මූල > අභිධම්මපිටක > පට්ඨානපාළි-2 > 21. අජ්ඣත්තාරම්මණත්තිකං

1. අජ්ඣත්තාරම්මණං ¶ ¶ ¶ ධම්මං පටිච්ච අජ්ඣත්තාරම්මණො ධම්මො උප්පජ්ජති හෙතුපච්චයා – අජ්ඣත්තාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ අජ්ඣත්තාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

බහිද්ධාරම්මණං ධම්මං පටිච්ච බහිද්ධාරම්මණො ධම්මො උප්පජ්ජති හෙතුපච්චයා – බහිද්ධාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ බහිද්ධාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

2. අජ්ඣත්තාරම්මණං ධම්මං පටිච්ච අජ්ඣත්තාරම්මණො ධම්මො උප්පජ්ජති ආරම්මණපච්චයා…පෙ… අවිගතපච්චයා (සංඛිත්තං).

3. හෙතුපච්චයා ¶ ආරම්මණෙ ද්වෙ (සංඛිත්තං, සබ්බත්ථ ද්වෙ), අවිගතෙ ද්වෙ (එවං ගණෙතබ්බං).

4. අජ්ඣත්තාරම්මණං ධම්මං පටිච්ච අජ්ඣත්තාරම්මණො ධම්මො උප්පජ්ජති නහෙතුපච්චයා – අහෙතුකං අජ්ඣත්තාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ අජ්ඣත්තාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො ¶ මොහො. (1)

බහිද්ධාරම්මණං ¶ ධම්මං පටිච්ච බහිද්ධාරම්මණො ධම්මො උප්පජ්ජති නහෙතුපච්චයා – අහෙතුකං බහිද්ධාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

5. අජ්ඣත්තාරම්මණං ධම්මං පටිච්ච අජ්ඣත්තාරම්මණො ධම්මො උප්පජ්ජති නඅධිපතිපච්චයා ¶ … (අනුලොමසහජාතසදිසං, නින්නානාකරණං) නපුරෙජාතපච්චයා – අරූපෙ අජ්ඣත්තාරම්මණං එකං ඛන්ධං පටිච්ච…පෙ… පටිසන්ධික්ඛණෙ…පෙ…. (1)

6. බහිද්ධාරම්මණං ධම්මං පටිච්ච බහිද්ධාරම්මණො ධම්මො උප්පජ්ජති නපුරෙජාතපච්චයා – අරූපෙ බහිද්ධාරම්මණං එකං ඛන්ධං පටිච්ච තයො ඛන්ධා…පෙ…. පටිසන්ධික්ඛණෙ…පෙ… නපච්ඡාජාතපච්චයා… නආසෙවනපච්චයා… (සහජාතසදිසං) නකම්මපච්චයා – අජ්ඣත්තාරම්මණෙ ඛන්ධෙ පටිච්ච අජ්ඣත්තාරම්මණා චෙතනා.

බහිද්ධාරම්මණං ධම්මං පටිච්ච බහිද්ධාරම්මණො ධම්මො උප්පජ්ජති නකම්මපච්චයා – බහිද්ධාරම්මණෙ ඛන්ධෙ පටිච්ච බහිද්ධාරම්මණා චෙතනා.

7. අජ්ඣත්තාරම්මණං ධම්මං පටිච්ච අජ්ඣත්තාරම්මණො ධම්මො උප්පජ්ජති නවිපාකපච්චයා (පටිසන්ධි නත්ථි)… නඣානපච්චයා…පෙ… පඤ්චවිඤ්ඤාණසහගතං අජ්ඣත්තාරම්මණං එකං…පෙ…. (1)

