මූල > අභිධම්මපිටක > පට්ඨානපාළි-2

සෙක්ඛං ධම්මං පටිච්ච නෙවසෙක්ඛනාසෙක්ඛො [නෙවසෙඛානාසෙඛො (සී.), නෙවසෙක්ඛානාසෙක්ඛො (ස්යා. ක.)] ධම්මො උප්පජ්ජති හෙතුපච්චයා – සෙක්ඛෙ ඛන්ධෙ පටිච්ච චිත්තසමුට්ඨානං රූපං. (2)

සෙක්ඛං ධම්මං පටිච්ච සෙක්ඛො ච නෙවසෙක්ඛනාසෙක්ඛො ච ධම්මා උප්පජ්ජන්ති හෙතුපච්චයා – සෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

2. අසෙක්ඛං ධම්මං පටිච්ච අසෙක්ඛො ධම්මො උප්පජ්ජති හෙතුපච්චයා – අසෙක්ඛං එකං ඛන්ධං පටිච්ච තයො ඛන්ධා…පෙ…. (1)

අසෙක්ඛං ¶ ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා – අසෙක්ඛෙ ඛන්ධෙ පටිච්ච චිත්තසමුට්ඨානං රූපං. (2)

අසෙක්ඛං ධම්මං පටිච්ච අසෙක්ඛො ච නෙවසෙක්ඛනාසෙක්ඛො ච ධම්මා…පෙ… අසෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

3. නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා – නෙවසෙක්ඛනාසෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ …පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං පටිච්ච ¶ තයො මහාභූතා…පෙ… ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

සෙක්ඛඤ්ච ¶ නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා – සෙක්ඛෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා – අසෙක්ඛෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

4. සෙක්ඛං ධම්මං පටිච්ච සෙක්ඛො ධම්මො උප්පජ්ජති ආරම්මණපච්චයා… අධිපතිපච්චයා (පටිසන්ධි නත්ථි)… අනන්තරපච්චයා… සමනන්තරපච්චයා… සහජාතපච්චයා (සබ්බෙ මහාභූතා කාතබ්බා)… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා… පුරෙජාතපච්චයා… ආසෙවනපච්චයා – සෙක්ඛං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ….

නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති ආසෙවනපච්චයා – නෙවසෙක්ඛනාසෙක්ඛං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ ¶ …පෙ… කම්මපච්චයා, විපාකපච්චයා – විපාකං සෙක්ඛං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… (තීණි, පරිපුණ්ණං).

අසෙක්ඛං ධම්මං පටිච්ච අසෙක්ඛො ධම්මො උප්පජ්ජති විපාකපච්චයා ¶ – අසෙක්ඛං එකං ඛන්ධං පටිච්ච… තීණි.

නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති විපාකපච්චයා – විපාකං නෙවසෙක්ඛනාසෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ…. (1)

සෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති විපාකපච්චයා – විපාකෙ සෙක්ඛෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති විපාකපච්චයා – අසෙක්ඛෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

5. සෙක්ඛං ¶ ධම්මං පටිච්ච සෙක්ඛො ධම්මො උප්පජ්ජති ආහාරපච්චයා… ඉන්ද්රියපච්චයා… ඣානපච්චයා… මග්ගපච්චය… සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.

6. හෙතුයා ¶ නව, ආරම්මණෙ තීණි, අධිපතියා නව, අනන්තරෙ තීණි, සමනන්තරෙ තීණි, සහජාතෙ නව, අඤ්ඤමඤ්ඤෙ තීණි, නිස්සයෙ නව, උපනිස්සයෙ තීණි, පුරෙජාතෙ තීණි, ආසෙවනෙ ද්වෙ, කම්මෙ නව, විපාකෙ ආහාරෙ ඉන්ද්රියෙ ඣානෙ මග්ගෙ නව, සම්පයුත්තෙ තීණි, විප්පයුත්තෙ නව, අත්ථියා නව, නත්ථියා ¶ තීණි, විගතෙ තීණි, අවිගතෙ නව (එවං ගණෙතබ්බං).

7. නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නහෙතුපච්චයා – අහෙතුකං නෙවසෙක්ඛනාසෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ… විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

8. සෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා – සෙක්ඛෙ ඛන්ධෙ පටිච්ච චිත්තසමුට්ඨානං රූපං. (1)

අසෙක්ඛං ¶ ¶ ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා – අසෙක්ඛෙ ඛන්ධෙ පටිච්ච චිත්තසමුට්ඨානං රූපං. (1)

නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා – නෙවසෙක්ඛනාසෙක්ඛෙ ඛන්ධෙ පටිච්ච චිත්තසමුට්ඨානං රූපං…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු…පෙ… එකං මහාභූතං…පෙ… අසඤ්ඤසත්තානං…පෙ…. (1)

සෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා – සෙක්ඛෙ ඛන්ධෙ ච මහාභූතෙ ¶ ච පටිච්ච චිත්තසමුට්ඨානං රූපං. (1)

අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා – අසෙක්ඛෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

9. සෙක්ඛං ධම්මං පටිච්ච සෙක්ඛො ධම්මො උප්පජ්ජති නඅධිපතිපච්චයා – සෙක්ඛෙ ඛන්ධෙ පටිච්ච සෙක්ඛො අධිපති. (1)

අසෙක්ඛං ධම්මං පටිච්ච අසෙක්ඛො ධම්මො උප්පජ්ජති නඅධිපතිපච්චයා – අසෙක්ඛෙ ඛන්ධෙ පටිච්ච අසෙක්ඛො අධිපති. (1)

නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නඅධිපතිපච්චයා… (පරිපුණ්ණං, පටිසන්ධිපි මහාභූතාපි සබ්බෙ) නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා… නපුරෙජාතපච්චයා… සත්ත (කුසලත්තිකසදිසා)… නපච්ඡාජාතපච්චයා…පෙ… නආසෙවනපච්චයා. විපාකං සෙක්ඛං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

10. සෙක්ඛං ¶ ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආසෙවනපච්චයා – සෙක්ඛෙ ඛන්ධෙ පටිච්ච චිත්තසමුට්ඨානං රූපං. (2)

සෙක්ඛං ධම්මං පටිච්ච සෙක්ඛො ච නෙවසෙක්ඛනාසෙක්ඛො ච ධම්මා උප්පජ්ජන්ති නආසෙවනපච්චයා – විපාකං සෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

අසෙක්ඛං ¶ ධම්මං පටිච්ච අසෙක්ඛො ධම්මො… තීණි.

නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආසෙවනපච්චයා… නෙවසෙක්ඛනාසෙක්ඛං ¶ (එකං, පරිපුණ්ණං, සෙක්ඛඤ්ච, නෙවසෙක්ඛනාසෙක්ඛඤ්ච, ඝටනා පරිපුණ්ණා, ද්වෙපි කාතබ්බා. නව) නකම්මපච්චයා – සෙක්ඛෙ ඛන්ධෙ පටිච්ච සෙක්ඛා චෙතනා.

නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නකම්මපච්චයා – නෙවසෙක්ඛනාසෙක්ඛෙ ඛන්ධෙ පටිච්ච නෙවසෙක්ඛනාසෙක්ඛා චෙතනා; බාහිරං… ආහාරසමුට්ඨානං… උතුසමුට්ඨානං… එකං මහාභූතං…පෙ….

11. සෙක්ඛං ධම්මං පටිච්ච සෙක්ඛො ධම්මො උප්පජ්ජති නවිපාකපච්චයා – සෙක්ඛං එකං ඛන්ධං පටිච්ච තයො ඛන්ධා…පෙ…. (1)

සෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නවිපාකපච්චයා – සෙක්ඛෙ ඛන්ධෙ පටිච්ච චිත්තසමුට්ඨානං රූපං.(2)

සෙක්ඛං ධම්මං පටිච්ච සෙක්ඛො ච නෙවසෙක්ඛනාසෙක්ඛො ච ධම්මා උප්පජ්ජන්ති නවිපාකපච්චයා – සෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ…. (3)

12. නෙවසෙක්ඛනාසෙක්ඛං ¶ ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නවිපාකපච්චයා (පරිපුණ්ණං, පටිසන්ධි නත්ථි ).

සෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නවිපාකපච්චයා – සෙක්ඛෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

13. නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආහාරපච්චයා… නඉන්ද්රියපච්චයා… නඣානපච්චයා… නමග්ගපච්චයා ¶ .

14. සෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නසම්පයුත්තපච්චයා…පෙ… (නආරම්මණපච්චයසදිසං).

සෙක්ඛං ¶ ධම්මං පටිච්ච සෙක්ඛො ධම්මො උප්පජ්ජති නවිප්පයුත්තපච්චයා. අරූපෙ සෙක්ඛං එකං ඛන්ධං පටිච්ච තයො ඛන්ධා…පෙ…. (1)

අසෙක්ඛං ධම්මං පටිච්ච අසෙක්ඛො ධම්මො උප්පජ්ජති නවිප්පයුත්තපච්චයා – අරූපෙ අසෙක්ඛං එකං ඛන්ධං පටිච්ච තයො ඛන්ධා…පෙ…. (1)

නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නවිප්පයුත්තපච්චයා – අරූපෙ නෙවසෙක්ඛනාසෙක්ඛං එකං ඛන්ධං පටිච්ච තයො ඛන්ධා…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… නොනත්ථිපච්චයා… නොවිගතපච්චයා.

15. නහෙතුයා ¶ එකං, නආරම්මණෙ පඤ්ච, නඅධිපතියා තීණි, නඅනන්තරෙ නසමනන්තරෙ නඅඤ්ඤමඤ්ඤෙ නඋපනිස්සයෙ පඤ්ච, නපුරෙජාතෙ සත්ත, නපච්ඡාජාතෙ නව, නආසෙවනෙ නව, නකම්මෙ ද්වෙ, නවිපාකෙ පඤ්ච, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).

16. හෙතුපච්චයා නආරම්මණෙ පඤ්ච, නඅධිපතියා තීණි, නඅනන්තරෙ නසමනන්තරෙ නඅඤ්ඤමඤ්ඤෙ නඋපනිස්සයෙ පඤ්ච, නපුරෙජාතෙ සත්ත, නපච්ඡාජාතෙ නආසෙවනෙ නව, නකම්මෙ ද්වෙ, නවිපාකෙ පඤ්ච, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ ¶ පඤ්ච (එවං ගණෙතබ්බං).

17. නහෙතුපච්චයා ¶ ¶ ආරම්මණෙ එකං, අනන්තරෙ සමනන්තරෙ සහජාතෙ අඤ්ඤමඤ්ඤෙ නිස්සයෙ උපනිස්සයෙ පුරෙජාතෙ ආසෙවනෙ කම්මෙ විපාකෙ ආහාරෙ ඉන්ද්රියෙ ඣානෙ මග්ගෙ සම්පයුත්තෙ විප්පයුත්තෙ අත්ථියා නත්ථියා විගතෙ අවිගතෙ එකං (එවං ගණෙතබ්බං).

18. සෙක්ඛං ධම්මං පච්චයා සෙක්ඛො ධම්මො උප්පජ්ජති හෙතුපච්චයා… තීණි (පටිච්චවාරසදිසං).

අසෙක්ඛං ¶ ධම්මං පච්චයා අසෙක්ඛො ධම්මො උප්පජ්ජති හෙතුපච්චයා… තීණි (පටිච්චවාරසදිසං).

19. නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා (පරිපුණ්ණං), මහාභූතෙ පච්චයා චිත්තසමුට්ඨානං රූපං කටත්තාරූපං උපාදාරූපං, වත්ථුං පච්චයා නෙවසෙක්ඛනාසෙක්ඛා ඛන්ධා. (1)

නෙවසෙක්ඛනාසෙක්ඛං ධම්මං පච්චයා සෙක්ඛො ධම්මො උප්පජ්ජති හෙතුපච්චයා – වත්ථුං පච්චයා සෙක්ඛා ඛන්ධා. (2)

නෙවසෙක්ඛනාසෙක්ඛං ධම්මං පච්චයා අසෙක්ඛො ධම්මො උප්පජ්ජති හෙතුපච්චයා – වත්ථුං පච්චයා අසෙක්ඛා ඛන්ධා. (3)

නෙවසෙක්ඛනාසෙක්ඛං ¶ ධම්මං පච්චයා සෙක්ඛො ච නෙවසෙක්ඛනාසෙක්ඛො ¶ ච ධම්මා උප්පජ්ජන්ති හෙතුපච්චයා – වත්ථුං පච්චයා සෙක්ඛා ඛන්ධා, මහාභූතෙ පච්චයා චිත්තසමුට්ඨානං රූපං. (4)

නෙවසෙක්ඛනාසෙක්ඛං ධම්මං පච්චයා අසෙක්ඛො ච නෙවසෙක්ඛනාසෙක්ඛො ච ධම්මා උප්පජ්ජන්ති හෙතුපච්චයා – වත්ථුං පච්චයා අසෙක්ඛා ඛන්ධා, මහාභූතෙ පච්චයා චිත්තසමුට්ඨානං රූපං. (5)

20. සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ධම්මො උප්පජ්ජති හෙතුපච්චයා – සෙක්ඛං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධා. (1)

සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා – සෙක්ඛෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (2)

සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ච නෙවසෙක්ඛනාසෙක්ඛො ච ධම්මා උප්පජ්ජන්ති හෙතුපච්චයා – සෙක්ඛං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධා. සෙක්ඛෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (3)

අසෙක්ඛඤ්ච ¶ නෙවසෙක්ඛනාසෙක්ඛඤ්ච ධම්මං පච්චයා… තීණි (සෙක්ඛසදිසා).

21. සෙක්ඛං ධම්මං පච්චයා සෙක්ඛො ධම්මො උප්පජ්ජති ආරම්මණපච්චයා… එකං.

අසෙක්ඛං ධම්මං පච්චයා අසෙක්ඛො ධම්මො… එකං.

නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති ආරම්මණපච්චයා… එකං, වත්ථුං පච්චයා නෙවසෙක්ඛනාසෙක්ඛා ඛන්ධා, චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා නෙවසෙක්ඛනාසෙක්ඛා ඛන්ධා. (1)

නෙවසෙක්ඛනාසෙක්ඛං ¶ ධම්මං පච්චයා සෙක්ඛො ධම්මො උප්පජ්ජති ආරම්මණපච්චයා – වත්ථුං පච්චයා සෙක්ඛා ඛන්ධා. (2)

නෙවසෙක්ඛනාසෙක්ඛං ¶ ධම්මං පච්චයා අසෙක්ඛො ධම්මො උප්පජ්ජති ආරම්මණපච්චයා – වත්ථුං පච්චයා අසෙක්ඛා ඛන්ධා. (3)

සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ධම්මො උප්පජ්ජති ආරම්මණපච්චයා – සෙක්ඛං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධා. (1)

අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා අසෙක්ඛො ධම්මො උප්පජ්ජති ආරම්මණපච්චයා – අසෙක්ඛං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධා. (1)

22. සෙක්ඛං ධම්මං පච්චයා සෙක්ඛො ධම්මො උප්පජ්ජති අධිපතිපච්චයා… අනන්තරපච්චයා… සමනන්තරපච්චයා… සහජාතපච්චයා… අඤ්ඤමඤ්ඤපච්චය… නිස්සයපච්චයා ¶ … උපනිස්සයපච්චයා… පුරෙජාතපච්චයා… ආසෙවනපච්චයා – සෙක්ඛං එකං ඛන්ධං පච්චයා තයො ඛන්ධා…පෙ…

නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති ආසෙවනපච්චයා – නෙවසෙක්ඛනාසෙක්ඛං එකං ඛන්ධං පච්චයා…පෙ… වත්ථුං පච්චයා නෙවසෙක්ඛනාසෙක්ඛා ඛන්ධා. (1)

නෙවසෙක්ඛනාසෙක්ඛං ධම්මං පච්චයා සෙක්ඛො ධම්මො උප්පජ්ජති ආසෙවනපච්චයා – වත්ථුං පච්චයා සෙක්ඛා ඛන්ධා. (2)

සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ධම්මො උප්පජ්ජති ආසෙවනපච්චයා ¶ – සෙක්ඛං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධා. (1)

23. සෙක්ඛං ධම්මං පච්චයා සෙක්ඛො ධම්මො උප්පජ්ජති කම්මපච්චයා… විපාකපච්චයා – විපාකං සෙක්ඛං එකං ඛන්ධං…පෙ… ආහාරපච්චයා… ඉන්ද්රියපච්චයා… ඣානපච්චයා… මග්ගපච්චයා… සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.

24. හෙතුයා ¶ සත්තරස, ආරම්මණෙ සත්ත, අධිපතියා සත්තරස, අනන්තරෙ සත්ත, සමනන්තරෙ සත්ත, සහජාතෙ සත්තරස, අඤ්ඤමඤ්ඤෙ සත්ත, නිස්සයෙ සත්තරස, උපනිස්සයෙ සත්ත, පුරෙජාතෙ සත්ත, ආසෙවනෙ චත්තාරි, කම්මෙ සත්තරස, විපාකෙ සත්තරස, ආහාරෙ සත්තරස, ඉන්ද්රියෙ ඣානෙ ¶ මග්ගෙ සත්තරස, සම්පයුත්තෙ සත්ත, විප්පයුත්තෙ සත්තරස, අත්ථියා සත්තරස, නත්ථියා සත්ත, විගතෙ සත්ත, අවිගතෙ සත්තරස (එවං ගණෙතබ්බං).

25. නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නහෙතුපච්චයා – අහෙතුකං නෙවසෙක්ඛනාසෙක්ඛං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධා. අහෙතුකපටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා, එකං මහාභූතං පච්චයා…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා නෙවසෙක්ඛනාසෙක්ඛා ඛන්ධා, විචිකිච්ඡාසහගතෙ උද්ධච්චසහගතෙ ¶ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (1)

26. සෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා…පෙ…. (1)

සෙක්ඛං ධම්මං පච්චයා සෙක්ඛො ධම්මො උප්පජ්ජති නඅධිපතිපච්චයා – සෙක්ඛෙ ඛන්ධෙ පච්චයා සෙක්ඛො අධිපති. (1)

අසෙක්ඛං ¶ ¶ ධම්මං පච්චයා අසෙක්ඛො ධම්මො උප්පජ්ජති නඅධිපතිපච්චයා – අසෙක්ඛෙ ඛන්ධෙ පච්චයා අසෙක්ඛො අධිපති. (1)

නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නඅධිපතිපච්චයා (පරිපුණ්ණං) අසඤ්ඤසත්තානං…පෙ… චක්ඛායතනං…පෙ… වත්ථුං පච්චයා නෙවසෙක්ඛනාසෙක්ඛා ඛන්ධා. (1)

නෙවසෙක්ඛනාසෙක්ඛං ධම්මං පච්චයා සෙක්ඛො ධම්මො උප්පජ්ජති නඅධිපතිපච්චයා – වත්ථුං පච්චයා සෙක්ඛො අධිපති. (2)

නෙවසෙක්ඛනාසෙක්ඛං ධම්මං පච්චයා අසෙක්ඛො ධම්මො උප්පජ්ජති නඅධිපතිපච්චයා – වත්ථුං පච්චයා අසෙක්ඛො අධිපති. (3)

සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ධම්මො උප්පජ්ජති නඅධිපතිපච්චයා – සෙක්ඛෙ ඛන්ධෙ ච වත්ථුඤ්ච පච්චයා සෙක්ඛො අධිපති. (1)

අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා අසෙක්ඛො ධම්මො උප්පජ්ජති නඅධිපතිපච්චයා – අසෙක්ඛෙ ඛන්ධෙ ච වත්ථුඤ්ච පච්චයා අසෙක්ඛො අධිපති. (1)

27. සෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා… නපුරෙජාතපච්චයා… නපච්ඡාජාතපච්චයා (සත්ත)… නආසෙවනපච්චයා… ¶ නකම්මපච්චයා – සෙක්ඛෙ ඛන්ධෙ පච්චයා සෙක්ඛා චෙතනා.

නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නකම්මපච්චයා – නෙවසෙක්ඛනාසෙක්ඛෙ ¶ ඛන්ධෙ පච්චයා නෙවසෙක්ඛනාසෙක්ඛා චෙතනා. බාහිරං… ආහාරසමුට්ඨානං… උතුසමුට්ඨානං…පෙ… වත්ථුං පච්චයා නෙවසෙක්ඛනාසෙක්ඛා චෙතනා. (1)

නෙවසෙක්ඛනාසෙක්ඛං ධම්මං පච්චයා සෙක්ඛො ධම්මො උප්පජ්ජති නකම්මපච්චයා – වත්ථුං පච්චයා සෙක්ඛා චෙතනා. (2)

සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ධම්මො උප්පජ්ජති නකම්මපච්චයා – සෙක්ඛෙ ඛන්ධෙ ච වත්ථුඤ්ච පච්චයා සෙක්ඛා චෙතනා. (1)

28. සෙක්ඛං ¶ ධම්මං පච්චයා සෙක්ඛො ධම්මො උප්පජ්ජති නවිපාකපච්චයා (සෙක්ඛමූලකෙ තීණි).

නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නවිපාකපච්චයා (නෙවසෙක්ඛනාසෙක්ඛමූලකෙ තීණි).

සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ධම්මො උප්පජ්ජති නවිපාකපච්චයා (සෙක්ඛඝටනෙසු තීණි).

29. නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නආහාරපච්චයා… නඉන්ද්රියපච්චයා… නඣානපච්චයා… නමග්ගපච්චයා… නසම්පයුත්තපච්චයා… නවිප්පයුත්තපච්චයා… නොනත්ථිපච්චයා… නොවිගතපච්චයා…පෙ….

30. නහෙතුයා ¶ එකං, නආරම්මණෙ පඤ්ච, නඅධිපතියා සත්ත, නඅනන්තරෙ පඤ්ච, නසමනන්තරෙ පඤ්ච, නඅඤ්ඤමඤ්ඤෙ පඤ්ච, නඋපනිස්සයෙ ¶ පඤ්ච, නපුරෙජාතෙ සත්ත, නපච්ඡාජාතෙ සත්තරස, නආසෙවනෙ සත්තරස, නකම්මෙ චත්තාරි, නවිපාකෙ නව, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).

31. හෙතුපච්චයා නආරම්මණෙ පඤ්ච, නඅධිපතියා සත්ත, නඅනන්තරෙ නසමනන්තරෙ නඅඤ්ඤමඤ්ඤෙ නඋපනිස්සයෙ පඤ්ච, නපුරෙජාතෙ සත්ත, නපච්ඡාජාතෙ ¶ සත්තරස, නආසෙවනෙ සත්තරස, නකම්මෙ චත්තාරි, නවිපාකෙ නව, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).

32. නහෙතුපච්චයා ¶ ආරම්මණෙ එකං, අනන්තරෙ සමනන්තරෙ සහජාතෙ අඤ්ඤමඤ්ඤෙ එකං…පෙ… අවිගතෙ එකං (එවං ගණෙතබ්බං).

33. සෙක්ඛං ධම්මං සංසට්ඨො සෙක්ඛො ධම්මො උප්පජ්ජති හෙතුපච්චයා ¶ – සෙක්ඛං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

අසෙක්ඛං ධම්මං සංසට්ඨො අසෙක්ඛො ධම්මො උප්පජ්ජති හෙතුපච්චයා – අසෙක්ඛං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

නෙවසෙක්ඛනාසෙක්ඛං ධම්මං සංසට්ඨො නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා – නෙවසෙක්ඛනාසෙක්ඛං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

34. සෙක්ඛං ¶ ¶ ධම්මං සංසට්ඨො සෙක්ඛො ධම්මො උප්පජ්ජති ආරම්මණපච්චයා… අධිපතිපච්චයා…පෙ… පුරෙජාතපච්චයා… ආසෙවනපච්චයා (ද්වෙ කාතබ්බා)…පෙ… අවිගතපච්චයා.

