මූල > අභිධම්මපිටක > පට්ඨානපාළි-5 > ධම්මානුලොමපච්චනීයෙ තිකපට්ඨානං

1. කුසලං ¶ ¶ ¶ ධම්මං පටිච්ච නකුසලො ධම්මො උප්පජ්ජති හෙතුපච්චයා – කුසලෙ ඛන්ධෙ පටිච්ච චිත්තසමුට්ඨානං රූපං. කුසලං ධම්මං පටිච්ච නඅකුසලො ධම්මො උප්පජ්ජති හෙතුපච්චයා – කුසලං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… කුසලං ධම්මං පටිච්ච නඅබ්යාකතො ධම්මො උප්පජ්ජති හෙතුපච්චයා – කුසලං එකං ඛන්ධං පටිච්ච තයො ඛන්ධා…පෙ… කුසලං ධම්මං පටිච්ච නඅකුසලො ච නඅබ්යාකතො ච ධම්මා උප්පජ්ජන්ති හෙතුපච්චයා – කුසලං එකං ඛන්ධං පටිච්ච තයො ඛන්ධා…පෙ… කුසලං ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති හෙතුපච්චයා – කුසලෙ ඛන්ධෙ පටිච්ච චිත්තසමුට්ඨානං රූපං. (5)

2. අකුසලං ධම්මං පටිච්ච නඅකුසලො ධම්මො උප්පජ්ජති හෙතුපච්චයා – අකුසලෙ ඛන්ධෙ පටිච්ච චිත්තසමුට්ඨානං රූපං. අකුසලං ධම්මං පටිච්ච නකුසලො ධම්මො උප්පජ්ජති හෙතුපච්චයා – අකුසලං එකං ¶ ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… අකුසලං ධම්මං පටිච්ච ¶ නඅබ්යාකතො ධම්මො උප්පජ්ජති හෙතුපච්චයා. අකුසලං ධම්මං පටිච්ච නකුසලො ච නඅබ්යාකතො ච ධම්මා උප්පජ්ජන්ති හෙතුපච්චයා. අකුසලං ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති හෙතුපච්චයා. (5)

3. අබ්යාකතං ¶ ධම්මං පටිච්ච නකුසලො ධම්මො උප්පජ්ජති හෙතුපච්චයා – විපාකාබ්යාකතං කිරියාබ්යාකතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… පටිසන්ධික්ඛණෙ…පෙ… එකං මහාභූතං පටිච්ච තයො මහාභූතා…පෙ… ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච චිත්තසමුට්ඨානං රූපං. අබ්යාකතං ධම්මං පටිච්ච නඅකුසලො ධම්මො උප්පජ්ජති හෙතුපච්චයා – විපාකාබ්යාකතං…පෙ… පටිසන්ධික්ඛණෙ…පෙ… මහාභූතං…පෙ… අබ්යාකතං ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති හෙතුපච්චයා – විපාකාබ්යාකතං කිරියාබ්යාකතං…පෙ…. (3) (සංඛිත්තං.)

4. කුසලඤ්ච අබ්යාකතඤ්ච ධම්මං පටිච්ච නකුසලො ධම්මො උප්පජ්ජති හෙතුපච්චයා – කුසලෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. කුසලඤ්ච අබ්යාකතඤ්ච ධම්මං පටිච්ච නඅකුසලො ධම්මො උප්පජ්ජති හෙතුපච්චයා. කුසලඤ්ච අබ්යාකතඤ්ච ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති හෙතුපච්චයා. (3)

අකුසලඤ්ච ¶ අබ්යාකතඤ්ච ධම්මං පටිච්ච නකුසලො ධම්මො උප්පජ්ජති හෙතුපච්චයා. අකුසලඤ්ච අබ්යාකතඤ්ච ධම්මං පටිච්ච නඅකුසලො ධම්මො උප්පජ්ජති හෙතුපච්චයා. අකුසලඤ්ච අබ්යාකතඤ්ච ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති හෙතුපච්චයා. (3) (චිත්තසමුට්ඨානරූපමෙව එත්ථ වත්තති, එකූනවීසති පඤ්හා කාතබ්බා.)

5. කුසලං ධම්මං පටිච්ච නඅකුසලො ධම්මො උප්පජ්ජති ආරම්මණපච්චයා. කුසලං ධම්මං පටිච්ච නඅබ්යාකතො ධම්මො උප්පජ්ජති ආරම්මණපච්චයා. කුසලං ධම්මං පටිච්ච නඅකුසලො ච නඅබ්යාකතො ච ධම්මා උප්පජ්ජන්ති ආරම්මණපච්චයා. (3)

අකුසලං ¶ ධම්මං පටිච්ච නකුසලො ධම්මො උප්පජ්ජති ආරම්මණපච්චයා. අකුසලං ධම්මං පටිච්ච නඅබ්යාකතො ධම්මො උප්පජ්ජති ආරම්මණපච්චයා. අකුසලං ධම්මං පටිච්ච නකුසලො ච නඅබ්යාකතො ච ධම්මා උප්පජ්ජන්ති ආරම්මණපච්චයා. (3)

අබ්යාකතං ධම්මං පටිච්ච නකුසලො ධම්මො උප්පජ්ජති ආරම්මණපච්චයා. අබ්යාකතං ධම්මං පටිච්ච නඅකුසලො ධම්මො උප්පජ්ජති ආරම්මණපච්චයා. අබ්යාකතං ¶ ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති ආරම්මණපච්චයා. (3) (සංඛිත්තං.)

හෙතුයා එකූනවීස, ආරම්මණෙ නව, අධිපතියා එකූනවීස, අනන්තරෙ නව, සමනන්තරෙ නව, සහජාතෙ එකූනවීස…පෙ… අවිගතෙ එකූනවීස ¶ .

6. අකුසලං ධම්මං පටිච්ච නකුසලො ධම්මො උප්පජ්ජති නහෙතුපච්චයා. අකුසලං ධම්මං පටිච්ච නඅබ්යාකතො ධම්මො උප්පජ්ජති නහෙතුපච්චයා. අකුසලං ධම්මං පටිච්ච නකුසලො ච නඅබ්යාකතො ච ධම්මා උප්පජ්ජන්ති නහෙතුපච්චයා. (3)

අබ්යාකතං ධම්මං පටිච්ච නකුසලො ධම්මො උප්පජ්ජති නහෙතුපච්චයා. අබ්යාකතං ධම්මං පටිච්ච නඅකුසලො ධම්මො උප්පජ්ජති නහෙතුපච්චයා. අබ්යාකතං ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති නහෙතුපච්චයා. (3)

7. කුසලං ධම්මං පටිච්ච නකුසලො ධම්මො උප්පජ්ජති නආරම්මණපච්චයා. කුසලං ධම්මං පටිච්ච නඅකුසලො ධම්මො උප්පජ්ජති නආරම්මණපච්චයා. කුසලං ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති නආරම්මණපච්චයා. (3)

අකුසලං ධම්මං පටිච්ච නඅකුසලො ධම්මො උප්පජ්ජති නආරම්මණපච්චයා. අකුසලං ධම්මං ¶ පටිච්ච නකුසලො ධම්මො උප්පජ්ජති නආරම්මණපච්චයා. අකුසලං ධම්මං පටිච්ච නකුසලො ච නඅකුසලො ච ධම්මා උප්පජ්ජන්ති නආරම්මණපච්චයා. (3) (සංඛිත්තං.)

නහෙතුයා ඡ, නආරම්මණෙ පන්නරස, නඅධිපතියා එකූනවීස…පෙ… නොවිගතෙ පන්නරස.

(පච්චනීයං විත්ථාරෙතබ්බං. සහජාතවාරම්පි පච්චයවාරම්පි විත්ථාරෙතබ්බං. පච්චයවාරෙපි ¶ හෙතුයා ඡබ්බීස, ආරම්මණෙ අට්ඨාරස…පෙ… අවිගතෙ ඡබ්බීස. නිස්සයවාරම්පි සංසට්ඨවාරම්පි සම්පයුත්තවාරම්පි පටිච්චවාරසදිසං.)

