතුයා තීණි.

31. නහෙතුං නොචිත්තසමුට්ඨානං ධම්මං පටිච්ච හෙතු චිත්තසමුට්ඨානො ¶ ධම්මො උප්පජ්ජති හෙතුපච්චයා… හෙතුයා තීණි.

නහෙතුං නනොචිත්තසමුට්ඨානං ධම්මං පටිච්ච හෙතු නොචිත්තසමුට්ඨානො ධම්මො උප්පජ්ජති හෙතුපච්චයා… හෙතුයා තීණි.

32. නහෙතුං ¶ නොචිත්තසහභුං ධම්මං පටිච්ච හෙතු චිත්තසහභූ ධම්මො උප්පජ්ජති හෙතුපච්චයා… හෙතුයා තීණි.

නහෙතුං නනොචිත්තසහභුං ධම්මං පටිච්ච නහෙතු නොචිත්තසහභූ ධම්මො උප්පජ්ජති හෙතුපච්චයා… හෙතුයා තීණි.

33. නහෙතුං නචිත්තානුපරිවත්තිං ධම්මං පටිච්ච හෙතු චිත්තානුපරිවත්තී ධම්මො උප්පජ්ජති හෙතුපච්චයා… හෙතුයා තීණි.

නහෙතුං ¶ නනොචිත්තානුපරිවත්තිං ධම්මං පටිච්ච නහෙතු නොචිත්තානුපරිවත්තී ධම්මො උප්පජ්ජති හෙතුපච්චයා… හෙතුයා තීණි.

34. නහෙතුං නචිත්තසංසට්ඨසමුට්ඨානං ධම්මං පටිච්ච හෙතු චිත්තසංසට්ඨසමුට්ඨානො ධම්මො උප්පජ්ජති හෙතුපච්චයා… හෙතුයා තීණි.

නහෙතුං ¶ නනොචිත්තසංසට්ඨසමුට්ඨානං ධම්මං පටිච්ච නහෙතු නොචිත්තසංසට්ඨසමුට්ඨානො ධම්මො උප්පජ්ජති හෙතුපච්චයා… හෙතුයා තීණි.

35. නහෙතුං නොචිත්තසංසට්ඨසමුට්ඨානසහභුං ධම්මං පටිච්ච හෙතු චිත්තසංසට්ඨසමුට්ඨානසහභූ ධම්මො උප්පජ්ජති හෙතුපච්චයා… හෙතුයා තීණි.

නහෙතුං නනොචිත්තසංසට්ඨසමුට්ඨානසහභුං ධම්මං පටිච්ච නහෙතු නොචිත්තසංසට්ඨසමුට්ඨානසහභූ ධම්මො උප්පජ්ජති හෙතුපච්චයා… හෙතුයා තීණි.

36. නහෙතුං නොචිත්තසංසට්ඨසමුට්ඨානානුපරිවත්තිං ධම්මං පටිච්ච හෙතු චිත්තසංසට්ඨසමුට්ඨානානුපරිවත්තී ධම්මො උප්පජ්ජති හෙතුපච්චයා… හෙතුයා තීණි.

නහෙතුං නනොචිත්තසංසට්ඨසමුට්ඨානානුපරිවත්තිං ධම්මං පටිච්ච නහෙතු නොචිත්තසංසට්ඨසමුට්ඨානානුපරිවත්තී ධම්මො උප්පජ්ජති හෙතුපච්චයා… හෙතුයා තීණි.

37. නහෙතුං ¶ නඅජ්ඣත්තිකං ධම්මං පටිච්ච නහෙතු අජ්ඣත්තිකො ධම්මො උප්පජ්ජති හෙතුපච්චයා… හෙතුයා තීණි.

නහෙතුං ¶ නබාහිරං ධම්මං පටිච්ච හෙතු බාහිරො ධම්මො උප්පජ්ජති හෙතුපච්චයා… හෙතුයා තීණි.

38. නහෙතුං නඋපාදා ධම්මං පටිච්ච නහෙතු උපාදා ධම්මො උප්පජ්ජති හෙතුපච්චයා… හෙතුයා තීණි.

