මූල > අභිධම්මපිටක > පට්ඨානපාළි-2

1. පීතිසහගතං ¶ ¶ ¶ ධම්මං පටිච්ච පීතිසහගතො ධම්මො උප්පජ්ජති හෙතුපච්චයා – පීතිසහගතං එකං ඛන්ධං පටිච්ච තයො ඛන්ධා, තයො ඛන්ධෙ පටිච්ච එකො ඛන්ධො, ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ පීතිසහගතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

පීතිසහගතං ධම්මං පටිච්ච සුඛසහගතො ධම්මො උප්පජ්ජති හෙතුපච්චයා – පීතිසහගතං එකං ඛන්ධං පටිච්ච සුඛසහගතා තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ පීතිසහගතං එකං ඛන්ධං පටිච්ච සුඛසහගතා තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (2)

පීතිසහගතං ධම්මං පටිච්ච පීතිසහගතො ච සුඛසහගතො ච ධම්මා උප්පජ්ජන්ති හෙතුපච්චයා – පීතිසහගතං එකං ඛන්ධං පටිච්ච පීතිසහගතා ච සුඛසහගතා ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ පීතිසහගතං එකං ඛන්ධං පටිච්ච පීතිසහගතා ච සුඛසහගතා ච තයො ඛන්ධා ¶ …පෙ… ද්වෙ ඛන්ධෙ පටිච්ච ද්වෙ ඛන්ධා. (3)

2. සුඛසහගතං ධම්මං පටිච්ච සුඛසහගතො ධම්මො උප්පජ්ජති හෙතුපච්චයා – සුඛසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ ¶ පටිච්ච එකො ඛන්ධො. පටිසන්ධික්ඛණෙ සුඛසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. (1)

සුඛසහගතං ධම්මං පටිච්ච පීතිසහගතො ධම්මො උප්පජ්ජති හෙතුපච්චයා – සුඛසහගතං එකං ඛන්ධං පටිච්ච පීතිසහගතා තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ සුඛසහගතං එකං ඛන්ධං පටිච්ච පීතිසහගතා තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (2)

සුඛසහගතං ධම්මං පටිච්ච පීතිසහගතො ච සුඛසහගතො ච ධම්මා උප්පජ්ජන්ති හෙතුපච්චයා – සුඛසහගතං එකං ඛන්ධං පටිච්ච පීතිසහගතා ච සුඛසහගතා ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. පටිසන්ධික්ඛණෙ සුඛසහගතං ¶ එකං ඛන්ධං පටිච්ච පීතිසහගතා ච සුඛසහගතා ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. (3)

3. උපෙක්ඛාසහගතං ධම්මං පටිච්ච උපෙක්ඛාසහගතො ධම්මො උප්පජ්ජති හෙතුපච්චයා – උපෙක්ඛාසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. පටිසන්ධික්ඛණෙ…පෙ…. (1)

පීතිසහගතඤ්ච සුඛසහගතඤ්ච ධම්මං පටිච්ච පීතිසහගතො ධම්මො උප්පජ්ජති හෙතුපච්චයා – පීතිසහගතඤ්ච සුඛසහගතඤ්ච එකං ඛන්ධං පටිච්ච පීතිසහගතා තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ පීතිසහගතඤ්ච සුඛසහගතඤ්ච එකං ඛන්ධං පටිච්ච පීතිසහගතා තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

පීතිසහගතඤ්ච සුඛසහගතඤ්ච ධම්මං පටිච්ච සුඛසහගතො ධම්මො උප්පජ්ජති ¶ හෙතුපච්චයා – පීතිසහගතඤ්ච සුඛසහගතඤ්ච එකං ඛන්ධං පටිච්ච සුඛසහගතා ද්වෙ ඛන්ධා, ද්වෙ ඛන්ධෙ ¶ පටිච්ච එකො ඛන්ධො. පටිසන්ධික්ඛණෙ පීතිසහගතඤ්ච සුඛසහගතඤ්ච එකං ඛන්ධං පටිච්ච සුඛසහගතා ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. (2)

පීතිසහගතඤ්ච සුඛසහගතඤ්ච ධම්මං පටිච්ච පීතිසහගතො ච සුඛසහගතො ච ධම්මා උප්පජ්ජන්ති හෙතුපච්චයා – පීතිසහගතඤ්ච සුඛසහගතඤ්ච එකං ඛන්ධං පටිච්ච පීතිසහගතා ච සුඛසහගතා ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. පටිසන්ධික්ඛණෙ පීතිසහගතඤ්ච සුඛසහගතඤ්ච එකං ඛන්ධං පටිච්ච පීතිසහගතා ච සුඛසහගතා ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. (3)

4. පීතිසහගතං ධම්මං පටිච්ච පීතිසහගතො ධම්මො උප්පජ්ජති ආරම්මණපච්චයා… අධිපතිපච්චයා… (පටිසන්ධික්ඛණෙ නත්ථි) අනන්තරපච්චයා… සමනන්තරපච්චයා… සහජාතපච්චයා… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා… පුරෙජාතපච්චයා… (පුරෙජාතෙ පටිසන්ධික්ඛණෙ නත්ථි) ආසෙවනපච්චයා… (ආසෙවනෙ විපාකං නත්ථි) කම්මපච්චයා… විපාකපච්චයා… ආහාර…පෙ… ඉන්ද්රිය… ඣාන… මග්ග… සම්පයුත්ත… විප්පයුත්ත… අත්ථි… නත්ථි… විගත… අවිගතපච්චයා.

5. හෙතුයා ¶ ¶ දස, ආරම්මණෙ දස, අධිපතියා දස, අනන්තරෙ සමනන්තරෙ සහජාතෙ අඤ්ඤමඤ්ඤෙ නිස්සයෙ උපනිස්සයෙ පුරෙජාතෙ ආසෙවනෙ කම්මෙ විපාකෙ ආහාරෙ ඉන්ද්රියෙ ඣානෙ මග්ගෙ සම්පයුත්තෙ විප්පයුත්තෙ අත්ථියා නත්ථියා විගතෙ අවිගතෙ සබ්බත්ථ දස.

6. පීතිසහගතං ¶ ධම්මං පටිච්ච පීතිසහගතො ධම්මො උප්පජ්ජති නහෙතුපච්චයා – අහෙතුකං පීතිසහගතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

පීතිසහගතං ධම්මං පටිච්ච සුඛසහගතො ධම්මො උප්පජ්ජති නහෙතුපච්චයා – අහෙතුකං පීතිසහගතං එකං ඛන්ධං පටිච්ච සුඛසහගතා තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (2)

පීතිසහගතං ධම්මං පටිච්ච පීතිසහගතො ච සුඛසහගතො ච ධම්මා උප්පජ්ජන්ති නහෙතුපච්චයා – අහෙතුකං පීතිසහගතං එකං ඛන්ධං පටිච්ච පීතිසහගතා ච සුඛසහගතා ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (3)

7. සුඛසහගතං ධම්මං පටිච්ච සුඛසහගතො ධම්මො උප්පජ්ජති නහෙතුපච්චයා – අහෙතුකං සුඛසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. (1)

සුඛසහගතං ධම්මං පටිච්ච පීතිසහගතො ධම්මො උප්පජ්ජති නහෙතුපච්චයා – අහෙතුකං සුඛසහගතං එකං ඛන්ධං පටිච්ච පීතිසහගතා තයො ඛන්ධා…පෙ… ද්වෙ ඛන්ධෙ පටිච්ච ද්වෙ ¶ ඛන්ධා. (2)

සුඛසහගතං ¶ ධම්මං පටිච්ච පීතිසහගතො ච සුඛසහගතො ච ධම්මා උප්පජ්ජන්ති නහෙතුපච්චයා – අහෙතුකං සුඛසහගතං එකං ඛන්ධං පටිච්ච පීතිසහගතා ච සුඛසහගතා ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. (3)

8. උපෙක්ඛාසහගතං ධම්මං පටිච්ච උපෙක්ඛාසහගතො ධම්මො උප්පජ්ජති නහෙතුපච්චයා – අහෙතුකං ¶ උපෙක්ඛාසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. අහෙතුකපටිසන්ධික්ඛණෙ උපෙක්ඛාසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

9. පීතිසහගතඤ්ච සුඛසහගතඤ්ච ධම්මං පටිච්ච පීතිසහගතො ධම්මො උප්පජ්ජති නහෙතුපච්චයා – අහෙතුකං පීතිසහගතඤ්ච සුඛසහගතඤ්ච එකං ඛන්ධං පටිච්ච පීතිසහගතා තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

පීතිසහගතඤ්ච සුඛසහගතඤ්ච ධම්මං පටිච්ච සුඛසහගතො ධම්මො උප්පජ්ජති නහෙතුපච්චයා – අහෙතුකං පීතිසහගතඤ්ච සුඛසහගතඤ්ච එකං ඛන්ධං පටිච්ච සුඛසහගතා ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. (2)

පීතිසහගතඤ්ච සුඛසහගතඤ්ච ධම්මං පටිච්ච පීතිසහගතො ච සුඛසහගතො ච ධම්මා උප්පජ්ජන්ති නහෙතුපච්චයා – අහෙතුකං පීතිසහගතඤ්ච සුඛසහගතඤ්ච එකං ඛන්ධං පටිච්ච පීතිසහගතා ච සුඛසහගතා ච ද්වෙ ඛන්ධා, ද්වෙ ඛන්ධෙ පටිච්ච ¶ එකො ඛන්ධො. (3)

10. පීතිසහගතං ධම්මං පටිච්ච පීතිසහගතො ධම්මො උප්පජ්ජති නඅධිපතිපච්චයා (නඅධිපතිපටිසන්ධික්ඛණෙ පරිපුණ්ණං)… නපුරෙජාතපච්චයා… (‘‘අරූපෙ’’ති නියාමෙතබ්බං ‘‘පටිසන්ධික්ඛණෙ’’ති ච) නපච්ඡාජාතපච්චයා… නආසෙවනපච්චයා.