බහිද්ධාරම්මණං ¶ ධම්මං පටිච්ච බහිද්ධාරම්මණො ධම්මො උප්පජ්ජති නඣානපච්චයා – පඤ්චවිඤ්ඤාණසහගතං බහිද්ධාරම්මණං එකං ඛන්ධං පටිච්ච තයො ඛන්ධා…පෙ… නමග්ගපච්චයා (නහෙතුසදිසො. මොහො නත්ථි)… නවිප්පයුත්තපච්චයා – අරූපෙ අජ්ඣත්තාරම්මණං එකං ඛන්ධං පටිච්ච තයො ඛන්ධා…පෙ…. (1)

බහිද්ධාරම්මණං ධම්මං පටිච්ච බහිද්ධාරම්මණො ධම්මො උප්පජ්ජති නවිප්පයුත්තපච්චයා – අරූපෙ බහිද්ධාරම්මණං එකං ඛන්ධං පටිච්ච තයො ඛන්ධා…පෙ…. (1)

8. නහෙතුයා ¶ ¶ ද්වෙ, නඅධිපතියා ද්වෙ, නපුරෙජාතෙ ද්වෙ, නපච්ඡාජාතෙ ද්වෙ, නආසෙවනෙ නකම්මෙ නවිපාකෙ නඣානෙ නමග්ගෙ නවිප්පයුත්තෙ ද්වෙ (එවං ගණෙතබ්බං).

9. හෙතුපච්චයා නඅධිපතියා ද්වෙ…පෙ… නවිපාකෙ ද්වෙ, නවිප්පයුත්තෙ ද්වෙ (එවං ගණෙතබ්බං).

10. නහෙතුපච්චයා ආරම්මණෙ ද්වෙ, අනන්තරෙ ද්වෙ, සමනන්තරෙ ද්වෙ…පෙ… මග්ගෙ ද්වෙ…පෙ… අවිගතෙ ද්වෙ (එවං ගණෙතබ්බං).

2-6. සහජාත-පච්චය-නිස්සය-සංසට්ඨ-සම්පයුත්තවාරො

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා.)

11. අජ්ඣත්තාරම්මණො ¶ ¶ ධම්මො අජ්ඣත්තාරම්මණස්ස ධම්මස්ස හෙතුපච්චයෙන පච්චයො – අජ්ඣත්තාරම්මණා හෙතූ සම්පයුත්තකානං ඛන්ධානං හෙතුපච්චයෙන පච්චයො. පටිසන්ධික්ඛණෙ අජ්ඣත්තාරම්මණා හෙතූ සම්පයුත්තකානං ඛන්ධානං හෙතුපච්චයෙන පච්චයො. (1)

බහිද්ධාරම්මණො ¶ ධම්මො බහිද්ධාරම්මණස්ස ධම්මස්ස හෙතුපච්චයෙන පච්චයො – බහිද්ධාරම්මණා හෙතූ සම්පයුත්තකානං ඛන්ධානං…පෙ… පටිසන්ධික්ඛණෙ…පෙ…. (1)

12. අජ්ඣත්තාරම්මණො ධම්මො අජ්ඣත්තාරම්මණස්ස ධම්මස්ස ආරම්මණපච්චයෙන පච්චයො – අජ්ඣත්තං විඤ්ඤාණඤ්චායතනං පච්චවෙක්ඛති, නෙවසඤ්ඤානාසඤ්ඤායතනං පච්චවෙක්ඛති, අජ්ඣත්තාරම්මණං අජ්ඣත්තං දිබ්බං චක්ඛුං පච්චවෙක්ඛති, දිබ්බං සොතධාතුං…පෙ… ඉද්ධිවිධඤාණං…පෙ… පුබ්බෙනිවාසානුස්සතිඤාණං…පෙ… යථාකම්මූපගඤාණං…පෙ… අනාගතංසඤාණං පච්චවෙක්ඛති. අරියා අජ්ඣත්තාරම්මණෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. අජ්ඣත්තාරම්මණෙ අජ්ඣත්තෙ ඛන්ධෙ අනිච්චතො…පෙ… විපස්සති, අස්සාදෙති අභිනන්දති, තං ආරබ්භ අජ්ඣත්තාරම්මණො රාගො උප්පජ්ජති…පෙ… දොමනස්සං උප්පජ්ජති. අජ්ඣත්තාරම්මණා අජ්ඣත්තා ඛන්ධා පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

