📜

නමො තස්ස භගවතො අරහතො සම්මාසම්බුද්ධස්ස

අභිධම්මපිටකෙ

පට්ඨානපාළි

(දුතියො භාගො)

ධම්මානුලොමෙ

තිකපට්ඨානං

6. විතක්කත්තිකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

1. සවිතක්කසවිචාරං ¶ ¶ ¶ ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා – සවිතක්කසවිචාරං එකං ඛන්ධං පටිච්ච තයො ඛන්ධා, තයො ඛන්ධෙ පටිච්ච එකො ඛන්ධො ¶ , ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ සවිතක්කසවිචාරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

සවිතක්කසවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති හෙතුපච්චයා – සවිතක්කසවිචාරෙ ඛන්ධෙ පටිච්ච විතක්කො. පටිසන්ධික්ඛණෙ සවිතක්කසවිචාරෙ ඛන්ධෙ පටිච්ච විතක්කො. (2)

සවිතක්කසවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා – සවිතක්කසවිචාරෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ සවිතක්කසවිචාරෙ ඛන්ධෙ පටිච්ච කටත්තාරූපං. (3)

සවිතක්කසවිචාරං ¶ ධම්මං පටිච්ච සවිතක්කසවිචාරො ච අවිතක්කඅවිචාරො ¶ ච ධම්මා උප්පජ්ජන්ති හෙතුපච්චයා – සවිතක්කසවිචාරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. පටිසන්ධික්ඛණෙ සවිතක්කසවිචාරං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං. (4)

සවිතක්කසවිචාරං ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා – සවිතක්කසවිචාරෙ ඛන්ධෙ පටිච්ච විතක්කො චිත්තසමුට්ඨානඤ්ච රූපං. පටිසන්ධික්ඛණෙ සවිතක්කසවිචාරෙ ඛන්ධෙ පටිච්ච විතක්කො කටත්තා ච රූපං. (5)

සවිතක්කසවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති හෙතුපච්චයා – සවිතක්කසවිචාරං එකං ඛන්ධං පටිච්ච තයො ඛන්ධා විතක්කො ච…පෙ… ද්වෙ ඛන්ධෙ පටිච්ච ද්වෙ ඛන්ධා විතක්කො ච. පටිසන්ධික්ඛණෙ සවිතක්කසවිචාරං එකං ඛන්ධං පටිච්ච තයො ඛන්ධා විතක්කො ච…පෙ… ද්වෙ ඛන්ධෙ පටිච්ච ද්වෙ ඛන්ධා විතක්කො ච. (6)

සවිතක්කසවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ¶ ච අවිතක්කඅවිචාරො ච ධම්මා උප්පජ්ජන්ති හෙතුපච්චයා – සවිතක්කසවිචාරං එකං ඛන්ධං පටිච්ච තයො ඛන්ධා විතක්කො ච චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා විතක්කො ච චිත්තසමුට්ඨානඤ්ච රූපං. පටිසන්ධික්ඛණෙ සවිතක්කසවිචාරං එකං ඛන්ධං පටිච්ච තයො ඛන්ධා විතක්කො ච කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා විතක්කො ච කටත්තා ච රූපං. (7)

2. අවිතක්කවිචාරමත්තං ¶ ධම්මං පටිච්ච අවිතක්කවිචාරමත්තො ධම්මො උප්පජ්ජති හෙතුපච්චයා – අවිතක්කවිචාරමත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ අවිතක්කවිචාරමත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

අවිතක්කවිචාරමත්තං ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා – විතක්කං පටිච්ච සවිතක්කසවිචාරා ඛන්ධා. පටිසන්ධික්ඛණෙ විතක්කං පටිච්ච සවිතක්කසවිචාරා ඛන්ධා. (2)

අවිතක්කවිචාරමත්තං ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා – අවිතක්කවිචාරමත්තෙ ඛන්ධෙ පටිච්ච විචාරො චිත්තසමුට්ඨානඤ්ච රූපං ¶ ; විතක්කං පටිච්ච චිත්තසමුට්ඨානං රූපං. පටිසන්ධික්ඛණෙ අවිතක්කවිචාරමත්තෙ ඛන්ධෙ පටිච්ච විචාරො කටත්තා ච රූපං. පටිසන්ධික්ඛණෙ විතක්කං පටිච්ච කටත්තාරූපං. (3)

අවිතක්කවිචාරමත්තං ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා – විතක්කං පටිච්ච සවිතක්කසවිචාරා ඛන්ධා චිත්තසමුට්ඨානඤ්ච රූපං. පටිසන්ධික්ඛණෙ විතක්කං පටිච්ච සවිතක්කසවිචාරා ඛන්ධා කටත්තා ච රූපං. (4)

අවිතක්කවිචාරමත්තං ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා – අවිතක්කවිචාරමත්තං එකං ඛන්ධං පටිච්ච තයො ඛන්ධා විචාරො ච චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා විචාරො ච චිත්තසමුට්ඨානඤ්ච රූපං. පටිසන්ධික්ඛණෙ අවිතක්කවිචාරමත්තං ¶ එකං ඛන්ධං පටිච්ච තයො ඛන්ධා විචාරො ¶ ච කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා විචාරො ච කටත්තා ච රූපං. (5)

3. අවිතක්කඅවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා – අවිතක්කඅවිචාරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං; විචාරං පටිච්ච චිත්තසමුට්ඨානං රූපං. පටිසන්ධික්ඛණෙ අවිතක්කඅවිචාරං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං. පටිසන්ධික්ඛණෙ විචාරං පටිච්ච කටත්තාරූපං, ඛන්ධෙ පටිච්ච වත්ථු, වත්ථුං පටිච්ච ඛන්ධා, විචාරං පටිච්ච වත්ථු, වත්ථුං පටිච්ච විචාරො. එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

අවිතක්කඅවිචාරං ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා – පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා. (2)

අවිතක්කඅවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති හෙතුපච්චයා – විචාරං පටිච්ච අවිතක්කවිචාරමත්තා ඛන්ධා. පටිසන්ධික්ඛණෙ විචාරං පටිච්ච අවිතක්කවිචාරමත්තා ඛන්ධා. පටිසන්ධික්ඛණෙ වත්ථුං පටිච්ච අවිතක්කවිචාරමත්තා ඛන්ධා. පටිසන්ධික්ඛණෙ වත්ථුං පටිච්ච විතක්කො. (3)

අවිතක්කඅවිචාරං ¶ ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ වත්ථුං පටිච්ච ¶ සවිතක්කසවිචාරා ඛන්ධා; මහාභූතෙ පටිච්ච කටත්තාරූපං. (4)

අවිතක්කඅවිචාරං ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා – විචාරං පටිච්ච අවිතක්කවිචාරමත්තා ඛන්ධා චිත්තසමුට්ඨානඤ්ච රූපං. පටිසන්ධික්ඛණෙ විචාරං පටිච්ච අවිතක්කවිචාරමත්තා ඛන්ධා කටත්තා ච රූපං. පටිසන්ධික්ඛණෙ වත්ථුං පටිච්ච අවිතක්කවිචාරමත්තා ඛන්ධා; මහාභූතෙ පටිච්ච කටත්තාරූපං. පටිසන්ධික්ඛණෙ ¶ වත්ථුං පටිච්ච විතක්කො; මහාභූතෙ පටිච්ච කටත්තාරූපං. පටිසන්ධික්ඛණෙ වත්ථුං පටිච්ච අවිතක්කවිචාරමත්තා ඛන්ධා ච විචාරො ච. (5)

අවිතක්කඅවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා ච විතක්කො ච. (6)

අවිතක්කඅවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා ච විතක්කො ච; මහාභූතෙ පටිච්ච කටත්තාරූපං. (7)

4. සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා – පටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා. (1)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ධම්මො උප්පජ්ජති හෙතුපච්චයා – පටිසන්ධික්ඛණෙ ¶ සවිතක්කසවිචාරෙ ඛන්ධෙ ච වත්ථුඤ්ච පටිච්ච විතක්කො. (2)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා – සවිතක්කසවිචාරෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. පටිසන්ධික්ඛණෙ සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තාරූපං. (3)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ සවිතක්කසවිචාරං ¶ එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා; සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තාරූපං. (4)

සවිතක්කසවිචාරඤ්ච ¶ අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ සවිතක්කසවිචාරෙ ඛන්ධෙ ච වත්ථුඤ්ච පටිච්ච විතක්කො; සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තාරූපං. (5)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා විතක්කො ච…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා විතක්කො ච. (6)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති ¶ හෙතුපච්චයා – පටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා විතක්කො ච…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා විතක්කො ච; සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තාරූපං. (7)

5. අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා – පටිසන්ධික්ඛණෙ විතක්කඤ්ච වත්ථුඤ්ච පටිච්ච සවිතක්කසවිචාරා ඛන්ධා. (1)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ධම්මො උප්පජ්ජති හෙතුපච්චයා – අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විචාරඤ්ච පටිච්ච ද්වෙ ඛන්ධා. පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විචාරඤ්ච පටිච්ච ද්වෙ ඛන්ධා. පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා. (2)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො ¶ උප්පජ්ජති හෙතුපච්චයා – අවිතක්කවිචාරමත්තෙ ඛන්ධෙ ච විචාරඤ්ච පටිච්ච චිත්තසමුට්ඨානං රූපං; අවිතක්කවිචාරමත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; විතක්කඤ්ච මහාභූතෙ ච පටිච්ච චිත්තසමුට්ඨානං රූපං. පටිසන්ධික්ඛණෙ ¶ අවිතක්කවිචාරමත්තෙ ඛන්ධෙ ච විචාරඤ්ච පටිච්ච කටත්තාරූපං. පටිසන්ධික්ඛණෙ අවිතක්කවිචාරමත්තෙ ¶ ඛන්ධෙ ච මහාභූතෙ ච පටිච්ච කටත්තාරූපං. පටිසන්ධික්ඛණෙ විතක්කඤ්ච මහාභූතෙ ච පටිච්ච කටත්තාරූපං. පටිසන්ධික්ඛණෙ අවිතක්කවිචාරමත්තෙ ඛන්ධෙ ච වත්ථුඤ්ච පටිච්ච විචාරො. (3)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ විතක්කඤ්ච වත්ථුඤ්ච පටිච්ච සවිතක්කසවිචාරා ඛන්ධා; විතක්කඤ්ච මහාභූතෙ ච පටිච්ච කටත්තාරූපං. (4)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා – අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච විචාරඤ්ච පටිච්ච ද්වෙ ඛන්ධා චිත්තසමුට්ඨානඤ්ච රූපං. පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ ච විචාරඤ්ච පටිච්ච ද්වෙ ඛන්ධා කටත්තා ච රූපං. පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච වත්ථුඤ්ච පටිච්ච තයො ඛන්ධා විචාරො ච…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා විචාරො ච. (5)

6. සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා – සවිතක්කසවිචාරං එකං ඛන්ධඤ්ච විතක්කඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විතක්කඤ්ච පටිච්ච ද්වෙ ඛන්ධා. පටිසන්ධික්ඛණෙ සවිතක්කසවිචාරං එකං ¶ ඛන්ධඤ්ච විතක්කඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විතක්කඤ්ච පටිච්ච ද්වෙ ඛන්ධා. (1)

සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා – සවිතක්කසවිචාරෙ ඛන්ධෙ ච විතක්කඤ්ච පටිච්ච චිත්තසමුට්ඨානං රූපං. පටිසන්ධික්ඛණෙ සවිතක්කසවිචාරෙ ඛන්ධෙ ච විතක්කඤ්ච පටිච්ච කටත්තාරූපං. (2)

සවිතක්කසවිචාරඤ්ච ¶ අවිතක්කවිචාරමත්තඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා – සවිතක්කසවිචාරං එකං ඛන්ධඤ්ච විතක්කඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච ¶ විතක්කඤ්ච පටිච්ච ද්වෙ ඛන්ධා චිත්තසමුට්ඨානඤ්ච රූපං. පටිසන්ධික්ඛණෙ සවිතක්කසවිචාරං එකං ඛන්ධඤ්ච විතක්කඤ්ච පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ ච විතක්කඤ්ච පටිච්ච ද්වෙ ඛන්ධා කටත්තා ච රූපං. (3)

7. සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා – පටිසන්ධික්ඛණෙ සවිතක්කසවිචාරං එකං ඛන්ධඤ්ච විතක්කඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විතක්කඤ්ච වත්ථුඤ්ච පටිච්ච ද්වෙ ඛන්ධා. (1)

සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා – සවිතක්කසවිචාරෙ ඛන්ධෙ ච විතක්කඤ්ච මහාභූතෙ ච පටිච්ච චිත්තසමුට්ඨානං ¶ රූපං. පටිසන්ධික්ඛණෙ සවිතක්කසවිචාරෙ ඛන්ධෙ ච විතක්කඤ්ච මහාභූතෙ ච පටිච්ච කටත්තාරූපං. (2)

සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ සවිතක්කසවිචාරං එකං ඛන්ධඤ්ච විතක්කඤ්ච වත්ථුඤ්ච පටිච්ච තයො ඛන්ධා, තයො ඛන්ධෙ ච විතක්කඤ්ච වත්ථුඤ්ච පටිච්ච එකො ඛන්ධො, ද්වෙ ඛන්ධෙ ච විතක්කඤ්ච වත්ථුඤ්ච පටිච්ච ද්වෙ ඛන්ධා; සවිතක්කසවිචාරෙ ඛන්ධෙ ච විතක්කඤ්ච මහාභූතෙ ච පටිච්ච කටත්තාරූපං. (3)

ආරම්මණපච්චයො

8. සවිතක්කසවිචාරං ධම්මං පටිච්ච සවිතක්කසවිචාරො ධම්මො උප්පජ්ජති ආරම්මණපච්චයා – සවිතක්කසවිචාරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ…පෙ…. (1)

සවිතක්කසවිචාරං ¶ ධම්මං පටිච්ච අවිතක්කවිචාරමත්තො ධම්මො උප්පජ්ජති ආරම්මණපච්චයා – සවිතක්කසවිචාරෙ ඛන්ධෙ පටිච්ච විතක්කො. පටිසන්ධික්ඛණෙ…පෙ…. (2)

සවිතක්කසවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති ආරම්මණපච්චයා – සවිතක්කසවිචාරං එකං ඛන්ධං පටිච්ච තයො ඛන්ධා විතක්කො ච…පෙ… ද්වෙ ඛන්ධෙ පටිච්ච ද්වෙ ඛන්ධා විතක්කො ච. පටිසන්ධික්ඛණෙ…පෙ…. (3)

9. අවිතක්කවිචාරමත්තං ¶ ධම්මං පටිච්ච අවිතක්කවිචාරමත්තො ධම්මො උප්පජ්ජති ¶ ආරම්මණපච්චයා – අවිතක්කවිචාරමත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ…පෙ…. (1)

අවිතක්කවිචාරමත්තං ධම්මං පටිච්ච සවිතක්කසවිචාරො ධම්මො උප්පජ්ජති ආරම්මණපච්චයා – විතක්කං පටිච්ච සවිතක්කසවිචාරා ඛන්ධා. පටිසන්ධික්ඛණෙ…පෙ…. (2)

අවිතක්කවිචාරමත්තං ධම්මං පටිච්ච අවිතක්කඅවිචාරො ධම්මො උප්පජ්ජති ආරම්මණපච්චයා – අවිතක්කවිචාරමත්තෙ ඛන්ධෙ පටිච්ච විචාරො. පටිසන්ධික්ඛණෙ…පෙ…. (3)

අවිතක්කවිචාරමත්තං ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති ආරම්මණපච්චයා – අවිතක්කවිචාරමත්තං එකං ඛන්ධං පටිච්ච තයො ඛන්ධා විචාරො ච…පෙ… ද්වෙ ඛන්ධෙ පටිච්ච ද්වෙ ඛන්ධා විචාරො ච පටිසන්ධික්ඛණෙ…පෙ…. (4)

10. අවිතක්කඅවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති ආරම්මණපච්චයා – අවිතක්කඅවිචාරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ අවිතක්කඅවිචාරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ වත්ථුං පටිච්ච ඛන්ධා, වත්ථුං පටිච්ච විචාරො. (1)

අවිතක්කඅවිචාරං ¶ ධම්මං පටිච්ච සවිතක්කසවිචාරො ධම්මො උප්පජ්ජති ආරම්මණපච්චයා – පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා. (2)

අවිතක්කඅවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති ආරම්මණපච්චයා – විචාරං පටිච්ච අවිතක්කවිචාරමත්තා ඛන්ධා. පටිසන්ධික්ඛණෙ විචාරං පටිච්ච අවිතක්කවිචාරමත්තා ඛන්ධා ¶ . පටිසන්ධික්ඛණෙ වත්ථුං පටිච්ච අවිතක්කවිචාරමත්තා ඛන්ධා. පටිසන්ධික්ඛණෙ වත්ථුං පටිච්ච විතක්කො. (3)

අවිතක්කඅවිචාරං ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති ආරම්මණපච්චයා – පටිසන්ධික්ඛණෙ වත්ථුං පටිච්ච අවිතක්කවිචාරමත්තා ඛන්ධා විචාරො ච. (4)

අවිතක්කඅවිචාරං ¶ ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති ආරම්මණපච්චයා – පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා ච විතක්කො ච. (5)

11. සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති ආරම්මණපච්චයා – පටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා. (1)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ධම්මො උප්පජ්ජති ආරම්මණපච්චයා – පටිසන්ධික්ඛණෙ සවිතක්කසවිචාරෙ ඛන්ධෙ ච වත්ථුඤ්ච පටිච්ච විතක්කො. (2)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති ආරම්මණපච්චයා – පටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා විතක්කො ච…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා විතක්කො ච. (3)

12. අවිතක්කවිචාරමත්තඤ්ච ¶ ¶ අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති ආරම්මණපච්චයා – පටිසන්ධික්ඛණෙ විතක්කඤ්ච වත්ථුඤ්ච පටිච්ච සවිතක්කසවිචාරා ඛන්ධා. (1)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ධම්මො උප්පජ්ජති ආරම්මණපච්චයා – අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විචාරඤ්ච පටිච්ච ද්වෙ ඛන්ධා. පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විචාරඤ්ච පටිච්ච ද්වෙ ඛන්ධා. පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා. (2)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති ආරම්මණපච්චයා – පටිසන්ධික්ඛණෙ අවිතක්කවිචාරමත්තෙ ඛන්ධෙ ච වත්ථුඤ්ච පටිච්ච විචාරො. (3)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති ආරම්මණපච්චයා – පටිසන්ධික්ඛණෙ අවිතක්කවිචාරමත්තං ¶ එකං ඛන්ධඤ්ච වත්ථුඤ්ච පටිච්ච තයො ඛන්ධා විචාරො ච…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා විචාරො ච. (4)

13. සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච සවිතක්කසවිචාරො ධම්මො උප්පජ්ජති ආරම්මණපච්චයා – සවිතක්කසවිචාරං එකං ¶ ඛන්ධඤ්ච විතක්කඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විතක්කඤ්ච පටිච්ච ද්වෙ ඛන්ධා. පටිසන්ධික්ඛණෙ…පෙ…. (1)

සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති ආරම්මණපච්චයා – පටිසන්ධික්ඛණෙ සවිතක්කසවිචාරං එකං ¶ ඛන්ධඤ්ච විතක්කඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විතක්කඤ්ච වත්ථුඤ්ච පටිච්ච ද්වෙ ඛන්ධා. (1)

(ද්වෙ පච්චයා සජ්ඣායමග්ගෙන විභත්තා, එවං අවසෙසා වීසතිපච්චයා විභජිතබ්බා.)

විප්පයුත්තපච්චයො

14. සවිතක්කසවිචාරං ධම්මං පටිච්ච සවිතක්කසවිචාරො ධම්මො උප්පජ්ජති විප්පයුත්තපච්චයා – සවිතක්කසවිචාරං එකං ඛන්ධං පටිච්ච තයො ඛන්ධා…පෙ… වත්ථුං විප්පයුත්තපච්චයා. පටිසන්ධික්ඛණෙ සවිතක්කසවිචාරං එකං ඛන්ධං පටිච්ච තයො ඛන්ධා…පෙ… වත්ථුං විප්පයුත්තපච්චයා. (1)

සවිතක්කසවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති විප්පයුත්තපච්චයා – සවිතක්කසවිචාරෙ ඛන්ධෙ පටිච්ච විතක්කො; වත්ථුං විප්පයුත්තපච්චයා. පටිසන්ධික්ඛණෙ…පෙ…. (2)

සවිතක්කසවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති විප්පයුත්තපච්චයා – සවිතක්කසවිචාරෙ ඛන්ධෙ පටිච්ච චිත්තසමුට්ඨානං රූපං, ඛන්ධෙ විප්පයුත්තපච්චයා. පටිසන්ධික්ඛණෙ…පෙ…. (3)

සවිතක්කසවිචාරං ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති විප්පයුත්තපච්චයා – සවිතක්කසවිචාරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ඛන්ධා වත්ථුං විප්පයුත්තපච්චයා ¶ . චිත්තසමුට්ඨානං රූපං ඛන්ධෙ විප්පයුත්තපච්චයා. පටිසන්ධික්ඛණෙ…පෙ…. (4)

සවිතක්කසවිචාරං ¶ ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති විප්පයුත්තපච්චයා – සවිතක්කසවිචාරෙ ඛන්ධෙ පටිච්ච විතක්කො ච චිත්තසමුට්ඨානඤ්ච ¶ රූපං. විතක්කො වත්ථුං විප්පයුත්තපච්චයා. චිත්තසමුට්ඨානං රූපං ඛන්ධෙ විප්පයුත්තපච්චයා. පටිසන්ධික්ඛණෙ…පෙ…. (5)

සවිතක්කසවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති විප්පයුත්තපච්චයා – සවිතක්කසවිචාරං එකං ඛන්ධං පටිච්ච තයො ඛන්ධා විතක්කො ච…පෙ… ද්වෙ ඛන්ධෙ පටිච්ච ද්වෙ ඛන්ධා විතක්කො ච, වත්ථුං විප්පයුත්තපච්චයා. පටිසන්ධික්ඛණෙ…පෙ…. (6)

සවිතක්කසවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති විප්පයුත්තපච්චයා – සවිතක්කසවිචාරං එකං ඛන්ධං පටිච්ච තයො ඛන්ධා විතක්කො ච චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා විතක්කො ච චිත්තසමුට්ඨානඤ්ච රූපං. ඛන්ධා ච විතක්කො ච වත්ථුං විප්පයුත්තපච්චයා. චිත්තසමුට්ඨානං රූපං ඛන්ධෙ විප්පයුත්තපච්චයා. පටිසන්ධික්ඛණෙ…පෙ…. (7)

15. අවිතක්කවිචාරමත්තං ධම්මං පටිච්ච අවිතක්කවිචාරමත්තො ධම්මො උප්පජ්ජති…පෙ… අවිතක්කවිචාරමත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… වත්ථුං විප්පයුත්තපච්චයා. පටිසන්ධික්ඛණෙ…පෙ…. (1)

අවිතක්කවිචාරමත්තං ධම්මං පටිච්ච සවිතක්කසවිචාරො ධම්මො උප්පජ්ජති විප්පයුත්තපච්චයා – විතක්කං පටිච්ච සවිතක්කසවිචාරා ඛන්ධා, වත්ථුං විප්පයුත්තපච්චයා ¶ . පටිසන්ධික්ඛණෙ…පෙ…. (2)

අවිතක්කවිචාරමත්තං ධම්මං පටිච්ච අවිතක්කඅවිචාරො ධම්මො උප්පජ්ජති විප්පයුත්තපච්චයා – අවිතක්කවිචාරමත්තෙ ඛන්ධෙ පටිච්ච විචාරො ච චිත්තසමුට්ඨානඤ්ච රූපං, විචාරො වත්ථුං විප්පයුත්තපච්චයා. චිත්තසමුට්ඨානං රූපං ඛන්ධෙ විප්පයුත්තපච්චයා. විතක්කං පටිච්ච චිත්තසමුට්ඨානං රූපං, විතක්කං විප්පයුත්තපච්චයා. පටිසන්ධික්ඛණෙ…පෙ…. (3)

අවිතක්කවිචාරමත්තං ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති විප්පයුත්තපච්චයා – විතක්කං පටිච්ච සවිතක්කසවිචාරා ඛන්ධා චිත්තසමුට්ඨානඤ්ච රූපං, ඛන්ධා වත්ථුං විප්පයුත්තපච්චයා. චිත්තසමුට්ඨානං රූපං විතක්කං විප්පයුත්තපච්චයා. පටිසන්ධික්ඛණෙ…පෙ…. (4)

අවිතක්කවිචාරමත්තං ¶ ¶ ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති විප්පයුත්තපච්චයා – අවිතක්කවිචාරමත්තං එකං ඛන්ධං පටිච්ච තයො ඛන්ධා විචාරො ච චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා විචාරො ච චිත්තසමුට්ඨානඤ්ච රූපං. ඛන්ධා ච විචාරො ච වත්ථුං විප්පයුත්තපච්චයා. චිත්තසමුට්ඨානං රූපං ඛන්ධෙ විප්පයුත්තපච්චයා. පටිසන්ධික්ඛණෙ…පෙ…. (5)

16. අවිතක්කඅවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති විප්පයුත්තපච්චයා – අවිතක්කඅවිචාරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… ඛන්ධා වත්ථුං විප්පයුත්තපච්චයා, චිත්තසමුට්ඨානං රූපං ඛන්ධෙ විප්පයුත්තපච්චයා. විචාරං ¶ පටිච්ච චිත්තසමුට්ඨානං රූපං, විචාරං විප්පයුත්තපච්චයා. පටිසන්ධික්ඛණෙ…පෙ… පටිසන්ධික්ඛණෙ විචාරං පටිච්ච කටත්තාරූපං, විචාරං විප්පයුත්තපච්චයා. ඛන්ධෙ පටිච්ච වත්ථු, වත්ථුං පටිච්ච ඛන්ධා. ඛන්ධා වත්ථුං විප්පයුත්තපච්චයා. වත්ථු ඛන්ධෙ විප්පයුත්තපච්චයා. විචාරං පටිච්ච වත්ථු, වත්ථුං පටිච්ච විචාරො, විචාරො වත්ථුං විප්පයුත්තපච්චයා. වත්ථු විචාරං විප්පයුත්තපච්චයා; එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං, ඛන්ධෙ විප්පයුත්තපච්චයා. (1)

අවිතක්කඅවිචාරං ධම්මං පටිච්ච සවිතක්කසවිචාරො ධම්මො උප්පජ්ජති විප්පයුත්තපච්චයා – පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා, වත්ථුං විප්පයුත්තපච්චයා. (2)

අවිතක්කඅවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති විප්පයුත්තපච්චයා – විචාරං පටිච්ච අවිතක්කවිචාරමත්තා ඛන්ධා, වත්ථුං විප්පයුත්තපච්චයා. පටිසන්ධික්ඛණෙ විචාරං පටිච්ච අවිතක්කවිචාරමත්තා ඛන්ධා, වත්ථුං විප්පයුත්තපච්චයා. පටිසන්ධික්ඛණෙ වත්ථුං පටිච්ච අවිතක්කවිචාරමත්තා ඛන්ධා, වත්ථුං විප්පයුත්තපච්චයා. පටිසන්ධික්ඛණෙ වත්ථුං පටිච්ච විතක්කො, වත්ථුං විප්පයුත්තපච්චයා. (3)

අවිතක්කඅවිචාරං ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා ¶ උප්පජ්ජන්ති විප්පයුත්තපච්චයා – පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා, මහාභූතෙ පටිච්ච කටත්තාරූපං, ඛන්ධා වත්ථුං විප්පයුත්තපච්චයා. කටත්තාරූපං ඛන්ධෙ විප්පයුත්තපච්චයා. (4)

අවිතක්කඅවිචාරං ¶ ¶ ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති විප්පයුත්තපච්චයා – විචාරං පටිච්ච අවිතක්කවිචාරමත්තා ඛන්ධා ච චිත්තසමුට්ඨානඤ්ච රූපං…පෙ… ඛන්ධා වත්ථුං විප්පයුත්තපච්චයා. චිත්තසමුට්ඨානං රූපං විචාරං විප්පයුත්තපච්චයා. පටිසන්ධික්ඛණෙ විචාරං පටිච්ච අවිතක්කවිචාරමත්තා ඛන්ධා ච කටත්තා ච රූපං, ඛන්ධා වත්ථුං විප්පයුත්තපච්චයා. කටත්තාරූපං විචාරං විප්පයුත්තපච්චයා. පටිසන්ධික්ඛණෙ වත්ථුං පටිච්ච අවිතක්කවිචාරමත්තා ඛන්ධා මහාභූතෙ පටිච්ච කටත්තාරූපං, ඛන්ධා වත්ථුං විප්පයුත්තපච්චයා. කටත්තාරූපං ඛන්ධෙ විප්පයුත්තපච්චයා. පටිසන්ධික්ඛණෙ වත්ථුං පටිච්ච විතක්කො, මහාභූතෙ පටිච්ච කටත්තාරූපං, විතක්කො වත්ථුං විප්පයුත්තපච්චයා. කටත්තාරූපං ඛන්ධෙ විප්පයුත්තපච්චයා. පටිසන්ධික්ඛණෙ වත්ථුං පටිච්ච අවිතක්කවිචාරමත්තා ඛන්ධා ච විචාරො ච, වත්ථුං විප්පයුත්තපච්චයා. (5)

අවිතක්කඅවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති විප්පයුත්තපච්චයා – පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා ච විතක්කො ච, වත්ථුං විප්පයුත්තපච්චයා. (6)

අවිතක්කඅවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති විප්පයුත්තපච්චයා – පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා ච විතක්කො ච, මහාභූතෙ පටිච්ච කටත්තාරූපං, ඛන්ධා ච විතක්කො ච, වත්ථුං විප්පයුත්තපච්චයා. කටත්තාරූපං ඛන්ධෙ විප්පයුත්තපච්චයා. (7)

17. සවිතක්කසවිචාරඤ්ච ¶ අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති විප්පයුත්තපච්චයා – පටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා, වත්ථුං විප්පයුත්තපච්චයා. (1)

සවිතක්කසවිචාරඤ්ච ¶ අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ධම්මො…පෙ… පටිසන්ධික්ඛණෙ සවිතක්කසවිචාරෙ ඛන්ධෙ ච වත්ථුඤ්ච පටිච්ච විතක්කො, වත්ථුං විප්පයුත්තපච්චයා. (2)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො…පෙ… සවිතක්කසවිචාරෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, ඛන්ධෙ විප්පයුත්තපච්චයා. පටිසන්ධික්ඛණෙ…පෙ…. (3)

සවිතක්කසවිචාරඤ්ච ¶ අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා…පෙ… පටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා, සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තාරූපං, ඛන්ධා වත්ථුං විප්පයුත්තපච්චයා. කටත්තාරූපං ඛන්ධෙ විප්පයුත්තපච්චයා. (4)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා…පෙ… පටිසන්ධික්ඛණෙ සවිතක්කසවිචාරෙ ඛන්ධෙ ච වත්ථුඤ්ච පටිච්ච විතක්කො, සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තාරූපං, විතක්කො වත්ථුං විප්පයුත්තපච්චයා. කටත්තාරූපං ඛන්ධෙ විප්පයුත්තපච්චයා. (5)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ¶ ච අවිතක්කවිචාරමත්තො ච ධම්මා…පෙ… පටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා විතක්කො ච…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා විතක්කො ච, වත්ථුං විප්පයුත්තපච්චයා. (6)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා…පෙ… පටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා විතක්කො ච…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා විතක්කො ච. සවිතක්කසවිචාරෙ ඛන්ධෙ ච මහාභූතෙ ච ¶ පටිච්ච කටත්තාරූපං. ඛන්ධා ච විතක්කො ච, වත්ථුං විප්පයුත්තපච්චයා. කටත්තාරූපං ඛන්ධෙ විප්පයුත්තපච්චයා. (7)

18. අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො…පෙ… පටිසන්ධික්ඛණෙ විතක්කඤ්ච වත්ථුඤ්ච පටිච්ච සවිතක්කසවිචාරා ඛන්ධා, වත්ථුං විප්පයුත්තපච්චයා. (1)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ධම්මො…පෙ… අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ… වත්ථුං විප්පයුත්තපච්චයා. පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ… වත්ථුං විප්පයුත්තපච්චයා. පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ¶ ඛන්ධෙ ච…පෙ… වත්ථුං විප්පයුත්තපච්චයා. (2)

අවිතක්කවිචාරමත්තඤ්ච ¶ අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො…පෙ… අවිතක්කවිචාරමත්තෙ ඛන්ධෙ ච විචාරඤ්ච පටිච්ච චිත්තසමුට්ඨානං රූපං. ඛන්ධෙ ච විචාරඤ්ච විප්පයුත්තපච්චයා. අවිතක්කවිචාරමත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. ඛන්ධෙ විප්පයුත්තපච්චයා. විතක්කඤ්ච මහාභූතෙ ච පටිච්ච චිත්තසමුට්ඨානං රූපං. විතක්කං විප්පයුත්තපච්චයා. පටිසන්ධික්ඛණෙ අවිතක්කවිචාරමත්තෙ ඛන්ධෙ ච විචාරඤ්ච පටිච්ච කටත්තාරූපං. ඛන්ධෙ ච විචාරඤ්ච විප්පයුත්තපච්චයා. පටිසන්ධික්ඛණෙ අවිතක්කවිචාරමත්තෙ ඛන්ධෙ ච මහාභූතෙ ච පටිච්ච කටත්තාරූපං. ඛන්ධෙ විප්පයුත්තපච්චයා. පටිසන්ධික්ඛණෙ විතක්කඤ්ච මහාභූතෙ ච පටිච්ච කටත්තාරූපං. විතක්කං විප්පයුත්තපච්චයා. පටිසන්ධික්ඛණෙ අවිතක්කවිචාරමත්තෙ ඛන්ධෙ ච වත්ථුඤ්ච පටිච්ච විචාරො. වත්ථුං විප්පයුත්තපච්චයා. (3)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති විප්පයුත්තපච්චයා – පටිසන්ධික්ඛණෙ විතක්කඤ්ච වත්ථුඤ්ච පටිච්ච සවිතක්කසවිචාරා ඛන්ධා. විතක්කඤ්ච මහාභූතෙ ච පටිච්ච කටත්තාරූපං. ඛන්ධා වත්ථුං විප්පයුත්තපච්චයා. කටත්තාරූපං විතක්කං විප්පයුත්තපච්චයා. (4)

අවිතක්කවිචාරමත්තඤ්ච ¶ අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා…පෙ… අවිතක්කවිචාරමත්තං ¶ එකං ඛන්ධඤ්ච විචාරඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ඛන්ධා වත්ථුං විප්පයුත්තපච්චයා. චිත්තසමුට්ඨානං රූපං ඛන්ධෙ ච විචාරඤ්ච විප්පයුත්තපච්චයා. පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා කටත්තා ච රූපං…පෙ… ඛන්ධා වත්ථුං විප්පයුත්තපච්චයා. කටත්තාරූපං ඛන්ධෙ ච විචාරඤ්ච විප්පයුත්තපච්චයා. පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ… අවිතක්කවිචාරමත්තෙ ඛන්ධෙ ච මහාභූතෙ ච පටිච්ච කටත්තාරූපං. ඛන්ධා වත්ථුං විප්පයුත්තපච්චයා. කටත්තාරූපං ඛන්ධෙ විප්පයුත්තපච්චයා. පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච වත්ථුඤ්ච පටිච්ච තයො ඛන්ධා විචාරො ච…පෙ… ද්වෙ ඛන්ධෙ ච…පෙ… වත්ථුං විප්පයුත්තපච්චයා. (5)

19. සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච සවිතක්කසවිචාරො ධම්මො උප්පජ්ජති…පෙ… සවිතක්කසවිචාරං එකං ඛන්ධඤ්ච විතක්කඤ්ච පටිච්ච තයො ¶ ඛන්ධා…පෙ… ද්වෙ ඛන්ධෙ ච…පෙ… වත්ථුං විප්පයුත්තපච්චයා. පටිසන්ධික්ඛණෙ…පෙ… වත්ථුං විප්පයුත්තපච්චයා. (1)

සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති…පෙ… සවිතක්කසවිචාරෙ ඛන්ධෙ ච විතක්කඤ්ච පටිච්ච චිත්තසමුට්ඨානං රූපං. ඛන්ධෙ ච විතක්කඤ්ච විප්පයුත්තපච්චයා. පටිසන්ධික්ඛණෙ…පෙ… ඛන්ධෙ ච විතක්කඤ්ච විප්පයුත්තපච්චයා. (2)

සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච සවිතක්කසවිචාරො ¶ ච අවිතක්කඅවිචාරො ච ධම්මා උප්පජ්ජන්ති…පෙ… සවිතක්කසවිචාරං එකං ඛන්ධඤ්ච විතක්කඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… ඛන්ධා වත්ථුං විප්පයුත්තපච්චයා. චිත්තසමුට්ඨානං රූපං ඛන්ධෙ ච විතක්කඤ්ච විප්පයුත්තපච්චයා. පටිසන්ධික්ඛණෙ…පෙ… ඛන්ධා වත්ථුං විප්පයුත්තපච්චයා. කටත්තාරූපං ඛන්ධෙ ච විතක්කඤ්ච විප්පයුත්තපච්චයා. (3)

20. සවිතක්කසවිචාරඤ්ච ¶ අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති…පෙ… පටිසන්ධික්ඛණෙ සවිතක්කසවිචාරං එකං ඛන්ධඤ්ච විතක්කඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… ඛන්ධා වත්ථුං විප්පයුත්තපච්චයා. (1)

සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති…පෙ… සවිතක්කසවිචාරෙ ඛන්ධෙ ච විතක්කඤ්ච මහාභූතෙ ච පටිච්ච චිත්තසමුට්ඨානං රූපං. ඛන්ධෙ ච විතක්කඤ්ච විප්පයුත්තපච්චයා. පටිසන්ධික්ඛණෙ…පෙ… ඛන්ධෙ ච විතක්කඤ්ච විප්පයුත්තපච්චයා. (2)

සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති විප්පයුත්තපච්චයා – පටිසන්ධික්ඛණෙ සවිතක්කසවිචාරං එකං ඛන්ධඤ්ච විතක්කඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ… සවිතක්කසවිචාරෙ ඛන්ධෙ ච විතක්කඤ්ච මහාභූතෙ ච පටිච්ච කටත්තාරූපං ¶ . ඛන්ධා වත්ථුං විප්පයුත්තපච්චයා. කටත්තාරූපං ඛන්ධෙ ච විතක්කඤ්ච විප්පයුත්තපච්චයා. (3)

අත්ථි-අවිගතපච්චයා

21. සවිතක්කසවිචාරං ධම්මං පටිච්ච සවිතක්කසවිචාරො ධම්මො උප්පජ්ජති අත්ථිපච්චයා…පෙ… නත්ථිපච්චයා, විගතපච්චයා, අවිගතපච්චයා (සංඛිත්තං).