11. පීතිසහගතං ධම්මං පටිච්ච පීතිසහගතො ධම්මො උප්පජ්ජති නකම්මපච්චයා – පීතිසහගතෙ ඛන්ධෙ පටිච්ච පීතිසහගතා චෙතනා.

පීතිසහගතං ¶ ¶ ධම්මං පටිච්ච සුඛසහගතො ධම්මො උප්පජ්ජති නකම්මපච්චයා – පීතිසහගතෙ ඛන්ධෙ පටිච්ච සුඛසහගතා චෙතනා.

(ඉමිනා කාරණෙන දස පඤ්හා විත්ථාරෙතබ්බා.)

12. පීතිසහගතං ධම්මං පටිච්ච පීතිසහගතො ධම්මො උප්පජ්ජති නවිපාකපච්චයා…පෙ… (පරිපුණ්ණං, පටිසන්ධි නත්ථි).

13. සුඛසහගතං ධම්මං පටිච්ච සුඛසහගතො ධම්මො උප්පජ්ජති නඣානපච්චයා – සුඛසහගතං කායවිඤ්ඤාණසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. (1)

උපෙක්ඛාසහගතං ධම්මං පටිච්ච උපෙක්ඛාසහගතො ධම්මො උප්පජ්ජති නඣානපච්චයා – චතුවිඤ්ඤාණසහගතං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො. (1)

(නමග්ගපච්චයා නහෙතුපච්චයසදිසං. මොහො නත්ථි. නවිප්පයුත්තපච්චයා පරිපුණ්ණං අරූපපඤ්හමෙව.)

14. නහෙතුයා ¶ ¶ දස, නඅධිපතියා දස, නපුරෙජාතෙ නපච්ඡාජාතෙ නආසෙවනෙ නකම්මෙ නවිපාකෙ දස, නඣානෙ ද්වෙ, නමග්ගෙ දස, නවිප්පයුත්තෙ දස (පච්චනීයං පරිපුණ්ණං කාතබ්බං).

15. හෙතුපච්චයා ¶ නඅධිපතියා දස, නපුරෙජාතෙ දස, නපච්ඡාජාතෙ නආසෙවනෙ නකම්මෙ නවිපාකෙ නවිප්පයුත්තෙ දස.

(අනුලොමපච්චනීයං විත්ථාරෙන ගණෙතබ්බං.)

16. නහෙතුපච්චයා ආරම්මණෙ දස, අනන්තරෙ දස, සමනන්තරෙ දස, සහජාතෙ අඤ්ඤමඤ්ඤෙ නිස්සයෙ ¶ උපනිස්සයෙ පුරෙජාතෙ ආසෙවනෙ කම්මෙ විපාකෙ ආහාරෙ ඉන්ද්රියෙ ඣානෙ සබ්බෙ දස, මග්ගෙ එකං, සම්පයුත්තෙ දස, විප්පයුත්තෙ අත්ථියා නත්ථියා විගතෙ අවිගතෙ සබ්බෙ දස.

2-6. සහජාත-පච්චය-නිස්සය-සංසට්ඨ-සම්පයුත්තවාරො

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා.)

17. පීතිසහගතො ධම්මො පීතිසහගතස්ස ධම්මස්ස හෙතුපච්චයෙන පච්චයො – පීතිසහගතා හෙතූ සම්පයුත්තකානං ඛන්ධානං හෙතුපච්චයෙන පච්චයො. පටිසන්ධික්ඛණෙ පීතිසහගතා හෙතූ සම්පයුත්තකානං ඛන්ධානං හෙතුපච්චයෙන ¶ පච්චයො. (1)

පීතිසහගතො ¶ ධම්මො සුඛසහගතස්ස ධම්මස්ස හෙතුපච්චයෙන පච්චයො – පීතිසහගතා හෙතූ සම්පයුත්තකානං සුඛසහගතානං ඛන්ධානං හෙතුපච්චයෙන පච්චයො. පටිසන්ධික්ඛණෙ…පෙ…. (2)

පීතිසහගතො ධම්මො පීතිසහගතස්ස ච සුඛසහගතස්ස ච ධම්මස්ස හෙතුපච්චයෙන පච්චයො ¶ – පීතිසහගතා හෙතූ සම්පයුත්තකානං පීතිසහගතානඤ්ච සුඛසහගතානඤ්ච ඛන්ධානං හෙතුපච්චයෙන පච්චයො. පටිසන්ධික්ඛණෙ…පෙ…. (3)

18. සුඛසහගතො ධම්මො සුඛසහගතස්ස ධම්මස්ස…පෙ… පීතිසහගතස්ස ධම්මස්ස…පෙ… පීතිසහගතස්ස ච සුඛසහගතස්ස ච ධම්මස්ස…පෙ… (සුඛමූලෙ තීණි).

උපෙක්ඛාසහගතො ධම්මො උපෙක්ඛාසහගතස්ස ධම්මස්ස හෙතුපච්චයෙන පච්චයො – උපෙක්ඛාසහගතා හෙතූ සම්පයුත්තකානං ඛන්ධානං හෙතුපච්චයෙන පච්චයො. පටිසන්ධික්ඛණෙ…පෙ…. (1)

පීතිසහගතො ච සුඛසහගතො ච ධම්මා පීතිසහගතස්ස ධම්මස්ස…පෙ… සුඛසහගතස්ස ධම්මස්ස…පෙ… පීතිසහගතස්ස ච සුඛසහගතස්ස ච ධම්මස්ස හෙතුපච්චයෙන පච්චයො – පීතිසහගතා ච සුඛසහගතා ච හෙතූ සම්පයුත්තකානං පීතිසහගතානඤ්ච සුඛසහගතානඤ්ච ඛන්ධානං හෙතුපච්චයෙන පච්චයො. පටිසන්ධික්ඛණෙ…පෙ…. (2)

19. පීතිසහගතො ධම්මො පීතිසහගතස්ස ධම්මස්ස ආරම්මණපච්චයෙන ¶ පච්චයො – පීතිසහගතෙන චිත්තෙන දානං දත්වා සීලං සමාදියිත්වා උපොසථකම්මං කත්වා තං පීතිසහගතෙන චිත්තෙන පච්චවෙක්ඛති, පීතිසහගතා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා තං පීතිසහගතෙන චිත්තෙන පච්චවෙක්ඛති. අරියා පීතිසහගතෙන චිත්තෙන පීතිසහගතෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. පීතිසහගතෙ ඛන්ධෙ පීතිසහගතෙන චිත්තෙන අනිච්චතො දුක්ඛතො අනත්තතො විපස්සන්ති අස්සාදෙන්ති අභිනන්දන්ති; තං ආරබ්භ පීතිසහගතො රාගො උප්පජ්ජති, දිට්ඨි උප්පජ්ජති. පීතිසහගතෙ ඛන්ධෙ ආරබ්භ පීතිසහගතා ඛන්ධා උප්පජ්ජන්ති. (1)

පීතිසහගතො ¶ ධම්මො සුඛසහගතස්ස ධම්මස්ස ආරම්මණපච්චයෙන පච්චයො – පීතිසහගතෙන චිත්තෙන දානං දත්වා සීලං සමාදියිත්වා උපොසථකම්මං කත්වා තං සුඛසහගතෙන චිත්තෙන පච්චවෙක්ඛති, පීතිසහගතා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා තං සුඛසහගතෙන ¶ චිත්තෙන පච්චවෙක්ඛති. අරියා සුඛසහගතෙන චිත්තෙන පීතිසහගතෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. පීතිසහගතෙ ඛන්ධෙ සුඛසහගතෙන චිත්තෙන අනිච්චතො දුක්ඛතො අනත්තතො විපස්සන්ති අස්සාදෙන්ති අභිනන්දන්ති; තං ආරබ්භ සුඛසහගතො රාගො උප්පජ්ජති, දිට්ඨි උප්පජ්ජති. පීතිසහගතෙ ඛන්ධෙ ආරබ්භ සුඛසහගතා ඛන්ධා උප්පජ්ජන්ති. (2)