නහෙතුං නනොඋපාදා ධම්මං පටිච්ච හෙතු නොඋපාදා ධම්මො උප්පජ්ජති හෙතුපච්චයා… හෙතුයා තීණි.

39. නහෙතුං ¶ නඅනුපාදින්නං ධම්මං පටිච්ච නහෙතු අනුපාදින්නො ධම්මො උප්පජ්ජති හෙතුපච්චයා… හෙතුයා තීණි.

1-68. හෙතුදුක-උපාදානගොච්ඡකං

40. නහෙතුං නඋපාදානං ධම්මං පටිච්ච හෙතු උපාදානො ධම්මො ¶ උප්පජ්ජති හෙතුපච්චයා… හෙතුයා නව.

1-74. හෙතුදුක-කිලෙසගොච්ඡකං

41. නහෙතුං නකිලෙසං ධම්මං පටිච්ච හෙතු කිලෙසො ධම්මො උප්පජ්ජති හෙතුපච්චයා… හෙතුයා තීණි.

1-82. හෙතුදුක-පිට්ඨිදුකං

42. නහෙතුං නදස්සනෙන පහාතබ්බං ධම්මං පච්චයා හෙතු දස්සනෙන පහාතබ්බො ධම්මො උප්පජ්ජති හෙතුපච්චයා… හෙතුයා තීණි.

නහෙතුං නනදස්සනෙන පහාතබ්බං ධම්මං පටිච්ච නහෙතු නදස්සනෙන පහාතබ්බො ධම්මො උප්පජ්ජති හෙතුපච්චයා… හෙතුයා තීණි.

43. නහෙතුං නභාවනාය පහාතබ්බං ධම්මං පච්චයා හෙතු භාවනාය පහාතබ්බො ධම්මො උප්පජ්ජති හෙතුපච්චයා… හෙතුයා තීණි.

නහෙතුං නනභාවනාය පහාතබ්බං ධම්මං පටිච්ච නහෙතු නභාවනාය ¶ පහාතබ්බො ධම්මො උප්පජ්ජති හෙතුපච්චයා… හෙතුයා තීණි.

44. නනහෙතුං නදස්සනෙන පහාතබ්බහෙතුකං ධම්මං පටිච්ච නහෙතු දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා… හෙතුයා එකං.

නහෙතුං ¶ ¶ නනදස්සනෙන පහාතබ්බහෙතුකං ධම්මං පටිච්ච නහෙතු නදස්සනෙන පහාතබ්බහෙතුකො ධම්මො උප්පජ්ජති හෙතුපච්චයා… හෙතුයා තීණි.

45. නනහෙතුං නභාවනාය පහාතබ්බහෙතුකං ධම්මං පටිච්ච නහෙතු භාවනාය පහාතබ්බහෙතුකො ධම්මො උප්පජ්ජති හෙතුපච්චයා… හෙතුයා එකං.

නහෙතුං නනභාවනාය පහාතබ්බහෙතුකං ධම්මං පටිච්ච නහෙතු නභාවනාය පහාතබ්බහෙතුකො ධම්මො උප්පජ්ජති හෙතුපච්චයා… හෙතුයා තීණි.

46. නහෙතුං නසවිතක්කං ධම්මං පටිච්ච හෙතු සවිතක්කො ධම්මො උප්පජ්ජති හෙතුපච්චයා… හෙතුයා ¶ තීණි. (සබ්බත්ථ සංඛිත්තං.)

47. නහෙතුං නසරණං ධම්මං පච්චයා හෙතු සරණො ධම්මො උප්පජ්ජති හෙතුපච්චයා… හෙතුයා තීණි.

නහෙතුං නඅරණං ධම්මං පටිච්ච නහෙතු අරණො ධම්මො උප්පජ්ජති හෙතුපච්චයා. නනහෙතුං නඅරණං ධම්මං පටිච්ච නහෙතු අරණො ධම්මො උප්පජ්ජති හෙතුපච්චයා. නහෙතුං නඅරණඤ්ච නනහෙතුං නඅරණඤ්ච ධම්මං පටිච්ච නහෙතු අරණො ධම්මො උප්පජ්ජති හෙතුපච්චයා. හෙතුයා තීණි.