8. කුසලො ¶ ධම්මො නකුසලස්ස ධම්මස්ස හෙතුපච්චයෙන පච්චයො. කුසලො ධම්මො නඅකුසලස්ස ධම්මස්ස හෙතුපච්චයෙන පච්චයො. කුසලො ධම්මො නඅබ්යාකතස්ස ධම්මස්ස හෙතුපච්චයෙන පච්චයො. කුසලො ධම්මො නඅකුසලස්ස ච නඅබ්යාකතස්ස ච ධම්මස්ස හෙතුපච්චයෙන පච්චයො. කුසලො ධම්මො නකුසලස්ස ච නඅකුසලස්ස ච ධම්මස්ස හෙතුපච්චයෙන පච්චයො. (5)

9. අකුසලො ධම්මො නඅකුසලස්ස ධම්මස්ස හෙතුපච්චයෙන පච්චයො. අකුසලො ධම්මො නකුසලස්ස ධම්මස්ස හෙතුපච්චයෙන පච්චයො. අකුසලො ධම්මො නඅබ්යාකතස්ස ධම්මස්ස හෙතුපච්චයෙන පච්චයො. අකුසලො ධම්මො නකුසලස්ස ච නඅබ්යාකතස්ස ච ධම්මස්ස හෙතුපච්චයෙන පච්චයො. අකුසලො ධම්මො නකුසලස්ස ච නඅකුසලස්ස ච ධම්මස්ස හෙතුපච්චයෙන පච්චයො. (5)

අබ්යාකතො ¶ ධම්මො නකුසලස්ස ධම්මස්ස හෙතුපච්චයෙන පච්චයො. අබ්යාකතො ධම්මො නඅකුසලස්ස ධම්මස්ස හෙතුපච්චයෙන පච්චයො. අබ්යාකතො ධම්මො නකුසලස්ස ච නඅකුසලස්ස ච ධම්මස්ස හෙතුපච්චයෙන පච්චයො. (3)

10. කුසලො ධම්මො නකුසලස්ස ධම්මස්ස ආරම්මණපච්චයෙන පච්චයො ¶ …. (ඡ පඤ්හා.)

අකුසලො ධම්මො නඅකුසලස්ස ධම්මස්ස ආරම්මණපච්චයෙන පච්චයො …. (ඡ පඤ්හා.)

අබ්යාකතො ධම්මො නඅබ්යාකතස්ස ධම්මස්ස ආරම්මණපච්චයෙන පච්චයො…. (ඡ පඤ්හා, සංඛිත්තං.)

11. හෙතුයා තෙරස, ආරම්මණෙ අට්ඨාරස, අධිපතියා සත්තරස, අනන්තරෙ සොළස, සමනන්තරෙ සොළස, සහජාතෙ එකූනවීස, අඤ්ඤමඤ්ඤෙ නව, නිස්සයෙ ඡබ්බීස, උපනිස්සයෙ අට්ඨාරස, පුරෙජාතෙ ඡ, පච්ඡාජාතෙ නව, ආසෙවනෙ නව, කම්මෙ තෙරස, විපාකෙ තීණි, ආහාරෙ තෙරස…පෙ… මග්ගෙ තෙරස, සම්පයුත්තෙ නව, විප්පයුත්තෙ ද්වාදස…පෙ… අවිගතෙ ඡබ්බීස. (පඤ්හාවාරං විත්ථාරෙතබ්බං.)

12. සුඛාය ¶ වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා – සුඛාය වෙදනාය සම්පයුත්තෙ ඛන්ධෙ පටිච්ච සුඛවෙදනා චිත්තසමුට්ඨානඤ්ච රූපං; පටිසන්ධික්ඛණෙ…පෙ… (මහාභූතා නත්ථි). සුඛාය වෙදනාය සම්පයුත්තං ධම්මං පටිච්ච නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා – සුඛාය වෙදනාය සම්පයුත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… සුඛාය වෙදනාය සම්පයුත්තං ධම්මං පටිච්ච නඅදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. සුඛාය ¶ වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ච නඅදුක්ඛමසුඛාය ¶ වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. සුඛාය වෙදනාය සම්පයුත්තං ධම්මං පටිච්ච නදුක්ඛාය වෙදනාය සම්පයුත්තො ච නඅදුක්ඛමසුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. සුඛාය වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ච නදුක්ඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. සුඛාය වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ච නදුක්ඛාය වෙදනාය සම්පයුත්තො ච නඅදුක්ඛමසුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. (7)

13. දුක්ඛාය වෙදනාය සම්පයුත්තං ධම්මං පටිච්ච නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. දුක්ඛාය වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. දුක්ඛාය වෙදනාය සම්පයුත්තං ධම්මං පටිච්ච නඅදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. දුක්ඛාය වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ච නඅදුක්ඛමසුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. දුක්ඛාය වෙදනාය සම්පයුත්තං ධම්මං පටිච්ච නදුක්ඛාය වෙදනාය සම්පයුත්තො ච නඅදුක්ඛමසුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. දුක්ඛාය වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ච නදුක්ඛාය වෙදනාය සම්පයුත්තො ච ධම්මා ¶ උප්පජ්ජන්ති හෙතුපච්චයා. දුක්ඛාය වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ච නදුක්ඛාය වෙදනාය සම්පයුත්තො ¶ ච නඅදුක්ඛමසුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. (7)

14. අදුක්ඛමසුඛාය වෙදනාය සම්පයුත්තං ධම්මං පටිච්ච නඅදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. අදුක්ඛමසුඛාය වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. අදුක්ඛමසුඛාය වෙදනාය සම්පයුත්තං ධම්මං පටිච්ච නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. අදුක්ඛමසුඛාය වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ච නඅදුක්ඛමසුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. අදුක්ඛමසුඛාය වෙදනාය සම්පයුත්තං ධම්මං පටිච්ච නදුක්ඛාය වෙදනාය සම්පයුත්තො ච නඅදුක්ඛමසුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. අදුක්ඛමසුඛාය වෙදනාය සම්පයුත්තං ධම්මං පටිච්ච ¶ නසුඛාය වෙදනාය සම්පයුත්තො ච නදුක්ඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. අදුක්ඛමසුඛාය වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ච නදුක්ඛාය වෙදනාය සම්පයුත්තො ච නඅදුක්ඛමසුඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. (7) (සංඛිත්තං.)

හෙතුයා එකවීස, ආරම්මණෙ එකවීස…පෙ… අවිගතෙ එකවීස.

15. සුඛාය ¶ වෙදනාය සම්පයුත්තං ධම්මං පටිච්ච නසුඛාය වෙදනාය සම්පයුත්තො ධම්මො උප්පජ්ජති නහෙතුපච්චයා. (සංඛිත්තං.)

නහෙතුයා එකවීස, නආරම්මණෙ එකවීස…පෙ… නවිප්පයුත්තෙ චුද්දස…පෙ… නොවිගතෙ එකවීස.

(සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි පටිච්චවාරසදිසං.)

16. සුඛාය වෙදනාය සම්පයුත්තො ධම්මො නසුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. සුඛාය වෙදනාය සම්පයුත්තො ¶ ධම්මො නදුක්ඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. සුඛාය වෙදනාය සම්පයුත්තො ධම්මො නඅදුක්ඛමසුඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. සුඛාය වෙදනාය සම්පයුත්තො ධම්මො නසුඛාය වෙදනාය සම්පයුත්තස්ස ච නඅදුක්ඛමසුඛාය වෙදනාය සම්පයුත්තස්ස ච ධම්මස්ස හෙතුපච්චයෙන පච්චයො. සුඛාය වෙදනාය සම්පයුත්තො ධම්මො නදුක්ඛාය වෙදනාය ¶ සම්පයුත්තස්ස ච නඅදුක්ඛමසුඛාය වෙදනාය සම්පයුත්තස්ස ච ධම්මස්ස හෙතුපච්චයෙන පච්චයො. සුඛාය වෙදනාය සම්පයුත්තො ධම්මො නසුඛාය වෙදනාය සම්පයුත්තස්ස ච නදුක්ඛාය වෙදනාය සම්පයුත්තස්ස ච ධම්මස්ස හෙතුපච්චයෙන පච්චයො. සුඛාය වෙදනාය සම්පයුත්තො ධම්මො නසුඛාය වෙදනාය සම්පයුත්තස්ස ච නදුක්ඛාය වෙදනාය සම්පයුත්තස්ස ච නඅදුක්ඛමසුඛාය වෙදනාය සම්පයුත්තස්ස ච ධම්මස්ස හෙතුපච්චයෙන පච්චයො ¶ . (7) (සංඛිත්තං.)

හෙතුයා එකවීස, ආරම්මණෙ එකවීස…පෙ… අවිගතෙ එකවීස. (පඤ්හාවාරං විත්ථාරෙතබ්බං.)

17. විපාකං ධම්මං පටිච්ච නවිපාකො ධම්මො උප්පජ්ජති හෙතුපච්චයා. විපාකං ධම්මං පටිච්ච නවිපාකධම්මධම්මො උප්පජ්ජති හෙතුපච්චයා. විපාකං ධම්මං පටිච්ච නනෙවවිපාකනවිපාකධම්මධම්මො උප්පජ්ජති හෙතුපච්චයා. විපාකං ධම්මං පටිච්ච නවිපාකධම්මධම්මො ච නනෙවවිපාකනවිපාකධම්මධම්මො ච ධම්මා උප්පජ්ජන්ති හෙතුපච්චයා. විපාකං ධම්මං පටිච්ච නවිපාකො ච නවිපාකධම්මධම්මො ච ධම්මා උප්පජ්ජන්ති හෙතුපච්චයා. (පඤ්ච පඤ්හා.)