පීතිසහගතො ¶ ධම්මො උපෙක්ඛාසහගතස්ස ධම්මස්ස ආරම්මණපච්චයෙන පච්චයො – පීතිසහගතෙන චිත්තෙන දානං දත්වා සීලං සමාදියිත්වා උපොසථකම්මං කත්වා තං උපෙක්ඛාසහගතෙන චිත්තෙන පච්චවෙක්ඛති, පීතිසහගතා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා තං උපෙක්ඛාසහගතෙන චිත්තෙන පච්චවෙක්ඛති. අරියා උපෙක්ඛාසහගතෙන චිත්තෙන පීතිසහගතෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. පීතිසහගතෙ ඛන්ධෙ උපෙක්ඛාසහගතෙන චිත්තෙන අනිච්චතො දුක්ඛතො අනත්තතො විපස්සන්ති අස්සාදෙන්ති අභිනන්දන්ති; තං ආරබ්භ උපෙක්ඛාසහගතො රාගො උප්පජ්ජති, දිට්ඨි උප්පජ්ජති, විචිකිච්ඡා උප්පජ්ජති, උද්ධච්චං උප්පජ්ජති. චෙතොපරියඤාණෙන පීතිසහගතචිත්තසමඞ්ගිස්ස චිත්තං ජානන්ති, පීතිසහගතා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. පීතිසහගතෙ ඛන්ධෙ ආරබ්භ උපෙක්ඛාසහගතා ඛන්ධා උප්පජ්ජන්ති. (3)

පීතිසහගතො ධම්මො පීතිසහගතස්ස ච සුඛසහගතස්ස ච ධම්මස්ස ආරම්මණපච්චයෙන පච්චයො – පීතිසහගතෙන චිත්තෙන දානං දත්වා සීලං සමාදියිත්වා උපොසථකම්මං කත්වා තං පීතිසහගතෙන ච සුඛසහගතෙන ච චිත්තෙන ¶ පච්චවෙක්ඛති, පීතිසහගතා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා තං පීතිසහගතෙන ච සුඛසහගතෙන ච චිත්තෙන පච්චවෙක්ඛති. අරියා පීතිසහගතෙන ච සුඛසහගතෙන ච චිත්තෙන පීතිසහගතෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති ¶ , පුබ්බෙ සමුදාචිණ්ණෙ කිලෙසෙ ජානන්ති. පීතිසහගතෙ ඛන්ධෙ පීතිසහගතෙන ච සුඛසහගතෙන ච චිත්තෙන අනිච්චතො දුක්ඛතො අනත්තතො විපස්සන්ති අස්සාදෙන්ති අභිනන්දන්ති; තං ආරබ්භ පීතිසහගතො ච සුඛසහගතො ච රාගො උප්පජ්ජති, දිට්ඨි උප්පජ්ජති. පීතිසහගතෙ ඛන්ධෙ ආරබ්භ පීතිසහගතා ච සුඛසහගතා ච ඛන්ධා උප්පජ්ජන්ති. (4)

20. සුඛසහගතො ¶ ධම්මො සුඛසහගතස්ස ධම්මස්ස ආරම්මණපච්චයෙන පච්චයො… සුඛසහගතො ධම්මො පීතිසහගතස්ස ධම්මස්ස…පෙ… උපෙක්ඛාසහගතස්ස ධම්මස්ස…පෙ… පීතිසහගතස්ස ච සුඛසහගතස්ස ච ධම්මස්ස ආරම්මණපච්චයෙන පච්චයො – සුඛසහගතෙ ඛන්ධෙ ආරබ්භ පීතිසහගතා ච සුඛසහගතා ච ඛන්ධා උප්පජ්ජන්ති. (4)

උපෙක්ඛාසහගතො ධම්මො උපෙක්ඛාසහගතස්ස ධම්මස්ස ආරම්මණපච්චයෙන පච්චයො – උපෙක්ඛාසහගතෙන චිත්තෙන දානං දත්වා සීලං සමාදියිත්වා උපොසථකම්මං කත්වා තං උපෙක්ඛාසහගතෙන චිත්තෙන පච්චවෙක්ඛති, උපෙක්ඛාසහගතා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා තං උපෙක්ඛාසහගතෙන චිත්තෙන පච්චවෙක්ඛති. අරියා උපෙක්ඛාසහගතෙන චිත්තෙන උපෙක්ඛාසහගතෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. උපෙක්ඛාසහගතෙ ඛන්ධෙ උපෙක්ඛාසහගතෙන චිත්තෙන අනිච්චතො දුක්ඛතො අනත්තතො ¶ විපස්සන්ති අස්සාදෙන්ති අභිනන්දන්ති; තං ආරබ්භ උපෙක්ඛාසහගතො රාගො උප්පජ්ජති, දිට්ඨි උප්පජ්ජති, විචිකිච්ඡා උප්පජ්ජති, උද්ධච්චං උප්පජ්ජති. චෙතොපරියඤාණෙන උපෙක්ඛාසහගතචිත්තසමඞ්ගිස්ස චිත්තං ජානාති. ආකාසානඤ්චායතනං විඤ්ඤාණඤ්චායතනස්ස ආරම්මණපච්චයෙන පච්චයො…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස ආරම්මණපච්චයෙන පච්චයො. උපෙක්ඛාසහගතා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස ආවජ්ජනාය ආරම්මණපච්චයෙන පච්චයො. උපෙක්ඛාසහගතෙ ඛන්ධෙ ආරබ්භ උපෙක්ඛාසහගතා ඛන්ධා උප්පජ්ජන්ති. (1)

උපෙක්ඛාසහගතො ධම්මො පීතිසහගතස්ස ධම්මස්ස…පෙ… සුඛසහගතස්ස ධම්මස්ස…පෙ… පීතිසහගතස්ස ච සුඛසහගතස්ස ච ධම්මස්ස ආරම්මණපච්චයෙන පච්චයො – උපෙක්ඛාසහගතෙන චිත්තෙන දානං දත්වා සීලං ¶ සමාදියිත්වා උපොසථකම්මං කත්වා තං පීතිසහගතෙන ච සුඛසහගතෙන ච චිත්තෙන පච්චවෙක්ඛති, උපෙක්ඛාසහගතා ඣානා වුට්ඨහිත්වා, මග්ගා වුට්ඨහිත්වා ඵලා වුට්ඨහිත්වා, තං පීතිසහගතෙන ච සුඛසහගතෙන ච චිත්තෙන පච්චවෙක්ඛති. අරියා පීතිසහගතෙන ච සුඛසහගතෙන ච චිත්තෙන උපෙක්ඛාසහගතෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. උපෙක්ඛාසහගතෙ ඛන්ධෙ පීතිසහගතෙන ච සුඛසහගතෙන ච ¶ චිත්තෙන අනිච්චතො දුක්ඛතො අනත්තතො විපස්සන්ති අස්සාදෙන්ති ¶ අභිනන්දන්ති; තං ආරබ්භ පීතිසහගතො ච සුඛසහගතො ච රාගො උප්පජ්ජති, දිට්ඨි උප්පජ්ජති. උපෙක්ඛාසහගතෙ ඛන්ධෙ ආරබ්භ පීතිසහගතා ච සුඛසහගතා ච ඛන්ධා උප්පජ්ජන්ති. (3)

21. පීතිසහගතො ච සුඛසහගතො ච ධම්මා පීතිසහගතස්ස ධම්මස්ස…පෙ… සුඛසහගතස්ස ධම්මස්ස…පෙ… උපෙක්ඛාසහගතස්ස ධම්මස්ස ආරම්මණපච්චයෙන පච්චයො – පීතිසහගතෙන ච සුඛසහගතෙන ච චිත්තෙන දානං දත්වා සීලං සමාදියිත්වා උපොසථකම්මං කත්වා…පෙ… පීතිසහගතෙ ච සුඛසහගතෙ ච ඛන්ධෙ උපෙක්ඛාසහගතෙන චිත්තෙන අනිච්චතො දුක්ඛතො අනත්තතො විපස්සති අස්සාදෙති අභිනන්දති; තං ආරබ්භ උපෙක්ඛාසහගතො රාගො උප්පජ්ජති, දිට්ඨි උප්පජ්ජති, විචිකිච්ඡා උප්පජ්ජති, උද්ධච්චං උප්පජ්ජති. චෙතොපරියඤාණෙන පීතිසහගතසුඛසහගතචිත්තසමඞ්ගිස්ස චිත්තං ජානාති. පීතිසහගතා ච සුඛසහගතා ච ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. පීතිසහගතෙ ච සුඛසහගතෙ ච ඛන්ධෙ ආරබ්භ උපෙක්ඛාසහගතා ඛන්ධා උප්පජ්ජන්ති. (3)

පීතිසහගතො ච සුඛසහගතො ච ධම්මා පීතිසහගතස්ස ච සුඛසහගතස්ස ච ධම්මස්ස ආරම්මණපච්චයෙන පච්චයො (සංඛිත්තං). (4)

22. පීතිසහගතො ධම්මො පීතිසහගතස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – පීතිසහගතෙන ¶ චිත්තෙන දානං දත්වා සීලං සමාදියිත්වා උපොසථකම්මං කත්වා ¶ පීතිසහගතෙන චිත්තෙන තං ගරුං කත්වා පච්චවෙක්ඛති, පීතිසහගතා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා පීතිසහගතෙන චිත්තෙන තං ගරුං කත්වා පච්චවෙක්ඛති. පීතිසහගතෙ ඛන්ධෙ පීතිසහගතෙන චිත්තෙන ගරුං කත්වා අස්සාදෙති අභිනන්දති; තං ගරුං කත්වා පීතිසහගතො රාගො උප්පජ්ජති, දිට්ඨි උප්පජ්ජති. සහජාතාධිපති – පීතිසහගතාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

පීතිසහගතො ¶ ධම්මො සුඛසහගතස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – පීතිසහගතෙන චිත්තෙන දානං දත්වා…පෙ…. සහජාතාධිපති – පීතිසහගතාධිපති සම්පයුත්තකානං සුඛසහගතානං ඛන්ධානං අධිපතිපච්චයෙන පච්චයො. (2)

