📜

ධම්මපච්චනීයෙ තිකපට්ඨානං

1. කුසලත්තිකං

1-6. පටිච්චවාරාදි

පච්චයචතුක්කං

හෙතු-ආරම්මණපච්චයා

1. නකුසලං ¶ ¶ ¶ ධම්මං පටිච්ච නකුසලො ධම්මො උප්පජ්ජති හෙතුපච්චයා – අකුසලං අබ්යාකතං එකං ඛන්ධං පටිච්ච අකුසලා අබ්යාකතා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. නකුසලං ධම්මං පටිච්ච නඅකුසලො ධම්මො උප්පජ්ජති හෙතුපච්චයා. නකුසලං ධම්මං පටිච්ච නඅබ්යාකතො ධම්මො උප්පජ්ජති හෙතුපච්චයා. නකුසලං ධම්මං පටිච්ච නකුසලො ච නඅබ්යාකතො ච ධම්මා උප්පජ්ජන්ති හෙතුපච්චයා. නකුසලං ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති හෙතුපච්චයා. පඤ්ච.

2. නඅකුසලං ධම්මං පටිච්ච නඅකුසලො ධම්මො උප්පජ්ජති හෙතුපච්චයා. නඅකුසලං ධම්මං පටිච්ච නකුසලො ධම්මො උප්පජ්ජති හෙතුපච්චයා. නඅකුසලං ධම්මං පටිච්ච නඅබ්යාකතො ධම්මො උප්පජ්ජති හෙතුපච්චයා ¶ . නඅකුසලං ධම්මං පටිච්ච නඅකුසලො ච නඅබ්යාකතො ච ධම්මා ¶ උප්පජ්ජන්ති හෙතුපච්චයා. නඅකුසලං ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති හෙතුපච්චයා. පඤ්ච.

3. නඅබ්යාකතං ¶ ධම්මං පටිච්ච නඅබ්යාකතො ධම්මො උප්පජ්ජති හෙතුපච්චයා. නඅබ්යාකතං ධම්මං පටිච්ච නකුසලො ධම්මො උප්පජ්ජති හෙතුපච්චයා. නඅබ්යාකතං ධම්මං පටිච්ච නඅකුසලො ධම්මො උප්පජ්ජති හෙතුපච්චයා. නඅබ්යාකතං ධම්මං පටිච්ච නකුසලො ච නඅබ්යාකතො ච ධම්මා උප්පජ්ජන්ති හෙතුපච්චයා. නඅබ්යාකතං ධම්මං පටිච්ච නඅකුසලො ච නඅබ්යාකතො ච ධම්මා උප්පජ්ජන්ති හෙතුපච්චයා. නඅබ්යාකතං ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති හෙතුපච්චයා. ඡ.

4. නකුසලඤ්ච නඅබ්යාකතඤ්ච ධම්මං පටිච්ච නකුසලො ධම්මො උප්පජ්ජති හෙතුපච්චයා. නකුසලඤ්ච නඅබ්යාකතඤ්ච ධම්මං පටිච්ච නඅකුසලො ධම්මො උප්පජ්ජති හෙතුපච්චයා. නකුසලඤ්ච නඅබ්යාකතඤ්ච ධම්මං පටිච්ච නඅබ්යාකතො ධම්මො උප්පජ්ජති හෙතුපච්චයා. නකුසලඤ්ච නඅබ්යාකතඤ්ච ධම්මං පටිච්ච නකුසලො ච නඅබ්යාකතො ච ධම්මා උප්පජ්ජන්ති හෙතුපච්චයා. නකුසලඤ්ච නඅබ්යාකතඤ්ච ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති හෙතුපච්චයා. පඤ්ච.