2-1. සහෙතුකාදිදුකානි-හෙතුදුකං

48. නසහෙතුකං නහෙතුං ධම්මං පටිච්ච සහෙතුකො හෙතු ධම්මො උප්පජ්ජති හෙතුපච්චයා. නඅහෙතුකං නහෙතුං ධම්මං පටිච්ච සහෙතුකො හෙතු ධම්මො උප්පජ්ජති හෙතුපච්චයා. නසහෙතුකං නහෙතුඤ්ච නඅහෙතුකං නහෙතුඤ්ච ධම්මං පටිච්ච සහෙතුකො හෙතු ධම්මො උප්පජ්ජති හෙතුපච්චයා. හෙතුයා තීණි.

නසහෙතුකං ¶ නනහෙතුං ධම්මං පටිච්ච සහෙතුකො නහෙතු ධම්මො උප්පජ්ජති හෙතුපච්චයා… තීණි.

නඅහෙතුකං ¶ නනහෙතුං ධම්මං පටිච්ච අහෙතුකො නහෙතු ධම්මො උප්පජ්ජති හෙතුපච්චයා… තීණි. හෙතුයා ඡ.

49. නහෙතුසම්පයුත්තං නහෙතුං ධම්මං පටිච්ච හෙතුසම්පයුත්තො හෙතු ධම්මො උප්පජ්ජති හෙතුපච්චයා… තීණි. (සහෙතුකදුකසදිසං.)

50. නහෙතුඤ්චෙව ¶ නඅහෙතුකං නහෙතුං ධම්මං පටිච්ච හෙතු චෙව සහෙතුකො ච හෙතු ධම්මො උප්පජ්ජති හෙතුපච්චයා. හෙතුයා එකං.

නඅහෙතුකඤ්චෙව නන ච හෙතුං නනහෙතුං ධම්මං පටිච්ච සහෙතුකො චෙව න ච හෙතු නහෙතු ධම්මො උප්පජ්ජති හෙතුපච්චයා. හෙතුයා එකං.

51. නහෙතුඤ්චෙව නහෙතුවිප්පයුත්තඤ්ච නහෙතුං ධම්මං පටිච්ච හෙතු චෙව හෙතුසම්පයුත්තො ච හෙතු ධම්මො උප්පජ්ජති හෙතුපච්චයා. හෙතුයා එකං.

නහෙතුවිප්පයුත්තඤ්චෙව නනහෙතුඤ්ච නනහෙතුං ධම්මං පටිච්ච හෙතුසම්පයුත්තො චෙව න ච හෙතු නහෙතු ධම්මො උප්පජ්ජති හෙතුපච්චයා. හෙතුයා ¶ එකං. (අන්තිමදුකං න ලබ්භති.)

7-13-1. චූළන්තරදුකානි-හෙතුදුකං

52. නඅප්පච්චයං නහෙතුං ධම්මං පටිච්ච සප්පච්චයො හෙතු ධම්මො උප්පජ්ජති හෙතුපච්චයා. හෙතුයා එකං.

නඅප්පච්චයං නනහෙතුං ධම්මං පටිච්ච සප්පච්චයො නහෙතු ධම්මො උප්පජ්ජති හෙතුපච්චයා. හෙතුයා එකං. (සඞ්ඛතං සප්පච්චයසදිසං.)

53. නසනිදස්සනං නහෙතුං ධම්මං පටිච්ච අනිදස්සනො හෙතු ධම්මො උප්පජ්ජති හෙතුපච්චයා. හෙතුයා එකං.

නසනිදස්සනං නනහෙතුං ධම්මං පටිච්ච සනිදස්සනො නහෙතු ධම්මො උප්පජ්ජති හෙතුපච්චයා. හෙතුයා තීණි.

54. නසප්පටිඝං ¶ නහෙතුං ධම්මං පටිච්ච අප්පටිඝො හෙතු ධම්මො උප්පජ්ජති හෙතුපච්චයා. හෙතුයා ¶ එකං.

