මූල > අභිධම්මපිටක > පට්ඨානපාළි-2

ආචයගාමිං ධම්මං පටිච්ච ආචයගාමී ච නෙවාචයගාමිනාපචයගාමී ච ධම්මා උප්පජ්ජන්ති හෙතුපච්චයා – ආචයගාමිං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. (3)

2. අපචයගාමිං ධම්මං පටිච්ච අපචයගාමී ධම්මො උප්පජ්ජති හෙතුපච්චයා – අපචයගාමිං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

අපචයගාමිං ධම්මං පටිච්ච නෙවාචයගාමිනාපචයගාමී ධම්මො උප්පජ්ජති හෙතුපච්චයා – අපචයගාමී ඛන්ධෙ පටිච්ච චිත්තසමුට්ඨානං රූපං. (2)

අපචයගාමිං ¶ ධම්මං පටිච්ච අපචයගාමී ච නෙවාචයගාමිනාපචයගාමී ච ධම්මා උප්පජ්ජන්ති හෙතුපච්චයා – අපචයගාමිං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. (3)

3. නෙවාචයගාමිනාපචයගාමිං ධම්මං පටිච්ච නෙවාචයගාමිනාපචයගාමී ¶ ධම්මො උප්පජ්ජති හෙතුපච්චයා – නෙවාචයගාමිනාපචයගාමිං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ නෙවාචයගාමිනාපචයගාමිං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං පටිච්ච තයො මහාභූතා…පෙ… ද්වෙ මහාභූතෙ පටිච්ච ද්වෙ මහාභූතා; මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

ආචයගාමිඤ්ච ¶ නෙවාචයගාමිනාපචයගාමිඤ්ච ධම්මං පටිච්ච නෙවාචයගාමිනාපචයගාමී ධම්මො උප්පජ්ජති හෙතුපච්චයා – ආචයගාමී ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

අපචයගාමිඤ්ච නෙවාචයගාමිනාපචයගාමිඤ්ච ධම්මං පටිච්ච නෙවාචයගාමිනාපචයගාමී ධම්මො උප්පජ්ජති හෙතුපච්චයා – අපචයගාමී ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

4. ආචයගාමිං ¶ ධම්මං පටිච්ච ආචයගාමී ධම්මො උප්පජ්ජති ආරම්මණපච්චයා – ආචයගාමිං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

අපචයගාමිං ධම්මං පටිච්ච අපචයගාමී ධම්මො උප්පජ්ජති ආරම්මණපච්චයා – අපචයගාමිං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

නෙවාචයගාමිනාපචයගාමිං ධම්මං පටිච්ච නෙවාචයගාමිනාපචයගාමී ¶ ධම්මො උප්පජ්ජති ආරම්මණපච්චයා – නෙවාචයගාමිනාපචයගාමිං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ…පෙ… වත්ථුං පටිච්ච ඛන්ධා. (1)

5. ආචයගාමිං ධම්මං පටිච්ච ආචයගාමී ධම්මො උප්පජ්ජති අධිපතිපච්චයා… තීණි.

අපචයගාමිං ධම්මං පටිච්ච අපචයගාමී ධම්මො උප්පජ්ජති අධිපතිපච්චයා… තීණි.

නෙවාචයගාමිනාපචයගාමිං ධම්මං පටිච්ච නෙවාචයගාමිනාපචයගාමී ධම්මො… එකං (පටිසන්ධි නත්ථි); එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං. (1)

ආචයගාමිඤ්ච නෙවාචයගාමිනාපචයගාමිඤ්ච ධම්මං පටිච්ච නෙවාචයගාමිනාපචයගාමී ධම්මො උප්පජ්ජති අධිපතිපච්චයා – ආචයගාමී ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

අපචයගාමිඤ්ච ¶ නෙවාචයගාමිනාපචයගාමිඤ්ච ධම්මං පටිච්ච නෙවාචයගාමිනාපචයගාමී ධම්මො උප්පජ්ජති අධිපතිපච්චයා – අපචයගාමී ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

6. ආචයගාමිං ධම්මං පටිච්ච, ආචයගාමී ධම්මො උප්පජ්ජති අනන්තරපච්චයා… සමනන්තරපච්චයා ¶ … සහජාතපච්චයා (සබ්බෙපි මහාභූතා කාතබ්බා)… අඤ්ඤමඤ්ඤපච්චයා (චිත්තසමුට්ඨානම්පි කටත්තාරූපම්පි උපාදාරූපම්පි නත්ථි)… නිස්සයපච්චයා… උපනිස්සයපච්චයා… පුරෙජාතපච්චයා… ආසෙවනපච්චයා… කම්මපච්චයා… විපාකපච්චයා… ආහාරපච්චයා… ඉන්ද්රියපච්චයා… ඣානපච්චයා… මග්ගපච්චයා… සම්පයුත්තපච්චයා… ¶ විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා….

7. හෙතුයා නව, ආරම්මණෙ තීණි, අධිපතියා නව, අනන්තරෙ තීණි, සමනන්තරෙ තීණි, සහජාතෙ නව, අඤ්ඤමඤ්ඤෙ තීණි, නිස්සයෙ නව, උපනිස්සයෙ තීණි, පුරෙජාතෙ තීණි, ආසෙවනෙ තීණි, කම්මෙ නව, විපාකෙ එකං, ආහාරෙ නව, ඉන්ද්රියෙ නව, ඣානෙ නව, මග්ගෙ නව, සම්පයුත්තෙ තීණි, විප්පයුත්තෙ නව, අත්ථියා නව, නත්ථියා තීණි, විගතෙ තීණි, අවිගතෙ නව (එවං ගණෙතබ්බං).

8. ආචයගාමිං ධම්මං පටිච්ච ආචයගාමී ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

නෙවාචයගාමිනාපචයගාමිං ¶ ¶ ධම්මං පටිච්ච නෙවාචයගාමිනාපචයගාමී ධම්මො උප්පජ්ජති නහෙතුපච්චයා – අහෙතුකං නෙවාචයගාමිනාපචයගාමිං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ…. (1)

9. ආචයගාමිං ධම්මං පටිච්ච නෙවාචයගාමිනාපචයගාමී ධම්මො ¶ උප්පජ්ජති නආරම්මණපච්චයා – ආචයගාමී ඛන්ධෙ පටිච්ච චිත්තසමුට්ඨානං රූපං. (1)

අපචයගාමිං ධම්මං පටිච්ච නෙවාචයගාමිනාපචයගාමී ධම්මො උප්පජ්ජති නආරම්මණපච්චයා – අපචයගාමී ඛන්ධෙ පටිච්ච චිත්තසමුට්ඨානං රූපං. (1)

නෙවාචයගාමිනාපචයගාමිං ධම්මං පටිච්ච නෙවාචයගාමිනාපචයගාමී ධම්මො උප්පජ්ජති නආරම්මණපච්චයා – නෙවාචයගාමිනාපචයගාමී ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ…පෙ… ඛන්ධෙ පටිච්ච වත්ථු…පෙ… එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ…. (1)

ආචයගාමිඤ්ච නෙවාචයගාමිනාපචයගාමිඤ්ච ධම්මං පටිච්ච නෙවාචයගාමිනාපචයගාමී ධම්මො උප්පජ්ජති නආරම්මණපච්චයා – ආචයගාමී ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

අපචයගාමිඤ්ච නෙවාචයගාමිනාපචයගාමිඤ්ච ධම්මං පටිච්ච නෙවාචයගාමිනාපචයගාමී ධම්මො උප්පජ්ජති නආරම්මණපච්චයා – අපචයගාමී ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

10. ආචයගාමිං ¶ ධම්මං පටිච්ච ආචයගාමී ධම්මො උප්පජ්ජති නඅධිපතිපච්චයා… තීණි.

අපචයගාමිං ධම්මං පටිච්ච අපචයගාමී ධම්මො උප්පජ්ජති නඅධිපතිපච්චයා – අපචයගාමී ඛන්ධෙ පටිච්ච අපචයගාමී අධිපති. (1)

නෙවාචයගාමිනාපචයගාමිං ¶ ධම්මං පටිච්ච නෙවාචයගාමිනාපචයගාමී ධම්මො උප්පජ්ජති නඅධිපතිපච්චයා – නෙවාචයගාමිනාපචයගාමිං එකං ¶ ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ…. (1)

ආචයගාමිඤ්ච නෙවාචයගාමිනාපචයගාමිඤ්ච ධම්මං පටිච්ච නෙවාචයගාමිනාපචයගාමී ධම්මො උප්පජ්ජති නඅධිපතිපච්චයා – ආචයගාමී ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

11. ආචයගාමිං ධම්මං පටිච්ච නෙවාචයගාමිනාපචයගාමී ධම්මො උප්පජ්ජති නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා… නපුරෙජාතපච්චයා (කුසලත්තිකසදිසා සත්ත පඤ්හා)… නපච්ඡාජාතපච්චයා.

12. ආචයගාමිං ධම්මං පටිච්ච ආචයගාමී ධම්මො උප්පජ්ජති නආසෙවනපච්චයා… තීණි.

අපචයගාමිං ¶ ධම්මං පටිච්ච නෙවාචයගාමිනාපචයගාමී ධම්මො උප්පජ්ජති නආසෙවනපච්චයා – අපචයගාමී ඛන්ධෙ පටිච්ච චිත්තසමුට්ඨානං රූපං. (1)

නෙවාචයගාමිනාපචයගාමිං ධම්මං පටිච්ච නෙවාචයගාමිනාපචයගාමී ධම්මො උප්පජ්ජති නආසෙවනපච්චයා (එකා පඤ්හා සබ්බෙ මහාභූතා කාතබ්බා).