පීතිසහගතො ධම්මො උපෙක්ඛාසහගතස්ස ධම්මස්ස අධිපතිපච්චයෙන පච්චයො. ආරම්මණාධිපති – පීතිසහගතෙන චිත්තෙන දානං දත්වා…පෙ… උපෙක්ඛාසහගතෙන චිත්තෙන (සංඛිත්තං). (3)

පීතිසහගතො ධම්මො පීතිසහගතස්ස ච සුඛසහගතස්ස ච ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – පීතිසහගතෙන චිත්තෙන දානං දත්වා…පෙ…. සහජාතාධිපති – පීතිසහගතාධිපති සම්පයුත්තකානං පීතිසහගතානඤ්ච සුඛසහගතානඤ්ච ඛන්ධානං අධිපතිපච්චයෙන පච්චයො. (4)

23. සුඛසහගතො ¶ ධම්මො සුඛසහගතස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – සුඛසහගතෙන චිත්තෙන දානං දත්වා…පෙ…. සහජාතාධිපති – සුඛසහගතාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

සුඛසහගතො ධම්මො පීතිසහගතස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති…පෙ…. සහජාතාධිපති – සුඛසහගතාධිපති සම්පයුත්තකානං පීතිසහගතානං ඛන්ධානං අධිපතිපච්චයෙන පච්චයො. (2)

සුඛසහගතො ධම්මො උපෙක්ඛාසහගතස්ස ධම්මස්ස අධිපතිපච්චයෙන පච්චයො – ආරම්මණාධිපති (සංඛිත්තං). (3)

සුඛසහගතො ¶ ධම්මො පීතිසහගතස්ස ච සුඛසහගතස්ස ච ධම්මස්ස අධිපතිපච්චයෙන පච්චයො ¶ – ආරම්මණාධිපති, සහජාතාධිපති…පෙ…. සහජාතාධිපති – සුඛසහගතාධිපති සම්පයුත්තකානං පීතිසහගතානඤ්ච සුඛසහගතානඤ්ච ඛන්ධානං අධිපතිපච්චයෙන පච්චයො. (4)

24. උපෙක්ඛාසහගතො ධම්මො උපෙක්ඛාසහගතස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති…පෙ…. සහජාතාධිපති – උපෙක්ඛාසහගතාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

උපෙක්ඛාසහගතො ධම්මො පීතිසහගතස්ස ධම්මස්ස අධිපතිපච්චයෙන පච්චයො – ආරම්මණාධිපති (සංඛිත්තං). (2)

උපෙක්ඛාසහගතො ¶ ධම්මො සුඛසහගතස්ස ධම්මස්ස අධිපතිපච්චයෙන පච්චයො – ආරම්මණාධිපති (සංඛිත්තං). (3)

උපෙක්ඛාසහගතො ධම්මො පීතිසහගතස්ස ච සුඛසහගතස්ස ච ධම්මස්ස අධිපතිපච්චයෙන පච්චයො – ආරම්මණාධිපති (සංඛිත්තං). (4)

25. පීතිසහගතො ච සුඛසහගතො ච ධම්මා පීතිසහගතස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති…පෙ…. සහජාතාධිපති – පීතිසහගතා ච සුඛසහගතා ච අධිපති සම්පයුත්තකානං පීතිසහගතානං ඛන්ධානං අධිපතිපච්චයෙන පච්චයො. (1)

පීතිසහගතො ච සුඛසහගතො ච ධම්මා සුඛසහගතස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති…පෙ…. සහජාතාධිපති – පීතිසහගතා ච සුඛසහගතා ච අධිපති සම්පයුත්තකානං සුඛසහගතානං ඛන්ධානං අධිපතිපච්චයෙන පච්චයො. (2)

පීතිසහගතො ච සුඛසහගතො ච ධම්මා උපෙක්ඛාසහගතස්ස ධම්මස්ස අධිපතිපච්චයෙන පච්චයො – ආරම්මණාධිපති (සංඛිත්තං). (3)

පීතිසහගතො ¶ ච සුඛසහගතො ච ධම්මා පීතිසහගතස්ස ච සුඛසහගතස්ස ච ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති ¶ …පෙ…. සහජාතාධිපති – පීතිසහගතා ච සුඛසහගතා ච අධිපති සම්පයුත්තකානං පීතිසහගතානඤ්ච සුඛසහගතානඤ්ච ඛන්ධානං අධිපතිපච්චයෙන පච්චයො. (4)

26. පීතිසහගතො ධම්මො පීතිසහගතස්ස ධම්මස්ස අනන්තරපච්චයෙන ¶ පච්චයො – පුරිමා පුරිමා පීතිසහගතා ඛන්ධා පච්ඡිමානං පච්ඡිමානං පීතිසහගතානං ඛන්ධානං අනන්තරපච්චයෙන පච්චයො. පීතිසහගතං අනුලොමං ගොත්රභුස්ස අනන්තරපච්චයෙන පච්චයො. (ඉමිනා කාරණෙන සබ්බෙසං පදානං පච්චයොති දීපෙතබ්බො). අනුලොමං වොදානස්ස… ගොත්රභු මග්ගස්ස… වොදානං මග්ගස්ස… මග්ගො ඵලස්ස… ඵලං ඵලස්ස… අනුලොමං පීතිසහගතාය ඵලසමාපත්තියා අනන්තරපච්චයෙන පච්චයො. (1)

පීතිසහගතො ධම්මො සුඛසහගතස්ස ධම්මස්ස අනන්තරපච්චයෙන පච්චයො – පුරිමා පුරිමා පීතිසහගතා ඛන්ධා පච්ඡිමානං පච්ඡිමානං සුඛසහගතානං ඛන්ධානං අනන්තරපච්චයෙන පච්චයො. පීතිසහගතං අනුලොමං සුඛසහගතස්ස ගොත්රභුස්ස අනන්තරපච්චයෙන පච්චයො. පීතිසහගතං අනුලොමං සුඛසහගතස්ස වොදානස්ස අනන්තරපච්චයෙන පච්චයො. පීතිසහගතං අනුලොමං සුඛසහගතාය ඵලසමාපත්තියා අනන්තරපච්චයෙන පච්චයො. (2)

පීතිසහගතො ධම්මො උපෙක්ඛාසහගතස්ස ධම්මස්ස අනන්තරපච්චයෙන පච්චයො – පීතිසහගතං චුතිචිත්තං උපෙක්ඛාසහගතස්ස උපපත්තිචිත්තස්ස අනන්තරපච්චයෙන පච්චයො. පීතිසහගතං භවඞ්ගං ආවජ්ජනාය අනන්තරපච්චයෙන පච්චයො. පීතිසහගතා විපාකමනොවිඤ්ඤාණධාතු කිරියමනොවිඤ්ඤාණධාතුයා අනන්තරපච්චයෙන පච්චයො. පීතිසහගතං භවඞ්ගං උපෙක්ඛාසහගතස්ස භවඞ්ගස්ස අනන්තරපච්චයෙන පච්චයො ¶ . පීතිසහගතං කුසලාකුසලං උපෙක්ඛාසහගතස්ස වුට්ඨානස්ස… කිරියං වුට්ඨානස්ස… ඵලං වුට්ඨානස්ස අනන්තරපච්චයෙන පච්චයො. (3)

පීතිසහගතො ¶ ධම්මො පීතිසහගතස්ස ච සුඛසහගතස්ස ච ධම්මස්ස අනන්තරපච්චයෙන පච්චයො – පුරිමා පුරිමා පීතිසහගතා ඛන්ධා පච්ඡිමානං පච්ඡිමානං පීතිසහගතානඤ්ච සුඛසහගතානඤ්ච ඛන්ධානං අනන්තරපච්චයෙන පච්චයො ¶ . පීතිසහගතං අනුලොමං පීතිසහගතස්ස ච සුඛසහගතස්ස ච ගොත්රභුස්ස අනන්තරපච්චයෙන පච්චයො…පෙ… පීතිසහගතං අනුලොමං පීතිසහගතාය ච සුඛසහගතාය ච ඵලසමාපත්තියා අනන්තරපච්චයෙන පච්චයො. (4)

27. සුඛසහගතො ධම්මො සුඛසහගතස්ස ධම්මස්ස අනන්තරපච්චයෙන පච්චයො – පුරිමා පුරිමා සුඛසහගතා ඛන්ධා පච්ඡිමානං පච්ඡිමානං සුඛසහගතානං ඛන්ධානං අනන්තරපච්චයෙන පච්චයො. සුඛසහගතං අනුලොමං සුඛසහගතස්ස ගොත්රභුස්ස අනන්තරපච්චයෙන පච්චයො…පෙ… සුඛසහගතං අනුලොමං සුඛසහගතාය ඵලසමාපත්තියා අනන්තරපච්චයෙන පච්චයො. (1)

සුඛසහගතො ධම්මො පීතිසහගතස්ස ධම්මස්ස අනන්තරපච්චයෙන පච්චයො – පුරිමා පුරිමා සුඛසහගතා ඛන්ධා පච්ඡිමානං පච්ඡිමානං පීතිසහගතානං ඛන්ධානං අනන්තරපච්චයෙන පච්චයො…පෙ… සුඛසහගතං අනුලොමං පීතිසහගතාය ඵලසමාපත්තියා අනන්තරපච්චයෙන පච්චයො. (2)