නසප්පටිඝං නනහෙතුං ධම්මං පටිච්ච සප්පටිඝො නහෙතු ධම්මො උප්පජ්ජති හෙතුපච්චයා… හෙතුයා තීණි.

55. නරූපිං නහෙතුං ධම්මං පටිච්ච අරූපී හෙතු ධම්මො උප්පජ්ජති හෙතුපච්චයා… හෙතුයා තීණි.

නරූපිං ¶ නනහෙතුං ධම්මං පටිච්ච අරූපී නහෙතු ධම්මො උප්පජ්ජති හෙතුපච්චයා… ගණිතකෙන තීණි.

56. නලොකියං නහෙතුං ධම්මං පටිච්ච ලොකුත්තරො හෙතු ධම්මො උප්පජ්ජති හෙතුපච්චයා. එකං.

නලොකුත්තරං නහෙතුං ධම්මං පටිච්ච ලොකියො හෙතු ධම්මො උප්පජ්ජති හෙතුපච්චයා. එකං. හෙතුයා ද්වෙ.

නලොකියං නනහෙතුං ධම්මං පටිච්ච ලොකියො නහෙතු ධම්මො උප්පජ්ජති හෙතුපච්චයා… තීණි.

නලොකුත්තරං නනහෙතුං ධම්මං පටිච්ච ලොකියො නහෙතු ධම්මො උප්පජ්ජති හෙතුපච්චයා. එකං. හෙතුයා චත්තාරි.

57. නකෙනචි විඤ්ඤෙය්යං නහෙතුං ධම්මං පටිච්ච කෙනචි විඤ්ඤෙය්යො හෙතු ධම්මො උප්පජ්ජති හෙතුපච්චයා… හෙතුයා ¶ නව.

නකෙනචි නවිඤ්ඤෙය්යං නනහෙතුං ධම්මං පටිච්ච කෙනචි නවිඤ්ඤෙය්යො නහෙතු ධම්මො උප්පජ්ජති හෙතුපච්චයා… හෙතුයා නව.

14-1. ආසවගොච්ඡක-හෙතුදුකං

58. නොආසවං නහෙතුං ධම්මං පටිච්ච ආසවො හෙතු ධම්මො උප්පජ්ජති හෙතුපච්චයා… තීණි.

නනොආසවං ¶ නහෙතුං ධම්මං පටිච්ච ආසවො හෙතු ධම්මො උප්පජ්ජති හෙතුපච්චයා. එකං.

නොආසවං නහෙතුඤ්ච නනොආසවං නහෙතුඤ්ච ධම්මං පටිච්ච ආසවො හෙතු ධම්මො උප්පජ්ජති හෙතුපච්චයා. එකං. හෙතුයා පඤ්ච.

නොආසවං නනහෙතුං ධම්මං පටිච්ච නොආසවො නහෙතු ධම්මො උප්පජ්ජති හෙතුපච්චයා. එකං.

නනොආසවං නනහෙතුං ධම්මං පටිච්ච නොආසවො නහෙතු ධම්මො උප්පජ්ජති හෙතුපච්චයා… තීණි.

නොආසවං ¶ නනහෙතුඤ්ච නනොආසවං නනහෙතුඤ්ච ධම්මං පටිච්ච නොආසවො නහෙතු ධම්මො උප්පජ්ජති හෙතුපච්චයා. එකං. හෙතුයා පඤ්ච.

55-1. මහන්තරදුක-හෙතුදුකං

59. නසාරම්මණං නහෙතුං ධම්මං පටිච්ච සාරම්මණො හෙතු ධම්මො උප්පජ්ජති හෙතුපච්චයා… හෙතුයා ¶ තීණි.

නඅනාරම්මණං නනහෙතුං ධම්මං පටිච්ච සාරම්මණො නහෙතු ධම්මො උප්පජ්ජති හෙතුපච්චයා… හෙතුයා තීණි. (සංඛිත්තං.)

