📜
8. චිත්තයමකං
(ක) උද්දෙසො
1. සුද්ධචිත්තසාමඤ්ඤං
1. පුග්ගලවාරො
(1) උප්පාදනිරොධකාලසම්භෙදවාරො
1. (ක) යස්ස ¶ ¶ ¶ චිත්තං උප්පජ්ජති න නිරුජ්ඣති තස්ස චිත්තං නිරුජ්ඣිස්සති න උප්පජ්ජිස්සති?
(ඛ) යස්ස වා පන චිත්තං නිරුජ්ඣිස්සති න උප්පජ්ජිස්සති තස්ස චිත්තං උප්පජ්ජති න නිරුජ්ඣති?
(ක) යස්ස චිත්තං න උප්පජ්ජති නිරුජ්ඣති තස්ස චිත්තං න නිරුජ්ඣිස්සති උප්පජ්ජිස්සති?
(ඛ) යස්ස වා පන චිත්තං න නිරුජ්ඣිස්සති උප්පජ්ජිස්සති තස්ස චිත්තං න උප්පජ්ජති නිරුජ්ඣති?
(2) උප්පාදුප්පන්නවාරො
2. (ක) යස්ස ¶ චිත්තං උප්පජ්ජති තස්ස චිත්තං උප්පන්නං?
(ඛ) යස්ස වා පන චිත්තං උප්පන්නං තස්ස චිත්තං උප්පජ්ජති?
(ක) යස්ස චිත්තං න උප්පජ්ජති තස්ස චිත්තං න උප්පන්නං?
(ඛ) යස්ස වා පන චිත්තං න උප්පන්නං තස්ස චිත්තං න උප්පජ්ජති?
(3) නිරොධුප්පන්නවාරො
3. (ක) යස්ස ¶ චිත්තං නිරුජ්ඣති තස්ස චිත්තං උප්පන්නං?
(ඛ) යස්ස වා පන චිත්තං උප්පන්නං තස්ස චිත්තං නිරුජ්ඣති?
(ක) යස්ස චිත්තං න නිරුජ්ඣති තස්ස චිත්තං න උප්පන්නං?
(ඛ) යස්ස වා පන චිත්තං න උප්පන්නං තස්ස චිත්තං න නිරුජ්ඣති?
(4) උප්පාදවාරො
4. (ක) යස්ස ¶ චිත්තං උප්පජ්ජති තස්ස චිත්තං උප්පජ්ජිත්ථ?
(ඛ) යස්ස වා පන චිත්තං උප්පජ්ජිත්ථ තස්ස චිත්තං උප්පජ්ජති?
(ක) යස්ස චිත්තං න උප්පජ්ජති තස්ස චිත්තං න උප්පජ්ජිත්ථ?
(ඛ) යස්ස වා පන චිත්තං න උප්පජ්ජිත්ථ තස්ස චිත්තං න උප්පජ්ජති?
5. (ක) යස්ස චිත්තං උප්පජ්ජති තස්ස චිත්තං උප්පජ්ජිස්සති?
(ඛ) යස්ස වා පන චිත්තං උප්පජ්ජිස්සති තස්ස චිත්තං උප්පජ්ජති?
(ක) යස්ස චිත්තං න උප්පජ්ජති තස්ස චිත්තං න උප්පජ්ජිස්සති?
(ඛ) යස්ස වා පන චිත්තං න උප්පජ්ජිස්සති තස්ස චිත්තං න උප්පජ්ජති?
6. (ක) යස්ස ¶ චිත්තං උප්පජ්ජිත්ථ තස්ස චිත්තං උප්පජ්ජිස්සති?
(ඛ) යස්ස වා පන චිත්තං උප්පජ්ජිස්සති තස්ස චිත්තං උප්පජ්ජිත්ථ?
(ක) යස්ස චිත්තං න උප්පජ්ජිත්ථ තස්ස චිත්තං න උප්පජ්ජිස්සති?
(ඛ) යස්ස වා පන චිත්තං න උප්පජ්ජිස්සති තස්ස චිත්තං න උප්පජ්ජිත්ථ?
(5) නිරොධවාරො
7. (ක) යස්ස චිත්තං නිරුජ්ඣති තස්ස චිත්තං නිරුජ්ඣිත්ථ?
(ඛ) යස්ස වා පන චිත්තං නිරුජ්ඣිත්ථ තස්ස චිත්තං නිරුජ්ඣති?
(ක) යස්ස චිත්තං න නිරුජ්ඣති තස්ස චිත්තං න නිරුජ්ඣිත්ථ?
(ඛ) යස්ස වා පන චිත්තං න නිරුජ්ඣිත්ථ තස්ස චිත්තං න නිරුජ්ඣති?
8. (ක) යස්ස චිත්තං නිරුජ්ඣති තස්ස චිත්තං නිරුජ්ඣිස්සති?
(ඛ) යස්ස වා පන චිත්තං නිරුජ්ඣිස්සති තස්ස චිත්තං නිරුජ්ඣති?
(ක) යස්ස චිත්තං න නිරුජ්ඣති තස්ස චිත්තං න නිරුජ්ඣිස්සති?
(ඛ) යස්ස වා පන චිත්තං න නිරුජ්ඣිස්සති තස්ස චිත්තං න නිරුජ්ඣති?
9. (ක) යස්ස චිත්තං නිරුජ්ඣිත්ථ තස්ස චිත්තං නිරුජ්ඣිස්සති?
(ඛ) යස්ස වා පන චිත්තං නිරුජ්ඣිස්සති තස්ස චිත්තං නිරුජ්ඣිත්ථ?
(ක) යස්ස චිත්තං න නිරුජ්ඣිත්ථ තස්ස චිත්තං න නිරුජ්ඣිස්සති?
(ඛ) යස්ස ¶ වා පන චිත්තං න නිරුජ්ඣිස්සති තස්ස චිත්තං න නිරුජ්ඣිත්ථ?
(6) උප්පාදනිරොධවාරො
10. (ක) යස්ස ¶ චිත්තං උප්පජ්ජති තස්ස චිත්තං නිරුජ්ඣිත්ථ?
(ඛ) යස්ස වා පන චිත්තං නිරුජ්ඣිත්ථ තස්ස චිත්තං උප්පජ්ජති?
(ක) යස්ස ¶ චිත්තං න උප්පජ්ජති තස්ස චිත්තං න නිරුජ්ඣිත්ථ?
(ඛ) යස්ස වා පන චිත්තං න නිරුජ්ඣිත්ථ තස්ස චිත්තං න උප්පජ්ජති?
11. (ක) යස්ස චිත්තං උප්පජ්ජති තස්ස චිත්තං නිරුජ්ඣිස්සති?
(ඛ) යස්ස වා පන චිත්තං නිරුජ්ඣිස්සති තස්ස චිත්තං උප්පජ්ජති?
(ක) යස්ස චිත්තං න උප්පජ්ජති තස්ස චිත්තං න නිරුජ්ඣිස්සති?
(ඛ) යස්ස වා පන චිත්තං න නිරුජ්ඣිස්සති තස්ස චිත්තං න උප්පජ්ජති?
12. (ක) යස්ස චිත්තං උප්පජ්ජිත්ථ තස්ස චිත්තං නිරුජ්ඣිස්සති?
(ඛ) යස්ස වා පන චිත්තං නිරුජ්ඣිස්සති තස්ස චිත්තං උප්පජ්ජිත්ථ?
(ක) යස්ස චිත්තං න උප්පජ්ජිත්ථ තස්ස චිත්තං න නිරුජ්ඣිස්සති?
(ඛ) යස්ස වා පන චිත්තං න නිරුජ්ඣිස්සති තස්ස චිත්තං න උප්පජ්ජිත්ථ?
(7) උප්පජ්ජමාන-නනිරොධවාරො
13. (ක) යස්ස චිත්තං උප්පජ්ජති තස්ස චිත්තං න නිරුජ්ඣති?
(ඛ) යස්ස වා පන චිත්තං න නිරුජ්ඣති තස්ස චිත්තං උප්පජ්ජති?
(ක) යස්ස චිත්තං න උප්පජ්ජති තස්ස චිත්තං නිරුජ්ඣති?
(ඛ) යස්ස වා පන චිත්තං නිරුජ්ඣති තස්ස චිත්තං න උප්පජ්ජති?
(8) උප්පජ්ජමානුප්පන්නවාරො
14. (ක) යස්ස චිත්තං උප්පජ්ජමානං තස්ස චිත්තං උප්පන්නං?
(ඛ) යස්ස වා පන චිත්තං උප්පන්නං තස්ස චිත්තං උප්පජ්ජමානං?
(ක) යස්ස චිත්තං න උප්පජ්ජමානං තස්ස චිත්තං න උප්පන්නං?
(ඛ) යස්ස වා පන චිත්තං න උප්පන්නං තස්ස චිත්තං න උප්පජ්ජමානං?
(9) නිරුජ්ඣමානුප්පන්නවාරො
15. (ක) යස්ස චිත්තං නිරුජ්ඣමානං තස්ස චිත්තං උප්පන්නං?
(ඛ) යස්ස වා පන චිත්තං ¶ උප්පන්නං තස්ස චිත්තං නිරුජ්ඣමානං?
(ක) යස්ස ¶ චිත්තං න නිරුජ්ඣමානං තස්ස චිත්තං න උප්පන්නං?
(ඛ) යස්ස වා පන චිත්තං න උප්පන්නං තස්ස චිත්තං න නිරුජ්ඣමානං?
(10) උප්පන්නුප්පාදවාරො
16. (ක) යස්ස චිත්තං උප්පන්නං තස්ස චිත්තං උප්පජ්ජිත්ථ?
(ඛ) යස්ස වා පන චිත්තං උප්පජ්ජිත්ථ තස්ස චිත්තං උප්පන්නං?
(ක) යස්ස චිත්තං න උප්පන්නං තස්ස චිත්තං න උප්පජ්ජිත්ථ?
(ඛ) යස්ස වා පන චිත්තං න උප්පජ්ජිත්ථ තස්ස චිත්තං න උප්පන්නං?
(ක) යස්ස ¶ චිත්තං උප්පන්නං තස්ස චිත්තං උප්පජ්ජිස්සති?
(ඛ) යස්ස වා පන චිත්තං උප්පජ්ජිස්සති තස්ස චිත්තං උප්පන්නං?
(ක) යස්ස චිත්තං න උප්පන්නං තස්ස චිත්තං න උප්පජ්ජිස්සති?
(ඛ) යස්ස වා පන චිත්තං න උප්පජ්ජිස්සති තස්ස චිත්තං න උප්පන්නං?
(11) අතීතානාගතවාරො
17. (ක) යස්ස චිත්තං උප්පජ්ජිත්ථ නො ච තස්ස චිත්තං උප්පන්නං, තස්ස චිත්තං උප්පජ්ජිස්සති?
(ඛ) යස්ස වා පන චිත්තං උප්පජ්ජිස්සති නො ච තස්ස චිත්තං උප්පන්නං, තස්ස චිත්තං උප්පජ්ජිත්ථ?
(ක) යස්ස චිත්තං න උප්පජ්ජිත්ථ නො ච තස්ස චිත්තං න උප්පන්නං, තස්ස චිත්තං න උප්පජ්ජිස්සති?
(ඛ) යස්ස වා පන චිත්තං න උප්පජ්ජිස්සති නො ච තස්ස චිත්තං න උප්පන්නං, තස්ස චිත්තං න උප්පජ්ජිත්ථ?
(12) උප්පන්නුප්පජ්ජමානවාරො
18. (ක) උප්පන්නං ¶ උප්පජ්ජමානං?
(ඛ) උප්පජ්ජමානං උප්පන්නං?
(ක) න උප්පන්නං න උප්පජ්ජමානං?
(ඛ) න උප්පජ්ජමානං න උප්පන්නං?
(13) නිරුද්ධනිරුජ්ඣමානවාරො
(ඛ) නිරුජ්ඣමානං නිරුද්ධං?
(ක) න නිරුද්ධං න නිරුජ්ඣමානං?
(ඛ) න නිරුජ්ඣමානං න නිරුද්ධං?
(14) අතික්කන්තකාලවාරො
20. (ක) යස්ස ¶ චිත්තං උප්පජ්ජමානං ඛණං ඛණං වීතික්කන්තං අතික්කන්තකාලං, නිරුජ්ඣමානං ඛණං ඛණං වීතික්කන්තං අතික්කන්තකාලං තස්ස චිත්තං?
(ඛ) යස්ස වා පන චිත්තං නිරුජ්ඣමානං ඛණං ඛණං වීතික්කන්තං අතික්කන්තකාලං, උප්පජ්ජමානං ඛණං ඛණං වීතික්කන්තං අතික්කන්තකාලං තස්ස චිත්තං?
(ක) යස්ස චිත්තං න උප්පජ්ජමානං ඛණං ඛණං වීතික්කන්තං අතික්කන්තකාලං, න නිරුජ්ඣමානං ඛණං ඛණං වීතික්කන්තං අතික්කන්තකාලං තස්ස චිත්තං?
(ඛ) යස්ස වා පන චිත්තං න නිරුජ්ඣමානං ඛණං ඛණං වීතික්කන්තං අතික්කන්තකාලං, න උප්පජ්ජමානං ඛණං ඛණං වීතික්කන්තං අතික්කන්තකාලං තස්ස චිත්තං?