5. නඅකුසලඤ්ච නඅබ්යාකතඤ්ච ධම්මං පටිච්ච නකුසලො ධම්මො උප්පජ්ජති ¶ හෙතුපච්චයා. නඅකුසලඤ්ච නඅබ්යාකතඤ්ච ධම්මං පටිච්ච නඅකුසලො ධම්මො උප්පජ්ජති හෙතුපච්චයා. නඅකුසලඤ්ච නඅබ්යාකතඤ්ච ධම්මං පටිච්ච නඅබ්යාකතො ධම්මො උප්පජ්ජති හෙතුපච්චයා. නඅකුසලඤ්ච නඅබ්යාකතඤ්ච ධම්මං පටිච්ච නඅකුසලො ච නඅබ්යාකතො ච ධම්මා උප්පජ්ජන්ති හෙතුපච්චයා. නඅකුසලඤ්ච නඅබ්යාකතඤ්ච ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති හෙතුපච්චයා. පඤ්ච.

6. නකුසලඤ්ච නඅකුසලඤ්ච ධම්මං පටිච්ච නකුසලො ධම්මො උප්පජ්ජති හෙතුපච්චයා. නකුසලඤ්ච නඅකුසලඤ්ච ධම්මං පටිච්ච නඅකුසලො ධම්මො උප්පජ්ජති හෙතුපච්චයා. නකුසලඤ්ච නඅකුසලඤ්ච ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති හෙතුපච්චයා. තීණි.

නකුසලං ධම්මං පටිච්ච නකුසලො ධම්මො උප්පජ්ජති ආරම්මණපච්චයා. (සංඛිත්තං.)

7. හෙතුයා ¶ එකූනතිංස, ආරම්මණෙ චතුවීස…පෙ… අවිගතෙ එකූනතිංස.

(සහජාතවාරම්පි ¶ පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි පටිච්චවාරසදිසං.)

1. කුසලත්තිකං

7. පඤ්හාවාරො

පච්චයචතුක්කං

හෙතුආරම්මණපච්චයාදි

8. නකුසලො ධම්මො නකුසලස්ස ධම්මස්ස හෙතුපච්චයෙන පච්චයො…පෙ…. නකුසලො ¶ ධම්මො නකුසලස්ස ධම්මස්ස ආරම්මණපච්චයෙන පච්චයො. නකුසලො ධම්මො නඅකුසලස්ස ධම්මස්ස ආරම්මණපච්චයෙන පච්චයො. නකුසලො ධම්මො නඅබ්යාකතස්ස ධම්මස්ස ආරම්මණපච්චයෙන පච්චයො. නකුසලො ධම්මො නකුසලස්ස ච නඅබ්යාකතස්ස ච ධම්මස්ස ආරම්මණපච්චයෙන පච්චයො. නකුසලො ධම්මො නඅකුසලස්ස ච නඅබ්යාකතස්ස ච ධම්මස්ස ආරම්මණපච්චයෙන පච්චයො. නකුසලො ධම්මො නකුසලස්ස ච නඅකුසලස්ස ච ධම්මස්ස ආරම්මණපච්චයෙන පච්චයො. ඡ.

නඅකුසලො ධම්මො නඅකුසලස්ස ධම්මස්ස ආරම්මණපච්චයෙන පච්චයො…. ඡ.

නඅබ්යාකතො ධම්මො නඅබ්යාකතස්ස ධම්මස්ස ආරම්මණපච්චයෙන පච්චයො…. ඡ.

නකුසලො ච නඅබ්යාකතො ච ධම්මා නකුසලස්ස ධම්මස්ස ආරම්මණපච්චයෙන පච්චයො…. ඡ.

නඅකුසලො ච නඅබ්යාකතො ච ධම්මා නකුසලස්ස ධම්මස්ස ආරම්මණපච්චයෙන පච්චයො…. ඡ.

නකුසලො ච නඅකුසලො ච ධම්මා නකුසලස්ස ධම්මස්ස ආරම්මණපච්චයෙන පච්චයො…. ඡ.