100-1. සරණදුක-හෙතුදුකං

60. නසරණං නහෙතුං ධම්මං පටිච්ච අරණො හෙතු ධම්මො උප්පජ්ජති හෙතුපච්චයා. නඅරණං නහෙතුං ධම්මං පටිච්ච සරණො හෙතු ධම්මො උප්පජ්ජති හෙතුපච්චයා. හෙතුයා ද්වෙ.

නසරණං නනහෙතුං ධම්මං පටිච්ච අරණො නහෙතු ධම්මො උප්පජ්ජති හෙතුපච්චයා. (1)

නඅරණං නනහෙතුං ධම්මං පටිච්ච අරණො නහෙතු ධම්මො උප්පජ්ජති හෙතුපච්චයා. නඅරණං නනහෙතුං ධම්මං පටිච්ච සරණො නහෙතු ධම්මො උප්පජ්ජති හෙතුපච්චයා. නඅරණං නනහෙතුං ධම්මං පටිච්ච සරණො නහෙතු ච අරණො නහෙතු ච ධම්මා උප්පජ්ජන්ති හෙතුපච්චයා… තීණි. (සංඛිත්තං.)

100-2. සරණදුක-සහෙතුකදුකං

61. නසරණං ¶ නසහෙතුකං ධම්මං පටිච්ච අරණො සහෙතුකො ධම්මො උප්පජ්ජති හෙතුපච්චයා. නඅරණං නසහෙතුකං ධම්මං පටිච්ච සරණො සහෙතුකො ධම්මො උප්පජ්ජති හෙතුපච්චයා. හෙතුයා ද්වෙ.

62. නසරණං නඅහෙතුකං ධම්මං පටිච්ච අරණො අහෙතුකො ධම්මො ¶ උප්පජ්ජති හෙතුපච්චයා. නඅරණං නඅහෙතුකං ධම්මං පටිච්ච අරණො අහෙතුකො ධම්මො උප්පජ්ජති හෙතුපච්චයා. හෙතුයා ද්වෙ.

100-3. සරණදුක-හෙතුසම්පයුත්තදුකං

63. නසරණං ¶ නහෙතුසම්පයුත්තං ධම්මං පටිච්ච අරණො හෙතුසම්පයුත්තො ධම්මො උප්පජ්ජති හෙතුපච්චයා. නඅරණං නහෙතුසම්පයුත්තං ධම්මං පටිච්ච සරණො හෙතුසම්පයුත්තො ධම්මො උප්පජ්ජති හෙතුපච්චයා. හෙතුයා ද්වෙ.

64. නසරණං නහෙතුවිප්පයුත්තං ධම්මං පටිච්ච අරණො හෙතුවිප්පයුත්තො ධම්මො උප්පජ්ජති හෙතුපච්චයා. නඅරණං නහෙතුවිප්පයුත්තං ධම්මං පටිච්ච අරණො හෙතුවිප්පයුත්තො ධම්මො උප්පජ්ජති හෙතුපච්චයා. හෙතුයා ද්වෙ.

100-4. සරණදුක-හෙතුසහෙතුකදුකාදි

65. නසරණං නහෙතුඤ්චෙව නඅහෙතුකඤ්ච ධම්මං පටිච්ච අරණො හෙතු චෙව සහෙතුකො ච ධම්මො උප්පජ්ජති හෙතුපච්චයා. නඅරණං නහෙතුඤ්චෙව නඅහෙතුකඤ්ච ධම්මං පටිච්ච සරණො හෙතු චෙව සහෙතුකො ච ධම්මො උප්පජ්ජති හෙතුපච්චයා. හෙතුයා ද්වෙ.

නසරණං නඅහෙතුකඤ්චෙව නනහෙතුඤ්ච ධම්මං පටිච්ච අරණො සහෙතුකො චෙව න ච හෙතු ධම්මො උප්පජ්ජති හෙතුපච්චයා. නඅරණං නඅහෙතුකඤ්චෙව නනහෙතුඤ්ච ධම්මං පටිච්ච සරණො සහෙතුකො චෙව න ච හෙතු ධම්මො උප්පජ්ජති හෙතුපච්චයා. හෙතුයා ¶ ද්වෙ. (හෙතුහෙතුසම්පයුත්තදුකං සංඛිත්තං.)