1. සුද්ධචිත්තසාමඤ්ඤං
2. ධම්මවාරො
(1) උප්පාදනිරොධකාලසම්භෙදවාරො
21. (ක) යං ¶ ¶ චිත්තං උප්පජ්ජති න නිරුජ්ඣති තං චිත්තං නිරුජ්ඣිස්සති න උප්පජ්ජිස්සති?
(ඛ) යං වා පන චිත්තං නිරුජ්ඣිස්සති න උප්පජ්ජිස්සති තං චිත්තං උප්පජ්ජති න නිරුජ්ඣති?
(ක) යං චිත්තං න උප්පජ්ජති නිරුජ්ඣති තං චිත්තං න නිරුජ්ඣිස්සති උප්පජ්ජිස්සති?
(ඛ) යං වා පන චිත්තං න නිරුජ්ඣිස්සති උප්පජ්ජිස්සති තං චිත්තං න උප්පජ්ජති නිරුජ්ඣති?
(2) උප්පාදුප්පන්නවාරො
22. (ක) යං චිත්තං උප්පජ්ජති තං චිත්තං උප්පන්නං?
(ඛ) යං වා පන චිත්තං උප්පන්නං තං චිත්තං උප්පජ්ජති?
(ක) යං චිත්තං න උප්පජ්ජති තං චිත්තං න උප්පන්නං?
(ඛ) යං වා පන චිත්තං න උප්පන්නං තං චිත්තං න උප්පජ්ජති?
(3) නිරොධුප්පන්නවාරො
23. (ක) යං චිත්තං නිරුජ්ඣති තං චිත්තං උප්පන්නං?
(ඛ) යං වා පන චිත්තං උප්පන්නං තං චිත්තං නිරුජ්ඣති?
(ක) යං චිත්තං න නිරුජ්ඣති තං චිත්තං න ¶ උප්පන්නං?
(ඛ) යං වා පන චිත්තං න උප්පන්නං තං චිත්තං න නිරුජ්ඣති?
(4) උප්පාදවාරො
24. (ක) යං ¶ චිත්තං උප්පජ්ජති තං චිත්තං උප්පජ්ජිත්ථ?
(ඛ) යං වා පන චිත්තං උප්පජ්ජිත්ථ තං චිත්තං උප්පජ්ජති?
(ක) යං චිත්තං න උප්පජ්ජති තං චිත්තං න උප්පජ්ජිත්ථ?
(ඛ) යං වා පන චිත්තං න උප්පජ්ජිත්ථ තං චිත්තං න උප්පජ්ජති?
25. (ක) යං චිත්තං උප්පජ්ජති තං චිත්තං උප්පජ්ජිස්සති?
(ඛ) යං වා පන චිත්තං උප්පජ්ජිස්සති තං චිත්තං උප්පජ්ජති?
(ක) යං චිත්තං න උප්පජ්ජති තං චිත්තං න උප්පජ්ජිස්සති?
(ඛ) යං වා පන චිත්තං න උප්පජ්ජිස්සති තං චිත්තං න උප්පජ්ජති?
26. (ක) යං චිත්තං උප්පජ්ජිත්ථ තං චිත්තං උප්පජ්ජිස්සති?
(ඛ) යං වා පන චිත්තං උප්පජ්ජිස්සති තං චිත්තං උප්පජ්ජිත්ථ?
(ක) යං චිත්තං න උප්පජ්ජිත්ථ තං චිත්තං න උප්පජ්ජිස්සති?
(ඛ) යං වා පන චිත්තං න උප්පජ්ජිස්සති තං චිත්තං න උප්පජ්ජිත්ථ?
(5) නිරොධවාරො
27. (ක) යං ¶ චිත්තං නිරුජ්ඣති තං චිත්තං නිරුජ්ඣිත්ථ?
(ඛ) යං වා පන චිත්තං නිරුජ්ඣිත්ථ තං චිත්තං නිරුජ්ඣති?
(ක) යං චිත්තං න නිරුජ්ඣති තං චිත්තං න නිරුජ්ඣිත්ථ?
(ඛ) යං වා පන චිත්තං න නිරුජ්ඣිත්ථ තං චිත්තං න නිරුජ්ඣති?
28. (ක) යං චිත්තං නිරුජ්ඣති තං චිත්තං නිරුජ්ඣිස්සති?
(ඛ) යං වා පන චිත්තං නිරුජ්ඣිස්සති තං චිත්තං නිරුජ්ඣති?
(ක) යං ¶ චිත්තං න නිරුජ්ඣති තං චිත්තං න නිරුජ්ඣිස්සති?
(ඛ) යං වා පන චිත්තං න නිරුජ්ඣිස්සති තං චිත්තං න නිරුජ්ඣති?
29. (ක) යං චිත්තං නිරුජ්ඣිත්ථ තං චිත්තං නිරුජ්ඣිස්සති?
(ඛ) යං වා පන චිත්තං නිරුජ්ඣිස්සති තං චිත්තං නිරුජ්ඣිත්ථ?
(ක) යං චිත්තං න නිරුජ්ඣිත්ථ තං චිත්තං න නිරුජ්ඣිස්සති?
(ඛ) යං වා පන චිත්තං න නිරුජ්ඣිස්සති තං චිත්තං න නිරුජ්ඣිත්ථ?
(6) උප්පාදනිරොධවාරො
30. (ක) යං ¶ චිත්තං උප්පජ්ජති තං චිත්තං නිරුජ්ඣිත්ථ?
(ඛ) යං වා පන චිත්තං නිරුජ්ඣිත්ථ තං චිත්තං උප්පජ්ජති?
(ක) යං චිත්තං න උප්පජ්ජති තං චිත්තං න නිරුජ්ඣිත්ථ?
(ඛ) යං වා පන චිත්තං න නිරුජ්ඣිත්ථ තං චිත්තං න උප්පජ්ජති?
31. (ක) යං චිත්තං උප්පජ්ජති තං චිත්තං නිරුජ්ඣිස්සති?
(ඛ) යං වා පන චිත්තං නිරුජ්ඣිස්සති තං චිත්තං උප්පජ්ජති?
(ක) යං චිත්තං න උප්පජ්ජති තං චිත්තං න නිරුජ්ඣිස්සති?
(ඛ) යං වා පන චිත්තං න නිරුජ්ඣිස්සති තං චිත්තං න උප්පජ්ජති?
32. (ක) යං චිත්තං උප්පජ්ජිත්ථ තං චිත්තං නිරුජ්ඣිස්සති?
(ඛ) යං වා පන චිත්තං නිරුජ්ඣිස්සති තං චිත්තං උප්පජ්ජිත්ථ?
(ක) යං චිත්තං න උප්පජ්ජිත්ථ තං චිත්තං න නිරුජ්ඣිස්සති?
(ඛ) යං වා පන චිත්තං න නිරුජ්ඣිස්සති තං චිත්තං න උප්පජ්ජිත්ථ?
(7) උප්පජ්ජමාන-නනිරොධවාරො
33. (ක) යං චිත්තං උප්පජ්ජති තං චිත්තං න නිරුජ්ඣති?
(ඛ) යං වා පන චිත්තං න නිරුජ්ඣති තං චිත්තං උප්පජ්ජති?
(ක) යං චිත්තං න උප්පජ්ජති තං චිත්තං නිරුජ්ඣති?
(ඛ) යං වා පන චිත්තං නිරුජ්ඣති තං චිත්තං න උප්පජ්ජති?
(8) උප්පජ්ජමානුප්පන්නවාරො
34. (ක) යං ¶ ¶ චිත්තං උප්පජ්ජමානං තං චිත්තං උප්පන්නං?
(ඛ) යං වා පන චිත්තං උප්පන්නං තං චිත්තං උප්පජ්ජමානං?
(ක) යං චිත්තං න උප්පජ්ජමානං තං චිත්තං න උප්පන්නං?
(ඛ) යං වා පන චිත්තං න උප්පන්නං තං චිත්තං න උප්පජ්ජමානං?
(9) නිරුජ්ඣමානුප්පන්නවාරො
35. (ක) යං චිත්තං නිරුජ්ඣමානං තං චිත්තං උප්පන්නං?
(ඛ) යං වා පන චිත්තං උප්පන්නං තං චිත්තං නිරුජ්ඣමානං?
(ක) යං චිත්තං න නිරුජ්ඣමානං තං චිත්තං න උප්පන්නං?
(ඛ) යං වා පන චිත්තං න උප්පන්නං තං චිත්තං න නිරුජ්ඣමානං?
(10) උප්පන්නුප්පාදවාරො
36. (ක) යං ¶ චිත්තං උප්පන්නං තං චිත්තං උප්පජ්ජිත්ථ?
(ඛ) යං වා පන චිත්තං උප්පජ්ජිත්ථ තං චිත්තං උප්පන්නං?
(ක) යං චිත්තං න උප්පන්නං තං චිත්තං න උප්පජ්ජිත්ථ?
(ඛ) යං වා පන චිත්තං න උප්පජ්ජිත්ථ තං චිත්තං න උප්පන්නං?
(ක) යං චිත්තං උප්පන්නං තං චිත්තං උප්පජ්ජිස්සති?
(ඛ) යං වා පන චිත්තං උප්පජ්ජිස්සති තං චිත්තං උප්පන්නං?
(ක) යං චිත්තං න උප්පන්නං තං චිත්තං න උප්පජ්ජිස්සති?
(ඛ) යං වා පන චිත්තං න උප්පජ්ජිස්සති තං චිත්තං න උප්පන්නං?
(11) අතීතානාගතවාරො
37. (ක) යං ¶ චිත්තං උප්පජ්ජිත්ථ නො ච තං චිත්තං උප්පන්නං, තං චිත්තං උප්පජ්ජිස්සති?
(ඛ) යං වා පන චිත්තං උප්පජ්ජිස්සති නො ච තං චිත්තං උප්පන්නං, තං චිත්තං උප්පජ්ජිත්ථ?
(ක) යං චිත්තං න උප්පජ්ජිත්ථ නො ච තං චිත්තං න උප්පන්නං, තං චිත්තං න උප්පජ්ජිස්සති?
(ඛ) යං වා පන චිත්තං න උප්පජ්ජිස්සති නො ච තං චිත්තං න උප්පන්නං, තං චිත්තං න උප්පජ්ජිත්ථ?
(12) උප්පන්නුප්පජ්ජමානවාරො
(ඛ) උප්පජ්ජමානං උප්පන්නං?
(ක) න උප්පන්නං න උප්පජ්ජමානං?
(ඛ) න උප්පජ්ජමානං න උප්පන්නං?
(13) නිරුද්ධනිරුජ්ඣමානවාරො
(ඛ) නිරුජ්ඣමානං නිරුද්ධං?
(ක) න නිරුද්ධං න නිරුජ්ඣමානං?
(ඛ) න නිරුජ්ඣමානං න නිරුද්ධං?
(14) අතික්කන්තකාලවාරො
40. (ක) යං ¶ ¶ චිත්තං උප්පජ්ජමානං ඛණං ඛණං වීතික්කන්තං අතික්කන්තකාලං, නිරුජ්ඣමානං ඛණං ඛණං වීතික්කන්තං අතික්කන්තකාලං තං චිත්තං?
(ඛ) යං ¶ වා පන චිත්තං නිරුජ්ඣමානං ඛණං ඛණං වීතික්කන්තං අතික්කන්තකාලං, උප්පජ්ජමානං ඛණං ඛණං වීතික්කන්තං අතික්කන්තකාලං තං චිත්තං?
(ක) යං චිත්තං න උප්පජ්ජමානං ඛණං ඛණං වීතික්කන්තං අතික්කන්තකාලං, න නිරුජ්ඣමානං ඛණං ඛණං වීතික්කන්තං අතික්කන්තකාලං තං චිත්තං?
(ඛ) යං වා පන චිත්තං න නිරුජ්ඣමානං ඛණං ඛණං වීතික්කන්තං අතික්කන්තකාලං, න උප්පජ්ජමානං ඛණං ඛණං වීතික්කන්තං අතික්කන්තකාලං තං චිත්තං?
1. සුද්ධචිත්තසාමඤ්ඤ
3. පුග්ගලධම්මවාරො
(1) උප්පාදනිරොධකාලසම්භෙදවාරො
41. (ක) යස්ස යං චිත්තං උප්පජ්ජති න නිරුජ්ඣති තස්ස තං චිත්තං නිරුජ්ඣිස්සති න උප්පජ්ජිස්සති?
(ඛ) යස්ස වා පන යං චිත්තං නිරුජ්ඣිස්සති න උප්පජ්ජිස්සති තස්ස තං චිත්තං උප්පජ්ජති න නිරුජ්ඣති?
(ක) යස්ස යං චිත්තං න උප්පජ්ජති නිරුජ්ඣති තස්ස තං චිත්තං න නිරුජ්ඣිස්සති උප්පජ්ජිස්සති?
(ඛ) යස්ස වා පන යං චිත්තං න නිරුජ්ඣිස්සති උප්පජ්ජිස්සති තස්ස තං චිත්තං න උප්පජ්ජති නිරුජ්ඣති?