අජ්ඣත්තාරම්මණො ධම්මො බහිද්ධාරම්මණස්ස ධම්මස්ස ආරම්මණපච්චයෙන ¶ පච්චයො – බහිද්ධා විඤ්ඤාණඤ්චායතනං ¶ පච්චවෙක්ඛති, නෙවසඤ්ඤානාසඤ්ඤායතනං පච්චවෙක්ඛති. අජ්ඣත්තාරම්මණං බහිද්ධා දිබ්බං චක්ඛුං පච්චවෙක්ඛති, දිබ්බං සොතධාතුං…පෙ… ඉද්ධිවිධඤාණං…පෙ… පුබ්බෙනිවාසානුස්සතිඤාණං…පෙ… යථාකම්මූපගඤාණං…පෙ… අනාගතංසඤාණං පච්චවෙක්ඛති, අජ්ඣත්තාරම්මණෙ බහිද්ධා ඛන්ධෙ අනිච්චතො දුක්ඛතො අනත්තතො විපස්සති…පෙ… චෙතොපරියඤාණෙන අජ්ඣත්තාරම්මණබහිද්ධාචිත්තසමඞ්ගිස්ස චිත්තං ජානාති, අජ්ඣත්තාරම්මණා බහිද්ධා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (2)

13. බහිද්ධාරම්මණො ධම්මො බහිද්ධාරම්මණස්ස ධම්මස්ස ආරම්මණපච්චයෙන පච්චයො – බහිද්ධාරම්මණං බහිද්ධා දිබ්බං චක්ඛුං පච්චවෙක්ඛති, දිබ්බං සොතධාතුං පච්චවෙක්ඛති. ඉද්ධිවිධඤාණං…පෙ… චෙතොපරියඤාණං…පෙ… පුබ්බෙනිවාසානුස්සතිඤාණං…පෙ… යථාකම්මූපගඤාණං…පෙ… අනාගතංසඤාණං පච්චවෙක්ඛති. බහිද්ධාරම්මණෙ බහිද්ධා ඛන්ධෙ අනිච්චතො දුක්ඛතො අනත්තතො විපස්සති…පෙ… චෙතොපරියඤාණෙන බහිද්ධාරම්මණබහිද්ධාචිත්තසමඞ්ගිස්ස චිත්තං ජානාති. බහිද්ධාරම්මණා ¶ බහිද්ධා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

බහිද්ධාරම්මණො ධම්මො අජ්ඣත්තාරම්මණස්ස ධම්මස්ස ආරම්මණපච්චයෙන පච්චයො – දානං දත්වා සීලං සමාදියිත්වා උපොසථකම්මං ¶ කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති, ඣානා වුට්ඨහිත්වා ඣානං පච්චවෙක්ඛති. අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති, බහිද්ධාරම්මණෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. බහිද්ධාරම්මණං අජ්ඣත්තං දිබ්බං චක්ඛුං පච්චවෙක්ඛති, දිබ්බං සොතධාතුං… ඉද්ධිවිධඤාණං… චෙතොපරියඤාණං… පුබ්බෙනිවාසානුස්සතිඤාණං… යථාකම්මූපගඤාණං… අනාගතංසඤාණං… බහිද්ධාරම්මණෙ අජ්ඣත්තෙ ඛන්ධෙ අනිච්චතො…පෙ… විපස්සති, අස්සාදෙති අභිනන්දති, තං ආරබ්භ අජ්ඣත්තාරම්මණො රාගො උප්පජ්ජති…පෙ… දොමනස්සං උප්පජ්ජති. බහිද්ධාරම්මණා අජ්ඣත්තා ඛන්ධා ඉද්ධිවිධඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (2)