100-6. සරණදුක-නහෙතුසහෙතුකදුකං

66. නසරණං ¶ නහෙතුං නසහෙතුකං ධම්මං පටිච්ච අරණො නහෙතු සහෙතුකො ධම්මො උප්පජ්ජති හෙතුපච්චයා. හෙතුයා එකං.

නසරණං නහෙතුං නඅහෙතුකං ධම්මං පටිච්ච අරණො නහෙතු අහෙතුකො ධම්මො උප්පජ්ජති හෙතුපච්චයා. එකං.

නඅරණං නහෙතුං නඅහෙතුකං ධම්මං පටිච්ච අරණො නහෙතු අහෙතුකො ධම්මො උප්පජ්ජති හෙතුපච්චයා. එකං. හෙතුයා ද්වෙ.

100-7. සරණදුක-චූළන්තරදුකං

67. නසරණො ¶ නසප්පච්චයො ධම්මො අරණස්ස සප්පච්චයස්ස ධම්මස්ස ආරම්මණපච්චයෙන පච්චයො. ආරම්මණෙ එකං.

68. නසරණො නසඞ්ඛතො ධම්මො… (සංඛිත්තං).

69. නසරණං නසනිදස්සනං ධම්මං පටිච්ච අරණො සනිදස්සනො ධම්මො උප්පජ්ජති හෙතුපච්චයා… හෙතුයා තීණි.

නසරණො නඅනිදස්සනො ධම්මො සරණස්ස අනිදස්සනස්ස ධම්මස්ස ආරම්මණපච්චයෙන පච්චයො. නසරණො නඅනිදස්සනො ධම්මො අරණස්ස අනිදස්සනස්ස ධම්මස්ස ආරම්මණපච්චයෙන පච්චයො. ආරම්මණෙ ද්වෙ.

70. නසරණං ¶ නසප්පටිඝං ධම්මං පටිච්ච අරණො සප්පටිඝො ධම්මො උප්පජ්ජති හෙතුපච්චයා… හෙතුයා තීණි.

71. නසරණං නරූපිං ධම්මං පටිච්ච අරණො රූපී ධම්මො උප්පජ්ජති හෙතුපච්චයා. නඅරණං නරූපිං ධම්මං පටිච්ච අරණො රූපී ධම්මො උප්පජ්ජති හෙතුපච්චයා. හෙතුයා ද්වෙ.

නසරණං නඅරූපිං ධම්මං පච්චයා සරණො අරූපී ධම්මො උප්පජ්ජති හෙතුපච්චයා. නසරණං නඅරූපිං ධම්මං පච්චයා අරණො අරූපී ධම්මො උප්පජ්ජති හෙතුපච්චයා. හෙතුයා ද්වෙ.

72. නසරණං ¶ නලොකියං ධම්මං පටිච්ච අරණො ලොකියො ධම්මො උප්පජ්ජති හෙතුපච්චයා. හෙතුයා එකං.

නසරණං නලොකුත්තරං ධම්මං පච්චයා අරණො ලොකුත්තරො ධම්මො උප්පජ්ජති හෙතුපච්චයා. හෙතුයා එකං.

73. නසරණං නකෙනචි විඤ්ඤෙය්යං ධම්මං පටිච්ච අරණො කෙනචි විඤ්ඤෙය්යො ¶ ධම්මො උප්පජ්ජති හෙතුපච්චයා… හෙතුයා පඤ්ච.

නසරණං නකෙනචි නවිඤ්ඤෙය්යං ධම්මං පටිච්ච අරණො කෙනචි නවිඤ්ඤෙය්යො ධම්මො උප්පජ්ජති හෙතුපච්චයා… හෙතුයා පඤ්ච.

100-14-54. සරණදුක-ආසවගොච්ඡකාදි

74. නඅරණං ¶ නආසවං ධම්මං පටිච්ච සරණො ආසවො ධම්මො උප්පජ්ජති හෙතුපච්චයා. හෙතුයා එකං.