9. නකුසලො ¶ ධම්මො නකුසලස්ස ධම්මස්ස අධිපතිපච්චයෙන පච්චයො… අනන්තරපච්චයෙන පච්චයො… සමනන්තරපච්චයෙන පච්චයො… සහජාතපච්චයෙන පච්චයො… අඤ්ඤමඤ්ඤපච්චයෙන පච්චයො… නිස්සයපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. නකුසලො ධම්මො නඅකුසලස්ස ධම්මස්ස පුරෙජාතපච්චයෙන පච්චයො…පෙ… නකුසලො ධම්මො නකුසලස්ස ¶ ච නඅකුසලස්ස ච ධම්මස්ස පුරෙජාතපච්චයෙන පච්චයො. ඡ.

නඅකුසලො ¶ ධම්මො නඅකුසලස්ස ධම්මස්ස පුරෙජාතපච්චයෙන පච්චයො. නඅකුසලො ධම්මො නකුසලස්ස ධම්මස්ස පුරෙජාතපච්චයෙන පච්චයො…පෙ… නඅකුසලො ධම්මො නකුසලස්ස ච නඅකුසලස්ස ච ධම්මස්ස පුරෙජාතපච්චයෙන පච්චයො. ඡ.

නකුසලො ච නඅකුසලො ච ධම්මා නකුසලස්ස ධම්මස්ස පුරෙජාතපච්චයෙන පච්චයො. නකුසලො ච නඅකුසලො ච ධම්මා නඅකුසලස්ස ධම්මස්ස පුරෙජාතපච්චයෙන පච්චයො…පෙ… නකුසලො ච නඅකුසලො ච ධම්මා නකුසලස්ස ච නඅකුසලස්ස ච ධම්මස්ස පුරෙජාතපච්චයෙන පච්චයො. ඡ. (සංඛිත්තං.)

10. හෙතුයා එකූනතිංස, ආරම්මණෙ ඡත්තිංස, අධිපතියා පඤ්චතිංස, අනන්තරෙ චතුත්තිංස, සමනන්තරෙ චතුත්තිංස, සහජාතෙ එකූනතිංස, අඤ්ඤමඤ්ඤෙ චතුවීස, නිස්සයෙ චතුත්තිංස, උපනිස්සයෙ ඡත්තිංස, පුරෙජාතෙ අට්ඨාරස, පච්ඡාජාතෙ අට්ඨාරස, ආසෙවනෙ චතුවීස, කම්මෙ එකූනතිංස, විපාකෙ නව, ආහාරෙ එකූනතිංස…පෙ… අවිගතෙ චතුත්තිංස.

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං එවං ගණෙතබ්බං.)

2. වෙදනාත්තිකං

1-7. පටිච්චවාරාදි

11. නසුඛාය වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නසුඛාය වෙදනාය සම්පයුත්තං ¶ ධම්මං පටිච්ච නදුක්ඛාය වෙදනාය සම්පයුත්තො ¶ ධම්මො උප්පජ්ජති හෙතුපච්චයා. නසුඛාය වෙදනාය සම්පයුත්තං ධම්මං පටිච්ච නඅදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නසුඛාය වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ච නඅදුක්ඛමසුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. නසුඛාය වෙදනාය සම්පයුත්තං ධම්මං පටිච්ච නදුක්ඛාය වෙදනාය සම්පයුත්තො ච නඅදුක්ඛමසුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. නසුඛාය වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ච නදුක්ඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. නසුඛාය ¶ වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ච නදුක්ඛාය වෙදනාය සම්පයුත්තො ච නඅදුක්ඛමසුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. (7)

නදුක්ඛාය වෙදනාය සම්පයුත්තං ධම්මං පටිච්ච නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා… සත්ත.

නඅදුක්ඛමසුඛාය වෙදනාය සම්පයුත්තං ධම්මං පටිච්ච නඅදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා… සත්ත. (සංඛිත්තං.)

3. විපාකත්තිකං

1-7. පටිච්චවාරාදි

12. නවිපාකං ධම්මං පටිච්ච නවිපාකො ධම්මො උප්පජ්ජති හෙතුපච්චයා…පෙ….

නවිපාකධම්මධම්මං පටිච්ච නවිපාකධම්මධම්මො උප්පජ්ජති හෙතුපච්චයා…පෙ….