(2) උප්පාදුප්පන්නවාරො
42. (ක) යස්ස යං චිත්තං උප්පජ්ජති තස්ස තං චිත්තං උප්පන්නං?
(ඛ) යස්ස වා පන යං චිත්තං උප්පන්නං තස්ස තං චිත්තං උප්පජ්ජති?
(ක) යස්ස යං චිත්තං න උප්පජ්ජති තස්ස තං චිත්තං න උප්පන්නං?
(ඛ) යස්ස වා පන යං චිත්තං න උප්පන්නං තස්ස තං චිත්තං න උප්පජ්ජති?
(3) නිරොධුප්පන්නවාරො
43. (ක) යස්ස ¶ යං චිත්තං නිරුජ්ඣති තස්ස තං චිත්තං උප්පන්නං?
(ඛ) යස්ස වා පන යං චිත්තං උප්පන්නං තස්ස තං චිත්තං නිරුජ්ඣති?
(ක) යස්ස යං චිත්තං න නිරුජ්ඣති තස්ස තං චිත්තං න උප්පන්නං?
(ඛ) යස්ස වා පන යං චිත්තං න උප්පන්නං තස්ස තං චිත්තං න නිරුජ්ඣති?
(4) උප්පාදවාරො
44. (ක) යස්ස ¶ ¶ යං චිත්තං උප්පජ්ජති තස්ස තං චිත්තං උප්පජ්ජිත්ථ?
(ඛ) යස්ස වා පන යං චිත්තං උප්පජ්ජිත්ථ තස්ස තං චිත්තං උප්පජ්ජති?
(ක) යස්ස යං චිත්තං න උප්පජ්ජති තස්ස තං චිත්තං න උප්පජ්ජිත්ථ?
(ඛ) යස්ස වා පන යං චිත්තං න උප්පජ්ජිත්ථ තස්ස තං චිත්තං න උප්පජ්ජති?
45. (ක) යස්ස යං චිත්තං උප්පජ්ජති තස්ස තං චිත්තං උප්පජ්ජිස්සති?
(ඛ) යස්ස වා පන යං චිත්තං උප්පජ්ජිස්සති තස්ස තං චිත්තං උප්පජ්ජති?
(ක) යස්ස යං චිත්තං න උප්පජ්ජති තස්ස තං චිත්තං න උප්පජ්ජිස්සති?
(ඛ) යස්ස වා පන යං චිත්තං න උප්පජ්ජිස්සති තස්ස තං චිත්තං න උප්පජ්ජති?
46. (ක) යස්ස යං චිත්තං උප්පජ්ජිත්ථ තස්ස තං චිත්තං උප්පජ්ජිස්සති?
(ඛ) යස්ස වා පන යං චිත්තං උප්පජ්ජිස්සති තස්ස තං චිත්තං උප්පජ්ජිත්ථ?
(ක) යස්ස යං චිත්තං න උප්පජ්ජිත්ථ තස්ස තං චිත්තං න උප්පජ්ජිස්සති?
(ඛ) යස්ස වා පන යං චිත්තං න උප්පජ්ජිස්සති තස්ස තං චිත්තං න උප්පජ්ජිත්ථ?
(5) නිරොධවාරො
47. (ක) යස්ස ¶ යං චිත්තං නිරුජ්ඣති තස්ස තං චිත්තං නිරුජ්ඣිත්ථ?
(ඛ) යස්ස වා පන යං චිත්තං නිරුජ්ඣිත්ථ තස්ස තං චිත්තං නිරුජ්ඣති?
(ක) යස්ස යං චිත්තං න නිරුජ්ඣති තස්ස තං චිත්තං න නිරුජ්ඣිත්ථ?
(ඛ) යස්ස වා පන යං චිත්තං න නිරුජ්ඣිත්ථ තස්ස තං චිත්තං න නිරුජ්ඣති?
48. (ක) යස්ස යං චිත්තං නිරුජ්ඣති තස්ස තං චිත්තං නිරුජ්ඣිස්සති?
(ඛ) යස්ස වා පන යං චිත්තං නිරුජ්ඣිස්සති තස්ස තං චිත්තං නිරුජ්ඣති?
(ක) යස්ස යං චිත්තං න නිරුජ්ඣති තස්ස තං චිත්තං න නිරුජ්ඣිස්සති?
(ඛ) යස්ස වා පන යං චිත්තං න නිරුජ්ඣිස්සති තස්ස තං චිත්තං න නිරුජ්ඣති?
49. (ක) යස්ස යං චිත්තං නිරුජ්ඣිත්ථ තස්ස තං චිත්තං ¶ නිරුජ්ඣිස්සති?
(ඛ) යස්ස වා පන යං චිත්තං නිරුජ්ඣිස්සති තස්ස තං චිත්තං නිරුජ්ඣිත්ථ?
(ක) යස්ස යං චිත්තං න නිරුජ්ඣිත්ථ තස්ස තං චිත්තං න නිරුජ්ඣිස්සති?
(ඛ) යස්ස වා පන යං චිත්තං න නිරුජ්ඣිස්සති තස්ස තං චිත්තං න නිරුජ්ඣිත්ථ?
(6) උප්පාදනිරොධවාරො
50. (ක) යස්ස ¶ යං චිත්තං උප්පජ්ජති තස්ස තං චිත්තං නිරුජ්ඣිත්ථ?
(ඛ) යස්ස වා පන යං චිත්තං නිරුජ්ඣිත්ථ තස්ස තං චිත්තං උප්පජ්ජති?
(ක) යස්ස යං චිත්තං න උප්පජ්ජති තස්ස තං චිත්තං න නිරුජ්ඣිත්ථ?
(ඛ) යස්ස වා පන යං චිත්තං න නිරුජ්ඣිත්ථ තස්ස තං චිත්තං න උප්පජ්ජති?
51. (ක) යස්ස ¶ යං චිත්තං උප්පජ්ජති තස්ස තං චිත්තං නිරුජ්ඣිස්සති?
(ඛ) යස්ස වා පන යං චිත්තං නිරුජ්ඣිස්සති තස්ස තං චිත්තං උප්පජ්ජති?
(ක) යස්ස යං චිත්තං න උප්පජ්ජති තස්ස තං චිත්තං න නිරුජ්ඣිස්සති?
(ඛ) යස්ස වා පන යං චිත්තං න නිරුජ්ඣිස්සති තස්ස තං චිත්තං න උප්පජ්ජති?
52. (ක) යස්ස යං චිත්තං උප්පජ්ජිත්ථ තස්ස තං චිත්තං නිරුජ්ඣිස්සති?
(ඛ) යස්ස වා පන යං චිත්තං නිරුජ්ඣිස්සති තස්ස තං චිත්තං උප්පජ්ජිත්ථ?
(ක) යස්ස යං චිත්තං න උප්පජ්ජිත්ථ තස්ස තං චිත්තං න නිරුජ්ඣිස්සති?
(ඛ) යස්ස වා පන යං චිත්තං න නිරුජ්ඣිස්සති තස්ස තං චිත්තං න උප්පජ්ජිත්ථ?
(7) උප්පජ්ජමාන-නනිරොධවාරො
53. (ක) යස්ස යං චිත්තං උප්පජ්ජති තස්ස තං චිත්තං න නිරුජ්ඣති?
(ඛ) යස්ස වා පන යං චිත්තං න නිරුජ්ඣති තස්ස තං චිත්තං උප්පජ්ජති?
(ක) යස්ස යං චිත්තං න උප්පජ්ජති තස්ස තං චිත්තං නිරුජ්ඣති?
(ඛ) යස්ස වා පන යං චිත්තං නිරුජ්ඣති තස්ස තං චිත්තං න උප්පජ්ජති?
(8) උප්පජ්ජමානුප්පන්නවාරො
54. (ක) යස්ස ¶ යං චිත්තං උප්පජ්ජමානං තස්ස තං චිත්තං උප්පන්නං?
(ඛ) යස්ස වා පන යං චිත්තං උප්පන්නං තස්ස තං චිත්තං උප්පජ්ජමානං?
(ක) යස්ස යං චිත්තං න උප්පජ්ජමානං තස්ස තං චිත්තං න උප්පන්නං?
(ඛ) යස්ස වා පන යං චිත්තං න උප්පන්නං තස්ස තං චිත්තං න උප්පජ්ජමානං?
(9) නිරුජ්ඣමානුප්පන්නවාරො
55. (ක) යස්ස ¶ යං චිත්තං නිරුජ්ඣමානං තස්ස තං චිත්තං උප්පන්නං?
(ඛ) යස්ස වා පන යං චිත්තං උප්පන්නං තස්ස තං චිත්තං නිරුජ්ඣමානං?
(ක) යස්ස යං චිත්තං න නිරුජ්ඣමානං තස්ස ¶ තං චිත්තං න උප්පන්නං?
(ඛ) යස්ස වා පන යං චිත්තං න උප්පන්නං තස්ස තං චිත්තං න නිරුජ්ඣමානං?
(10) උප්පන්නුප්පාදවාරො
56. (ක) යස්ස යං චිත්තං උප්පන්නං තස්ස තං චිත්තං උප්පජ්ජිත්ථ?
(ඛ) යස්ස වා පන යං චිත්තං උප්පජ්ජිත්ථ තස්ස තං චිත්තං උප්පන්නං?
(ක) යස්ස යං චිත්තං න උප්පන්නං තස්ස තං චිත්තං න උප්පජ්ජිත්ථ?
(ඛ) යස්ස වා පන යං චිත්තං න උප්පජ්ජිත්ථ තස්ස තං චිත්තං න උප්පන්නං?
(ක) යස්ස යං චිත්තං උප්පන්නං තස්ස තං චිත්තං උප්පජ්ජිස්සති?
(ඛ) යස්ස වා පන යං චිත්තං උප්පජ්ජිස්සති තස්ස තං චිත්තං උප්පන්නං?
(ක) යස්ස යං චිත්තං න උප්පන්නං තස්ස තං චිත්තං න උප්පජ්ජිස්සති?
(ඛ) යස්ස වා පන යං චිත්තං න උප්පජ්ජිස්සති තස්ස තං චිත්තං න උප්පන්නං?
(11) අතීතානාගතවාරො
57. (ක) යස්ස යං චිත්තං උප්පජ්ජිත්ථ නො ච තස්ස තං චිත්තං උප්පන්නං, තස්ස තං චිත්තං උප්පජ්ජිස්සති?
(ඛ) යස්ස වා පන යං චිත්තං උප්පජ්ජිස්සති නො ච තස්ස තං චිත්තං උප්පන්නං, තස්ස තං චිත්තං උප්පජ්ජිත්ථ?
(ක) යස්ස යං චිත්තං න උප්පජ්ජිත්ථ නො ච තස්ස තං චිත්තං න ¶ උප්පන්නං, තස්ස තං චිත්තං න උප්පජ්ජිස්සති?
(ඛ) යස්ස ¶ වා පන යං චිත්තං න උප්පජ්ජිස්සති නො ච තස්ස තං චිත්තං න උප්පන්නං, තස්ස තං චිත්තං න උප්පජ්ජිත්ථ?
(12) උප්පන්නුප්පජ්ජමානවාරො
(ඛ) උප්පජ්ජමානං උප්පන්නං?
(ක) න උප්පන්නං න උප්පජ්ජමානං?
(ඛ) න උප්පජ්ජමානං න උප්පන්නං?
(13) නිරුද්ධනිරුජ්ඣමානවාරො
(ඛ) නිරුජ්ඣමානං නිරුද්ධං?
(ක) න නිරුද්ධං න නිරුජ්ඣමානං?
(ඛ) න නිරුජ්ඣමානං න නිරුද්ධං?
(14) අතික්කන්තකාලවාරො
60. (ක) යස්ස යං චිත්තං උප්පජ්ජමානං ඛණං ඛණං වීතික්කන්තං අතික්කන්තකාලං, නිරුජ්ඣමානං ඛණං ඛණං වීතික්කන්තං අතික්කන්තකාලං තස්ස තං චිත්තං?
(ඛ) යස්ස වා පන යං චිත්තං නිරුජ්ඣමානං ඛණං ඛණං වීතික්කන්තං අතික්කන්තකාලං, උප්පජ්ජමානං ඛණං ¶ ඛණං වීතික්කන්තං අතික්කන්තකාලං තස්ස තං චිත්තං?
(ක) යස්ස යං චිත්තං න උප්පජ්ජමානං ඛණං ඛණං වීතික්කන්තං අතික්කන්තකාලං, න නිරුජ්ඣමානං ඛණං ඛණං වීතික්කන්තං අතික්කන්තකාලං තස්ස තං චිත්තං?
(ඛ) යස්ස වා පන යං චිත්තං න නිරුජ්ඣමානං ඛණං ඛණං වීතික්කන්තං අතික්කන්තකාලං ¶ , න උප්පජ්ජමානං ඛණං ඛණං වීතික්කන්තං අතික්කන්තකාලං තස්ස තං චිත්තං?