1. පච්චයානුලොමං

2. සඞ්ඛ්යාවාරො

සුද්ධං

22. හෙතුයා ¶ සත්තතිංස, ආරම්මණෙ එකවීස, අධිපතියා තෙවීස, අනන්තරෙ එකවීස, සමනන්තරෙ ¶ එකවීස, සහජාතෙ සත්තතිංස, අඤ්ඤමඤ්ඤෙ අට්ඨවීස, නිස්සයෙ සත්තතිංස, උපනිස්සයෙ එකවීස, පුරෙජාතෙ එකාදස, ආසෙවනෙ එකාදස, කම්මෙ සත්තතිංස, විපාකෙ සත්තතිංස, ආහාරෙ ඉන්ද්රියෙ ඣානෙ මග්ගෙ සත්තතිංස, සම්පයුත්තෙ එකවීස, විප්පයුත්තෙ සත්තතිංස, අත්ථියා සත්තතිංස, නත්ථියා එකවීස, විගතෙ එකවීස, අවිගතෙ සත්තතිංස.

දුකං

හෙතුපච්චයා ආරම්මණෙ එකවීස…පෙ… අවිගතෙ සත්තතිංස (සංඛිත්තං).

(යථා කුසලත්තිකෙ ගණනා, එවං ගණෙතබ්බං).

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

23. සවිතක්කසවිචාරං ධම්මං පටිච්ච සවිතක්කසවිචාරො ධම්මො උප්පජ්ජති නහෙතුපච්චයා – අහෙතුකං සවිතක්කසවිචාරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. අහෙතුකපටිසන්ධික්ඛණෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

සවිතක්කසවිචාරං ධම්මං පටිච්ච අවිතක්කවිචාරමත්තො ¶ ධම්මො උප්පජ්ජති නහෙතුපච්චයා – අහෙතුකෙ සවිතක්කසවිචාරෙ ඛන්ධෙ පටිච්ච විතක්කො. අහෙතුකපටිසන්ධික්ඛණෙ…පෙ…. (2)

සවිතක්කසවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති නහෙතුපච්චයා – අහෙතුකෙ සවිතක්කසවිචාරෙ ඛන්ධෙ පටිච්ච චිත්තසමුට්ඨානං රූපං. අහෙතුකපටිසන්ධික්ඛණෙ…පෙ…. (3)

සවිතක්කසවිචාරං ¶ ¶ ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති නහෙතුපච්චයා – අහෙතුකං සවිතක්කසවිචාරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. අහෙතුකපටිසන්ධික්ඛණෙ…පෙ…. (4)

සවිතක්කසවිචාරං ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති නහෙතුපච්චයා – අහෙතුකෙ සවිතක්කසවිචාරෙ ඛන්ධෙ පටිච්ච විතක්කො ච චිත්තසමුට්ඨානඤ්ච රූපං. අහෙතුකපටිසන්ධික්ඛණෙ…පෙ…. (5)

සවිතක්කසවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති නහෙතුපච්චයා – අහෙතුකං සවිතක්කසවිචාරං එකං ඛන්ධං පටිච්ච තයො ඛන්ධා විතක්කො ච…පෙ… ද්වෙ ඛන්ධෙ පටිච්ච ද්වෙ ඛන්ධා විතක්කො ච. අහෙතුකපටිසන්ධික්ඛණෙ…පෙ…. (6)

සවිතක්කසවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති නහෙතුපච්චයා – අහෙතුකං සවිතක්කසවිචාරං එකං ඛන්ධං පටිච්ච තයො ඛන්ධා විතක්කො ¶ ච චිත්තසමුට්ඨානඤ්ච රූපං…පෙ… අහෙතුකපටිසන්ධික්ඛණෙ…පෙ…. (7)

24. අවිතක්කවිචාරමත්තං ධම්මං පටිච්ච සවිතක්කසවිචාරො ධම්මො උප්පජ්ජති නහෙතුපච්චයා – අහෙතුකං විතක්කං පටිච්ච සවිතක්කසවිචාරා ඛන්ධා. අහෙතුකපටිසන්ධික්ඛණෙ විතක්කං පටිච්ච සවිතක්කසවිචාරා ඛන්ධා; විචිකිච්ඡාසහගතං උද්ධච්චසහගතං විතක්කං පටිච්ච විචිකිච්ඡාසහගතො උද්ධච්චසහගතො මොහො. (1)

අවිතක්කවිචාරමත්තං ධම්මං පටිච්ච අවිතක්කඅවිචාරො ධම්මො උප්පජ්ජති නහෙතුපච්චයා – අහෙතුකං විතක්කං පටිච්ච චිත්තසමුට්ඨානං රූපං. අහෙතුකපටිසන්ධික්ඛණෙ විතක්කං පටිච්ච කටත්තාරූපං. (2)

අවිතක්කවිචාරමත්තං ¶ ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති නහෙතුපච්චයා – අහෙතුකං විතක්කං පටිච්ච සවිතක්කසවිචාරා ඛන්ධා චිත්තසමුට්ඨානඤ්ච රූපං. අහෙතුකපටිසන්ධික්ඛණෙ විතක්කං පටිච්ච සවිතක්කසවිචාරා ඛන්ධා කටත්තා ච රූපං. (3)

අවිතක්කඅවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති නහෙතුපච්චයා – අහෙතුකං අවිතක්කඅවිචාරං එකං ඛන්ධං පටිච්ච තයො ඛන්ධා, තයො ¶ ඛන්ධෙ පටිච්ච එකො ඛන්ධො, ද්වෙ ඛන්ධෙ පටිච්ච ද්වෙ ඛන්ධා; එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච…පෙ… මහාභූතෙ පටිච්ච කටත්තාරූපං උපාදාරූපං. (1)

අවිතක්කඅවිචාරං ධම්මං පටිච්ච සවිතක්කසවිචාරො ධම්මො උප්පජ්ජති නහෙතුපච්චයා – අහෙතුකපටිසන්ධික්ඛණෙ ¶ වත්ථුං පටිච්ච සවිතක්කසවිචාරා ඛන්ධා. (2)

අවිතක්කඅවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති නහෙතුපච්චයා – අහෙතුකපටිසන්ධික්ඛණෙ වත්ථුං පටිච්ච විතක්කො. (3)

අවිතක්කඅවිචාරං ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති නහෙතුපච්චයා – අහෙතුකපටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා; මහාභූතෙ පටිච්ච කටත්තාරූපං. (4)

අවිතක්කඅවිචාරං ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති නහෙතුපච්චයා – අහෙතුකපටිසන්ධික්ඛණෙ වත්ථුං පටිච්ච විතක්කො; මහාභූතෙ පටිච්ච කටත්තාරූපං. (5)

අවිතක්කඅවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති නහෙතුපච්චයා – අහෙතුකපටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා ච විතක්කො ච. (6)

අවිතක්කඅවිචාරං ¶ ධම්මං පටිච්ච සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති නහෙතුපච්චයා – අහෙතුකපටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා ච විතක්කො ච; මහාභූතෙ පටිච්ච කටත්තාරූපං. (7)

25. සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති නහෙතුපච්චයා – අහෙතුකපටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා. (1)

සවිතක්කසවිචාරඤ්ච ¶ අවිතක්කඅවිචාරඤ්ච ¶ ධම්මං පටිච්ච අවිතක්කවිචාරමත්තො ධම්මො උප්පජ්ජති නහෙතුපච්චයා – අහෙතුකපටිසන්ධික්ඛණෙ සවිතක්කසවිචාරෙ ඛන්ධෙ ච වත්ථුඤ්ච පටිච්ච විතක්කො. (2)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති නහෙතුපච්චයා – අහෙතුකෙ සවිතක්කසවිචාරෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. අහෙතුකපටිසන්ධික්ඛණෙ සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තාරූපං. (3)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති නහෙතුපච්චයා – අහෙතුකපටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා; සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තාරූපං. (4)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති නහෙතුපච්චයා – අහෙතුකපටිසන්ධික්ඛණෙ සවිතක්කසවිචාරෙ ඛන්ධෙ ච වත්ථුඤ්ච පටිච්ච විතක්කො; සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තාරූපං. (5)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කවිචාරමත්තො ¶ ච ධම්මා උප්පජ්ජන්ති නහෙතුපච්චයා – අහෙතුකපටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා විතක්කො ච…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා විතක්කො ච. (6)

සවිතක්කසවිචාරඤ්ච ¶ අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති නහෙතුපච්චයා – අහෙතුකපටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා විතක්කො ච…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා විතක්කො ච; සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තාරූපං. (7)

26. අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති නහෙතුපච්චයා – අහෙතුකපටිසන්ධික්ඛණෙ විතක්කඤ්ච වත්ථුඤ්ච පටිච්ච සවිතක්කසවිචාරා ඛන්ධා. (1)

අවිතක්කවිචාරමත්තඤ්ච ¶ අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති නහෙතුපච්චයා – අහෙතුකං විතක්කඤ්ච මහාභූතෙ ච පටිච්ච චිත්තසමුට්ඨානං රූපං. අහෙතුකපටිසන්ධික්ඛණෙ විතක්කඤ්ච මහාභූතෙ ච පටිච්ච කටත්තාරූපං. (2)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති නහෙතුපච්චයා – අහෙතුකපටිසන්ධික්ඛණෙ විතක්කඤ්ච වත්ථුඤ්ච පටිච්ච සවිතක්කසවිචාරා ඛන්ධා; විතක්කඤ්ච මහාභූතෙ ච පටිච්ච කටත්තාරූපං. (3)

27. සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච සවිතක්කසවිචාරො ධම්මො උප්පජ්ජති නහෙතුපච්චයා – අහෙතුකං සවිතක්කසවිචාරං එකං ඛන්ධඤ්ච විතක්කඤ්ච පටිච්ච තයො ඛන්ධා…පෙ… ද්වෙ ඛන්ධෙ ¶ ච විතක්කඤ්ච පටිච්ච ද්වෙ ඛන්ධා. අහෙතුකපටිසන්ධික්ඛණෙ සවිතක්කසවිචාරං එකං ඛන්ධඤ්ච විතක්කඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විතක්කඤ්ච පටිච්ච ද්වෙ ඛන්ධා; විචිකිච්ඡාසහගතෙ උද්ධච්චසහගතෙ ඛන්ධෙ ච විතක්කඤ්ච පටිච්ච විචිකිච්ඡාසහගතො උද්ධච්චසහගතො මොහො. (1)

සවිතක්කසවිචාරඤ්ච ¶ අවිතක්කවිචාරමත්තඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති නහෙතුපච්චයා – අහෙතුකෙ සවිතක්කසවිචාරෙ ඛන්ධෙ ච විතක්කඤ්ච පටිච්ච චිත්තසමුට්ඨානං රූපං. අහෙතුකපටිසන්ධික්ඛණෙ…පෙ…. (2)

සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති නහෙතුපච්චයා – අහෙතුකං සවිතක්කසවිචාරං එකං ඛන්ධඤ්ච විතක්කඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච විතක්කඤ්ච පටිච්ච ද්වෙ ඛන්ධා චිත්තසමුට්ඨානඤ්ච රූපං. අහෙතුකපටිසන්ධික්ඛණෙ…පෙ…. (3)

28. සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති නහෙතුපච්චයා – අහෙතුකපටිසන්ධික්ඛණෙ සවිතක්කසවිචාරං එකං ඛන්ධඤ්ච විතක්කඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විතක්කඤ්ච වත්ථුඤ්ච පටිච්ච ද්වෙ ඛන්ධා. (1)

සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති නහෙතුපච්චයා – අහෙතුකෙ සවිතක්කසවිචාරෙ ¶ ඛන්ධෙ ච විතක්කඤ්ච ¶ මහාභූතෙ ච පටිච්ච චිත්තසමුට්ඨානං රූපං. අහෙතුකපටිසන්ධික්ඛණෙ…පෙ…. (2)

සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති නහෙතුපච්චයා – අහෙතුකපටිසන්ධික්ඛණෙ සවිතක්කසවිචාරං එකං ඛන්ධඤ්ච විතක්කඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විතක්කඤ්ච වත්ථුඤ්ච පටිච්ච ද්වෙ ඛන්ධා; සවිතක්කසවිචාරෙ ඛන්ධෙ ච විතක්කඤ්ච මහාභූතෙ ච පටිච්ච කටත්තාරූපං. (3)

නආරම්මණපච්චයො

29. සවිතක්කසවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති නආරම්මණපච්චයා ¶ – සවිතක්කසවිචාරෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ සවිතක්කසවිචාරෙ ඛන්ධෙ පටිච්ච කටත්තාරූපං. (1)

අවිතක්කවිචාරමත්තං ධම්මං පටිච්ච අවිතක්කඅවිචාරො ධම්මො උප්පජ්ජති නආරම්මණපච්චයා – අවිතක්කවිචාරමත්තෙ ඛන්ධෙ පටිච්ච චිත්තසමුට්ඨානං රූපං, විතක්කං පටිච්ච චිත්තසමුට්ඨානං රූපං. පටිසන්ධික්ඛණෙ අවිතක්කවිචාරමත්තෙ ඛන්ධෙ පටිච්ච කටත්තාරූපං. පටිසන්ධික්ඛණෙ විතක්කං පටිච්ච කටත්තාරූපං. (1)

අවිතක්කඅවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති නආරම්මණපච්චයා – අවිතක්කඅවිචාරෙ ඛන්ධෙ පටිච්ච චිත්තසමුට්ඨානං රූපං, විචාරං පටිච්ච චිත්තසමුට්ඨානං රූපං. පටිසන්ධික්ඛණෙ අවිතක්කඅවිචාරෙ ¶ ඛන්ධෙ පටිච්ච කටත්තාරූපං, විචාරං පටිච්ච කටත්තාරූපං, ඛන්ධෙ පටිච්ච වත්ථු, විචාරං පටිච්ච වත්ථු; එකං මහාභූතං පටිච්ච…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච…පෙ…. (1)

30. සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති නආරම්මණපච්චයා – සවිතක්කසවිචාරෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. පටිසන්ධික්ඛණෙ සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තාරූපං. (1)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති නආරම්මණපච්චයා – අවිතක්කවිචාරමත්තෙ ඛන්ධෙ ච විචාරඤ්ච පටිච්ච ¶ චිත්තසමුට්ඨානං රූපං, අවිතක්කවිචාරමත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, විතක්කඤ්ච මහාභූතෙ ච පටිච්ච චිත්තසමුට්ඨානං රූපං. පටිසන්ධික්ඛණෙ අවිතක්කවිචාරමත්තෙ ඛන්ධෙ ච විචාරඤ්ච…පෙ… කටත්තාරූපං. (1)

සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති ¶ නආරම්මණපච්චයා – සවිතක්කසවිචාරෙ ඛන්ධෙ ච විතක්කඤ්ච පටිච්ච චිත්තසමුට්ඨානං රූපං. පටිසන්ධික්ඛණෙ…පෙ…. (1)

සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති නආරම්මණපච්චයා ¶ – සවිතක්කසවිචාරෙ ඛන්ධෙ ච විතක්කඤ්ච මහාභූතෙ ච පටිච්ච චිත්තසමුට්ඨානං රූපං. පටිසන්ධික්ඛණෙ…පෙ… කටත්තාරූපං. (1)

නඅධිපතිපච්චයො

31. සවිතක්කසවිචාරං ධම්මං පටිච්ච සවිතක්කසවිචාරො ධම්මො උප්පජ්ජති නඅධිපතිපච්චයා…පෙ… සත්ත.

අවිතක්කවිචාරමත්තං ධම්මං පටිච්ච අවිතක්කවිචාරමත්තො ධම්මො උප්පජ්ජති නඅධිපතිපච්චයා – අවිතක්කවිචාරමත්තෙ ඛන්ධෙ පටිච්ච අවිතක්කවිචාරමත්තා අධිපති, විපාකං අවිතක්කවිචාරමත්තං එකං ඛන්ධං පටිච්ච තයො ඛන්ධා…පෙ… පටිසන්ධික්ඛණෙ…පෙ…. (1)

අවිතක්කවිචාරමත්තං ධම්මං පටිච්ච සවිතක්කසවිචාරො ධම්මො උප්පජ්ජති නඅධිපතිපච්චයා – විතක්කං පටිච්ච සවිතක්කසවිචාරා ඛන්ධා. පටිසන්ධික්ඛණෙ…පෙ…. (2)

අවිතක්කවිචාරමත්තං ධම්මං පටිච්ච අවිතක්කඅවිචාරො ධම්මො උප්පජ්ජති නඅධිපතිපච්චයා – විපාකෙ අවිතක්කවිචාරමත්තෙ ඛන්ධෙ පටිච්ච විචාරො ච චිත්තසමුට්ඨානඤ්ච රූපං. පටිසන්ධික්ඛණෙ…පෙ…. (3)

අවිතක්කවිචාරමත්තං ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති නඅධිපතිපච්චයා – විතක්කං පටිච්ච සවිතක්කසවිචාරා ඛන්ධා චිත්තසමුට්ඨානඤ්ච රූපං. පටිසන්ධික්ඛණෙ…පෙ…. (4)

අවිතක්කවිචාරමත්තං ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති නඅධිපතිපච්චයා – විපාකං අවිතක්කවිචාරමත්තං එකං ඛන්ධං පටිච්ච තයො ඛන්ධා විචාරො ච චිත්තසමුට්ඨානඤ්ච රූපං…පෙ… පටිසන්ධික්ඛණෙ…පෙ…. (5)

32. අවිතක්කඅවිචාරං ¶ ¶ ධම්මං පටිච්ච අවිතක්කඅවිචාරො ධම්මො උප්පජ්ජති ¶ නඅධිපතිපච්චයා – අවිතක්කඅවිචාරෙ ඛන්ධෙ පටිච්ච අවිතක්කඅවිචාරා අධිපති, විපාකං අවිතක්කඅවිචාරං එකං ඛන්ධං පටිච්ච තයො ඛන්ධා…පෙ… පටිසන්ධික්ඛණෙ…පෙ…. (1)

අවිතක්කඅවිචාරං ධම්මං පටිච්ච සවිතක්කසවිචාරො ධම්මො උප්පජ්ජති නඅධිපතිපච්චයා – පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා. (2)

අවිතක්කඅවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති නඅධිපතිපච්චයා – විචාරං පටිච්ච අවිතක්කවිචාරමත්තා අධිපති, විපාකං විචාරං පටිච්ච අවිතක්කවිචාරමත්තා ඛන්ධා. පටිසන්ධික්ඛණෙ…පෙ…. (3)

අවිතක්කඅවිචාරං ධම්මං පටිච්ච… සත්ත.

33. සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච… සත්ත (සංඛිත්තං).

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති…පෙ… අවිතක්කවිචාරමත්තො ධම්මො උප්පජ්ජති නඅධිපතිපච්චයා, අවිතක්කවිචාරමත්තෙ ඛන්ධෙ ච විචාරඤ්ච පටිච්ච අවිතක්කවිචාරමත්තා අධිපති, විපාකං අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච (සංඛිත්තං).

නඅනන්තරපච්චයාදි

34. සවිතක්කසවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා (නආරම්මණසදිසං).

නපුරෙජාතපච්චයො

35. සවිතක්කසවිචාරං ¶ ධම්මං පටිච්ච සවිතක්කසවිචාරො ධම්මො උප්පජ්ජති නපුරෙජාතපච්චයා… සත්ත.

අවිතක්කවිචාරමත්තං ධම්මං පටිච්ච අවිතක්කවිචාරමත්තො ධම්මො උප්පජ්ජති ¶ නපුරෙජාතපච්චයා – අරූපෙ අවිතක්කවිචාරමත්තං එකං ඛන්ධං පටිච්ච…පෙ… පටිසන්ධික්ඛණෙ…පෙ…. (1)

අවිතක්කවිචාරමත්තං ¶ ධම්මං පටිච්ච සවිතක්කසවිචාරො ධම්මො උප්පජ්ජති නපුරෙජාතපච්චයා – අරූපෙ විතක්කං පටිච්ච සවිතක්කසවිචාරා ඛන්ධා. පටිසන්ධික්ඛණෙ…පෙ…. (2)

අවිතක්කවිචාරමත්තං ධම්මං පටිච්ච අවිතක්කඅවිචාරො ධම්මො උප්පජ්ජති නපුරෙජාතපච්චයා – අරූපෙ අවිතක්කවිචාරමත්තෙ ඛන්ධෙ පටිච්ච විචාරො, අවිතක්කවිචාරමත්තෙ ඛන්ධෙ පටිච්ච චිත්තසමුට්ඨානං රූපං, විතක්කං පටිච්ච චිත්තසමුට්ඨානං රූපං. පටිසන්ධික්ඛණෙ…පෙ…. (3)

අවිතක්කවිචාරමත්තං ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති නපුරෙජාතපච්චයා – පටිසන්ධික්ඛණෙ විතක්කං පටිච්ච සවිතක්කසවිචාරා ඛන්ධා කටත්තා ච රූපං. (4)

අවිතක්කවිචාරමත්තං ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති නපුරෙජාතපච්චයා…පෙ… අරූපෙ අවිතක්කවිචාරමත්තං එකං ඛන්ධං පටිච්ච තයො ඛන්ධා විචාරො ච…පෙ… පටිසන්ධික්ඛණෙ…පෙ…. (5)

36. අවිතක්කඅවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති නපුරෙජාතපච්චයා – අරූපෙ අවිතක්කඅවිචාරං එකං ඛන්ධං පටිච්ච තයො ඛන්ධා…පෙ… අවිතක්කඅවිචාරෙ ¶ ඛන්ධෙ පටිච්ච චිත්තසමුට්ඨානං රූපං, විචාරං පටිච්ච චිත්තසමුට්ඨානං රූපං. පටිසන්ධික්ඛණෙ…පෙ…. (1)

අවිතක්කඅවිචාරං ධම්මං පටිච්ච සවිතක්කසවිචාරො ධම්මො උප්පජ්ජති නපුරෙජාතපච්චයා – පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා. (2)

අවිතක්කඅවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති නපුරෙජාතපච්චයා ¶ – අරූපෙ විචාරං පටිච්ච අවිතක්කවිචාරමත්තා ඛන්ධා. පටිසන්ධික්ඛණෙ…පෙ… (සංඛිත්තං). (7)

සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච… සත්ත.

37. අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ධම්මො උප්පජ්ජති නපුරෙජාතපච්චයා – අරූපෙ අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා…පෙ… පටිසන්ධික්ඛණෙ…පෙ… (සංඛිත්තං). (7)

අවිතක්කවිචාරමත්තඤ්ච ¶ අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති…පෙ… පටිසන්ධික්ඛණෙ…පෙ… (සංඛිත්තං).

(නපුරෙජාතමූලකෙ යථා සුද්ධිකං අරූපං, තථා අරූපා කාතබ්බා).

නපච්ඡාජාතපච්චයාදි

38. සවිතක්කසවිචාරං ධම්මං පටිච්ච සවිතක්කසවිචාරො ධම්මො උප්පජ්ජති නපච්ඡාජාතපච්චයා…පෙ… නආසෙවනපච්චයා… සත්ත.

අවිතක්කවිචාරමත්තං ධම්මං පටිච්ච අවිතක්කවිචාරමත්තො ධම්මො උප්පජ්ජති නආසෙවනපච්චයා – විපාකං අවිතක්කවිචාරමත්තං එකං ඛන්ධං පටිච්ච… (සංඛිත්තං). (5)

අවිතක්කඅවිචාරං ¶ ධම්මං පටිච්ච අවිතක්කඅවිචාරො ධම්මො උප්පජ්ජති නආසෙවනපච්චයා – විපාකං අවිතක්කඅවිචාරං එකං ඛන්ධං පටිච්ච… (සංඛිත්තං).

(නආසෙවනමූලකෙ අවිතක්කවිචාරමත්තං විපාකෙන සහ ගච්ඡන්තෙන නපුරෙජාතසදිසං කාතබ්බං, අවිතක්කවිචාරමත්තඤ්ච අවිතක්කවිචාරමත්තගච්ඡන්තෙන විපාකො දස්සෙතබ්බො.)

නකම්මපච්චයො

39. සවිතක්කසවිචාරං ධම්මං පටිච්ච සවිතක්කසවිචාරො ධම්මො උප්පජ්ජති නකම්මපච්චයා – සවිතක්කසවිචාරෙ ඛන්ධෙ පටිච්ච සවිතක්කසවිචාරා චෙතනා. (1)

අවිතක්කවිචාරමත්තං ධම්මං පටිච්ච අවිතක්කවිචාරමත්තො ධම්මො උප්පජ්ජති ¶ නකම්මපච්චයා – අවිතක්කවිචාරමත්තෙ ඛන්ධෙ පටිච්ච අවිතක්කවිචාරමත්තා චෙතනා. (1)

අවිතක්කවිචාරමත්තං ධම්මං පටිච්ච සවිතක්කසවිචාරො ධම්මො උප්පජ්ජති නකම්මපච්චයා – විතක්කං පටිච්ච සවිතක්කසවිචාරා චෙතනා. (2)

අවිතක්කඅවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති නකම්මපච්චයා – අවිතක්කඅවිචාරෙ ඛන්ධෙ පටිච්ච අවිතක්කඅවිචාරා චෙතනා; බාහිරං… ආහාරසමුට්ඨානං… උතුසමුට්ඨානං එකං මහාභූතං පටිච්ච…පෙ…. (1)

අවිතක්කඅවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති නකම්මපච්චයා – විචාරං පටිච්ච අවිතක්කවිචාරමත්තා චෙතනා. (2)

අවිතක්කවිචාරමත්තඤ්ච ¶ අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ධම්මො උප්පජ්ජති නකම්මපච්චයා – අවිතක්කවිචාරමත්තෙ ඛන්ධෙ ච විචාරඤ්ච පටිච්ච අවිතක්කවිචාරමත්තා චෙතනා. (1)

සවිතක්කසවිචාරඤ්ච ¶ අවිතක්කවිචාරමත්තඤ්ච ධම්මං පටිච්ච සවිතක්කසවිචාරො ධම්මො උප්පජ්ජති නකම්මපච්චයා – සවිතක්කසවිචාරෙ ඛන්ධෙ ච විතක්කඤ්ච පටිච්ච සවිතක්කසවිචාරා චෙතනා. (1)

නවිපාකපච්චයාදි

40. සවිතක්කසවිචාරං ධම්මං පටිච්ච සවිතක්කසවිචාරො ධම්මො උප්පජ්ජති නවිපාකපච්චයා…පෙ… නආහාරපච්චයා – බාහිරං… උතුසමුට්ඨානං…පෙ… නඉන්ද්රියපච්චයා – බාහිරං… ආහාරසමුට්ඨානං… උතුසමුට්ඨානං…පෙ… අසඤ්ඤසත්තානං මහාභූතෙ පටිච්ච රූපජීවිතින්ද්රියං…පෙ… නඣානපච්චයා – පඤ්චවිඤ්ඤාණසහගතං එකං ඛන්ධං…පෙ… බාහිරං… ආහාරසමුට්ඨානං… ¶ උතුසමුට්ඨානං… අසඤ්ඤසත්තානං…පෙ… නමග්ගපච්චයා… නසම්පයුත්තපච්චයා….

නවිප්පයුත්තපච්චයො

41. නවිප්පයුත්තපච්චයා… අරූපෙ සවිතක්කසවිචාරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

සවිතක්කසවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති නවිප්පයුත්තපච්චයා – අරූපෙ සවිතක්කසවිචාරෙ ඛන්ධෙ පටිච්ච විතක්කො. (2)

සවිතක්කසවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති නවිප්පයුත්තපච්චයා – අරූපෙ සවිතක්කසවිචාරං එකං ඛන්ධං පටිච්ච තයො ඛන්ධා විතක්කො ච…පෙ… ද්වෙ ඛන්ධෙ පටිච්ච ද්වෙ ඛන්ධා විතක්කො ච. (3)

42. අවිතක්කවිචාරමත්තං ධම්මං පටිච්ච අවිතක්කවිචාරමත්තො ධම්මො උප්පජ්ජති නවිප්පයුත්තපච්චයා – අරූපෙ අවිතක්කවිචාරමත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

අවිතක්කවිචාරමත්තං ධම්මං පටිච්ච සවිතක්කසවිචාරො ධම්මො උප්පජ්ජති නවිප්පයුත්තපච්චයා – අරූපෙ විතක්කං පටිච්ච සවිතක්කසවිචාරා ඛන්ධා. (2)

අවිතක්කවිචාරමත්තං ¶ ¶ ධම්මං පටිච්ච අවිතක්කඅවිචාරො ධම්මො උප්පජ්ජති නවිප්පයුත්තපච්චයා – අරූපෙ අවිතක්කවිචාරමත්තෙ ඛන්ධෙ පටිච්ච විචාරො. (3)

අවිතක්කවිචාරමත්තං ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති නවිප්පයුත්තපච්චයා – අරූපෙ අවිතක්කවිචාරමත්තං ¶ එකං ඛන්ධං පටිච්ච තයො ඛන්ධා විචාරො ච…පෙ… ද්වෙ ඛන්ධෙ පටිච්ච ද්වෙ ඛන්ධා විචාරො ච. (4)

අවිතක්කඅවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති නවිප්පයුත්තපච්චයා – අරූපෙ අවිතක්කඅවිචාරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච…පෙ…. (1)

අවිතක්කඅවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති නවිප්පයුත්තපච්චයා – අරූපෙ විචාරං පටිච්ච අවිතක්කවිචාරමත්තා ඛන්ධා. (2)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ධම්මො උප්පජ්ජති නවිප්පයුත්තපච්චයා – අරූපෙ අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විචාරඤ්ච පටිච්ච ද්වෙ ඛන්ධා. (1)

සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච සවිතක්කසවිචාරො ධම්මො උප්පජ්ජති නවිප්පයුත්තපච්චයා – අරූපෙ සවිතක්කසවිචාරං එකං ඛන්ධඤ්ච විතක්කඤ්ච පටිච්ච තයො ඛන්ධා…පෙ… ද්වෙ ඛන්ධෙ ච විතක්කඤ්ච පටිච්ච ද්වෙ ඛන්ධා. (1)

නොනත්ථි-නොවිගතපච්චයා

43. සවිතක්කසවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති නොනත්ථිපච්චයා… නොවිගතපච්චයා… (සංඛිත්තං).

2. පච්චයපච්චනීයං

2. සඞ්ඛ්යාවාරො

සුද්ධං

44. නහෙතුයා ¶ තෙත්තිංස, නආරම්මණෙ සත්ත, නඅධිපතියා සත්තතිංස ¶ , නඅනන්තරෙ සත්ත, නසමනන්තරෙ සත්ත, නඅඤ්ඤමඤ්ඤෙ සත්ත, නඋපනිස්සයෙ සත්ත, නපුරෙජාතෙ සත්තතිංස, නපච්ඡාජාතෙ සත්තතිංස, නආසෙවනෙ සත්තතිංස, නකම්මෙ සත්ත, නවිපාකෙ තෙවීස, නආහාරෙ එකං ¶ නඉන්ද්රියෙ එකං, නඣානෙ එකං, නමග්ගෙ තෙත්තිංස, නසම්පයුත්තෙ සත්ත, නවිප්පයුත්තෙ එකාදස, නොනත්ථියා සත්ත, නොවිගතෙ සත්ත (සංඛිත්තං).