14. අජ්ඣත්තාරම්මණො ¶ ධම්මො අජ්ඣත්තාරම්මණස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අජ්ඣත්තං විඤ්ඤාණඤ්චායතනං ගරුං කත්වා පච්චවෙක්ඛති, නෙවසඤ්ඤානාසඤ්ඤායතනං ගරුං කත්වා පච්චවෙක්ඛති. අජ්ඣත්තාරම්මණං අජ්ඣත්තං දිබ්බං චක්ඛුං ගරුං කත්වා…පෙ… දිබ්බං සොතධාතුං…පෙ… ඉද්ධිවිධඤාණං… පුබ්බෙනිවාසානුස්සතිඤාණං… යථාකම්මූපගඤාණං… අනාගතංසඤාණං ගරුං කත්වා…පෙ… අජ්ඣත්තාරම්මණෙ අජ්ඣත්තෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා අජ්ඣත්තාරම්මණො රාගො ¶ උප්පජ්ජති, දිට්ඨි උප්පජ්ජති. සහජාතාධිපති – අජ්ඣත්තාරම්මණාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

15. බහිද්ධාරම්මණො ධම්මො බහිද්ධාරම්මණස්ස ධම්මස්ස අධිපතිපච්චයෙන පච්චයො. සහජාතාධිපති – බහිද්ධාරම්මණාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

බහිද්ධාරම්මණො ¶ ධම්මො අජ්ඣත්තාරම්මණස්ස ධම්මස්ස අධිපතිපච්චයෙන පච්චයො. ආරම්මණාධිපති – දානං දත්වා සීලං සමාදියිත්වා උපොසථකම්මං කත්වා තං ගරුං කත්වා පච්චවෙක්ඛති, පුබ්බෙ සුචිණ්ණානි…පෙ… ඣානා වුට්ඨහිත්වා…පෙ… අරියා මග්ගා වුට්ඨහිත්වා මග්ගං… ඵලං ගරුං කත්වා පච්චවෙක්ඛන්ති. බහිද්ධාරම්මණං අජ්ඣත්තං දිබ්බං චක්ඛුං ගරුං කත්වා…පෙ… දිබ්බං සොතධාතුං… ඉද්ධිවිධඤාණං… චෙතොපරියඤාණං… පුබ්බෙනිවාසානුස්සතිඤාණං… යථාකම්මූපගඤාණං… අනාගතංසඤාණං ගරුං කත්වා පච්චවෙක්ඛති, බහිද්ධාරම්මණෙ අජ්ඣත්තෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා අජ්ඣත්තාරම්මණො රාගො උප්පජ්ජති, දිට්ඨි උප්පජ්ජති. (2)

16. අජ්ඣත්තාරම්මණො ධම්මො අජ්ඣත්තාරම්මණස්ස ධම්මස්ස අනන්තරපච්චයෙන පච්චයො – පුරිමා පුරිමා අජ්ඣත්තාරම්මණා ඛන්ධා පච්ඡිමානං පච්ඡිමානං අජ්ඣත්තාරම්මණානං ඛන්ධානං අනන්තරපච්චයෙන පච්චයො. (1)

අජ්ඣත්තාරම්මණො ¶ ධම්මො බහිද්ධාරම්මණස්ස ධම්මස්ස අනන්තරපච්චයෙන ¶ පච්චයො – අජ්ඣත්තාරම්මණං චුතිචිත්තං බහිද්ධාරම්මණස්ස උපපත්තිචිත්තස්ස අනන්තරපච්චයෙන පච්චයො. අජ්ඣත්තාරම්මණං භවඞ්ගං බහිද්ධාරම්මණාය ආවජ්ජනාය අනන්තරපච්චයෙන පච්චයො. අජ්ඣත්තාරම්මණා ඛන්ධා බහිද්ධාරම්මණස්ස වුට්ඨානස්ස අනන්තරපච්චයෙන පච්චයො. අජ්ඣත්තාරම්මණං අනුලොමං ගොත්රභුස්ස… අනුලොමං වොදානස්ස… අනුලොමං ඵලසමාපත්තියා… නිරොධා වුට්ඨහන්තස්ස… නෙවසඤ්ඤානාසඤ්ඤායතනං ඵලසමාපත්තියා අනන්තරපච්චයෙන පච්චයො. (2)