2. සුත්තන්තචිත්තමිස්සකවිසෙසො
61. යස්ස සරාගං චිත්තං උප්පජ්ජති…පෙ… යස්ස වීතරාගං චිත්තං උප්පජ්ජති… යස්ස සදොසං චිත්තං උප්පජ්ජති… යස්ස වීතදොසං චිත්තං උප්පජ්ජති… යස්ස සමොහං චිත්තං උප්පජ්ජති… යස්ස වීතමොහං චිත්තං උප්පජ්ජති ¶ … යස්ස සංඛිත්තං චිත්තං උප්පජ්ජති… යස්ස වික්ඛිත්තං චිත්තං උප්පජ්ජති… යස්ස මහග්ගතං චිත්තං උප්පජ්ජති… යස්ස අමහග්ගතං චිත්තං උප්පජ්ජති… යස්ස සඋත්තරං චිත්තං උප්පජ්ජති… යස්ස අනුත්තරං චිත්තං උප්පජ්ජති… යස්ස සමාහිතං චිත්තං උප්පජ්ජති… යස්ස අසමාහිතං චිත්තං උප්පජ්ජති… යස්ස විමුත්තං චිත්තං උප්පජ්ජති… යස්ස අවිමුත්තං චිත්තං උප්පජ්ජති…?
3. අභිධම්මචිත්තමිස්සකවිසෙසො
62. යස්ස කුසලං චිත්තං උප්පජ්ජති…පෙ… යස්ස අකුසලං චිත්තං උප්පජ්ජති… යස්ස අබ්යාකතං චිත්තං උප්පජ්ජති… යස්ස සුඛාය වෙදනාය සම්පයුත්තං චිත්තං උප්පජ්ජති…?
(එතෙන උපායෙන යාව සරණඅරණා උද්ධරිතබ්බා.)
(ක) යස්ස අරණං චිත්තං උප්පජ්ජති න නිරුජ්ඣති තස්ස අරණං චිත්තං නිරුජ්ඣිස්සති න උප්පජ්ජිස්සති?
(ඛ) යස්ස වා පන අරණං චිත්තං නිරුජ්ඣිස්සති න උප්පජ්ජිස්සති තස්ස අරණං චිත්තං උප්පජ්ජති න නිරුජ්ඣති?
(ඛ) නිද්දෙසො
1. සුද්ධචිත්තසාමඤ්ඤං
1. පුග්ගලවාරො
(1) උප්පාදනිරොධකාලසම්භෙදවාරො
63. (ක) යස්ස ¶ ¶ චිත්තං උප්පජ්ජති න නිරුජ්ඣති තස්ස චිත්තං නිරුජ්ඣිස්සති න උප්පජ්ජිස්සතීති?
පච්ඡිමචිත්තස්ස උප්පාදක්ඛණෙ තෙසං චිත්තං උප්පජ්ජති න නිරුජ්ඣති, නිරුජ්ඣිස්සති න උප්පජ්ජිස්සති. ඉතරෙසං චිත්තස්ස උප්පාදක්ඛණෙ තෙසං චිත්තං උප්පජ්ජති න නිරුජ්ඣති, නිරුජ්ඣිස්සති චෙව උප්පජ්ජිස්සති ච.
(ඛ) යස්ස වා පන චිත්තං නිරුජ්ඣිස්සති න උප්පජ්ජිස්සති තස්ස ¶ චිත්තං උප්පජ්ජති න නිරුජ්ඣතීති? ආමන්තා.
(ක) යස්ස චිත්තං න උප්පජ්ජති නිරුජ්ඣති තස්ස චිත්තං න නිරුජ්ඣිස්සති උප්පජ්ජිස්සතීති? නො.
(ඛ) යස්ස වා පන චිත්තං න නිරුජ්ඣිස්සති උප්පජ්ජිස්සති තස්ස චිත්තං න උප්පජ්ජති නිරුජ්ඣතීති? නත්ථි.
(2) උප්පාදුප්පන්නවාරො
64. (ක) යස්ස චිත්තං උප්පජ්ජති තස්ස චිත්තං උප්පන්නන්ති? ආමන්තා.
(ඛ) යස්ස වා පන චිත්තං උප්පන්නං තස්ස චිත්තං උප්පජ්ජතීති?
චිත්තස්ස භඞ්ගක්ඛණෙ තෙසං චිත්තං උප්පන්නං, නො ච තෙසං චිත්තං උප්පජ්ජති. චිත්තස්ස උප්පාදක්ඛණෙ තෙසං චිත්තං උප්පන්නඤ්චෙව උප්පජ්ජති ච.
(ක) යස්ස ¶ චිත්තං න උප්පජ්ජති තස්ස චිත්තං න උප්පන්නන්ති?
චිත්තස්ස භඞ්ගක්ඛණෙ තෙසං චිත්තං න උප්පජ්ජති, නො ච තෙසං චිත්තං න උප්පන්නං. නිරොධසමාපන්නානං අසඤ්ඤසත්තානං තෙසං චිත්තං න චෙව උප්පජ්ජති න ච උප්පන්නං.
(ඛ) යස්ස වා පන චිත්තං න උප්පන්නං තස්ස චිත්තං න උප්පජ්ජතීති? ආමන්තා.
(3) නිරොධුප්පන්නවාරො
65. (ක) යස්ස චිත්තං නිරුජ්ඣති තස්ස චිත්තං උප්පන්නන්ති? ආමන්තා.
(ඛ) යස්ස වා පන චිත්තං උප්පන්නං තස්ස චිත්තං නිරුජ්ඣතීති?
චිත්තස්ස උප්පාදක්ඛණෙ තෙසං චිත්තං උප්පන්නං, නො ච තෙසං චිත්තං නිරුජ්ඣති. චිත්තස්ස භඞ්ගක්ඛණෙ තෙසං චිත්තං උප්පන්නඤ්චෙව නිරුජ්ඣති ච.
(ක) යස්ස ¶ චිත්තං න නිරුජ්ඣති තස්ස චිත්තං න උප්පන්නන්ති?
චිත්තස්ස උප්පාදක්ඛණෙ තෙසං චිත්තං න නිරුජ්ඣති, නො ච තෙසං චිත්තං න උප්පන්නං. නිරොධසමාපන්නානං අසඤ්ඤසත්තානං තෙසං චිත්තං න චෙව නිරුජ්ඣති න ච උප්පන්නං ¶ .
(ඛ) යස්ස වා පන චිත්තං න උප්පන්නං තස්ස චිත්තං න නිරුජ්ඣතීති? ආමන්තා.
(4) උප්පාදවාරො
66. (ක) යස්ස චිත්තං උප්පජ්ජති තස්ස චිත්තං උප්පජ්ජිත්ථාති? ආමන්තා.
(ඛ) යස්ස වා පන චිත්තං උප්පජ්ජිත්ථ තස්ස චිත්තං උප්පජ්ජතීති?
චිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං චිත්තං උප්පජ්ජිත්ථ, නො ච තෙසං චිත්තං උප්පජ්ජති. චිත්තස්ස උප්පාදක්ඛණෙ තෙසං චිත්තං උප්පජ්ජිත්ථ චෙව උප්පජ්ජති ච.
(ක) යස්ස ¶ චිත්තං න උප්පජ්ජති තස්ස චිත්තං න උප්පජ්ජිත්ථාති? උප්පජ්ජිත්ථ.
(ඛ) යස්ස වා පන චිත්තං න උප්පජ්ජිත්ථ තස්ස චිත්තං න උප්පජ්ජතීති? නත්ථි.
67. (ක) යස්ස චිත්තං උප්පජ්ජති තස්ස චිත්තං උප්පජ්ජිස්සතීති?
පච්ඡිමචිත්තස්ස උප්පාදක්ඛණෙ තෙසං චිත්තං උප්පජ්ජති, නො ච තෙසං චිත්තං උප්පජ්ජිස්සති. ඉතරෙසං චිත්තස්ස උප්පාදක්ඛණෙ තෙසං චිත්තං උප්පජ්ජති චෙව උප්පජ්ජිස්සති ච.
(ඛ) යස්ස වා පන චිත්තං උප්පජ්ජිස්සති තස්ස චිත්තං උප්පජ්ජතීති?
චිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං චිත්තං උප්පජ්ජිස්සති, නො ච තෙසං චිත්තං උප්පජ්ජති. චිත්තස්ස උප්පාදක්ඛණෙ තෙසං චිත්තං උප්පජ්ජිස්සති චෙව උප්පජ්ජති ච.
(ක) යස්ස චිත්තං න උප්පජ්ජති තස්ස චිත්තං න උප්පජ්ජිස්සතීති?
චිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං චිත්තං න උප්පජ්ජති, නො ච තෙසං චිත්තං න උප්පජ්ජිස්සති. පච්ඡිමචිත්තස්ස භඞ්ගක්ඛණෙ තෙසං චිත්තං න චෙව උප්පජ්ජති න ච උප්පජ්ජිස්සති.
(ඛ) යස්ස වා පන චිත්තං න ¶ උප්පජ්ජිස්සති තස්ස චිත්තං න උප්පජ්ජතීති?
පච්ඡිමචිත්තස්ස උප්පාදක්ඛණෙ තෙසං චිත්තං න උප්පජ්ජිස්සති, නො ච තෙසං චිත්තං න උප්පජ්ජති. පච්ඡිමචිත්තස්ස භඞ්ගක්ඛණෙ තෙසං චිත්තං න චෙව උප්පජ්ජිස්සති න ච උප්පජ්ජති.
68. (ක) යස්ස චිත්තං උප්පජ්ජිත්ථ තස්ස චිත්තං උප්පජ්ජිස්සතීති?
පච්ඡිමචිත්තසමඞ්ගීනං තෙසං චිත්තං උප්පජ්ජිත්ථ, නො ච තෙසං චිත්තං උප්පජ්ජිස්සති. ඉතරෙසං තෙසං චිත්තං උප්පජ්ජිත්ථ චෙව උප්පජ්ජිස්සති ච.
(ඛ) යස්ස වා පන චිත්තං උප්පජ්ජිස්සති තස්ස චිත්තං උප්පජ්ජිත්ථාති? ආමන්තා.
(ක) යස්ස ¶ ¶ චිත්තං න උප්පජ්ජිත්ථ තස්ස චිත්තං න උප්පජ්ජිස්සතීති? නත්ථි.
(ඛ) යස්ස වා පන චිත්තං න උප්පජ්ජිස්සති තස්ස චිත්තං න උප්පජ්ජිත්ථාති? උප්පජ්ජිත්ථ.
(5) නිරොධවාරො
69. (ක) යස්ස චිත්තං නිරුජ්ඣති තස්ස චිත්තං නිරුජ්ඣිත්ථාති? ආමන්තා.
(ඛ) යස්ස වා පන චිත්තං නිරුජ්ඣිත්ථ තස්ස චිත්තං නිරුජ්ඣතීති?
චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං චිත්තං නිරුජ්ඣිත්ථ, නො ච තෙසං චිත්තං නිරුජ්ඣති. චිත්තස්ස භඞ්ගක්ඛණෙ තෙසං චිත්තං නිරුජ්ඣිත්ථ චෙව නිරුජ්ඣති ච.
(ක) යස්ස චිත්තං න නිරුජ්ඣති තස්ස චිත්තං න නිරුජ්ඣිත්ථාති? නිරුජ්ඣිත්ථ.
(ඛ) යස්ස වා පන චිත්තං න නිරුජ්ඣිත්ථ තස්ස චිත්තං න නිරුජ්ඣතීති? නත්ථි.
70. (ක) යස්ස චිත්තං නිරුජ්ඣති තස්ස චිත්තං නිරුජ්ඣිස්සතීති?
පච්ඡිමචිත්තස්ස භඞ්ගක්ඛණෙ තෙසං චිත්තං නිරුජ්ඣති, නො ච තෙසං චිත්තං නිරුජ්ඣිස්සති. ඉතරෙසං චිත්තස්ස භඞ්ගක්ඛණෙ තෙසං චිත්තං නිරුජ්ඣති චෙව නිරුජ්ඣිස්සති ච.
(ඛ) යස්ස වා පන චිත්තං නිරුජ්ඣිස්සති තස්ස ¶ චිත්තං නිරුජ්ඣතීති?
චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං චිත්තං නිරුජ්ඣිස්සති, නො ච තෙසං චිත්තං නිරුජ්ඣති. චිත්තස්ස භඞ්ගක්ඛණෙ තෙසං චිත්තං නිරුජ්ඣිස්සති චෙව නිරුජ්ඣති ච.
(ක) යස්ස චිත්තං න නිරුජ්ඣති තස්ස චිත්තං න නිරුජ්ඣිස්සතීති? නිරුජ්ඣිස්සති.
(ඛ) යස්ස වා පන චිත්තං න නිරුජ්ඣිස්සති තස්ස චිත්තං න නිරුජ්ඣතීති? නිරුජ්ඣති.
71. (ක) යස්ස ¶ චිත්තං නිරුජ්ඣිත්ථ තස්ස චිත්තං නිරුජ්ඣිස්සතීති?
පච්ඡිමචිත්තස්ස භඞ්ගක්ඛණෙ තෙසං චිත්තං නිරුජ්ඣිත්ථ, නො ච තෙසං චිත්තං නිරුජ්ඣිස්සති. ඉතරෙසං තෙසං චිත්තං නිරුජ්ඣිත්ථ චෙව නිරුජ්ඣිස්සති ච.
(ඛ) යස්ස වා පන චිත්තං නිරුජ්ඣිස්සති තස්ස චිත්තං නිරුජ්ඣිත්ථාති? ආමන්තා.