(යථා කුසලත්තිකෙ පච්චනීයගණනා, එවං ගණෙතබ්බං.)

පච්චනීයං.

3. පච්චයානුලොමපච්චනීයං

45. හෙතුපච්චයා නආරම්මණෙ සත්ත…පෙ… නොවිගතෙ සත්ත.

(යථා කුසලත්තිකෙ අනුලොමපච්චනීයගණනා, එවං ගණෙතබ්බං.)

4. පච්චයපච්චනීයානුලොමං

නහෙතුදුකං

46. නහෙතුපච්චයා ආරම්මණෙ චුද්දස, අනන්තරෙ සමනන්තරෙ චුද්දස, සහජාතෙ තෙත්තිංස, අඤ්ඤමඤ්ඤෙ බාවීස, නිස්සයෙ තෙත්තිංස, උපනිස්සයෙ චුද්දස, පුරෙජාතෙ ඡ, ආසෙවනෙ පඤ්ච, කම්මෙ තෙත්තිංස…පෙ… ඣානෙ තෙත්තිංස, මග්ගෙ තීණි, සම්පයුත්තෙ චුද්දස, විප්පයුත්තෙ තෙත්තිංස…පෙ… අවිගතෙ තෙත්තිංස (සංඛිත්තං).

(යථා ¶ කුසලත්තිකෙ පච්චනීයානුලොමගණනා, එවං ගණෙතබ්බං.)

පටිච්චවාරො.

2. සහජාතවාරො

(සහජාතවාරොපි පටිච්චවාරසදිසො කාතබ්බො.)

3. පච්චයවාරො

1. පච්චයානුලොමං

හෙතුපච්චයො

47. සවිතක්කසවිචාරං ධම්මං පච්චයා සවිතක්කසවිචාරො ධම්මො උප්පජ්ජති හෙතුපච්චයා – සවිතක්කසවිචාරං එකං ඛන්ධං පච්චයා තයො ඛන්ධා…පෙ… ද්වෙ ඛන්ධා… සත්ත.

අවිතක්කවිචාරමත්තං ¶ ධම්මං පච්චයා… පඤ්ච (පටිච්චවාරසදිසා).

අවිතක්කඅවිචාරං ධම්මං පච්චයා අවිතක්කඅවිචාරො ධම්මො උප්පජ්ජති හෙතුපච්චයා – අවිතක්කඅවිචාරං එකං ඛන්ධං පච්චයා තයො ඛන්ධා ¶ චිත්තසමුට්ඨානඤ්ච රූපං…පෙ… ද්වෙ ඛන්ධෙ පච්චයා…පෙ… විචාරං පච්චයා චිත්තසමුට්ඨානං රූපං. පටිසන්ධික්ඛණෙ…පෙ… වත්ථුං පච්චයා අවිතක්කඅවිචාරා ඛන්ධා, වත්ථුං පච්චයා විචාරො. (1)

අවිතක්කඅවිචාරං ධම්මං පච්චයා සවිතක්කසවිචාරො ධම්මො උප්පජ්ජති…පෙ… වත්ථුං පච්චයා සවිතක්කසවිචාරා ඛන්ධා. පටිසන්ධික්ඛණෙ…පෙ…. (2)

අවිතක්කඅවිචාරං ධම්මං පච්චයා අවිතක්කවිචාරමත්තො ධම්මො…පෙ… විචාරං පච්චයා අවිතක්කවිචාරමත්තා ඛන්ධා, වත්ථුං පච්චයා අවිතක්කවිචාරමත්තා ¶ ඛන්ධා, වත්ථුං පච්චයා විතක්කො. පටිසන්ධික්ඛණෙ…පෙ…. (3)

අවිතක්කඅවිචාරං ධම්මං පච්චයා සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති…පෙ… වත්ථුං පච්චයා සවිතක්කසවිචාරා ඛන්ධා, මහාභූතෙ පච්චයා චිත්තසමුට්ඨානං රූපං. පටිසන්ධික්ඛණෙ…පෙ…. (4)

අවිතක්කඅවිචාරං ධම්මං පච්චයා අවිතක්කවිචාරමත්තො ච අවිතක්කඅවිචාරො ච ධම්මා…පෙ… විචාරං පච්චයා අවිතක්කවිචාරමත්තා ඛන්ධා චිත්තසමුට්ඨානඤ්ච රූපං, වත්ථුං පච්චයා අවිතක්කවිචාරමත්තා ඛන්ධා, මහාභූතෙ පච්චයා චිත්තසමුට්ඨානං රූපං, වත්ථුං පච්චයා විතක්කො, මහාභූතෙ පච්චයා චිත්තසමුට්ඨානං රූපං, වත්ථුං පච්චයා අවිතක්කවිචාරමත්තා ඛන්ධා ච විචාරො ච. පටිසන්ධික්ඛණෙ…පෙ…. (5)

අවිතක්කඅවිචාරං ධම්මං පච්චයා සවිතක්කසවිචාරො ච අවිතක්කවිචාරමත්තො ච ධම්මා…පෙ… වත්ථුං පච්චයා සවිතක්කසවිචාරා ඛන්ධා ච විතක්කො ච. පටිසන්ධික්ඛණෙ…පෙ…. (6)

අවිතක්කඅවිචාරං ධම්මං පච්චයා සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ¶ ච ධම්මා…පෙ… වත්ථුං පච්චයා සවිතක්කසවිචාරා ඛන්ධා ච විතක්කො ච, මහාභූතෙ පච්චයා චිත්තසමුට්ඨානං රූපං. පටිසන්ධික්ඛණෙ…පෙ…. (7)

48. සවිතක්කසවිචාරඤ්ච අවිතක්කඅවිචාරඤ්ච ධම්මං පච්චයා සවිතක්කසවිචාරො ධම්මො…පෙ… සවිතක්කසවිචාරං එකං ඛන්ධඤ්ච වත්ථුඤ්ච පච්චයා තයො ඛන්ධා ¶ …පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… සවිතක්කසවිචාරඤ්ච අවිතක්කඅවිචාරඤ්ච ධම්මං පච්චයා අවිතක්කවිචාරමත්තො ධම්මො…පෙ… (පඨමඋදාහරණෙ පවත්තෙ පටිසන්ධික්ඛණෙ සත්ත පඤ්හා කාතබ්බා).

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පච්චයා සවිතක්කසවිචාරො ධම්මො ¶ …පෙ… විතක්කඤ්ච වත්ථුඤ්ච පච්චයා සවිතක්කසවිචාරා ඛන්ධා. පටිසන්ධික්ඛණෙ…පෙ…. (1)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පච්චයා අවිතක්කවිචාරමත්තො ධම්මො…පෙ… අවිතක්කවිචාරමත්තං එකං ඛන්ධඤ්ච විචාරඤ්ච පච්චයා තයො ඛන්ධා…පෙ… අවිතක්කවිචාරමත්තං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච විචාරඤ්ච පච්චයා තයො ඛන්ධා…පෙ… පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ…. (2)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පච්චයා අවිතක්කඅවිචාරො ධම්මො උප්පජ්ජති…පෙ… අවිතක්කවිචාරමත්තෙ ඛන්ධෙ ච විචාරඤ්ච පච්චයා චිත්තසමුට්ඨානං රූපං, අවිතක්කවිචාරමත්තෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, විතක්කඤ්ච ¶ මහාභූතෙ ච පච්චයා චිත්තසමුට්ඨානං රූපං, අවිතක්කවිචාරමත්තෙ ඛන්ධෙ ච වත්ථුඤ්ච පච්චයා විචාරො (එවං පටිසන්ධික්ඛණෙ චත්තාරො). (3)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පච්චයා සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති…පෙ… විතක්කඤ්ච වත්ථුඤ්ච පච්චයා සවිතක්කසවිචාරා ඛන්ධා, විතක්කඤ්ච මහාභූතෙ ච පච්චයා චිත්තසමුට්ඨානං රූපං. පටිසන්ධික්ඛණෙ…පෙ…. (4)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පච්චයා අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති…පෙ… අවිතක්කවිචාරමත්තං එකං ඛන්ධඤ්ච විචාරඤ්ච පච්චයා තයො ඛන්ධා චිත්තසමුට්ඨානඤ්ච රූපං…පෙ… අවිතක්කවිචාරමත්තං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… අවිතක්කවිචාරමත්තෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, අවිතක්කවිචාරමත්තං එකං ඛන්ධඤ්ච වත්ථුඤ්ච පච්චයා තයො ඛන්ධා විචාරො ච…පෙ… පටිසන්ධික්ඛණෙ තයො ඛන්ධා…පෙ…. (5)

(අවසෙසෙසු ද්වීසු ඝටනෙසු පවත්ති පටිසන්ධි විත්ථාරෙතබ්බා.)

හෙතුපච්චයො.

(හෙතුපච්චයං ¶ ¶ අනුමජ්ජන්තෙන පච්චයවාරො විත්ථාරෙතබ්බො. යථා පටිච්චගණනා එවං ගණෙතබ්බා. අධිපතියා සත්තතිංස, පුරෙජාතෙ ච ආසෙවනෙ ච එකවීස, අයං එත්ථ විසෙසො.)

2. පච්චයපච්චනීයං

49. පච්චනීයෙ – නහෙතුයා තෙත්තිංස පඤ්හා, සත්තසු ඨානෙසු සත්ත ¶ මොහා උද්ධරිතබ්බා මූලපදෙසුයෙව. නආරම්මණෙ සත්ත චිත්තසමුට්ඨානා උද්ධරිතබ්බා.

නඅධිපතිපච්චයො

50. සවිතක්කසවිචාරමූලකා සත්ත පඤ්හා නඅධිපතියා කාතබ්බා.

අවිතක්කවිචාරමත්තං ධම්මං පච්චයා අවිතක්කවිචාරමත්තො ධම්මො උප්පජ්ජති නඅධිපතිපච්චයා – අවිතක්කවිචාරමත්තෙ ඛන්ධෙ පච්චයා අවිතක්කවිචාරමත්තා අධිපති, විපාකං අවිතක්කවිචාරමත්තං එකං ඛන්ධං පච්චයා තයො ඛන්ධා…පෙ… පටිසන්ධික්ඛණෙ…පෙ…. (1)

අවිතක්කවිචාරමත්තං ධම්මං පච්චයා (යථා පටිච්චනයෙ තථා පඤ්ච පඤ්හා කාතබ්බා).

51. අවිතක්කඅවිචාරං ධම්මං පච්චයා අවිතක්කඅවිචාරො ධම්මො උප්පජ්ජති…පෙ… අවිතක්කඅවිචාරෙ ඛන්ධෙ පච්චයා අවිතක්කඅවිචාරා අධිපති, විපාකං අවිතක්කඅවිචාරං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… විපාකං විචාරං පච්චයා චිත්තසමුට්ඨානං රූපං. පටිසන්ධික්ඛණෙ…පෙ… වත්ථුං පච්චයා අවිතක්කඅවිචාරා අධිපති, වත්ථුං පච්චයා විපාකා අවිතක්කඅවිචාරා ඛන්ධා ච විචාරො ච…පෙ…. (1)

අවිතක්කඅවිචාරං ධම්මං පච්චයා සවිතක්කසවිචාරො ධම්මො…පෙ… වත්ථුං පච්චයා සවිතක්කසවිචාරා ඛන්ධා. පටිසන්ධික්ඛණෙ…පෙ…. (2)

අවිතක්කඅවිචාරං ¶ ධම්මං පච්චයා අවිතක්කවිචාරමත්තො ධම්මො…පෙ… විචාරං පච්චයා අවිතක්කවිචාරමත්තා අධිපති, වත්ථුං පච්චයා අවිතක්කවිචාරමත්තා අධිපති, විපාකං විචාරං පච්චයා අවිතක්කවිචාරමත්තා ඛන්ධා, වත්ථුං පච්චයා විපාකා අවිතක්කවිචාරමත්තා ඛන්ධා. පටිසන්ධික්ඛණෙ…පෙ…. (3)

අවිතක්කඅවිචාරං ¶ ධම්මං පච්චයා සවිතක්කසවිචාරො ¶ ච අවිතක්කඅවිචාරො ච ධම්මා…පෙ… වත්ථුං පච්චයා සවිතක්කසවිචාරා ඛන්ධා, මහාභූතෙ පච්චයා චිත්තසමුට්ඨානං රූපං. පටිසන්ධික්ඛණෙ…පෙ…. (4)

අවිතක්කඅවිචාරං ධම්මං පච්චයා අවිතක්කවිචාරමත්තො ච අවිතක්කඅවිචාරො ච ධම්මා…පෙ… විපාකං විචාරං පච්චයා අවිතක්කවිචාරමත්තා ඛන්ධා චිත්තසමුට්ඨානඤ්ච රූපං, වත්ථුං පච්චයා විපාකා අවිතක්කවිචාරමත්තා ඛන්ධා, මහාභූතෙ පච්චයා චිත්තසමුට්ඨානං රූපං, වත්ථුං පච්චයා විතක්කො, මහාභූතෙ පච්චයා චිත්තසමුට්ඨානං රූපං, වත්ථුං පච්චයා විපාකා අවිතක්කවිචාරමත්තා ඛන්ධා ච විචාරො ච. පටිසන්ධික්ඛණෙ…පෙ…. (5)

අවිතක්කඅවිචාරං ධම්මං පච්චයා සවිතක්කසවිචාරො ච අවිතක්කවිචාරමත්තො ච ධම්මා…පෙ… වත්ථුං පච්චයා සවිතක්කසවිචාරා ඛන්ධා ච විතක්කො ච. පටිසන්ධික්ඛණෙ…පෙ…. (6)

(පඨමඝටනායං සම්පුණ්ණා සත්ත පඤ්හා කාතබ්බා.)

52. අවිතක්කවිචාරමත්තඤ්ච අවිතක්කඅවිචාරඤ්ච ධම්මං පච්චයා සවිතක්කසවිචාරො ධම්මො උප්පජ්ජති…පෙ… විතක්කඤ්ච වත්ථුඤ්ච පච්චයා සවිතක්කසවිචාරා ඛන්ධා. පටිසන්ධික්ඛණෙ…පෙ….

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පච්චයා අවිතක්කවිචාරමත්තො ධම්මො උප්පජ්ජති…පෙ… අවිතක්කවිචාරමත්තෙ ඛන්ධෙ ච විචාරඤ්ච පච්චයා අවිතක්කවිචාරමත්තා අධිපති, අවිතක්කවිචාරමත්තෙ ඛන්ධෙ ච වත්ථුඤ්ච පච්චයා අවිතක්කවිචාරමත්තා ¶ අධිපති, විපාකං අවිතක්කවිචාරමත්තං එකං ඛන්ධඤ්ච විචාරඤ්ච පච්චයා…පෙ… විපාකං අවිතක්කවිචාරමත්තං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ….

(පටිසන්ධික්ඛණෙ පඤ්ච පඤ්හා කාතබ්බා. යත්ථ ¶ අවිතක්කවිචාරමත්තං ආගච්ඡති තත්ථ විපාකං කාතබ්බං. නඅධිපතිමූලකෙ සත්තතිංස පඤ්හා කාතබ්බා.)

නඅනන්තරපච්චයාදි

53. නඅනන්තරම්පි [නඅනන්තරෙපි (ක.)] නසමනන්තරම්පි නඅඤ්ඤමඤ්ඤම්පි නඋපනිස්සයම්පි සත්ත පඤ්හා රූපංයෙව. නපුරෙජාතෙ සත්තතිංස පටිච්චවාරපච්චනීයසදිසං. නපච්ඡාජාතෙ සත්තතිංස ¶ , නආසෙවනෙපි සදිසං. යත්ථ අවිතක්කවිචාරමත්තොපි ආගච්ඡති, තත්ථ විපාකා කාතබ්බා.

නකම්මපච්චයො

54. සවිතක්කසවිචාරං ධම්මං පච්චයා සවිතක්කසවිචාරො ධම්මො උප්පජ්ජති නකම්මපච්චයා – සවිතක්කසවිචාරෙ ඛන්ධෙ පච්චයා සවිතක්කසවිචාරා චෙතනා. (1)

අවිතක්කවිචාරමත්තං ධම්මං පච්චයා අවිතක්කවිචාරමත්තො ධම්මො…පෙ… අවිතක්කවිචාරමත්තෙ ඛන්ධෙ පච්චයා අවිතක්කවිචාරමත්තා චෙතනා. සවිතක්කසවිචාරො ධම්මො…පෙ… විතක්කං පච්චයා සවිතක්කසවිචාරා චෙතනා. (2)

අවිතක්කඅවිචාරං ධම්මං පච්චයා අවිතක්කඅවිචාරො ධම්මො…පෙ… අවිතක්කඅවිචාරා චෙතනා…පෙ… (පරිපුණ්ණං කාතබ්බං) සවිතක්කසවිචාරො…පෙ… වත්ථුං පච්චයා සවිතක්කසවිචාරා චෙතනා. අවිතක්කවිචාරමත්තො…පෙ… විචාරං පච්චයා අවිතක්කවිචාරමත්තා චෙතනා. වත්ථුං පච්චයා අවිතක්කවිචාරමත්තා චෙතනා. (3)

55. සවිතක්කසවිචාරඤ්ච අවිතක්කඅවිචාරඤ්ච ධම්මං පච්චයා සවිතක්කසවිචාරො ධම්මො…පෙ… සවිතක්කසවිචාරෙ ඛන්ධෙ ච වත්ථුඤ්ච පච්චයා සවිතක්කසවිචාරා චෙතනා. (1)

අවිතක්කවිචාරමත්තඤ්ච ¶ අවිතක්කඅවිචාරඤ්ච ධම්මං පච්චයා සවිතක්කසවිචාරො ධම්මො…පෙ… විතක්කඤ්ච වත්ථුඤ්ච පච්චයා සවිතක්කසවිචාරා චෙතනා. (1)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං පච්චයා අවිතක්කවිචාරමත්තො ධම්මො…පෙ… අවිතක්කවිචාරමත්තෙ ¶ ඛන්ධෙ ච විචාරඤ්ච පච්චයා අවිතක්කවිචාරමත්තා චෙතනා. අවිතක්කවිචාරමත්තෙ ඛන්ධෙ ච වත්ථුඤ්ච පච්චයා අවිතක්කවිචාරමත්තා චෙතනා. (2)

සවිතක්කසවිචාරඤ්ච අවිතක්කවිචාරමත්තඤ්ච ධම්මං පච්චයා සවිතක්කසවිචාරො ධම්මො…පෙ… සවිතක්කසවිචාරෙ ඛන්ධෙ ච විතක්කඤ්ච පච්චයා සවිතක්කසවිචාරා චෙතනා. (1)

සවිතක්කසවිචාරඤ්ච ¶ අවිතක්කවිචාරමත්තඤ්ච අවිතක්කඅවිචාරඤ්ච ධම්මං පච්චයා සවිතක්කසවිචාරො ධම්මො උප්පජ්ජති නකම්මපච්චයා – සවිතක්කසවිචාරෙ ඛන්ධෙ ච විතක්කඤ්ච වත්ථුඤ්ච පච්චයා සවිතක්කසවිචාරා චෙතනා. (1)

(නවිපාකෙ සත්තතිංස පඤ්හා කාතබ්බා. නආහාර-නඉන්ද්රිය-නඣාන-නමග්ග-නසම්පයුත්තනවිප්පයුත්ත-නොනත්ථි-නොවිගතපච්චයා විත්ථාරෙතබ්බා.)

2. පච්චයපච්චනීයං

2. සඞ්ඛ්යාවාරො

සුද්ධං

56. නහෙතුයා තෙත්තිංස, නආරම්මණෙ සත්ත, නඅධිපතියා සත්තතිංස, නඅනන්තරෙ නසමනන්තරෙ නඅඤ්ඤමඤ්ඤෙ නඋපනිස්සයෙ සත්ත, නපුරෙජාතෙ නපච්ඡාජාතෙ නආසෙවනෙ සත්තතිංස, නකම්මෙ එකාදස, නවිපාකෙ සත්තතිංස, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ තෙත්තිංස, නසම්පයුත්තෙ සත්ත, නවිප්පයුත්තෙ එකාදස, නොනත්ථියා සත්ත, නොවිගතෙ සත්ත.

3. පච්චයානුලොමපච්චනීයං

57. හෙතුපච්චයා ¶ නආරම්මණෙ සත්ත…පෙ… නොවිගතෙ සත්ත.

අනුලොමපච්චනීයං.

4. පච්චයපච්චනීයානුලොමං

58. නහෙතුපච්චයා ආරම්මණෙ අනන්තරෙ සමනන්තරෙ චුද්දස, සහජාතෙ තෙත්තිංස, අඤ්ඤමඤ්ඤෙ බාවීස, නිස්සයෙ තෙත්තිංස, උපනිස්සයෙ පුරෙජාතෙ චුද්දස, ආසෙවනෙ තෙරස, කම්මෙ විපාකෙ ආහාරෙ ඉන්ද්රියෙ ඣානෙ තෙත්තිංස, මග්ගෙ පඤ්ච, සම්පයුත්තෙ චුද්දස, විප්පයුත්තෙ අත්ථියා තෙත්තිංස…පෙ… අවිගතෙ තෙත්තිංස.

පච්චනීයානුලොමං.

පච්චයවාරො.

4. නිස්සයවාරො

(නිස්සයම්පි නින්නානං)

5. සංසට්ඨවාරො

1. පච්චයානුලොමං

හෙතුපච්චයො

59. සවිතක්කසවිචාරං ¶ ¶ ¶ ධම්මං සංසට්ඨො සවිතක්කසවිචාරො ධම්මො උප්පජ්ජති හෙතුපච්චයා – සවිතක්කසවිචාරං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

සවිතක්කසවිචාරං ධම්මං සංසට්ඨො අවිතක්කවිචාරමත්තො ධම්මො…පෙ… සවිතක්කසවිචාරෙ ඛන්ධෙ සංසට්ඨො විතක්කො. පටිසන්ධික්ඛණෙ…පෙ…. (2)

සවිතක්කසවිචාරං ධම්මං සංසට්ඨො සවිතක්කසවිචාරො ච අවිතක්කවිචාරමත්තො ච ධම්මා…පෙ… සවිතක්කසවිචාරං එකං ඛන්ධං සංසට්ඨා තයො ඛන්ධා විතක්කො ච…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

60. අවිතක්කවිචාරමත්තං ධම්මං සංසට්ඨො අවිතක්කවිචාරමත්තො ධම්මො උප්පජ්ජති හෙතුපච්චයා – අවිතක්කවිචාරමත්තං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

අවිතක්කවිචාරමත්තං ධම්මං සංසට්ඨො සවිතක්කසවිචාරො ධම්මො…පෙ… විතක්කං සංසට්ඨා සවිතක්කසවිචාරා ඛන්ධා. පටිසන්ධික්ඛණෙ…පෙ…. (2)

අවිතක්කවිචාරමත්තං ධම්මං සංසට්ඨො අවිතක්කඅවිචාරො ධම්මො…පෙ… අවිතක්කවිචාරමත්තෙ ඛන්ධෙ සංසට්ඨො විචාරො. පටිසන්ධික්ඛණෙ අවිතක්කවිචාරමත්තෙ ඛන්ධෙ සංසට්ඨො විචාරො. (3)

අවිතක්කවිචාරමත්තං ධම්මං සංසට්ඨො අවිතක්කවිචාරමත්තො ච අවිතක්කඅවිචාරො ච ධම්මා ¶ …පෙ… අවිතක්කවිචාරමත්තං එකං ඛන්ධං සංසට්ඨා තයො ඛන්ධා විචාරො ච…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (4)

61. අවිතක්කඅවිචාරං ධම්මං සංසට්ඨො අවිතක්කඅවිචාරො ධම්මො උප්පජ්ජති හෙතුපච්චයා – අවිතක්කඅවිචාරං එකං ඛන්ධං සංසට්ඨා ¶ තයො ඛන්ධා…පෙ… ද්වෙ ඛන්ධෙ සංසට්ඨා…පෙ… පටිසන්ධික්ඛණෙ…පෙ…. (1)

අවිතක්කඅවිචාරං ¶ ධම්මං සංසට්ඨො අවිතක්කවිචාරමත්තො ධම්මො…පෙ… විචාරං සංසට්ඨා අවිතක්කවිචාරමත්තා ඛන්ධා. පටිසන්ධික්ඛණෙ විචාරං සංසට්ඨා…පෙ…. (2)

අවිතක්කවිචාරමත්තඤ්ච අවිතක්කඅවිචාරඤ්ච ධම්මං සංසට්ඨො අවිතක්කවිචාරමත්තො ධම්මො…පෙ… අවිතක්කවිචාරමත්තං එකං ඛන්ධඤ්ච විචාරඤ්ච සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

සවිතක්කසවිචාරඤ්ච අවිතක්කවිචාරමත්තඤ්ච ධම්මං සංසට්ඨො සවිතක්කසවිචාරො ධම්මො උප්පජ්ජති හෙතුපච්චයා – සවිතක්කසවිචාරං එකං ඛන්ධඤ්ච විතක්කඤ්ච සංසට්ඨා තයො ඛන්ධා…පෙ… ද්වෙ ඛන්ධෙ ච විතක්කඤ්ච…පෙ… පටිසන්ධික්ඛණෙ…පෙ…. (1)

(හෙතුපච්චයං අනුමජ්ජන්තෙන සබ්බෙ පච්චයා විත්ථාරෙතබ්බා).

සුද්ධං

62. හෙතුයා එකාදස, ආරම්මණෙ අධිපතියා අනන්තරෙ සමනන්තරෙ සහජාතෙ අඤ්ඤමඤ්ඤෙ නිස්සයෙ උපනිස්සයෙ පුරෙජාතෙ ආසෙවනෙ කම්මෙ විපාකෙ ආහාරෙ ඉන්ද්රියෙ ඣානෙ මග්ගෙ සම්පයුත්තෙ විප්පයුත්තෙ අත්ථියා නත්ථියා විගතෙ අවිගතෙ සබ්බත්ථ එකාදස.

අනුලොමං.

2. පච්චයපච්චනීයං

(පච්චනීයං ¶ කාතබ්බං අසම්මොහන්තෙන.)

63. නහෙතුයා ඡ, නඅධිපතියා එකාදස, නපුරෙජාතෙ එකාදස, නපච්ඡාජාතෙ එකාදස, නආසෙවනෙ එකාදස, නකම්මෙ සත්ත, නවිපාකෙ ¶ එකාදස, නඣානෙ එකං, නමග්ගෙ ඡ, නවිප්පයුත්තෙ එකාදස.

පච්චනීයං.

3. පච්චයානුලොමපච්චනීයං

දුකං

64. හෙතුපච්චයා ¶ නඅධිපතියා එකාදස…පෙ… නවිප්පයුත්තෙ එකාදස (සංඛිත්තං).

අනුලොමපච්චනීයං.

4. පච්චයපච්චනීයානුලොමං

65. නහෙතුපච්චයා ආරම්මණෙ ඡ…පෙ… පුරෙජාතෙ ඡ, ආසෙවනෙ පඤ්ච, කම්මෙ ඡ…පෙ… ඣානෙ ඡ, මග්ගෙ තීණි, සම්පයුත්තෙ ඡ…පෙ… අවිගතෙ ඡ.

පච්චනීයානුලොමං

6. සම්පයුත්තවාරො

(සම්පයුත්තවාරොපි විත්ථාරෙතබ්බො).

7. පඤ්හාවාරො

1. පච්චයානුලොමං

1. විභඞ්ගවාරො

හෙතුපච්චයො

66. සවිතක්කසවිචාරො ¶ ධම්මො සවිතක්කසවිචාරස්ස ධම්මස්ස හෙතුපච්චයෙන පච්චයො – සවිතක්කසවිචාරා හෙතූ සම්පයුත්තකානං ඛන්ධානං හෙතුපච්චයෙන පච්චයො. පටිසන්ධික්ඛණෙ…පෙ…. (1)

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස හෙතුපච්චයෙන පච්චයො – සවිතක්කසවිචාරා හෙතූ විතක්කස්ස හෙතුපච්චයෙන පච්චයො. පටිසන්ධික්ඛණෙ…පෙ…. (2)

සවිතක්කසවිචාරො ධම්මො අවිතක්කඅවිචාරස්ස ධම්මස්ස හෙතුපච්චයෙන පච්චයො – සවිතක්කසවිචාරා හෙතූ චිත්තසමුට්ඨානානං රූපානං හෙතුපච්චයෙන පච්චයො. පටිසන්ධික්ඛණෙ සවිතක්කසවිචාරා හෙතූ කටත්තාරූපානං හෙතුපච්චයෙන පච්චයො. (3)

සවිතක්කසවිචාරො ¶ ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස හෙතුපච්චයෙන පච්චයො – සවිතක්කසවිචාරා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. පටිසන්ධික්ඛණෙ සවිතක්කසවිචාරා හෙතූ සම්පයුත්තකානං ¶ ඛන්ධානං කටත්තා ච රූපානං හෙතුපච්චයෙන පච්චයො. (4)

සවිතක්කසවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස හෙතුපච්චයෙන පච්චයො – සවිතක්කසවිචාරා හෙතූ විතක්කස්ස චිත්තසමුට්ඨානානඤ්ච රූපානං හෙතුපච්චයෙන පච්චයො. පටිසන්ධික්ඛණෙ සවිතක්කසවිචාරා හෙතූ විතක්කස්ස කටත්තා ච රූපානං හෙතුපච්චයෙන පච්චයො. (5)

සවිතක්කසවිචාරො ¶ ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස හෙතුපච්චයෙන පච්චයො – සවිතක්කසවිචාරා හෙතූ සම්පයුත්තකානං ඛන්ධානං විතක්කස්ස ච හෙතුපච්චයෙන පච්චයො. පටිසන්ධික්ඛණෙ සවිතක්කසවිචාරා හෙතූ සම්පයුත්තකානං ඛන්ධානං විතක්කස්ස ච හෙතුපච්චයෙන පච්චයො. (6)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස හෙතුපච්චයෙන පච්චයො – සවිතක්කසවිචාරා හෙතූ සම්පයුත්තකානං ඛන්ධානං විතක්කස්ස ච චිත්තසමුට්ඨානානඤ්ච රූපානං හෙතුපච්චයෙන පච්චයො. පටිසන්ධික්ඛණෙ සවිතක්කසවිචාරා හෙතූ සම්පයුත්තකානං ඛන්ධානං විතක්කස්ස ච කටත්තා ච රූපානං හෙතුපච්චයෙන පච්චයො. (7)

67. අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස හෙතුපච්චයෙන පච්චයො – අවිතක්කවිචාරමත්තා හෙතූ සම්පයුත්තකානං ඛන්ධානං හෙතුපච්චයෙන පච්චයො. පටිසන්ධික්ඛණෙ අවිතක්කවිචාරමත්තා හෙතූ ¶ සම්පයුත්තකානං ඛන්ධානං හෙතුපච්චයෙන පච්චයො. (1)

අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස හෙතුපච්චයෙන පච්චයො – අවිතක්කවිචාරමත්තා හෙතූ විචාරස්ස චිත්තසමුට්ඨානානඤ්ච රූපානං හෙතුපච්චයෙන පච්චයො. පටිසන්ධික්ඛණෙ අවිතක්කවිචාරමත්තා හෙතූ විචාරස්ස ච කටත්තා ච රූපානං හෙතුපච්චයෙන පච්චයො. (2)

අවිතක්කවිචාරමත්තො ¶ ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස හෙතුපච්චයෙන පච්චයො – අවිතක්කවිචාරමත්තා හෙතූ සම්පයුත්තකානං ඛන්ධානං විචාරස්ස ච චිත්තසමුට්ඨානානඤ්ච රූපානං හෙතුපච්චයෙන පච්චයො. පටිසන්ධික්ඛණෙ අවිතක්කවිචාරමත්තා හෙතූ සම්පයුත්තකානං ඛන්ධානං විචාරස්ස ච කටත්තා ච රූපානං හෙතුපච්චයෙන පච්චයො. (3)

68. අවිතක්කඅවිචාරො ධම්මො අවිතක්කඅවිචාරස්ස ධම්මස්ස හෙතුපච්චයෙන පච්චයො – අවිතක්කඅවිචාරා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන ¶ පච්චයො. පටිසන්ධික්ඛණෙ අවිතක්කඅවිචාරා හෙතූ සම්පයුත්තකානං ඛන්ධානං කටත්තා ච රූපානං හෙතුපච්චයෙන පච්චයො. (1)

ආරම්මණපච්චයො

69. සවිතක්කසවිචාරො ධම්මො සවිතක්කසවිචාරස්ස ධම්මස්ස ආරම්මණපච්චයෙන පච්චයො – දානං දත්වා සීලං සමාදියිත්වා උපොසථකම්මං කත්වා තං පච්චවෙක්ඛති; පුබ්බෙ සුචිණ්ණානි පච්චවෙක්ඛති; සවිතක්කසවිචාරා ¶ ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං පච්චවෙක්ඛති. අරියා පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. සවිතක්කසවිචාරෙ ඛන්ධෙ අනිච්චතො දුක්ඛතො අනත්තතො විපස්සන්ති අස්සාදෙන්ති අභිනන්දන්ති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. සවිතක්කසවිචාරෙ ඛන්ධෙ ආරබ්භ සවිතක්කසවිචාරා ඛන්ධා උප්පජ්ජන්ති. (1)

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස ආරම්මණපච්චයෙන පච්චයො – දානං දත්වා සීලං සමාදියිත්වා උපොසථකම්මං කත්වා තං පච්චවෙක්ඛති; තං ආරබ්භ විතක්කො උප්පජ්ජති. පුබ්බෙ සුචිණ්ණානි පච්චවෙක්ඛති; සවිතක්කසවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං පච්චවෙක්ඛති; තං ආරබ්භ විතක්කො උප්පජ්ජති. අරියා පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. සවිතක්කසවිචාරෙ ඛන්ධෙ අනිච්චතො දුක්ඛතො ¶ අනත්තතො විපස්සන්ති අස්සාදෙන්ති අභිනන්දන්ති; තං ආරබ්භ විතක්කො උප්පජ්ජති. සවිතක්කසවිචාරෙ ඛන්ධෙ ආරබ්භ විතක්කො උප්පජ්ජති. (2)

සවිතක්කසවිචාරො ධම්මො අවිතක්කඅවිචාරස්ස ධම්මස්ස ආරම්මණපච්චයෙන පච්චයො – චෙතොපරියඤාණෙන සවිතක්කසවිචාරචිත්තසමඞ්ගිස්ස චිත්තං ජානාති; සවිතක්කසවිචාරා ඛන්ධා චෙතොපරියඤාණස්ස ¶ , පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස ආරම්මණපච්චයෙන පච්චයො. සවිතක්කසවිචාරෙ ඛන්ධෙ ආරබ්භ අවිතක්කඅවිචාරා ඛන්ධා උප්පජ්ජන්ති. (3)