35. හෙතුයා තීණි, ආරම්මණෙ තීණි, අධිපතියා තීණි, අනන්තරෙ සමනන්තරෙ සහජාතෙ අඤ්ඤමඤ්ඤෙ නිස්සයෙ උපනිස්සයෙ පුරෙජාතෙ තීණි, ආසෙවනෙ ද්වෙ, කම්මෙ තීණි…පෙ… අවිගතෙ තීණි (එවං ගණෙතබ්බං).

36. නෙවසෙක්ඛනාසෙක්ඛං ධම්මං සංසට්ඨො නෙවසෙක්ඛනාසෙක්ඛො ධම්මො උප්පජ්ජති නහෙතුපච්චයා – අහෙතුකං නෙවසෙක්ඛනාසෙක්ඛං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ සංසට්ඨො විචිකිච්ඡාසහගතො උද්ධච්චසහගතො මොහො. (1)

37. සෙක්ඛං ¶ ධම්මං සංසට්ඨො සෙක්ඛො ධම්මො උප්පජ්ජති නඅධිපතිපච්චයා ¶ – සෙක්ඛෙ ඛන්ධෙ සංසට්ඨො සෙක්ඛො අධිපති. (1)

අසෙක්ඛං ධම්මං සංසට්ඨො අසෙක්ඛො ධම්මො උප්පජ්ජති නඅධිපතිපච්චයා – අසෙක්ඛෙ ඛන්ධෙ සංසට්ඨො අසෙක්ඛො අධිපති. (1)

නෙවසෙක්ඛනාසෙක්ඛං ධම්මං සංසට්ඨො නෙවසෙක්ඛනාසෙක්ඛො ධම්මො උප්පජ්ජති නඅධිපතිපච්චයා (පරිපුණ්ණං, එකං).

38. සෙක්ඛං ¶ ධම්මං සංසට්ඨො සෙක්ඛො ධම්මො උප්පජ්ජති නපුරෙජාතපච්චයා… නපච්ඡාජාතපච්චයා… නආසෙවනපච්චයා… නකම්මපච්චයා (ද්වෙ කාතබ්බා)… නවිපාකපච්චයා (ද්වෙ කාතබ්බා)… නඣානපච්චයා… නමග්ගපච්චයා… නවිප්පයුත්තපච්චයා…පෙ….

39. නහෙතුයා එකං, නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ ද්වෙ, නවිපාකෙ ද්වෙ, නඣානෙ එකං, නමග්ගෙ එකං, නවිප්පයුත්තෙ තීණි (එවං ගණෙතබ්බං).

40. හෙතුපච්චයා නඅධිපතියා තීණි, නපුරෙජාතෙ තීණි, නපච්ඡාජාතෙ නආසෙවනෙ තීණි, නකම්මෙ ද්වෙ, නවිපාකෙ ද්වෙ, නවිප්පයුත්තෙ තීණි (එවං ගණෙතබ්බං).

41. නහෙතුපච්චයා ¶ ආරම්මණෙ එකං, අනන්තරෙ සමනන්තරෙ සහජාතෙ අඤ්ඤමඤ්ඤෙ නිස්සයෙ උපනිස්සයෙ පුරෙජාතෙ ආසෙවනෙ කම්මෙ විපාකෙ ආහාරෙ ඉන්ද්රියෙ ඣානෙ මග්ගෙ සම්පයුත්තෙ විප්පයුත්තෙ අත්ථියා ¶ නත්ථියා විගතෙ අවිගතෙ එකං (එවං ගණෙතබ්බං).

(සම්පයුත්තවාරො සංසට්ඨවාරසදිසො.)

42. සෙක්ඛො ¶ ධම්මො සෙක්ඛස්ස ධම්මස්ස හෙතුපච්චයෙන පච්චයො – සෙක්ඛා හෙතූ සම්පයුත්තකානං ඛන්ධානං හෙතුපච්චයෙන පච්චයො. (1)

සෙක්ඛො ධම්මො නෙවසෙක්ඛනාසෙක්ඛස්ස ධම්මස්ස හෙතුපච්චයෙන පච්චයො – සෙක්ඛා හෙතූ චිත්තසමුට්ඨානානං රූපානං හෙතුපච්චයෙන පච්චයො. (2)

සෙක්ඛො ¶ ධම්මො සෙක්ඛස්ස ච නෙවසෙක්ඛනාසෙක්ඛස්ස ච ධම්මස්ස හෙතුපච්චයෙන පච්චයො – සෙක්ඛා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

අසෙක්ඛො ධම්මො අසෙක්ඛස්ස ධම්මස්ස (තීණි).

නෙවසෙක්ඛනාසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස හෙතුපච්චයෙන පච්චයො – නෙවසෙක්ඛනාසෙක්ඛා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. පටිසන්ධික්ඛණෙ…පෙ…. (1)

43. සෙක්ඛො ධම්මො නෙවසෙක්ඛනාසෙක්ඛස්ස ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං පච්චවෙක්ඛන්ති, සෙක්ඛං ඵලං පච්චවෙක්ඛන්ති, චෙතොපරියඤාණෙන සෙක්ඛචිත්තසමඞ්ගිස්ස ¶ චිත්තං ජානන්ති, සෙක්ඛා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

අසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස ආරම්මණපච්චයෙන පච්චයො – අරහා අසෙක්ඛං ඵලං පච්චවෙක්ඛති, චෙතොපරියඤාණෙන අසෙක්ඛචිත්තසමඞ්ගිස්ස චිත්තං ජානාති, අසෙක්ඛා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