(ක) යස්ස චිත්තං න නිරුජ්ඣිත්ථ තස්ස චිත්තං න නිරුජ්ඣිස්සතීති? නත්ථි.
(ඛ) යස්ස වා පන චිත්තං න නිරුජ්ඣිස්සති තස්ස චිත්තං න නිරුජ්ඣිත්ථාති? නිරුජ්ඣිත්ථ.
(6) උප්පාදනිරොධවාරො
72. (ක) යස්ස චිත්තං උප්පජ්ජති තස්ස චිත්තං නිරුජ්ඣිත්ථාති? ආමන්තා.
(ඛ) යස්ස වා පන චිත්තං නිරුජ්ඣිත්ථ තස්ස චිත්තං උප්පජ්ජතීති?
චිත්තස්ස භඞ්ගක්ඛණෙ නිරොධසමාපන්නානං ¶ අසඤ්ඤසත්තානං තෙසං චිත්තං නිරුජ්ඣිත්ථ, නො ච තෙසං චිත්තං උප්පජ්ජති. චිත්තස්ස උප්පාදක්ඛණෙ තෙසං චිත්තං නිරුජ්ඣිත්ථ චෙව උප්පජ්ජති ච.
(ක) යස්ස චිත්තං න උප්පජ්ජති තස්ස චිත්තං න නිරුජ්ඣිත්ථාති? නිරුජ්ඣිත්ථ.
(ඛ) යස්ස වා පන චිත්තං න නිරුජ්ඣිත්ථ තස්ස චිත්තං න උප්පජ්ජතීති? නත්ථි.
73. (ක) යස්ස චිත්තං උප්පජ්ජති තස්ස චිත්තං නිරුජ්ඣිස්සතීති? ආමන්තා.
(ඛ) යස්ස වා පන චිත්තං නිරුජ්ඣිස්සති තස්ස චිත්තං උප්පජ්ජතීති?
චිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං ¶ තෙසං චිත්තං නිරුජ්ඣිස්සති, නො ච තෙසං චිත්තං උප්පජ්ජති. චිත්තස්ස උප්පාදක්ඛණෙ තෙසං චිත්තං නිරුජ්ඣිස්සති චෙව උප්පජ්ජති ච.
(ක) යස්ස ¶ චිත්තං න උප්පජ්ජති තස්ස චිත්තං න නිරුජ්ඣිස්සතීති?
චිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං චිත්තං න උප්පජ්ජති, නො ච තෙසං චිත්තං න නිරුජ්ඣිස්සති. පච්ඡිමචිත්තස්ස භඞ්ගක්ඛණෙ තෙසං චිත්තං න චෙව උප්පජ්ජති න ච නිරුජ්ඣිස්සති.
(ඛ) යස්ස වා පන චිත්තං න නිරුජ්ඣිස්සති තස්ස චිත්තං න උප්පජ්ජතීති? ආමන්තා.
74. (ක) යස්ස චිත්තං උප්පජ්ජිත්ථ තස්ස චිත්තං නිරුජ්ඣිස්සතීති?
පච්ඡිමචිත්තස්ස භඞ්ගක්ඛණෙ තෙසං චිත්තං උප්පජ්ජිත්ථ, නො ච තෙසං චිත්තං නිරුජ්ඣිස්සති. ඉතරෙසං තෙසං චිත්තං උප්පජ්ජිත්ථ චෙව නිරුජ්ඣිස්සති ච.
(ඛ) යස්ස වා පන චිත්තං නිරුජ්ඣිස්සති තස්ස චිත්තං උප්පජ්ජිත්ථාති? ආමන්තා.
(ක) යස්ස චිත්තං න උප්පජ්ජිත්ථ තස්ස චිත්තං න නිරුජ්ඣිස්සතීති? නත්ථි.
(ඛ) යස්ස වා පන චිත්තං න නිරුජ්ඣිස්සති තස්ස චිත්තං න උප්පජ්ජිත්ථාති? උප්පජ්ජිත්ථ.
(7) උප්පජ්ජමානනනිරොධවාරො
75. (ක) යස්ස චිත්තං උප්පජ්ජති තස්ස චිත්තං න නිරුජ්ඣතීති? ආමන්තා.
(ඛ) යස්ස වා පන චිත්තං න නිරුජ්ඣති තස්ස චිත්තං උප්පජ්ජතීති?
නිරොධසමාපන්නානං අසඤ්ඤසත්තානං තෙසං චිත්තං න නිරුජ්ඣති, නො ච තෙසං චිත්තං ¶ උප්පජ්ජති. චිත්තස්ස උප්පාදක්ඛණෙ තෙසං චිත්තං න නිරුජ්ඣති චෙව උප්පජ්ජති ච.
(ක) යස්ස චිත්තං න උප්පජ්ජති තස්ස චිත්තං නිරුජ්ඣතීති?
නිරොධසමාපන්නානං අසඤ්ඤසත්තානං තෙසං චිත්තං න උප්පජ්ජති, නො ච තෙසං චිත්තං නිරුජ්ඣති. චිත්තස්ස භඞ්ගක්ඛණෙ තෙසං චිත්තං න උප්පජ්ජති චෙව නිරුජ්ඣති ච.
(ඛ) යස්ස වා පන චිත්තං නිරුජ්ඣති තස්ස චිත්තං න උප්පජ්ජතීති? ආමන්තා.
(8) උප්පජ්ජමානුප්පන්නවාරො
76. (ක) යස්ස ¶ ¶ චිත්තං උප්පජ්ජමානං තස්ස චිත්තං උප්පන්නන්ති? ආමන්තා.
(ඛ) යස්ස වා පන චිත්තං උප්පන්නං තස්ස චිත්තං උප්පජ්ජමානන්ති?
චිත්තස්ස භඞ්ගක්ඛණෙ තෙසං චිත්තං උප්පන්නං, නො ච තෙසං චිත්තං උප්පජ්ජමානං. චිත්තස්ස උප්පාදක්ඛණෙ තෙසං චිත්තං උප්පන්නඤ්චෙව උප්පජ්ජමානඤ්ච.
(ක) යස්ස චිත්තං න උප්පජ්ජමානං තස්ස චිත්තං න උප්පන්නන්ති?
චිත්තස්ස භඞ්ගක්ඛණෙ තෙසං චිත්තං න උප්පජ්ජමානං, නො ච තෙසං චිත්තං න උප්පන්නං. නිරොධසමාපන්නානං අසඤ්ඤසත්තානං තෙසං චිත්තං න චෙව උප්පජ්ජමානං න ච උප්පන්නං.
(ඛ) යස්ස වා පන චිත්තං න උප්පන්නං තස්ස චිත්තං න උප්පජ්ජමානන්ති? ආමන්තා.
(9) නිරුජ්ඣමානුප්පන්නවාරො
77. (ක) යස්ස චිත්තං නිරුජ්ඣමානං තස්ස චිත්තං උප්පන්නන්ති? ආමන්තා.
(ඛ) යස්ස වා පන චිත්තං උප්පන්නං තස්ස චිත්තං නිරුජ්ඣමානන්ති?
චිත්තස්ස උප්පාදක්ඛණෙ තෙසං චිත්තං උප්පන්නං, නො ච තෙසං චිත්තං නිරුජ්ඣමානං. චිත්තස්ස භඞ්ගක්ඛණෙ තෙසං චිත්තං උප්පන්නඤ්චෙව නිරුජ්ඣමානඤ්ච.
(ක) යස්ස චිත්තං න නිරුජ්ඣමානං තස්ස චිත්තං න උප්පන්නන්ති?
චිත්තස්ස උප්පාදක්ඛණෙ තෙසං චිත්තං න නිරුජ්ඣමානං, නො ච තෙසං චිත්තං න උප්පන්නං. නිරොධසමාපන්නානං අසඤ්ඤසත්තානං තෙසං චිත්තං න චෙව නිරුජ්ඣමානං න ච උප්පන්නං.
(ඛ) යස්ස වා පන චිත්තං න උප්පන්නං තස්ස ¶ චිත්තං න නිරුජ්ඣමානන්ති? ආමන්තා.
(10) උප්පන්නුප්පාදවාරො
78. (ක) යස්ස ¶ චිත්තං උප්පන්නං තස්ස චිත්තං උප්පජ්ජිත්ථාති? ආමන්තා.
(ඛ) යස්ස වා පන චිත්තං උප්පජ්ජිත්ථ තස්ස චිත්තං උප්පන්නන්ති?
නිරොධසමාපන්නානං අසඤ්ඤසත්තානං තෙසං චිත්තං උප්පජ්ජිත්ථ, නො ච තෙසං චිත්තං උප්පන්නං. චිත්තසමඞ්ගීනං තෙසං චිත්තං උප්පජ්ජිත්ථ චෙව උප්පන්නඤ්ච.
(ක) යස්ස චිත්තං න උප්පන්නං තස්ස චිත්තං න උප්පජ්ජිත්ථාති? උප්පජ්ජිත්ථ.
(ඛ) යස්ස වා පන චිත්තං න උප්පජ්ජිත්ථ තස්ස චිත්තං න උප්පන්නන්ති? නත්ථි.
79. (ක) යස්ස චිත්තං උප්පන්නං තස්ස චිත්තං උප්පජ්ජිස්සතීති?
පච්ඡිමචිත්තසමඞ්ගීනං තෙසං චිත්තං උප්පන්නං, නො ච තෙසං චිත්තං උප්පජ්ජිස්සති. ඉතරෙසං චිත්තසමඞ්ගීනං තෙසං ¶ චිත්තං උප්පන්නඤ්චෙව උප්පජ්ජිස්සති ච.
(ඛ) යස්ස වා පන චිත්තං උප්පජ්ජිස්සති තස්ස චිත්තං උප්පන්නන්ති?
නිරොධසමාපන්නානං අසඤ්ඤසත්තානං තෙසං චිත්තං උප්පජ්ජිස්සති, නො ච තෙසං චිත්තං උප්පන්නං. චිත්තසමඞ්ගීනං තෙසං චිත්තං උප්පජ්ජිස්සති චෙව උප්පන්නඤ්ච.
(ක) යස්ස චිත්තං න උප්පන්නං තස්ස චිත්තං න උප්පජ්ජිස්සතීති? උප්පජ්ජිස්සති.
(ඛ) යස්ස වා පන චිත්තං න උප්පජ්ජිස්සති තස්ස චිත්තං න උප්පන්නන්ති? උප්පන්නං.
(11) අතීතානාගතවාරො
80. (ක) යස්ස චිත්තං උප්පජ්ජිත්ථ නො ච තස්ස චිත්තං උප්පන්නං, තස්ස චිත්තං උප්පජ්ජිස්සතීති? ආමන්තා.
(ඛ) යස්ස වා පන චිත්තං උප්පජ්ජිස්සති නො ච තස්ස චිත්තං උප්පන්නං, තස්ස චිත්තං උප්පජ්ජිත්ථාති? ආමන්තා.
(ක) යස්ස ¶ චිත්තං න උප්පජ්ජිත්ථ නො ච තස්ස චිත්තං න උප්පන්නං, තස්ස ¶ චිත්තං න උප්පජ්ජිස්සතීති? නත්ථි.
(ඛ) යස්ස වා පන චිත්තං න උප්පජ්ජිස්සති නො ච තස්ස චිත්තං න උප්පන්නං, තස්ස චිත්තං න උප්පජ්ජිත්ථාති? උප්පජ්ජිත්ථ.
(12) උප්පන්නුප්පජ්ජමානවාරො
81. (ක) උප්පන්නං උප්පජ්ජමානන්ති?
භඞ්ගක්ඛණෙ උප්පන්නං, නො ච උප්පජ්ජමානං. උප්පාදක්ඛණෙ උප්පන්නඤ්චෙව උප්පජ්ජමානඤ්ච.
(ඛ) උප්පජ්ජමානං උප්පන්නන්ති? ආමන්තා.
(ක) න උප්පන්නං න උප්පජ්ජමානන්ති? ආමන්තා.
(ඛ) න උප්පජ්ජමානං න උප්පන්නන්ති?
භඞ්ගක්ඛණෙ න උප්පජ්ජමානං, නො ච න උප්පන්නං. අතීතානාගතං චිත්තං න චෙව උප්පජ්ජමානං න ච උප්පන්නං.
(13) නිරුද්ධනිරුජ්ඣමානවාරො
82. (ක) නිරුද්ධං නිරුජ්ඣමානන්ති? නො.
(ඛ) නිරුජ්ඣමානං නිරුද්ධන්ති? නො.
(ක) න නිරුද්ධං න නිරුජ්ඣමානන්ති?
භඞ්ගක්ඛණෙ න නිරුද්ධං, නො ච න නිරුජ්ඣමානං. උප්පාදක්ඛණෙ අනාගතඤ්ච චිත්තං න චෙව නිරුද්ධං න ච නිරුජ්ඣමානං.
(ඛ) න නිරුජ්ඣමානං න නිරුද්ධන්ති?
අතීතං චිත්තං න නිරුජ්ඣමානං, නො ච න නිරුද්ධං. උප්පාදක්ඛණෙ අනාගතඤ්ච චිත්තං න චෙව නිරුජ්ඣමානං න ච නිරුද්ධං.