සවිතක්කසවිචාරො ¶ ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන පච්චයො – දානං දත්වා සීලං සමාදියිත්වා උපොසථකම්මං කත්වා තං පච්චවෙක්ඛති; තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. පුබ්බෙ සුචිණ්ණානි පච්චවෙක්ඛති; සවිතක්කසවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං පච්චවෙක්ඛති; තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. අරියා පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. සවිතක්කසවිචාරෙ ඛන්ධෙ අනිච්චතො දුක්ඛතො අනත්තතො විපස්සන්ති අස්සාදෙන්ති අභිනන්දන්ති; තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. සවිතක්කසවිචාරෙ ඛන්ධෙ ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. (4)

70. අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස ආරම්මණපච්චයෙන පච්චයො – අවිතක්කවිචාරමත්තා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං පච්චවෙක්ඛති; තං ආරබ්භ විතක්කො උප්පජ්ජති. අවිතක්කවිචාරමත්තෙ ඛන්ධෙ ච විතක්කඤ්ච අනිච්චතො දුක්ඛතො අනත්තතො විපස්සති අස්සාදෙති අභිනන්දති; තං ආරබ්භ විතක්කො ¶ උප්පජ්ජති. අවිතක්කවිචාරමත්තෙ ඛන්ධෙ ච විතක්කඤ්ච ආරබ්භ විතක්කො උප්පජ්ජති. (1)

අවිතක්කවිචාරමත්තො ධම්මො සවිතක්කසවිචාරස්ස ධම්මස්ස ආරම්මණපච්චයෙන පච්චයො – අවිතක්කවිචාරමත්තා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං පච්චවෙක්ඛන්ති; තං ආරබ්භ සවිතක්කසවිචාරා ඛන්ධා උප්පජ්ජන්ති. අවිතක්කවිචාරමත්තෙ ඛන්ධෙ ච විතක්කඤ්ච අනිච්චතො දුක්ඛතො අනත්තතො ¶ විපස්සති අස්සාදෙති අභිනන්දති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. අවිතක්කවිචාරමත්තෙ ඛන්ධෙ ච විතක්කඤ්ච ආරබ්භ සවිතක්කසවිචාරා ඛන්ධා උප්පජ්ජන්ති. (2)

අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස ආරම්මණපච්චයෙන පච්චයො – චෙතොපරියඤාණෙන අවිතක්කවිචාරමත්තචිත්තසමඞ්ගිස්ස චිත්තං ජානාති. අවිතක්කවිචාරමත්තා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස ¶ ආරම්මණපච්චයෙන පච්චයො. අවිතක්කවිචාරමත්තෙ ඛන්ධෙ ච විතක්කඤ්ච ආරබ්භ අවිතක්කඅවිචාරා ඛන්ධා උප්පජ්ජන්ති. (3)

අවිතක්කවිචාරමත්තො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන පච්චයො – අවිතක්කවිචාරමත්තා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං පච්චවෙක්ඛති; තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. අවිතක්කවිචාරමත්තෙ ¶ ඛන්ධෙ ච විතක්කඤ්ච අනිච්චතො දුක්ඛතො අනත්තතො විපස්සති අස්සාදෙති අභිනන්දති; තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. අවිතක්කවිචාරමත්තෙ ඛන්ධෙ ච විතක්කඤ්ච ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. (4)

71. අවිතක්කඅවිචාරො ධම්මො අවිතක්කඅවිචාරස්ස ධම්මස්ස ආරම්මණපච්චයෙන පච්චයො – නිබ්බානං අවිතක්කඅවිචාරස්ස මග්ගස්ස ඵලස්ස විචාරස්ස ච ආරම්මණපච්චයෙන පච්චයො. දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙන අවිතක්කඅවිචාරචිත්තසමඞ්ගිස්ස චිත්තං ජානාති. ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස ආරම්මණපච්චයෙන පච්චයො. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස ආරම්මණපච්චයෙන පච්චයො. අවිතක්කඅවිචාරා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස ආරම්මණපච්චයෙන පච්චයො. අවිතක්කඅවිචාරෙ ඛන්ධෙ ච විචාරඤ්ච ආරබ්භ අවිතක්කඅවිචාරා ඛන්ධා උප්පජ්ජන්ති. (1)

අවිතක්කඅවිචාරො ¶ ධම්මො සවිතක්කසවිචාරස්ස ධම්මස්ස ආරම්මණපච්චයෙන පච්චයො – අරියා අවිතක්කඅවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං පච්චවෙක්ඛන්ති; තං ආරබ්භ සවිතක්කසවිචාරා ඛන්ධා උප්පජ්ජන්ති. අරියා නිබ්බානං පච්චවෙක්ඛන්ති, නිබ්බානං ¶ ගොත්රභුස්ස වොදානස්ස සවිතක්කසවිචාරස්ස මග්ගස්ස ඵලස්ස ආවජ්ජනාය ආරම්මණපච්චයෙන පච්චයො. චක්ඛුං අනිච්චතො දුක්ඛතො අනත්තතො විපස්සති අස්සාදෙති අභිනන්දති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. සොතං… ඝානං ¶ … ජිව්හං… කායං… රූපෙ… සද්දෙ… ගන්ධෙ… රසෙ… ඵොට්ඨබ්බෙ… වත්ථුං… අවිතක්කඅවිචාරෙ ඛන්ධෙ ච විචාරඤ්ච අනිච්චතො දුක්ඛතො අනත්තතො විපස්සති අස්සාදෙති අභිනන්දති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. අවිතක්කඅවිචාරෙ ඛන්ධෙ ච විචාරඤ්ච ආරබ්භ සවිතක්කසවිචාරා ඛන්ධා උප්පජ්ජන්ති. (2)

අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස ආරම්මණපච්චයෙන පච්චයො – අරියා අවිතක්කඅවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං පච්චවෙක්ඛන්ති; තං ආරබ්භ විතක්කො උප්පජ්ජති. අරියා නිබ්බානං පච්චවෙක්ඛන්ති, නිබ්බානං අවිතක්කවිචාරමත්තස්ස මග්ගස්ස ඵලස්ස විතක්කස්ස ච ආරම්මණපච්චයෙන පච්චයො. චක්ඛුං අනිච්චතො දුක්ඛතො අනත්තතො…පෙ… වත්ථුං… අවිතක්කඅවිචාරෙ ඛන්ධෙ ච විචාරඤ්ච අනිච්චතො දුක්ඛතො අනත්තතො විපස්සති අස්සාදෙති අභිනන්දති; තං ආරබ්භ විතක්කො උප්පජ්ජති. අවිතක්කඅවිචාරෙ ඛන්ධෙ ච විචාරඤ්ච ආරබ්භ විතක්කො උප්පජ්ජති. (3)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ආරම්මණපච්චයෙන පච්චයො – නිබ්බානං අවිතක්කවිචාරමත්තස්ස මග්ගස්ස ඵලස්ස විචාරස්ස ච ආරම්මණපච්චයෙන ¶ පච්චයො. (4)

අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන පච්චයො – අරියා අවිතක්කඅවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං පච්චවෙක්ඛන්ති; තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. අරියා නිබ්බානං පච්චවෙක්ඛන්ති, නිබ්බානං ගොත්රභුස්ස විතක්කස්ස ච වොදානස්ස විතක්කස්ස ච සවිතක්කසවිචාරස්ස මග්ගස්ස විතක්කස්ස ච සවිතක්කසවිචාරස්ස ඵලස්ස විතක්කස්ස ච ආවජ්ජනාය විතක්කස්ස ච ආරම්මණපච්චයෙන ¶ පච්චයො. චක්ඛුං අනිච්චතො දුක්ඛතො අනත්තතො විපස්සති අස්සාදෙති අභිනන්දති; තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. සොතං…පෙ… ඵොට්ඨබ්බං… වත්ථුං… අවිතක්කඅවිචාරෙ ඛන්ධෙ ච විචාරඤ්ච අනිච්චතො දුක්ඛතො අනත්තතො විපස්සති අස්සාදෙති අභිනන්දති; තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. (5)

72. අවිතක්කවිචාරමත්තො ¶ ච අවිතක්කඅවිචාරො ච ධම්මා සවිතක්කසවිචාරස්ස ආරම්මණපච්චයෙන පච්චයො – අවිතක්කවිචාරමත්තෙ ඛන්ධෙ ච විචාරඤ්ච ආරබ්භ සවිතක්කසවිචාරා ඛන්ධා උප්පජ්ජන්ති. (1)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ආරම්මණපච්චයෙන පච්චයො – අවිතක්කවිචාරමත්තෙ ඛන්ධෙ ච විචාරඤ්ච ආරබ්භ විතක්කො උප්පජ්ජති. (2)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ¶ ධම්මස්ස ආරම්මණපච්චයෙන පච්චයො – අවිතක්කවිචාරමත්තා ඛන්ධා ච විචාරො ච චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස ආරම්මණපච්චයෙන පච්චයො. අවිතක්කවිචාරමත්තෙ ඛන්ධෙ ච විචාරඤ්ච ආරබ්භ අවිතක්කඅවිචාරා ඛන්ධා උප්පජ්ජන්ති. (3)

අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන පච්චයො – අවිතක්කවිචාරමත්තෙ ඛන්ධෙ ච විචාරඤ්ච ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. (4)

73. සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ආරම්මණපච්චයෙන පච්චයො – සවිතක්කසවිචාරෙ ඛන්ධෙ ච විතක්කඤ්ච ආරබ්භ සවිතක්කසවිචාරා ඛන්ධා උප්පජ්ජන්ති. (1)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කවිචාරමත්තස්ස ආරම්මණපච්චයෙන පච්චයො – සවිතක්කසවිචාරෙ ඛන්ධෙ ච විතක්කඤ්ච ආරබ්භ විතක්කො උප්පජ්ජති. (2)

සවිතක්කසවිචාරො ¶ ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස ආරම්මණපච්චයෙන පච්චයො – සවිතක්කසවිචාරා ඛන්ධා ච විතක්කො ච චෙතොපරියඤාණස්ස, පුබ්බෙනිවාසානුස්සතිඤාණස්ස ¶ , යථාකම්මූපගඤාණස්ස, අනාගතංසඤාණස්ස ආරම්මණපච්චයෙන පච්චයො. සවිතක්කසවිචාරෙ ඛන්ධෙ ච විතක්කඤ්ච ආරබ්භ අවිතක්කඅවිචාරා ¶ ඛන්ධා උප්පජ්ජන්ති. (3)

සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන පච්චයො – සවිතක්කසවිචාරෙ ඛන්ධෙ ච විතක්කඤ්ච ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. (4)

අධිපතිපච්චයො

74. සවිතක්කසවිචාරො ධම්මො සවිතක්කසවිචාරස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං සමාදියිත්වා උපොසථකම්මං කත්වා තං ගරුං කත්වා පච්චවෙක්ඛති; පුබ්බෙ සුචිණ්ණානි ගරුං කත්වා පච්චවෙක්ඛති. සවිතක්කසවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං ගරුං කත්වා පච්චවෙක්ඛති. සවිතක්කසවිචාරෙ ඛන්ධෙ ගරුං කත්වා අස්සාදෙති අභිනන්දති; තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – සවිතක්කසවිචාරා අධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං සමාදියිත්වා උපොසථකම්මං කත්වා තං ගරුං කත්වා පච්චවෙක්ඛති; තං ගරුං කත්වා විතක්කො උප්පජ්ජති. පුබ්බෙ සුචිණ්ණානි ගරුං කත්වා පච්චවෙක්ඛති. සවිතක්කසවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං ගරුං කත්වා පච්චවෙක්ඛන්ති ¶ ; තං ගරුං කත්වා විතක්කො උප්පජ්ජති. සවිතක්කසවිචාරෙ ඛන්ධෙ ගරුං කත්වා අස්සාදෙති අභිනන්දති; තං ගරුං කත්වා විතක්කො උප්පජ්ජති. සහජාතාධිපති – සවිතක්කසවිචාරා අධිපති විතක්කස්ස අධිපතිපච්චයෙන පච්චයො. (2)

සවිතක්කසවිචාරො ¶ ධම්මො අවිතක්කඅවිචාරස්ස ධම්මස්ස අධිපතිපච්චයෙන පච්චයො. සහජාතාධිපති ¶ – සවිතක්කසවිචාරා අධිපති චිත්තසමුට්ඨානානං රූපානං අධිපතිපච්චයෙන පච්චයො. (3)

සවිතක්කසවිචාරො ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස අධිපතිපච්චයෙන පච්චයො. සහජාතාධිපති – සවිතක්කසවිචාරා අධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (4)

සවිතක්කසවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අධිපතිපච්චයෙන පච්චයො. සහජාතාධිපති – සවිතක්කසවිචාරා අධිපති විතක්කස්ස ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (5)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අධිපතිපච්චයෙන පච්චයො – ආරම්මණාධිපති සහජාතාධිපති. ආරම්මණාධිපති – දානං දත්වා සීලං සමාදියිත්වා, උපොසථකම්මං කත්වා තං ගරුං කත්වා පච්චවෙක්ඛති; තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති. පුබ්බෙ සුචිණ්ණානි ගරුං ¶ කත්වා පච්චවෙක්ඛති, සවිතක්කසවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං ගරුං කත්වා පච්චවෙක්ඛති; තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති. සවිතක්කසවිචාරෙ ඛන්ධෙ ගරුං කත්වා අස්සාදෙති අභිනන්දති; තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති. සහජාතාධිපති – සවිතක්කසවිචාරා අධිපති සම්පයුත්තකානං ඛන්ධානං විතක්කස්ස ච අධිපතිපච්චයෙන පච්චයො. (6)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අධිපතිපච්චයෙන පච්චයො. සහජාතාධිපති – සවිතක්කසවිචාරා අධිපති සම්පයුත්තකානං ඛන්ධානං විතක්කස්ස ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (7)

75. අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස අධිපතිපච්චයෙන පච්චයො ¶ – ආරම්මණාධිපති, සහජාතාධිපති. ආරම්මණාධිපති – අවිතක්කවිචාරමත්තා ඣානා වුට්ඨහිත්වා, මග්ගා වුට්ඨහිත්වා, ඵලා ¶ වුට්ඨහිත්වා ඵලං ගරුං කත්වා පච්චවෙක්ඛති; තං ගරුං කත්වා විතක්කො උප්පජ්ජති. අවිතක්කවිචාරමත්තෙ ඛන්ධෙ ච විතක්කඤ්ච ගරුං කත්වා අස්සාදෙති අභිනන්දති; තං ගරුං කත්වා විතක්කො උප්පජ්ජති. සහජාතාධිපති – අවිතක්කවිචාරමත්තා අධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

අවිතක්කවිචාරමත්තො ධම්මො සවිතක්කසවිචාරස්ස ධම්මස්ස අධිපතිපච්චයෙන ¶ පච්චයො. ආරම්මණාධිපති – අවිතක්කවිචාරමත්තා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං ගරුං කත්වා පච්චවෙක්ඛති; තං ගරුං කත්වා සවිතක්කසවිචාරා ඛන්ධා උප්පජ්ජන්ති. අවිතක්කවිචාරමත්තෙ ඛන්ධෙ ච විතක්කඤ්ච ගරුං කත්වා අස්සාදෙති අභිනන්දති; තං ගරුං කත්වා රාගො උප්පජ්ජති, දිට්ඨි උප්පජ්ජති. (2)

අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස අධිපතිපච්චයෙන පච්චයො. සහජාතාධිපති – අවිතක්කවිචාරමත්තා අධිපති විචාරස්ස චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අධිපතිපච්චයෙන පච්චයො. සහජාතාධිපති – අවිතක්කවිචාරමත්තා අධිපති සම්පයුත්තකානං ඛන්ධානං විචාරස්ස ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (4)

අවිතක්කවිචාරමත්තො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අධිපතිපච්චයෙන පච්චයො. ආරම්මණාධිපති – අවිතක්කවිචාරමත්තා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං ගරුං කත්වා පච්චවෙක්ඛති; තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති. අවිතක්කවිචාරමත්තෙ ඛන්ධෙ ච විතක්කඤ්ච ගරුං කත්වා අස්සාදෙති අභිනන්දති; තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති. (5)

76. අවිතක්කඅවිචාරො ධම්මො අවිතක්කඅවිචාරස්ස ධම්මස්ස අධිපතිපච්චයෙන ¶ ¶ පච්චයො – ආරම්මණාධිපති, සහජාතාධිපති. ආරම්මණාධිපති – නිබ්බානං අවිතක්කඅවිචාරස්ස මග්ගස්ස ඵලස්ස විචාරස්ස ච අධිපතිපච්චයෙන පච්චයො. සහජාතාධිපති – අවිතක්කඅවිචාරා අධිපති ¶ සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

අවිතක්කඅවිචාරො ධම්මො සවිතක්කසවිචාරස්ස ධම්මස්ස අධිපතිපච්චයෙන පච්චයො. ආරම්මණාධිපති – අරියා අවිතක්කඅවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං ගරුං කත්වා පච්චවෙක්ඛන්ති; තං ගරුං කත්වා සවිතක්කසවිචාරා ඛන්ධා උප්පජ්ජන්ති, අරියා නිබ්බානං ගරුං කත්වා පච්චවෙක්ඛන්ති; නිබ්බානං ගොත්රභුස්ස වොදානස්ස සවිතක්කසවිචාරස්ස මග්ගස්ස ඵලස්ස අධිපතිපච්චයෙන පච්චයො. චක්ඛුං ගරුං කත්වා අස්සාදෙති අභිනන්දති; තං ගරුං කත්වා රාගො උප්පජ්ජති, දිට්ඨි උප්පජ්ජති. සොතං… ඝානං… ජිව්හං… කායං… රූපෙ… සද්දෙ… ගන්ධෙ… රසෙ… ඵොට්ඨබ්බෙ… වත්ථුං… අවිතක්කඅවිචාරෙ ඛන්ධෙ ච විචාරඤ්ච ගරුං කත්වා අස්සාදෙති අභිනන්දති; තං ගරුං කත්වා රාගො උප්පජ්ජති, දිට්ඨි උප්පජ්ජති. (2)

අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස අධිපතිපච්චයෙන පච්චයො. ආරම්මණාධිපති – අරියා අවිතක්කඅවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා ඵලං ගරුං කත්වා පච්චවෙක්ඛන්ති; තං ගරුං කත්වා විතක්කො උප්පජ්ජති, අරියා නිබ්බානං ගරුං කත්වා පච්චවෙක්ඛන්ති ¶ ; නිබ්බානං අවිතක්කවිචාරමත්තස්ස මග්ගස්ස ඵලස්ස විතක්කස්ස ච අධිපතිපච්චයෙන පච්චයො. චක්ඛුං…පෙ… වත්ථුං… අවිතක්කඅවිචාරෙ ඛන්ධෙ ච විචාරඤ්ච ගරුං කත්වා අස්සාදෙති අභිනන්දති; තං ගරුං කත්වා විතක්කො උප්පජ්ජති. (3)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අධිපතිපච්චයෙන පච්චයො. ආරම්මණාධිපති – නිබ්බානං අවිතක්කවිචාරමත්තස්ස මග්ගස්ස ඵලස්ස විචාරස්ස ච අධිපතිපච්චයෙන පච්චයො. (4)

අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අධිපතිපච්චයෙන පච්චයො. ආරම්මණාධිපති – අරියා අවිතක්කඅවිචාරා ඣානා වුට්ඨහිත්වා ¶ , මග්ගා වුට්ඨහිත්වා, ඵලා වුට්ඨහිත්වා ඵලං ගරුං කත්වා පච්චවෙක්ඛන්ති; තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති, අරියා නිබ්බානං ගරුං කත්වා පච්චවෙක්ඛන්ති; නිබ්බානං ගොත්රභුස්ස විතක්කස්ස ච වොදානස්ස විතක්කස්ස ච සවිතක්කසවිචාරස්ස මග්ගස්ස ¶ විතක්කස්ස ච සවිතක්කසවිචාරස්ස ඵලස්ස විතක්කස්ස ච අධිපතිපච්චයෙන පච්චයො. චක්ඛුං ගරුං කත්වා…පෙ… වත්ථුං… අවිතක්කඅවිචාරෙ ඛන්ධෙ ච විචාරඤ්ච ගරුං කත්වා අස්සාදෙති අභිනන්දති; තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති. (5)

77. අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස අධිපතිපච්චයෙන පච්චයො. ආරම්මණාධිපති – අවිතක්කවිචාරමත්තෙ ¶ ඛන්ධෙ ච විචාරඤ්ච ගරුං කත්වා සවිතක්කසවිචාරා ඛන්ධා උප්පජ්ජන්ති. (1)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස අධිපතිපච්චයෙන පච්චයො. ආරම්මණාධිපති – අවිතක්කවිචාරමත්තෙ ඛන්ධෙ ච විචාරඤ්ච ගරුං කත්වා විතක්කො උප්පජ්ජති. (2)

අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අධිපතිපච්චයෙන පච්චයො. ආරම්මණාධිපති – අවිතක්කවිචාරමත්තෙ ඛන්ධෙ ච විචාරඤ්ච ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති. (3)

78. සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස අධිපතිපච්චයෙන පච්චයො. ආරම්මණාධිපති – සවිතක්කසවිචාරෙ ඛන්ධෙ ච විතක්කඤ්ච ගරුං කත්වා සවිතක්කසවිචාරා ඛන්ධා උප්පජ්ජන්ති. (1)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කවිචාරමත්තස්ස ධම්මස්ස අධිපතිපච්චයෙන පච්චයො. ආරම්මණාධිපති – සවිතක්කසවිචාරෙ ඛන්ධෙ ච විතක්කඤ්ච ගරුං කත්වා විතක්කො උප්පජ්ජති. (2)

සවිතක්කසවිචාරො ¶ ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අධිපතිපච්චයෙන පච්චයො. ආරම්මණාධිපති – සවිතක්කසවිචාරෙ ඛන්ධෙ ච විතක්කඤ්ච ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති ¶ . (3)

අනන්තරපච්චයො

79. සවිතක්කසවිචාරො ¶ ධම්මො සවිතක්කසවිචාරස්ස ධම්මස්ස අනන්තරපච්චයෙන පච්චයො – පුරිමා පුරිමා සවිතක්කසවිචාරා ඛන්ධා පච්ඡිමානං පච්ඡිමානං සවිතක්කසවිචාරානං ඛන්ධානං අනන්තරපච්චයෙන පච්චයො. අනුලොමං ගොත්රභුස්ස… අනුලොමං වොදානස්ස… ගොත්රභු සවිතක්කසවිචාරස්ස මග්ගස්ස… වොදානං සවිතක්කසවිචාරස්ස මග්ගස්ස… සවිතක්කසවිචාරො මග්ගො සවිතක්කසවිචාරස්ස ඵලස්ස… සවිතක්කසවිචාරං ඵලං සවිතක්කසවිචාරස්ස ඵලස්ස… අනුලොමං සවිතක්කසවිචාරාය ඵලසමාපත්තියා අනන්තරපච්චයෙන පච්චයො. (1)

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස අනන්තරපච්චයෙන පච්චයො – පුරිමා පුරිමා සවිතක්කසවිචාරා ඛන්ධා පච්ඡිමස්ස පච්ඡිමස්ස විතක්කස්ස අනන්තරපච්චයෙන පච්චයො. සවිතක්කසවිචාරං චුතිචිත්තං අවිතක්කවිචාරමත්තස්ස උපපත්තිචිත්තස්ස…පෙ… සවිතක්කසවිචාරා ඛන්ධා අවිතක්කවිචාරමත්තස්ස වුට්ඨානස්ස විතක්කස්ස ච…පෙ… අවිතක්කවිචාරමත්තස්ස ඣානස්ස පරිකම්මං අවිතක්කවිචාරමත්තස්ස ඣානස්ස… ගොත්රභු අවිතක්කවිචාරමත්තස්ස මග්ගස්ස… වොදානං අවිතක්කවිචාරමත්තස්ස මග්ගස්ස… අනුලොමං අවිතක්කවිචාරමත්තාය ඵලසමාපත්තියා විතක්කස්ස ච අනන්තරපච්චයෙන පච්චයො. (2)

සවිතක්කසවිචාරො ධම්මො අවිතක්කඅවිචාරස්ස ධම්මස්ස අනන්තරපච්චයෙන පච්චයො – සවිතක්කසවිචාරං චුතිචිත්තං අවිතක්කඅවිචාරස්ස උපපත්තිචිත්තස්ස විචාරස්ස ච අනන්තරපච්චයෙන පච්චයො – ආවජ්ජනා පඤ්චන්නං විඤ්ඤාණානං අනන්තරපච්චයෙන ¶ පච්චයො. සවිතක්කසවිචාරා ඛන්ධා අවිතක්කඅවිචාරස්ස වුට්ඨානස්ස විචාරස්ස ච…පෙ… දුතියස්ස ඣානස්ස පරිකම්මං දුතියෙ ඣානෙ විචාරස්ස අනන්තරපච්චයෙන පච්චයො. තතියස්ස ඣානස්ස පරිකම්මං ¶ …පෙ… චතුත්ථස්ස ඣානස්ස පරිකම්මං…පෙ… ආකාසානඤ්චායතනස්ස පරිකම්මං…පෙ… විඤ්ඤාණඤ්චායතනස්ස පරිකම්මං…පෙ… ආකිඤ්චඤ්ඤායතනස්ස පරිකම්මං…පෙ… නෙවසඤ්ඤානාසඤ්ඤායතනස්ස පරිකම්මං…පෙ… දිබ්බස්ස චක්ඛුස්ස පරිකම්මං…පෙ… දිබ්බාය සොතධාතුයා පරිකම්මං…පෙ… ඉද්ධිවිධඤාණස්ස පරිකම්මං…පෙ… චෙතොපරියඤාණස්ස පරිකම්මං…පෙ… පුබ්බෙනිවාසානුස්සතිඤාණස්ස පරිකම්මං…පෙ… යථාකම්මූපගඤාණස්ස පරිකම්මං…පෙ… අනාගතංසඤාණස්ස පරිකම්මං…පෙ… ගොත්රභු අවිතක්කඅවිචාරස්ස මග්ගස්ස විචාරස්ස ච… වොදානං අවිතක්කඅවිචාරස්ස මග්ගස්ස ¶ විචාරස්ස ච… අනුලොමං අවිතක්කඅවිචාරාය ඵලසමාපත්තියා විචාරස්ස ච අනන්තරපච්චයෙන පච්චයො. (3)

සවිතක්කසවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අනන්තරපච්චයෙන පච්චයො – සවිතක්කසවිචාරං චුතිචිත්තං අවිතක්කවිචාරමත්තස්ස උපපත්තිචිත්තස්ස විචාරස්ස ච අනන්තරපච්චයෙන පච්චයො. සවිතක්කසවිචාරා ඛන්ධා අවිතක්කවිචාරමත්තස්ස වුට්ඨානස්ස විචාරස්ස ච අනන්තරපච්චයෙන පච්චයො. අවිතක්කවිචාරමත්තස්ස ඣානස්ස පරිකම්මං අවිතක්කවිචාරමත්තස්ස ඣානස්ස විචාරස්ස ච අනන්තරපච්චයෙන පච්චයො. ගොත්රභු අවිතක්කවිචාරමත්තස්ස ¶ මග්ගස්ස විචාරස්ස ච… වොදානං අවිතක්කවිචාරමත්තස්ස මග්ගස්ස විචාරස්ස ච… අනුලොමං අවිතක්කවිචාරමත්තාය ඵලසමාපත්තියා විචාරස්ස ච අනන්තරපච්චයෙන පච්චයො. (4)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අනන්තරපච්චයෙන පච්චයො – පුරිමා පුරිමා සවිතක්කසවිචාරා ඛන්ධා පච්ඡිමානං පච්ඡිමානං සවිතක්කසවිචාරානං ඛන්ධානං විතක්කස්ස ච අනන්තරපච්චයෙන පච්චයො. අනුලොමං ගොත්රභුස්ස විතක්කස්ස ච… අනුලොමං වොදානස්ස විතක්කස්ස ච… ගොත්රභු සවිතක්කසවිචාරස්ස මග්ගස්ස විතක්කස්ස ච… වොදානං සවිතක්කසවිචාරස්ස මග්ගස්ස විතක්කස්ස ච… සවිතක්කසවිචාරො මග්ගො සවිතක්කසවිචාරස්ස ඵලස්ස විතක්කස්ස ච… සවිතක්කසවිචාරං ඵලං සවිතක්කසවිචාරස්ස ඵලස්ස විතක්කස්ස ච… අනුලොමං සවිතක්කසවිචාරාය ඵලසමාපත්තියා විතක්කස්ස ච අනන්තරපච්චයෙන පච්චයො. (5)

80. අවිතක්කවිචාරමත්තො ¶ ධම්මො අවිතක්කවිචාරමත්තස්ස ධම්මස්ස අනන්තරපච්චයෙන පච්චයො – පුරිමො පුරිමො විතක්කො පච්ඡිමස්ස පච්ඡිමස්ස විතක්කස්ස අනන්තරපච්චයෙන පච්චයො. පුරිමා පුරිමා අවිතක්කවිචාරමත්තා ඛන්ධා පච්ඡිමානං පච්ඡිමානං අවිතක්කවිචාරමත්තානං ඛන්ධානං අනන්තරපච්චයෙන පච්චයො. අවිතක්කවිචාරමත්තො මග්ගො අවිතක්කවිචාරමත්තස්ස ඵලස්ස… අවිතක්කවිචාරමත්තං ඵලං අවිතක්කවිචාරමත්තස්ස ඵලස්ස අනන්තරපච්චයෙන පච්චයො. (1)

අවිතක්කවිචාරමත්තො ¶ ¶ ධම්මො සවිතක්කසවිචාරස්ස ධම්මස්ස අනන්තරපච්චයෙන පච්චයො – පුරිමො පුරිමො විතක්කො පච්ඡිමානං පච්ඡිමානං සවිතක්කසවිචාරානං ඛන්ධානං අනන්තරපච්චයෙන පච්චයො. අවිතක්කවිචාරමත්තං චුතිචිත්තං සවිතක්කසවිචාරස්ස උපපත්තිචිත්තස්ස අනන්තරපච්චයෙන පච්චයො. අවිතක්කවිචාරමත්තං භවඞ්ගං ආවජ්ජනාය අනන්තරපච්චයෙන පච්චයො. අවිතක්කවිචාරමත්තා ඛන්ධා සවිතක්කසවිචාරස්ස වුට්ඨානස්ස අනන්තරපච්චයෙන පච්චයො. (2)

අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස අනන්තරපච්චයෙන පච්චයො – පුරිමා පුරිමා අවිතක්කවිචාරමත්තා ඛන්ධා පච්ඡිමස්ස පච්ඡිමස්ස විචාරස්ස අනන්තරපච්චයෙන පච්චයො. අවිතක්කවිචාරමත්තං චුතිචිත්තං විතක්කො ච අවිතක්කඅවිචාරස්ස උපපත්තිචිත්තස්ස විචාරස්ස ච අනන්තරපච්චයෙන පච්චයො. අවිතක්කවිචාරමත්තා ඛන්ධා විතක්කො ච අවිතක්කඅවිචාරස්ස වුට්ඨානස්ස විචාරස්ස ච අනන්තරපච්චයෙන පච්චයො. (3)

අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අනන්තරපච්චයෙන පච්චයො – පුරිමා පුරිමා අවිතක්කවිචාරමත්තා ඛන්ධා පච්ඡිමානං පච්ඡිමානං අවිතක්කවිචාරමත්තානං ඛන්ධානං විචාරස්ස ච අනන්තරපච්චයෙන පච්චයො. අවිතක්කවිචාරමත්තො මග්ගො අවිතක්කවිචාරමත්තස්ස ඵලස්ස විචාරස්ස ච… අවිතක්කවිචාරමත්තං ඵලං අවිතක්කවිචාරමත්තස්ස ඵලස්ස විචාරස්ස ච අනන්තරපච්චයෙන ¶ පච්චයො. (4)

අවිතක්කවිචාරමත්තො ¶ ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අනන්තරපච්චයෙන පච්චයො – පුරිමො පුරිමො විතක්කො පච්ඡිමානං පච්ඡිමානං සවිතක්කසවිචාරානං ඛන්ධානං විතක්කස්ස ච අනන්තරපච්චයෙන පච්චයො. අවිතක්කවිචාරමත්තං චුතිචිත්තං සවිතක්කසවිචාරස්ස උපපත්තිචිත්තස්ස විතක්කස්ස ච අනන්තරපච්චයෙන පච්චයො. අවිතක්කවිචාරමත්තං භවඞ්ගං ආවජ්ජනාය විතක්කස්ස ච අනන්තරපච්චයෙන පච්චයො. අවිතක්කවිචාරමත්තා ඛන්ධා සවිතක්කසවිචාරස්ස වුට්ඨානස්ස විතක්කස්ස ච අනන්තරපච්චයෙන පච්චයො. (5)

81. අවිතක්කඅවිචාරො ධම්මො අවිතක්කඅවිචාරස්ස ධම්මස්ස අනන්තරපච්චයෙන පච්චයො – පුරිමො පුරිමො විචාරො පච්ඡිමස්ස පච්ඡිමස්ස විචාරස්ස අනන්තරපච්චයෙන පච්චයො. පුරිමා පුරිමා අවිතක්කඅවිචාරා ඛන්ධා පච්ඡිමානං පච්ඡිමානං ¶ අවිතක්කඅවිචාරානං ඛන්ධානං අනන්තරපච්චයෙන පච්චයො. අවිතක්කඅවිචාරො මග්ගො අවිතක්කඅවිචාරස්ස ඵලස්ස… අවිතක්කඅවිචාරං ඵලං අවිතක්කඅවිචාරස්ස ඵලස්ස අනන්තරපච්චයෙන පච්චයො. නිරොධා වුට්ඨහන්තස්ස නෙවසඤ්ඤානාසඤ්ඤායතනං අවිතක්කඅවිචාරාය ඵලසමාපත්තියා විචාරස්ස ච අනන්තරපච්චයෙන පච්චයො. (1)

අවිතක්කඅවිචාරො ධම්මො සවිතක්කසවිචාරස්ස ධම්මස්ස අනන්තරපච්චයෙන පච්චයො – අවිතක්කඅවිචාරං චුතිචිත්තං විචාරො ච සවිතක්කසවිචාරස්ස ¶ උපපත්තිචිත්තස්ස අනන්තරපච්චයෙන පච්චයො. අවිතක්කඅවිචාරං භවඞ්ගං විචාරො ච ආවජ්ජනාය අනන්තරපච්චයෙන පච්චයො. අවිතක්කඅවිචාරා ඛන්ධා විචාරො ච සවිතක්කසවිචාරස්ස වුට්ඨානස්ස අනන්තරපච්චයෙන පච්චයො. නිරොධා වුට්ඨහන්තස්ස නෙවසඤ්ඤානාසඤ්ඤායතනං සවිතක්කසවිචාරාය ඵලසමාපත්තියා අනන්තරපච්චයෙන පච්චයො. (2)

අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස අනන්තරපච්චයෙන පච්චයො – පුරිමො පුරිමො විචාරො පච්ඡිමානං පච්ඡිමානං අවිතක්කවිචාරමත්තානං ඛන්ධානං අනන්තරපච්චයෙන පච්චයො. අවිතක්කඅවිචාරං චුතිචිත්තං විචාරො ච අවිතක්කවිචාරමත්තස්ස උපපත්තිචිත්තස්ස විතක්කස්ස ච අනන්තරපච්චයෙන පච්චයො. අවිතක්කඅවිචාරා ඛන්ධා විචාරො ච අවිතක්කවිචාරමත්තස්ස වුට්ඨානස්ස විතක්කස්ස ච අනන්තරපච්චයෙන පච්චයො. නිරොධා ¶ වුට්ඨහන්තස්ස නෙවසඤ්ඤානාසඤ්ඤායතනං අවිතක්කවිචාරමත්තාය ඵලසමාපත්තියා විතක්කස්ස ච අනන්තරපච්චයෙන පච්චයො. (3)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අනන්තරපච්චයෙන පච්චයො – පුරිමො පුරිමො විචාරො පච්ඡිමානං පච්ඡිමානං අවිතක්කවිචාරමත්තානං ඛන්ධානං විචාරස්ස ච අනන්තරපච්චයෙන පච්චයො. අවිතක්කඅවිචාරං චුතිචිත්තං අවිතක්කවිචාරමත්තස්ස උපපත්තිචිත්තස්ස විචාරස්ස ච අනන්තරපච්චයෙන පච්චයො. අවිතක්කඅවිචාරා ඛන්ධා අවිතක්කවිචාරමත්තස්ස වුට්ඨානස්ස විචාරස්ස ච අනන්තරපච්චයෙන පච්චයො. නිරොධා වුට්ඨහන්තස්ස ¶ නෙවසඤ්ඤානාසඤ්ඤායතනං අවිතක්කවිචාරමත්තාය ඵලසමාපත්තියා විචාරස්ස ච අනන්තරපච්චයෙන පච්චයො. (4)

අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අනන්තරපච්චයෙන පච්චයො – අවිතක්කඅවිචාරං චුතිචිත්තං විචාරො ¶ ච සවිතක්කසවිචාරස්ස උපපත්තිචිත්තස්ස විතක්කස්ස ච අනන්තරපච්චයෙන පච්චයො. අවිතක්කඅවිචාරං භවඞ්ගඤ්ච විචාරො ච ආවජ්ජනාය විතක්කස්ස ච අනන්තරපච්චයෙන පච්චයො. අවිතක්කඅවිචාරා ඛන්ධා විචාරො ච සවිතක්කසවිචාරස්ස වුට්ඨානස්ස විතක්කස්ස ච අනන්තරපච්චයෙන පච්චයො. නිරොධා වුට්ඨහන්තස්ස නෙවසඤ්ඤානාසඤ්ඤායතනං සවිතක්කසවිචාරාය ඵලසමාපත්තියා විතක්කස්ස ච අනන්තරපච්චයෙන පච්චයො. (5)

82. අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස අනන්තරපච්චයෙන පච්චයො – අවිතක්කවිචාරමත්තං චුතිචිත්තඤ්ච විචාරො ච සවිතක්කසවිචාරස්ස උපපත්තිචිත්තස්ස අනන්තරපච්චයෙන පච්චයො. අවිතක්කවිචාරමත්තං භවඞ්ගඤ්ච විචාරො ච ආවජ්ජනාය අනන්තරපච්චයෙන පච්චයො. අවිතක්කවිචාරමත්තා ඛන්ධා ච විචාරො ච සවිතක්කසවිචාරස්ස වුට්ඨානස්ස අනන්තරපච්චයෙන පච්චයො. (1)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස අනන්තරපච්චයෙන පච්චයො – පුරිමා පුරිමා ¶ අවිතක්කවිචාරමත්තා ඛන්ධා ච විචාරො ච පච්ඡිමානං පච්ඡිමානං අවිතක්කවිචාරමත්තානං ඛන්ධානං අනන්තරපච්චයෙන පච්චයො. අවිතක්කවිචාරමත්තො ¶ මග්ගො ච විචාරො ච අවිතක්කවිචාරමත්තස්ස ඵලස්ස අනන්තරපච්චයෙන පච්චයො. අවිතක්කවිචාරමත්තං ඵලඤ්ච විචාරො ච අවිතක්කවිචාරමත්තස්ස ඵලස්ස අනන්තරපච්චයෙන පච්චයො. (2)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස අනන්තරපච්චයෙන පච්චයො – පුරිමා පුරිමා අවිතක්කවිචාරමත්තා ඛන්ධා ච විචාරො ච පච්ඡිමස්ස පච්ඡිමස්ස විචාරස්ස අනන්තරපච්චයෙන පච්චයො. අවිතක්කවිචාරමත්තං චුතිචිත්තඤ්ච විචාරො ච අවිතක්කඅවිචාරස්ස උපපත්තිචිත්තස්ස අනන්තරපච්චයෙන පච්චයො. අවිතක්කවිචාරමත්තා ඛන්ධා ච විචාරො ච අවිතක්කඅවිචාරස්ස වුට්ඨානස්ස අනන්තරපච්චයෙන පච්චයො. (3)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අනන්තරපච්චයෙන පච්චයො – පුරිමා පුරිමා අවිතක්කවිචාරමත්තා ඛන්ධා ච විචාරො ච පච්ඡිමානං පච්ඡිමානං අවිතක්කවිචාරමත්තානං ඛන්ධානං විචාරස්ස ච අනන්තරපච්චයෙන පච්චයො. අවිතක්කවිචාරමත්තො මග්ගො ච විචාරො ච අවිතක්කවිචාරමත්තස්ස ඵලස්ස විචාරස්ස ¶ ච අනන්තරපච්චයෙන පච්චයො. අවිතක්කවිචාරමත්තං ඵලඤ්ච විචාරො ච අවිතක්කවිචාරමත්තස්ස ඵලස්ස ච විචාරස්ස ච අනන්තරපච්චයෙන පච්චයො. (4)

අවිතක්කවිචාරමත්තො ¶ ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අනන්තරපච්චයෙන පච්චයො – අවිතක්කවිචාරමත්තං චුතිචිත්තඤ්ච විචාරො ච සවිතක්කසවිචාරස්ස උපපත්තිචිත්තස්ස විතක්කස්ස ච අනන්තරපච්චයෙන පච්චයො. අවිතක්කවිචාරමත්තං භවඞ්ගඤ්ච විචාරො ච ආවජ්ජනාය විතක්කස්ස ච අනන්තරපච්චයෙන පච්චයො. අවිතක්කවිචාරමත්තා ඛන්ධා ච විචාරො ච සවිතක්කසවිචාරස්ස වුට්ඨානස්ස විතක්කස්ස ච අනන්තරපච්චයෙන පච්චයො. (5)

83. සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස අනන්තරපච්චයෙන පච්චයො – පුරිමා පුරිමා සවිතක්කසවිචාරා ඛන්ධා ච විතක්කො ච ¶ පච්ඡිමානං පච්ඡිමානං සවිතක්කසවිචාරානං ඛන්ධානං අනන්තරපච්චයෙන පච්චයො. අනුලොමඤ්ච විතක්කො ච ගොත්රභුස්ස… අනුලොමඤ්ච විතක්කො ච වොදානස්ස… ගොත්රභු ච විතක්කො ච සවිතක්කසවිචාරස්ස මග්ගස්ස… වොදානඤ්ච විතක්කො ච සවිතක්කසවිචාරස්ස මග්ගස්ස… සවිතක්කසවිචාරො මග්ගො ච විතක්කො ච සවිතක්කසවිචාරස්ස ඵලස්ස… සවිතක්කසවිචාරං ඵලඤ්ච විතක්කො ච සවිතක්කසවිචාරස්ස ඵලස්ස… අනුලොමඤ්ච විතක්කො ච සවිතක්කසවිචාරාය ඵලසමාපත්තියා අනන්තරපච්චයෙන පච්චයො. (1)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කවිචාරමත්තස්ස ධම්මස්ස අනන්තරපච්චයෙන පච්චයො – පුරිමා පුරිමා ¶ සවිතක්කසවිචාරා ඛන්ධා ච විතක්කො ච පච්ඡිමස්ස පච්ඡිමස්ස විතක්කස්ස අනන්තරපච්චයෙන පච්චයො. සවිතක්කසවිචාරං චුතිචිත්තඤ්ච විතක්කො ච අවිතක්කවිචාරමත්තස්ස උපපත්තිචිත්තස්ස අනන්තරපච්චයෙන පච්චයො. සවිතක්කසවිචාරා ඛන්ධා ච විතක්කො ච අවිතක්කවිචාරමත්තස්ස වුට්ඨානස්ස අනන්තරපච්චයෙන පච්චයො. අවිතක්කවිචාරමත්තස්ස ඣානස්ස පරිකම්මඤ්ච විතක්කො ච අවිතක්කවිචාරමත්තස්ස ඣානස්ස අනන්තරපච්චයෙන පච්චයො. ගොත්රභු ච විතක්කො ච අවිතක්කවිචාරමත්තස්ස මග්ගස්ස… වොදානඤ්ච විතක්කො ච අවිතක්කවිචාරමත්තස්ස මග්ගස්ස ¶ … අනුලොමඤ්ච විතක්කො ච අවිතක්කවිචාරමත්තාය ඵලසමාපත්තියා අනන්තරපච්චයෙන පච්චයො. (2)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස අනන්තරපච්චයෙන පච්චයො – සවිතක්කසවිචාරං චුතිචිත්තඤ්ච විතක්කො ච අවිතක්කඅවිචාරස්ස උපපත්තිචිත්තස්ස විචාරස්ස ච අනන්තරපච්චයෙන පච්චයො. ආවජ්ජනා ච විතක්කො ච පඤ්චන්නං විඤ්ඤාණානං අනන්තරපච්චයෙන පච්චයො. සවිතක්කසවිචාරා ඛන්ධා ච විතක්කො ච අවිතක්කඅවිචාරස්ස වුට්ඨානස්ස ච විචාරස්ස ච අනන්තරපච්චයෙන පච්චයො. දුතියස්ස ඣානස්ස පරිකම්මඤ්ච විතක්කො ච දුතියෙ ඣානෙ විචාරස්ස අනන්තරපච්චයෙන පච්චයො. තතියස්ස ඣානස්ස පරිකම්මඤ්ච විතක්කො ච…පෙ… චතුත්ථස්ස ඣානස්ස පරිකම්මඤ්ච විතක්කො ච…පෙ… ආකාසානඤ්චායතනස්ස පරිකම්මඤ්ච විතක්කො ච…පෙ… විඤ්ඤාණඤ්චායතනස්ස ¶ පරිකම්මඤ්ච විතක්කො ච…පෙ… ආකිඤ්චඤ්ඤායතනස්ස පරිකම්මඤ්ච විතක්කො ච…පෙ… නෙවසඤ්ඤානාසඤ්ඤායතනස්ස පරිකම්මඤ්ච විතක්කො ච ¶ …පෙ… දිබ්බස්ස චක්ඛුස්ස පරිකම්මඤ්ච විතක්කො ච…පෙ… දිබ්බාය සොතධාතුයා පරිකම්මඤ්ච විතක්කො ච…පෙ… ඉද්ධිවිධඤාණස්ස පරිකම්මඤ්ච විතක්කො ච…පෙ… චෙතොපරියඤාණස්ස පරිකම්මඤ්ච විතක්කො ච…පෙ… පුබ්බෙනිවාසානුස්සතිඤාණස්ස පරිකම්මඤ්ච විතක්කො ච…පෙ… යථාකම්මූපගඤාණස්ස පරිකම්මඤ්ච විතක්කො ච…පෙ… අනාගතංසඤාණස්ස පරිකම්මඤ්ච විතක්කො ච…පෙ… ගොත්රභු ච විතක්කො ච අවිතක්කඅවිචාරස්ස මග්ගස්ස විචාරස්ස ච… වොදානඤ්ච විතක්කො ච අවිතක්කඅවිචාරස්ස මග්ගස්ස විචාරස්ස ච… අනුලොමඤ්ච විතක්කො ච අවිතක්කඅවිචාරාය ඵලසමාපත්තියා විචාරස්ස ච අනන්තරපච්චයෙන පච්චයො. (3)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අනන්තරපච්චයෙන පච්චයො – සවිතක්කසවිචාරං චුතිචිත්තඤ්ච විතක්කො ච අවිතක්කවිචාරමත්තස්ස උපපත්තිචිත්තස්ස ච විචාරස්ස ච අනන්තරපච්චයෙන පච්චයො. සවිතක්කසවිචාරා ඛන්ධා ච විතක්කො ච අවිතක්කවිචාරමත්තස්ස වුට්ඨානස්ස ච විචාරස්ස ච අනන්තරපච්චයෙන පච්චයො. අවිතක්කවිචාරමත්තස්ස ඣානස්ස පරිකම්මඤ්ච විතක්කො ච අවිතක්කවිචාරමත්තස්ස ඣානස්ස ච විචාරස්ස ච අනන්තරපච්චයෙන පච්චයො. ගොත්රභු ච විතක්කො ච අවිතක්කවිචාරමත්තස්ස මග්ගස්ස ච විචාරස්ස ච අනන්තරපච්චයෙන පච්චයො. වොදානඤ්ච විතක්කො ච අවිතක්කවිචාරමත්තස්ස ¶ මග්ගස්ස ච විචාරස්ස ¶ ච… අනුලොමඤ්ච විතක්කො ච අවිතක්කවිචාරමත්තාය ඵලසමාපත්තියා ච විචාරස්ස ච අනන්තරපච්චයෙන පච්චයො. (4)

සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අනන්තරපච්චයෙන පච්චයො – පුරිමා පුරිමා සවිතක්කසවිචාරා ඛන්ධා ච විතක්කො ච පච්ඡිමානං පච්ඡිමානං සවිතක්කසවිචාරානං ඛන්ධානං විතක්කස්ස ච අනන්තරපච්චයෙන පච්චයො. අනුලොමඤ්ච විතක්කො ච ගොත්රභුස්ස ච විතක්කස්ස ච… අනුලොමඤ්ච විතක්කො ච වොදානස්ස ච විතක්කස්ස ච… ගොත්රභු ච විතක්කො ච සවිතක්කසවිචාරස්ස ච මග්ගස්ස ච විතක්කස්ස ච… වොදානඤ්ච විතක්කො ච සවිතක්කසවිචාරස්ස මග්ගස්ස ච විතක්කස්ස ච අනන්තරපච්චයෙන පච්චයො. සවිතක්කසවිචාරො මග්ගො ච විතක්කො ච සවිතක්කසවිචාරස්ස ඵලස්ස ච විතක්කස්ස ච ¶ … සවිතක්කසවිචාරං ඵලඤ්ච විතක්කො ච සවිතක්කසවිචාරස්ස ඵලස්ස ච විතක්කස්ස ච… අනුලොමඤ්ච විතක්කො ච සවිතක්කසවිචාරාය ඵලසමාපත්තියා ච විතක්කස්ස ච අනන්තරපච්චයෙන පච්චයො. (5)

සමනන්තරපච්චයො

84. සවිතක්කසවිචාරො ධම්මො සවිතක්කසවිචාරස්ස ධම්මස්ස සමනන්තරපච්චයෙන පච්චයො (අනන්තරපච්චයොපි සමනන්තරපච්චයොපි සදිසො).

සහජාතපච්චයො

85. සවිතක්කසවිචාරො ¶ ධම්මො සවිතක්කසවිචාරස්ස ධම්මස්ස සහජාතපච්චයෙන පච්චයො – සවිතක්කසවිචාරො එකො ඛන්ධො තිණ්ණන්නං ඛන්ධානං සහජාතපච්චයෙන පච්චයො. තයො ඛන්ධා එකස්ස ඛන්ධස්ස සහජාතපච්චයෙන පච්චයො. ද්වෙ ඛන්ධා ද්වින්නං ඛන්ධානං සහජාතපච්චයෙන පච්චයො. පටිසන්ධික්ඛණෙ සවිතක්කසවිචාරො එකො ඛන්ධො තිණ්ණන්නං ඛන්ධානං…පෙ… ද්වෙ ඛන්ධා ද්වින්නං ඛන්ධානං…පෙ…. (1)

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස සහජාතපච්චයෙන පච්චයො – සවිතක්කසවිචාරා ඛන්ධා විතක්කස්ස සහජාතපච්චයෙන පච්චයො. පටිසන්ධික්ඛණෙ…පෙ…. (2)

සවිතක්කසවිචාරො ¶ ධම්මො අවිතක්කඅවිචාරස්ස ධම්මස්ස සහජාතපච්චයෙන පච්චයො – සවිතක්කසවිචාරා ඛන්ධා චිත්තසමුට්ඨානානං රූපානං සහජාතපච්චයෙන පච්චයො. පටිසන්ධික්ඛණෙ…පෙ… කටත්තාරූපානං…පෙ…. (3)

සවිතක්කසවිචාරො ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො – සවිතක්කසවිචාරො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො. පටිසන්ධික්ඛණෙ…පෙ…. (4)

සවිතක්කසවිචාරො ¶ ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො – සවිතක්කසවිචාරා ¶ ඛන්ධා විතක්කස්ස ච චිත්තසමුට්ඨානානඤ්ච රූපානං සහජාතපච්චයෙන පච්චයො. පටිසන්ධික්ඛණෙ…පෙ…. (5)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස සහජාතපච්චයෙන පච්චයො – සවිතක්කසවිචාරො එකො ඛන්ධො තිණ්ණන්නං ඛන්ධානං විතක්කස්ස ච සහජාතපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං විතක්කස්ස ච සහජාතපච්චයෙන පච්චයො. පටිසන්ධික්ඛණෙ…පෙ…. (6)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො – සවිතක්කසවිචාරො එකො ඛන්ධො තිණ්ණන්නං ඛන්ධානං විතක්කස්ස ච චිත්තසමුට්ඨානානඤ්ච රූපානං සහජාතපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං විතක්කස්ස ච චිත්තසමුට්ඨානානඤ්ච රූපානං…පෙ… පටිසන්ධික්ඛණෙ…පෙ…. (7)

86. අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස සහජාතපච්චයෙන පච්චයො – අවිතක්කවිචාරමත්තො එකො ඛන්ධො තිණ්ණන්නං ඛන්ධානං සහජාතපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං…පෙ… පටිසන්ධික්ඛණෙ…පෙ…. (1)

අවිතක්කවිචාරමත්තො ධම්මො සවිතක්කසවිචාරස්ස ධම්මස්ස සහජාතපච්චයෙන පච්චයො – විතක්කො සවිතක්කසවිචාරානං ඛන්ධානං සහජාතපච්චයෙන පච්චයො. පටිසන්ධික්ඛණෙ…පෙ…. (2)

අවිතක්කවිචාරමත්තො ¶ ¶ ධම්මො අවිතක්කඅවිචාරස්ස ධම්මස්ස සහජාතපච්චයෙන පච්චයො – අවිතක්කවිචාරමත්තා ඛන්ධා විචාරස්ස චිත්තසමුට්ඨානානඤ්ච රූපානං සහජාතපච්චයෙන පච්චයො, විතක්කො චිත්තසමුට්ඨානානං රූපානං සහජාතපච්චයෙන පච්චයො. පටිසන්ධික්ඛණෙ…පෙ…. (3)

අවිතක්කවිචාරමත්තො ¶ ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො – විතක්කො සවිතක්කසවිචාරානං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො. පටිසන්ධික්ඛණෙ…පෙ…. (4)

අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො – අවිතක්කවිචාරමත්තො එකො ඛන්ධො තිණ්ණන්නං ඛන්ධානං විචාරස්ස ච චිත්තසමුට්ඨානානඤ්ච රූපානං සහජාතපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං විචාරස්ස ච චිත්තසමුට්ඨානානඤ්ච රූපානං…පෙ… පටිසන්ධික්ඛණෙ…පෙ…. (5)

87. අවිතක්කඅවිචාරො ධම්මො අවිතක්කඅවිචාරස්ස ධම්මස්ස සහජාතපච්චයෙන පච්චයො – අවිතක්කඅවිචාරො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො. විචාරො චිත්තසමුට්ඨානානං රූපානං…පෙ… පටිසන්ධික්ඛණෙ අවිතක්කඅවිචාරො ¶ එකො ඛන්ධො තිණ්ණන්නං ඛන්ධානං කටත්තා ච රූපානං…පෙ… ද්වෙ ඛන්ධා ද්වින්නං ඛන්ධානං කටත්තා ච රූපානං…පෙ… විචාරො කටත්තාරූපානං…පෙ… ඛන්ධා වත්ථුස්ස…පෙ… වත්ථු ඛන්ධානං…පෙ… විචාරො වත්ථුස්ස…පෙ… වත්ථු විචාරස්ස…පෙ… එකං මහාභූතං තිණ්ණන්නං මහාභූතානං…පෙ… මහාභූතා චිත්තසමුට්ඨානානං රූපානං කටත්තාරූපානං උපාදාරූපානං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ… මහාභූතා කටත්තාරූපානං උපාදාරූපානං සහජාතපච්චයෙන පච්චයො. (1)

අවිතක්කඅවිචාරො ධම්මො සවිතක්කසවිචාරස්ස ධම්මස්ස සහජාතපච්චයෙන පච්චයො – පටිසන්ධික්ඛණෙ වත්ථු සවිතක්කසවිචාරානං ඛන්ධානං සහජාතපච්චයෙන පච්චයො. (2)

අවිතක්කඅවිචාරො ¶ ධම්මො අවිතක්කවිචාරමත්තස්ස ධම්මස්ස සහජාතපච්චයෙන පච්චයො – විචාරො අවිතක්කවිචාරමත්තානං ඛන්ධානං සහජාතපච්චයෙන පච්චයො. පටිසන්ධික්ඛණෙ විචාරො අවිතක්කවිචාරමත්තානං ඛන්ධානං සහජාතපච්චයෙන පච්චයො. පටිසන්ධික්ඛණෙ වත්ථු අවිතක්කවිචාරමත්තානං ඛන්ධානං සහජාතපච්චයෙන පච්චයො. පටිසන්ධික්ඛණෙ වත්ථු විතක්කස්ස සහජාතපච්චයෙන පච්චයො. (3)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො – විචාරො අවිතක්කවිචාරමත්තානං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො. පටිසන්ධික්ඛණෙ විචාරො අවිතක්කවිචාරමත්තානං ඛන්ධානං ¶ කටත්තා ච රූපානං…පෙ… පටිසන්ධික්ඛණෙ වත්ථු අවිතක්කවිචාරමත්තානං ඛන්ධානං විචාරස්ස ච සහජාතපච්චයෙන පච්චයො. (4)

අවිතක්කඅවිචාරො ¶ ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස සහජාතපච්චයෙන පච්චයො – පටිසන්ධික්ඛණෙ වත්ථු සවිතක්කසවිචාරානං ඛන්ධානං විතක්කස්ස ච සහජාතපච්චයෙන පච්චයො. (5)

88. සවිතක්කසවිචාරො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස සහජාතපච්චයෙන පච්චයො – පටිසන්ධික්ඛණෙ සවිතක්කසවිචාරො එකො ඛන්ධො ච වත්ථු ච තිණ්ණන්නං ඛන්ධානං සහජාතපච්චයෙන පච්චයො…පෙ… ද්වෙ ඛන්ධා ච වත්ථු ච ද්වින්නං ඛන්ධානං සහජාතපච්චයෙන පච්චයො. (1)

සවිතක්කසවිචාරො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස සහජාතපච්චයෙන පච්චයො – පටිසන්ධික්ඛණෙ සවිතක්කසවිචාරා ඛන්ධා ච වත්ථු ච විතක්කස්ස සහජාතපච්චයෙන පච්චයො. (2)

සවිතක්කසවිචාරො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස සහජාතපච්චයෙන පච්චයො – සවිතක්කසවිචාරා ඛන්ධා ච මහාභූතා ච චිත්තසමුට්ඨානානං රූපානං සහජාතපච්චයෙන පච්චයො. පටිසන්ධික්ඛණෙ සවිතක්කසවිචාරා ඛන්ධා ච මහාභූතා ච කටත්තාරූපානං සහජාතපච්චයෙන පච්චයො. (3)

සවිතක්කසවිචාරො ¶ ¶ ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස සහජාතපච්චයෙන පච්චයො – පටිසන්ධික්ඛණෙ සවිතක්කසවිචාරො එකො ඛන්ධො ච වත්ථු ච තිණ්ණන්නං ඛන්ධානං විතක්කස්ස ච…පෙ… ද්වෙ ඛන්ධා ච වත්ථු ච ද්වින්නං ඛන්ධානං විතක්කස්ස ච සහජාතපච්චයෙන පච්චයො. (4)

89. අවිතක්කවිචාරමත්තො ¶ ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස සහජාතපච්චයෙන පච්චයො – පටිසන්ධික්ඛණෙ විතක්කො ච වත්ථු ච සවිතක්කසවිචාරානං ඛන්ධානං සහජාතපච්චයෙන පච්චයො. (1)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස සහජාතපච්චයෙන පච්චයො – අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං…පෙ… ද්වෙ ඛන්ධා ච විචාරො ච ද්වින්නං ඛන්ධානං සහජාතපච්චයෙන පච්චයො. පටිසන්ධික්ඛණෙ අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං…පෙ… ද්වෙ ඛන්ධා ච විචාරො ච ද්වින්නං ඛන්ධානං…පෙ… පටිසන්ධික්ඛණෙ අවිතක්කවිචාරමත්තො එකො ඛන්ධො ච වත්ථු ච තිණ්ණන්නං ඛන්ධානං සහජාතපච්චයෙන පච්චයො. (2)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස සහජාතපච්චයෙන පච්චයො – අවිතක්කවිචාරමත්තා ඛන්ධා ච විචාරො ච චිත්තසමුට්ඨානානං රූපානං සහජාතපච්චයෙන ¶ පච්චයො. අවිතක්කවිචාරමත්තා ඛන්ධා ච මහාභූතා ච චිත්තසමුට්ඨානානං රූපානං…පෙ… විතක්කො ච මහාභූතා ච චිත්තසමුට්ඨානානං රූපානං…පෙ… පටිසන්ධික්ඛණෙ අවිතක්කවිචාරමත්තා ඛන්ධා ච විචාරො ච කටත්තාරූපානං…පෙ… පටිසන්ධික්ඛණෙ අවිතක්කවිචාරමත්තා ඛන්ධා ච මහාභූතා ච කටත්තාරූපානං…පෙ… පටිසන්ධික්ඛණෙ විතක්කො ච මහාභූතා ච කටත්තාරූපානං…පෙ… පටිසන්ධික්ඛණෙ අවිතක්කවිචාරමත්තා ඛන්ධා ච වත්ථු ච විචාරස්ස සහජාතපච්චයෙන පච්චයො. (3)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො – අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො. තයො ඛන්ධා ච විචාරො ච එකස්ස ඛන්ධස්ස චිත්තසමුට්ඨානානඤ්ච රූපානං සහජාතපච්චයෙන පච්චයො. ද්වෙ ¶ ඛන්ධා ච විචාරො ච ද්වින්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො. පටිසන්ධික්ඛණෙ අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං කටත්තා ච රූපානං සහජාතපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ අවිතක්කවිචාරමත්තො එකො ඛන්ධො ච වත්ථු ච තිණ්ණන්නං ඛන්ධානං විචාරස්ස ච ¶ සහජාතපච්චයෙන පච්චයො…පෙ… ද්වෙ ඛන්ධා ච වත්ථු ච ද්වින්නං ඛන්ධානං විචාරස්ස ච සහජාතපච්චයෙන පච්චයො. (4)

90. සවිතක්කසවිචාරො ¶ ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස සහජාතපච්චයෙන පච්චයො – සවිතක්කසවිචාරො එකො ඛන්ධො ච විතක්කො ච තිණ්ණන්නං ඛන්ධානං සහජාතපච්චයෙන පච්චයො…පෙ… ද්වෙ ඛන්ධා ච විතක්කො ච ද්වින්නං ඛන්ධානං සහජාතපච්චයෙන පච්චයො. පටිසන්ධික්ඛණෙ…පෙ…. (1)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස සහජාතපච්චයෙන පච්චයො – සවිතක්කසවිචාරා ඛන්ධා ච විතක්කො ච චිත්තසමුට්ඨානානං රූපානං සහජාතපච්චයෙන පච්චයො. පටිසන්ධික්ඛණෙ…පෙ…. (2)

සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො – සවිතක්කසවිචාරො එකො ඛන්ධො ච විතක්කො ච තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො…පෙ… ද්වෙ ඛන්ධා ච විතක්කො ච ද්වින්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො. පටිසන්ධික්ඛණෙ…පෙ…. (3)

91. සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස සහජාතපච්චයෙන පච්චයො – පටිසන්ධික්ඛණෙ සවිතක්කසවිචාරො එකො ඛන්ධො ච විතක්කො ච වත්ථු ච තිණ්ණන්නං ඛන්ධානං සහජාතපච්චයෙන පච්චයො…පෙ… ද්වෙ ඛන්ධා ච විතක්කො ච වත්ථු ච ද්වින්නං ඛන්ධානං සහජාතපච්චයෙන පච්චයො. (1)

සවිතක්කසවිචාරො ¶ ච අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස සහජාතපච්චයෙන පච්චයො – සවිතක්කසවිචාරා ඛන්ධා ච විතක්කො ච මහාභූතා ච චිත්තසමුට්ඨානානං රූපානං සහජාතපච්චයෙන ¶ පච්චයො. පටිසන්ධික්ඛණෙ සවිතක්කසවිචාරා ඛන්ධා ච විතක්කො ච මහාභූතා ච කටත්තාරූපානං සහජාතපච්චයෙන පච්චයො. (2)

අඤ්ඤමඤ්ඤපච්චයො

92. සවිතක්කසවිචාරො ¶ ධම්මො සවිතක්කසවිචාරස්ස ධම්මස්ස අඤ්ඤමඤ්ඤපච්චයෙන පච්චයො – සවිතක්කසවිචාරො එකො ඛන්ධො තිණ්ණන්නං ඛන්ධානං අඤ්ඤමඤ්ඤපච්චයෙන පච්චයො…පෙ… පටිසන්ධික්ඛණෙ සවිතක්කසවිචාරො එකො ඛන්ධො තිණ්ණන්නං ඛන්ධානං අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං අඤ්ඤමඤ්ඤපච්චයෙන පච්චයො. (1)

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස අඤ්ඤමඤ්ඤපච්චයෙන පච්චයො – සවිතක්කසවිචාරා ඛන්ධා විතක්කස්ස අඤ්ඤමඤ්ඤපච්චයෙන පච්චයො. පටිසන්ධික්ඛණෙ…පෙ…. (2)

සවිතක්කසවිචාරො ධම්මො අවිතක්කඅවිචාරස්ස ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ සවිතක්කසවිචාරා ඛන්ධා වත්ථුස්ස අඤ්ඤමඤ්ඤපච්චයෙන පච්චයො. (3)

සවිතක්කසවිචාරො ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ සවිතක්කසවිචාරො ¶ එකො ඛන්ධො තිණ්ණන්නං ඛන්ධානං වත්ථුස්ස ච අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං වත්ථුස්ස ච අඤ්ඤමඤ්ඤපච්චයෙන පච්චයො. (4)

සවිතක්කසවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ සවිතක්කසවිචාරා ඛන්ධා විතක්කස්ස ච වත්ථුස්ස ච අඤ්ඤමඤ්ඤපච්චයෙන පච්චයො. (5)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අඤ්ඤමඤ්ඤපච්චයෙන පච්චයො – සවිතක්කසවිචාරො එකො ඛන්ධො තිණ්ණන්නං ඛන්ධානං විතක්කස්ස ච අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං විතක්කස්ස ච අඤ්ඤමඤ්ඤපච්චයෙන පච්චයො. පටිසන්ධික්ඛණෙ…පෙ…. (6)

සවිතක්කසවිචාරො ¶ ධම්මො සවිතක්කසවිචාරස්ස ච අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ සවිතක්කසවිචාරො එකො ඛන්ධො තිණ්ණන්නං ඛන්ධානං විතක්කස්ස ච ¶ වත්ථුස්ස ච අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං විතක්කස්ස ච වත්ථුස්ස ච අඤ්ඤමඤ්ඤපච්චයෙන පච්චයො. (7)

93. අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස අඤ්ඤමඤ්ඤපච්චයෙන පච්චයො – අවිතක්කවිචාරමත්තො එකො ඛන්ධො තිණ්ණන්නං ¶ ඛන්ධානං අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං අඤ්ඤමඤ්ඤපච්චයෙන පච්චයො. පටිසන්ධික්ඛණෙ…පෙ…. (1)

අවිතක්කවිචාරමත්තො ධම්මො සවිතක්කසවිචාරස්ස ධම්මස්ස අඤ්ඤමඤ්ඤපච්චයෙන පච්චයො – විතක්කො සවිතක්කසවිචාරානං ඛන්ධානං අඤ්ඤමඤ්ඤපච්චයෙන පච්චයො. පටිසන්ධික්ඛණෙ…පෙ…. (2)

අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස අඤ්ඤමඤ්ඤපච්චයෙන පච්චයො – අවිතක්කවිචාරමත්තා ඛන්ධා විචාරස්ස අඤ්ඤමඤ්ඤපච්චයෙන පච්චයො. පටිසන්ධික්ඛණෙ අවිතක්කවිචාරමත්තා ඛන්ධා විචාරස්ස ච වත්ථුස්ස ච අඤ්ඤමඤ්ඤපච්චයෙන පච්චයො. පටිසන්ධික්ඛණෙ විතක්කො වත්ථුස්ස අඤ්ඤමඤ්ඤපච්චයෙන පච්චයො. (3)

අවිතක්කවිචාරමත්තො ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ විතක්කො සවිතක්කසවිචාරානං ඛන්ධානං වත්ථුස්ස ච අඤ්ඤමඤ්ඤපච්චයෙන පච්චයො. (4)

අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො – අවිතක්කවිචාරමත්තො එකො ඛන්ධො තිණ්ණන්නං ඛන්ධානං විචාරස්ස ච අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං විචාරස්ස ච අඤ්ඤමඤ්ඤපච්චයෙන පච්චයො. පටිසන්ධික්ඛණෙ අවිතක්කවිචාරමත්තො එකො ඛන්ධො තිණ්ණන්නං ඛන්ධානං ¶ විචාරස්ස ච වත්ථුස්ස ¶ ච අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං විචාරස්ස ච වත්ථුස්ස ච අඤ්ඤමඤ්ඤපච්චයෙන පච්චයො. (5)

94. අවිතක්කඅවිචාරො ධම්මො අවිතක්කඅවිචාරස්ස ධම්මස්ස අඤ්ඤමඤ්ඤපච්චයෙන පච්චයො – අවිතක්කඅවිචාරො එකො ඛන්ධො තිණ්ණන්නං ඛන්ධානං අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං අඤ්ඤමඤ්ඤපච්චයෙන පච්චයො. පටිසන්ධික්ඛණෙ අවිතක්කඅවිචාරො එකො ඛන්ධො තිණ්ණන්නං ඛන්ධානං වත්ථුස්ස ¶ ච අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං වත්ථුස්ස ච අඤ්ඤමඤ්ඤපච්චයෙන පච්චයො. ඛන්ධා වත්ථුස්ස…පෙ… වත්ථු ඛන්ධානං…පෙ… විචාරො වත්ථුස්ස…පෙ… වත්ථු විචාරස්ස…පෙ… එකං මහාභූතං තිණ්ණන්නං මහාභූතානං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ…. (1)