18. විපාකධම්මධම්මං පටිච්ච නවිපාකධම්මධම්මො උප්පජ්ජති හෙතුපච්චයා. විපාකධම්මධම්මං පටිච්ච නවිපාකො ධම්මො උප්පජ්ජති හෙතුපච්චයා. විපාකධම්මධම්මං පටිච්ච නනෙවවිපාකනවිපාකධම්මධම්මො උප්පජ්ජති හෙතුපච්චයා. විපාකධම්මධම්මං පටිච්ච නවිපාකො ච නනෙවවිපාකනවිපාකධම්මධම්මො ච ධම්මා උප්පජ්ජන්ති හෙතුපච්චයා. විපාකධම්මධම්මං පටිච්ච නවිපාකො ච නවිපාකධම්මධම්මො ච ධම්මා උප්පජ්ජන්ති හෙතුපච්චයා. (පඤ්ච පඤ්හා.)

19. නෙවවිපාකනවිපාකධම්මධම්මං ¶ ¶ පටිච්ච නනෙවවිපාකනවිපාකධම්මධම්මො උප්පජ්ජති හෙතුපච්චයා. නෙවවිපාකනවිපාකධම්මධම්මං පටිච්ච ¶ නවිපාකො ධම්මො උප්පජ්ජති හෙතුපච්චයා. නෙවවිපාකනවිපාකධම්මධම්මං පටිච්ච නවිපාකධම්මධම්මො උප්පජ්ජති හෙතුපච්චයා. නෙවවිපාකනවිපාකධම්මධම්මං පටිච්ච නවිපාකධම්මධම්මො ච නනෙවවිපාකනවිපාකධම්මධම්මො ච ධම්මා උප්පජ්ජන්ති හෙතුපච්චයා. නෙවවිපාකනවිපාකධම්මධම්මං පටිච්ච නවිපාකො ච නවිපාකධම්මධම්මො ච ධම්මා උප්පජ්ජන්ති හෙතුපච්චයා. (පඤ්ච පඤ්හා.)

20. විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච නවිපාකො ධම්මො උප්පජ්ජති හෙතුපච්චයා. විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච නවිපාකධම්මධම්මො උප්පජ්ජති හෙතුපච්චයා. විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච නනෙවවිපාකනවිපාකධම්මධම්මො උප්පජ්ජති හෙතුපච්චයා. විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච නවිපාකධම්මධම්මො ච නනෙවවිපාකනවිපාකධම්මධම්මො ච ධම්මා උප්පජ්ජන්ති හෙතුපච්චයා. විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච නවිපාකො ච නවිපාකධම්මධම්මො ච ධම්මා උප්පජ්ජන්ති හෙතුපච්චයා. (5)

විපාකධම්මධම්මඤ්ච නෙවවිපාකනවිපාකධම්මධම්මඤ්ච ධම්මං පටිච්ච නවිපාකො ධම්මො උප්පජ්ජති හෙතුපච්චයා. විපාකධම්මධම්මඤ්ච නෙවවිපාකනවිපාකධම්මධම්මඤ්ච ධම්මං පටිච්ච නවිපාකධම්මධම්මො උප්පජ්ජති හෙතුපච්චයා. විපාකධම්මධම්මඤ්ච නෙවවිපාකනවිපාකධම්මධම්මඤ්ච ¶ ධම්මං පටිච්ච නවිපාකො ච නවිපාකධම්මධම්මො ච ධම්මා උප්පජ්ජන්ති හෙතුපච්චයා. (3)

21. විපාකං ධම්මං පටිච්ච නවිපාකධම්මධම්මො උප්පජ්ජති ආරම්මණපච්චයා… තීණි.

විපාකධම්මධම්මං පටිච්ච නවිපාකො ධම්මො උප්පජ්ජති ආරම්මණපච්චයා… තීණි.

නෙවවිපාකනවිපාකධම්මධම්මං පටිච්ච නනෙවවිපාකනවිපාකධම්මධම්මො උප්පජ්ජති ආරම්මණපච්චයා… (පඤ්ච පඤ්හා).

විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච නවිපාකධම්මධම්මො උප්පජ්ජති ආරම්මණපච්චයා… තීණි. (සංඛිත්තං.)

22. හෙතුයා ¶ තෙවීස, ආරම්මණෙ චුද්දස…පෙ… අවිගතෙ තෙවීස. (සංඛිත්තං.)

නහෙතුයා අට්ඨාරස, නආරම්මණෙ පන්නරස.

(සහජාතවාරම්පි ¶ පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි විත්ථාරෙතබ්බං.)

23. විපාකො ධම්මො නවිපාකස්ස ධම්මස්ස හෙතුපච්චයෙන පච්චයො. විපාකො ධම්මො නවිපාකධම්මධම්මස්ස හෙතුපච්චයෙන පච්චයො. විපාකො ධම්මො නනෙවවිපාකනවිපාකධම්මධම්මස්ස හෙතුපච්චයෙන පච්චයො. විපාකො ධම්මො නවිපාකධම්මධම්මස්ස ච නනෙවවිපාකනවිපාකධම්මධම්මස්ස ච ධම්මස්ස හෙතුපච්චයෙන පච්චයො. විපාකො ධම්මො නවිපාකස්ස ච නවිපාකධම්මධම්මස්ස ච ධම්මස්ස හෙතුපච්චයෙන පච්චයො. (5)

24. විපාකො ¶ ධම්මො නවිපාකස්ස ධම්මස්ස ආරම්මණපච්චයෙන පච්චයො. විපාකො ධම්මො නවිපාකධම්මධම්මස්ස ආරම්මණපච්චයෙන පච්චයො. විපාකො ධම්මො නනෙවවිපාකනවිපාකධම්මධම්මස්ස ආරම්මණපච්චයෙන පච්චයො. විපාකො ධම්මො නවිපාකස්ස ච නනෙවවිපාකනවිපාකධම්මධම්මස්ස ච ධම්මස්ස ආරම්මණපච්චයෙන පච්චයො. විපාකො ධම්මො නවිපාකධම්මධම්මස්ස ච නනෙවවිපාකනවිපාකධම්මධම්මස්ස ච ධම්මස්ස ආරම්මණපච්චයෙන පච්චයො. විපාකො ධම්මො නවිපාකස්ස ච නවිපාකධම්මධම්මස්ස ච ධම්මස්ස ආරම්මණපච්චයෙන පච්චයො. (6)

විපාකධම්මධම්මො නවිපාකධම්මධම්මස්ස ආරම්මණපච්චයෙන පච්චයො. විපාකධම්මධම්මො නවිපාකස්ස ධම්මස්ස ආරම්මණපච්චයෙන පච්චයො. විපාකධම්මධම්මො නනෙවවිපාකනවිපාකධම්මධම්මස්ස ¶ ආරම්මණපච්චයෙන පච්චයො. විපාකධම්මධම්මො නවිපාකස්ස ච නනෙවවිපාකනවිපාකධම්මධම්මස්ස ච ධම්මස්ස ආරම්මණපච්චයෙන පච්චයො. විපාකධම්මධම්මො නවිපාකධම්මධම්මස්ස ච නනෙවවිපාකනවිපාකධම්මධම්මස්ස ච ධම්මස්ස ආරම්මණපච්චයෙන පච්චයො. විපාකධම්මධම්මො නවිපාකස්ස ච නවිපාකධම්මධම්මස්ස ච ධම්මස්ස ආරම්මණපච්චයෙන පච්චයො. (6)

නෙවවිපාකනවිපාකධම්මධම්මො නනෙවවිපාකනවිපාකධම්මධම්මස්ස ආරම්මණපච්චයෙන පච්චයො…පෙ… ඡ. (සංඛිත්තං.)

25. හෙතුයා ¶ ¶ තෙරස, ආරම්මණෙ අට්ඨාරස, අධිපතියා සත්තරස, අනන්තරෙ සොළස…පෙ… පුරෙජාතෙ ඡ, පච්ඡාජාතෙ නව, ආසෙවනෙ ඡ, කම්මෙ චුද්දස, විපාකෙ පඤ්ච, ඉන්ද්රියෙ අට්ඨාරස…පෙ… විප්පයුත්තෙ ද්වාදස…පෙ… අවිගතෙ ඡබ්බීස. (පඤ්හාවාරං විත්ථාරෙතබ්බං.)