නනෙවවිපාකනවිපාකධම්මධම්මං පටිච්ච නනෙවවිපාකනවිපාකධම්මධම්මො ¶ උප්පජ්ජති හෙතුපච්චයා. (සංඛිත්තං.)

4. උපාදින්නත්තිකං

1-7. පටිච්චවාරාදි

13. නඋපාදින්නුපාදානියං ¶ ධම්මං පටිච්ච නඋපාදින්නුපාදානියො ධම්මො උප්පජ්ජති හෙතුපච්චයා…පෙ….

නඅනුපාදින්නුපාදානියං ධම්මං පටිච්ච නඅනුපාදින්නුපාදානියො ධම්මො උප්පජ්ජති හෙතුපච්චයා…පෙ….

නඅනුපාදින්නඅනුපාදානියං ධම්මං පටිච්ච නඅනුපාදින්නඅනුපාදානියො ධම්මො උප්පජ්ජති හෙතුපච්චයා. (සංඛිත්තං.)

5. සංකිලිට්ඨත්තිකං

1-7. පටිච්චවාරාදි

14. නසංකිලිට්ඨසංකිලෙසිකං ධම්මං පටිච්ච නසංකිලිට්ඨසංකිලෙසිකො ධම්මො උප්පජ්ජති හෙතුපච්චයා…පෙ….

නඅසංකිලිට්ඨසංකිලෙසිකං ධම්මං පටිච්ච නඅසංකිලිට්ඨසංකිලෙසිකො ධම්මො උප්පජ්ජති හෙතුපච්චයා…පෙ….

නඅසංකිලිට්ඨඅසංකිලෙසිකං ධම්මං පටිච්ච නඅසංකිලිට්ඨඅසංකිලෙසිකො ධම්මො උප්පජ්ජති හෙතුපච්චයා. (සංඛිත්තං.)

6. විතක්කත්තිකං

1-7. පටිච්චවාරාදි

15. නසවිතක්කසවිචාරං ¶ ¶ ධම්මං පටිච්ච නසවිතක්කසවිචාරො ධම්මො උප්පජ්ජති හෙතුපච්චයා…පෙ….

නඅවිතක්කවිචාරමත්තං ධම්මං පටිච්ච නඅවිතක්කවිචාරමත්තො ධම්මො උප්පජ්ජති හෙතුපච්චයා…පෙ….

නඅවිතක්කඅවිචාරං ධම්මං පටිච්ච නඅවිතක්කඅවිචාරො ධම්මො උප්පජ්ජති හෙතුපච්චයා. (සංඛිත්තං.)

7. පීතිත්තිකං

1-7. පටිච්චවාරාදි

16. නපීතිසහගතං ¶ ධම්මං පටිච්ච නපීතිසහගතො ධම්මො උප්පජ්ජති හෙතුපච්චයා…පෙ….

නසුඛසහගතං ධම්මං පටිච්ච…පෙ… නඋපෙක්ඛාසහගතං ධම්මං පටිච්ච… (සංඛිත්තං).

8. දස්සනත්තිකං

1-7. පටිච්චවාරාදි

17. නදස්සනෙන පහාතබ්බං ධම්මං පටිච්ච…පෙ… නභාවනාය පහාතබ්බං ධම්මං පටිච්ච…පෙ… නනෙවදස්සනෙන නභාවනාය පහාතබ්බං ධම්මං පටිච්ච… (සංඛිත්තං).

9. දස්සනහෙතුත්තිකං

1-7. පටිච්චවාරාදි

18. නදස්සනෙන ¶ පහාතබ්බහෙතුකං ධම්මං පටිච්ච…පෙ… නභාවනාය පහාතබ්බහෙතුකං ධම්මං පටිච්ච…පෙ… නනෙවදස්සනෙන නභාවනාය පහාතබ්බහෙතුකං ධම්මං පටිච්ච… (සංඛිත්තං).

10. ආචයගාමිත්තිකං

1-7. පටිච්චවාරාදි

19. නආචයගාමිං ධම්මං පටිච්ච…පෙ… නඅපචයගාමිං ධම්මං පටිච්ච…පෙ… නනෙවාචයගාමිනාපචයගාමිං ධම්මං පටිච්ච… (සංඛිත්තං).