අවිතක්කඅවිචාරො ධම්මො සවිතක්කසවිචාරස්ස ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ වත්ථු සවිතක්කසවිචාරානං ඛන්ධානං අඤ්ඤමඤ්ඤපච්චයෙන පච්චයො. (2)

අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස අඤ්ඤමඤ්ඤපච්චයෙන පච්චයො – විචාරො අවිතක්කවිචාරමත්තානං ඛන්ධානං අඤ්ඤමඤ්ඤපච්චයෙන පච්චයො. පටිසන්ධික්ඛණෙ විචාරො අවිතක්කවිචාරමත්තානං ඛන්ධානං අඤ්ඤමඤ්ඤපච්චයෙන පච්චයො. පටිසන්ධික්ඛණෙ වත්ථු අවිතක්කවිචාරමත්තානං ඛන්ධානං අඤ්ඤමඤ්ඤපච්චයෙන පච්චයො. පටිසන්ධික්ඛණෙ ¶ වත්ථු විතක්කස්ස අඤ්ඤමඤ්ඤපච්චයෙන පච්චයො. (3)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ විචාරො අවිතක්කවිචාරමත්තානං ඛන්ධානං වත්ථුස්ස ච අඤ්ඤමඤ්ඤපච්චයෙන පච්චයො. පටිසන්ධික්ඛණෙ වත්ථු අවිතක්කවිචාරමත්තානං ඛන්ධානං විචාරස්ස ච අඤ්ඤමඤ්ඤපච්චයෙන පච්චයො. (4)

අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ¶ අඤ්ඤමඤ්ඤපච්චයෙන පච්චයො – පටිසන්ධික්ඛණෙ වත්ථු සවිතක්කසවිචාරානං ඛන්ධානං විතක්කස්ස ච අඤ්ඤමඤ්ඤපච්චයෙන පච්චයො. (5)

95. සවිතක්කසවිචාරො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ සවිතක්කසවිචාරො එකො ඛන්ධො ච වත්ථු ච තිණ්ණන්නං ඛන්ධානං…පෙ… ද්වෙ ඛන්ධා ච වත්ථු ච ද්වින්නං ඛන්ධානං අඤ්ඤමඤ්ඤපච්චයෙන පච්චයො. (1)

සවිතක්කසවිචාරො ¶ ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ සවිතක්කසවිචාරා ඛන්ධා ච වත්ථු ච විතක්කස්ස අඤ්ඤමඤ්ඤපච්චයෙන පච්චයො. (2)

සවිතක්කසවිචාරො ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අඤ්ඤමඤ්ඤපච්චයෙන ¶ පච්චයො – පටිසන්ධික්ඛණෙ සවිතක්කසවිචාරො එකො ඛන්ධො ච වත්ථු ච තිණ්ණන්නං ඛන්ධානං විතක්කස්ස ච අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ච වත්ථු ච ද්වින්නං ඛන්ධානං විතක්කස්ස ච අඤ්ඤමඤ්ඤපච්චයෙන පච්චයො. (3)

96. අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ විතක්කො ච වත්ථු ච සවිතක්කසවිචාරානං ඛන්ධානං අඤ්ඤමඤ්ඤපච්චයෙන පච්චයො. (1)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස අඤ්ඤමඤ්ඤපච්චයෙන පච්චයො – අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ච විචාරො ච ද්වින්නං ඛන්ධානං අඤ්ඤමඤ්ඤපච්චයෙන පච්චයො. පටිසන්ධික්ඛණෙ අවිතක්කවිචාරමත්තො එකො ඛන්ධො ච විචාරො ච වත්ථු ච තිණ්ණන්නං ඛන්ධානං…පෙ… ද්වෙ ඛන්ධා ච විචාරො ච වත්ථු ච ද්වින්නං ඛන්ධානං අඤ්ඤමඤ්ඤපච්චයෙන පච්චයො. (2)

අවිතක්කවිචාරමත්තො ¶ ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ අවිතක්කවිචාරමත්තා ඛන්ධා ච විචාරො ච වත්ථුස්ස අඤ්ඤමඤ්ඤපච්චයෙන පච්චයො. පටිසන්ධික්ඛණෙ අවිතක්කවිචාරමත්තා ඛන්ධා ච වත්ථු ච විචාරස්ස අඤ්ඤමඤ්ඤපච්චයෙන පච්චයො. (3)

අවිතක්කවිචාරමත්තො ¶ ච අවිතක්කඅවිචාරො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං වත්ථුස්ස ච අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ච විචාරො ච ද්වින්නං ඛන්ධානං වත්ථුස්ස ච අඤ්ඤමඤ්ඤපච්චයෙන පච්චයො. පටිසන්ධික්ඛණෙ අවිතක්කවිචාරමත්තො එකො ඛන්ධො ච වත්ථු ච තිණ්ණන්නං ඛන්ධානං විචාරස්ස ච අඤ්ඤමඤ්ඤපච්චයෙන ¶ පච්චයො…පෙ… ද්වෙ ඛන්ධා ච වත්ථු ච ද්වින්නං ඛන්ධානං විචාරස්ස ච අඤ්ඤමඤ්ඤපච්චයෙන පච්චයො. (4)

97. සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස අඤ්ඤමඤ්ඤපච්චයෙන පච්චයො – සවිතක්කසවිචාරො එකො ඛන්ධො ච විතක්කො ච තිණ්ණන්නං ඛන්ධානං අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ච විතක්කො ච ද්වින්නං ඛන්ධානං අඤ්ඤමඤ්ඤපච්චයෙන පච්චයො. පටිසන්ධික්ඛණෙ…පෙ…. (1)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ සවිතක්කසවිචාරා ඛන්ධා ච විතක්කො ච වත්ථුස්ස අඤ්ඤමඤ්ඤපච්චයෙන පච්චයො. (2)

සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන ¶ පච්චයො – පටිසන්ධික්ඛණෙ සවිතක්කසවිචාරො එකො ඛන්ධො ච විතක්කො ච තිණ්ණන්නං ඛන්ධානං වත්ථුස්ස ච අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ච විතක්කො ච ද්වින්නං ඛන්ධානං වත්ථුස්ස ච අඤ්ඤමඤ්ඤපච්චයෙන පච්චයො. (3)

සවිතක්කසවිචාරො ¶ ච අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ සවිතක්කසවිචාරො එකො ඛන්ධො ච විතක්කො ච වත්ථු ච තිණ්ණන්නං ඛන්ධානං අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා ච විතක්කො ච වත්ථු ච ද්වින්නං ඛන්ධානං අඤ්ඤමඤ්ඤපච්චයෙන පච්චයො. (1)

නිස්සයපච්චයො

98. සවිතක්කසවිචාරො ධම්මො සවිතක්කසවිචාරස්ස ධම්මස්ස නිස්සයපච්චයෙන පච්චයො – සවිතක්කසවිචාරො එකො ඛන්ධො තිණ්ණන්නං ඛන්ධානං (සංඛිත්තං) සත්ත.

අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස නිස්සයපච්චයෙන පච්චයො (සංඛිත්තං) පඤ්ච.

අවිතක්කඅවිචාරො ධම්මො අවිතක්කඅවිචාරස්ස ධම්මස්ස නිස්සයපච්චයෙන පච්චයො – අවිතක්කඅවිචාරො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච ¶ රූපානං නිස්සයපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං චිත්තසමුට්ඨානානඤ්ච රූපානං නිස්සයපච්චයෙන පච්චයො. විචාරො චිත්තසමුට්ඨානානං රූපානං නිස්සයපච්චයෙන පච්චයො. පටිසන්ධික්ඛණෙ අවිතක්කඅවිචාරො එකො ඛන්ධො තිණ්ණන්නං ඛන්ධානං කටත්තා ¶ ච රූපානං නිස්සයපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං…පෙ… අසඤ්ඤසත්තානං එකං මහාභූතං…පෙ… චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු අවිතක්කඅවිචාරානං ඛන්ධානං විචාරස්ස ච නිස්සයපච්චයෙන පච්චයො. (1)

අවිතක්කඅවිචාරො ධම්මො සවිතක්කසවිචාරස්ස ධම්මස්ස නිස්සයපච්චයෙන පච්චයො – වත්ථු සවිතක්කසවිචාරානං ඛන්ධානං නිස්සයපච්චයෙන පච්චයො. පටිසන්ධික්ඛණෙ වත්ථු…පෙ…. (2)

අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස නිස්සයපච්චයෙන පච්චයො – විචාරො ¶ අවිතක්කවිචාරමත්තානං ඛන්ධානං නිස්සයපච්චයෙන පච්චයො, වත්ථු අවිතක්කවිචාරමත්තානං ඛන්ධානං විතක්කස්ස ච නිස්සයපච්චයෙන පච්චයො. පටිසන්ධික්ඛණෙ විචාරො…පෙ…. (3)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස නිස්සයපච්චයෙන පච්චයො – විචාරො අවිතක්කවිචාරමත්තානං ඛන්ධානං චිත්තසමුට්ඨානානඤ්ච රූපානං…පෙ… වත්ථු අවිතක්කවිචාරමත්තානං ඛන්ධානං විචාරස්ස ච නිස්සයපච්චයෙන පච්චයො. පටිසන්ධික්ඛණෙ විචාරො…පෙ…. (4)

අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස නිස්සයපච්චයෙන පච්චයො – වත්ථු සවිතක්කසවිචාරානං ඛන්ධානං විතක්කස්ස ච නිස්සයපච්චයෙන පච්චයො. පටිසන්ධික්ඛණෙ වත්ථු…පෙ…. (5)

99. සවිතක්කසවිචාරො ¶ ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස නිස්සයපච්චයෙන පච්චයො – සවිතක්කසවිචාරො එකො ඛන්ධො ච වත්ථු ච තිණ්ණන්නං ඛන්ධානං නිස්සයපච්චයෙන පච්චයො…පෙ… (පවත්තිපි, පටිසන්ධිපි දීපෙතබ්බා). (1)

සවිතක්කසවිචාරො ¶ ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස නිස්සයපච්චයෙන පච්චයො – සවිතක්කසවිචාරා ඛන්ධා ච වත්ථු ච විතක්කස්ස…පෙ… පටිසන්ධික්ඛණෙ…පෙ…. (2)

සවිතක්කසවිචාරො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස නිස්සයපච්චයෙන පච්චයො – සවිතක්කසවිචාරා ඛන්ධා ච මහාභූතා ච චිත්තසමුට්ඨානානං රූපානං නිස්සයපච්චයෙන පච්චයො. පටිසන්ධික්ඛණෙ…පෙ…. (3)

සවිතක්කසවිචාරො ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස නිස්සයපච්චයෙන පච්චයො – සවිතක්කසවිචාරො එකො ඛන්ධො ¶ ච වත්ථු ච තිණ්ණන්නං ඛන්ධානං විතක්කස්ස ච නිස්සයපච්චයෙන පච්චයො…පෙ… පටිසන්ධික්ඛණෙ…පෙ…. (4)

100. අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස නිස්සයපච්චයෙන පච්චයො – විතක්කො ච වත්ථු ච සවිතක්කසවිචාරානං ඛන්ධානං…පෙ… පටිසන්ධික්ඛණෙ…පෙ…. (1)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස නිස්සයපච්චයෙන පච්චයො – අවිතක්කවිචාරමත්තො එකො ¶ ඛන්ධො ච විචාරො ච තිණ්ණන්නං ඛන්ධානං…පෙ… අවිතක්කවිචාරමත්තො එකො ඛන්ධො ච වත්ථු ච තිණ්ණන්නං ඛන්ධානං…පෙ… පටිසන්ධික්ඛණෙ…පෙ…. (2)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස නිස්සයපච්චයෙන පච්චයො – අවිතක්කවිචාරමත්තා ඛන්ධා ච විචාරො ච චිත්තසමුට්ඨානානං රූපානං නිස්සයපච්චයෙන පච්චයො. අවිතක්කවිචාරමත්තා ඛන්ධා ච මහාභූතා ච චිත්තසමුට්ඨානානං රූපානං…පෙ… විතක්කො ච මහාභූතා ච චිත්තසමුට්ඨානානං රූපානං…පෙ… අවිතක්කවිචාරමත්තා ඛන්ධා ච වත්ථු ච විචාරස්ස නිස්සයපච්චයෙන පච්චයො (පටිසන්ධිකානි චත්තාරි. සංඛිත්තං). (3)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස නිස්සයපච්චයෙන පච්චයො – අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං චිත්තසමුට්ඨානානඤ්ච රූපානං නිස්සයපච්චයෙන පච්චයො…පෙ… ද්වෙ ඛන්ධා ච විචාරො ච ¶ ද්වින්නං ඛන්ධානං චිත්තසමුට්ඨානානඤ්ච රූපානං නිස්සයපච්චයෙන පච්චයො. අවිතක්කවිචාරමත්තො එකො ඛන්ධො ච වත්ථු ච තිණ්ණන්නං ඛන්ධානං විචාරස්ස ච…පෙ… ද්වෙ ඛන්ධා ච වත්ථු ච ද්වින්නං ඛන්ධානං විචාරස්ස ච නිස්සයපච්චයෙන පච්චයො. පටිසන්ධික්ඛණෙ…පෙ…. (4)

101. සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස ¶ …පෙ… අවිතක්කඅවිචාරස්ස ධම්මස්ස…පෙ… සවිතක්කසවිචාරස්ස ච අවිතක්කඅවිචාරස්ස ච ධම්මස්ස…පෙ… තීණි.

සවිතක්කසවිචාරො ¶ ච අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස…පෙ… අවිතක්කඅවිචාරස්ස ධම්මස්ස නිස්සයපච්චයෙන පච්චයො (ද්වෙ වාරා විත්ථාරෙතබ්බා).

උපනිස්සයපච්චයො

102. සවිතක්කසවිචාරො ධම්මො සවිතක්කසවිචාරස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සවිතක්කසවිචාරං සද්ධං උපනිස්සාය දානං දෙති, සීලං සමාදියති, උපොසථකම්මං කරොති, සවිතක්කසවිචාරං ඣානං උප්පාදෙති, විපස්සනං උප්පාදෙති, මග්ගං…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති. සවිතක්කසවිචාරං සීලං… සුතං… චාගං… පඤ්ඤං… රාගං… දොසං… මොහං… මානං… දිට්ඨිං… පත්ථනං උපනිස්සාය දානං දෙති, සීලං සමාදියති, උපොසථකම්මං කරොති, සවිතක්කසවිචාරං ඣානං උප්පාදෙති, විපස්සනං උප්පාදෙති, මග්ගං…පෙ… සමාපත්තිං…පෙ… පාණං හනති…පෙ… සඞ්ඝං භින්දති. සවිතක්කසවිචාරා සද්ධා… සීලං… සුතං… චාගො… පඤ්ඤා… රාගො… දොසො… මොහො… මානො… දිට්ඨි… පත්ථනා සවිතක්කසවිචාරාය සද්ධාය… සීලස්ස… සුතස්ස… චාගස්ස… පඤ්ඤාය… රාගස්ස… දොසස්ස… මොහස්ස… මානස්ස… දිට්ඨියා… පත්ථනාය… උපනිස්සයපච්චයෙන පච්චයො. (1)

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සවිතක්කසවිචාරං සද්ධං උපනිස්සාය අවිතක්කවිචාරමත්තං ඣානං උප්පාදෙති, මග්ගං…පෙ… සමාපත්තිං…පෙ… සවිතක්කසවිචාරං ¶ සීලං ¶ …පෙ… පත්ථනං උපනිස්සාය අවිතක්කවිචාරමත්තං ඣානං උප්පාදෙති, මග්ගං…පෙ… සමාපත්තිං…පෙ… සවිතක්කසවිචාරා සද්ධා…පෙ… පත්ථනා අවිතක්කවිචාරමත්තාය සද්ධාය… සීලස්ස… සුතස්ස… චාගස්ස… පඤ්ඤාය විතක්කස්ස ච උපනිස්සයපච්චයෙන පච්චයො. (2)

සවිතක්කසවිචාරො ¶ ධම්මො අවිතක්කඅවිචාරස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – සවිතක්කසවිචාරං සද්ධං උපනිස්සාය අවිතක්කඅවිචාරං ඣානං උප්පාදෙති, මග්ගං…පෙ… අභිඤ්ඤං…පෙ… සමාපත්තිං උප්පාදෙති. සවිතක්කසවිචාරං සීලං…පෙ… පත්ථනං උපනිස්සාය අවිතක්කඅවිචාරං ඣානං උප්පාදෙති, මග්ගං…පෙ… අභිඤ්ඤං…පෙ… සමාපත්තිං උප්පාදෙති. සවිතක්කසවිචාරා සද්ධා…පෙ… පත්ථනා අවිතක්කඅවිචාරාය සද්ධාය… සීලස්ස… සුතස්ස… චාගස්ස… පඤ්ඤාය විචාරස්ස ච… කායිකස්ස සුඛස්ස කායිකස්ස දුක්ඛස්ස උපනිස්සයපච්චයෙන පච්චයො. (3)

සවිතක්කසවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස උපනිස්සයපච්චයෙන පච්චයො. අනන්තරූපනිස්සයො, පකතූපනිස්සයො…පෙ…. පකතූපනිස්සයො – සවිතක්කසවිචාරා සද්ධා…පෙ… පත්ථනා අවිතක්කවිචාරමත්තාය සද්ධාය… සීලස්ස… සුතස්ස… චාගස්ස… පඤ්ඤාය විචාරස්ස ච උපනිස්සයපච්චයෙන පච්චයො. (4)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො ¶ , අනන්තරූපනිස්සයො, පකතූපනිස්සයො…පෙ…. පකතූපනිස්සයො – සවිතක්කසවිචාරා සද්ධා…පෙ… පත්ථනා සවිතක්කසවිචාරාය සද්ධාය…පෙ… පත්ථනාය විතක්කස්ස ච උපනිස්සයපච්චයෙන පච්චයො. (5)

103. අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අවිතක්කවිචාරමත්තං සද්ධං උපනිස්සාය අවිතක්කවිචාරමත්තං ඣානං උප්පාදෙති, මග්ගං…පෙ… සමාපත්තිං උප්පාදෙති. අවිතක්කවිචාරමත්තං සීලං… සුතං… චාගං… පඤ්ඤං… විතක්කං උපනිස්සාය අවිතක්කවිචාරමත්තං ඣානං උප්පාදෙති, මග්ගං…පෙ… සමාපත්තිං උප්පාදෙති. අවිතක්කවිචාරමත්තා සද්ධා… සීලං… සුතං… චාගො… පඤ්ඤා විතක්කො ච අවිතක්කවිචාරමත්තාය ¶ සද්ධාය… සීලස්ස… සුතස්ස… චාගස්ස… පඤ්ඤාය විතක්කස්ස ච උපනිස්සයපච්චයෙන පච්චයො. (1)

අවිතක්කවිචාරමත්තො ¶ ධම්මො සවිතක්කසවිචාරස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අවිතක්කවිචාරමත්තං සද්ධං උපනිස්සාය දානං දෙති, සීලං සමාදියති, උපොසථකම්මං කරොති, සවිතක්කසවිචාරං ඣානං උප්පාදෙති, විපස්සනං…පෙ… මග්ගං…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති. අවිතක්කවිචාරමත්තං සීලං… සුතං… චාගං… පඤ්ඤං… විතක්කං උපනිස්සාය දානං දෙති, සීලං සමාදියති, උපොසථකම්මං කරොති, සවිතක්කසවිචාරං ඣානං උප්පාදෙති, විපස්සනං උප්පාදෙති, මග්ගං උප්පාදෙති ¶ , සමාපත්තිං උප්පාදෙති, පාණං හනති…පෙ… සඞ්ඝං භින්දති. අවිතක්කවිචාරමත්තා සද්ධා… සීලං… සුතං… චාගො… පඤ්ඤා විතක්කො ච සවිතක්කසවිචාරාය සද්ධාය…පෙ… පත්ථනාය උපනිස්සයපච්චයෙන පච්චයො. (2)

අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – අවිතක්කවිචාරමත්තං සද්ධං උපනිස්සාය අවිතක්කඅවිචාරං ඣානං උප්පාදෙති, මග්ගං…පෙ… අභිඤ්ඤං…පෙ… සමාපත්තිං උප්පාදෙති. අවිතක්කවිචාරමත්තං සීලං… සුතං… චාගං… පඤ්ඤං… විතක්කං උපනිස්සාය අවිතක්කඅවිචාරං ඣානං උප්පාදෙති, මග්ගං…පෙ… අභිඤ්ඤං…පෙ… සමාපත්තිං උප්පාදෙති. අවිතක්කවිචාරමත්තා සද්ධා… සීලං… සුතං… චාගො… පඤ්ඤා විතක්කො ච අවිතක්කඅවිචාරාය සද්ධාය… සීලස්ස… සුතස්ස… චාගස්ස… පඤ්ඤාය විචාරස්ස ච… කායිකස්ස සුඛස්ස කායිකස්ස දුක්ඛස්ස උපනිස්සයපච්චයෙන පච්චයො. (3)

අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – අවිතක්කවිචාරමත්තා සද්ධා… සීලං… සුතං… චාගො… පඤ්ඤා විතක්කො ච අවිතක්කවිචාරමත්තාය සද්ධාය… සීලස්ස… සුතස්ස… චාගස්ස… පඤ්ඤාය විචාරස්ස ච උපනිස්සයපච්චයෙන පච්චයො. (4)

අවිතක්කවිචාරමත්තො ¶ ධම්මො සවිතක්කසවිචාරස්ස ච අවිතක්කවිචාරමත්තස්ස ¶ ච ධම්මස්ස ¶ උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අවිතක්කවිචාරමත්තා සද්ධා… සීලං… සුතං… චාගො… පඤ්ඤා විතක්කො ච සවිතක්කසවිචාරාය සද්ධාය…පෙ… පත්ථනාය විතක්කස්ස ච උපනිස්සයපච්චයෙන පච්චයො. (5)

104. අවිතක්කඅවිචාරො ධම්මො අවිතක්කඅවිචාරස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අවිතක්කඅවිචාරං සද්ධං උපනිස්සාය අවිතක්කඅවිචාරං ඣානං උප්පාදෙති, මග්ගං…පෙ… අභිඤ්ඤං…පෙ… සමාපත්තිං උප්පාදෙති. අවිතක්කඅවිචාරං සීලං… සුතං… චාගං… පඤ්ඤං… විචාරං… කායිකං සුඛං… කායිකං දුක්ඛං… උතුං… භොජනං… සෙනාසනං උපනිස්සාය අවිතක්කඅවිචාරං ඣානං උප්පාදෙති, මග්ගං…පෙ… අභිඤ්ඤං…පෙ… සමාපත්තිං උප්පාදෙති. අවිතක්කඅවිචාරා සද්ධා… සීලං… සුතං… චාගො… පඤ්ඤා… විචාරො… කායිකං සුඛං… කායිකං දුක්ඛං… උතු… භොජනං… සෙනාසනං අවිතක්කඅවිචාරාය සද්ධාය… සීලස්ස… සුතස්ස… චාගස්ස… පඤ්ඤාය… විචාරස්ස… කායිකස්ස සුඛස්ස කායිකස්ස දුක්ඛස්ස උපනිස්සයපච්චයෙන පච්චයො. (1)

අවිතක්කඅවිචාරො ධම්මො සවිතක්කසවිචාරස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අවිතක්කඅවිචාරං සද්ධං උපනිස්සාය දානං දෙති, සීලං සමාදියති, උපොසථකම්මං කරොති, සවිතක්කසවිචාරං ඣානං ¶ උප්පාදෙති, විපස්සනං…පෙ… මග්ගං…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති. අවිතක්කඅවිචාරං සීලං… සුතං… චාගං… පඤ්ඤං… විචාරං… කායිකං සුඛං… කායිකං දුක්ඛං… උතුං… භොජනං… සෙනාසනං උපනිස්සාය දානං දෙති, සීලං සමාදියති, උපොසථකම්මං කරොති, සවිතක්කසවිචාරං ඣානං උප්පාදෙති, විපස්සනං…පෙ… මග්ගං…පෙ… සමාපත්තිං උප්පාදෙති, පාණං හනති…පෙ… සඞ්ඝං භින්දති. අවිතක්කඅවිචාරා සද්ධා…පෙ… සෙනාසනං සවිතක්කසවිචාරාය සද්ධාය… සීලස්ස…පෙ… පත්ථනාය උපනිස්සයපච්චයෙන පච්චයො. (2)

අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස උපනිස්සයපච්චයෙන පච්චයො ¶ – ආරම්මණූපනිස්සයො, අනන්තරූපනිස්සයො, පකතූපනිස්සයො ¶ …පෙ…. පකතූපනිස්සයො – අවිතක්කඅවිචාරං සද්ධං උපනිස්සාය අවිතක්කවිචාරමත්තං ඣානං උප්පාදෙති, විපස්සනං…පෙ… මග්ගං…පෙ… සමාපත්තිං උප්පාදෙති. අවිතක්කඅවිචාරං සීලං…පෙ… සෙනාසනං උපනිස්සාය අවිතක්කවිචාරමත්තං ඣානං උප්පාදෙති, විපස්සනං…පෙ… මග්ගං…පෙ… සමාපත්තිං උප්පාදෙති. අවිතක්කඅවිචාරා සද්ධා…පෙ… සෙනාසනං අවිතක්කවිචාරමත්තාය සද්ධාය… සීලස්ස… සුතස්ස… චාගස්ස… පඤ්ඤාය විතක්කස්ස ච උපනිස්සයපච්චයෙන පච්චයො. (3)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අවිතක්කඅවිචාරා ¶ සද්ධා…පෙ… සෙනාසනං අවිතක්කවිචාරමත්තාය සද්ධාය… සීලස්ස… සුතස්ස… චාගස්ස… පඤ්ඤාය විචාරස්ස ච උපනිස්සයපච්චයෙන පච්චයො. (4)

අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අවිතක්කඅවිචාරා සද්ධා…පෙ… සෙනාසනං සවිතක්කසවිචාරාය සද්ධාය… සීලස්ස…පෙ… පත්ථනාය විතක්කස්ස ච උපනිස්සයපච්චයෙන පච්චයො. (5)

105. අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අවිතක්කවිචාරමත්තා සද්ධා… සීලං… සුතං… චාගො… පඤ්ඤා විචාරො ච සවිතක්කසවිචාරාය සද්ධාය…පෙ… පත්ථනාය උපනිස්සයපච්චයෙන පච්චයො. (1)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො ¶ …පෙ…. පකතූපනිස්සයො – අවිතක්කවිචාරමත්තා සද්ධා… සීලං… සුතං… චාගො… පඤ්ඤා විචාරො ච අවිතක්කවිචාරමත්තාය සද්ධාය… සීලස්ස… සුතස්ස… චාගස්ස… පඤ්ඤාය විතක්කස්ස ච උපනිස්සයපච්චයෙන පච්චයො. (2)

අවිතක්කවිචාරමත්තො ¶ ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො ¶ , පකතූපනිස්සයො…පෙ…. පකතූපනිස්සයො – අවිතක්කවිචාරමත්තා සද්ධා… සීලං… සුතං… චාගො… පඤ්ඤා විචාරො ච අවිතක්කඅවිචාරාය සද්ධාය… සීලස්ස… සුතස්ස… චාගස්ස… පඤ්ඤාය විචාරස්ස ච… කායිකස්ස සුඛස්ස කායිකස්ස දුක්ඛස්ස උපනිස්සයපච්චයෙන පච්චයො. (3)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – අවිතක්කවිචාරමත්තා සද්ධා… සීලං… සුතං… චාගො… පඤ්ඤා විචාරො ච අවිතක්කවිචාරමත්තාය සද්ධාය… සීලස්ස… සුතස්ස… චාගස්ස… පඤ්ඤාය විචාරස්ස ච උපනිස්සයපච්චයෙන පච්චයො. (4)

අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අවිතක්කවිචාරමත්තා සද්ධා… සීලං… සුතං… චාගො… පඤ්ඤා විචාරො ච සවිතක්කසවිචාරාය සද්ධාය… සීලස්ස… සුතස්ස… චාගස්ස… පඤ්ඤාය… රාගස්ස… දොසස්ස… මොහස්ස… මානස්ස… දිට්ඨියා… පත්ථනාය විතක්කස්ස ච උපනිස්සයපච්චයෙන පච්චයො. (5)

106. සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සවිතක්කසවිචාරා ¶ සද්ධා… සීලං… සුතං… චාගො… පඤ්ඤා… රාගො… දොසො… මොහො… මානො… දිට්ඨි… පත්ථනා විතක්කො ච සවිතක්කසවිචාරාය සද්ධාය සීලස්ස…පෙ… පත්ථනාය උපනිස්සයපච්චයෙන පච්චයො. (1)

සවිතක්කසවිචාරො ¶ ච අවිතක්කවිචාරමත්තො ච ධම්මා අවිතක්කවිචාරමත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සවිතක්කසවිචාරා ¶ සද්ධා සීලං…පෙ… පත්ථනා විතක්කො ච අවිතක්කවිචාරමත්තාය සද්ධාය… සීලස්ස… සුතස්ස… චාගස්ස… පඤ්ඤාය විතක්කස්ස ච උපනිස්සයපච්චයෙන පච්චයො. (2)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – සවිතක්කසවිචාරා සද්ධා… සීලං… සුතං… චාගො… පඤ්ඤා…පෙ… පත්ථනා විතක්කො ච අවිතක්කඅවිචාරාය සද්ධාය… සීලස්ස… සුතස්ස… චාගස්ස… පඤ්ඤාය විචාරස්ස ච… කායිකස්ස සුඛස්ස කායිකස්ස දුක්ඛස්ස උපනිස්සයපච්චයෙන පච්චයො. (3)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – සවිතක්කසවිචාරා සද්ධා… සීලං… සුතං… චාගො… පඤ්ඤා…පෙ… පත්ථනා ¶ විතක්කො ච අවිතක්කවිචාරමත්තාය සද්ධාය… සීලස්ස… සුතස්ස… චාගස්ස… පඤ්ඤාය විචාරස්ස ච උපනිස්සයපච්චයෙන පච්චයො. (4)

සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සවිතක්කසවිචාරා සද්ධා… සීලං… සුතං… චාගො… පඤ්ඤා… රාගො… දොසො… මොහො… මානො… දිට්ඨි… පත්ථනා විතක්කො ච සවිතක්කසවිචාරාය සද්ධාය…පෙ… පත්ථනාය විතක්කස්ස ච උපනිස්සයපච්චයෙන පච්චයො. (5)

පුරෙජාතපච්චයො

107. අවිතක්කඅවිචාරො ධම්මො අවිතක්කඅවිචාරස්ස ධම්මස්ස පුරෙජාතපච්චයෙන පච්චයො ¶ – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු අවිතක්කඅවිචාරානං ඛන්ධානං විචාරස්ස ච පුරෙජාතපච්චයෙන පච්චයො. (1)

අවිතක්කඅවිචාරො ¶ ධම්මො සවිතක්කසවිචාරස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං අනිච්චතො දුක්ඛතො අනත්තතො විපස්සති…පෙ… ඵොට්ඨබ්බෙ… ¶ වත්ථුං අනිච්චතො දුක්ඛතො අනත්තතො විපස්සති අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති. වත්ථුපුරෙජාතං – වත්ථු සවිතක්කසවිචාරානං ඛන්ධානං පුරෙජාතපච්චයෙන පච්චයො. (2)

අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං අනිච්චතො දුක්ඛතො අනත්තතො විපස්සති අස්සාදෙති අභිනන්දති, තං ආරබ්භ විතක්කො උප්පජ්ජති…පෙ… වත්ථුං අනිච්චතො දුක්ඛතො අනත්තතො විපස්සති, අස්සාදෙති අභිනන්දති, තං ආරබ්භ විතක්කො උප්පජ්ජති. වත්ථුපුරෙජාතං – වත්ථු අවිතක්කවිචාරමත්තානං ඛන්ධානං විතක්කස්ස ච පුරෙජාතපච්චයෙන පච්චයො. (3)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස පුරෙජාතපච්චයෙන පච්චයො. වත්ථුපුරෙජාතං – වත්ථු අවිතක්කවිචාරමත්තානං ඛන්ධානං විචාරස්ස ච පුරෙජාතපච්චයෙන පච්චයො. (4)

අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං අනිච්චතො දුක්ඛතො අනත්තතො විපස්සති අස්සාදෙති අභිනන්දති, තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. සොතං… ඝානං… ¶ ජිව්හං… කායං… රූපෙ… සද්දෙ… ගන්ධෙ… රසෙ… ඵොට්ඨබ්බෙ… වත්ථුං අනිච්චතො දුක්ඛතො අනත්තතො විපස්සති අස්සාදෙති ¶ අභිනන්දති, තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. වත්ථුපුරෙජාතං – වත්ථු සවිතක්කසවිචාරානං ඛන්ධානං විතක්කස්ස ච පුරෙජාතපච්චයෙන පච්චයො. (5)

පච්ඡාජාතපච්චයො

108. සවිතක්කසවිචාරො ධම්මො අවිතක්කඅවිචාරස්ස ධම්මස්ස පච්ඡාජාතපච්චයෙන පච්චයො – පච්ඡාජාතා සවිතක්කසවිචාරා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

අවිතක්කවිචාරමත්තො ¶ ධම්මො අවිතක්කඅවිචාරස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අවිතක්කවිචාරමත්තා ඛන්ධා ච විතක්කො ච පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

අවිතක්කඅවිචාරො ධම්මො අවිතක්කඅවිචාරස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අවිතක්කඅවිචාරා ඛන්ධා ච විචාරො ච පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අවිතක්කවිචාරමත්තා ඛන්ධා ච විචාරො ච පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ¶ ධම්මස්ස පච්ඡාජාතපච්චයෙන පච්චයො – පච්ඡාජාතා සවිතක්කසවිචාරා ඛන්ධා ච විතක්කො ච පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

ආසෙවනපච්චයො

109. සවිතක්කසවිචාරො ධම්මො සවිතක්කසවිචාරස්ස ධම්මස්ස ආසෙවනපච්චයෙන පච්චයො ¶ – පුරිමා පුරිමා සවිතක්කසවිචාරා ඛන්ධා පච්ඡිමානං පච්ඡිමානං සවිතක්කසවිචාරානං ඛන්ධානං ආසෙවනපච්චයෙන පච්චයො. අනුලොමං ගොත්රභුස්ස… අනුලොමං වොදානස්ස… ගොත්රභු සවිතක්කසවිචාරස්ස මග්ගස්ස… වොදානං සවිතක්කසවිචාරස්ස මග්ගස්ස ආසෙවනපච්චයෙන පච්චයො. (1)