26. උපාදින්නුපාදානියං ධම්මං පටිච්ච නඋපාදින්නුපාදානියො ධම්මො උප්පජ්ජති හෙතුපච්චයා. උපාදින්නුපාදානියං ධම්මං පටිච්ච නඅනුපාදින්නුපාදානියො ධම්මො උප්පජ්ජති හෙතුපච්චයා. උපාදින්නුපාදානියං ධම්මං පටිච්ච නඅනුපාදින්නඅනුපාදානියො ධම්මො උප්පජ්ජති හෙතුපච්චයා. උපාදින්නුපාදානියං ධම්මං පටිච්ච නඋපාදින්නුපාදානියො ච නඅනුපාදින්නඅනුපාදානියො ච ධම්මා උප්පජ්ජන්ති හෙතුපච්චයා. උපාදින්නුපාදානියං ධම්මං පටිච්ච නඅනුපාදින්නුපාදානියො ච නඅනුපාදින්නඅනුපාදානියො ච ධම්මා උප්පජ්ජන්ති හෙතුපච්චයා. (5)

අනුපාදින්නුපාදානියං ධම්මං පටිච්ච නඋපාදින්නුපාදානියො ධම්මො උප්පජ්ජති හෙතුපච්චයා. අනුපාදින්නුපාදානියං ධම්මං පටිච්ච නඅනුපාදින්නඅනුපාදානියො ධම්මො උප්පජ්ජති හෙතුපච්චයා. අනුපාදින්නුපාදානියං ¶ ධම්මං පටිච්ච නඋපාදින්නුපාදානියො ච නඅනුපාදින්නඅනුපාදානියො ච ධම්මා උප්පජ්ජන්ති හෙතුපච්චයා. (3)

අනුපාදින්නඅනුපාදානියං ධම්මං පටිච්ච නඅනුපාදින්නඅනුපාදානියො ¶ ධම්මො උප්පජ්ජති හෙතුපච්චයා. අනුපාදින්නඅනුපාදානියං ධම්මං පටිච්ච නඋපාදින්නුපාදානියො ධම්මො උප්පජ්ජති හෙතුපච්චයා. අනුපාදින්නඅනුපාදානියං ධම්මං පටිච්ච නඅනුපාදින්නුපාදානියො ධම්මො උප්පජ්ජති හෙතුපච්චයා. අනුපාදින්නඅනුපාදානියං ධම්මං පටිච්ච නඋපාදින්නුපාදානියො ච නඅනුපාදින්නඅනුපාදානියො ච ධම්මා උප්පජ්ජන්ති හෙතුපච්චයා. අනුපාදින්නඅනුපාදානියං ධම්මං පටිච්ච නඋපාදින්නුපාදානියො ච නඅනුපාදින්නුපාදානියො ච ධම්මා උප්පජ්ජන්ති හෙතුපච්චයා. (5)

අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පටිච්ච නඋපාදින්නුපාදානියො ධම්මො උප්පජ්ජති හෙතුපච්චයා. අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පටිච්ච නඅනුපාදින්නඅනුපාදානියො ධම්මො උප්පජ්ජති හෙතුපච්චයා. අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පටිච්ච නඋපාදින්නුපාදානියො ච නඅනුපාදින්නඅනුපාදානියො ච ධම්මා උප්පජ්ජන්ති හෙතුපච්චයා. (3)

උපාදින්නුපාදානියඤ්ච අනුපාදින්නුපාදානියඤ්ච ධම්මං පටිච්ච නඋපාදින්නුපාදානියො ධම්මො උප්පජ්ජති හෙතුපච්චයා. උපාදින්නුපාදානියඤ්ච අනුපාදින්නුපාදානියඤ්ච ධම්මං පටිච්ච නඅනුපාදින්නඅනුපාදානියො ධම්මො උප්පජ්ජති හෙතුපච්චයා. උපාදින්නුපාදානියඤ්ච අනුපාදින්නුපාදානියඤ්ච ධම්මං පටිච්ච නඋපාදින්නුපාදානියො ¶ ච නඅනුපාදින්නඅනුපාදානියො ¶ ච ධම්මා උප්පජ්ජන්ති හෙතුපච්චයා. (3) (සංඛිත්තං.)

27. හෙතුයා එකූනවීස, ආරම්මණෙ නව, අධිපතියා එකාදස…පෙ… සහජාතෙ එකූනවීස. (සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි විත්ථාරෙතබ්බං.)

28. උපාදින්නුපාදානියො ¶ ධම්මො නඋපාදින්නුපාදානියස්ස ධම්මස්ස හෙතුපච්චයෙන පච්චයො. උපාදින්නුපාදානියො ධම්මො නඅනුපාදින්නුපාදානියස්ස ධම්මස්ස හෙතුපච්චයෙන පච්චයො…පෙ….

29. උපාදින්නුපාදානියො ධම්මො නඋපාදින්නුපාදානියස්ස ධම්මස්ස ආරම්මණපච්චයෙන පච්චයො. උපාදින්නුපාදානියො ධම්මො නඅනුපාදින්නුපාදානියස්ස ධම්මස්ස ආරම්මණපච්චයෙන පච්චයො. උපාදින්නුපාදානියො ධම්මො නඅනුපාදින්නඅනුපාදානියස්ස ධම්මස්ස ආරම්මණපච්චයෙන පච්චයො. උපාදින්නුපාදානියො ධම්මො නඋපාදින්නුපාදානියස්ස ච නඅනුපාදින්නඅනුපාදානියස්ස ච ධම්මස්ස ආරම්මණපච්චයෙන පච්චයො. උපාදින්නුපාදානියො ධම්මො නඅනුපාදින්නුපාදානියස්ස ච නඅනුපාදින්නඅනුපාදානියස්ස ච ධම්මස්ස ආරම්මණපච්චයෙන පච්චයො. (5)

අනුපාදින්නුපාදානියො ධම්මො නඅනුපාදින්නුපාදානියස්ස ධම්මස්ස ආරම්මණපච්චයෙන පච්චයො. අනුපාදින්නුපාදානියො ධම්මො නඋපාදින්නුපාදානියස්ස ධම්මස්ස ආරම්මණපච්චයෙන පච්චයො. අනුපාදින්නුපාදානියො ¶ ධම්මො නඅනුපාදින්නඅනුපාදානියස්ස ධම්මස්ස ආරම්මණපච්චයෙන පච්චයො. අනුපාදින්නුපාදානියො ¶ ධම්මො නඋපාදින්නුපාදානියස්ස ච නඅනුපාදින්නඅනුපාදානියස්ස ච ධම්මස්ස ආරම්මණපච්චයෙන පච්චයො. අනුපාදින්නුපාදානියො ධම්මො නඅනුපාදින්නුපාදානියස්ස ච නඅනුපාදින්නඅනුපාදානියස්ස ච ධම්මස්ස ආරම්මණපච්චයෙන පච්චයො. (5)

අනුපාදින්නඅනුපාදානියො ධම්මො නඅනුපාදින්නඅනුපාදානියස්ස ධම්මස්ස ආරම්මණපච්චයෙන පච්චයො…පෙ… පඤ්ච. (සංඛිත්තං.)

30. හෙතුයා තෙරස, ආරම්මණෙ පන්නරස, අධිපතියා එකාදස. (පඤ්හාවාරම්පි විත්ථාරෙතබ්බං.)

31. සංකිලිට්ඨසංකිලෙසිකං ¶ ධම්මං පටිච්ච නසංකිලිට්ඨසංකිලෙසිකො ධම්මො උප්පජ්ජති හෙතුපච්චයා. සංකිලිට්ඨසංකිලෙසිකං ධම්මං පටිච්ච නඅසංකිලිට්ඨසංකිලෙසිකො ධම්මො උප්පජ්ජති හෙතුපච්චයා. සංකිලිට්ඨසංකිලෙසිකං ධම්මං පටිච්ච නඅසංකිලිට්ඨඅසංකිලෙසිකො ධම්මො උප්පජ්ජති හෙතුපච්චයා. සංකිලිට්ඨසංකිලෙසිකං ධම්මං පටිච්ච නසංකිලිට්ඨසංකිලෙසිකො ච නඅසංකිලිට්ඨඅසංකිලෙසිකො ච ධම්මා උප්පජ්ජන්ති හෙතුපච්චයා. සංකිලිට්ඨසංකිලෙසිකං ධම්මං පටිච්ච නඅසංකිලිට්ඨසංකිලෙසිකො ච නඅසංකිලිට්ඨඅසංකිලෙසිකො ච ධම්මා උප්පජ්ජන්ති හෙතුපච්චයා ¶ . (5)

අසංකිලිට්ඨසංකිලෙසිකං ධම්මං පටිච්ච නසංකිලිට්ඨසංකිලෙසිකො ධම්මො උප්පජ්ජති හෙතුපච්චයා. අසංකිලිට්ඨසංකිලෙසිකං ධම්මං පටිච්ච නඅසංකිලිට්ඨඅසංකිලෙසිකො ධම්මො උප්පජ්ජති හෙතුපච්චයා. අසංකිලිට්ඨසංකිලෙසිකං ධම්මං පටිච්ච නසංකිලිට්ඨසංකිලෙසිකො ච නඅසංකිලිට්ඨඅසංකිලෙසිකො ච ධම්මා උප්පජ්ජන්ති හෙතුපච්චයා. (3)