සුඛසහගතො ධම්මො උපෙක්ඛාසහගතස්ස ධම්මස්ස අනන්තරපච්චයෙන ¶ පච්චයො – සුඛසහගතං චුතිචිත්තං උපෙක්ඛාසහගතස්ස උපපත්තිචිත්තස්ස අනන්තරපච්චයෙන පච්චයො. සුඛසහගතං භවඞ්ගං ආවජ්ජනාය අනන්තරපච්චයෙන පච්චයො. සුඛසහගතං කායවිඤ්ඤාණං විපාකමනොධාතුයා අනන්තරපච්චයෙන පච්චයො. සුඛසහගතා විපාකමනොවිඤ්ඤාණධාතු කිරියමනොවිඤ්ඤාණධාතුයා අනන්තරපච්චයෙන පච්චයො සුඛසහගතං භවඞ්ගං උපෙක්ඛාසහගතස්ස භවඞ්ගස්ස අනන්තරපච්චයෙන පච්චයො. සුඛසහගතං කුසලාකුසලං උපෙක්ඛාසහගතස්ස වුට්ඨානස්ස… කිරියං වුට්ඨානස්ස… ඵලං වුට්ඨානස්ස අනන්තරපච්චයෙන පච්චයො. (3)

සුඛසහගතො ධම්මො පීතිසහගතස්ස ච සුඛසහගතස්ස ච ධම්මස්ස අනන්තරපච්චයෙන පච්චයො – පුරිමා පුරිමා සුඛසහගතා ඛන්ධා පච්ඡිමානං පච්ඡිමානං පීතිසහගතානඤ්ච සුඛසහගතානඤ්ච ඛන්ධානං අනන්තරපච්චයෙන පච්චයො…පෙ… සුඛසහගතං අනුලොමං පීතිසහගතාය ච සුඛසහගතාය ච ඵලසමාපත්තියා අනන්තරපච්චයෙන පච්චයො. (4)

28. උපෙක්ඛාසහගතො ¶ ¶ ධම්මො උපෙක්ඛාසහගතස්ස ධම්මස්ස අනන්තරපච්චයෙන පච්චයො – පුරිමා පුරිමා උපෙක්ඛාසහගතා ඛන්ධා පච්ඡිමානං පච්ඡිමානං උපෙක්ඛාසහගතානං ඛන්ධානං…පෙ… ආවජ්ජනා පඤ්චන්නං විඤ්ඤාණානං අනන්තරපච්චයෙන පච්චයො. උපෙක්ඛාසහගතං අනුලොමං උපෙක්ඛාසහගතාය ඵලසමාපත්තියා… නිරොධා වුට්ඨහන්තස්ස නෙවසඤ්ඤානාසඤ්ඤායතනං උපෙක්ඛාසහගතාය ඵලසමාපත්තියා අනන්තරපච්චයෙන පච්චයො. (1)

උපෙක්ඛාසහගතො ¶ ධම්මො පීතිසහගතස්ස ධම්මස්ස අනන්තරපච්චයෙන පච්චයො – උපෙක්ඛාසහගතං චුතිචිත්තං පීතිසහගතස්ස උපපත්තිචිත්තස්ස…පෙ… ආවජ්ජනා පීතිසහගතානං ඛන්ධානං…පෙ… විපාකමනොධාතු පීතිසහගතාය විපාකමනොවිඤ්ඤාණධාතුයා…පෙ… උපෙක්ඛාසහගතං භවඞ්ගං පීතිසහගතස්ස භවඞ්ගස්ස…පෙ… උපෙක්ඛාසහගතං කුසලාකුසලං පීතිසහගතස්ස වුට්ඨානස්ස… කිරියං වුට්ඨානස්ස… ඵලං වුට්ඨානස්ස… නිරොධා වුට්ඨහන්තස්ස නෙවසඤ්ඤානාසඤ්ඤායතනං පීතිසහගතාය ඵලසමාපත්තියා අනන්තරපච්චයෙන පච්චයො. (2)

උපෙක්ඛාසහගතො ධම්මො සුඛසහගතස්ස ධම්මස්ස…පෙ… පීතිසහගතස්ස ච සුඛසහගතස්ස ච ධම්මස්ස අනන්තරපච්චයෙන පච්චයො. (4)

(තානියෙව ච ගමනානි නියාමෙතබ්බානි.)

29. පීතිසහගතො ච සුඛසහගතො ච ධම්මා පීතිසහගතස්ස ධම්මස්ස…පෙ… සුඛසහගතස්ස ධම්මස්ස…පෙ… උපෙක්ඛාසහගතස්ස ධම්මස්ස අනන්තරපච්චයෙන පච්චයො – පීතිසහගතඤ්ච සුඛසහගතඤ්ච චුතිචිත්තං උපෙක්ඛාසහගතස්ස උපපත්තිචිත්තස්ස…පෙ… පීතිසහගතඤ්ච සුඛසහගතඤ්ච භවඞ්ගං ආවජ්ජනාය…පෙ… පීතිසහගතා ච සුඛසහගතා ච විපාකමනොවිඤ්ඤාණධාතු කිරියමනොවිඤ්ඤාණධාතුයා…පෙ… පීතිසහගතඤ්ච සුඛසහගතඤ්ච භවඞ්ගං උපෙක්ඛාසහගතස්ස භවඞ්ගස්ස…පෙ… පීතිසහගතඤ්ච සුඛසහගතඤ්ච කුසලාකුසලං උපෙක්ඛාසහගතස්ස වුට්ඨානස්ස… කිරියං වුට්ඨානස්ස… ඵලං වුට්ඨානස්ස අනන්තරපච්චයෙන පච්චයො. (3)

පීතිසහගතො ¶ ¶ ච සුඛසහගතො ච ධම්මා පීතිසහගතස්ස ච සුඛසහගතස්ස ච ධම්මස්ස අනන්තරපච්චයෙන පච්චයො – පුරිමා පුරිමා පීතිසහගතා ¶ ච සුඛසහගතා ච ඛන්ධා පච්ඡිමානං පච්ඡිමානං පීතිසහගතානඤ්ච සුඛසහගතානඤ්ච ඛන්ධානං…පෙ… පීතිසහගතඤ්ච සුඛසහගතඤ්ච අනුලොමං පීතිසහගතාය ච සුඛසහගතාය ච ඵලසමාපත්තියා අනන්තරපච්චයෙන පච්චයො. (4)

30. පීතිසහගතො ධම්මො පීතිසහගතස්ස ධම්මස්ස සමනන්තරපච්චයෙන පච්චයො (අනන්තරපච්චයසදිසං).

31. පීතිසහගතො ධම්මො පීතිසහගතස්ස ධම්මස්ස සහජාතපච්චයෙන පච්චයො – පීතිසහගතො එකො ඛන්ධො තිණ්ණන්නං ඛන්ධානං සහජාතපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං සහජාතපච්චයෙන පච්චයො…පෙ… (පටිච්චසදිසං සහජාතෙ දස පඤ්හා).

32. පීතිසහගතො ධම්මො පීතිසහගතස්ස ධම්මස්ස අඤ්ඤමඤ්ඤපච්චයෙන පච්චයො… නිස්සයපච්චයෙන පච්චයො (දස පඤ්හා කාතබ්බා).

33. පීතිසහගතො ධම්මො පීතිසහගතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – පීතිසහගතං සද්ධං උපනිස්සාය පීතිසහගතෙන චිත්තෙන දානං දෙති, සීලං සමාදියති, උපොසථකම්මං කරොති, පීතිසහගතං ඣානං උප්පාදෙති, විපස්සනං උප්පාදෙති, මග්ගං උප්පාදෙති, සමාපත්තිං උප්පාදෙති, මානං ජප්පෙති, දිට්ඨිං ගණ්හාති. පීතිසහගතං සීලං… සුතං… චාගං… පඤ්ඤං ¶ ¶ උපනිස්සාය පීතිසහගතෙන චිත්තෙන දානං දෙති, සීලං සමාදියති…පෙ… මානං ජප්පෙති, දිට්ඨිං ගණ්හාති. පීතිසහගතං රාගං… මොහං… මානං… දිට්ඨිං… පත්ථනං උපනිස්සාය පීතිසහගතෙන චිත්තෙන දානං දෙති, සීලං සමාදියති, උපොසථකම්මං කරොති, පීතිසහගතං ඣානං උප්පාදෙති…පෙ… සමාපත්තිං උප්පාදෙති. පීතිසහගතෙන චිත්තෙන අදින්නං ආදියති, මුසා භණති ¶ , පිසුණං භණති, සම්ඵං පලපති, සන්ධිං ඡින්දති, නිල්ලොපං හරති, එකාගාරිකං කරොති, පරිපන්ථෙ තිට්ඨති, පරදාරං ගච්ඡති, ගාමඝාතං කරොති, නිගමඝාතං කරොති. පීතිසහගතා සද්ධා… සීලං… සුතං… චාගො… පඤ්ඤා… රාගො… මොහො… මානො… දිට්ඨි… පත්ථනා පීතිසහගතාය සද්ධාය… සීලස්ස… සුතස්ස… චාගස්ස… පඤ්ඤාය… රාගස්ස… මොහස්ස… මානස්ස… දිට්ඨියා… පත්ථනාය උපනිස්සයපච්චයෙන පච්චයො. (1)