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස ආසෙවනපච්චයෙන පච්චයො – පුරිමා පුරිමා සවිතක්කසවිචාරා ඛන්ධා පච්ඡිමස්ස පච්ඡිමස්ස විතක්කස්ස ආසෙවනපච්චයෙන පච්චයො. අවිතක්කවිචාරමත්තස්ස ඣානස්ස පරිකම්මං අවිතක්කවිචාරමත්තස්ස ඣානස්ස ආසෙවනපච්චයෙන පච්චයො. ගොත්රභු අවිතක්කවිචාරමත්තස්ස මග්ගස්ස ආසෙවනපච්චයෙන පච්චයො. වොදානං අවිතක්කවිචාරමත්තස්ස මග්ගස්ස ආසෙවනපච්චයෙන පච්චයො. (2)

සවිතක්කසවිචාරො ධම්මො අවිතක්කඅවිචාරස්ස ධම්මස්ස ආසෙවනපච්චයෙන පච්චයො – දුතියස්ස ඣානස්ස පරිකම්මං දුතියෙ ඣානෙ විචාරස්ස ආසෙවනපච්චයෙන ¶ පච්චයො. තතියස්ස ඣානස්ස පරිකම්මං තතියස්ස ඣානස්ස…පෙ… චතුත්ථස්ස ඣානස්ස පරිකම්මං චතුත්ථස්ස ඣානස්ස…පෙ… ¶ ආකාසානඤ්චායතනස්ස පරිකම්මං ආකාසානඤ්චායතනස්ස…පෙ… විඤ්ඤාණඤ්චායතනස්ස පරිකම්මං විඤ්ඤාණඤ්චායතනස්ස…පෙ… ආකිඤ්චඤ්ඤායතනස්ස පරිකම්මං ආකිඤ්චඤ්ඤායතනස්ස…පෙ… නෙවසඤ්ඤානාසඤ්ඤායතනස්ස පරිකම්මං නෙවසඤ්ඤානාසඤ්ඤායතනස්ස…පෙ… දිබ්බස්ස චක්ඛුස්ස පරිකම්මං දිබ්බස්ස චක්ඛුස්ස…පෙ… දිබ්බාය සොතධාතුයා පරිකම්මං දිබ්බාය සොතධාතුයා…පෙ… ඉද්ධිවිධඤාණස්ස පරිකම්මං…පෙ… චෙතොපරියඤාණස්ස පරිකම්මං…පෙ… පුබ්බෙනිවාසානුස්සතිඤාණස්ස පරිකම්මං…පෙ… යථාකම්මූපගඤාණස්ස පරිකම්මං…පෙ… අනාගතංසඤාණස්ස පරිකම්මං…පෙ… ගොත්රභු අවිතක්කඅවිචාරස්ස මග්ගස්ස විචාරස්ස ච… වොදානං අවිතක්කඅවිචාරස්ස මග්ගස්ස විචාරස්ස ච ආසෙවනපච්චයෙන පච්චයො. (3)

සවිතක්කසවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ආසෙවනපච්චයෙන පච්චයො – අවිතක්කවිචාරමත්තස්ස ඣානස්ස පරිකම්මං අවිතක්කවිචාරමත්තස්ස ඣානස්ස විචාරස්ස ච ආසෙවනපච්චයෙන පච්චයො. ගොත්රභු අවිතක්කවිචාරමත්තස්ස ¶ මග්ගස්ස විචාරස්ස ච… වොදානං අවිතක්කවිචාරමත්තස්ස මග්ගස්ස විචාරස්ස ච ආසෙවනපච්චයෙන පච්චයො. (4)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආසෙවනපච්චයෙන පච්චයො – පුරිමා පුරිමා සවිතක්කසවිචාරා ඛන්ධා පච්ඡිමානං පච්ඡිමානං සවිතක්කසවිචාරානං ඛන්ධානං ¶ විතක්කස්ස ච ආසෙවනපච්චයෙන පච්චයො. අනුලොමං ගොත්රභුස්ස විතක්කස්ස ච… අනුලොමං වොදානස්ස විතක්කස්ස ච… ගොත්රභු සවිතක්කසවිචාරස්ස මග්ගස්ස විතක්කස්ස ච… වොදානං සවිතක්කසවිචාරස්ස මග්ගස්ස විතක්කස්ස ච ආසෙවනපච්චයෙන පච්චයො. (5)

110. අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස ආසෙවනපච්චයෙන පච්චයො – පුරිමො පුරිමො විතක්කො පච්ඡිමස්ස පච්ඡිමස්ස විතක්කස්ස ආසෙවනපච්චයෙන පච්චයො. පුරිමා පුරිමා අවිතක්කවිචාරමත්තා ඛන්ධා පච්ඡිමානං පච්ඡිමානං අවිතක්කවිචාරමත්තානං ඛන්ධානං ආසෙවනපච්චයෙන පච්චයො. (1)

අවිතක්කවිචාරමත්තො ¶ ධම්මො සවිතක්කසවිචාරස්ස ධම්මස්ස ආසෙවනපච්චයෙන පච්චයො – පුරිමො පුරිමො විතක්කො පච්ඡිමානං පච්ඡිමානං සවිතක්කසවිචාරානං ඛන්ධානං ආසෙවනපච්චයෙන පච්චයො. (2)

අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස ආසෙවනපච්චයෙන පච්චයො – පුරිමා පුරිමා අවිතක්කවිචාරමත්තා ඛන්ධා පච්ඡිමස්ස පච්ඡිමස්ස විචාරස්ස ආසෙවනපච්චයෙන පච්චයො. (3)

අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ආසෙවනපච්චයෙන පච්චයො – පුරිමා පුරිමා අවිතක්කවිචාරමත්තා ඛන්ධා පච්ඡිමානං පච්ඡිමානං අවිතක්කවිචාරමත්තානං ඛන්ධානං විචාරස්ස ච ආසෙවනපච්චයෙන පච්චයො. (4)

අවිතක්කවිචාරමත්තො ධම්මො සවිතක්කසවිචාරස්ස ච අවිතක්කවිචාරමත්තස්ස ¶ ච ධම්මස්ස ¶ ආසෙවනපච්චයෙන පච්චයො – පුරිමො පුරිමො විතක්කො පච්ඡිමානං පච්ඡිමානං සවිතක්කසවිචාරානං ඛන්ධානං විතක්කස්ස ච ආසෙවනපච්චයෙන පච්චයො. (5)

111. අවිතක්කඅවිචාරො ධම්මො අවිතක්කඅවිචාරස්ස ධම්මස්ස ආසෙවනපච්චයෙන පච්චයො – පුරිමො පුරිමො විචාරො පච්ඡිමස්ස පච්ඡිමස්ස විචාරස්ස ආසෙවනපච්චයෙන පච්චයො. පුරිමා පුරිමා අවිතක්කඅවිචාරා ඛන්ධා පච්ඡිමානං පච්ඡිමානං අවිතක්කඅවිචාරානං ඛන්ධානං ආසෙවනපච්චයෙන පච්චයො. (1)

අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස ආසෙවනපච්චයෙන පච්චයො – පුරිමො පුරිමො විචාරො පච්ඡිමානං පච්ඡිමානං අවිතක්කවිචාරමත්තානං ඛන්ධානං ආසෙවනපච්චයෙන පච්චයො. (2)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ආසෙවනපච්චයෙන පච්චයො – පුරිමො පුරිමො විචාරො පච්ඡිමානං පච්ඡිමානං අවිතක්කවිචාරමත්තානං ඛන්ධානං විචාරස්ස ච ආසෙවනපච්චයෙන පච්චයො. (3)

112. අවිතක්කවිචාරමත්තො ¶ ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස ආසෙවනපච්චයෙන පච්චයො – පුරිමා පුරිමා අවිතක්කවිචාරමත්තා ඛන්ධා ච විචාරො ච පච්ඡිමානං පච්ඡිමානං අවිතක්කවිචාරමත්තානං ඛන්ධානං ආසෙවනපච්චයෙන පච්චයො. (1)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ¶ ධම්මස්ස ආසෙවනපච්චයෙන පච්චයො – පුරිමා පුරිමා අවිතක්කවිචාරමත්තා ඛන්ධා ච විචාරො ච පච්ඡිමස්ස පච්ඡිමස්ස විචාරස්ස ආසෙවනපච්චයෙන පච්චයො. (2)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ආසෙවනපච්චයෙන පච්චයො – පුරිමා පුරිමා අවිතක්කවිචාරමත්තා ඛන්ධා ච විචාරො ච පච්ඡිමානං පච්ඡිමානං අවිතක්කවිචාරමත්තානං ඛන්ධානං විචාරස්ස ච ආසෙවනපච්චයෙන පච්චයො. (3)

113. සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස ආසෙවනපච්චයෙන පච්චයො – පුරිමා පුරිමා සවිතක්කසවිචාරා ඛන්ධා ච විතක්කො ච පච්ඡිමානං පච්ඡිමානං සවිතක්කසවිචාරානං ඛන්ධානං ආසෙවනපච්චයෙන පච්චයො. අනුලොමඤ්ච විතක්කො ච ගොත්රභුස්ස… අනුලොමඤ්ච විතක්කො ච වොදානස්ස… ගොත්රභු ච විතක්කො ච සවිතක්කසවිචාරස්ස මග්ගස්ස… වොදානඤ්ච විතක්කො ච සවිතක්කසවිචාරස්ස මග්ගස්ස ආසෙවනපච්චයෙන පච්චයො. (1)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කවිචාරමත්තස්ස ධම්මස්ස ආසෙවනපච්චයෙන පච්චයො – පුරිමා පුරිමා සවිතක්කසවිචාරා ඛන්ධා ච විතක්කො ච පච්ඡිමස්ස පච්ඡිමස්ස විතක්කස්ස ආසෙවනපච්චයෙන පච්චයො. අවිතක්කවිචාරමත්තස්ස ඣානස්ස පරිකම්මඤ්ච විතක්කො ච අවිතක්කවිචාරමත්තස්ස ඣානස්ස ආසෙවනපච්චයෙන පච්චයො. ගොත්රභු ච විතක්කො ච අවිතක්ක විචාරමත්තස්ස මග්ගස්ස… වොදානඤ්ච විතක්කො ච අවිතක්කවිචාරමත්තස්ස මග්ගස්ස ආසෙවනපච්චයෙන පච්චයො. (2)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස ආසෙවනපච්චයෙන පච්චයො – දුතියස්ස ඣානස්ස පරිකම්මඤ්ච විතක්කො ¶ ච දුතියෙ ඣානෙ විචාරස්ස ආසෙවනපච්චයෙන පච්චයො…පෙ… නෙවසඤ්ඤානාසඤ්ඤායතනස්ස පරිකම්මඤ්ච විතක්කො ච…පෙ… දිබ්බස්ස චක්ඛුස්ස පරිකම්මඤ්ච විතක්කො ච…පෙ… අනාගතංසඤාණස්ස පරිකම්මඤ්ච විතක්කො ච අනාගතංසඤාණස්ස ආසෙවනපච්චයෙන ¶ පච්චයො. ගොත්රභු ච විතක්කො ච අවිතක්කඅවිචාරස්ස මග්ගස්ස විචාරස්ස ච ආසෙවනපච්චයෙන පච්චයො. වොදානඤ්ච විතක්කො ච අවිතක්කඅවිචාරස්ස මග්ගස්ස විචාරස්ස ච ආසෙවනපච්චයෙන පච්චයො. (3)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ආසෙවනපච්චයෙන පච්චයො – අවිතක්කවිචාරමත්තස්ස ඣානස්ස ¶ පරිකම්මඤ්ච විතක්කො ච අවිතක්කවිචාරමත්තස්ස ඣානස්ස විචාරස්ස ච… ගොත්රභු ච විතක්කො ච අවිතක්කවිචාරමත්තස්ස මග්ගස්ස විචාරස්ස ච… වොදානඤ්ච විතක්කො ච අවිතක්කවිචාරමත්තස්ස මග්ගස්ස විචාරස්ස ච ආසෙවනපච්චයෙන පච්චයො. (4)

සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආසෙවනපච්චයෙන පච්චයො ¶ – පුරිමා පුරිමා සවිතක්කසවිචාරා ඛන්ධා ච විතක්කො ච පච්ඡිමානං පච්ඡිමානං සවිතක්කසවිචාරානං ඛන්ධානං විතක්කස්ස ච ආසෙවනපච්චයෙන පච්චයො. අනුලොමඤ්ච විතක්කො ච ගොත්රභුස්ස විතක්කස්ස ච… අනුලොමඤ්ච විතක්කො ච වොදානස්ස විතක්කස්ස ච… ගොත්රභු ච විතක්කො ච සවිතක්කසවිචාරස්ස මග්ගස්ස විතක්කස්ස ච… වොදානඤ්ච විතක්කො ච සවිතක්කසවිචාරස්ස මග්ගස්ස විතක්කස්ස ච ආසෙවනපච්චයෙන පච්චයො. (5)

කම්මපච්චයො

114. සවිතක්කසවිචාරො ධම්මො සවිතක්කසවිචාරස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සවිතක්කසවිචාරා චෙතනා සම්පයුත්තකානං ඛන්ධානං කම්මපච්චයෙන පච්චයො. පටිසන්ධික්ඛණෙ සවිතක්කසවිචාරා චෙතනා සම්පයුත්තකානං ඛන්ධානං කම්මපච්චයෙන පච්චයො. නානාක්ඛණිකා – සවිතක්කසවිචාරා චෙතනා විපාකානං සවිතක්කසවිචාරානං ඛන්ධානං කම්මපච්චයෙන පච්චයො. (1)

සවිතක්කසවිචාරො ¶ ධම්මො අවිතක්කවිචාරමත්තස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සවිතක්කසවිචාරා චෙතනා විතක්කස්ස කම්මපච්චයෙන පච්චයො. පටිසන්ධික්ඛණෙ සවිතක්කසවිචාරා චෙතනා විතක්කස්ස කම්මපච්චයෙන පච්චයො. නානාක්ඛණිකා – සවිතක්කසවිචාරා චෙතනා විපාකස්ස විතක්කස්ස කම්මපච්චයෙන පච්චයො. (2)

සවිතක්කසවිචාරො ධම්මො අවිතක්කඅවිචාරස්ස ධම්මස්ස කම්මපච්චයෙන ¶ පච්චයො – සහජාතා, නානාක්ඛණිකා. සහජාතා – සවිතක්කසවිචාරා චෙතනා චිත්තසමුට්ඨානානං රූපානං කම්මපච්චයෙන පච්චයො. පටිසන්ධික්ඛණෙ සවිතක්කසවිචාරා චෙතනා කටත්තා රූපානං කම්මපච්චයෙන ¶ පච්චයො. නානාක්ඛණිකා – සවිතක්කසවිචාරා චෙතනා විපාකානං අවිතක්කඅවිචාරානං ඛන්ධානං කටත්තා ච රූපානං කම්මපච්චයෙන පච්චයො. (3)

සවිතක්කසවිචාරො ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සවිතක්කසවිචාරා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. පටිසන්ධික්ඛණෙ සවිතක්කසවිචාරා චෙතනා සම්පයුත්තකානං ඛන්ධානං කටත්තා ච රූපානං කම්මපච්චයෙන පච්චයො. නානාක්ඛණිකා – සවිතක්කසවිචාරා චෙතනා විපාකානං සවිතක්කසවිචාරානං ඛන්ධානං කටත්තා ච රූපානං කම්මපච්චයෙන පච්චයො. (4)

සවිතක්කසවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සවිතක්කසවිචාරා චෙතනා විතක්කස්ස ච චිත්තසමුට්ඨානානඤ්ච රූපානං කම්මපච්චයෙන පච්චයො. පටිසන්ධික්ඛණෙ සවිතක්කසවිචාරා චෙතනා විතක්කස්ස ච කටත්තා ච රූපානං කම්මපච්චයෙන පච්චයො. නානාක්ඛණිකා – සවිතක්කසවිචාරා චෙතනා විපාකස්ස ¶ විතක්කස්ස ච කටත්තා ච රූපානං කම්මපච්චයෙන පච්චයො. (5)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සවිතක්කසවිචාරා චෙතනා සම්පයුත්තකානං ඛන්ධානං විතක්කස්ස ච කම්මපච්චයෙන පච්චයො. පටිසන්ධික්ඛණෙ සවිතක්කසවිචාරා චෙතනා සම්පයුත්තකානං ¶ ඛන්ධානං විතක්කස්ස ච කම්මපච්චයෙන පච්චයො. නානාක්ඛණිකා – සවිතක්කසවිචාරා චෙතනා විචාකානං සවිතක්කසවිචාරානං ඛන්ධානං විතක්කස්ස ච කම්මපච්චයෙන පච්චයො. (6)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සවිතක්කසවිචාරා චෙතනා සම්පයුත්තකානං ඛන්ධානං විතක්කස්ස ච චිත්තසමුට්ඨානානඤ්ච ¶ රූපානං කම්මපච්චයෙන පච්චයො. පටිසන්ධික්ඛණෙ සවිතක්කසවිචාරා චෙතනා සම්පයුත්තකානං ඛන්ධානං විතක්කස්ස ච කටත්තා ච රූපානං කම්මපච්චයෙන පච්චයො. නානාක්ඛණිකා – සවිතක්කසවිචාරා චෙතනා විපාකානං සවිතක්කසවිචාරානං ඛන්ධානං විතක්කස්ස ච කටත්තා ච රූපානං කම්මපච්චයෙන පච්චයො. (7)

115. අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අවිතක්කවිචාරමත්තා ¶ චෙතනා සම්පයුත්තකානං ඛන්ධානං කම්මපච්චයෙන පච්චයො. පටිසන්ධික්ඛණෙ…පෙ…. නානාක්ඛණිකා – අවිතක්කවිචාරමත්තා චෙතනා විපාකානං අවිතක්කවිචාරමත්තානං ඛන්ධානං කම්මපච්චයෙන පච්චයො. (1)

අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අවිතක්කවිචාරමත්තා චෙතනා විචාරස්ස ච චිත්තසමුට්ඨානානඤ්ච රූපානං කම්මපච්චයෙන පච්චයො. පටිසන්ධික්ඛණෙ අවිතක්කවිචාරමත්තා චෙතනා විපාකස්ස විචාරස්ස ච කටත්තා ච රූපානං කම්මපච්චයෙන පච්චයො. නානාක්ඛණිකා – අවිතක්කවිචාරමත්තා චෙතනා විපාකස්ස විචාරස්ස ච කටත්තා ච රූපානං කම්මපච්චයෙන පච්චයො. (2)

අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අවිතක්කවිචාරමත්තා චෙතනා සම්පයුත්තකානං ඛන්ධානං විචාරස්ස ච චිත්තසමුට්ඨානානඤ්ච රූපානං කම්මපච්චයෙන පච්චයො. පටිසන්ධික්ඛණෙ අවිතක්කවිචාරමත්තා චෙතනා සම්පයුත්තකානං ඛන්ධානං විචාරස්ස ච කටත්තා ච රූපානං කම්මපච්චයෙන පච්චයො. නානාක්ඛණිකා ¶ – අවිතක්කවිචාරමත්තා චෙතනා විපාකානං අවිතක්කවිචාරමත්තානං ඛන්ධානං විචාරස්ස ච කටත්තා ච රූපානං කම්මපච්චයෙන පච්චයො. (3)

අවිතක්කඅවිචාරො ධම්මො අවිතක්කඅවිචාරස්ස ධම්මස්ස කම්මපච්චයෙන ¶ පච්චයො – සහජාතා, නානාක්ඛණිකා. සහජාතා – අවිතක්කඅවිචාරා චෙතනා සම්පයුත්තකානං ඛන්ධානං චිත්තසමුට්ඨානානඤ්ච ¶ රූපානං කම්මපච්චයෙන පච්චයො. පටිසන්ධික්ඛණෙ අවිතක්කඅවිචාරා චෙතනා සම්පයුත්තකානං ඛන්ධානං කටත්තා ච රූපානං කම්මපච්චයෙන පච්චයො. නානාක්ඛණිකා – අවිතක්කඅවිචාරා චෙතනා විපාකානං අවිතක්කඅවිචාරානං ඛන්ධානං කටත්තා ච රූපානං කම්මපච්චයෙන පච්චයො. (1)

විපාකපච්චයො

116. සවිතක්කසවිචාරො ධම්මො සවිතක්කසවිචාරස්ස ධම්මස්ස විපාකපච්චයෙන පච්චයො – විපාකො සවිතක්කසවිචාරො එකො ඛන්ධො තිණ්ණන්නං ඛන්ධානං විපාකපච්චයෙන පච්චයො…පෙ… පටිසන්ධික්ඛණෙ සවිතක්කසවිචාරො එකො ඛන්ධො තිණ්ණන්නං ඛන්ධානං විපාකපච්චයෙන පච්චයො…පෙ….

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස විපාකපච්චයෙන පච්චයො – විපාකා සවිතක්කසවිචාරා ඛන්ධා විතක්කස්ස විපාකපච්චයෙන පච්චයො. පටිසන්ධික්ඛණෙ…පෙ….

(සවිතක්කසවිචාරමූලකා සත්තපි පඤ්හා පරිපුණ්ණා.)

අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස විපාකපච්චයෙන පච්චයො – විපාකො අවිතක්කවිචාරමත්තො එකො ඛන්ධො තිණ්ණන්නං ඛන්ධානං විපාකපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ විපාකො අවිතක්කවිචාරමත්තො එකො ඛන්ධො…පෙ….

(අවිතක්කවිචාරමත්තමූලකා ¶ පඤ්ච පඤ්හා කාතබ්බා, විපාකන්ති නියාමෙතබ්බා.)

117. අවිතක්කඅවිචාරො ධම්මො අවිතක්කඅවිචාරස්ස ධම්මස්ස විපාකපච්චයෙන පච්චයො – විපාකො අවිතක්කඅවිචාරො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො…පෙ… ද්වෙ ඛන්ධා ¶ …පෙ… විපාකො විචාරො චිත්තසමුට්ඨානානං ¶ රූපානං විපාකපච්චයෙන පච්චයො. පටිසන්ධික්ඛණෙ…පෙ… ඛන්ධා වත්ථුස්ස විපාකපච්චයෙන පච්චයො. විචාරො වත්ථුස්ස විපාකපච්චයෙන පච්චයො. (1)

අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස විපාකපච්චයෙන පච්චයො – විපාකො විචාරො අවිතක්කවිචාරමත්තානං ඛන්ධානං විපාකපච්චයෙන පච්චයො. පටිසන්ධික්ඛණෙ විපාකො විචාරො අවිතක්කවිචාරමත්තානං ඛන්ධානං විපාකපච්චයෙන පච්චයො. (2)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස විපාකපච්චයෙන පච්චයො – විපාකො විචාරො අවිතක්කවිචාරමත්තානං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො. පටිසන්ධික්ඛණෙ විපාකො විචාරො අවිතක්කවිචාරමත්තානං ඛන්ධානං කටත්තා ච රූපානං විපාකපච්චයෙන පච්චයො. (3)

118. අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස විපාකපච්චයෙන පච්චයො – විපාකො අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං විපාකපච්චයෙන ¶ පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (1)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස විපාකපච්චයෙන පච්චයො – විපාකා අවිතක්කවිචාරමත්තා ඛන්ධා ච විචාරො ච චිත්තසමුට්ඨානානං රූපානං විපාකපච්චයෙන පච්චයො. පටිසන්ධික්ඛණෙ අවිතක්කවිචාරමත්තා ඛන්ධා ච විචාරො ච කටත්තාරූපානං විපාකපච්චයෙන පච්චයො. (2)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස විපාකපච්චයෙන පච්චයො – විපාකො අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො…පෙ… පටිසන්ධික්ඛණෙ විපාකො අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං කටත්තා ච රූපානං විපාකපච්චයෙන පච්චයො. (3)

සවිතක්කසවිචාරො ¶ ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස විපාකපච්චයෙන පච්චයො – විපාකො සවිතක්කසවිචාරො එකො ¶ ඛන්ධො ච විතක්කො ච තිණ්ණන්නං ඛන්ධානං විපාකපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (1)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස විපාකපච්චයෙන පච්චයො – විපාකා සවිතක්කසවිචාරා ඛන්ධා ච විතක්කො ච චිත්තසමුට්ඨානානං රූපානං විපාකපච්චයෙන ¶ පච්චයො. පටිසන්ධික්ඛණෙ…පෙ…. (2)

සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කඅවිචාරස්ස ච ධම්මස්ස විපාකපච්චයෙන පච්චයො – විපාකො සවිතක්කසවිචාරො එකො ඛන්ධො ච විතක්කො ච තිණ්ණන්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො. පටිසන්ධික්ඛණෙ…පෙ…. (3)

ආහාරපච්චයො

119. සවිතක්කසවිචාරො ධම්මො සවිතක්කසවිචාරස්ස ධම්මස්ස ආහාරපච්චයෙන පච්චයො – සවිතක්කසවිචාරා ආහාරා සම්පයුත්තකානං ඛන්ධානං ආහාරපච්චයෙන පච්චයො. පටිසන්ධික්ඛණෙ…පෙ…. (1)

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස ආහාරපච්චයෙන පච්චයො – සවිතක්කසවිචාරා ආහාරා විතක්කස්ස ආහාරපච්චයෙන පච්චයො. පටිසන්ධික්ඛණෙ…පෙ….

(සවිතක්කසවිචාරමූලකා ඉමිනා කාරණෙන සත්ත පඤ්හා විභජිතබ්බා.)

අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස ආහාරපච්චයෙන පච්චයො – අවිතක්කවිචාරමත්තා ආහාරා සම්පයුත්තකානං ඛන්ධානං ආහාරපච්චයෙන පච්චයො. පටිසන්ධික්ඛණෙ…පෙ…. (1)

අවිතක්කවිචාරමත්තො ¶ ධම්මො අවිතක්කඅවිචාරස්ස ධම්මස්ස ආහාරපච්චයෙන පච්චයො – අවිතක්කවිචාරමත්තා ආහාරා විචාරස්ස ච චිත්තසමුට්ඨානානඤ්ච රූපානං ආහාරපච්චයෙන පච්චයො. පටිසන්ධික්ඛණෙ…පෙ…. (2)

අවිතක්කවිචාරමත්තො ¶ ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ආහාරපච්චයෙන පච්චයො – අවිතක්කවිචාරමත්තා ආහාරා ¶ සම්පයුත්තකානං ඛන්ධානං විචාරස්ස ච චිත්තසමුට්ඨානානඤ්ච රූපානං ආහාරපච්චයෙන පච්චයො. පටිසන්ධික්ඛණෙ…පෙ…. (3)

අවිතක්කඅවිචාරො ධම්මො අවිතක්කඅවිචාරස්ස ධම්මස්ස ආහාරපච්චයෙන පච්චයො – අවිතක්කඅවිචාරා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො. පටිසන්ධික්ඛණෙ…පෙ… කබළීකාරො ආහාරො ඉමස්ස කායස්ස ආහාරපච්චයෙන පච්චයො.

ඉන්ද්රියපච්චයො

120. සවිතක්කසවිචාරො ධම්මො සවිතක්කසවිචාරස්ස ධම්මස්ස ඉන්ද්රියපච්චයෙන පච්චයො – සවිතක්කසවිචාරා ඉන්ද්රියා සම්පයුත්තකානං ඛන්ධානං ඉන්ද්රියපච්චයෙන පච්චයො. පටිසන්ධික්ඛණෙ…පෙ…. (1)

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස ඉන්ද්රියපච්චයෙන පච්චයො – සවිතක්කසවිචාරා ඉන්ද්රියා විතක්කස්ස ඉන්ද්රියපච්චයෙන පච්චයො. පටිසන්ධික්ඛණෙ…පෙ…. (7)

(සවිතක්කසවිචාරමූලකා සත්ත පඤ්හා ඉමිනා කාරණෙන විභජිතබ්බා.)

අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස ඉන්ද්රියපච්චයෙන පච්චයො – අවිතක්කවිචාරමත්තා ඉන්ද්රියා සම්පයුත්තකානං ඛන්ධානං ඉන්ද්රියපච්චයෙන පච්චයො. පටිසන්ධික්ඛණෙ…පෙ…. (1)

අවිතක්කවිචාරමත්තො ¶ ධම්මො අවිතක්කඅවිචාරස්ස ධම්මස්ස ඉන්ද්රියපච්චයෙන ¶ පච්චයො – අවිතක්කවිචාරමත්තා ඉන්ද්රියා විචාරස්ස ච චිත්තසමුට්ඨානානඤ්ච රූපානං ඉන්ද්රියපච්චයෙන පච්චයො. පටිසන්ධික්ඛණෙ…පෙ…. (2)

අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ඉන්ද්රියපච්චයෙන පච්චයො – අවිතක්කවිචාරමත්තා ඉන්ද්රියා සම්පයුත්තකානං ඛන්ධානං විචාරස්ස ච චිත්තසමුට්ඨානානඤ්ච රූපානං ඉන්ද්රියපච්චයෙන පච්චයො. පටිසන්ධික්ඛණෙ…පෙ…. (3)

අවිතක්කඅවිචාරො ධම්මො අවිතක්කඅවිචාරස්ස ධම්මස්ස ඉන්ද්රියපච්චයෙන පච්චයො – අවිතක්කඅවිචාරා ඉන්ද්රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්රියපච්චයෙන පච්චයො. පටිසන්ධික්ඛණෙ…පෙ… චක්ඛුන්ද්රියං චක්ඛුවිඤ්ඤාණස්ස ¶ …පෙ… කායින්ද්රියං කායවිඤ්ඤාණස්ස ඉන්ද්රියපච්චයෙන පච්චයො. රූපජීවිතින්ද්රියං කටත්තාරූපානං ඉන්ද්රියපච්චයෙන පච්චයො. (1)

ඣානපච්චයො

121. සවිතක්කසවිචාරො ධම්මො සවිතක්කසවිචාරස්ස ධම්මස්ස ඣානපච්චයෙන පච්චයො – සවිතක්කසවිචාරානි ඣානඞ්ගානි සම්පයුත්තකානං ඛන්ධානං ඣානපච්චයෙන පච්චයො. පටිසන්ධික්ඛණෙ…පෙ…. (7)

(සවිතක්කසවිචාරමූලකා සත්ත පඤ්හා ඉමිනා කාරණෙන විභජිතබ්බා.)

අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස ඣානපච්චයෙන පච්චයො – අවිතක්කවිචාරමත්තානි ඣානඞ්ගානි සම්පයුත්තකානං ඛන්ධානං ඣානපච්චයෙන පච්චයො. පටිසන්ධික්ඛණෙ…පෙ…. (5)

(අවිතක්කවිචාරමත්තමූලකා ¶ පඤ්ච පඤ්හා ඉමිනා කාරණෙන විභජිතබ්බා.)

අවිතක්කඅවිචාරො ¶ ධම්මො අවිතක්කඅවිචාරස්ස ධම්මස්ස ඣානපච්චයෙන පච්චයො – අවිතක්කඅවිචාරානි ඣානඞ්ගානි සම්පයුත්තකානං ඛන්ධානං චිත්තසමුට්ඨානානඤ්ච රූපානං ඣානපච්චයෙන පච්චයො. විචාරො චිත්තසමුට්ඨානානං රූපානං ඣානපච්චයෙන පච්චයො. පටිසන්ධික්ඛණෙ විචාරො කටත්තාරූපානං ඣානපච්චයෙන පච්චයො. විචාරො වත්ථුස්ස ඣානපච්චයෙන පච්චයො. (1)

අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස ඣානපච්චයෙන පච්චයො – විචාරො අවිතක්කවිචාරමත්තානං ඛන්ධානං ඣානපච්චයෙන පච්චයො. පටිසන්ධික්ඛණෙ විචාරො අවිතක්කවිචාරමත්තානං ඛන්ධානං ඣානපච්චයෙන පච්චයො. (2)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ඣානපච්චයෙන පච්චයො – විචාරො අවිතක්කවිචාරමත්තානං ඛන්ධානං චිත්තසමුට්ඨානානඤ්ච රූපානං ඣානපච්චයෙන පච්චයො. පටිසන්ධික්ඛණෙ විචාරො අවිතක්කවිචාරමත්තානං ඛන්ධානං කටත්තා ච රූපානං ඣානපච්චයෙන පච්චයො. (3)

122. අවිතක්කවිචාරමත්තො ¶ ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස ඣානපච්චයෙන පච්චයො – අවිතක්කවිචාරමත්තානි ඣානඞ්ගානි විචාරො ච සම්පයුත්තකානං ඛන්ධානං ඣානපච්චයෙන පච්චයො. පටිසන්ධික්ඛණෙ…පෙ…. (1)

අවිතක්කවිචාරමත්තො ¶ ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස ඣානපච්චයෙන පච්චයො – අවිතක්කවිචාරමත්තානි ඣානඞ්ගානි විචාරො ච චිත්තසමුට්ඨානානං රූපානං ඣානපච්චයෙන පච්චයො. පටිසන්ධික්ඛණෙ…පෙ…. (2)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ඣානපච්චයෙන පච්චයො – අවිතක්කවිචාරමත්තානි ඣානඞ්ගානි විචාරො ච සම්පයුත්තකානං ඛන්ධානං චිත්තසමුට්ඨානානඤ්ච රූපානං ඣානපච්චයෙන පච්චයො. පටිසන්ධික්ඛණෙ අවිතක්කවිචාරමත්තානි ඣානඞ්ගානි විචාරො ච සම්පයුත්තකානං ඛන්ධානං කටත්තා ච රූපානං ඣානපච්චයෙන පච්චයො. (3)

සවිතක්කසවිචාරො ¶ ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස ඣානපච්චයෙන පච්චයො – සවිතක්කසවිචාරානි ඣානඞ්ගානි විතක්කො ච සම්පයුත්තකානං ඛන්ධානං ඣානපච්චයෙන පච්චයො. පටිසන්ධික්ඛණෙ…පෙ…. (1)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස ඣානපච්චයෙන පච්චයො – සවිතක්කසවිචාරානි ඣානඞ්ගානි විතක්කො ච චිත්තසමුට්ඨානානං රූපානං ඣානපච්චයෙන පච්චයො. පටිසන්ධික්ඛණෙ…පෙ…. (2)

සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කඅවිචාරස්ස ච ධම්මස්ස ඣානපච්චයෙන පච්චයො – සවිතක්කසවිචාරානි ¶ ඣානඞ්ගානි විතක්කො ච සම්පයුත්තකානං ඛන්ධානං චිත්තසමුට්ඨානානඤ්ච රූපානං ඣානපච්චයෙන පච්චයො. පටිසන්ධික්ඛණෙ…පෙ…. (3)

මග්ගපච්චයො

123. සවිතක්කසවිචාරො ¶ ධම්මො සවිතක්කසවිචාරස්ස ධම්මස්ස මග්ගපච්චයෙන පච්චයො – සවිතක්කසවිචාරානි මග්ගඞ්ගානි සම්පයුත්තකානං ඛන්ධානං මග්ගපච්චයෙන පච්චයො. පටිසන්ධික්ඛණෙ…පෙ….

(සවිතක්කසවිචාරමූලකා සත්ත පඤ්හා ඉමිනා කාරණෙන විභජිතබ්බා.)

අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස මග්ගපච්චයෙන පච්චයො – අවිතක්කවිචාරමත්තානි ¶ මග්ගඞ්ගානි සම්පයුත්තකානං ඛන්ධානං මග්ගපච්චයෙන පච්චයො. පටිසන්ධික්ඛණෙ…පෙ….