44. නෙවසෙක්ඛනාසෙක්ඛො ¶ ධම්මො නෙවසෙක්ඛනාසෙක්ඛස්ස ධම්මස්ස ආරම්මණපච්චයෙන පච්චයො – දානං දත්වා සීලං සමාදියිත්වා උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි…පෙ… ඣානා වුට්ඨහිත්වා ඣානං පච්චවෙක්ඛති, අරියා නිබ්බානං පච්චවෙක්ඛන්ති. නිබ්බානං ගොත්රභුස්ස, වොදානස්ස, ආවජ්ජනාය ආරම්මණපච්චයෙන පච්චයො. අරියා පහීනෙ කිලෙසෙ පච්චවෙක්ඛන්ති වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති, චක්ඛුං අනිච්චතො දුක්ඛතො අනත්තතො විපස්සන්ති, අස්සාදෙන්ති අභිනන්දන්ති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති, සොතං…පෙ… වත්ථුං නෙවසෙක්ඛනාසෙක්ඛෙ ¶ ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති…පෙ… දොමනස්සං උප්පජ්ජති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙන නෙවසෙක්ඛනාසෙක්ඛචිත්තසමඞ්ගිස්ස චිත්තං ජානාති, ආකාසානඤ්චායතනං ¶ විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස ආරම්මණපච්චයෙන පච්චයො. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… නෙවසෙක්ඛනාසෙක්ඛා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

නෙවසෙක්ඛනාසෙක්ඛො ධම්මො සෙක්ඛස්ස ධම්මස්ස ආරම්මණපච්චයෙන පච්චයො – නිබ්බානං මග්ගස්ස, සෙක්ඛස්ස ඵලස්ස ආරම්මණපච්චයෙන පච්චයො. (2)

නෙවසෙක්ඛනාසෙක්ඛො ධම්මො අසෙක්ඛස්ස ධම්මස්ස ආරම්මණපච්චයෙන පච්චයො – නිබ්බානං අසෙක්ඛස්ස ඵලස්ස ආරම්මණපච්චයෙන පච්චයො. (3)

45. සෙක්ඛො ධම්මො සෙක්ඛස්ස ධම්මස්ස අධිපතිපච්චයෙන පච්චයො. සහජාතාධිපති – සෙක්ඛාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

සෙක්ඛො ධම්මො නෙවසෙක්ඛනාසෙක්ඛස්ස ධම්මස්ස අධිපතිපච්චයෙන පච්චයො. ආරම්මණාධිපති, සහජාතාධිපති. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, සෙක්ඛං ඵලං ගරුං කත්වා පච්චවෙක්ඛන්ති ¶ . සහජාතාධිපති – සෙක්ඛාධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

සෙක්ඛො ¶ ධම්මො සෙක්ඛස්ස ච නෙවසෙක්ඛනාසෙක්ඛස්ස ච ධම්මස්ස අධිපතිපච්චයෙන පච්චයො. සහජාතාධිපති – සෙක්ඛාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

46. අසෙක්ඛො ¶ ධම්මො අසෙක්ඛස්ස ධම්මස්ස අධිපතිපච්චයෙන පච්චයො. සහජාතාධිපති – අසෙක්ඛාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

අසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරහා අසෙක්ඛං ඵලං ගරුං කත්වා පච්චවෙක්ඛති. සහජාතාධිපති – අසෙක්ඛාධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

අසෙක්ඛො ධම්මො අසෙක්ඛස්ස ච නෙවසෙක්ඛනාසෙක්ඛස්ස ච ධම්මස්ස අධිපතිපච්චයෙන පච්චයො. සහජාතාධිපති – අසෙක්ඛාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

47. නෙවසෙක්ඛනාසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං සමාදියිත්වා උපොසථකම්මං කත්වා තං ගරුං කත්වා පච්චවෙක්ඛති, පුබ්බෙ සුචිණ්ණානි ගරුං කත්වා පච්චවෙක්ඛති, ඣානා වුට්ඨහිත්වා ¶ ඣානං ගරුං කත්වා පච්චවෙක්ඛති, අරියා නිබ්බානං ගරුං කත්වා පච්චවෙක්ඛන්ති, නිබ්බානං ගොත්රභුස්ස, වොදානස්ස අධිපතිපච්චයෙන පච්චයො. චක්ඛුං ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සොතං…පෙ… වත්ථුං නෙවසෙක්ඛනාසෙක්ඛෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – නෙවසෙක්ඛනාසෙක්ඛාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

නෙවසෙක්ඛනාසෙක්ඛො ධම්මො සෙක්ඛස්ස ධම්මස්ස අධිපතිපච්චයෙන පච්චයො. ආරම්මණාධිපති – නිබ්බානං මග්ගස්ස, සෙක්ඛස්ස ඵලස්ස අධිපතිපච්චයෙන පච්චයො. (2)

නෙවසෙක්ඛනාසෙක්ඛො ¶ ධම්මො අසෙක්ඛස්ස ධම්මස්ස අධිපතිපච්චයෙන පච්චයො. ආරම්මණාධිපති – නිබ්බානං අසෙක්ඛස්ස ඵලස්ස අධිපතිපච්චයෙන පච්චයො. (3)

48. සෙක්ඛො ¶ ධම්මො සෙක්ඛස්ස ධම්මස්ස අනන්තරපච්චයෙන පච්චයො – පුරිමා පුරිමා සෙක්ඛා ඛන්ධා පච්ඡිමානං පච්ඡිමානං සෙක්ඛානං ඛන්ධානං අනන්තරපච්චයෙන පච්චයො. මග්ගො සෙක්ඛස්ස ඵලස්ස… සෙක්ඛං ඵලං සෙක්ඛස්ස ඵලස්ස අනන්තරපච්චයෙන පච්චයො. (1)

සෙක්ඛො ධම්මො අසෙක්ඛස්ස ධම්මස්ස අනන්තරපච්චයෙන පච්චයො – මග්ගො අසෙක්ඛස්ස ඵලස්ස අනන්තරපච්චයෙන පච්චයො. (2)

සෙක්ඛො ¶ ධම්මො නෙවසෙක්ඛනාසෙක්ඛස්ස ධම්මස්ස අනන්තරපච්චයෙන පච්චයො – සෙක්ඛං ඵලං වුට්ඨානස්ස අනන්තරපච්චයෙන පච්චයො. (3)

49. අසෙක්ඛො ධම්මො අසෙක්ඛස්ස ධම්මස්ස අනන්තරපච්චයෙන පච්චයො – පුරිමා පුරිමා අසෙක්ඛා ඛන්ධා පච්ඡිමානං පච්ඡිමානං අසෙක්ඛානං ඛන්ධානං අනන්තරපච්චයෙන පච්චයො. අසෙක්ඛං ඵලං අසෙක්ඛස්ස ඵලස්ස අනන්තරපච්චයෙන පච්චයො. (1)

අසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස අනන්තරපච්චයෙන පච්චයො – අසෙක්ඛං ඵලං වුට්ඨානස්ස අනන්තරපච්චයෙන පච්චයො. (2)

50. නෙවසෙක්ඛනාසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස අනන්තරපච්චයෙන පච්චයො – පුරිමා පුරිමා නෙවසෙක්ඛනාසෙක්ඛා ඛන්ධා පච්ඡිමානං පච්ඡිමානං නෙවසෙක්ඛනාසෙක්ඛානං ඛන්ධානං…පෙ… අනුලොමං ගොත්රභුස්ස… අනුලොමං වොදානස්ස… ආවජ්ජනා නෙවසෙක්ඛනාසෙක්ඛානං ඛන්ධානං අනන්තරපච්චයෙන පච්චයො. (1)

නෙවසෙක්ඛනාසෙක්ඛො ධම්මො සෙක්ඛස්ස ධම්මස්ස අනන්තරපච්චයෙන පච්චයො – ගොත්රභු මග්ගස්ස… වොදානං මග්ගස්ස… අනුලොමං සෙක්ඛාය ඵලසමාපත්තියා… නිරොධා වුට්ඨහන්තස්ස නෙවසඤ්ඤානාසඤ්ඤායතනකුසලං සෙක්ඛාය ඵලසමාපත්තියා අනන්තරපච්චයෙන පච්චයො. (2)

නෙවසෙක්ඛනාසෙක්ඛො ¶ ¶ ධම්මො අසෙක්ඛස්ස ධම්මස්ස අනන්තරපච්චයෙන පච්චයො – අනුලොමං අසෙක්ඛාය ඵලසමාපත්තියා… නිරොධා වුට්ඨහන්තස්ස ¶ නෙවසඤ්ඤානාසඤ්ඤායතනකිරියං අසෙක්ඛාය ඵලසමාපත්තියා අනන්තරපච්චයෙන පච්චයො. (3)

51. සෙක්ඛො ධම්මො සෙක්ඛස්ස ධම්මස්ස සමනන්තරපච්චයෙන පච්චයො…පෙ… (අනන්තරසදිසං, අට්ඨ පඤ්හා).

52. සෙක්ඛො ධම්මො සෙක්ඛස්ස ධම්මස්ස සහජාතපච්චයෙන පච්චයො…පෙ… (පටිච්චවාරෙ සහජාතසදිසං, නව පඤ්හා) අඤ්ඤමඤ්ඤපච්චයෙන පච්චයො (පටිච්චවාරෙ අඤ්ඤමඤ්ඤසදිසං, තීණි. නිස්සයපච්චයෙ කුසලත්තිකෙ නිස්සයපච්චයසදිසං, තෙරස පඤ්හා).

53. සෙක්ඛො ධම්මො සෙක්ඛස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – පඨමො මග්ගො දුතියස්ස මග්ගස්ස උපනිස්සයපච්චයෙන පච්චයො. දුතියො මග්ගො තතියස්ස මග්ගස්ස උපනිස්සයපච්චයෙන පච්චයො. තතියො මග්ගො චතුත්ථස්ස මග්ගස්ස උපනිස්සයපච්චයෙන පච්චයො. මග්ගො සෙක්ඛාය ඵලසමාපත්තියා උපනිස්සයපච්චයෙන පච්චයො. (1)

සෙක්ඛො ධම්මො අසෙක්ඛස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – මග්ගො අසෙක්ඛාය ඵලසමාපත්තියා උපනිස්සයපච්චයෙන පච්චයො. (2)

සෙක්ඛො ධම්මො නෙවසෙක්ඛනාසෙක්ඛස්ස ධම්මස්ස උපනිස්සයපච්චයෙන පච්චය – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අරියා මග්ගං ¶ උපනිස්සාය අනුප්පන්නං කුසලසමාපත්තිං ¶ උප්පාදෙන්ති, උප්පන්නං සමාපජ්ජන්ති, සඞ්ඛාරෙ අනිච්චතො…පෙ… විපස්සන්ති, මග්ගො අරියානං අත්ථප්පටිසම්භිදාය…පෙ… පටිභානප්පටිසම්භිදාය… ඨානාඨානකොසල්ලස්ස ¶ උපනිස්සයපච්චයෙන පච්චයො. සෙක්ඛා ඵලසමාපත්තියා කායිකස්ස සුඛස්ස උපනිස්සයපච්චයෙන පච්චයො. (3)

54. අසෙක්ඛො ධම්මො අසෙක්ඛස්ස ධම්මස්ස උපනිස්සයපච්චයෙන පච්චයො. අනන්තරූපනිස්සයො – පුරිමා පුරිමා අසෙක්ඛා ඛන්ධා පච්ඡිමානං පච්ඡිමානං අසෙක්ඛානං ඛන්ධානං…පෙ… අසෙක්ඛං ඵලං අසෙක්ඛස්ස ඵලස්ස උපනිස්සයපච්චයෙන පච්චයො. (1)

අසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අසෙක්ඛා ඵලසමාපත්ති කායිකස්ස සුඛස්ස උපනිස්සයපච්චයෙන පච්චයො. (2)

55. නෙවසෙක්ඛනාසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – නෙවසෙක්ඛනාසෙක්ඛං සද්ධං උපනිස්සාය දානං දෙති. සීලං…පෙ… උපොසථකම්මං…පෙ… ඣානං…පෙ… විපස්සනං…පෙ… අභිඤ්ඤං…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති. නෙවසෙක්ඛනාසෙක්ඛං සීලං…පෙ… පඤ්ඤං… රාගං…පෙ… පත්ථනං… කායිකං සුඛං…පෙ… උතුං… භොජනං… සෙනාසනං උපනිස්සාය දානං දෙති, සීලං…පෙ… සමාපත්තිං උප්පාදෙති, පාණං හනති…පෙ… සඞ්ඝං භින්දති. නෙවසෙක්ඛනාසෙක්ඛා සද්ධා…පෙ… පඤ්ඤා, රාගො…පෙ… පත්ථනා, කායිකං සුඛං…පෙ… ¶ සෙනාසනං නෙවසෙක්ඛනාසෙක්ඛාය සද්ධාය…පෙ… පඤ්ඤාය, රාගස්ස…පෙ… පත්ථනාය, කායිකස්ස සුඛස්ස, කායිකස්ස දුක්ඛස්ස උපනිස්සයපච්චයෙන පච්චයො. පඨමස්ස ඣානස්ස පරිකම්මං පඨමස්ස ඣානස්ස උපනිස්සයපච්චයෙන පච්චයො…පෙ… නෙවසඤ්ඤානාසඤ්ඤායතනස්ස පරිකම්මං නෙවසඤ්ඤානාසඤ්ඤායතනස්ස…පෙ… පඨමං ඣානං දුතියස්ස ඣානස්ස උපනිස්සයපච්චයෙන පච්චයො…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස උපනිස්සයපච්චයෙන පච්චයො. (1)