(14) අතික්කන්තකාලවාරො
83. (ක) යස්ස ¶ ¶ චිත්තං උප්පජ්ජමානං ඛණං ඛණං වීතික්කන්තං අතික්කන්තකාලං, නිරුජ්ඣමානං ඛණං ඛණං වීතික්කන්තං අතික්කන්තකාලං තස්ස චිත්තන්ති?
භඞ්ගක්ඛණෙ චිත්තං උප්පාදක්ඛණං වීතක්කන්තං භඞ්ගක්ඛණං අවීතික්කන්තං, අතීතං චිත්තං උප්පාදක්ඛණඤ්ච වීතික්කන්තං භඞ්ගක්ඛණඤ්ච වීතික්කන්තං.
(ඛ) යස්ස වා පන චිත්තං නිරුජ්ඣමානං ඛණං ඛණං වීතික්කන්තං අතික්කන්තකාලං, උප්පජ්ජමානං ¶ ඛණං ඛණං වීතික්කන්තං අතික්කන්තකාලං තස්ස චිත්තන්ති?
අතීතං චිත්තං.
(ක) යස්ස චිත්තං න උප්පජ්ජමානං ඛණං ඛණං වීතික්කන්තං අතික්කන්තකාලං, න නිරුජ්ඣමානං ඛණං ඛණං වීතික්කන්තං අතික්කන්තකාලං තස්ස චිත්තන්ති?
උප්පාදක්ඛණෙ අනාගතං චිත්තං.
(ඛ) යස්ස වා පන චිත්තං න නිරුජ්ඣමානං ඛණං ඛණං වීතික්කන්තං අතික්කන්තකාලං, න උප්පජ්ජමානං ඛණං ඛණං වීතික්කන්තං අතික්කන්තකාලං තස්ස චිත්තන්ති?
භඞ්ගක්ඛණෙ චිත්තං භඞ්ගක්ඛණං අවීතික්කන්තං නො ච උප්පාදක්ඛණං අවීතික්කන්තං, උප්පාදක්ඛණෙ අනාගතඤ්ච චිත්තං භඞ්ගක්ඛණඤ්ච අවීතික්කන්තං උප්පාදක්ඛණඤ්ච අවීතික්කන්තං.
1. සුද්ධචිත්තසාමඤ්ඤ
2. ධම්මවාරො
(1) උප්පාදනිරොධකාලසම්භෙදවාරො
84. (ක) යං චිත්තං උප්පජ්ජති න නිරුජ්ඣති තං චිත්තං නිරුජ්ඣිස්සති න උප්පජ්ජිස්සතීති? ආමන්තා.
(ඛ) යං ¶ වා පන චිත්තං නිරුජ්ඣිස්සති න උප්පජ්ජිස්සති තං චිත්තං උප්පජ්ජති න නිරුජ්ඣතීති? ආමන්තා.
(ක) යං චිත්තං න උප්පජ්ජති නිරුජ්ඣති තං චිත්තං න නිරුජ්ඣිස්සති උප්පජ්ජිස්සතීති? නො.
(ඛ) යං වා පන චිත්තං න නිරුජ්ඣිස්සති උප්පජ්ජිස්සති තං චිත්තං න උප්පජ්ජති නිරුජ්ඣතීති? නත්ථි.
(2) උප්පාදුප්පන්නවාරො
85. (ක) යං චිත්තං උප්පජ්ජති තං චිත්තං උප්පන්නන්ති? ආමන්තා.
(ඛ) යං වා පන චිත්තං උප්පන්නං තං චිත්තං උප්පජ්ජතීති?
භඞ්ගක්ඛණෙ චිත්තං උප්පන්නං, නො ච තං චිත්තං උප්පජ්ජති. උප්පාදක්ඛණෙ චිත්තං උප්පන්නඤ්චෙව උප්පජ්ජති ච.
(ක) යං ¶ චිත්තං න උප්පජ්ජති තං චිත්තං න ¶ උප්පන්නන්ති?
භඞ්ගක්ඛණෙ චිත්තං න උප්පජ්ජති, නො ච තං චිත්තං න උප්පන්නං. අතීතානාගතං චිත්තං න චෙව උප්පජ්ජති න ච උප්පන්නං.
(ඛ) යං වා පන චිත්තං න උප්පන්නං තං චිත්තං න උප්පජ්ජතීති? ආමන්තා.
(3) නිරොධුප්පන්නවාරො
86. (ක) යං චිත්තං නිරුජ්ඣති තං චිත්තං උප්පන්නන්ති? ආමන්තා.
(ඛ) යං වා පන චිත්තං උප්පන්නං තං චිත්තං නිරුජ්ඣතීති?
උප්පාදක්ඛණෙ චිත්තං උප්පන්නං, නො ච තං චිත්තං නිරුජ්ඣති. භඞ්ගක්ඛණෙ චිත්තං උප්පන්නඤ්චෙව නිරුජ්ඣති ච.
(ක) යං චිත්තං න නිරුජ්ඣති තං චිත්තං න උප්පන්නන්ති?
උප්පාදක්ඛණෙ චිත්තං න නිරුජ්ඣති, නො ච තං චිත්තං න උප්පන්නං. අතීතානාගතං චිත්තං න චෙව නිරුජ්ඣති න ච උප්පන්නං.
(ඛ) යං ¶ වා පන චිත්තං න උප්පන්නං තං චිත්තං න නිරුජ්ඣතීති? ආමන්තා.
(4) උප්පාදවාරො
87. (ක) යං චිත්තං උප්පජ්ජති තං චිත්තං උප්පජ්ජිත්ථාති? නො.
(ඛ) යං වා පන චිත්තං උප්පජ්ජිත්ථ තං චිත්තං උප්පජ්ජතීති? නො.
(ක) යං චිත්තං න උප්පජ්ජති තං චිත්තං න උප්පජ්ජිත්ථාති?
අතීතං චිත්තං න උප්පජ්ජති, නො ච තං චිත්තං න උප්පජ්ජිත්ථ. භඞ්ගක්ඛණෙ අනාගතඤ්ච චිත්තං න චෙව උප්පජ්ජති න ච උප්පජ්ජිත්ථ.
(ඛ) යං වා පන චිත්තං න උප්පජ්ජිත්ථ තං චිත්තං න උප්පජ්ජතීති?
උප්පාදක්ඛණෙ චිත්තං න උප්පජ්ජිත්ථ, නො ච තං චිත්තං න උප්පජ්ජති. භඞ්ගක්ඛණෙ අනාගතඤ්ච චිත්තං න චෙව උප්පජ්ජිත්ථ න ච උප්පජ්ජති.
88. (ක) යං චිත්තං උප්පජ්ජති තං චිත්තං උප්පජ්ජිස්සතීති? නො.
(ඛ) යං වා පන චිත්තං උප්පජ්ජිස්සති තං චිත්තං උප්පජ්ජතීති? නො.
(ක) යං චිත්තං න උප්පජ්ජති තං ¶ චිත්තං න උප්පජ්ජිස්සතීති?
අනාගතං චිත්තං න උප්පජ්ජති, නො ච තං චිත්තං න උප්පජ්ජිස්සති. භඞ්ගක්ඛණෙ අතීතඤ්ච චිත්තං න චෙව උප්පජ්ජති න ච උප්පජ්ජිස්සති.
(ඛ) යං වා පන චිත්තං න උප්පජ්ජිස්සති තං චිත්තං න උප්පජ්ජතීති?
උප්පාදක්ඛණෙ චිත්තං න උප්පජ්ජිස්සති, නො ච තං චිත්තං න උප්පජ්ජති. භඞ්ගක්ඛණෙ අතීතඤ්ච චිත්තං න චෙව උප්පජ්ජිස්සති න ච උප්පජ්ජති.
89. (ක) යං චිත්තං උප්පජ්ජිත්ථ තං චිත්තං උප්පජ්ජිස්සතීති? නො.
(ඛ) යං වා පන චිත්තං උප්පජ්ජිස්සති තං චිත්තං උප්පජ්ජිත්ථාති? නො.
(ක) යං ¶ ¶ චිත්තං න උප්පජ්ජිත්ථ තං චිත්තං න උප්පජ්ජිස්සතීති?
අනාගතං චිත්තං න උප්පජ්ජිත්ථ, නො ච තං චිත්තං න උප්පජ්ජිස්සති. පච්චුප්පන්නං චිත්තං න චෙව උප්පජ්ජිත්ථ න ච උප්පජ්ජිස්සති.
(ඛ) යං වා පන චිත්තං න උප්පජ්ජිස්සති තං චිත්තං න උප්පජ්ජිත්ථාති?
අතීතං චිත්තං න උප්පජ්ජිස්සති, නො ච තං චිත්තං න උප්පජ්ජිත්ථ. පච්චුප්පන්නං චිත්තං න චෙව උප්පජ්ජිස්සති න ච උප්පජ්ජිත්ථ.
(5) නිරොධවාරො
90. (ක) යං චිත්තං නිරුජ්ඣති තං චිත්තං නිරුජ්ඣිත්ථාති? නො.
(ඛ) යං වා පන චිත්තං නිරුජ්ඣිත්ථ තං චිත්තං නිරුජ්ඣතීති? නො.
(ක) යං චිත්තං න නිරුජ්ඣති තං චිත්තං න නිරුජ්ඣිත්ථාති?
අතීතං චිත්තං න නිරුජ්ඣති, නො ච තං චිත්තං න නිරුජ්ඣිත්ථ. උප්පාදක්ඛණෙ අනාගතඤ්ච චිත්තං න චෙව නිරුජ්ඣති න ච නිරුජ්ඣිත්ථ.
(ඛ) යං වා පන චිත්තං න නිරුජ්ඣිත්ථ තං චිත්තං න නිරුජ්ඣතීති?
භඞ්ගක්ඛණෙ චිත්තං න නිරුජ්ඣිත්ථ, නො ච තං චිත්තං න නිරුජ්ඣති. උප්පාදක්ඛණෙ අනාගතඤ්ච චිත්තං න චෙව නිරුජ්ඣිත්ථ න ¶ ච නිරුජ්ඣති.
91. (ක) යං චිත්තං නිරුජ්ඣති තං චිත්තං නිරුජ්ඣිස්සතීති? නො.
(ඛ) යං වා පන චිත්තං නිරුජ්ඣිස්සති තං චිත්තං නිරුජ්ඣතීති? නො.
(ක) යං චිත්තං න නිරුජ්ඣති තං චිත්තං න නිරුජ්ඣිස්සතීති?
උප්පාදක්ඛණෙ අනාගතඤ්ච චිත්තං න නිරුජ්ඣති, නො ච තං චිත්තං න නිරුජ්ඣිස්සති. අතීතං චිත්තං න චෙව නිරුජ්ඣති න ච නිරුජ්ඣිස්සති.
(ඛ) යං වා පන චිත්තං න නිරුජ්ඣිස්සති තං චිත්තං න නිරුජ්ඣතීති?
භඞ්ගක්ඛණෙ චිත්තං න නිරුජ්ඣිස්සති, නො ච තං චිත්තං න නිරුජ්ඣති. අතීතං චිත්තං න චෙව නිරුජ්ඣිස්සති න ච නිරුජ්ඣති.
92. (ක) යං ¶ චිත්තං නිරුජ්ඣිත්ථ තං චිත්තං නිරුජ්ඣිස්සතීති? නො.
(ඛ) යං වා පන චිත්තං නිරුජ්ඣිස්සති තං චිත්තං නිරුජ්ඣිත්ථාති? නො.
(ක) යං චිත්තං න නිරුජ්ඣිත්ථ තං චිත්තං න නිරුජ්ඣිස්සතීති?
උප්පාදක්ඛණෙ අනාගතඤ්ච චිත්තං න නිරුජ්ඣිත්ථ, නො ච තං චිත්තං න නිරුජ්ඣිස්සති. භඞ්ගක්ඛණෙ චිත්තං න චෙව නිරුජ්ඣිත්ථ න ච නිරුජ්ඣිස්සති.
(ඛ) යං වා පන චිත්තං න නිරුජ්ඣිස්සති තං චිත්තං න නිරුජ්ඣිත්ථාති?
අතීතං චිත්තං න නිරුජ්ඣිස්සති, නො ච තං චිත්තං න නිරුජ්ඣිත්ථ. භඞ්ගක්ඛණෙ චිත්තං න චෙව නිරුජ්ඣිස්සති න ච නිරුජ්ඣිත්ථ.
(6) උප්පාදනිරොධවාරො
93. (ක) යං ¶ චිත්තං උප්පජ්ජති තං චිත්තං නිරුජ්ඣිත්ථාති? නො.
(ඛ) යං වා පන චිත්තං නිරුජ්ඣිත්ථ තං චිත්තං උප්පජ්ජතීති? නො.
(ක) යං චිත්තං න උප්පජ්ජති තං චිත්තං න නිරුජ්ඣිත්ථාති?
අතීතං චිත්තං න උප්පජ්ජති, නො ච තං චිත්තං න නිරුජ්ඣිත්ථ. භඞ්ගක්ඛණෙ අනාගතඤ්ච චිත්තං ¶ න චෙව උප්පජ්ජති න ච නිරුජ්ඣිත්ථ.