ආචයගාමිඤ්ච නෙවාචයගාමිනාපචයගාමිඤ්ච ධම්මං පටිච්ච නෙවාචයගාමිනාපචයගාමී ධම්මො උප්පජ්ජති නආසෙවනපච්චයා – ආචයගාමී ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

අපචයගාමිඤ්ච නෙවාචයගාමිනාපචයගාමිඤ්ච ධම්මං පටිච්ච නෙවාචයගාමිනාපචයගාමී ධම්මො ¶ උප්පජ්ජති නආසෙවනපච්චයා – අපචයගාමී ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

13. ආචයගාමිං ¶ ධම්මං පටිච්ච ආචයගාමී ධම්මො උප්පජ්ජති නකම්මපච්චයා – ආචයගාමී ඛන්ධෙ පටිච්ච ආචයගාමී චෙතනා. (1)

අපචයගාමිං ධම්මං පටිච්ච අපචයගාමී ධම්මො උප්පජ්ජති නකම්මපච්චයා – අපචයගාමී ඛන්ධෙ පටිච්ච අපචයගාමී චෙතනා. (1)

නෙවාචයගාමිනාපචයගාමිං ධම්මං පටිච්ච නෙවාචයගාමිනාපචයගාමී ධම්මො උප්පජ්ජති නකම්මපච්චයා – නෙවාචයගාමිනාපචයගාමී ඛන්ධෙ පටිච්ච නෙවාචයගාමිනාපචයගාමී චෙතනා; බාහිරං… ආහාරසමුට්ඨානං… උතුසමුට්ඨානං… එකං මහාභූතං…පෙ…. (1)

14. ආචයගාමිං ධම්මං පටිච්ච ආචයගාමී ධම්මො උප්පජ්ජති නවිපාකපච්චයා (පරිපුණ්ණං ¶ , පටිසන්ධි නත්ථි)… නආහාරපච්චයා… නඉන්ද්රියපච්චයා… නඣානපච්චයා… නමග්ගපච්චයා… නසම්පයුත්තපච්චයා… නවිප්පයුත්තපච්චයා (තීණි)… නොනත්ථිපච්චයා… නොවිගතපච්චයා.

15. නහෙතුයා ද්වෙ, නආරම්මණෙ පඤ්ච, නඅධිපතියා ඡ, නඅනන්තරෙ පඤ්ච, නසමනන්තරෙ පඤ්ච, නඅඤ්ඤමඤ්ඤෙ පඤ්ච, නඋපනිස්සයෙ පඤ්ච, නපුරෙජාතෙ සත්ත, නපච්ඡාජාතෙ නව, නආසෙවනෙ සත්ත, නකම්මෙ තීණි, නවිපාකෙ නව, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච (එවං ගණෙතබ්බං) ¶ .

16. හෙතුපච්චයා නආරම්මණෙ පඤ්ච, නඅධිපතියා ඡ, නඅනන්තරෙ පඤ්ච, නසමනන්තරෙ පඤ්ච, නඅඤ්ඤමඤ්ඤෙ පඤ්ච, නඋපනිස්සයෙ පඤ්ච, නපුරෙජාතෙ සත්ත ¶ , නපච්ඡාජාතෙ නව, නආසෙවනෙ සත්ත, නකම්මෙ තීණි, නවිපාකෙ නව, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).

17. නහෙතුපච්චයා ¶ ආරම්මණෙ ද්වෙ, අනන්තරෙ ද්වෙ, සමනන්තරෙ ද්වෙ, සහජාතෙ ද්වෙ, අඤ්ඤමඤ්ඤෙ නිස්සයෙ උපනිස්සයෙ පුරෙජාතෙ ආසෙවනෙ කම්මෙ ද්වෙ, විපාකෙ එකං, ආහාරෙ ද්වෙ, ඉන්ද්රියෙ ද්වෙ, ඣානෙ ද්වෙ, මග්ගෙ එකං, සම්පයුත්තෙ ද්වෙ, විප්පයුත්තෙ අත්ථියා නත්ථියා විගතෙ අවිගතෙ ද්වෙ (එවං ගණෙතබ්බං).

18. ආචයගාමිං ධම්මං පච්චයා ආචයගාමී ධම්මො උප්පජ්ජති හෙතුපච්චයා – ආචයගාමිං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ පච්චයා ද්වෙ ඛන්ධා. (1)

ආචයගාමිං ¶ ධම්මං පච්චයා නෙවාචයගාමිනාපචයගාමී ¶ ධම්මො උප්පජ්ජති හෙතුපච්චයා – ආචයගාමී ඛන්ධෙ පච්චයා චිත්තසමුට්ඨානං රූපං. (2)

ආචයගාමිං ¶ ධම්මං පච්චයා ආචයගාමී ච නෙවාචයගාමිනාපචයගාමී ච ධම්මා උප්පජ්ජන්ති හෙතුපච්චයා – ආචයගාමිං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

අපචයගාමිං ධම්මං පච්චයා අපචයගාමී ධම්මො… තීණි.

19. නෙවාචයගාමිනාපචයගාමිං ධම්මං පච්චයා නෙවාචයගාමිනාපචයගාමී ධම්මො උප්පජ්ජති හෙතුපච්චයා – නෙවාචයගාමිනාපචයගාමිං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා; එකං මහාභූතං පච්චයා…පෙ… වත්ථුං පච්චයා නෙවාචයගාමිනාපචයගාමී ඛන්ධා. (1)

නෙවාචයගාමිනාපචයගාමිං ධම්මං පච්චයා ආචයගාමී ධම්මො උප්පජ්ජති හෙතුපච්චයා – වත්ථුං පච්චයා ආචයගාමී ඛන්ධා. (2)

නෙවාචයගාමිනාපචයගාමිං ධම්මං පච්චයා අපචයගාමී ධම්මො උප්පජ්ජති හෙතුපච්චයා – වත්ථුං පච්චයා අපචයගාමී ඛන්ධා. (3)

නෙවාචයගාමිනාපචයගාමිං ධම්මං පච්චයා ආචයගාමී ච නෙවාචයගාමිනාපචයගාමී ච ධම්මා උප්පජ්ජන්ති හෙතුපච්චයා – වත්ථුං පච්චයා ආචයගාමී ඛන්ධා, මහාභූතෙ පච්චයා චිත්තසමුට්ඨානං රූපං. (4)

නෙවාචයගාමිනාපචයගාමිං ධම්මං පච්චයා අපචයගාමී ච නෙවාචයගාමිනාපචයගාමී ච ධම්මා උප්පජ්ජන්ති හෙතුපච්චයා – වත්ථුං පච්චයා අපචයගාමී ඛන්ධා, මහාභූතෙ පච්චයා චිත්තසමුට්ඨානං රූපං. (5)

20. ආචයගාමිඤ්ච ¶ නෙවාචයගාමිනාපචයගාමිඤ්ච ධම්මං පච්චයා ආචයගාමී ධම්මො උප්පජ්ජති හෙතුපච්චයා – ආචයගාමිං එකං ඛන්ධඤ්ච වත්ථුඤ්ච ¶ පච්චයා තයො ඛන්ධා…පෙ… ද්වෙ ඛන්ධෙ…පෙ…. (1)

ආචයගාමිඤ්ච නෙවාචයගාමිනාපචයගාමිඤ්ච ධම්මං පච්චයා නෙවාචයගාමිනාපචයගාමී ධම්මො උප්පජ්ජති හෙතුපච්චයා – ආචයගාමී ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (2)

ආචයගාමිඤ්ච නෙවාචයගාමිනාපචයගාමිඤ්ච ධම්මං පච්චයා ආචයගාමී ච නෙවාචයගාමිනාපචයගාමී ච ධම්මා උප්පජ්ජන්ති හෙතුපච්චයා – ආචයගාමිං එකං ¶ ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… ආචයගාමී ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (3)

අපචයගාමිඤ්ච නෙවාචයගාමිනාපචයගාමිඤ්ච ධම්මං පච්චයා අපචයගාමී ධම්මො… තීණි.

21. ආචයගාමිං ධම්මං පච්චයා ආචයගාමී ධම්මො උප්පජ්ජති ආරම්මණපච්චයා – ආචයගාමිං එකං ඛන්ධං පච්චයා…පෙ…. (1)

අපචයගාමිං ධම්මං පච්චයා අපචයගාමී ධම්මො… එකං.

නෙවාචයගාමිනාපචයගාමිං ධම්මං පච්චයා නෙවාචයගාමිනාපචයගාමී ධම්මො උප්පජ්ජති ආරම්මණපච්චයා… නෙවාචයගාමිනාපචයගාමිං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පච්චයා ඛන්ධා, චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං. වත්ථුං පච්චයා නෙවාචයගාමිනාපචයගාමී ඛන්ධා. (1)

නෙවාචයගාමිනාපචයගාමිං ¶ ධම්මං පච්චයා ආචයගාමී ධම්මො උප්පජ්ජති ආරම්මණපච්චයා – වත්ථුං පච්චයා ආචයගාමී ඛන්ධා. (2)

නෙවාචයගාමිනාපචයගාමිං ධම්මං පච්චයා අපචයගාමී ධම්මො උප්පජ්ජති ආරම්මණපච්චයා – වත්ථුං පච්චයා අපචයගාමී ඛන්ධා. (3)

ආචයගාමිඤ්ච ¶ නෙවාචයගාමිනාපචයගාමිඤ්ච ධම්මං පච්චයා ආචයගාමී ධම්මො උප්පජ්ජති ආරම්මණපච්චයා – ආචයගාමිං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ…. (1)

අපචයගාමිඤ්ච නෙවාචයගාමිනාපචයගාමිඤ්ච ධම්මං පච්චයා අපචයගාමී ධම්මො උප්පජ්ජති ආරම්මණපච්චයා – අපචයගාමිං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ…. (1)

22. ආචයගාමිං ධම්මං පච්චයා ආචයගාමී ධම්මො උප්පජ්ජති අධිපතිපච්චයා… තීණි.

අපචයගාමිං ධම්මං පච්චයා අපචයගාමී ධම්මො… තීණි.

නෙවාචයගාමිනාපචයගාමිං ¶ ධම්මං පච්චයා නෙවාචයගාමිනාපචයගාමී ධම්මො… එකං…පෙ… වත්ථුං පච්චයා නෙවාචයගාමිනාපචයගාමී ඛන්ධා.

නෙවාචයගාමිනාපචයගාමිං ධම්මං පච්චයා ආචයගාමී ධම්මො…පෙ… (ඉධාපි ඝටනා හෙතුසදිසා).