75. නඅරණං නසඤ්ඤොජනං ධම්මං පටිච්ච සරණො සඤ්ඤොජනො ධම්මො උප්පජ්ජති හෙතුපච්චයා. හෙතුයා එකං.

76. නඅරණං නගන්ථං ධම්මං පටිච්ච සරණො ගන්ථො ධම්මො උප්පජ්ජති හෙතුපච්චයා. හෙතුයා එකං.

77. නඅරණං නඔඝං ධම්මං පටිච්ච සරණො ඔඝො ධම්මො උප්පජ්ජති හෙතුපච්චයා. හෙතුයා ¶ එකං.

78. නඅරණං නොයොගං ධම්මං පටිච්ච සරණො යොගො ධම්මො උප්පජ්ජති හෙතුපච්චයා. හෙතුයා එකං.

79. නඅරණං නනීවරණං ධම්මං පටිච්ච සරණො නීවරණො ධම්මො උප්පජ්ජති හෙතුපච්චයා. හෙතුයා එකං.

80. නඅරණං නපරාමාසං ධම්මං පටිච්ච සරණො පරාමාසො ධම්මො උප්පජ්ජති හෙතුපච්චයා. හෙතුයා එකං.

100-55-82. සරණදුක-මහන්තරදුකාදි

81. නසරණං ¶ නසාරම්මණං ධම්මං පටිච්ච අරණො සාරම්මණො ධම්මො උප්පජ්ජති හෙතුපච්චයා. හෙතුයා එකං.

නසරණං නඅනාරම්මණං ධම්මං පටිච්ච අරණො අනාරම්මණො ධම්මො උප්පජ්ජති හෙතුපච්චයා. නඅරණං නඅනාරම්මණං ධම්මං පටිච්ච අරණො අනාරම්මණො ධම්මො උප්පජ්ජති හෙතුපච්චයා. හෙතුයා ද්වෙ.

82. නසරණං ¶ නචිත්තං ධම්මං පටිච්ච අරණො චිත්තො ධම්මො උප්පජ්ජති හෙතුපච්චයා. නඅරණං නචිත්තං ධම්මං පටිච්ච සරණො චිත්තො ධම්මො උප්පජ්ජති හෙතුපච්චයා. හෙතුයා ද්වෙ. (සංඛිත්තං.)

83. නසරණං ¶ නචෙතසිකං ධම්මං පටිච්ච අරණො චෙතසිකො ධම්මො උප්පජ්ජති හෙතුපච්චයා. නඅරණං නචෙතසිකං ධම්මං පටිච්ච සරණො චෙතසිකො ධම්මො උප්පජ්ජති හෙතුපච්චයා. හෙතුයා ද්වෙ.

84. නසරණං නචිත්තසම්පයුත්තං ධම්මං පටිච්ච අරණො චිත්තසම්පයුත්තො ධම්මො උප්පජ්ජති හෙතුපච්චයා. නඅරණං නචිත්තසම්පයුත්තං ධම්මං පටිච්ච සරණො චිත්තසම්පයුත්තො ධම්මො උප්පජ්ජති හෙතුපච්චයා. හෙතුයා ද්වෙ.

85. නසරණං නචිත්තසංසට්ඨං ධම්මං පටිච්ච අරණො චිත්තසංසට්ඨො ධම්මො උප්පජ්ජති හෙතුපච්චයා. නඅරණං නචිත්තසංසට්ඨං ධම්මං පටිච්ච සරණො චිත්තසංසට්ඨො ධම්මො උප්පජ්ජති හෙතුපච්චයා. හෙතුයා ද්වෙ.

100-83. සරණදුක-පිට්ඨිදුකං

86. නසරණං නදස්සනෙන පහාතබ්බං ධම්මං පටිච්ච සරණො දස්සනෙන පහාතබ්බො ධම්මො උප්පජ්ජති හෙතුපච්චයා. හෙතුයා එකං.