පීතිසහගතො ධම්මො සුඛසහගතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – පීතිසහගතං සද්ධං උපනිස්සාය සුඛසහගතෙන චිත්තෙන දානං දෙති…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති. පීතිසහගතං සීලං… සුතං… චාගං… පඤ්ඤං… රාගං… මොහං… මානං… දිට්ඨිං… පත්ථනං උපනිස්සාය සුඛසහගතෙන චිත්තෙන දානං දෙති…පෙ… සමාපත්තිං උප්පාදෙති. සුඛසහගතෙන චිත්තෙන අදින්නං ආදියති…පෙ… නිගමඝාතං කරොති. පීතිසහගතා සද්ධා…පෙ… පත්ථනා සුඛසහගතාය සද්ධාය…පෙ… පත්ථනාය සුඛසහගතස්ස කායවිඤ්ඤාණස්ස උපනිස්සයපච්චයෙන පච්චයො. (2)

පීතිසහගතො ¶ ධම්මො උපෙක්ඛාසහගතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – පීතිසහගතං සද්ධං උපනිස්සාය උපෙක්ඛාසහගතෙන චිත්තෙන දානං දෙති…පෙ… අභිඤ්ඤං උප්පාදෙති, සමාපත්තිං උප්පාදෙති, මානං ජප්පෙති, දිට්ඨිං ගණ්හාති. පීතිසහගතං සීලං…පෙ… පත්ථනං උපනිස්සාය උපෙක්ඛාසහගතෙන චිත්තෙන දානං දෙති…පෙ… නිගමඝාතං කරොති. පීතිසහගතා සද්ධා…පෙ… පත්ථනා උපෙක්ඛාසහගතාය සද්ධාය…පෙ… පත්ථනාය උපනිස්සයපච්චයෙන පච්චයො. (3)

පීතිසහගතො ¶ ධම්මො පීතිසහගතස්ස ච සුඛසහගතස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – පීතිසහගතං සද්ධං උපනිස්සාය පීතිසහගතෙන ච සුඛසහගතෙන ච චිත්තෙන දානං දෙති…පෙ… දිට්ඨිං ගණ්හාති. පීතිසහගතං සීලං…පෙ… පත්ථනං උපනිස්සාය පීතිසහගතෙන ච සුඛසහගතෙන ච චිත්තෙන දානං දෙති…පෙ… නිගමඝාතං කරොති. පීතිසහගතා ¶ සද්ධා…පෙ… පත්ථනා පීතිසහගතාය ච සුඛසහගතාය ච සද්ධාය…පෙ… පත්ථනාය උපනිස්සයපච්චයෙන පච්චයො. (4)

34. සුඛසහගතො ධම්මො සුඛසහගතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සුඛසහගතං සද්ධං උපනිස්සාය සුඛසහගතෙන චිත්තෙන දානං දෙති…පෙ… දිට්ඨිං ගණ්හාති. සුඛසහගතං සීලං…පෙ… පත්ථනං සුඛසහගතං ¶ කායවිඤ්ඤාණං උපනිස්සාය සුඛසහගතෙන චිත්තෙන දානං දෙති…පෙ… නිගමඝාතං කරොති. සුඛසහගතා සද්ධා…පෙ… පත්ථනා සුඛසහගතං කායවිඤ්ඤාණං සුඛසහගතාය සද්ධාය…පෙ… පත්ථනාය සුඛසහගතස්ස කායවිඤ්ඤාණස්ස උපනිස්සයපච්චයෙන පච්චයො. (1)

සුඛසහගතො ධම්මො පීතිසහගතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සුඛසහගතං සද්ධං උපනිස්සාය පීතිසහගතෙන චිත්තෙන දානං දෙති…පෙ… දිට්ඨිං ගණ්හාති. සුඛසහගතං සීලං…පෙ… පත්ථනං සුඛසහගතං කායවිඤ්ඤාණං උපනිස්සාය පීතිසහගතෙන චිත්තෙන දානං දෙති…පෙ… නිගමඝාතං කරොති. සුඛසහගතා සද්ධා…පෙ… පත්ථනා සුඛසහගතං කායවිඤ්ඤාණං පීතිසහගතාය සද්ධාය…පෙ… පත්ථනාය උපනිස්සයපච්චයෙන පච්චයො. (2)

සුඛසහගතො ධම්මො උපෙක්ඛාසහගතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සුඛසහගතං සද්ධං උපනිස්සාය උපෙක්ඛාසහගතෙන චිත්තෙන දානං දෙති…පෙ… අභිඤ්ඤං උප්පාදෙති…පෙ… දිට්ඨිං ගණ්හාති. සුඛසහගතං සීලං…පෙ… පත්ථනං සුඛසහගතං කායවිඤ්ඤාණං උපනිස්සාය උපෙක්ඛාසහගතෙන චිත්තෙන දානං දෙති…පෙ… නිගමඝාතං කරොති. සුඛසහගතා සද්ධා…පෙ… පත්ථනා සුඛසහගතං කායවිඤ්ඤාණං උපෙක්ඛාසහගතාය සද්ධාය…පෙ… පත්ථනාය උපනිස්සයපච්චයෙන පච්චයො. (3)

සුඛසහගතො ¶ ධම්මො පීතිසහගතස්ස ච සුඛසහගතස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො ¶ …පෙ…. පකතූපනිස්සයො – සුඛසහගතං සද්ධං උපනිස්සාය පීතිසහගතෙන ච සුඛසහගතෙන ච චිත්තෙන දානං දෙති…පෙ… දිට්ඨිං ගණ්හාති. සුඛසහගතං සීලං…පෙ… පත්ථනං සුඛසහගතං කායවිඤ්ඤාණං ¶ උපනිස්සාය පීතිසහගතෙන ච සුඛසහගතෙන ච චිත්තෙන දානං දෙති…පෙ… නිගමඝාතං කරොති. සුඛසහගතා සද්ධා…පෙ… පත්ථනා සුඛසහගතං කායවිඤ්ඤාණං පීතිසහගතාය ච සුඛසහගතාය ච සද්ධාය…පෙ… පත්ථනාය උපනිස්සයපච්චයෙන පච්චයො. (4)

35. උපෙක්ඛාසහගතො ධම්මො උපෙක්ඛාසහගතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – උපෙක්ඛාසහගතං සද්ධං උපනිස්සාය උපෙක්ඛාසහගතෙන චිත්තෙන දානං දෙති…පෙ… අභිඤ්ඤං උප්පාදෙති…පෙ… දිට්ඨිං ගණ්හාති. උපෙක්ඛාසහගතං සීලං…පෙ… පත්ථනං උපනිස්සාය උපෙක්ඛාසහගතෙන චිත්තෙන දානං දෙති…පෙ… නිගමඝාතං කරොති. උපෙක්ඛාසහගතා සද්ධා…පෙ… පත්ථනා උපෙක්ඛාසහගතාය සද්ධාය…පෙ… පත්ථනාය උපනිස්සයපච්චයෙන පච්චයො. (1)

උපෙක්ඛාසහගතො ධම්මො පීතිසහගතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – උපෙක්ඛාසහගතං සද්ධං උපනිස්සාය පීතිසහගතෙන ¶ චිත්තෙන දානං දෙති…පෙ… දිට්ඨිං ගණ්හාති. උපෙක්ඛාසහගතං සීලං…පෙ… පත්ථනං උපනිස්සාය පීතිසහගතෙන චිත්තෙන දානං දෙති…පෙ… නිගමඝාතං කරොති. උපෙක්ඛාසහගතා සද්ධා…පෙ… පත්ථනා පීතිසහගතාය සද්ධාය…පෙ… පත්ථනාය උපනිස්සයපච්චයෙන පච්චයො. (2)

උපෙක්ඛාසහගතො ¶ ධම්මො සුඛසහගතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – උපෙක්ඛාසහගතං සද්ධං උපනිස්සාය සුඛසහගතෙන චිත්තෙන දානං දෙති…පෙ… දිට්ඨිං ගණ්හාති. උපෙක්ඛාසහගතං සීලං…පෙ… පත්ථනං උපනිස්සාය සුඛසහගතෙන චිත්තෙන දානං දෙති…පෙ… නිගමඝාතං කරොති. උපෙක්ඛාසහගතා සද්ධා…පෙ… පත්ථනා සුඛසහගතාය සද්ධාය…පෙ… පත්ථනාය සුඛසහගතස්ස කායවිඤ්ඤාණස්ස උපනිස්සයපච්චයෙන පච්චයො. (3)

උපෙක්ඛාසහගතො ¶ ධම්මො පීතිසහගතස්ස ච සුඛසහගතස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – උපෙක්ඛාසහගතං සද්ධං උපනිස්සාය පීතිසහගතෙන ච සුඛසහගතෙන ච චිත්තෙන දානං දෙති…පෙ… දිට්ඨිං ගණ්හාති. උපෙක්ඛාසහගතං සීලං…පෙ… පත්ථනං උපනිස්සාය පීතිසහගතෙන ච සුඛසහගතෙන ච චිත්තෙන දානං දෙති…පෙ… නිගමඝාතං කරොති. උපෙක්ඛාසහගතා සද්ධා…පෙ… පත්ථනා පීතිසහගතාය ච සුඛසහගතාය ච සද්ධාය…පෙ… පත්ථනාය උපනිස්සයපච්චයෙන පච්චයො. (4)