23. ආචයගාමිං ¶ ධම්මං පච්චයා ආචයගාමී ධම්මො උප්පජ්ජති අනන්තරපච්චයා… සමනන්තරපච්චයා… සහජාතපච්චයා… තීණි.

අපචයගාමිං ධම්මං පච්චයා අපචයගාමී ධම්මො… තීණි.

නෙවාචයගාමිනාපචයගාමිං ධම්මං පච්චයා නෙවාචයගාමිනාපචයගාමී ධම්මො උප්පජ්ජති සහජාතපච්චයා – නෙවාචයගාමිනාපචයගාමිං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… අසඤ්ඤසත්තානං එකං මහාභූතං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං. වත්ථුං පච්චයා…පෙ…. (1)

නෙවාචයගාමිනාපචයගාමිං ධම්මං පච්චයා ආචයගාමී ධම්මො උප්පජ්ජති සහජාතපච්චයා (සංඛිත්තං, සබ්බෙ ඝටනා කාතබ්බා).

24. අපචයගාමිං ¶ ධම්මං පච්චයා අපචයගාමී ධම්මො උප්පජ්ජති අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා… පුරෙජාතපච්චයා… ආසෙවනපච්චයා… කම්මපච්චයා… විපාකපච්චයා… ආහාරපච්චයා… ඉන්ද්රියපච්චයා… ඣානපච්චයා… මග්ගපච්චයා… සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.

25. හෙතුයා සත්තරස, ආරම්මණෙ සත්ත, අධිපතියා සත්තරස, අනන්තරෙ සත්ත, සමනන්තරෙ සත්ත, සහජාතෙ සත්තරස, අඤ්ඤමඤ්ඤෙ සත්ත, නිස්සයෙ සත්තරස, උපනිස්සයෙ සත්ත, පුරෙජාතෙ ¶ සත්ත, ආසෙවනෙ ¶ සත්ත, කම්මෙ සත්තරස, විපාකෙ එකං, ආහාරෙ සත්තරස, ඉන්ද්රියෙ ඣානෙ මග්ගෙ සත්තරස, සම්පයුත්තෙ සත්ත, විප්පයුත්තෙ සත්තරස, අත්ථියා සත්තරස, නත්ථියා සත්ත, විගතෙ සත්ත, අවිගතෙ සත්තරස (එවං ගණෙතබ්බං).

26. ආචයගාමිං ධම්මං පච්චයා ආචයගාමී ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පච්චයා විචිකිච්ඡාසහගතො උද්ධච්චසහගතො මොහො. (1)

නෙවාචයගාමිනාපචයගාමිං ධම්මං පච්චයා නෙවාචයගාමිනාපචයගාමී ධම්මො උප්පජ්ජති නහෙතුපච්චයා – අහෙතුකං නෙවාචයගාමිනාපචයගාමිං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… අසඤ්ඤසත්තානං එකං මහාභූතං…පෙ… චක්ඛායතනං පච්චයා චක්ඛුවිඤ්ඤාණං…පෙ… ¶ කායායතනං පච්චයා කායවිඤ්ඤාණං. වත්ථුං පච්චයා අහෙතුකා නෙවාචයගාමිනාපචයගාමී ඛන්ධා. (1)

නෙවාචයගාමිනාපචයගාමිං ධම්මං පච්චයා ආචයගාමී ධම්මො උප්පජ්ජති නහෙතුපච්චයා – වත්ථුං පච්චයා විචිකිච්ඡාසහගතො උද්ධච්චසහගතො මොහො. (2)

ආචයගාමිඤ්ච නෙවාචයගාමිනාපචයගාමිඤ්ච ධම්මං පච්චයා ආචයගාමී ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (1)

27. ආචයගාමිං ¶ ධම්මං පච්චයා නෙවාචයගාමිනාපචයගාමී ධම්මො උප්පජ්ජති නආරම්මණපච්චයා (සංඛිත්තං. පටිච්චවාරසදිසං).

28. ආචයගාමිං ¶ ධම්මං පච්චයා ආචයගාමී ධම්මො උප්පජ්ජති නඅධිපතිපච්චයා… තීණි.

අපචයගාමිං ධම්මං පච්චයා අපචයගාමී ධම්මො උප්පජ්ජති නඅධිපතිපච්චයා – අපචයගාමී ඛන්ධෙ පච්චයා අපචයගාමී අධිපති. (1)

නෙවාචයගාමිනාපචයගාමිං ධම්මං පච්චයා නෙවාචයගාමිනාපචයගාමී ධම්මො උප්පජ්ජති නඅධිපතිපච්චයා…පෙ… අසඤ්ඤසත්තානං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං. වත්ථුං පච්චයා නෙවාචයගාමිනාපචයගාමී ඛන්ධා. (1)

නෙවාචයගාමිනාපචයගාමිං ධම්මං පච්චයා ආචයගාමී ධම්මො උප්පජ්ජති නඅධිපතිපච්චයා – වත්ථුං පච්චයා ආචයගාමී ඛන්ධා. (2)

නෙවාචයගාමිනාපචයගාමිං ධම්මං පච්චයා අපචයගාමී ධම්මො උප්පජ්ජති නඅධිපතිපච්චයා – වත්ථුං පච්චයා අපචයගාමී අධිපති. (3)

නෙවාචයගාමිනාපචයගාමිං ධම්මං පච්චයා ආචයගාමී ච නෙවාචයගාමිනාපචයගාමී ¶ ච ධම්මා උප්පජ්ජන්ති නඅධිපතිපච්චයා – වත්ථුං පච්චයා ආචයගාමී ඛන්ධා, මහාභූතෙ පච්චයා චිත්තසමුට්ඨානං රූපං. (4)

29. ආචයගාමිඤ්ච නෙවාචයගාමිනාපචයගාමිඤ්ච ධම්මං පච්චයා ආචයගාමී ධම්මො උප්පජ්ජති ¶ නඅධිපතිපච්චයා – ආචයගාමිං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ…. (1)

ආචයගාමිඤ්ච නෙවාචයගාමිනාපචයගාමිඤ්ච ධම්මං පච්චයා නෙවාචයගාමිනාපචයගාමී ධම්මො උප්පජ්ජති නඅධිපතිපච්චයා – ආචයගාමී ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (2)

ආචයගාමිඤ්ච නෙවාචයගාමිනාපචයගාමිඤ්ච ධම්මං පච්චයා ආචයගාමී ච නෙවාචයගාමිනාපචයගාමී ච ධම්මා උප්පජ්ජන්ති නඅධිපතිපච්චයා – ආචයගාමිං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… ආචයගාමී ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (3)

අපචයගාමිඤ්ච ¶ නෙවාචයගාමිනාපචයගාමිඤ්ච ධම්මං පච්චයා අපචයගාමී ධම්මො උප්පජ්ජති නඅධිපතිපච්චයා – අපචයගාමී ඛන්ධෙ ච වත්ථුඤ්ච පච්චයා අපචයගාමී අධිපති. (1)

30. නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා… නපුරෙජාතපච්චයා (පටිච්චවාරසදිසා, සත්ත පඤ්හා)… නපච්ඡාජාතපච්චයා (පරිපුණ්ණං).

31. ආචයගාමිං ධම්මං පච්චයා ආචයගාමී ධම්මො උප්පජ්ජති නආසෙවනපච්චයා… තීණි.

අපචයගාමිං ධම්මං පච්චයා නෙවාචයගාමිනාපචයගාමී ධම්මො උප්පජ්ජති නආසෙවනපච්චයා – අපචයගාමී ඛන්ධෙ පච්චයා චිත්තසමුට්ඨානං රූපං. (1)

නෙවාචයගාමිනාපචයගාමිං ¶ ධම්මං පච්චයා නෙවාචයගාමිනාපචයගාමී ධම්මො ¶ උප්පජ්ජති නආසෙවනපච්චයා – අසඤ්ඤසත්තානං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං. වත්ථුං පච්චයා නෙවාචයගාමිනාපචයගාමී ඛන්ධා. (1)

නෙවාචයගාමිනාපචයගාමිං ධම්මං පච්චයා ආචයගාමී ධම්මො උප්පජ්ජති නආසෙවනපච්චයා – වත්ථුං පච්චයා ආචයගාමී ඛන්ධා. (2)

නෙවාචයගාමිනාපචයගාමිං ධම්මං පච්චයා ආචයගාමී ච නෙවාචයගාමිනාපචයගාමී ච ධම්මා උප්පජ්ජන්ති නආසෙවනපච්චයා – වත්ථුං පච්චයා ආචයගාමී ඛන්ධා, මහාභූතෙ පච්චයා චිත්තසමුට්ඨානං රූපං. (3)

ආචයගාමිඤ්ච නෙවාචයගාමිනාපචයගාමිඤ්ච ධම්මං පච්චයා ආචයගාමී ධම්මො උප්පජ්ජති නආසෙවනපච්චයා – ආචයගාමිං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ…. (1)

ආචයගාමිඤ්ච නෙවාචයගාමිනාපචයගාමිඤ්ච ධම්මං පච්චයා නෙවාචයගාමිනාපචයගාමී ධම්මො උප්පජ්ජති නආසෙවනපච්චයා – ආචයගාමී ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (2)

ආචයගාමිඤ්ච ¶ නෙවාචයගාමිනාපචයගාමිඤ්ච ධම්මං පච්චයා ආචයගාමී ච නෙවාචයගාමිනාපචයගාමී ච ධම්මා උප්පජ්ජන්ති නආසෙවනපච්චයා – ආචයගාමිං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… ආචයගාමී ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (3)

අපචයගාමිඤ්ච නෙවාචයගාමිනාපචයගාමිඤ්ච ධම්මං පච්චයා නෙවාචයගාමිනාපචයගාමී ධම්මො උප්පජ්ජති නආසෙවනපච්චයා – අපචයගාමී ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (1)

32. ආචයගාමිං ¶ ධම්මං පච්චයා ආචයගාමී ධම්මො උප්පජ්ජති නකම්මපච්චයා ¶ – ආචයගාමී ඛන්ධෙ පච්චයා ආචයගාමී චෙතනා. (1)

අපචයගාමිං ධම්මං පච්චයා අපචයගාමී ධම්මො උප්පජ්ජති නකම්මපච්චයා – අපචයගාමී ඛන්ධෙ පච්චයා අපචයගාමී චෙතනා. (1)