11. සෙක්ඛත්තිකං

1-7. පටිච්චවාරාදි

20. නසෙක්ඛං ධම්මං පටිච්ච…පෙ… නඅසෙක්ඛං ධම්මං පටිච්ච…පෙ… නනෙවසෙක්ඛනාසෙක්ඛං ධම්මං පටිච්ච… (සංඛිත්තං).

12. පරිත්තත්තිකං

1-7. පටිච්චවාරාදි

21. නපරිත්තං ¶ ධම්මං පටිච්ච…පෙ… නමහග්ගතං ධම්මං පටිච්ච…පෙ… නඅප්පමාණං ¶ ධම්මං පටිච්ච… (සංඛිත්තං).

13. පරිත්තාරම්මණත්තිකං

1-7. පටිච්චවාරාදි

22. නපරිත්තාරම්මණං ¶ ධම්මං පටිච්ච…පෙ… නමහග්ගතාරම්මණං ධම්මං පටිච්ච…පෙ… නඅප්පමාණාරම්මණං ධම්මං පටිච්ච… (සංඛිත්තං).

14. හීනත්තිකං

1-7. පටිච්චවාරාදි

23. නහීනං ධම්මං පටිච්ච…පෙ… නමජ්ඣිමං ධම්මං පටිච්ච…පෙ… නපණීතං ධම්මං පටිච්ච… (සංඛිත්තං).

15. මිච්ඡත්තත්තිකං

1-7. පටිච්චවාරාදි

24. නමිච්ඡත්තනියතං ධම්මං පටිච්ච…පෙ… නසම්මත්තනියතං ධම්මං පටිච්ච…පෙ… නඅනියතං ධම්මං පටිච්ච… (සංඛිත්තං).

16. මග්ගාරම්මණත්තිකං

1-7. පටිච්චවාරාදි

25. නමග්ගාරම්මණං ධම්මං පටිච්ච…පෙ… නමග්ගහෙතුකං ධම්මං පටිච්ච…පෙ… නමග්ගාධිපතිං ධම්මං පටිච්ච… (සංඛිත්තං).

17. උප්පන්නත්තිකං

1-7. පටිච්චවාරාදි

26. නඅනුප්පන්නං ධම්මං පටිච්ච නඅනුප්පන්නො ධම්මො උප්පජ්ජති හෙතුපච්චයා. නඅනුප්පන්නං ධම්මං පටිච්ච නඋප්පාදී ධම්මො උප්පජ්ජති හෙතුපච්චයා. නඅනුප්පන්නං ධම්මං පටිච්ච නඅනුප්පන්නො ච නඋප්පාදී ච ධම්මා උප්පජ්ජන්ති හෙතුපච්චයා. (3)

නඋප්පාදිං ¶ ධම්මං පටිච්ච නඋප්පාදී ධම්මො උප්පජ්ජති හෙතුපච්චයා. නඋප්පාදිං ධම්මං පටිච්ච නඅනුප්පන්නො ධම්මො උප්පජ්ජති හෙතුපච්චයා. නඋප්පාදිං ¶ ධම්මං පටිච්ච නඅනුප්පන්නො ච නඋප්පාදී ච ධම්මා උප්පජ්ජන්ති හෙතුපච්චයා. (3)

නඅනුප්පන්නඤ්ච නඋප්පාදිඤ්ච ධම්මං පටිච්ච නඅනුප්පන්නො ධම්මො උප්පජ්ජති හෙතුපච්චයා. නඅනුප්පන්නඤ්ච නඋප්පාදිඤ්ච ධම්මං පටිච්ච නඋප්පාදී ධම්මො උප්පජ්ජති හෙතුපච්චයා. නඅනුප්පන්නඤ්ච නඋප්පාදිඤ්ච ධම්මං පටිච්ච නඅනුප්පන්නො ච නඋප්පාදී ච ධම්මා උප්පජ්ජන්ති හෙතුපච්චයා. (3) (සංඛිත්තං.)