17. බහිද්ධාරම්මණො ධම්මො බහිද්ධාරම්මණස්ස ධම්මස්ස අනන්තරපච්චයෙන පච්චයො – පුරිමා පුරිමා බහිද්ධාරම්මණා ඛන්ධා පච්ඡිමානං පච්ඡිමානං බහිද්ධාරම්මණානං ඛන්ධානං අනන්තරපච්චයෙන පච්චයො. බහිද්ධාරම්මණං අනුලොමං ගොත්රභුස්ස… අනුලොමං වොදානස්ස… ගොත්රභු මග්ගස්ස… වොදානං මග්ගස්ස… මග්ගො ඵලස්ස… ඵලං ඵලස්ස… අනුලොමං ඵලසමාපත්තියා අනන්තරපච්චයෙන පච්චයො. (1)

බහිද්ධාරම්මණො ධම්මො අජ්ඣත්තාරම්මණස්ස ධම්මස්ස අනන්තරපච්චයෙන පච්චයො – බහිද්ධාරම්මණං චුතිචිත්තං අජ්ඣත්තාරම්මණස්ස උපපත්තිචිත්තස්ස අනන්තරපච්චයෙන පච්චයො. බහිද්ධාරම්මණං භවඞ්ගං අජ්ඣත්තාරම්මණාය ආවජ්ජනාය අනන්තරපච්චයෙන ¶ පච්චයො. බහිද්ධාරම්මණා ඛන්ධා අජ්ඣත්තාරම්මණස්ස වුට්ඨානස්ස අනන්තරපච්චයෙන පච්චයො. (2)

18. අජ්ඣත්තාරම්මණො ¶ ධම්මො අජ්ඣත්තාරම්මණස්ස ධම්මස්ස සමනන්තරපච්චයෙන පච්චයො…පෙ… සහජාතපච්චයෙන පච්චයො… අඤ්ඤමඤ්ඤපච්චයෙන පච්චයො… නිස්සයපච්චයෙන පච්චයො.

19. අජ්ඣත්තාරම්මණො ධම්මො අජ්ඣත්තාරම්මණස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අජ්ඣත්තාරම්මණා ¶ අනිච්චානුපස්සනා, දුක්ඛානුපස්සනා, අනත්තානුපස්සනා, අජ්ඣත්තාරම්මණාය අනිච්චානුපස්සනාය, දුක්ඛානුපස්සනාය, අනත්තානුපස්සනාය උපනිස්සයපච්චයෙන පච්චයො. (1)

අජ්ඣත්තාරම්මණො ධම්මො බහිද්ධාරම්මණස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – අජ්ඣත්තාරම්මණා අනිච්චානුපස්සනා, දුක්ඛානුපස්සනා, අනත්තානුපස්සනා බහිද්ධාරම්මණාය අනිච්චානුපස්සනාය, දුක්ඛානුපස්සනාය, අනත්තානුපස්සනාය උපනිස්සයපච්චයෙන පච්චයො. (2)

20. බහිද්ධාරම්මණො ධම්මො බහිද්ධාරම්මණස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – බහිද්ධාරම්මණා අනිච්චානුපස්සනා, දුක්ඛානුපස්සනා, අනත්තානුපස්සනා බහිද්ධාරම්මණාය අනිච්චානුපස්සනාය, දුක්ඛානුපස්සනාය, අනත්තානුපස්සනාය උපනිස්සයපච්චයෙන පච්චයො. (1)