නෙවාචයගාමිනාපචයගාමිං ධම්මං පච්චයා නෙවාචයගාමිනාපචයගාමී ධම්මො උප්පජ්ජති නකම්මපච්චයා – නෙවාචයගාමිනාපචයගාමී ඛන්ධෙ පච්චයා නෙවාචයගාමිනාපචයගාමී චෙතනා; බාහිරං… ආහාරසමුට්ඨානං… උතුසමුට්ඨානං…පෙ… වත්ථුං පච්චයා නෙවාචයගාමිනාපචයගාමී චෙතනා. (1)

නෙවාචයගාමිනාපචයගාමිං ධම්මං පච්චයා ආචයගාමී ධම්මො උප්පජ්ජති නකම්මපච්චයා – වත්ථුං පච්චයා ආචයගාමී චෙතනා. (2)

නෙවාචයගාමිනාපචයගාමිං ධම්මං පච්චයා අපචයගාමී ධම්මො උප්පජ්ජති නකම්මපච්චයා – වත්ථුං පච්චයා අපචයගාමී චෙතනා. (3)

ආචයගාමිඤ්ච නෙවාචයගාමිනාපචයගාමිඤ්ච ධම්මං පච්චයා ආචයගාමී ධම්මො උප්පජ්ජති නකම්මපච්චයා – ආචයගාමී ඛන්ධෙ ච වත්ථුඤ්ච පච්චයා ආචයගාමී චෙතනා. (1)

අපචයගාමිඤ්ච නෙවාචයගාමිනාපචයගාමිඤ්ච ධම්මං පච්චයා අපචයගාමී ධම්මො උප්පජ්ජති නකම්මපච්චයා – අපචයගාමී ඛන්ධෙ ච වත්ථුඤ්ච පච්චයා අපචයගාමී චෙතනා. (1)

33. ආචයගාමිං ¶ ධම්මං පච්චයා ආචයගාමී ධම්මො උප්පජ්ජති නවිපාකපච්චයා (පරිපුණ්ණං කාතබ්බං, පටිසන්ධික්ඛණෙ නත්ථි).

නෙවාචයගාමිනාපචයගාමිං ¶ ධම්මං පච්චයා නෙවාචයගාමිනාපචයගාමී ¶ ධම්මො උප්පජ්ජති නආහාරපච්චයා – බාහිරං… උතුසමුට්ඨානං… අසඤ්ඤසත්තානං…පෙ… නඉන්ද්රියපච්චයා – බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… මහාභූතෙ පච්චයා රූපජීවිතින්ද්රියං… නඣානපච්චයා – පඤ්චවිඤ්ඤාණං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං…පෙ… නමග්ගපච්චයා – අහෙතුකා නෙවාචයගාමිනාපචයගාමී…පෙ… අසඤ්ඤසත්තානං එකං මහාභූතං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා නෙවාචයගාමිනාපචයගාමී…පෙ… නසම්පයුත්තපච්චයා… නවිප්පයුත්තපච්චයා (පටිච්චවාරසදිසං, තීණි)… නොනත්ථිපච්චයා… නොවිගතපච්චයා.

34. නහෙතුයා චත්තාරි, නආරම්මණෙ පඤ්ච, නඅධිපතියා ද්වාදස, නඅනන්තරෙ පඤ්ච, නසමනන්තරෙ නඅඤ්ඤමඤ්ඤෙ නඋපනිස්සයෙ පඤ්ච, නපුරෙජාතෙ සත්ත, නපච්ඡාජාතෙ සත්තරස, නආසෙවනෙ එකාදස, නකම්මෙ සත්ත, නවිපාකෙ සත්තරස, නආහාරෙ නඉන්ද්රියෙ නඣානෙ නමග්ගෙ එකං, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා නොවිගතෙ පඤ්ච (එවං ගණෙතබ්බං).

35. හෙතුපච්චයා නආරම්මණෙ පඤ්ච, නඅධිපතියා ද්වාදස, නඅනන්තරෙ ¶ නසමනන්තරෙ නඅඤ්ඤමඤ්ඤෙ ¶ නඋපනිස්සයෙ පඤ්ච, නපුරෙජාතෙ සත්ත, නපච්ඡාජාතෙ ¶ සත්තරස, නආසෙවනෙ එකාදස, නකම්මෙ සත්ත, නවිපාකෙ සත්තරස, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා නොවිගතෙ පඤ්ච (එවං ගණෙතබ්බං).

36. නහෙතුපච්චයා ආරම්මණෙ චත්තාරි, අනන්තරෙ සමනන්තරෙ සහජාතෙ අඤ්ඤමඤ්ඤෙ නිස්සයෙ උපනිස්සයෙ පුරෙජාතෙ ආසෙවනෙ කම්මෙ චත්තාරි, විපාකෙ එකං, ආහාරෙ චත්තාරි, ඉන්ද්රියෙ ඣානෙ චත්තාරි, මග්ගෙ තීණි, සම්පයුත්තෙ විප්පයුත්තෙ අත්ථියා නත්ථියා විගතෙ චත්තාරි, අවිගතෙ චත්තාරි (එවං ගණෙතබ්බං).

37. ආචයගාමිං ¶ ධම්මං සංසට්ඨො ආචයගාමී ධම්මො උප්පජ්ජති හෙතුපච්චයා – ආචයගාමිං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ සංසට්ඨා ද්වෙ ඛන්ධා. (1)

අපචයගාමිං ධම්මං සංසට්ඨො අපචයගාමී ධම්මො උප්පජ්ජති හෙතුපච්චයා – අපචයගාමිං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

නෙවාචයගාමිනාපචයගාමිං ¶ ¶ ධම්මං සංසට්ඨො නෙවාචයගාමිනාපචයගාමී ධම්මො උප්පජ්ජති හෙතුපච්චයා – නෙවාචයගාමිනාපචයගාමිං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

38. ආචයගාමිං ධම්මං සංසට්ඨො ආචයගාමී ධම්මො උප්පජ්ජති ආරම්මණපච්චයා… අධිපතිපච්චයා… අනන්තරපච්චයා… සමනන්තරපච්චයා… සහජාතපච්චයා… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා… පුරෙජාතපච්චයා… ආසෙවනපච්චයා… කම්මපච්චයා… විපාකපච්චයා… ආහාරපච්චයා… ඉන්ද්රියපච්චයා… ඣානපච්චයා… මග්ගපච්චයා… සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.

39. හෙතුයා ¶ තීණි, ආරම්මණෙ අධිපතියා අනන්තරෙ සමනන්තරෙ සහජාතෙ අඤ්ඤමඤ්ඤෙ නිස්සයෙ උපනිස්සයෙ පුරෙජාතෙ ආසෙවනෙ කම්මෙ සබ්බත්ථ තීණි, විපාකෙ එකං, ආහාරෙ තීණි, ඉන්ද්රියෙ ඣානෙ මග්ගෙ සම්පයුත්තෙ විප්පයුත්තෙ අත්ථියා නත්ථියා විගතෙ අවිගතෙ තීණි (එවං ගණෙතබ්බං).

40. ආචයගාමිං ධම්මං සංසට්ඨො ආචයගාමී ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ සංසට්ඨො විචිකිච්ඡාසහගතො උද්ධච්චසහගතො මොහො. (1)

නෙවාචයගාමිනාපචයගාමිං ධම්මං සංසට්ඨො නෙවාචයගාමිනාපචයගාමී ¶ ධම්මො උප්පජ්ජති නහෙතුපච්චයා – අහෙතුකං නෙවාචයගාමිනාපචයගාමිං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ…. (1)

41. ආචයගාමිං ¶ ¶ ධම්මං සංසට්ඨො ආචයගාමී ධම්මො උප්පජ්ජති නඅධිපතිපච්චයා… නපුරෙජාතපච්චයා… නපච්ඡාජාතපච්චයා… නආසෙවනපච්චයා… ආචයගාමිං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ….

නෙවාචයගාමිනාපචයගාමිං ධම්මං සංසට්ඨො නෙවාචයගාමිනාපචයගාමී ධම්මො උප්පජ්ජති නආසෙවනපච්චයා – නෙවාචයගාමිනාපචයගාමිං එකං ඛන්ධං සංසට්ඨා…පෙ… පටිසන්ධික්ඛණෙ…පෙ… නකම්මපච්චයා… නවිපාකපච්චයා… නඣානපච්චයා… නමග්ගපච්චයා… නවිප්පයුත්තපච්චයා.

42. නහෙතුයා ද්වෙ, නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ ද්වෙ, නකම්මෙ තීණි, නවිපාකෙ තීණි, නඣානෙ එකං, නමග්ගෙ එකං, නවිප්පයුත්තෙ තීණි (එවං ගණෙතබ්බං).

43. හෙතුපච්චයා නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ ද්වෙ, නකම්මෙ තීණි, නවිපාකෙ තීණි, නවිප්පයුත්තෙ තීණි (එවං ගණෙතබ්බං).

44. නහෙතුපච්චයා ¶ ආරම්මණෙ ද්වෙ, අනන්තරෙ සමනන්තරෙ සහජාතෙ අඤ්ඤමඤ්ඤෙ නිස්සයෙ උපනිස්සයෙ පුරෙජාතෙ ආසෙවනෙ කම්මෙ ¶ ¶ සබ්බත්ථ ද්වෙ, විපාකෙ එකං, ආහාරෙ ද්වෙ, ඉන්ද්රියෙ ද්වෙ, ඣානෙ ද්වෙ, මග්ගෙ එකං, සම්පයුත්තෙ ද්වෙ, විප්පයුත්තෙ අත්ථියා නත්ථියා විගතෙ අවිගතෙ ද්වෙ (එවං ගණෙතබ්බං).

(සම්පයුත්තවාරො සංසට්ඨවාරසදිසො.)