අසංකිලිට්ඨඅසංකිලෙසිකං ධම්මං පටිච්ච නඅසංකිලිට්ඨඅසංකිලෙසිකො ධම්මො උප්පජ්ජති හෙතුපච්චයා. අසංකිලිට්ඨඅසංකිලෙසිකං ධම්මං පටිච්ච නසංකිලිට්ඨසංකිලෙසිකො ධම්මො උප්පජ්ජති හෙතුපච්චයා. අසංකිලිට්ඨඅසංකිලෙසිකං ධම්මං පටිච්ච නඅසංකිලිට්ඨසංකිලෙසිකො ධම්මො උප්පජ්ජති හෙතුපච්චයා ¶ . අසංකිලිට්ඨඅසංකිලෙසිකං ධම්මං පටිච්ච නසංකිලිට්ඨසංකිලෙසිකො ච නඅසංකිලිට්ඨඅසංකිලෙසිකො ච ධම්මා උප්පජ්ජන්ති හෙතුපච්චයා. අසංකිලිට්ඨඅසංකිලෙසිකං ධම්මං පටිච්ච නසංකිලිට්ඨසංකිලෙසිකො ච නඅසංකිලිට්ඨසංකිලෙසිකො ච ධම්මා උප්පජ්ජන්ති හෙතුපච්චයා. (5)

අසංකිලිට්ඨසංකිලෙසිකඤ්ච ¶ අසංකිලිට්ඨඅසංකිලෙසිකඤ්ච ධම්මං පටිච්ච නසංකිලිට්ඨසංකිලෙසිකො ධම්මො උප්පජ්ජති හෙතුපච්චයා… තීණි.

සංකිලිට්ඨසංකිලෙසිකඤ්ච අසංකිලිට්ඨසංකිලෙසිකඤ්ච ධම්මං පටිච්ච නසංකිලිට්ඨසංකිලෙසිකො ධම්මො උප්පජ්ජති හෙතුපච්චයා…පෙ… තීණි ¶ . (සංඛිත්තං.)

හෙතුයා එකූනවීස, ආරම්මණෙ නව…පෙ… අවිගතෙ එකූනවීස. (සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි විත්ථාරෙතබ්බං. පඤ්හාවාරෙ න සදිසං.)

32. හෙතුයා තෙරස, ආරම්මණෙ පන්නරස, අධිපතියා පන්නරස, අනන්තරෙ සොළස…පෙ… පුරෙජාතෙ ඡ, පච්ඡාජාතෙ නව, ආසෙවනෙ අට්ඨ, කම්මෙ තෙරස, විපාකෙ අට්ඨ, ආහාරෙ තෙරස…පෙ… මග්ගෙ තෙරස, විප්පයුත්තෙ ද්වාදස…පෙ… අවිගතෙ ඡබ්බීස.

33. සවිතක්කසවිචාරං ධම්මං පටිච්ච නසවිතක්කසවිචාරො ධම්මො උප්පජ්ජති හෙතුපච්චයා. සවිතක්කසවිචාරං ධම්මං පටිච්ච නඅවිතක්කවිචාරමත්තො ධම්මො උප්පජ්ජති හෙතුපච්චයා. සවිතක්කසවිචාරං ධම්මං පටිච්ච නඅවිතක්කඅවිචාරො ධම්මො උප්පජ්ජති හෙතුපච්චයා. සවිතක්කසවිචාරං ධම්මං පටිච්ච නසවිතක්කසවිචාරො ච නඅවිතක්කඅවිචාරො ච ධම්මා උප්පජ්ජන්ති හෙතුපච්චයා. සවිතක්කසවිචාරං ධම්මං පටිච්ච නඅවිතක්කවිචාරමත්තො ච නඅවිතක්කඅවිචාරො ච ධම්මා උප්පජ්ජන්ති හෙතුපච්චයා. සවිතක්කසවිචාරං ධම්මං පටිච්ච නසවිතක්කසවිචාරො ච නඅවිතක්කවිචාරමත්තො ච ධම්මා උප්පජ්ජන්ති හෙතුපච්චයා. සවිතක්කසවිචාරං ¶ ධම්මං පටිච්ච නසවිතක්කසවිචාරො ච නඅවිතක්කවිචාරමත්තො ච නඅවිතක්කඅවිචාරො ¶ ච ධම්මා උප්පජ්ජන්ති හෙතුපච්චයා. (7)

34. අවිතක්කවිචාරමත්තං ¶ ධම්මං පටිච්ච නඅවිතක්කවිචාරමත්තො ධම්මො උප්පජ්ජති හෙතුපච්චයා. අවිතක්කවිචාරමත්තං ධම්මං පටිච්ච නසවිතක්කසවිචාරො ධම්මො උප්පජ්ජති හෙතුපච්චයා. අවිතක්කවිචාරමත්තං ධම්මං පටිච්ච නඅවිතක්කඅවිචාරො ධම්මො උප්පජ්ජති හෙතුපච්චයා. අවිතක්කවිචාරමත්තං ධම්මං පටිච්ච නසවිතක්කසවිචාරො ච නඅවිතක්කඅවිචාරො ච ධම්මා උප්පජ්ජන්ති හෙතුපච්චයා. අවිතක්කවිචාරමත්තං ධම්මං පටිච්ච නඅවිතක්කවිචාරමත්තො ච නඅවිතක්කඅවිචාරො ච ධම්මා උප්පජ්ජන්ති හෙතුපච්චයා. අවිතක්කවිචාරමත්තං ධම්මං පටිච්ච නසවිතක්කසවිචාරො ච නඅවිතක්කවිචාරමත්තො ච ධම්මා උප්පජ්ජන්ති හෙතුපච්චයා. අවිතක්කවිචාරමත්තං ධම්මං පටිච්ච නසවිතක්කසවිචාරො ච නඅවිතක්කවිචාරමත්තො ච නඅවිතක්කඅවිචාරො ච ධම්මා උප්පජ්ජන්ති හෙතුපච්චයා. (7)

අවිතක්කඅවිචාරං ධම්මං පටිච්ච නඅවිතක්කඅවිචාරො ධම්මො උප්පජ්ජති හෙතුපච්චයා…පෙ… සත්ත.

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච නසවිතක්කසවිචාරො ධම්මො උප්පජ්ජති හෙතුපච්චයා…පෙ… සත්ත.

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච නසවිතක්කසවිචාරො ධම්මො උප්පජ්ජති හෙතුපච්චයා…පෙ… සත්ත.

සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච නසවිතක්කසවිචාරො ධම්මො ¶ උප්පජ්ජති හෙතුපච්චයා…පෙ… සත්ත.

සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච නසවිතක්කසවිචාරො ධම්මො උප්පජ්ජති හෙතුපච්චයා…පෙ… සත්ත. (සංඛිත්තං.)

හෙතුයා එකූනපඤ්ඤාස, ආරම්මණෙ එකූනපඤ්ඤාස…පෙ… අවිගතෙ එකූනපඤ්ඤාස. (සහජාතවාරම්පි…පෙ… පඤ්හාවාරම්පි විත්ථාරෙතබ්බං.)

35. පීතිසහගතං ¶ ධම්මං පටිච්ච නපීතිසහගතො ධම්මො උප්පජ්ජති හෙතුපච්චයා. පීතිසහගතං ධම්මං පටිච්ච නසුඛසහගතො ධම්මො උප්පජ්ජති හෙතුපච්චයා. පීතිසහගතං ධම්මං පටිච්ච නඋපෙක්ඛාසහගතො ධම්මො උප්පජ්ජති ¶ හෙතුපච්චයා. පීතිසහගතං ධම්මං පටිච්ච නපීතිසහගතො ච නඋපෙක්ඛාසහගතො ච ධම්මා උප්පජ්ජන්ති හෙතුපච්චයා. පීතිසහගතං ධම්මං පටිච්ච නසුඛසහගතො ච නඋපෙක්ඛාසහගතො ච ධම්මා උප්පජ්ජන්ති හෙතුපච්චයා. පීතිසහගතං ධම්මං පටිච්ච නපීතිසහගතො ච නසුඛසහගතො ච ධම්මා උප්පජ්ජන්ති හෙතුපච්චයා. පීතිසහගතං ධම්මං පටිච්ච නපීතිසහගතො ච නසුඛසහගතො ච නඋපෙක්ඛාසහගතො ච ධම්මා උප්පජ්ජන්ති හෙතුපච්චයා. (7)

සුඛසහගතං ධම්මං පටිච්ච නසුඛසහගතො ධම්මො උප්පජ්ජති හෙතුපච්චයා…පෙ… සත්ත.