(ඛ) යං වා පන චිත්තං න නිරුජ්ඣිත්ථ තං චිත්තං න උප්පජ්ජතීති?
උප්පාදක්ඛණෙ චිත්තං න නිරුජ්ඣිත්ථ, නො ච තං චිත්තං න උප්පජ්ජති. භඞ්ගක්ඛණෙ අනාගතඤ්ච චිත්තං න චෙව නිරුජ්ඣිත්ථ න ච උප්පජ්ජති.
94. (ක) යං චිත්තං උප්පජ්ජති තං චිත්තං නිරුජ්ඣිස්සතීති? ආමන්තා.
(ඛ) යං වා පන චිත්තං නිරුජ්ඣිස්සති තං චිත්තං උප්පජ්ජතීති?
අනාගතං චිත්තං නිරුජ්ඣිස්සති, නො ච තං චිත්තං උප්පජ්ජති. උප්පාදක්ඛණෙ චිත්තං නිරුජ්ඣිස්සති චෙව උප්පජ්ජති ච.
(ක) යං ¶ චිත්තං න උප්පජ්ජති තං චිත්තං න නිරුජ්ඣිස්සතීති?
අනාගතං චිත්තං න උප්පජ්ජති, නො ච තං චිත්තං න නිරුජ්ඣිස්සති. භඞ්ගක්ඛණෙ අතීතඤ්ච චිත්තං න චෙව උප්පජ්ජති න ච නිරුජ්ඣිස්සති.
(ඛ) යං වා පන චිත්තං න නිරුජ්ඣිස්සති තං චිත්තං න උප්පජ්ජතීති? ආමන්තා.
95. (ක) යං චිත්තං උප්පජ්ජිත්ථ තං චිත්තං නිරුජ්ඣිස්සතීති? නො.
(ඛ) යං වා පන චිත්තං නිරුජ්ඣිස්සති තං චිත්තං උප්පජ්ජිත්ථාති? නො.
(ක) යං චිත්තං න උප්පජ්ජිත්ථ තං චිත්තං න නිරුජ්ඣිස්සතීති?
උප්පාදක්ඛණෙ අනාගතඤ්ච චිත්තං න උප්පජ්ජිත්ථ, නො ච තං චිත්තං න නිරුජ්ඣිස්සති. භඞ්ගක්ඛණෙ චිත්තං න චෙව උප්පජ්ජිත්ථ න ච නිරුජ්ඣිස්සති.
(ඛ) යං වා පන චිත්තං න නිරුජ්ඣිස්සති තං චිත්තං න උප්පජ්ජිත්ථාති?
අතීතං චිත්තං න නිරුජ්ඣිස්සති, නො ච තං චිත්තං න උප්පජ්ජිත්ථ. භඞ්ගක්ඛණෙ චිත්තං න චෙව නිරුජ්ඣිස්සති න ච උප්පජ්ජිත්ථ.
(7) උප්පජ්ජමාන-නනිරොධවාරො
96. (ක) යං චිත්තං උප්පජ්ජති තං චිත්තං න නිරුජ්ඣතීති? ආමන්තා.
(ඛ) යං ¶ වා පන චිත්තං න නිරුජ්ඣති තං චිත්තං උප්පජ්ජතීති?
අතීතානාගතං චිත්තං න නිරුජ්ඣති, නො ච තං චිත්තං උප්පජ්ජති. උප්පාදක්ඛණෙ චිත්තං න නිරුජ්ඣති චෙව උප්පජ්ජති ච.
(ක) යං ¶ චිත්තං න උප්පජ්ජති තං චිත්තං නිරුජ්ඣතීති?
අතීතානාගතං චිත්තං න උප්පජ්ජති, නො ච තං චිත්තං නිරුජ්ඣති. භඞ්ගක්ඛණෙ චිත්තං න උප්පජ්ජති චෙව නිරුජ්ඣති ච.
(ඛ) යං වා පන චිත්තං නිරුජ්ඣති තං චිත්තං න උප්පජ්ජතීති? ආමන්තා.
(8) උප්පජ්ජමානුප්පන්නවාරො
97. (ක) යං ¶ චිත්තං උප්පජ්ජමානං තං චිත්තං උප්පන්නන්ති? ආමන්තා.
(ඛ) යං වා පන චිත්තං උප්පන්නං තං චිත්තං උප්පජ්ජමානන්ති?
භඞ්ගක්ඛණෙ චිත්තං උප්පන්නං, නො ච තං චිත්තං උප්පජ්ජමානං. උප්පාදක්ඛණෙ චිත්තං උප්පන්නඤ්චෙව උප්පජ්ජමානඤ්ච.
(ක) යං චිත්තං න උප්පජ්ජමානං තං චිත්තං න උප්පන්නන්ති?
භඞ්ගක්ඛණෙ චිත්තං න උප්පජ්ජමානං, නො ච තං චිත්තං න උප්පන්නං. අතීතානාගතං චිත්තං න චෙව උප්පජ්ජමානං න ච උප්පන්නං.
(ඛ) යං වා පන චිත්තං න උප්පන්නං තං චිත්තං න උප්පජ්ජමානන්ති? ආමන්තා.
(9) නිරුජ්ඣමානුප්පන්නවාරො
98. (ක) යං චිත්තං නිරුජ්ඣමානං තං චිත්තං උප්පන්නන්ති? ආමන්තා.
(ඛ) යං වා පන චිත්තං උප්පන්නං තං චිත්තං නිරුජ්ඣමානන්ති?
උප්පාදක්ඛණෙ චිත්තං උප්පන්නං, නො ච තං චිත්තං නිරුජ්ඣමානං. භඞ්ගක්ඛණෙ චිත්තං උප්පන්නඤ්චෙව නිරුජ්ඣමානඤ්ච.
(ක) යං චිත්තං න නිරුජ්ඣමානං තං චිත්තං න උප්පන්නන්ති?
උප්පාදක්ඛණෙ චිත්තං න නිරුජ්ඣමානං, නො ච තං චිත්තං න උප්පන්නං. අතීතානාගතං චිත්තං න චෙව නිරුජ්ඣමානං න ච උප්පන්නං ¶ .
(ඛ) යං වා පන චිත්තං න උප්පන්නං තං චිත්තං න නිරුජ්ඣමානන්ති? ආමන්තා.
(10) උප්පන්නුප්පාදවාරො
99. (ක) යං චිත්තං උප්පන්නං තං චිත්තං උප්පජ්ජිත්ථාති? නො.
(ඛ) යං වා පන චිත්තං උප්පජ්ජිත්ථ තං චිත්තං උප්පන්නන්ති? නො.
(ක) යං චිත්තං න උප්පන්නං තං චිත්තං න උප්පජ්ජිත්ථාති?
අතීතං චිත්තං න උප්පන්නං, නො ච තං චිත්තං න උප්පජ්ජිත්ථ. අනාගතං චිත්තං න චෙව උප්පන්නං න ච උප්පජ්ජිත්ථ.
(ඛ) යං ¶ වා පන චිත්තං න උප්පජ්ජිත්ථ තං චිත්තං න උප්පන්නන්ති?
පච්චුප්පන්නං චිත්තං න උප්පජ්ජිත්ථ, නො ච තං චිත්තං න උප්පන්නං. අනාගතං චිත්තං න චෙව උප්පජ්ජිත්ථ න ච උප්පන්නං.
100. (ක) යං චිත්තං උප්පන්නං තං චිත්තං උප්පජ්ජිස්සතීති? නො.
(ඛ) යං වා පන චිත්තං උප්පජ්ජිස්සති තං චිත්තං උප්පන්නන්ති? නො.
(ක) යං ¶ චිත්තං න උප්පන්නං තං චිත්තං න උප්පජ්ජිස්සතීති?
අනාගතං චිත්තං න උප්පන්නං, නො ච තං චිත්තං න උප්පජ්ජිස්සති. අතීතං චිත්තං න චෙව උප්පන්නං න ච උප්පජ්ජිස්සති.
(ඛ) යං වා පන චිත්තං න උප්පජ්ජිස්සති තං චිත්තං න උප්පන්නන්ති?
පච්චුප්පන්නං චිත්තං න උප්පජ්ජිස්සති, නො ච තං චිත්තං න උප්පන්නං. අතීතං චිත්තං න චෙව උප්පජ්ජිස්සති න ච උප්පන්නං.
(11) අතීතානාගතවාරො
101. (ක) යං චිත්තං උප්පජ්ජිත්ථ නො ච තං චිත්තං උප්පන්නං, තං චිත්තං උප්පජ්ජිස්සතීති? නො.
(ඛ) යං වා පන චිත්තං උප්පජ්ජිස්සති නො ච තං චිත්තං උප්පන්නං, තං චිත්තං උප්පජ්ජිත්ථාති? නො.
(ක) යං චිත්තං න උප්පජ්ජිත්ථ නො ච තං චිත්තං න උප්පන්නං, තං චිත්තං න උප්පජ්ජිස්සතීති? ආමන්තා ¶ .
(ඛ) යං වා පන චිත්තං න උප්පජ්ජිස්සති නො ච තං චිත්තං න උප්පන්නං, තං චිත්තං න උප්පජ්ජිත්ථාති? ආමන්තා.
(12) උප්පන්නුප්පජ්ජමානවාරො
102. (ක) උප්පන්නං ¶ උප්පජ්ජමානන්ති?
භඞ්ගක්ඛණෙ උප්පන්නං, නො ච උප්පජ්ජමානං. උප්පාදක්ඛණෙ උප්පන්නඤ්චෙව උප්පජ්ජමානඤ්ච.
(ඛ) උප්පජ්ජමානං උප්පන්නන්ති? ආමන්තා.
(ක) න උප්පන්නං න උප්පජ්ජමානන්ති? ආමන්තා.
(ඛ) න උප්පජ්ජමානං න උප්පන්නන්ති?
භඞ්ගක්ඛණෙ න උප්පජ්ජමානං, නො ච න උප්පන්නං. අතීතානාගතං චිත්තං න චෙව උප්පජ්ජමානං න ච උප්පන්නං.
(13) නිරුද්ධනිරුජ්ඣමානවාරො
103. (ක) නිරුද්ධං නිරුජ්ඣමානන්ති? නො.
(ඛ) නිරුජ්ඣමානං නිරුද්ධන්ති? නො.
(ක) න නිරුද්ධං න නිරුජ්ඣමානන්ති?
භඞ්ගක්ඛණෙ න නිරුද්ධං, නො ච න නිරුජ්ඣමානං. උප්පාදක්ඛණෙ අනාගතඤ්ච චිත්තං න චෙව නිරුද්ධං න ච නිරුජ්ඣමානං.
(ඛ) න නිරුජ්ඣමානං න නිරුද්ධන්ති?
අතීතං චිත්තං න නිරුජ්ඣමානං, නො ච න නිරුද්ධං. උප්පාදක්ඛණෙ අනාගතඤ්ච චිත්තං න චෙව නිරුජ්ඣමානං න ච නිරුද්ධං.
(14) අතික්කන්තකාලවාරො
104. (ක) යං චිත්තං උප්පජ්ජමානං ඛණං ඛණං වීතික්කන්තං අතික්කන්තකාලං, නිරුජ්ඣමානං ඛණං ඛණං වීතික්කන්තං අතික්කන්තකාලං තං චිත්තන්ති?
භඞ්ගක්ඛණෙ චිත්තං උප්පාදක්ඛණං ¶ වීතික්කන්තං භඞ්ගක්ඛණං අවීතික්කන්තං ¶ , අතීතං චිත්තං උප්පාදක්ඛණඤ්ච වීතික්කන්තං භඞ්ගක්ඛණඤ්ච වීතික්කන්තං.
(ඛ) යං වා පන චිත්තං නිරුජ්ඣමානං ඛණං ඛණං වීතික්කන්තං අතික්කන්තකාලං, උප්පජ්ජමානං ඛණං ඛණං වීතික්කන්තං අතික්කන්තකාලං තං චිත්තන්ති?
අතීතං චිත්තං ¶ .
(ක) යං චිත්තං න උප්පජ්ජමානං ඛණං ඛණං වීතික්කන්තං අතික්කන්තකාලං, න නිරුජ්ඣමානං ඛණං ඛණං වීතික්කන්තං අතික්කන්තකාලං තං චිත්තන්ති?
උප්පාදක්ඛණෙ අනාගතං චිත්තං.
(ඛ) යං වා පන චිත්තං න නිරුජ්ඣමානං ඛණං ඛණං වීතික්කන්තං අතික්කන්තකාලං, න උප්පජ්ජමානං ඛණං ඛණං වීතික්කන්තං අතික්කන්තකාලං තං චිත්තන්ති?
භඞ්ගක්ඛණෙ චිත්තං භඞ්ගක්ඛණං අවීතික්කන්තං නො ච උප්පාදක්ඛණං අවීතික්කන්තං, උප්පාදක්ඛණෙ අනාගතඤ්ච චිත්තං භඞ්ගක්ඛණඤ්ච අවීතික්කන්තං උප්පාදක්ඛණඤ්ච අවීතික්කන්තං.
1. සුද්ධචිත්තසාමඤ්ඤ
3. පුග්ගලධම්මවාරො
(1) උප්පාදනිරොධකාලසම්භෙදවාරො
105. (ක) යස්ස යං චිත්තං උප්පජ්ජති න නිරුජ්ඣති තස්ස තං චිත්තං නිරුජ්ඣිස්සති න උප්පජ්ජිස්සතීති? ආමන්තා.