45. ආචයගාමී [ආචයගාමි (සී. ස්යා.) එවමුපරිපි] ධම්මො ආචයගාමිස්ස ධම්මස්ස හෙතුපච්චයෙන පච්චයො – ආචයගාමී හෙතූ සම්පයුත්තකානං ඛන්ධානං හෙතුපච්චයෙන පච්චයො. (1)

ආචයගාමී ධම්මො නෙවාචයගාමිනාපචයගාමිස්ස ධම්මස්ස හෙතුපච්චයෙන පච්චයො – ආචයගාමී හෙතූ චිත්තසමුට්ඨානානං රූපානං හෙතුපච්චයෙන පච්චයො. (2)

ආචයගාමී ¶ ධම්මො ආචයගාමිස්ස ච නෙවාචයගාමිනාපචයගාමිස්ස ච ධම්මස්ස හෙතුපච්චයෙන පච්චයො – ආචයගාමී හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

අපචයගාමී ධම්මො අපචයගාමිස්ස ධම්මස්ස හෙතුපච්චයෙන පච්චයො… තීණි.

නෙවාචයගාමිනාපචයගාමී ධම්මො නෙවාචයගාමිනාපචයගාමිස්ස ¶ ධම්මස්ස හෙතුපච්චයෙන පච්චයො – නෙවාචයගාමිනාපචයගාමී හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. පටිසන්ධික්ඛණෙ නෙවාචයගාමිනාපචයගාමී හෙතූ සම්පයුත්තකානං ඛන්ධානං කටත්තා ච රූපානං හෙතුපච්චයෙන පච්චයො. (1)

46. ආචයගාමී ¶ ධම්මො ආචයගාමිස්ස ධම්මස්ස ආරම්මණපච්චයෙන පච්චයො – දානං දත්වා සීලං සමාදියිත්වා උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති, ඣානා වුට්ඨහිත්වා ඣානං පච්චවෙක්ඛති. සෙක්ඛා පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. සෙක්ඛා වා පුථුජ්ජනා වා ආචයගාමී ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති අභිනන්දන්ති, තං ආරබ්භ රාගො උප්පජ්ජති, දිට්ඨි…පෙ… විචිකිච්ඡා…පෙ… උද්ධච්චං…පෙ… දොමනස්සං උප්පජ්ජති, චෙතොපරියඤාණෙන ආචයගාමිචිත්තසමඞ්ගිස්ස චිත්තං ජානන්ති, ආකාසානඤ්චායතනකුසලං විඤ්ඤාණඤ්චායතනකුසලස්ස ආරම්මණපච්චයෙන පච්චයො. ආකිඤ්චඤ්ඤායතනකුසලං නෙවසඤ්ඤානාසඤ්ඤායතනකුසලස්ස…පෙ… ආචයගාමී ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස ආරම්මණපච්චයෙන පච්චයො. (1)

ආචයගාමී ධම්මො නෙවාචයගාමිනාපචයගාමිස්ස ධම්මස්ස ආරම්මණපච්චයෙන පච්චයො – අරහා පහීනෙ කිලෙසෙ පච්චවෙක්ඛති, පුබ්බෙ ¶ සමුදාචිණ්ණෙ කිලෙසෙ ජානාති, ආචයගාමී ඛන්ධෙ අනිච්චතො දුක්ඛතො අනත්තතො විපස්සති; චෙතොපරියඤාණෙන ආචයගාමිචිත්තසමඞ්ගිස්ස චිත්තං ජානාති ¶ . සෙක්ඛා වා පුථුජ්ජනා වා ආචයගාමී ඛන්ධෙ අනිච්චතො දුක්ඛතො අනත්තතො විපස්සන්ති, කුසලෙ නිරුද්ධෙ විපාකො තදාරම්මණතා උප්පජ්ජති, ආචයගාමී ඛන්ධෙ අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති, අකුසලෙ නිරුද්ධෙ විපාකො තදාරම්මණතා උප්පජ්ජති, ආකාසානඤ්චායතනකුසලං විඤ්ඤාණඤ්චායතනවිපාකස්ස ච කිරියස්ස ච ආරම්මණපච්චයෙන පච්චයො. ආකිඤ්චඤ්ඤායතනකුසලං නෙවසඤ්ඤානාසඤ්ඤායතනවිපාකස්ස ච කිරියස්ස ච ආරම්මණපච්චයෙන පච්චයො. ආචයගාමී ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (2)

47. අපචයගාමී ධම්මො ආචයගාමිස්ස ධම්මස්ස ආරම්මණපච්චයෙන පච්චයො – සෙක්ඛා මග්ගා වුට්ඨහිත්වා මග්ගං පච්චවෙක්ඛන්ති, චෙතොපරියඤාණෙන අපචයගාමිචිත්තසමඞ්ගිස්ස ¶ චිත්තං ජානන්ති, අපචයගාමී ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආරම්මණපච්චයෙන පච්චයො. (1)

අපචයගාමී ධම්මො නෙවාචයගාමිනාපචයගාමිස්ස ධම්මස්ස ආරම්මණපච්චයෙන පච්චයො – අරහා මග්ගා වුට්ඨහිත්වා මග්ගං පච්චවෙක්ඛති ¶ , චෙතොපරියඤාණෙන අපචයගාමිචිත්තසමඞ්ගිස්ස චිත්තං ජානාති, අපචයගාමී ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (2)

48. නෙවාචයගාමිනාපචයගාමී ධම්මො නෙවාචයගාමිනාපචයගාමිස්ස ධම්මස්ස ආරම්මණපච්චයෙන පච්චයො – අරහා ඵලං පච්චවෙක්ඛති, නිබ්බානං පච්චවෙක්ඛති, නිබ්බානං ඵලස්ස ආවජ්ජනාය ආරම්මණපච්චයෙන පච්චයො. අරහා චක්ඛුං අනිච්චතො දුක්ඛතො අනත්තතො විපස්සති, සොතං…පෙ… වත්ථුං… නෙවාචයගාමිනාපචයගාමී ඛන්ධෙ අනිච්චතො දුක්ඛතො අනත්තතො විපස්සති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙන නෙවාචයගාමිනාපචයගාමිචිත්තසමඞ්ගිස්ස චිත්තං ජානාති, ආකාසානඤ්චායතනකිරියං විඤ්ඤාණඤ්චායතනකිරියස්ස ආරම්මණපච්චයෙන පච්චයො. ආකිඤ්චඤ්ඤායතනකිරියං නෙවසඤ්ඤානාසඤ්ඤායතනකිරියස්ස…පෙ… රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… නෙවාචයගාමිනාපචයගාමී ඛන්ධා ¶ ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස ආවජ්ජනාය ආරම්මණපච්චයෙන පච්චයො. (1)

නෙවාචයගාමිනාපචයගාමී ධම්මො ආචයගාමිස්ස ධම්මස්ස ආරම්මණපච්චයෙන පච්චයො – සෙක්ඛා ඵලං පච්චවෙක්ඛන්ති, නිබ්බානං පච්චවෙක්ඛන්ති, නිබ්බානං ගොත්රභුස්ස, වොදානස්ස ආරම්මණපච්චයෙන පච්චයො ¶ . සෙක්ඛා වා පුථුජ්ජනා වා චක්ඛුං අනිච්චතො දුක්ඛතො අනත්තතො විපස්සන්ති, අස්සාදෙන්ති අභිනන්දන්ති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. සොතං…පෙ… වත්ථුං… නෙවාචයගාමිනාපචයගාමී ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති අභිනන්දන්ති; තං ආරබ්භ රාගො උප්පජ්ජති, දිට්ඨි උප්පජ්ජති, විචිකිච්ඡා…පෙ… උද්ධච්චං…පෙ… දොමනස්සං…පෙ… දිබ්බෙන චක්ඛුනා රූපං පස්සන්ති, දිබ්බාය සොතධාතුයා සද්දං සුණන්ති, චෙතොපරියඤාණෙන ¶ නෙවාචයගාමිනාපචයගාමිචිත්තසමඞ්ගිස්ස චිත්තං ජානන්ති, නෙවාචයගාමිනාපචයගාමී ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස ආරම්මණපච්චයෙන පච්චයො. (2)

නෙවාචයගාමිනාපචයගාමී ධම්මො අපචයගාමිස්ස ධම්මස්ස ආරම්මණපච්චයෙන පච්චයො – නිබ්බානං මග්ගස්ස ආරම්මණපච්චයෙන පච්චයො. (3)

49. ආචයගාමී ධම්මො ආචයගාමිස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං සමාදියිත්වා උපොසථකම්මං කත්වා තං ගරුං කත්වා පච්චවෙක්ඛති, පුබ්බෙ සුචිණ්ණානි ගරුං කත්වා පච්චවෙක්ඛති, ඣානා වුට්ඨහිත්වා ඣානං ගරුං කත්වා පච්චවෙක්ඛති, ආචයගාමී ඛන්ධෙ ගරුං කත්වා අස්සාදෙති අභිනන්දති; තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – ආචයගාමී අධිපති සම්පයුත්තකානං ඛන්ධානං ¶ අධිපතිපච්චයෙන පච්චයො. (1)

ආචයගාමී ධම්මො නෙවාචයගාමිනාපචයගාමිස්ස ධම්මස්ස අධිපතිපච්චයෙන පච්චයො. සහජාතාධිපති ¶ – ආචයගාමී අධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

ආචයගාමී ධම්මො ආචයගාමිස්ස ච නෙවාචයගාමිනාපචයගාමිස්ස ච ධම්මස්ස අධිපතිපච්චයෙන පච්චයො. සහජාතාධිපති – ආචයගාමී අධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

50. අපචයගාමී ධම්මො අපචයගාමිස්ස ධම්මස්ස අධිපතිපච්චයෙන පච්චයො. සහජාතාධිපති – අපචයගාමී අධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

අපචයගාමී ධම්මො ආචයගාමිස්ස ධම්මස්ස අධිපතිපච්චයෙන පච්චයො. ආරම්මණාධිපති – සෙක්ඛා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. (2)

අපචයගාමී ¶ ධම්මො නෙවාචයගාමිනාපචයගාමිස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරහා මග්ගා වුට්ඨහිත්වා මග්ගං ගරුං කත්වා පච්චවෙක්ඛති. සහජාතාධිපති – අපචයගාමී අධිපති චිත්තසමුට්ඨානානං රූපානං අධිපතිපච්චයෙන පච්චයො. (3)