36. පීතිසහගතො ච සුඛසහගතො ච ධම්මා පීතිසහගතස්ස ධම්මස්ස ¶ උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – පීතිසහගතඤ්ච සුඛසහගතඤ්ච සද්ධං උපනිස්සාය පීතිසහගතෙන චිත්තෙන දානං දෙති…පෙ… දිට්ඨිං ගණ්හාති. පීතිසහගතඤ්ච සුඛසහගතඤ්ච සීලං…පෙ… පත්ථනං උපනිස්සාය පීතිසහගතෙන චිත්තෙන දානං දෙති…පෙ… නිගමඝාතං කරොති. පීතිසහගතා ච සුඛසහගතා ච සද්ධා…පෙ… පත්ථනා පීතිසහගතාය සද්ධාය…පෙ… පත්ථනාය උපනිස්සයපච්චයෙන පච්චයො. (1)

පීතිසහගතො ච සුඛසහගතො ච ධම්මා සුඛසහගතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – පීතිසහගතඤ්ච සුඛසහගතඤ්ච සද්ධං උපනිස්සාය සුඛසහගතෙන චිත්තෙන දානං දෙති…පෙ… දිට්ඨිං ගණ්හාති. පීතිසහගතඤ්ච සුඛසහගතඤ්ච සීලං…පෙ… පත්ථනං උපනිස්සාය සුඛසහගතෙන චිත්තෙන දානං දෙති…පෙ… නිගමඝාතං කරොති. පීතිසහගතා ච සුඛසහගතා ¶ ච සද්ධා…පෙ… පත්ථනා සුඛසහගතාය සද්ධාය…පෙ… පත්ථනාය සුඛසහගතස්ස කායවිඤ්ඤාණස්ස උපනිස්සයපච්චයෙන පච්චයො. (2)

පීතිසහගතො ච සුඛසහගතො ච ධම්මා උපෙක්ඛාසහගතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – පීතිසහගතඤ්ච සුඛසහගතඤ්ච සද්ධං උපනිස්සාය උපෙක්ඛාසහගතෙන චිත්තෙන දානං දෙති ¶ …පෙ… අභිඤ්ඤං උප්පාදෙති…පෙ… දිට්ඨිං ගණ්හාති. පීතිසහගතඤ්ච සුඛසහගතඤ්ච සීලං…පෙ… ¶ පත්ථනං උපනිස්සාය උපෙක්ඛාසහගතෙන චිත්තෙන දානං දෙති…පෙ… නිගමඝාතං කරොති. පීතිසහගතා ච සුඛසහගතා ච සද්ධා…පෙ… පත්ථනා උපෙක්ඛාසහගතාය සද්ධාය…පෙ… පත්ථනාය උපනිස්සයපච්චයෙන පච්චයො. (3)

පීතිසහගතො ච සුඛසහගතො ච ධම්මා පීතිසහගතස්ස ච සුඛසහගතස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – පීතිසහගතඤ්ච සුඛසහගතඤ්ච සද්ධං උපනිස්සාය පීතිසහගතෙන ච සුඛසහගතෙන ච චිත්තෙන දානං දෙති, සීලං සමාදියති, උපොසථකම්මං කරොති. පීතිසහගතඤ්ච සුඛසහගතඤ්ච ඣානං උප්පාදෙති, විපස්සනං උප්පාදෙති, මග්ගං උප්පාදෙති, සමාපත්තිං උප්පාදෙති, මානං ජප්පෙති, දිට්ඨිං ගණ්හාති. පීතිසහගතඤ්ච සුඛසහගතඤ්ච සීලං… සුතං… චාගං… පඤ්ඤං… රාගං… මොහං… මානං… දිට්ඨිං… පත්ථනං උපනිස්සාය පීතිසහගතෙන ච සුඛසහගතෙන ච චිත්තෙන දානං දෙති, සීලං සමාදියති, උපොසථකම්මං කරොති. පීතිසහගතඤ්ච සුඛසහගතඤ්ච ඣානං උප්පාදෙති…පෙ… සමාපත්තිං උප්පාදෙති. පීතිසහගතෙන ච සුඛසහගතෙන ච චිත්තෙන අදින්නං ආදියති, මුසා භණති, පිසුණං භණති, සම්ඵං පලපති, සන්ධිං ඡින්දති, නිල්ලොපං හරති, එකාගාරිකං කරොති, පරිපන්ථෙ තිට්ඨති, පරදාරං ගච්ඡති, ගාමඝාතං කරොති, නිගමඝාතං කරොති. පීතිසහගතා ච සුඛසහගතා ච සද්ධා…පෙ… පත්ථනා පීතිසහගතාය ච සුඛසහගතාය ච සද්ධාය…පෙ… පත්ථනාය උපනිස්සයපච්චයෙන පච්චයො. (4)

37. පීතිසහගතො ¶ ධම්මො පීතිසහගතස්ස ධම්මස්ස ආසෙවනපච්චයෙන ¶ පච්චයො – පුරිමා පුරිමා පීතිසහගතා ඛන්ධා පච්ඡිමානං පච්ඡිමානං පීතිසහගතානං ඛන්ධානං ආසෙවනපච්චයෙන පච්චයො. පීතිසහගතං අනුලොමං පීතිසහගතස්ස ගොත්රභුස්ස… අනුලොමං වොදානස්ස… ගොත්රභු මග්ගස්ස… වොදානං මග්ගස්ස ආසෙවනපච්චයෙන පච්චයො. (1)

පීතිසහගතො ධම්මො සුඛසහගතස්ස ධම්මස්ස ආසෙවනපච්චයෙන පච්චයො – පුරිමා පුරිමා පීතිසහගතා ඛන්ධා පච්ඡිමානං පච්ඡිමානං සුඛසහගතානං ¶ ඛන්ධානං ආසෙවනපච්චයෙන පච්චයො. පීතිසහගතං අනුලොමං සුඛසහගතස්ස ගොත්රභුස්ස ආසෙවනපච්චයෙන පච්චයො. පීතිසහගතං අනුලොමං සුඛසහගතස්ස වොදානස්ස ආසෙවනපච්චයෙන පච්චයො. පීතිසහගතං ගොත්රභු සුඛසහගතස්ස මග්ගස්ස… පීතිසහගතං වොදානං සුඛසහගතස්ස මග්ගස්ස ආසෙවනපච්චයෙන පච්චයො. (2)

පීතිසහගතො ධම්මො පීතිසහගතස්ස ච සුඛසහගතස්ස ච ධම්මස්ස ආසෙවනපච්චයෙන පච්චයො – පුරිමා පුරිමා පීතිසහගතා ඛන්ධා පච්ඡිමානං පච්ඡිමානං පීතිසහගතානඤ්ච සුඛසහගතානඤ්ච ආසෙවනපච්චයෙන පච්චයො…පෙ… පීතිසහගතං වොදානං පීතිසහගතස්ස ච සුඛසහගතස්ස ච මග්ගස්ස ආසෙවනපච්චයෙන පච්චයො. (3)

38. සුඛසහගතො ධම්මො සුඛසහගතස්ස ධම්මස්ස…පෙ… පීතිසහගතස්ස ධම්මස්ස…පෙ… පීතිසහගතස්ස ච සුඛසහගතස්ස ච ධම්මස්ස ආසෙවනපච්චයෙන පච්චයො (සංඛිත්තං. පීතිනයං පස්සිත්වා කාතබ්බං).

උපෙක්ඛාසහගතො ධම්මො උපෙක්ඛාසහගතස්ස ධම්මස්ස ආසෙවනපච්චයෙන ¶ පච්චයො – පුරිමා පුරිමා උපෙක්ඛාසහගතා ඛන්ධා පච්ඡිමානං පච්ඡිමානං උපෙක්ඛාසහගතානං ඛන්ධානං…පෙ… උපෙක්ඛාසහගතං වොදානං උපෙක්ඛාසහගතස්ස මග්ගස්ස ආසෙවනපච්චයෙන පච්චයො. (1)

39. පීතිසහගතො ච සුඛසහගතො ච ධම්මා පීතිසහගතස්ස ධම්මස්ස…පෙ… සුඛසහගතස්ස ¶ ධම්මස්ස…පෙ… පීතිසහගතස්ස ච සුඛසහගතස්ස ච ධම්මස්ස ආසෙවනපච්චයෙන පච්චයො – පුරිමා පුරිමා පීතිසහගතා ච සුඛසහගතා ච ඛන්ධා පච්ඡිමානං පච්ඡිමානං පීතිසහගතානඤ්ච සුඛසහගතානඤ්ච ඛන්ධානං ආසෙවනපච්චයෙන පච්චයො…පෙ… පීතිසහගතඤ්ච සුඛසහගතඤ්ච වොදානං පීතිසහගතස්ස ච සුඛසහගතස්ස ච මග්ගස්ස ආසෙවනපච්චයෙන පච්චයො. (3)

40. පීතිසහගතො ධම්මො පීතිසහගතස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා [නානාඛණිකා (ස්යා. ක.)]. සහජාතා – පීතිසහගතා චෙතනා සම්පයුත්තකානං ඛන්ධානං කම්මපච්චයෙන පච්චයො. පටිසන්ධික්ඛණෙ පීතිසහගතා ¶ චෙතනා සම්පයුත්තකානං ඛන්ධානං කම්මපච්චයෙන පච්චයො. නානාක්ඛණිකා – පීතිසහගතා චෙතනා විපාකානං පීතිසහගතානං ඛන්ධානං කම්මපච්චයෙන පච්චයො. (1)