බහිද්ධාරම්මණො ධම්මො අජ්ඣත්තාරම්මණස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – බහිද්ධාරම්මණා අනිච්චානුපස්සනා ¶ , දුක්ඛානුපස්සනා, අනත්තානුපස්සනා අජ්ඣත්තාරම්මණාය අනිච්චානුපස්සනාය, දුක්ඛානුපස්සනාය, අනත්තානුපස්සනාය උපනිස්සයපච්චයෙන පච්චයො. (2)

21. අජ්ඣත්තාරම්මණො ¶ ධම්මො අජ්ඣත්තාරම්මණස්ස ධම්මස්ස ආසෙවනපච්චයෙන පච්චයො – පුරිමා පුරිමා අජ්ඣත්තාරම්මණා ඛන්ධා පච්ඡිමානං පච්ඡිමානං අජ්ඣත්තාරම්මණානං ඛන්ධානං ආසෙවනපච්චයෙන පච්චයො. (1)

අජ්ඣත්තාරම්මණො ධම්මො බහිද්ධාරම්මණස්ස ධම්මස්ස ආසෙවනපච්චයෙන පච්චයො – අජ්ඣත්තාරම්මණං අනුලොමං ගොත්රභුස්ස, අනුලොමං වොදානස්ස ආසෙවනපච්චයෙන පච්චයො. (2)

බහිද්ධාරම්මණො ධම්මො බහිද්ධාරම්මණස්ස ධම්මස්ස ආසෙවනපච්චයෙන පච්චයො – පුරිමා පුරිමා ¶ බහිද්ධාරම්මණා ඛන්ධා පච්ඡිමානං පච්ඡිමානං බහිද්ධාරම්මණානං ඛන්ධානං ආසෙවනපච්චයෙන පච්චයො. බහිද්ධාරම්මණං අනුලොමං ගොත්රභුස්ස… අනුලොමං වොදානස්ස… ගොත්රභු මග්ගස්ස… වොදානං මග්ගස්ස ආසෙවනපච්චයෙන පච්චයො. (1)

22. අජ්ඣත්තාරම්මණො ධම්මො අජ්ඣත්තාරම්මණස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අජ්ඣත්තාරම්මණා චෙතනා සම්පයුත්තකානං ඛන්ධානං කම්මපච්චයෙන පච්චයො. පටිසන්ධික්ඛණෙ…පෙ…. නානාක්ඛණිකා – අජ්ඣත්තාරම්මණා චෙතනා විපාකානං අජ්ඣත්තාරම්මණානං ඛන්ධානං කම්මපච්චයෙන පච්චයො. (1)

අජ්ඣත්තාරම්මණො ධම්මො බහිද්ධාරම්මණස්ස ධම්මස්ස කම්මපච්චයෙන ¶ පච්චයො. නානාක්ඛණිකා – අජ්ඣත්තාරම්මණා චෙතනා විපාකානං බහිද්ධාරම්මණානං ඛන්ධානං කම්මපච්චයෙන පච්චයො. (2)

බහිද්ධාරම්මණො ධම්මො බහිද්ධාරම්මණස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – බහිද්ධාරම්මණා චෙතනා සම්පයුත්තකානං ඛන්ධානං කම්මපච්චයෙන පච්චයො. පටිසන්ධික්ඛණෙ…පෙ…. නානාක්ඛණිකා – බහිද්ධාරම්මණා චෙතනා විපාකානං බහිද්ධාරම්මණානං ඛන්ධානං කම්මපච්චයෙන පච්චයො. (1)

බහිද්ධාරම්මණො ධම්මො අජ්ඣත්තාරම්මණස්ස ධම්මස්ස කම්මපච්චයෙන පච්චයො. නානාක්ඛණිකා – බහිද්ධාරම්මණා චෙතනා විපාකානං අජ්ඣත්තාරම්මණානං ඛන්ධානං කම්මපච්චයෙන පච්චයො. (2)