අපචයගාමී ධම්මො අපචයගාමිස්ස ච නෙවාචයගාමිනාපචයගාමිස්ස ච ධම්මස්ස අධිපතිපච්චයෙන පච්චයො. සහජාතාධිපති – අපචයගාමී ¶ අධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (4)

51. නෙවාචයගාමිනාපචයගාමී ධම්මො නෙවාචයගාමිනාපචයගාමිස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරහා ඵලං ගරුං කත්වා පච්චවෙක්ඛති, නිබ්බානං ගරුං කත්වා පච්චවෙක්ඛති, නිබ්බානං ඵලස්ස අධිපතිපච්චයෙන පච්චයො. සහජාතාධිපති – නෙවාචයගාමිනාපචයගාමී අධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

නෙවාචයගාමිනාපචයගාමී ¶ ධම්මො ආචයගාමිස්ස ධම්මස්ස අධිපතිපච්චයෙන පච්චයො. ආරම්මණාධිපති – සෙක්ඛා ඵලං ගරුං කත්වා පච්චවෙක්ඛන්ති, නිබ්බානං ගරුං කත්වා පච්චවෙක්ඛන්ති, නිබ්බානං ගොත්රභුස්ස, වොදානස්ස අධිපතිපච්චයෙන පච්චයො. චක්ඛුං ගරුං කත්වා අස්සාදෙති…පෙ… වත්ථුං… නෙවාචයගාමිනාපචයගාමී ඛන්ධෙ ගරුං කත්වා අස්සාදෙති අභිනන්දති; තං ගරුං කත්වා රාගො උප්පජ්ජති, දිට්ඨි උප්පජ්ජති. (2)

නෙවාචයගාමිනාපචයගාමී ධම්මො අපචයගාමිස්ස ධම්මස්ස අධිපතිපච්චයෙන පච්චයො. ආරම්මණාධිපති – නිබ්බානං මග්ගස්ස අධිපතිපච්චයෙන පච්චයො. (3)

52. ආචයගාමී ධම්මො ආචයගාමිස්ස ධම්මස්ස අනන්තරපච්චයෙන පච්චයො – පුරිමා පුරිමා ආචයගාමී ඛන්ධා පච්ඡිමානං පච්ඡිමානං ¶ ආචයගාමීනං ඛන්ධානං අනන්තරපච්චයෙන පච්චයො. අනුලොමං ගොත්රභුස්ස… අනුලොමං වොදානස්ස අනන්තරපච්චයෙන පච්චයො. (1)

ආචයගාමී ¶ ධම්මො අපචයගාමිස්ස ධම්මස්ස අනන්තරපච්චයෙන පච්චයො – ගොත්රභු මග්ගස්ස… වොදානං මග්ගස්ස අනන්තරපච්චයෙන පච්චයො. (2)

ආචයගාමී ධම්මො නෙවාචයගාමිනාපචයගාමිස්ස ධම්මස්ස අනන්තරපච්චයෙන පච්චයො – ආචයගාමී ඛන්ධා වුට්ඨානස්ස අනන්තරපච්චයෙන පච්චයො. සෙක්ඛානං අනුලොමං ඵලසමාපත්තියා, නිරොධා වුට්ඨහන්තස්ස නෙවසඤ්ඤානාසඤ්ඤායතනකුසලං ඵලසමාපත්තියා අනන්තරපච්චයෙන පච්චයො. (3)

අපචයගාමී ධම්මො නෙවාචයගාමිනාපචයගාමිස්ස ධම්මස්ස අනන්තරපච්චයෙන පච්චයො – මග්ගො ඵලස්ස අනන්තරපච්චයෙන පච්චයො. (1)

නෙවාචයගාමිනාපචයගාමී ධම්මො නෙවාචයගාමිනාපචයගාමිස්ස ධම්මස්ස අනන්තරපච්චයෙන පච්චයො – පුරිමා පුරිමා නෙවාචයගාමිනාපචයගාමී ඛන්ධා පච්ඡිමානං පච්ඡිමානං නෙවාචයගාමිනාපචයගාමීනං ¶ ඛන්ධානං අනන්තරපච්චයෙන පච්චයො. භවඞ්ගං ආවජ්ජනාය… කිරියං වුට්ඨානස්ස… අරහතො අනුලොමං ඵලසමාපත්තියා… නිරොධා වුට්ඨහන්තස්ස නෙවසඤ්ඤානාසඤ්ඤායතනකිරියං ඵලසමාපත්තියා අනන්තරපච්චයෙන පච්චයො. (1)

නෙවාචයගාමිනාපචයගාමී ධම්මො ආචයගාමිස්ස ධම්මස්ස අනන්තරපච්චයෙන පච්චයො – ආවජ්ජනා ආචයගාමීනං ඛන්ධානං අනන්තරපච්චයෙන පච්චයො. (2)

53. ආචයගාමී ධම්මො ආචයගාමිස්ස ධම්මස්ස සමනන්තරපච්චයෙන ¶ පච්චයො…පෙ… (අනන්තරසදිසං). (සහජාතපච්චයෙ පටිච්චවාරෙ සහජාතවාරසදිසා නව පඤ්හා. අඤ්ඤමඤ්ඤපච්චයෙ පටිච්චවාරෙ අඤ්ඤමඤ්ඤසදිසං තීණි. නිස්සයපච්චයෙ පච්චයවාරෙ නිස්සයවාරසදිසං. චත්තාරිපි හි විසුං ඝටනා නත්ථි. තෙරස පඤ්හා.)

54. ආචයගාමී ධම්මො ආචයගාමිස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – ආචයගාමිං සද්ධං උපනිස්සාය දානං දෙති, සීලං…පෙ… උපොසථකම්මං…පෙ… ඣානං…පෙ… විපස්සනං…පෙ… අභිඤ්ඤං…පෙ… සමාපත්තිං ¶ උප්පාදෙති, මානං ජප්පෙති, දිට්ඨිං ගණ්හාති, ආචයගාමිං සීලං… සුතං… චාගං… පඤ්ඤං… රාගං… දොසං… මොහං… මානං… දිට්ඨිං… පත්ථනං උපනිස්සාය දානං දෙති. සීලං…පෙ… උපොසථකම්මං…පෙ… ඣානං…පෙ… විපස්සනං…පෙ… අභිඤ්ඤං…පෙ… සමාපත්තිං…පෙ… පාණං හනති…පෙ… සඞ්ඝං භින්දති. ආචයගාමී සද්ධා…පෙ… පඤ්ඤා, රාගො…පෙ… පත්ථනා ආචයගාමියා සද්ධාය…පෙ… පඤ්ඤාය, රාගස්ස…පෙ… පත්ථනාය උපනිස්සයපච්චයෙන පච්චයො. පඨමස්ස ඣානස්ස පරිකම්මං පඨමස්ස ඣානස්ස උපනිස්සයපච්චයෙන පච්චයො…පෙ…. නෙවසඤ්ඤානාසඤ්ඤායතනස්ස පරිකම්මං නෙවසඤ්ඤානාසඤ්ඤායතනස්ස උපනිස්සයපච්චයෙන පච්චයො. පඨමං ඣානං දුතියස්ස ඣානස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස උපනිස්සයපච්චයෙන පච්චයො. (1)

ආචයගාමී ¶ ධම්මො අපචයගාමිස්ස ධම්මස්ස උපනිස්සයපච්චයෙන ¶ පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – පඨමස්ස මග්ගස්ස පරිකම්මං පඨමස්ස මග්ගස්ස…පෙ… චතුත්ථස්ස මග්ගස්ස පරිකම්මං චතුත්ථස්ස මග්ගස්ස උපනිස්සයපච්චයෙන පච්චයො. (2)

ආචයගාමී ධම්මො නෙවාචයගාමිනාපචයගාමිස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – ආචයගාමිං සද්ධං උපනිස්සාය අත්තානං ආතාපෙති පරිතාපෙති පරියිට්ඨිමූලකං දුක්ඛං පච්චනුභොති. ආචයගාමිං සීලං…පෙ… පඤ්ඤං. රාගං…පෙ… පත්ථනං උපනිස්සාය අත්තානං ආතාපෙති පරිතාපෙති පරියිට්ඨිමූලකං දුක්ඛං පච්චනුභොති. ආචයගාමී සද්ධා…පෙ… පඤ්ඤා. රාගො…පෙ… පත්ථනා, කායිකස්ස සුඛස්ස, කායිකස්ස දුක්ඛස්ස ඵලසමාපත්තියා උපනිස්සයපච්චයෙන පච්චයො. කුසලාකුසලං කම්මං විපාකස්ස උපනිස්සයපච්චයෙන පච්චයො. (3)

55. අපචයගාමී ධම්මො අපචයගාමිස්ස ධම්මස්ස උපනිස්සයපච්චයෙන පච්චයො. පකතූපනිස්සයො – පඨමො මග්ගො දුතියස්ස මග්ගස්ස…පෙ… තතියො මග්ගො චතුත්ථස්ස මග්ගස්ස උපනිස්සයපච්චයෙන පච්චයො. (1)

අපචයගාමී ධම්මො ආචයගාමිස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, පකතූපනිස්සයො…පෙ…. පකතූපනිස්සයො – සෙක්ඛා මග්ගං උපනිස්සාය අනුප්පන්නං කුසලසමාපත්තිං උප්පාදෙන්ති, උප්පන්නං සමාපජ්ජන්ති ¶ , සඞ්ඛාරෙ අනිච්චතො දුක්ඛතො අනත්තතො විපස්සන්ති, මග්ගො සෙක්ඛානං අත්ථප්පටිසම්භිදාය…පෙ… ¶ පටිභානපටිසම්භිදාය ඨානාඨානකොසල්ලස්ස උපනිස්සයපච්චයෙන පච්චයො. (2)

අපචයගාමී ධම්මො නෙවාචයගාමිනාපචයගාමිස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අරහා මග්ගං උපනිස්සාය අනුප්පන්නං කිරියසමාපත්තිං උප්පාදෙති, උප්පන්නං සමාපජ්ජති…පෙ… ඨානාඨානකොසල්ලස්ස උපනිස්සයපච්චයෙන පච්චයො. මග්ගො ඵලසමාපත්තියා උපනිස්සයපච්චයෙන පච්චයො. (3)