උපෙක්ඛාසහගතං ¶ ධම්මං පටිච්ච නඋපෙක්ඛාසහගතො ධම්මො උප්පජ්ජති හෙතුපච්චයා…පෙ… සත්ත.

පීතිසහගතඤ්ච සුඛසහගතඤ්ච ධම්මං පටිච්ච නපීතිසහගතො ධම්මො උප්පජ්ජති හෙතුපච්චයා…පෙ… සත්ත. (සංඛිත්තං.)

හෙතුයා අට්ඨවීස, ආරම්මණෙ චතුවීස…පෙ… අවිගතෙ අට්ඨවීස.

(සහජාතවාරම්පි…පෙ… සම්පයුත්තවාරම්පි පඤ්හාවාරම්පි සබ්බත්ථ විත්ථාරෙතබ්බං).

36. දස්සනෙන ¶ පහාතබ්බං ධම්මං පටිච්ච නදස්සනෙන පහාතබ්බො ධම්මො උප්පජ්ජති හෙතුපච්චයා. දස්සනෙන පහාතබ්බං ධම්මං පටිච්ච නභාවනාය පහාතබ්බො ධම්මො උප්පජ්ජති හෙතුපච්චයා. දස්සනෙන පහාතබ්බං ධම්මං පටිච්ච නනෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා. දස්සනෙන පහාතබ්බං ධම්මං පටිච්ච නභාවනාය පහාතබ්බො ච නනෙවදස්සනෙන නභාවනාය පහාතබ්බො ච ධම්මා උප්පජ්ජන්ති හෙතුපච්චයා. දස්සනෙන පහාතබ්බං ධම්මං පටිච්ච නදස්සනෙන පහාතබ්බො ච නභාවනාය පහාතබ්බො ච ධම්මා උප්පජ්ජන්ති හෙතුපච්චයා. (5)

භාවනාය පහාතබ්බං ධම්මං පටිච්ච නභාවනාය පහාතබ්බො ධම්මො උප්පජ්ජති හෙතුපච්චයා… පඤ්ච.

නෙවදස්සනෙන ¶ නභාවනාය පහාතබ්බං ධම්මං පටිච්ච නදස්සනෙන ¶ පහාතබ්බො ධම්මො උප්පජ්ජති හෙතුපච්චයා… තීණි.

දස්සනෙන පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පටිච්ච නදස්සනෙන පහාතබ්බො ධම්මො උප්පජ්ජති හෙතුපච්චයා… තීණි.

භාවනාය පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පටිච්ච නදස්සනෙන පහාතබ්බො ධම්මො උප්පජ්ජති හෙතුපච්චයා… තීණි. (සංඛිත්තං.)

හෙතුයා එකූනවීස…පෙ… අවිගතෙ එකූනවීස. (සහජාතවාරම්පි…පෙ… සම්පයුත්තවාරම්පි පඤ්හාවාරම්පි විත්ථාරෙතබ්බං.)

37. දස්සනෙන ¶ පහාතබ්බහෙතුකං ධම්මං පටිච්ච නදස්සනෙන පහාතබ්බහෙතුකො ධම්මො උප්පජ්ජති හෙතුපච්චයා. (සංඛිත්තං.)

හෙතුයා ඡබ්බීස…පෙ… අවිගතෙ ඡබ්බීස. (විත්ථාරෙතබ්බං.)

38. ආචයගාමිං ධම්මං පටිච්ච නආචයගාමී ධම්මො උප්පජ්ජති හෙතුපච්චයා. ආචයගාමිං ධම්මං පටිච්ච නඅපචයගාමී ධම්මො උප්පජ්ජති හෙතුපච්චයා. ආචයගාමිං ධම්මං පටිච්ච නනෙවාචයගාමිනාපචයගාමී ධම්මො උප්පජ්ජති හෙතුපච්චයා. ආචයගාමිං ධම්මං පටිච්ච නඅපචයගාමී ච නනෙවාචයගාමිනාපචයගාමී ච ධම්මා උප්පජ්ජන්ති හෙතුපච්චයා. ආචයගාමිං ධම්මං පටිච්ච නආචයගාමී ච නඅපචයගාමී ¶ ච ධම්මා උප්පජ්ජන්ති හෙතුපච්චයා. (5)

අපචයගාමිං ධම්මං පටිච්ච නඅපචයගාමී ධම්මො උප්පජ්ජති හෙතුපච්චයා. අපචයගාමිං ධම්මං පටිච්ච නආචයගාමී ධම්මො උප්පජ්ජති හෙතුපච්චයා. අපචයගාමිං ධම්මං පටිච්ච නනෙවාචයගාමිනාපචයගාමී ධම්මො උප්පජ්ජති හෙතුපච්චයා. අපචයගාමිං ධම්මං පටිච්ච නආචයගාමී ච නනෙවාචයගාමිනාපචයගාමී ච ධම්මා උප්පජ්ජන්ති හෙතුපච්චයා. අපචයගාමිං ධම්මං පටිච්ච නආචයගාමී ච නඅපචයගාමී ච ධම්මා උප්පජ්ජන්ති හෙතුපච්චයා. (5)

නෙවාචයගාමිනාපචයගාමිං ¶ ¶ ධම්මං පටිච්ච නආචයගාමී ධම්මො උප්පජ්ජති හෙතුපච්චයා. නෙවාචයගාමිනාපචයගාමිං ධම්මං පටිච්ච නඅපචයගාමී ධම්මො උප්පජ්ජති හෙතුපච්චයා. නෙවාචයගාමිනාපචයගාමිං ධම්මං පටිච්ච නආචයගාමී ච නඅපචයගාමී ච ධම්මා උප්පජ්ජන්ති හෙතුපච්චයා. (3)

ආචයගාමිඤ්ච නෙවාචයගාමිනාපචයගාමිඤ්ච ධම්මං පටිච්ච නආචයගාමී ධම්මො උප්පජ්ජති හෙතුපච්චයා. ආචයගාමිඤ්ච නෙවාචයගාමිනාපචයගාමිඤ්ච ධම්මං පටිච්ච නඅපචයගාමී ධම්මො උප්පජ්ජති හෙතුපච්චයා. ආචයගාමිඤ්ච නෙවාචයගාමිනාපචයගාමිඤ්ච ධම්මං පටිච්ච නආචයගාමී ච නඅපචයගාමී ච ධම්මා උප්පජ්ජන්ති හෙතුපච්චයා. (3)

අපචයගාමිඤ්ච නෙවාචයගාමිනාපචයගාමිඤ්ච ධම්මං පටිච්ච නආචයගාමී ¶ ධම්මො උප්පජ්ජති හෙතුපච්චයා. අපචයගාමිඤ්ච නෙවාචයගාමිනාපචයගාමිඤ්ච ධම්මං පටිච්ච නඅපචයගාමී ධම්මො උප්පජ්ජති හෙතුපච්චයා. අපචයගාමිඤ්ච නෙවාචයගාමිනාපචයගාමිඤ්ච ධම්මං පටිච්ච නආචයගාමී ච නඅපචයගාමී ච ධම්මා උප්පජ්ජන්ති හෙතුපච්චයා. (3) (සංඛිත්තං.)

හෙතුයා එකූනවීස. (සබ්බත්ථ විත්ථාරො.)

39. සෙක්ඛං ධම්මං පටිච්ච නසෙක්ඛො ධම්මො උප්පජ්ජති හෙතුපච්චයා. සෙක්ඛං ධම්මං පටිච්ච නඅසෙක්ඛො ධම්මො උප්පජ්ජති හෙතුපච්චයා. සෙක්ඛං ධම්මං පටිච්ච නනෙවසෙක්ඛනාසෙක්ඛො ධම්මො උප්පජ්ජති හෙතුපච්චයා. සෙක්ඛං ධම්මං පටිච්ච නඅසෙක්ඛො ච නනෙවසෙක්ඛනාසෙක්ඛො ච ධම්මා උප්පජ්ජන්ති හෙතුපච්චයා. සෙක්ඛං ධම්මං පටිච්ච නසෙක්ඛො ච නඅසෙක්ඛො ච ධම්මා උප්පජ්ජන්ති හෙතුපච්චයා. (5)

අසෙක්ඛං ¶ ධම්මං පටිච්ච නඅසෙක්ඛො ධම්මො උප්පජ්ජති හෙතුපච්චයා. අසෙක්ඛං ධම්මං පටිච්ච නසෙක්ඛො ධම්මො උප්පජ්ජති හෙතුපච්චයා. අසෙක්ඛං ධම්මං පටිච්ච නනෙවසෙක්ඛනාසෙක්ඛො ධම්මො උප්පජ්ජති හෙතුපච්චයා. අසෙක්ඛං ධම්මං පටිච්ච නසෙක්ඛො ච නනෙවසෙක්ඛනාසෙක්ඛො ච ධම්මා උප්පජ්ජන්ති හෙතුපච්චයා. අසෙක්ඛං ධම්මං පටිච්ච නසෙක්ඛො ච නඅසෙක්ඛො ච ධම්මා උප්පජ්ජන්ති හෙතුපච්චයා ¶ . (5)