නඅරණං නනදස්සනෙන පහාතබ්බං ධම්මං පටිච්ච අරණො නදස්සනෙන පහාතබ්බො ධම්මො උප්පජ්ජති හෙතුපච්චයා. හෙතුයා ¶ එකං. (සංඛිත්තං.)

87. නසරණං ¶ නසඋත්තරං ධම්මං පටිච්ච අරණො සඋත්තරො ධම්මො උප්පජ්ජති හෙතුපච්චයා. හෙතුයා එකං.

(සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි පටිච්චවාරසදිසං.)

පඤ්හාවාරො

හෙතු-ආරම්මණපච්චයා

88. නසරණො නසඋත්තරො ධම්මො අරණස්ස සඋත්තරස්ස ධම්මස්ස හෙතුපච්චයෙන පච්චයො. එකං.

නසරණො නසඋත්තරො ධම්මො අරණස්ස සඋත්තරස්ස ධම්මස්ස ආරම්මණපච්චයෙන පච්චයො. එකං. හෙතුයා එකං.

පච්චනීයුද්ධාරො

89. නසරණො ¶ නසඋත්තරො ධම්මො අරණස්ස සඋත්තරස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො… (සංඛිත්තං.) නහෙතුයා ¶ එකං, නආරම්මණෙ එකං.

හෙතුපච්චයා නආරම්මණෙ එකං. (සංඛිත්තං.)

නහෙතුපච්චයා ආරම්මණෙ එකං. (සංඛිත්තං.)

(යථා කුසලත්තිකෙ පඤ්හාවාරං එවං විත්ථාරෙතබ්බං.)

අනුත්තරපදං

හෙතු-අනන්තරපච්චයා

90. නසරණං නඅනුත්තරං ධම්මං පච්චයා අරණො අනුත්තරො ධම්මො උප්පජ්ජති හෙතුපච්චයා. හෙතුයා එකං…පෙ… අවිගතෙ එකං.

91. නසරණො ¶ නඅනුත්තරො ධම්මො අරණස්ස අනුත්තරස්ස ධම්මස්ස අනන්තරපච්චයෙන පච්චයො. අනන්තරෙ එකං, සමනන්තරෙ එකං, උපනිස්සයෙ ද්වෙ, පුරෙජාතෙ එකං, ආසෙවනෙ එකං, විප්පයුත්තෙ එකං, අත්ථියා එකං, නත්ථියා එකං, විගතෙ එකං, අවිගතෙ එකං.

පච්චනීයුද්ධාරො

92. නසරණො නඅනුත්තරො ධම්මො අරණස්ස අනුත්තරස්ස ධම්මස්ස උපනිස්සයපච්චයෙන පච්චයො… පුරෙජාතපච්චයෙන පච්චයො.

නඅරණො නඅනුත්තරො ධම්මො අරණස්ස අනුත්තරස්ස ධම්මස්ස උපනිස්සයපච්චයෙන පච්චයො. නහෙතුයා ද්වෙ, නආරම්මණෙ ද්වෙ…පෙ… නඋපනිස්සයෙ එකං, නපුරෙජාතෙ ද්වෙ…පෙ… නොඅවිගතෙ ද්වෙ.

උපනිස්සයපච්චයා නහෙතුයා ද්වෙ. (සංඛිත්තං.)

නහෙතුපච්චයා ¶ ¶ උපනිස්සයෙ ද්වෙ, පුරෙජාතෙ එකං…පෙ… අත්ථියා එකං…පෙ… අවිගතෙ එකං. (සංඛිත්තං.)

(යථා කුසලත්තිකෙ පඤ්හාවාරං එවං විත්ථාරෙතබ්බං.)

අනුලොමදුකතිකපට්ඨානතො පට්ඨාය යාව පරියොසානා තිංසමත්තෙහි භාණවාරෙහි පට්ඨානං.

ධම්මපච්චනීයානුලොමෙ දුකදුකපට්ඨානං නිට්ඨිතං.

පච්චනීයානුලොමපට්ඨානං නිට්ඨිතං.

පට්ඨානපකරණං නිට්ඨිතං.