56. නෙවාචයගාමිනාපචයගාමී ¶ ධම්මො නෙවාචයගාමිනාපචයගාමිස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – කායිකං සුඛං උපනිස්සාය අත්තානං ආතාපෙති පරිතාපෙති පරියිට්ඨිමූලකං දුක්ඛං පච්චනුභොති. කායිකං දුක්ඛං… උතුං… භොජනං… සෙනාසනං උපනිස්සාය අත්තානං ආතාපෙති පරිතාපෙති…පෙ… කායිකං සුඛං… කායිකං දුක්ඛං… උතු… භොජනං… සෙනාසනං කායිකස්ස සුඛස්ස, කායිකස්ස දුක්ඛස්ස ඵලසමාපත්තියා උපනිස්සයපච්චයෙන පච්චයො. අරහා කායිකං සුඛං උපනිස්සාය අනුප්පන්නං කිරියසමාපත්තිං උප්පාදෙති…පෙ… විපස්සති. කායිකං දුක්ඛං… උතුං… භොජනං… සෙනාසනං උපනිස්සාය…පෙ… විපස්සති. (1)

නෙවාචයගාමීනාපචයගාමී ධම්මො ආචයගාමිස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ… ¶ . පකතූපනිස්සයො – කායිකං සුඛං උපනිස්සාය දානං දෙති…පෙ… සමාපත්තිං උප්පාදෙති, පාණං හනති…පෙ… සඞ්ඝං භින්දති. කායිකං දුක්ඛං… උතුං… භොජනං… සෙනාසනං උපනිස්සාය දානං දෙති…පෙ… සඞ්ඝං භින්දති, කායිකං සුඛං…පෙ… සෙනාසනං ආචයගාමියා සද්ධාය…පෙ… පඤ්ඤාය, රාගස්ස…පෙ… පත්ථනාය උපනිස්සයපච්චයෙන පච්චයො. (2)

නෙවාචයගාමිනාපචයගාමී ධම්මො අපචයගාමිස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, පකතූපනිස්සයො…පෙ…. පකතූපනිස්සයො – කායිකං සුඛං උපනිස්සාය මග්ගං උප්පාදෙති. කායිකං දුක්ඛං ¶ …පෙ… සෙනාසනං උපනිස්සාය මග්ගං උප්පාදෙති, කායිකං සුඛං, කායිකං දුක්ඛං…පෙ… සෙනාසනං මග්ගස්ස උපනිස්සයපච්චයෙන පච්චයො. (3)

57. නෙවාචයගාමිනාපචයගාමී ධම්මො නෙවාචයගාමිනාපචයගාමිස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – අරහා චක්ඛුං…පෙ… වත්ථුං අනිච්චතො දුක්ඛතො අනත්තතො විපස්සති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං ¶ කායවිඤ්ඤාණස්ස පුරෙජාතපච්චයෙන පච්චයො. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු නෙවාචයගාමිනාපචයගාමීනං ඛන්ධානං පුරෙජාතපච්චයෙන පච්චයො. (1)

නෙවාචයගාමිනාපචයගාමී ¶ ධම්මො ආචයගාමිස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – සෙක්ඛා වා පුථුජ්ජනා වා චක්ඛුං…පෙ… වත්ථුං අනිච්චතො දුක්ඛතො අනත්තතො විපස්සන්ති, අස්සාදෙන්ති අභිනන්දන්ති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. වත්ථුපුරෙජාතං – වත්ථු ආචයගාමීනං ඛන්ධානං පුරෙජාතපච්චයෙන පච්චයො. (2)

නෙවාචයගාමිනාපචයගාමී ධම්මො අපචයගාමිස්ස ධම්මස්ස පුරෙජාතපච්චයෙන පච්චයො. වත්ථුපුරෙජාතං – වත්ථු අපචයගාමීනං ඛන්ධානං පුරෙජාතපච්චයෙන පච්චයො. (3)

58. ආචයගාමී ධම්මො නෙවාචයගාමිනාපචයගාමිස්ස ධම්මස්ස පච්ඡාජාතපච්චයෙන පච්චයො – පච්ඡාජාතා ආචයගාමී ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

අපචයගාමී ධම්මො නෙවාචයගාමිනාපචයගාමිස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අපචයගාමී ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

නෙවාචයගාමිනාපචයගාමී ¶ ධම්මො නෙවාචයගාමිනාපචයගාමිස්ස ධම්මස්ස පච්ඡාජාතපච්චයෙන පච්චයො – පච්ඡාජාතා නෙවාචයගාමිනාපචයගාමී ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො.

59. ආචයගාමී ¶ ¶ ධම්මො ආචයගාමිස්ස ධම්මස්ස ආසෙවනපච්චයෙන පච්චයො – පුරිමා පුරිමා ආචයගාමී ඛන්ධා පච්ඡිමානං පච්ඡිමානං ආචයගාමීනං ඛන්ධානං ආසෙවනපච්චයෙන පච්චයො. අනුලොමං ගොත්රභුස්ස… අනුලොමං වොදානස්ස ආසෙවනපච්චයෙන පච්චයො. (1)

ආචයගාමී ධම්මො අපචයගාමිස්ස ධම්මස්ස ආසෙවනපච්චයෙන පච්චයො – ගොත්රභු මග්ගස්ස… වොදානං මග්ගස්ස ආසෙවනපච්චයෙන පච්චයො. (2)

නෙවාචයගාමිනාපචයගාමී ධම්මො නෙවාචයගාමිනාපචයගාමිස්ස ධම්මස්ස ආසෙවනපච්චයෙන පච්චයො – පුරිමා පුරිමා නෙවාචයගාමිනාපචයගාමී ඛන්ධා පච්ඡිමානං පච්ඡිමානං නෙවාචයගාමිනාපචයගාමීනං ඛන්ධානං ආසෙවනපච්චයෙන පච්චයො. (1)

60. ආචයගාමී ධම්මො ආචයගාමිස්ස ධම්මස්ස කම්මපච්චයෙන පච්චයො – ආචයගාමී චෙතනා සම්පයුත්තකානං ඛන්ධානං කම්මපච්චයෙන පච්චයො. (1)

ආචයගාමී ධම්මො නෙවාචයගාමිනාපචයගාමිස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – ආචයගාමී චෙතනා චිත්තසමුට්ඨානානං රූපානං කම්මපච්චයෙන පච්චයො. නානාක්ඛණිකා – ආචයගාමී චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (2)

ආචයගාමී ධම්මො ආචයගාමිස්ස ච නෙවාචයගාමිනාපචයගාමිස්ස ¶ ච ධම්මස්ස කම්මපච්චයෙන පච්චයො – ආචයගාමී චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (3)

61. අපචයගාමී ධම්මො අපචයගාමිස්ස ධම්මස්ස කම්මපච්චයෙන පච්චයො – අපචයගාමී චෙතනා සම්පයුත්තකානං ඛන්ධානං කම්මපච්චයෙන පච්චයො. (1)

අපචයගාමී ¶ ¶ ධම්මො නෙවාචයගාමිනාපචයගාමිස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අපචයගාමී චෙතනා චිත්තසමුට්ඨානානං රූපානං කම්මපච්චයෙන පච්චයො. නානාක්ඛණිකා – අපචයගාමී චෙතනා විපාකානං ඛන්ධානං කම්මපච්චයෙන පච්චයො. (2)

අපචයගාමී ධම්මො අපචයගාමිස්ස ච නෙවාචයගාමිනාපචයගාමිස්ස ච ධම්මස්ස කම්මපච්චයෙන පච්චයො – අපචයගාමී චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (3)

නෙවාචයගාමිනාපචයගාමී ධම්මො නෙවාචයගාමිනාපචයගාමිස්ස ධම්මස්ස කම්මපච්චයෙන පච්චයො – නෙවාචයගාමිනාපචයගාමී චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. පටිසන්ධික්ඛණෙ නෙවාචයගාමිනාපචයගාමී චෙතනා සම්පයුත්තකානං ඛන්ධානං කටත්තා ච රූපානං කම්මපච්චයෙන පච්චයො. (1)

62. නෙවාචයගාමිනාපචයගාමී ධම්මො නෙවාචයගාමිනාපචයගාමිස්ස ධම්මස්ස විපාකපච්චයෙන පච්චයො – විපාකො නෙවාචයගාමිනාපචයගාමී ¶ එකො ඛන්ධො තිණ්ණන්නං ඛන්ධානං…පෙ… පටිසන්ධික්ඛණෙ…පෙ… ඛන්ධා වත්ථුස්ස විපාකපච්චයෙන පච්චයො. (1)

63. ආචයගාමී ධම්මො ආචයගාමිස්ස ධම්මස්ස ආහාරපච්චයෙන පච්චයො… ඉන්ද්රියපච්චයෙන පච්චයො… ඣානපච්චයෙන පච්චයො… මග්ගපච්චයෙන පච්චයො… සම්පයුත්තපච්චයෙන පච්චයො.