නෙවසෙක්ඛනාසෙක්ඛං ¶ ධම්මං පටිච්ච නසෙක්ඛො ධම්මො උප්පජ්ජති හෙතුපච්චයා. නෙවසෙක්ඛනාසෙක්ඛං ධම්මං පටිච්ච නඅසෙක්ඛො ධම්මො උප්පජ්ජති හෙතුපච්චයා. නෙවසෙක්ඛනාසෙක්ඛං ධම්මං පටිච්ච නසෙක්ඛො ච නඅසෙක්ඛො ච ධම්මා උප්පජ්ජන්ති හෙතුපච්චයා. (3)

සෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නසෙක්ඛො ධම්මො උප්පජ්ජති හෙතුපච්චයා. සෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නඅසෙක්ඛො ධම්මො උප්පජ්ජති හෙතුපච්චයා. සෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නසෙක්ඛො ච නඅසෙක්ඛො ච ධම්මා උප්පජ්ජන්ති හෙතුපච්චයා. (3)

අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නසෙක්ඛො ධම්මො උප්පජ්ජති හෙතුපච්චයා. අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නඅසෙක්ඛො ධම්මො උප්පජ්ජති හෙතුපච්චයා. අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නසෙක්ඛො ච නඅසෙක්ඛො ච ධම්මා උප්පජ්ජන්ති හෙතුපච්චයා. (3) (සංඛිත්තං.)

හෙතුයා එකූනවීස. (සබ්බත්ථ විත්ථාරො.)

40. පරිත්තං ¶ ධම්මං පටිච්ච නපරිත්තො ධම්මො උප්පජ්ජති හෙතුපච්චයා. පරිත්තං ධම්මං පටිච්ච නමහග්ගතො ධම්මො උප්පජ්ජති හෙතුපච්චයා ¶ . පරිත්තං ධම්මං පටිච්ච නඅප්පමාණො ධම්මො උප්පජ්ජති හෙතුපච්චයා. පරිත්තං ධම්මං පටිච්ච නපරිත්තො ච නඅප්පමාණො ච ධම්මා උප්පජ්ජන්ති හෙතුපච්චයා. පරිත්තං ධම්මං පටිච්ච නමහග්ගතො ච නඅප්පමාණො ච ධම්මා උප්පජ්ජන්ති හෙතුපච්චයා. (5)

මහග්ගතං ධම්මං පටිච්ච නමහග්ගතො ධම්මො උප්පජ්ජති හෙතුපච්චයා. මහග්ගතං ධම්මං පටිච්ච නපරිත්තො ධම්මො උප්පජ්ජති හෙතුපච්චයා. මහග්ගතං ධම්මං පටිච්ච නඅප්පමාණො ධම්මො උප්පජ්ජති හෙතුපච්චයා. මහග්ගතං ධම්මං පටිච්ච නපරිත්තො ච නඅප්පමාණො ච ධම්මා උප්පජ්ජන්ති හෙතුපච්චයා. මහග්ගතං ධම්මං පටිච්ච නමහග්ගතො ච නඅප්පමාණො ච ධම්මා උප්පජ්ජන්ති හෙතුපච්චයා. (5)

අප්පමාණං ධම්මං පටිච්ච නඅප්පමාණො ධම්මො උප්පජ්ජති හෙතුපච්චයා. අප්පමාණං ධම්මං පටිච්ච නපරිත්තො ධම්මො උප්පජ්ජති හෙතුපච්චයා. අප්පමාණං ධම්මං පටිච්ච ¶ නමහග්ගතො ධම්මො උප්පජ්ජති හෙතුපච්චයා. අප්පමාණං ධම්මං පටිච්ච නමහග්ගතො ච නඅප්පමාණො ච ධම්මා උප්පජ්ජන්ති හෙතුපච්චයා. අප්පමාණං ධම්මං පටිච්ච නපරිත්තො ච නමහග්ගතො ච ධම්මා උප්පජ්ජන්ති හෙතුපච්චයා. (5)

පරිත්තඤ්ච අප්පමාණඤ්ච ධම්මං පටිච්ච නමහග්ගතො ධම්මො උප්පජ්ජති හෙතුපච්චයා. පරිත්තඤ්ච අප්පමාණඤ්ච ධම්මං පටිච්ච ¶ නඅප්පමාණො ධම්මො උප්පජ්ජති හෙතුපච්චයා. පරිත්තඤ්ච අප්පමාණඤ්ච ¶ ධම්මං පටිච්ච නමහග්ගතො ච නඅප්පමාණො ච ධම්මා උප්පජ්ජන්ති හෙතුපච්චයා. (3)

පරිත්තඤ්ච මහග්ගතඤ්ච ධම්මං පටිච්ච නපරිත්තො ධම්මො උප්පජ්ජති හෙතුපච්චයා. පරිත්තඤ්ච මහග්ගතඤ්ච ධම්මං පටිච්ච නමහග්ගතො ධම්මො උප්පජ්ජති හෙතුපච්චයා. පරිත්තඤ්ච මහග්ගතඤ්ච ධම්මං පටිච්ච නඅප්පමාණො ධම්මො උප්පජ්ජති හෙතුපච්චයා. පරිත්තඤ්ච මහග්ගතඤ්ච ධම්මං පටිච්ච නපරිත්තො ච නඅප්පමාණො ච ධම්මා උප්පජ්ජන්ති හෙතුපච්චයා. පරිත්තඤ්ච මහග්ගතඤ්ච ධම්මං පටිච්ච නමහග්ගතො ච නඅප්පමාණො ච ධම්මා උප්පජ්ජන්ති හෙතුපච්චයා. (5) (සංඛිත්තං.)

හෙතුයා තෙවීස, ආරම්මණෙ චුද්දස. (සබ්බත්ථ විත්ථාරෙතබ්බං.)

41. පරිත්තාරම්මණං ධම්මං පටිච්ච නපරිත්තාරම්මණො ධම්මො උප්පජ්ජති හෙතුපච්චයා….

හෙතුයා එකවීස…පෙ… අවිගතෙ එකවීස.

42. හීනං ධම්මං පටිච්ච නහීනො ධම්මො උප්පජ්ජති හෙතුපච්චයා. (සංකිලිට්ඨසංකිලෙසිකත්තිකසදිසං.)

හෙතුයා ¶ එකූනවීස…පෙ… අවිගතෙ එකූනවීස.

43. මිච්ඡත්තනියතං ¶ ධම්මං පටිච්ච නමිච්ඡත්තනියතො ධම්මො උප්පජ්ජති හෙතුපච්චයා. මිච්ඡත්තනියතං ධම්මං පටිච්ච නසම්මත්තනියතො ධම්මො උප්පජ්ජති හෙතුපච්චයා ¶ . මිච්ඡත්තනියතං ධම්මං පටිච්ච නඅනියතො ධම්මො උප්පජ්ජති හෙතුපච්චයා. මිච්ඡත්තනියතං ධම්මං පටිච්ච නසම්මත්තනියතො ච නඅනියතො ච ධම්මා උප්පජ්ජන්ති හෙතුපච්චයා. මිච්ඡත්තනියතං ධම්මං පටිච්ච නමිච්ඡත්තනියතො ච නසම්මත්තනියතො ච ධම්මා උප්පජ්ජන්ති හෙතුපච්චයා. (5)

සම්මත්තනියතං ධම්මං පටිච්ච නසම්මත්තනියතො ධම්මො උප්පජ්ජති හෙතුපච්චයා. සම්මත්තනියතං ධම්මං පටිච්ච නමිච්ඡත්තනියතො ධම්මො උප්පජ්ජති හෙතුපච්චයා. සම්මත්තනියතං ධම්මං පටිච්ච නඅනියතො ධම්මො උප්පජ්ජති හෙතුපච්චයා. සම්මත්තනියතං ධම්මං පටිච්ච නමිච්ඡත්තනියතො ච නඅනියතො ච ධම්මා උප්පජ්ජන්ති හෙතුපච්චයා. සම්මත්තනියතං ධම්මං පටිච්ච නමිච්ඡත්තනියතො ච නසම්මත්තනියතො ච ධම්මා උප්පජ්ජන්ති හෙතුපච්චයා. (5)

අනියතං ධම්මං පටිච්ච නමිච්ඡත්තනියතො ධම්මො උප්පජ්ජති හෙතුපච්චයා… තීණි.