18. අතීතත්තිකං

1-7. පටිච්චවාරාදි

27. නඅතීතං ¶ ධම්මං පටිච්ච නඅතීතො ධම්මො උප්පජ්ජති හෙතුපච්චයා. (සංඛිත්තං.)

නඅතීතො ධම්මො නඅතීතස්ස ධම්මස්ස හෙතුපච්චයෙන පච්චයො. නඅතීතො ධම්මො නඅනාගතස්ස ධම්මස්ස හෙතුපච්චයෙන පච්චයො. නඅතීතො ධම්මො නඅතීතස්ස ච නඅනාගතස්ස ච ධම්මස්ස හෙතුපච්චයෙන පච්චයො. (3)

නඅනාගතො ධම්මො නඅනාගතස්ස ධම්මස්ස හෙතුපච්චයෙන පච්චයො. නඅනාගතො ධම්මො නඅතීතස්ස ධම්මස්ස හෙතුපච්චයෙන පච්චයො. නඅනාගතො ධම්මො නඅතීතස්ස ච නඅනාගතස්ස ච ධම්මස්ස හෙතුපච්චයෙන පච්චයො. (3)

නඅතීතො ච නඅනාගතො ච ධම්මා නඅතීතස්ස ධම්මස්ස හෙතුපච්චයෙන පච්චයො. නඅතීතො ච නඅනාගතො ච ධම්මා නඅනාගතස්ස ධම්මස්ස හෙතුපච්චයෙන පච්චයො. නඅතීතො ච නඅනාගතො ච ධම්මා නඅතීතස්ස ච නඅනාගතස්ස ච ධම්මස්ස හෙතුපච්චයෙන පච්චයො. (3) (සංඛිත්තං.)

19. අතීතාරම්මණත්තිකං

1-7. පටිච්චවාරාදි

28. නඅතීතාරම්මණං ¶ ¶ ධම්මං පටිච්ච…පෙ… නඅනාගතාරම්මණං ධම්මං පටිච්ච…පෙ… නපච්චුප්පන්නාරම්මණං ධම්මං පටිච්ච… (සංඛිත්තං).

20. අජ්ඣත්තත්තිකං

1-7. පටිච්චවාරාදි

29. නඅජ්ඣත්තං ධම්මං පටිච්ච නඅජ්ඣත්තො ධම්මො උප්පජ්ජති හෙතුපච්චයා.

නබහිද්ධා ධම්මං පටිච්ච නබහිද්ධා ධම්මො උප්පජ්ජති හෙතුපච්චයා. (සංඛිත්තං.)

21. අජ්ඣත්තාරම්මණත්තිකං

1-7. පටිච්චවාරාදි

30. නඅජ්ඣත්තාරම්මණං ධම්මං පටිච්ච නඅජ්ඣත්තාරම්මණො ධම්මො උප්පජ්ජති හෙතුපච්චයා. නඅජ්ඣත්තාරම්මණං ධම්මං පටිච්ච නබහිද්ධාරම්මණො ධම්මො උප්පජ්ජති හෙතුපච්චයා. (2)

නබහිද්ධාරම්මණං ¶ ධම්මං පටිච්ච නබහිද්ධාරම්මණො ධම්මො උප්පජ්ජති හෙතුපච්චයා. නබහිද්ධාරම්මණං ධම්මං පටිච්ච නඅජ්ඣත්තාරම්මණො ධම්මො උප්පජ්ජති හෙතුපච්චයා. (2) (සංඛිත්තං.)