23. අජ්ඣත්තාරම්මණො ¶ ධම්මො අජ්ඣත්තාරම්මණස්ස ධම්මස්ස විපාකපච්චයෙන පච්චයො…පෙ… ආහාරපච්චයෙන පච්චයො… ඉන්ද්රියපච්චයෙන පච්චයො… ඣානපච්චයෙන පච්චයො ¶ … මග්ගපච්චයෙන පච්චයො… සම්පයුත්තපච්චයෙන පච්චයො… අත්ථිපච්චයෙන පච්චයො… නත්ථිපච්චයෙන පච්චයො…විගතපච්චයෙන පච්චයො… අවිගතපච්චයෙන පච්චයො.

24. හෙතුයා ද්වෙ, ආරම්මණෙ චත්තාරි, අධිපතියා තීණි, අනන්තරෙ චත්තාරි, සමනන්තරෙ චත්තාරි, සහජාතෙ ද්වෙ, අඤ්ඤමඤ්ඤෙ ද්වෙ, නිස්සයෙ ද්වෙ, උපනිස්සයෙ චත්තාරි, ආසෙවනෙ තීණි, කම්මෙ චත්තාරි, විපාකෙ ද්වෙ …පෙ… (සබ්බත්ථ ද්වෙ ¶ ), සම්පයුත්තෙ ද්වෙ, අත්ථියා ද්වෙ, නත්ථියා චත්තාරි, විගතෙ චත්තාරි, අවිගතෙ ද්වෙ (එවං ගණෙතබ්බං).

25. අජ්ඣත්තාරම්මණො ධම්මො අජ්ඣත්තාරම්මණස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (1)

අජ්ඣත්තාරම්මණො ධම්මො බහිද්ධාරම්මණස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (2)

බහිද්ධාරම්මණො ධම්මො බහිද්ධාරම්මණස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (1)

බහිද්ධාරම්මණො ධම්මො අජ්ඣත්තාරම්මණස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (2)

26. නහෙතුයා ¶ ¶ චත්තාරි, නආරම්මණෙ චත්තාරි, නඅධිපතියා චත්තාරි, නඅනන්තරෙ චත්තාරි (සංඛිත්තං, සබ්බත්ථ චත්තාරි), නපුරෙජාතෙ නපච්ඡාජාතෙ නආසෙවනෙ…පෙ… නවිප්පයුත්තෙ චත්තාරි…පෙ… නොඅවිගතෙ චත්තාරි (එවං ගණෙතබ්බං).

27. හෙතුපච්චයා ¶ නආරම්මණෙ ද්වෙ, නඅධිපතියා ද්වෙ, නඅනන්තරෙ නසමනන්තරෙ නඋපනිස්සයෙ නආසෙවනෙ නකම්මෙ…පෙ… නොනත්ථියා නොවිගතෙ ද්වෙ (සබ්බත්ථ ද්වෙ. එවං ගණෙතබ්බං).

28. නහෙතුපච්චයා ආරම්මණෙ චත්තාරි, අධිපතියා තීණි, අනන්තරෙ චත්තාරි, සමනන්තරෙ චත්තාරි, සහජාතෙ අඤ්ඤමඤ්ඤෙ නිස්සයෙ ද්වෙ, උපනිස්සයෙ චත්තාරි, ආසෙවනෙ තීණි, කම්මෙ චත්තාරි, විපාකෙ ද්වෙ…පෙ… සම්පයුත්තෙ ද්වෙ, අත්ථියා ද්වෙ, නත්ථියා චත්තාරි, විගතෙ චත්තාරි, අවිගතෙ ද්වෙ (එවං ගණෙතබ්බං).

අජ්ඣත්තාරම්මණත්තිකං නිට්ඨිතං.