මිච්ඡත්තනියතඤ්ච අනියතඤ්ච ධම්මං පටිච්ච නමිච්ඡත්තනියතො ධම්මො උප්පජ්ජති හෙතුපච්චයා… තීණි.

සම්මත්තනියතඤ්ච ¶ අනියතඤ්ච ධම්මං පටිච්ච නමිච්ඡත්තනියතො ධම්මො උප්පජ්ජති හෙතුපච්චයා… තීණි. (සංඛිත්තං.)

හෙතුයා එකූනවීස. (සබ්බත්ථ විත්ථාරෙතබ්බං.)

44. මග්ගාරම්මණං ¶ ධම්මං පටිච්ච නමග්ගාරම්මණො ධම්මො උප්පජ්ජති හෙතුපච්චයා. මග්ගාරම්මණං ධම්මං පටිච්ච නමග්ගහෙතුකො ධම්මො උප්පජ්ජති හෙතුපච්චයා. මග්ගාරම්මණං ධම්මං පටිච්ච නමග්ගාධිපති ධම්මො උප්පජ්ජති හෙතුපච්චයා. මග්ගාරම්මණං ධම්මං පටිච්ච නමග්ගාරම්මණො ච නමග්ගාධිපති ච ධම්මා උප්පජ්ජන්ති හෙතුපච්චයා. මග්ගාරම්මණං ධම්මං පටිච්ච නමග්ගහෙතුකො ච නමග්ගාධිපති ච ධම්මා උප්පජ්ජන්ති හෙතුපච්චයා. මග්ගාරම්මණං ධම්මං පටිච්ච නමග්ගාරම්මණො ච නමග්ගහෙතුකො ච ධම්මා උප්පජ්ජන්ති හෙතුපච්චයා. මග්ගාරම්මණං ධම්මං පටිච්ච නමග්ගාරම්මණො ච නමග්ගහෙතුකො ච නමග්ගාධිපති ච ධම්මා උප්පජ්ජන්ති හෙතුපච්චයා. (7) (සංඛිත්තං.)

හෙතුයා පඤ්චතිංස…පෙ… අවිගතෙ පඤ්චතිංස. (සබ්බත්ථ විත්ථාරෙතබ්බං.)

45. උප්පන්නො ¶ ධම්මො නඅනුප්පන්නස්ස ධම්මස්ස හෙතුපච්චයෙන පච්චයො. (සංඛිත්තං.)

46. පච්චුප්පන්නො ¶ ධම්මො නඅතීතස්ස ධම්මස්ස හෙතුපච්චයෙන පච්චයො. (සංඛිත්තං.)

47. අතීතාරම්මණං ¶ ධම්මං පටිච්ච නඅතීතාරම්මණො ධම්මො උප්පජ්ජති හෙතුපච්චයා. අතීතාරම්මණං ධම්මං පටිච්ච නඅනාගතාරම්මණො ධම්මො උප්පජ්ජති හෙතුපච්චයා. අතීතාරම්මණං ධම්මං පටිච්ච නපච්චුප්පන්නාරම්මණො ධම්මො උප්පජ්ජති හෙතුපච්චයා. අතීතාරම්මණං ධම්මං පටිච්ච නඅතීතාරම්මණො ච නපච්චුප්පන්නාරම්මණො ච ධම්මා උප්පජ්ජන්ති හෙතුපච්චයා. අතීතාරම්මණං ධම්මං පටිච්ච නඅනාගතාරම්මණො ච නපච්චුප්පන්නාරම්මණො ච ධම්මා උප්පජ්ජන්ති හෙතුපච්චයා. අතීතාරම්මණං ධම්මං පටිච්ච නඅතීතාරම්මණො ච නඅනාගතාරම්මණො ච ධම්මා උප්පජ්ජන්ති හෙතුපච්චයා. අතීතාරම්මණං ධම්මං පටිච්ච නඅතීතාරම්මණො ච නඅනාගතාරම්මණො ච නපච්චුප්පන්නාරම්මණො ච ධම්මා උප්පජ්ජන්ති හෙතුපච්චයා. (7) (සංඛිත්තං.)

හෙතුයා එකවීස…පෙ… අවිගතෙ එකවීස.

48. අජ්ඣත්තං ධම්මං පටිච්ච නබහිද්ධා ධම්මො උප්පජ්ජති හෙතුපච්චයා. (1)

බහිද්ධා ධම්මං පටිච්ච නඅජ්ඣත්තො ධම්මො උප්පජ්ජති හෙතුපච්චයා ¶ … හෙතුයා ද්වෙ. (සබ්බත්ථ විත්ථාරො.)

49. අජ්ඣත්තාරම්මණං ¶ ධම්මං පටිච්ච නඅජ්ඣත්තාරම්මණො ධම්මො උප්පජ්ජති හෙතුපච්චයා.

50. අනිදස්සනසප්පටිඝං ¶ ධම්මං පටිච්ච නඅනිදස්සනසප්පටිඝො ධම්මො උප්පජ්ජති හෙතුපච්චයා. අනිදස්සනසප්පටිඝං ධම්මං පටිච්ච නසනිදස්සනසප්පටිඝො ධම්මො උප්පජ්ජති හෙතුපච්චයා. අනිදස්සනසප්පටිඝං ධම්මං පටිච්ච නඅනිදස්සනඅප්පටිඝො ධම්මො උප්පජ්ජති හෙතුපච්චයා. අනිදස්සනසප්පටිඝං ධම්මං පටිච්ච නසනිදස්සනසප්පටිඝො ච නඅනිදස්සනඅප්පටිඝො ච ධම්මා උප්පජ්ජන්ති හෙතුපච්චයා. අනිදස්සනසප්පටිඝං ධම්මං පටිච්ච නඅනිදස්සනසප්පටිඝො ච නඅනිදස්සනඅප්පටිඝො ච ධම්මා උප්පජ්ජන්ති හෙතුපච්චයා. අනිදස්සනසප්පටිඝං ධම්මං පටිච්ච නසනිදස්සනසප්පටිඝො ච නඅනිදස්සනසප්පටිඝො ච ධම්මා උප්පජ්ජන්ති හෙතුපච්චයා. (6)

අනිදස්සනඅප්පටිඝං ධම්මං පටිච්ච නඅනිදස්සනඅප්පටිඝො ධම්මො උප්පජ්ජති හෙතුපච්චයා… ඡ.

අනිදස්සනසප්පටිඝඤ්ච අනිදස්සනඅප්පටිඝඤ්ච ධම්මං පටිච්ච නසනිදස්සනසප්පටිඝො ¶ ධම්මො උප්පජ්ජති හෙතුපච්චයා… ඡ. (සංඛිත්තං.)

හෙතුයා අට්ඨාරස, ආරම්මණෙ තීණි…පෙ… අවිගතෙ අට්ඨාරස. (සබ්බත්ථ විත්ථාරො. සහජාතවාරම්පි…පෙ… සම්පයුත්තවාරම්පි විත්ථාරෙතබ්බං.)

51. අනිදස්සනඅප්පටිඝො ධම්මො නඅනිදස්සනඅප්පටිඝස්ස ධම්මස්ස හෙතුපච්චයෙන පච්චයො. අනිදස්සනඅප්පටිඝො ධම්මො නසනිදස්සනසප්පටිඝස්ස ධම්මස්ස හෙතුපච්චයෙන පච්චයො. අනිදස්සනඅප්පටිඝො ධම්මො නඅනිදස්සනසප්පටිඝස්ස ධම්මස්ස හෙතුපච්චයෙන පච්චයො. අනිදස්සනඅප්පටිඝො ¶ ¶ ධම්මො නසනිදස්සනසප්පටිඝස්ස ච නඅනිදස්සනඅප්පටිඝස්ස ච ධම්මස්ස හෙතුපච්චයෙන පච්චයො. නඅනිදස්සනඅප්පටිඝො ධම්මො නඅනිදස්සනසප්පටිඝස්ස ච නඅනිදස්සනඅප්පටිඝස්ස ච ධම්මස්ස හෙතුපච්චයෙන පච්චයො. අනිදස්සනඅප්පටිඝො ධම්මො නසනිදස්සනසප්පටිඝස්ස ච නඅනිදස්සනසප්පටිඝස්ස ච ධම්මස්ස හෙතුපච්චයෙන පච්චයො. (6)

සනිදස්සනසප්පටිඝො ධම්මො නසනිදස්සනසප්පටිඝස්ස ධම්මස්ස ආරම්මණපච්චයෙන පච්චයො… තීණි. (සංඛිත්තං.)

52. හෙතුයා ඡ, ආරම්මණෙ නව. (පඤ්හාවාරං විත්ථාරෙතබ්බං.)

ධම්මානුලොමපච්චනීයෙ තිකපට්ඨානං නිට්ඨිතං.