(අවිතක්කවිචාරමත්තමූලකා පඤ්ච පඤ්හා ඉමිනා කාරණෙන විභජිතබ්බා.)

අවිතක්කඅවිචාරො ධම්මො අවිතක්කඅවිචාරස්ස ධම්මස්ස මග්ගපච්චයෙන පච්චයො – අවිතක්කඅවිචාරානි මග්ගඞ්ගානි සම්පයුත්තකානං ඛන්ධානං චිත්තසමුට්ඨානානඤ්ච රූපානං මග්ගපච්චයෙන පච්චයො. පටිසන්ධික්ඛණෙ…පෙ…. (1)

සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස මග්ගපච්චයෙන පච්චයො – සවිතක්කසවිචාරානි මග්ගඞ්ගානි විතක්කො ච සම්පයුත්තකානං ඛන්ධානං මග්ගපච්චයෙන පච්චයො. පටිසන්ධික්ඛණෙ…පෙ…. (1)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස මග්ගපච්චයෙන පච්චයො – සවිතක්කසවිචාරානි මග්ගඞ්ගානි ¶ විතක්කො ච චිත්තසමුට්ඨානානං රූපානං මග්ගපච්චයෙන පච්චයො. පටිසන්ධික්ඛණෙ…පෙ…. (2)

සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කඅවිචාරස්ස ච ධම්මස්ස මග්ගපච්චයෙන පච්චයො – සවිතක්කසවිචාරානි මග්ගඞ්ගානි විතක්කො ච සම්පයුත්තකානං ඛන්ධානං චිත්තසමුට්ඨානානඤ්ච රූපානං මග්ගපච්චයෙන පච්චයො. පටිසන්ධික්ඛණෙ…පෙ…. (3)

සම්පයුත්තපච්චයො

124. සවිතක්කසවිචාරො ධම්මො සවිතක්කසවිචාරස්ස ධම්මස්ස සම්පයුත්තපච්චයෙන පච්චයො – සවිතක්කසවිචාරො එකො ඛන්ධො තිණ්ණන්නං ඛන්ධානං ¶ සම්පයුත්තපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං…පෙ… පටිසන්ධික්ඛණෙ…පෙ…. (1)

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස සම්පයුත්තපච්චයෙන පච්චයො – සවිතක්කසවිචාරා ඛන්ධා විතක්කස්ස සම්පයුත්තපච්චයෙන පච්චයො. පටිසන්ධික්ඛණෙ…පෙ…. (2)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස සම්පයුත්තපච්චයෙන පච්චයො – සවිතක්කසවිචාරො එකො ඛන්ධො තිණ්ණන්නං ඛන්ධානං විතක්කස්ස ච ¶ සම්පයුත්තපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං විතක්කස්ස ච…පෙ… පටිසන්ධික්ඛණෙ…පෙ…. (3)

125. අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස සම්පයුත්තපච්චයෙන පච්චයො – අවිතක්කවිචාරමත්තො එකො ඛන්ධො තිණ්ණන්නං ¶ ඛන්ධානං සම්පයුත්තපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං…පෙ… පටිසන්ධික්ඛණෙ…පෙ…. (1)

අවිතක්කවිචාරමත්තො ධම්මො සවිතක්කසවිචාරස්ස ධම්මස්ස සම්පයුත්තපච්චයෙන පච්චයො – විතක්කො සවිතක්කසවිචාරානං ඛන්ධානං සම්පයුත්තපච්චයෙන පච්චයො. පටිසන්ධික්ඛණෙ…පෙ…. (2)

අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස සම්පයුත්තපච්චයෙන පච්චයො – අවිතක්කවිචාරමත්තා ඛන්ධා විචාරස්ස සම්පයුත්තපච්චයෙන පච්චයො. පටිසන්ධික්ඛණෙ…පෙ…. (3)

අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස සම්පයුත්තපච්චයෙන පච්චයො – අවිතක්කවිචාරමත්තො එකො ඛන්ධො තිණ්ණන්නං ඛන්ධානං විචාරස්ස ච සම්පයුත්තපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං විචාරස්ස ච…පෙ… පටිසන්ධික්ඛණෙ…පෙ…. (4)

126. අවිතක්කඅවිචාරො ධම්මො අවිතක්කඅවිචාරස්ස ධම්මස්ස සම්පයුත්තපච්චයෙන පච්චයො – අවිතක්කඅවිචාරො එකො ඛන්ධො තිණ්ණන්නං ඛන්ධානං සම්පයුත්තපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං…පෙ… පටිසන්ධික්ඛණෙ…පෙ…. (1)

අවිතක්කඅවිචාරො ¶ ධම්මො අවිතක්කවිචාරමත්තස්ස ධම්මස්ස සම්පයුත්තපච්චයෙන පච්චයො – විචාරො අවිතක්කවිචාරමත්තානං ඛන්ධානං සම්පයුත්තපච්චයෙන පච්චයො. පටිසන්ධික්ඛණෙ…පෙ…. (2)

අවිතක්කවිචාරමත්තො ¶ ච අවිතක්කඅවිචාරො ච ධම්මා අවිතක්කවිචාරමත්තස්ස ¶ ධම්මස්ස සම්පයුත්තපච්චයෙන පච්චයො – අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං සම්පයුත්තපච්චයෙන පච්චයො…පෙ… ද්වෙ ඛන්ධා ච විචාරො ච ද්වින්නං ඛන්ධානං…පෙ… පටිසන්ධික්ඛණෙ…පෙ…. (1)

සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස සම්පයුත්තපච්චයෙන පච්චයො – සවිතක්කසවිචාරො එකො ඛන්ධො ච විතක්කො ච තිණ්ණන්නං ඛන්ධානං සම්පයුත්තපච්චයෙන පච්චයො…පෙ… ද්වෙ ඛන්ධා ච විතක්කො ච ද්වින්නං ඛන්ධානං…පෙ… පටිසන්ධික්ඛණෙ…පෙ…. (1)

විප්පයුත්තපච්චයො

127. සවිතක්කසවිචාරො ධම්මො අවිතක්කඅවිචාරස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – සවිතක්කසවිචාරා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පටිසන්ධික්ඛණෙ සවිතක්කසවිචාරා ඛන්ධා කටත්තාරූපානං විප්පයුත්තපච්චයෙන පච්චයො. පච්ඡාජාතා – සවිතක්කසවිචාරා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – අවිතක්කවිචාරමත්තා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො, විතක්කො චිත්තසමුට්ඨානානං රූපානං විප්පයුත්තපච්චයෙන පච්චයො. පටිසන්ධික්ඛණෙ අවිතක්කවිචාරමත්තා ඛන්ධා කටත්තාරූපානං විප්පයුත්තපච්චයෙන පච්චයො. විතක්කො කටත්තාරූපානං විප්පයුත්තපච්චයෙන පච්චයො. පච්ඡාජාතා – අවිතක්කවිචාරමත්තා ඛන්ධා ච විතක්කො ච පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

128. අවිතක්කඅවිචාරො ¶ ධම්මො අවිතක්කඅවිචාරස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා ¶ – අවිතක්කඅවිචාරා ඛන්ධා චිත්තසමුට්ඨානානං ¶ රූපානං විප්පයුත්තපච්චයෙන පච්චයො. විචාරො චිත්තසමුට්ඨානානං රූපානං විප්පයුත්තපච්චයෙන පච්චයො. පටිසන්ධික්ඛණෙ අවිතක්කඅවිචාරා ඛන්ධා කටත්තාරූපානං විප්පයුත්තපච්චයෙන පච්චයො. විචාරො කටත්තාරූපානං විප්පයුත්තපච්චයෙන පච්චයො; ඛන්ධා වත්ථුස්ස විප්පයුත්තපච්චයෙන පච්චයො, වත්ථු ඛන්ධානං විප්පයුත්තපච්චයෙන පච්චයො; විචාරො වත්ථුස්ස විප්පයුත්තපච්චයෙන පච්චයො; වත්ථු විචාරස්ස විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස විප්පයුත්තපච්චයෙන පච්චයො…පෙ… කායායතනං කායවිඤ්ඤාණස්ස විප්පයුත්තපච්චයෙන පච්චයො, වත්ථු අවිතක්කඅවිචාරානං ඛන්ධානං විචාරස්ස ච විප්පයුත්තපච්චයෙන පච්චයො. පච්ඡාජාතා – අවිතක්කඅවිචාරා ඛන්ධා ච විචාරො ච පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

අවිතක්කඅවිචාරො ධම්මො සවිතක්කසවිචාරස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු සවිතක්කසවිචාරානං ඛන්ධානං විප්පයුත්තපච්චයෙන පච්චයො. පුරෙජාතං – වත්ථු සවිතක්කසවිචාරානං ඛන්ධානං විප්පයුත්තපච්චයෙන පච්චයො. (2)

අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස විප්පයුත්තපච්චයෙන ¶ පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු අවිතක්කවිචාරමත්තානං ඛන්ධානං විතක්කස්ස ච විප්පයුත්තපච්චයෙන පච්චයො. පුරෙජාතං – වත්ථු අවිතක්කවිචාරමත්තානං ඛන්ධානං විතක්කස්ස ච විප්පයුත්තපච්චයෙන පච්චයො. (3)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු අවිතක්කවිචාරමත්තානං ඛන්ධානං විචාරස්ස ච විප්පයුත්තපච්චයෙන පච්චයො. පුරෙජාතං – වත්ථු අවිතක්කවිචාරමත්තානං ඛන්ධානං විචාරස්ස ච විප්පයුත්තපච්චයෙන පච්චයො. (4)

අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු සවිතක්කසවිචාරානං ඛන්ධානං විතක්කස්ස ච විප්පයුත්තපච්චයෙන පච්චයො. පුරෙජාතං – වත්ථු සවිතක්කසවිචාරානං ¶ ඛන්ධානං විතක්කස්ස ච විප්පයුත්තපච්චයෙන පච්චයො. (5)

129. අවිතක්කවිචාරමත්තො ¶ ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – අවිතක්කවිචාරමත්තා ඛන්ධා ච විචාරො ච චිත්තසමුට්ඨානානං රූපානං විප්පයුත්තපච්චයෙන පච්චයො. පටිසන්ධික්ඛණෙ අවිතක්කවිචාරමත්තා ඛන්ධා ච විචාරො ච කටත්තාරූපානං විප්පයුත්තපච්චයෙන පච්චයො. පච්ඡාජාතා – අවිතක්කවිචාරමත්තා ඛන්ධා ච විචාරො ¶ ච පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – සවිතක්කසවිචාරා ඛන්ධා ච විතක්කො ච චිත්තසමුට්ඨානානං රූපානං විප්පයුත්තපච්චයෙන පච්චයො. පටිසන්ධික්ඛණෙ සවිතක්කසවිචාරා ඛන්ධා ච විතක්කො ච කටත්තාරූපානං විප්පයුත්තපච්චයෙන පච්චයො. පච්ඡාජාතා – සවිතක්කසවිචාරා ඛන්ධා ච විතක්කො ච පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

අත්ථිපච්චයො

130. සවිතක්කසවිචාරො ධම්මො සවිතක්කසවිචාරස්ස ධම්මස්ස අත්ථිපච්චයෙන පච්චයො – සවිතක්කසවිචාරො එකො ඛන්ධො තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං…පෙ… පටිසන්ධික්ඛණෙ…පෙ…. (1)

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස අත්ථිපච්චයෙන පච්චයො – සවිතක්කසවිචාරා ඛන්ධා විතක්කස්ස අත්ථිපච්චයෙන පච්චයො. පටිසන්ධික්ඛණෙ…පෙ…. (2)

සවිතක්කසවිචාරො ධම්මො අවිතක්කඅවිචාරස්ස ධම්මස්ස අත්ථිපච්චයෙන පච්චයො – සහජාතං ¶ , පච්ඡාජාතං. සහජාතා – සවිතක්කසවිචාරා ඛන්ධා චිත්තසමුට්ඨානානං රූපානං අත්ථිපච්චයෙන පච්චයො. පටිසන්ධික්ඛණෙ සවිතක්කසවිචාරා ඛන්ධා කටත්තාරූපානං අත්ථිපච්චයෙන පච්චයො. පච්ඡාජාතා – සවිතක්කසවිචාරා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. (3)

(සවිතක්කසවිචාරමූලකෙ අවසෙසා ¶ පඤ්හා සහජාතපච්චයසදිසා.)

131. අවිතක්කවිචාරමත්තො ¶ ධම්මො අවිතක්කවිචාරමත්තස්ස ධම්මස්ස අත්ථිපච්චයෙන පච්චයො – අවිතක්කවිචාරමත්තො එකො ඛන්ධො තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං…පෙ… පටිසන්ධික්ඛණෙ…පෙ…. (1)

අවිතක්කවිචාරමත්තො ධම්මො සවිතක්කසවිචාරස්ස ධම්මස්ස අත්ථිපච්චයෙන පච්චයො – විතක්කො සවිතක්කසවිචාරානං ඛන්ධානං අත්ථිපච්චයෙන පච්චයො. පටිසන්ධික්ඛණෙ…පෙ…. (2)

අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – අවිතක්කවිචාරමත්තා ඛන්ධා විචාරස්ස චිත්තසමුට්ඨානානඤ්ච රූපානං අත්ථිපච්චයෙන පච්චයො. විතක්කො චිත්තසමුට්ඨානානං රූපානං අත්ථිපච්චයෙන පච්චයො. පටිසන්ධික්ඛණෙ අවිතක්කවිචාරමත්තා ඛන්ධා විචාරස්ස කටත්තා ච රූපානං අත්ථිපච්චයෙන පච්චයො; විතක්කො කටත්තාරූපානං අත්ථිපච්චයෙන පච්චයො. පච්ඡාජාතා – අවිතක්කවිචාරමත්තා ඛන්ධා ච විතක්කො ච පුරෙජාතස්ස ඉමස්ස කායස්ස අත්ථිපච්චයෙන පච්චයො. (3)

(අවිතක්කවිචාරමත්තමූලකා පඤ්ච පඤ්හා. අවසෙසා සහජාතපච්චයසදිසා.)

132. අවිතක්කඅවිචාරො ධම්මො අවිතක්කඅවිචාරස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතො – අවිතක්කඅවිචාරො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා ¶ ද්වින්නං ඛන්ධානං…පෙ… විචාරො චිත්තසමුට්ඨානානං රූපානං අත්ථිපච්චයෙන පච්චයො. පටිසන්ධික්ඛණෙ ¶ අවිතක්කඅවිචාරො එකො ඛන්ධො තිණ්ණන්නං ඛන්ධානං කටත්තා ච රූපානං අත්ථිපච්චයෙන පච්චයො…පෙ… ඛන්ධා වත්ථුස්ස අත්ථිපච්චයෙන පච්චයො, වත්ථු ඛන්ධානං අත්ථිපච්චයෙන පච්චයො; විචාරො වත්ථුස්ස අත්ථිපච්චයෙන පච්චයො, වත්ථු විචාරස්ස අත්ථිපච්චයෙන පච්චයො; එකං මහාභූතං තිණ්ණන්නං මහාභූතානං අත්ථිපච්චයෙන පච්චයො…පෙ… මහාභූතා චිත්තසමුට්ඨානානං රූපානං කටත්තාරූපානං උපාදාරූපානං අත්ථිපච්චයෙන පච්චයො; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං තිණ්ණන්නං මහාභූතානං…පෙ… මහාභූතා කටත්තාරූපානං උපාදාරූපානං අත්ථිපච්චයෙන පච්චයො. පුරෙජාතං – දිබ්බෙන චක්ඛුනා රූපං පස්සති, දිබ්බාය සොතධාතුයා ¶ සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස අත්ථිපච්චයෙන පච්චයො, චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස අත්ථිපච්චයෙන පච්චයො. වත්ථු අවිතක්කඅවිචාරානං ඛන්ධානං විචාරස්ස ච අත්ථිපච්චයෙන පච්චයො. පච්ඡාජාතා – අවිතක්කඅවිචාරා ඛන්ධා ච විචාරො ච පුරෙජාතස්ස ඉමස්ස කායස්ස අත්ථිපච්චයෙන පච්චයො. කබළීකාරො ආහාරො ඉමස්ස කායස්ස අත්ථිපච්චයෙන පච්චයො. රූපජීවිතින්ද්රියං කටත්තාරූපානං අත්ථිපච්චයෙන පච්චයො. (1)

අවිතක්කඅවිචාරො ධම්මො සවිතක්කසවිචාරස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු ¶ සවිතක්කසවිචාරානං ඛන්ධානං අත්ථිපච්චයෙන පච්චයො. පුරෙජාතං – චක්ඛුං අනිච්චතො දුක්ඛතො අනත්තතො විපස්සති අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති. සොතං… ඝානං… ජිව්හං… කායං… රූපෙ… සද්දෙ… ගන්ධෙ… රසෙ… ඵොට්ඨබ්බෙ… වත්ථුං අනිච්චතො දුක්ඛතො අනත්තතො විපස්සති…පෙ… දොමනස්සං උප්පජ්ජති. වත්ථු සවිතක්කසවිචාරානං ඛන්ධානං අත්ථිපච්චයෙන පච්චයො. (2)

අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – විචාරො අවිතක්කවිචාරමත්තානං ඛන්ධානං අත්ථිපච්චයෙන පච්චයො. පටිසන්ධික්ඛණෙ විචාරො අවිතක්කවිචාරමත්තානං ඛන්ධානං අත්ථිපච්චයෙන පච්චයො. පටිසන්ධික්ඛණෙ වත්ථු අවිතක්කවිචාරමත්තානං ඛන්ධානං විතක්කස්ස ච අත්ථිපච්චයෙන පච්චයො. පුරෙජාතං – චක්ඛුං අනිච්චතො දුක්ඛතො අනත්තතො විපස්සති අස්සාදෙති අභිනන්දති, තං ආරබ්භ ¶ විතක්කො උප්පජ්ජති. සොතං… ඝානං… ජිව්හං… කායං… රූපෙ… සද්දෙ… ගන්ධෙ… රසෙ… ඵොට්ඨබ්බෙ… වත්ථුං අනිච්චතො දුක්ඛතො අනත්තතො විපස්සති අස්සාදෙති අභිනන්දති, තං ආරබ්භ විතක්කො උප්පජ්ජති. වත්ථු අවිතක්කවිචාරමත්තානං ඛන්ධානං විතක්කස්ස ච අත්ථිපච්චයෙන පච්චයො. (3)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – විචාරො අවිතක්කවිචාරමත්තානං ඛන්ධානං චිත්තසමුට්ඨානානඤ්ච ¶ රූපානං අත්ථිපච්චයෙන පච්චයො. පටිසන්ධික්ඛණෙ විචාරො අවිතක්කවිචාරමත්තානං ඛන්ධානං ¶ කටත්තා ච රූපානං අත්ථිපච්චයෙන පච්චයො. පටිසන්ධික්ඛණෙ වත්ථු අවිතක්කවිචාරමත්තානං ඛන්ධානං විචාරස්ස ච අත්ථිපච්චයෙන පච්චයො. පුරෙජාතං – වත්ථු අවිතක්කවිචාරමත්තානං ඛන්ධානං විචාරස්ස ච අත්ථිපච්චයෙන පච්චයො. (4)

අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු සවිතක්කසවිචාරානං ඛන්ධානං විතක්කස්ස ච අත්ථිපච්චයෙන පච්චයො. පුරෙජාතං – චක්ඛුං අනිච්චතො දුක්ඛතො අනත්තතො විපස්සති අස්සාදෙති අභිනන්දති, තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. සොතං… ඝානං… ජිව්හං… කායං…පෙ… වත්ථුං අනිච්චතො දුක්ඛතො අනත්තතො විපස්සති අස්සාදෙති අභිනන්දති, තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. වත්ථු සවිතක්කසවිචාරානං ඛන්ධානං විතක්කස්ස ච අත්ථිපච්චයෙන පච්චයො. (5)

133. සවිතක්කසවිචාරො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – සවිතක්කසවිචාරො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච වත්ථු ච ද්වින්නං ඛන්ධානං අත්ථිපච්චයෙන පච්චයො. පටිසන්ධික්ඛණෙ සවිතක්කසවිචාරො ¶ එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච වත්ථු ච ද්වින්නං ඛන්ධානං අත්ථිපච්චයෙන පච්චයො. (1)

සවිතක්කසවිචාරො ¶ ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතා – සවිතක්කසවිචාරා ඛන්ධා ච වත්ථු ච විතක්කස්ස අත්ථිපච්චයෙන පච්චයො. පටිසන්ධික්ඛණෙ සවිතක්කසවිචාරා ඛන්ධා ච වත්ථු ච විතක්කස්ස අත්ථිපච්චයෙන පච්චයො. (2)

සවිතක්කසවිචාරො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතා – සවිතක්කසවිචාරා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. පටිසන්ධික්ඛණෙ සවිතක්කසවිචාරා ඛන්ධා ච මහාභූතා ච කටත්තාරූපානං අත්ථිපච්චයෙන පච්චයො. පච්ඡාජාතා ¶ – සවිතක්කසවිචාරා ඛන්ධා ච කබළීකාරො ආහාරො ච පුරෙජාතස්ස ඉමස්ස කායස්ස අත්ථිපච්චයෙන පච්චයො. පච්ඡාජාතා – සවිතක්කසවිචාරා ඛන්ධා ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (3)

සවිතක්කසවිචාරො ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – සවිතක්කසවිචාරො එකො ඛන්ධො ¶ ච වත්ථු ච තිණ්ණන්නං ඛන්ධානං විතක්කස්ස ච අත්ථිපච්චයෙන පච්චයො…පෙ… ද්වෙ ඛන්ධා ච වත්ථු ච ද්වින්නං ඛන්ධානං විතක්කස්ස ච අත්ථිපච්චයෙන පච්චයො. පටිසන්ධික්ඛණෙ…පෙ…. (4)

134. අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – විතක්කො ච වත්ථු ච සවිතක්කසවිචාරානං ඛන්ධානං අත්ථිපච්චයෙන පච්චයො. පටිසන්ධික්ඛණෙ විතක්කො ච වත්ථු ච සවිතක්කසවිචාරානං ඛන්ධානං අත්ථිපච්චයෙන පච්චයො. (1)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච විචාරො ච ද්වින්නං ඛන්ධානං… අවිතක්කවිචාරමත්තො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච වත්ථු ච ද්වින්නං ඛන්ධානං අත්ථිපච්චයෙන පච්චයො. පටිසන්ධික්ඛණෙ අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං අත්ථිපච්චයෙන ¶ පච්චයො…පෙ… ද්වෙ ඛන්ධා ච විචාරො ච ද්වින්නං ඛන්ධානං…පෙ… පටිසන්ධික්ඛණෙ අවිතක්කවිචාරමත්තො එකො ඛන්ධො ච වත්ථු ච තිණ්ණන්නං ඛන්ධානං…පෙ… ද්වෙ ඛන්ධා ච වත්ථු ච ද්වින්නං ඛන්ධානං අත්ථිපච්චයෙන පච්චයො. (2)

අවිතක්කවිචාරමත්තො ¶ ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතා – අවිතක්කවිචාරමත්තා ඛන්ධා ච විචාරො ච චිත්තසමුට්ඨානානං රූපානං අත්ථිපච්චයෙන පච්චයො. සහජාතා ¶ – අවිතක්කවිචාරමත්තා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. සහජාතො – විතක්කො ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. සහජාතා – අවිතක්කවිචාරමත්තා ඛන්ධා ච වත්ථු ච විචාරස්ස අත්ථිපච්චයෙන පච්චයො. පටිසන්ධික්ඛණෙ අවිතක්කවිචාරමත්තා ඛන්ධා ච විචාරො ච කටත්තාරූපානං අත්ථිපච්චයෙන පච්චයො. පටිසන්ධික්ඛණෙ අවිතක්කවිචාරමත්තා ඛන්ධා ච මහාභූතා ච කටත්තාරූපානං අත්ථිපච්චයෙන පච්චයො. පටිසන්ධික්ඛණෙ විතක්කො ච මහාභූතා ච කටත්තාරූපානං අත්ථිපච්චයෙන පච්චයො. පටිසන්ධික්ඛණෙ අවිතක්කවිචාරමත්තා ඛන්ධා ච වත්ථු ච විචාරස්ස අත්ථිපච්චයෙන පච්චයො. පච්ඡාජාතා – අවිතක්කවිචාරමත්තා ඛන්ධා ච විචාරො ච පුරෙජාතස්ස ඉමස්ස කායස්ස අත්ථිපච්චයෙන පච්චයො. පච්ඡාජාතා – අවිතක්කවිචාරමත්තා ඛන්ධා ච විතක්කො ච කබළීකාරො ආහාරො ච පුරෙජාතස්ස ඉමස්ස කායස්ස අත්ථිපච්චයෙන පච්චයො. පච්ඡාජාතා – අවිතක්කවිචාරමත්තා ඛන්ධා ච විතක්කො ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (3)

අවිතක්කවිචාරමත්තො ¶ ච අවිතක්කඅවිචාරො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා ච විචාරො ච…පෙ… අවිතක්කවිචාරමත්තො එකො ඛන්ධො ච වත්ථු ච තිණ්ණන්නං ඛන්ධානං විචාරස්ස ච අත්ථිපච්චයෙන පච්චයො…පෙ… ද්වෙ ඛන්ධා ච වත්ථු ච…පෙ… පටිසන්ධික්ඛණෙ…පෙ…. (4)

135. සවිතක්කසවිචාරො ¶ ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස අත්ථිපච්චයෙන පච්චයො – සවිතක්කසවිචාරො එකො ඛන්ධො ච විතක්කො ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච විතක්කො ච…පෙ… පටිසන්ධික්ඛණෙ…පෙ…. (1)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – සවිතක්කසවිචාරා ඛන්ධා ච විතක්කො ච චිත්තසමුට්ඨානානං රූපානං අත්ථිපච්චයෙන පච්චයො. පටිසන්ධික්ඛණෙ සවිතක්කසවිචාරා ඛන්ධා ච විතක්කො ¶ ච කටත්තාරූපානං අත්ථිපච්චයෙන පච්චයො. පච්ඡාජාතා – සවිතක්කසවිචාරා ඛන්ධා ච විතක්කො ච පුරෙජාතස්ස ඉමස්ස කායස්ස අත්ථිපච්චයෙන පච්චයො. (2)

සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ¶ ච අවිතක්කඅවිචාරස්ස ච ධම්මස්ස අත්ථිපච්චයෙන පච්චයො – සවිතක්කසවිචාරො එකො ඛන්ධො ච විතක්කො ච තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා ච විතක්කො ච ද්වින්නං ඛන්ධානං…පෙ… පටිසන්ධික්ඛණෙ…පෙ…. (3)

136. සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – සවිතක්කසවිචාරො එකො ඛන්ධො ච විතක්කො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… පටිසන්ධික්ඛණෙ…පෙ…. (1)

සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතා – සවිතක්කසවිචාරා ඛන්ධා ච විතක්කො ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. පටිසන්ධික්ඛණෙ…පෙ…. පච්ඡාජාතා – සවිතක්කසවිචාරා ඛන්ධා ච විතක්කො ච කබළීකාරො ආහාරො ච පුරෙජාතස්ස ඉමස්ස කායස්ස ¶ අත්ථිපච්චයෙන පච්චයො. පච්ඡාජාතා – සවිතක්කසවිචාරා ඛන්ධා ච විතක්කො ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (2)

නත්ථිවිගතාවිගතපච්චයා

137. සවිතක්කසවිචාරො ධම්මො සවිතක්කසවිචාරස්ස ධම්මස්ස නත්ථිපච්චයෙන පච්චයො… විගතපච්චයෙන පච්චයො.

(නත්ථිපච්චයඤ්ච ¶ විගතපච්චයඤ්ච අනන්තරසදිසං, අවිගතං අත්ථිසදිසං.)

1. පච්චයානුලොමං

2. සඞ්ඛ්යාවාරො

සුද්ධං

138. හෙතුයා ¶ එකාදස, ආරම්මණෙ එකවීස, අධිපතියා තෙවීස, අනන්තරෙ පඤ්චවීස, සමනන්තරෙ පඤ්චවීස, සහජාතෙ තිංස, අඤ්ඤමඤ්ඤෙ අට්ඨවීස, නිස්සයෙ තිංස, උපනිස්සයෙ පඤ්චවීස, පුරෙජාතෙ පඤ්ච, පච්ඡාජාතෙ පඤ්ච, ආසෙවනෙ එකවීස, කම්මෙ එකාදස, විපාකෙ එකවීස, ආහාරෙ එකාදස, ඉන්ද්රියෙ එකාදස, ඣානෙ එකවීස, මග්ගෙ සොළස, සම්පයුත්තෙ එකාදස, විප්පයුත්තෙ නව, අත්ථියා තිංස, නත්ථියා පඤ්චවීස, විගතෙ පඤ්චවීස, අවිගතෙ තිංස.

(ඝටනා කුසලත්තිකසදිසායෙව. පඤ්හාවාරගණනං එවං අසම්මොහන්තෙන ගණෙතබ්බං.)

අනුලොමං.

පච්චනීයුද්ධාරො

139. සවිතක්කසවිචාරො ¶ ධම්මො සවිතක්කසවිචාරස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (1)

සවිතක්කසවිචාරො ධම්මො අවිතක්කවිචාරමත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (2)

සවිතක්කසවිචාරො ධම්මො අවිතක්කඅවිචාරස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන ¶ පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (3)

සවිතක්කසවිචාරො ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො… කම්මපච්චයෙන පච්චයො. (4)

සවිතක්කසවිචාරො ¶ ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (5)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (6)

සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො… කම්මපච්චයෙන පච්චයො. (7)

140. අවිතක්කවිචාරමත්තො ¶ ධම්මො අවිතක්කවිචාරමත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

අවිතක්කවිචාරමත්තො ධම්මො සවිතක්කසවිචාරස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන ¶ පච්චයො. (2)

අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (3)

අවිතක්කවිචාරමත්තො ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො. (4)

අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (5)

අවිතක්කවිචාරමත්තො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (6)

141. අවිතක්කඅවිචාරො ¶ ධම්මො අවිතක්කඅවිචාරස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

අවිතක්කඅවිචාරො ධම්මො සවිතක්කසවිචාරස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන ¶ පච්චයො… පුරෙජාතපච්චයෙන පච්චයො. (2)

අවිතක්කඅවිචාරො ¶ ධම්මො අවිතක්කවිචාරමත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (3)

අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (4)

අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (5)

142. සවිතක්කසවිචාරො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස සහජාතං… පුරෙජාතං. (1)

සවිතක්කසවිචාරො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස සහජාතං… පුරෙජාතං. (2)

සවිතක්කසවිචාරො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස සහජාතං… පච්ඡාජාතං… ආහාරං… ඉන්ද්රියං. (3)

සවිතක්කසවිචාරො ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස සහජාතං… පුරෙජාතං ¶ . (4)

143. අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (1)

අවිතක්කවිචාරමත්තො ¶ ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස ¶ ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (3)

අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (4)

අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන ¶ පච්චයො… උපනිස්සයපච්චයෙන පච්චයො. (5)

144. සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කවිචාරමත්තස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (2)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (3)

සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො. (4)

සවිතක්කසවිචාරො ච අවිතක්කවිචාරමත්තො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස උපනිස්සයපච්චයෙන පච්චයො. (5)

සවිතක්කසවිචාරො ¶ ¶ ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (6)

සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ¶ ච ධම්මා සවිතක්කසවිචාරස්ස ධම්මස්ස සහජාතං… පුරෙජාතං. (1)

සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස සහජාතං… පච්ඡාජාතං… ආහාරං… ඉන්ද්රියං. (2)

පච්චනීයුද්ධාරො.

2. පච්චයපච්චනීයං

2. සඞ්ඛ්යාවාරො

සුද්ධං

145. නහෙතුයා පඤ්චතිංස, නආරම්මණෙ පඤ්චතිංස, නඅධිපතියා පඤ්චතිංස, නඅනන්තරෙ පඤ්චතිංස, නසමනන්තරෙ පඤ්චතිංස, නසහජාතෙ එකූනතිංස, නඅඤ්ඤමඤ්ඤෙ එකූනතිංස, නනිස්සයෙ එකූනතිංස, නඋපනිස්සයෙ චතුත්තිංස, නපුරෙජාතෙ පඤ්චතිංස, නපච්ඡාජාතෙ නආසෙවනෙ නකම්මෙ නවිපාකෙ නආහාරෙ නඉන්ද්රියෙ නඣානෙ නමග්ගෙ පඤ්චතිංස, නසම්පයුත්තෙ එකූනතිංස, නවිප්පයුත්තෙ සත්තවීස, නොඅත්ථියා සත්තවීස, නොනත්ථියා පඤ්චතිංස, නොවිගතෙ පඤ්චතිංස, නොඅවිගතෙ සත්තවීස.

(පච්චනීයං ගණෙන්තෙන ඉමානි පදානි අනුමජ්ජන්තෙන ගණෙතබ්බානි.)

පච්චනීයං.

3. පච්චයානුලොමපච්චනීයං

හෙතුදුකං

146. හෙතුපච්චයා ¶ නආරම්මණෙ එකාදස, නඅධිපතියා එකාදස, නඅනන්තරෙ නසමනන්තරෙ එකාදස, නඅඤ්ඤමඤ්ඤෙ තීණි, නඋපනිස්සයෙ එකාදස, නපුරෙජාතෙ නපච්ඡාජාතෙ නආසෙවනෙ නකම්මෙ නවිපාකෙ නආහාරෙ ¶ නඉන්ද්රියෙ නඣානෙ නමග්ගෙ සබ්බෙ එකාදස, නසම්පයුත්තෙ තීණි, නවිප්පයුත්තෙ සත්ත, නොනත්ථියා එකාදස, නොවිගතෙ එකාදස ¶ .

(අනුලොමපච්චනීයගණනා ඉමිනා කාරණෙන ගණෙතබ්බා.)

අනුලොමපච්චනීයං.

4. පච්චයපච්චනීයානුලොමං

නහෙතුදුකං

147. නහෙතුපච්චයා ආරම්මණෙ එකවීස, අධිපතියා තෙවීස, අනන්තරෙ පඤ්චවීස, සමනන්තරෙ පඤ්චවීස, සහජාතෙ තිංස, අඤ්ඤමඤ්ඤෙ අට්ඨවීස, නිස්සයෙ තිංස, උපනිස්සයෙ පඤ්චවීස, පුරෙජාතෙ පඤ්ච, පච්ඡාජාතෙ පඤ්ච, ආසෙවනෙ එකවීස, කම්මෙ එකාදස, විපාකෙ එකවීස, ආහාරෙ එකාදස, ඉන්ද්රියෙ එකාදස, ඣානෙ එකවීස, මග්ගෙ සොළස, සම්පයුත්තෙ එකාදස, විප්පයුත්තෙ නව, අත්ථියා තිංස, නත්ථියා පඤ්චවීස, විගතෙ පඤ්චවීස, අවිගතෙ තිංස.

(පච්චනීයානුලොමං ඉමිනා කාරණෙන විභජිතබ්බං.)

පච්චනීයානුලොමං.

විතක්කත්තිකං නිට්ඨිතං.