පීතිසහගතො ධම්මො සුඛසහගතස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – පීතිසහගතා චෙතනා සම්පයුත්තකානං සුඛසහගතානං ඛන්ධානං කම්මපච්චයෙන පච්චයො. පටිසන්ධික්ඛණෙ පීතිසහගතා චෙතනා සම්පයුත්තකානං සුඛසහගතානං ඛන්ධානං කම්මපච්චයෙන ¶ පච්චයො. නානාක්ඛණිකා – පීතිසහගතා චෙතනා විපාකානං සුඛසහගතානං ඛන්ධානං කම්මපච්චයෙන පච්චයො. (2)

පීතිසහගතො ධම්මො උපෙක්ඛාසහගතස්ස ධම්මස්ස කම්මපච්චයෙන පච්චයො. නානාක්ඛණිකා – පීතිසහගතා චෙතනා විපාකානං උපෙක්ඛාසහගතානං ඛන්ධානං කම්මපච්චයෙන පච්චයො. (3)

පීතිසහගතො ධම්මො පීතිසහගතස්ස ච සුඛසහගතස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – පීතිසහගතා චෙතනා සම්පයුත්තකානං පීතිසහගතානඤ්ච සුඛසහගතානඤ්ච ඛන්ධානං කම්මපච්චයෙන පච්චයො. පටිසන්ධික්ඛණෙ ¶ …පෙ…. නානාක්ඛණිකා – පීතිසහගතා චෙතනා විපාකානං පීතිසහගතානඤ්ච සුඛසහගතානඤ්ච ඛන්ධානං කම්මපච්චයෙන පච්චයො. (4)

41. සුඛසහගතො ධම්මො සුඛසහගතස්ස ධම්මස්ස (චත්තාරිපි ගණනානි පස්සිත්වා කාතබ්බානි).

42. උපෙක්ඛාසහගතො ධම්මො උපෙක්ඛාසහගතස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා…පෙ….

උපෙක්ඛාසහගතො ධම්මො පීතිසහගතස්ස ධම්මස්ස කම්මපච්චයෙන පච්චයො. නානාක්ඛණිකා – උපෙක්ඛාසහගතා චෙතනා…පෙ….

උපෙක්ඛාසහගතො ධම්මො සුඛසහගතස්ස ධම්මස්ස කම්මපච්චයෙන පච්චයො. නානාක්ඛණිකා – උපෙක්ඛාසහගතා චෙතනා…පෙ….

උපෙක්ඛාසහගතො ¶ ධම්මො පීතිසහගතස්ස ච සුඛසහගතස්ස ච ධම්මස්ස කම්මපච්චයෙන පච්චයො. නානාක්ඛණිකා – උපෙක්ඛාසහගතා චෙතනා…පෙ…. (4)

පීතිසහගතො ච සුඛසහගතො ච ධම්මා පීතිසහගතස්ස ධම්මස්ස (චත්තාරි ¶ කාතබ්බානි, පීතිසහගතං අනුමජ්ජන්තෙන විභජිතබ්බං). (4)

43. පීතිසහගතො ධම්මො පීතිසහගතස්ස ධම්මස්ස විපාකපච්චයෙන පච්චයො – පීතිසහගතො විපාකො එකො ඛන්ධො තිණ්ණන්නං ඛන්ධානං විපාකපච්චයෙන පච්චයො…පෙ… ද්වෙ ඛන්ධා ද්වින්නං ඛන්ධානං…පෙ… පටිසන්ධික්ඛණෙ පීතිසහගතො එකො ඛන්ධො තිණ්ණන්නං ඛන්ධානං…පෙ… ද්වෙ ඛන්ධා ද්වින්නං ඛන්ධානං…පෙ….

(යථා ¶ පටිච්චවාරෙ හෙතුපච්චයෙ එවං විත්ථාරෙතබ්බා දස පඤ්හා.)

44. පීතිසහගතො ධම්මො පීතිසහගතස්ස ධම්මස්ස ආහාරපච්චයෙන පච්චයො… ඉන්ද්රියපච්චයෙන පච්චයො… ඣානපච්චයෙන පච්චයො… මග්ගපච්චයෙන පච්චයො… සම්පයුත්තපච්චයෙන පච්චයො… අත්ථිපච්චයෙන පච්චයො… (දස පඤ්හා විත්ථාරෙතබ්බා) නත්ථිපච්චයෙන පච්චයො… විගතපච්චයෙන පච්චයො… (නත්ථිපි විගතම්පි අනන්තරසදිසං) අවිගතපච්චයෙන පච්චයො.

45. හෙතුයා දස, ආරම්මණෙ සොළස, අධිපතියා සොළස, අනන්තරෙ සොළස, සමනන්තරෙ සොළස, සහජාතෙ දස, අඤ්ඤමඤ්ඤෙ දස, නිස්සයෙ දස, උපනිස්සයෙ සොළස, ආසෙවනෙ දස, කම්මෙ සොළස, විපාකෙ දස, ආහාරෙ ඉන්ද්රියෙ ඣානෙ මග්ගෙ සම්පයුත්තෙ අත්ථියා දස, නත්ථියා සොළස, විගතෙ සොළස, අවිගතෙ දස.

(කුසලත්තිකං අනුලොමං අනුමජ්ජන්තෙන ගණෙතබ්බං.)

46. පීතිසහගතො ¶ ¶ ¶ ධම්මො පීතිසහගතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (1)

පීතිසහගතො ධම්මො සුඛසහගතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (2)

පීතිසහගතො ධම්මො උපෙක්ඛාසහගතස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (3)

පීතිසහගතො ධම්මො පීතිසහගතස්ස ච සුඛසහගතස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (4)

47. සුඛසහගතො ධම්මො සුඛසහගතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (1)

සුඛසහගතො ධම්මො පීතිසහගතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (2)

සුඛසහගතො ධම්මො උපෙක්ඛාසහගතස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (3)

සුඛසහගතො ¶ ධම්මො පීතිසහගතස්ස ච සුඛසහගතස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (4)

48. උපෙක්ඛාසහගතො ¶ ධම්මො උපෙක්ඛාසහගතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (1)

උපෙක්ඛාසහගතො ධම්මො පීතිසහගතස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (2)

උපෙක්ඛාසහගතො ¶ ධම්මො සුඛසහගතස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (3)

උපෙක්ඛාසහගතො ධම්මො පීතිසහගතස්ස ච සුඛසහගතස්ස ච ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (4)

49. පීතිසහගතො ච සුඛසහගතො ච ධම්මා පීතිසහගතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (1)

පීතිසහගතො ච සුඛසහගතො ච ධම්මා සුඛසහගතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන ¶ පච්චයො… කම්මපච්චයෙන පච්චයො. (2)

පීතිසහගතො ච සුඛසහගතො ච ධම්මා උපෙක්ඛාසහගතස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (3)

පීතිසහගතො ච සුඛසහගතො ච ධම්මා පීතිසහගතස්ස ච සුඛසහගතස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (4)

50. නහෙතුයා ¶ සොළස, නආරම්මණෙ නඅධිපතියා නඅනන්තරෙ නසමනන්තරෙ නසහජාතෙ නඅඤ්ඤමඤ්ඤෙ නනිස්සයෙ නඋපනිස්සයෙ නපුරෙජාතෙ නපච්ඡාජාතෙ නආසෙවනෙ නකම්මෙ නවිපාකෙ නආහාරෙ නඉන්ද්රියෙ නඣානෙ නමග්ගෙ නසම්පයුත්තෙ නවිප්පයුත්තෙ නොඅත්ථියා නොනත්ථියා නොවිගතෙ නොඅවිගතෙ සබ්බත්ථ සොළස.

(පච්චනීයං අනුමජ්ජන්තෙන ගණෙතබ්බං.)

51. හෙතුපච්චයා ¶ නආරම්මණෙ දස, නඅධිපතියා දස, නඅනන්තරෙ නසමනන්තරෙ නඋපනිස්සයෙ නපුරෙජාතෙ නපච්ඡාජාතෙ නආසෙවනෙ නකම්මෙ නවිපාකෙ නආහාරෙ නඉන්ද්රියෙ නඣානෙ නමග්ගෙ නවිප්පයුත්තෙ නොනත්ථියා නොවිගතෙ සබ්බත්ථ දස.

(අනුලොමපච්චනීයං අනුමජ්ජන්තෙන ගණෙතබ්බං.)

52. නහෙතුපච්චයා ¶ ¶ ආරම්මණෙ සොළස, අධිපතියා අනන්තරෙ සමනන්තරෙ සොළස, සහජාතෙ දස, අඤ්ඤමඤ්ඤෙ දස, නිස්සයෙ දස, උපනිස්සයෙ සොළස, ආසෙවනෙ දස, කම්මෙ සොළස, විපාකෙ දස, ආහාරෙ දස, ඉන්ද්රියෙ දස, ඣානෙ දස, මග්ගෙ දස, සම්පයුත්තෙ දස, අත්ථියා දස, නත්ථියා සොළස, විගතෙ සොළස, අවිගතෙ දස.

(පච්චනීයානුලොමං අනුමජ්ජන්තෙන ගණෙතබ්බං.)