64. ආචයගාමී ධම්මො නෙවාචයගාමිනාපචයගාමිස්ස ධම්මස්ස විප්පයුත්තපච්චයෙන පච්චයො ¶ – සහජාතං, පච්ඡාජාතං. සහජාතා – ආචයගාමී ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – ආචයගාමී ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

අපචයගාමී ¶ ධම්මො නෙවාචයගාමිනාපචයගාමිස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – අපචයගාමී ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – අපචයගාමී ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

නෙවාචයගාමිනාපචයගාමී ධම්මො නෙවාචයගාමිනාපචයගාමිස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – නෙවාචයගාමිනාපචයගාමී ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පටිසන්ධික්ඛණෙ නෙවාචයගාමිනාපචයගාමී ඛන්ධා කටත්තාරූපානං විප්පයුත්තපච්චයෙන පච්චයො ¶ . ඛන්ධා වත්ථුස්ස විප්පයුත්තපච්චයෙන පච්චයො. වත්ථු ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු නෙවාචයගාමිනාපචයගාමීනං ඛන්ධානං විප්පයුත්තපච්චයෙන පච්චයො. පච්ඡාජාතා – නෙවාචයගාමිනාපචයගාමී ඛන්ධා පුරෙජාතස්ස ඉමස්ස කායස්ස…පෙ…. (1)

නෙවාචයගාමිනාපචයගාමී ධම්මො ආචයගාමිස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු ආචයගාමීනං ඛන්ධානං විප්පයුත්තපච්චයෙන පච්චයො. (2)

නෙවාචයගාමිනාපචයගාමී ධම්මො අපචයගාමිස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු අපචයගාමීනං ඛන්ධානං විප්පයුත්තපච්චයෙන පච්චයො. (3)

65. ආචයගාමී ධම්මො ආචයගාමිස්ස ධම්මස්ස අත්ථිපච්චයෙන පච්චයො – ආචයගාමී එකො ඛන්ධො තිණ්ණන්නං ඛන්ධානං…පෙ…. (1)

ආචයගාමී ¶ ධම්මො නෙවාචයගාමිනාපචයගාමිස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – ආචයගාමී ඛන්ධා චිත්තසමුට්ඨානානං රූපානං අත්ථිපච්චයෙන පච්චයො. පච්ඡාජාතා – ආචයගාමී ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. (2)

ආචයගාමී ¶ ධම්මො ආචයගාමිස්ස ච නෙවාචයගාමිනාපචයගාමිස්ස ච ධම්මස්ස අත්ථිපච්චයෙන පච්චයො – ආචයගාමී එකො ඛන්ධො ¶ තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ…. (3)

අපචයගාමී ධම්මො… තීණි (ආචයගාමිනයෙන කාතබ්බං).

66. නෙවාචයගාමිනාපචයගාමී ධම්මො නෙවාචයගාමිනාපචයගාමිස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතො – නෙවාචයගාමිනාපචයගාමී එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ… ඛන්ධා වත්ථුස්ස අත්ථිපච්චයෙන පච්චයො. වත්ථු ඛන්ධානං අත්ථිපච්චයෙන පච්චයො. එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ…. පුරෙජාතං – අරහා චක්ඛුං…පෙ… වත්ථුං අනිච්චතො දුක්ඛතො අනත්තතො විපස්සති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු නෙවාචයගාමිනාපචයගාමීනං ඛන්ධානං අත්ථිපච්චයෙන පච්චයො. පච්ඡාජාතා – නෙවාචයගාමිනාපචයගාමී ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. කබළීකාරො ආහාරො ඉමස්ස කායස්ස…පෙ… රූපජීවිතින්ද්රියං කටත්තාරූපානං…පෙ…. (1)

නෙවාචයගාමිනාපචයගාමී ධම්මො ආචයගාමිස්ස ධම්මස්ස අත්ථිපච්චයෙන පච්චයො. පුරෙජාතං – සෙක්ඛා වා පුථුජ්ජනා වා චක්ඛුං අනිච්චතො ¶ දුක්ඛතො අනත්තතො විපස්සන්ති, අස්සාදෙන්ති අභිනන්දන්ති; තං ආරබ්භ රාගො…පෙ… දොමනස්සං උප්පජ්ජති, සොතං…පෙ… වත්ථුං ¶ අනිච්චතො…පෙ… විපස්සන්ති, අස්සාදෙන්ති අභිනන්දන්ති; තං ආරබ්භ රාගො…පෙ… දොමනස්සං උප්පජ්ජති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, වත්ථු ආචයගාමීනං ඛන්ධානං අත්ථිපච්චයෙන පච්චයො. (2)

නෙවාචයගාමිනාපචයගාමී ධම්මො අපචයගාමිස්ස ධම්මස්ස අත්ථිපච්චයෙන පච්චයො. පුරෙජාතං – වත්ථු අපචයගාමීනං ඛන්ධානං අත්ථිපච්චයෙන පච්චයො. (3)

67. ආචයගාමී ¶ ච නෙවාචයගාමිනාපචයගාමී ච ධම්මා ආචයගාමිස්ස ධම්මස්ස අත්ථිපච්චයෙන පච්චයො සහජාතං, පුරෙජාතං. සහජාතො – ආචයගාමී එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා…පෙ…. (1)

ආචයගාමී ච නෙවාචයගාමිනාපචයගාමී ච ධම්මා නෙවාචයගාමිනාපචයගාමිස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතා – ආචයගාමී ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. පච්ඡාජාතා – ආචයගාමී ඛන්ධා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – ආචයගාමී ඛන්ධා ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (2)

අපචයගාමී ච නෙවාචයගාමිනාපචයගාමී ච ධම්මා අපචයගාමිස්ස ¶ ධම්මස්ස අත්ථිපච්චයෙන පච්චයො (ද්වෙ කාතබ්බා දස්සිතනයෙන), නත්ථිපච්චයෙන පච්චයො, විගතපච්චයෙන පච්චයො, අවිගතපච්චයෙන පච්චයො.

68. හෙතුයා සත්ත, ආරම්මණෙ සත්ත, අධිපතියා දස, අනන්තරෙ ඡ, සමනන්තරෙ ඡ, සහජාතෙ ¶ නව, අඤ්ඤමඤ්ඤෙ තීණි, නිස්සයෙ තෙරස, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ තීණි, කම්මෙ සත්ත, විපාකෙ එකං, ආහාරෙ සත්ත, ඉන්ද්රියෙ සත්ත, ඣානෙ සත්ත, මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා ඡ, විගතෙ ඡ, අවිගතෙ තෙරස.

69. ආචයගාමී ධම්මො ආචයගාමිස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

ආචයගාමී ¶ ධම්මො අපචයගාමිස්ස ධම්මස්ස උපනිස්සයපච්චයෙන පච්චයො. (2)

ආචයගාමී ධම්මො නෙවාචයගාමිනාපචයගාමිස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (3)

ආචයගාමී ¶ ධම්මො ආචයගාමිස්ස ච නෙවාචයගාමිනාපචයගාමිස්ස ච ධම්මස්ස සහජාතපච්චයෙන පච්චයො. (4)

70. අපචයගාමී ධම්මො අපචයගාමිස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (1)

අපචයගාමී ධම්මො ආචයගාමිස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (2)

අපචයගාමී ¶ ධම්මො නෙවාචයගාමිනාපචයගාමිස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (3)

අපචයගාමී ධම්මො අපචයගාමිස්ස ච නෙවාචයගාමිනාපචයගාමිස්ස ච ධම්මස්ස සහජාතපච්චයෙන පච්චයො. (4)

71. නෙවාචයගාමිනාපචයගාමී ධම්මො නෙවාචයගාමිනාපචයගාමිස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

නෙවාචයගාමිනාපචයගාමී ධම්මො ආචයගාමිස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

නෙවාචයගාමිනාපචයගාමී ධම්මො අපචයගාමිස්ස ධම්මස්ස උපනිස්සයපච්චයෙන ¶ පච්චයො… පුරෙජාතපච්චයෙන පච්චයො. (3)

72. ආචයගාමී ¶ ච නෙවාචයගාමිනාපචයගාමී ච ධම්මා ආචයගාමිස්ස ධම්මස්ස සහජාතං, පුරෙජාතං. (1)

ආචයගාමී ච නෙවාචයගාමිනාපචයගාමී ච ධම්මා නෙවාචයගාමිනාපචයගාමිස්ස ධම්මස්ස සහජාතං, පච්ඡාජාතං, ආහාරං, ඉන්ද්රියං. (2)

අපචයගාමී ච නෙවාචයගාමිනාපචයගාමී ච ධම්මා අපචයගාමිස්ස ධම්මස්ස සහජාතං, පුරෙජාතං. (1)

අපචයගාමී ච නෙවාචයගාමිනාපචයගාමී ච ධම්මා නෙවාචයගාමිනාපචයගාමිස්ස ධම්මස්ස සහජාතං, පච්ඡාජාතං, ආහාරං, ඉන්ද්රියං. (2)

73. නහෙතුයා ¶ පන්නරස, නආරම්මණෙ නඅධිපතියා නඅනන්තරෙ නසමනන්තරෙ පන්නරස, නසහජාතෙ එකාදස, නඅඤ්ඤමඤ්ඤෙ එකාදස, නනිස්සයෙ එකාදස, නඋපනිස්සයෙ චුද්දස, නපුරෙජාතෙ තෙරස, නපච්ඡාජාතෙ පන්නරස, නආසෙවනෙ නකම්මෙ නවිපාකෙ නආහාරෙ නඉන්ද්රියෙ නඣානෙ නමග්ගෙ පන්නරස, නසම්පයුත්තෙ එකාදස, නවිප්පයුත්තෙ නව, නොඅත්ථියා නව, නොනත්ථියා පන්නරස, නොවිගතෙ පන්නරස, නොඅවිගතෙ නව (එවං ගණෙතබ්බං).

74. හෙතුපච්චයා නආරම්මණෙ සත්ත, නඅධිපතියා නඅනන්තරෙ නසමනන්තරෙ ¶ සත්ත, නඅඤ්ඤමඤ්ඤෙ තීණි, නඋපනිස්සයෙ සත්ත, නපුරෙජාතෙ නපච්ඡාජාතෙ නආසෙවනෙ නකම්මෙ නවිපාකෙ නආහාරෙ නඉන්ද්රියෙ නඣානෙ නමග්ගෙ සත්ත, නසම්පයුත්තෙ තීණි, නවිප්පයුත්තෙ තීණි, නොනත්ථියා සත්ත, නොවිගතෙ සත්ත (එවං ගණෙතබ්බං).

75. නහෙතුපච්චයා ¶ ¶ ආරම්මණෙ සත්ත, අධිපතියා දස, අනන්තරෙ ඡ, සමනන්තරෙ ඡ, සහජාතෙ නව, අඤ්ඤමඤ්ඤෙ තීණි, නිස්සයෙ තෙරස, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ තීණි, කම්මෙ සත්ත, විපාකෙ එකං, ආහාරෙ සත්ත, ඉන්ද්රියෙ ඣානෙ මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා ඡ, විගතෙ ඡ, අවිගතෙ තෙරස (එවං ගණෙතබ්බං).