22. සනිදස්සනත්තිකං

1-7. පටිච්චවාරාදි

31. නසනිදස්සනසප්පටිඝං ¶ ධම්මං පටිච්ච නසනිදස්සනසප්පටිඝො ධම්මො උප්පජ්ජති හෙතුපච්චයා. නසනිදස්සනසප්පටිඝං ධම්මං පටිච්ච නඅනිදස්සනසප්පටිඝො ධම්මො උප්පජ්ජති හෙතුපච්චයා. නසනිදස්සනසප්පටිඝං ධම්මං පටිච්ච නඅනිදස්සනඅප්පටිඝො ධම්මො උප්පජ්ජති හෙතුපච්චයා. නසනිදස්සනසප්පටිඝං ධම්මං පටිච්ච නසනිදස්සනසප්පටිඝො ¶ ච නඅනිදස්සනඅප්පටිඝො ච ධම්මා උප්පජ්ජන්ති හෙතුපච්චයා. නසනිදස්සනසප්පටිඝං ධම්මං පටිච්ච නඅනිදස්සනසප්පටිඝො ච නඅනිදස්සනඅප්පටිඝො ච ධම්මා උප්පජ්ජන්ති හෙතුපච්චයා. නසනිදස්සනසප්පටිඝං ධම්මං පටිච්ච නසනිදස්සනසප්පටිඝො ච නඅනිදස්සනසප්පටිඝො ච ධම්මා උප්පජ්ජන්ති හෙතුපච්චයා. (6)

32. නඅනිදස්සනසප්පටිඝං ධම්මං පටිච්ච නඅනිදස්සනසප්පටිඝො ධම්මො උප්පජ්ජති හෙතුපච්චයා. නඅනිදස්සනසප්පටිඝං ධම්මං පටිච්ච නසනිදස්සනසප්පටිඝො ධම්මො උප්පජ්ජති හෙතුපච්චයා. නඅනිදස්සනසප්පටිඝං ධම්මං පටිච්ච නඅනිදස්සනඅප්පටිඝො ධම්මො උප්පජ්ජති හෙතුපච්චයා. නඅනිදස්සනසප්පටිඝං ධම්මං පටිච්ච නසනිදස්සනසප්පටිඝො ච නඅනිදස්සනඅප්පටිඝො ච ධම්මා උප්පජ්ජන්ති හෙතුපච්චයා. නඅනිදස්සනසප්පටිඝං ධම්මං පටිච්ච නඅනිදස්සනසප්පටිඝො ච නඅනිදස්සනඅප්පටිඝො ච ධම්මා උප්පජ්ජන්ති හෙතුපච්චයා. නඅනිදස්සනසප්පටිඝං ධම්මං පටිච්ච නසනිදස්සනසප්පටිඝො ච නඅනිදස්සනසප්පටිඝො ච ධම්මා උප්පජ්ජන්ති හෙතුපච්චයා. (6)

33. නඅනිදස්සනඅප්පටිඝං ¶ ධම්මං පටිච්ච නඅනිදස්සනඅප්පටිඝො ධම්මො උප්පජ්ජති හෙතුපච්චයා. නඅනිදස්සනඅප්පටිඝං ධම්මං පටිච්ච නසනිදස්සනසප්පටිඝො ධම්මො උප්පජ්ජති හෙතුපච්චයා. නඅනිදස්සනඅප්පටිඝං ධම්මං පටිච්ච නඅනිදස්සනසප්පටිඝො ධම්මො උප්පජ්ජති හෙතුපච්චයා…. ඡ.

නසනිදස්සනසප්පටිඝඤ්ච නඅනිදස්සනඅප්පටිඝඤ්ච ධම්මං පටිච්ච නසනිදස්සනසප්පටිඝො ධම්මො උප්පජ්ජති හෙතුපච්චයා…. ඡ.

නසනිදස්සනසප්පටිඝඤ්ච ¶ ¶ නඅනිදස්සනසප්පටිඝඤ්ච ධම්මං පටිච්ච නසනිදස්සනසප්පටිඝො ධම්මො උප්පජ්ජති හෙතුපච්චයා…. ඡ. (සංඛිත්තං.)

34. හෙතුයා තිංස…පෙ… අවිගතෙ තිංස.

(යථා කුසලත්තිකෙ සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි පඤ්හාවාරම්පි ගණිතං එවං ගණෙතබ්බං.)

ධම්මපච්චනීයෙ තිකපට්ඨානං නිට්ඨිතං.