(ඛ) යස්ස වා පන යං චිත්තං නිරුජ්ඣිස්සති න උප්පජ්ජිස්සති තස්ස තං චිත්තං උප්පජ්ජති න නිරුජ්ඣතීති? ආමන්තා.
(ක) යස්ස යං චිත්තං න උප්පජ්ජති නිරුජ්ඣති තස්ස තං චිත්තං න නිරුජ්ඣිස්සති උප්පජ්ජිස්සතීති? නො.
(ඛ) යස්ස වා පන යං චිත්තං න නිරුජ්ඣිස්සති උප්පජ්ජිස්සති තස්ස තං චිත්තං න උප්පජ්ජති නිරුජ්ඣතීති? නත්ථි.
(2) උප්පාදුප්පන්නවාරො
106. (ක) යස්ස ¶ යං චිත්තං උප්පජ්ජති තස්ස තං චිත්තං උප්පන්නන්ති? ආමන්තා.
(ඛ) යස්ස වා පන යං චිත්තං උප්පන්නං තස්ස තං චිත්තං උප්පජ්ජතීති?
භඞ්ගක්ඛණෙ චිත්තං උප්පන්නං, නො ච තස්ස තං චිත්තං උප්පජ්ජති. උප්පාදක්ඛණෙ චිත්තං උප්පන්නඤ්චෙව උප්පජ්ජති ච.
(ක) යස්ස ¶ යං චිත්තං න උප්පජ්ජති තස්ස තං චිත්තං න උප්පන්නන්ති?
භඞ්ගක්ඛණෙ චිත්තං න උප්පජ්ජති, නො ච තස්ස තං චිත්තං න උප්පන්නං. අතීතානාගතං චිත්තං න චෙව උප්පජ්ජති ¶ න ච උප්පන්නං.
(ඛ) යස්ස වා පන යං චිත්තං න උප්පන්නං තස්ස තං චිත්තං න උප්පජ්ජතීති? ආමන්තා.
(3) නිරොධුප්පන්නවාරො
107. (ක) යස්ස යං චිත්තං නිරුජ්ඣති තස්ස තං චිත්තං උප්පන්නන්ති? ආමන්තා.
(ඛ) යස්ස වා පන යං චිත්තං උප්පන්නං තස්ස තං චිත්තං නිරුජ්ඣතීති?
උප්පාදක්ඛණෙ චිත්තං උප්පන්නං, නො ච තස්ස තං චිත්තං නිරුජ්ඣති. භඞ්ගක්ඛණෙ චිත්තං උප්පන්නඤ්චෙව නිරුජ්ඣති ච.
(ක) යස්ස යං චිත්තං න නිරුජ්ඣති තස්ස තං චිත්තං න උප්පන්නන්ති?
උප්පාදක්ඛණෙ චිත්තං න නිරුජ්ඣති, නො ච තස්ස තං චිත්තං න උප්පන්නං. අතීතානාගතං චිත්තං න චෙව නිරුජ්ඣති න ච උප්පන්නං.
(ඛ) යස්ස වා පන යං චිත්තං න උප්පන්නං තස්ස තං චිත්තං න නිරුජ්ඣතීති? ආමන්තා.
(4) උප්පාදවාරො
108. (ක) යස්ස යං චිත්තං උප්පජ්ජති තස්ස තං චිත්තං උප්පජ්ජිත්ථාති? නො.
(ඛ) යස්ස ¶ වා පන යං චිත්තං උප්පජ්ජිත්ථ තස්ස තං චිත්තං උප්පජ්ජතීති? නො.
(ක) යස්ස යං චිත්තං න උප්පජ්ජති තස්ස තං චිත්තං න උප්පජ්ජිත්ථාති?
අතීතං චිත්තං න උප්පජ්ජති, නො ච තස්ස තං චිත්තං න උප්පජ්ජිත්ථ. භඞ්ගක්ඛණෙ අනාගතඤ්ච චිත්තං න චෙව උප්පජ්ජති න ච උප්පජ්ජිත්ථ.
(ඛ) යස්ස වා පන යං චිත්තං න උප්පජ්ජිත්ථ තස්ස තං චිත්තං න උප්පජ්ජතීති?
උප්පාදක්ඛණෙ චිත්තං න උප්පජ්ජිත්ථ, නො ච තස්ස තං චිත්තං න උප්පජ්ජති. භඞ්ගක්ඛණෙ අනාගතඤ්ච චිත්තං න චෙව උප්පජ්ජිත්ථ ¶ න ච උප්පජ්ජති.
109. (ක) යස්ස යං චිත්තං උප්පජ්ජති තස්ස තං චිත්තං උප්පජ්ජිස්සතීති? නො.
(ඛ) යස්ස වා පන යං චිත්තං උප්පජ්ජිස්සති තස්ස තං චිත්තං උප්පජ්ජතීති? නො.
(ක) යස්ස යං චිත්තං න උප්පජ්ජති තස්ස තං චිත්තං න උප්පජ්ජිස්සතීති?
අනාගතං චිත්තං න උප්පජ්ජති, නො ච තස්ස තං චිත්තං න උප්පජ්ජිස්සති. භඞ්ගක්ඛණෙ අතීතඤ්ච චිත්තං න චෙව උප්පජ්ජති න ච උප්පජ්ජිස්සති.
(ඛ) යස්ස වා පන යං චිත්තං න උප්පජ්ජිස්සති තස්ස තං චිත්තං න උප්පජ්ජතීති?
උප්පාදක්ඛණෙ චිත්තං න උප්පජ්ජිස්සති, නො ච තස්ස තං චිත්තං න උප්පජ්ජති. භඞ්ගක්ඛණෙ අතීතඤ්ච චිත්තං න චෙව උප්පජ්ජිස්සති න ච උප්පජ්ජති.
110. (ක) යස්ස යං චිත්තං උප්පජ්ජිත්ථ තස්ස තං චිත්තං උප්පජ්ජිස්සතීති? නො.
(ඛ) යස්ස වා පන යං චිත්තං උප්පජ්ජිස්සති තස්ස තං චිත්තං උප්පජ්ජිත්ථාති? නො.
(ක) යස්ස ¶ ¶ යං චිත්තං න උප්පජ්ජිත්ථ තස්ස තං චිත්තං න උප්පජ්ජිස්සතීති?
අනාගතං චිත්තං න උප්පජ්ජිත්ථ, නො ච තස්ස තං චිත්තං න උප්පජ්ජිස්සති. පච්චුප්පන්නං චිත්තං න චෙව උප්පජ්ජිත්ථ න ච උප්පජ්ජිස්සති.
(ඛ) යස්ස වා පන යං චිත්තං න උප්පජ්ජිස්සති තස්ස තං චිත්තං න උප්පජ්ජිත්ථාති?
අතීතං චිත්තං න උප්පජ්ජිස්සති, නො ච තස්ස තං චිත්තං න උප්පජ්ජිත්ථ. පච්චුප්පන්නං චිත්තං න චෙව උප්පජ්ජිස්සති න ච උප්පජ්ජිත්ථ.
(5) නිරොධවාරො
111. (ක) යස්ස යං චිත්තං නිරුජ්ඣති තස්ස තං චිත්තං නිරුජ්ඣිත්ථාති? නො.
(ඛ) යස්ස වා පන යං චිත්තං නිරුජ්ඣිත්ථ තස්ස තං චිත්තං නිරුජ්ඣතීති? නො.
(ක) යස්ස යං චිත්තං න නිරුජ්ඣති තස්ස තං චිත්තං න නිරුජ්ඣිත්ථාති?
අතීතං චිත්තං ¶ න නිරුජ්ඣති, නො ච තස්ස තං චිත්තං න නිරුජ්ඣිත්ථ. උප්පාදක්ඛණෙ අනාගතඤ්ච චිත්තං න චෙව නිරුජ්ඣති න ච නිරුජ්ඣිත්ථ.
(ඛ) යස්ස වා පන යං චිත්තං න නිරුජ්ඣිත්ථ තස්ස තං චිත්තං න නිරුජ්ඣතීති?
භඞ්ගක්ඛණෙ චිත්තං න නිරුජ්ඣිත්ථ, නො ච තස්ස තං චිත්තං න නිරුජ්ඣති. උප්පාදක්ඛණෙ අනාගතඤ්ච චිත්තං න චෙව නිරුජ්ඣිත්ථ න ච නිරුජ්ඣති.
112. (ක) යස්ස යං චිත්තං නිරුජ්ඣති තස්ස තං චිත්තං නිරුජ්ඣිස්සතීති? නො.
(ඛ) යස්ස වා පන යං චිත්තං නිරුජ්ඣිස්සති තස්ස තං චිත්තං නිරුජ්ඣතීති? නො.
(ක) යස්ස ¶ යං චිත්තං න නිරුජ්ඣති තස්ස තං චිත්තං න නිරුජ්ඣිස්සතීති?
උප්පාදක්ඛණෙ අනාගතඤ්ච චිත්තං න නිරුජ්ඣති, නො ච තස්ස තං චිත්තං න නිරුජ්ඣිස්සති. අතීතං චිත්තං න චෙව නිරුජ්ඣති න ච නිරුජ්ඣිස්සති.
(ඛ) යස්ස වා පන යං චිත්තං න නිරුජ්ඣිස්සති තස්ස තං චිත්තං න නිරුජ්ඣතීති?
භඞ්ගක්ඛණෙ චිත්තං න නිරුජ්ඣිස්සති, නො ච තස්ස තං චිත්තං න නිරුජ්ඣති. අතීතං චිත්තං න චෙව නිරුජ්ඣිස්සති න ච නිරුජ්ඣති.
113. (ක) යස්ස යං චිත්තං නිරුජ්ඣිත්ථ තස්ස තං චිත්තං නිරුජ්ඣිස්සතීති? නො.
(ඛ) යස්ස වා පන යං චිත්තං නිරුජ්ඣිස්සති තස්ස තං චිත්තං නිරුජ්ඣිත්ථාති? නො.
(ක) යස්ස යං චිත්තං න නිරුජ්ඣිත්ථ තස්ස තං චිත්තං න නිරුජ්ඣිස්සතීති?
උප්පාදක්ඛණෙ අනාගතඤ්ච චිත්තං න නිරුජ්ඣිත්ථ, නො ච තස්ස තං චිත්තං න නිරුජ්ඣිස්සති. භඞ්ගක්ඛණෙ චිත්තං න චෙව නිරුජ්ඣිත්ථ න ච නිරුජ්ඣිස්සති.
(ඛ) යස්ස වා පන යං චිත්තං න ¶ නිරුජ්ඣිස්සති තස්ස තං චිත්තං න නිරුජ්ඣිත්ථාති?
අතීතං චිත්තං න නිරුජ්ඣිස්සති, නො ච තස්ස තං චිත්තං න නිරුජ්ඣිත්ථ. භඞ්ගක්ඛණෙ චිත්තං ¶ න චෙව නිරුජ්ඣිස්සති න ච නිරුජ්ඣිත්ථ.
(යස්ස චිත්තකෙ සකභාවෙන නිද්දිට්ඨෙ, යං චිත්තකෙ ච යස්ස යං චිත්තකෙ ච එකත්තෙන නිද්දිට්ඨෙ.)
2. සුත්තන්තචිත්තමිස්සකවිසෙසො
114. යස්ස ¶ සරාගං චිත්තං උප්පජ්ජති න නිරුජ්ඣති තස්ස සරාගං චිත්තං නිරුජ්ඣිස්සති න උප්පජ්ජිස්සතීති?
සරාගපච්ඡිමචිත්තස්ස උප්පාදක්ඛණෙ තෙසං සරාගං චිත්තං උප්පජ්ජති න නිරුජ්ඣති, නිරුජ්ඣිස්සති න උප්පජ්ජිස්සති. ඉතරෙසං සරාගචිත්තස්ස උප්පාදක්ඛණෙ තෙසං…පෙ….
3. අභිධම්මචිත්තමිස්සකවිසෙසො
115. යස්ස කුසලං චිත්තං උප්පජ්ජති න නිරුජ්ඣති තස්ස කුසලං චිත්තං නිරුජ්ඣිස්සති න උප්පජ්ජිස්සතීති?
පච්ඡිමකුසලචිත්තස්ස උප්පාදක්ඛණෙ තෙසං කුසලං චිත්තං උප්පජ්ජති න නිරුජ්ඣති, නිරුජ්ඣිස්සති න උප්පජ්ජිස්සති. ඉතරෙසං කුසලචිත්තස්ස උප්පාදක්ඛණෙ තෙසං…පෙ….
යස්ස වා පන…පෙ…? ආමන්තා …පෙ….
116. යස්ස අකුසලං චිත්තං උප්පජ්ජති න නිරුජ්ඣති…පෙ…. යස්ස අබ්යාකතං චිත්තං උප්පජ්ජති න නිරුජ්ඣති…පෙ….
(මූලයමකං චිත්තයමකං ධම්මයමකන්ති තීණි යමකානි යාව සරණඅරණා ගච්ඡන්ති.)
චිත්තයමකං නිට්ඨිතං.