නෙවසෙක්ඛනාසෙක්ඛො ධම්මො සෙක්ඛස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො ¶ , අනන්තරූපනිස්සයො, පකතූපනිස්සයො…පෙ…. පකතූපනිස්සයො – පඨමස්ස මග්ගස්ස පරිකම්මං පඨමස්ස මග්ගස්ස උපනිස්සයපච්චයෙන පච්චයො…පෙ… චතුත්ථස්ස මග්ගස්ස පරිකම්මං චතුත්ථස්ස මග්ගස්ස උපනිස්සයපච්චයෙන පච්චයො. (2)

නෙවසෙක්ඛනාසෙක්ඛො ¶ ධම්මො අසෙක්ඛස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – කායිකං සුඛං… කායිකං දුක්ඛං… උතුං… භොජනං… සෙනාසනං අසෙක්ඛාය ඵලසමාපත්තියා උපනිස්සයපච්චයෙන පච්චයො. (3)

56. නෙවසෙක්ඛනාසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං අනිච්චතො…පෙ… විපස්සති, අස්සාදෙති අභිනන්දති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. සොතං…පෙ… වත්ථුං අනිච්චතො දුක්ඛතො ¶ අනත්තතො විපස්සති…පෙ… දොමනස්සං උප්පජ්ජති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස, වත්ථු නෙවසෙක්ඛනාසෙක්ඛානං ඛන්ධානං පුරෙජාතපච්චයෙන පච්චයො. (1)

නෙවසෙක්ඛනාසෙක්ඛො ධම්මො සෙක්ඛස්ස ධම්මස්ස පුරෙජාතපච්චයෙන පච්චයො. වත්ථුපුරෙජාතං – වත්ථු සෙක්ඛානං ඛන්ධානං පුරෙජාතපච්චයෙන පච්චයො. (2)

නෙවසෙක්ඛනාසෙක්ඛො ධම්මො අසෙක්ඛස්ස ධම්මස්ස පුරෙජාතපච්චයෙන පච්චයො. වත්ථුපුරෙජාතං – වත්ථු අසෙක්ඛානං ඛන්ධානං පුරෙජාතපච්චයෙන පච්චයො. (3)

57. සෙක්ඛො ¶ ධම්මො නෙවසෙක්ඛනාසෙක්ඛස්ස ධම්මස්ස පච්ඡාජාතපච්චයෙන පච්චයො – පච්ඡාජාතා සෙක්ඛා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

අසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අසෙක්ඛා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

නෙවසෙක්ඛනාසෙක්ඛො ¶ ධම්මො නෙවසෙක්ඛනාසෙක්ඛස්ස ධම්මස්ස පච්ඡාජාතපච්චයෙන පච්චයො – පච්ඡාජාතා නෙවසෙක්ඛනාසෙක්ඛා ¶ ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

58. නෙවසෙක්ඛනාසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස ආසෙවනපච්චයෙන පච්චයො – පුරිමා පුරිමා නෙවසෙක්ඛනාසෙක්ඛා ඛන්ධා පච්ඡිමානං පච්ඡිමානං නෙවසෙක්ඛනාසෙක්ඛානං ඛන්ධානං ආසෙවනපච්චයෙන පච්චයො. අනුලොමං ගොත්රභුස්ස… අනුලොමං වොදානස්ස ආසෙවනපච්චයෙන පච්චයො. (1)

නෙවසෙක්ඛනාසෙක්ඛො ධම්මො සෙක්ඛස්ස ධම්මස්ස ආසෙවනපච්චයෙන පච්චයො – ගොත්රභු මග්ගස්ස… වොදානං මග්ගස්ස ආසෙවනපච්චයෙන පච්චයො. (2)

59. සෙක්ඛො ධම්මො සෙක්ඛස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සෙක්ඛා චෙතනා සම්පයුත්තකානං ඛන්ධානං කම්මපච්චයෙන පච්චයො. නානාක්ඛණිකා – සෙක්ඛා චෙතනා විපාකානං සෙක්ඛානං ඛන්ධානං කම්මපච්චයෙන පච්චයො. (1)

සෙක්ඛො ¶ ධම්මො අසෙක්ඛස්ස ධම්මස්ස කම්මපච්චයෙන පච්චයො. නානාක්ඛණිකා – සෙක්ඛා චෙතනා අසෙක්ඛානං ඛන්ධානං කම්මපච්චයෙන පච්චයො. (2)

සෙක්ඛො ධම්මො නෙවසෙක්ඛනාසෙක්ඛස්ස ධම්මස්ස කම්මපච්චයෙන පච්චයො. සහජාතා – සෙක්ඛා චෙතනා චිත්තසමුට්ඨානානං රූපානං කම්මපච්චයෙන පච්චයො. (3)

සෙක්ඛො ධම්මො සෙක්ඛස්ස ච නෙවසෙක්ඛනාසෙක්ඛස්ස ච ධම්මස්ස ¶ කම්මපච්චයෙන පච්චයො – සෙක්ඛා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (4)

60. අසෙක්ඛො ධම්මො අසෙක්ඛස්ස ධම්මස්ස කම්මපච්චයෙන පච්චයො – අසෙක්ඛා චෙතනා සම්පයුත්තකානං ඛන්ධානං කම්මපච්චයෙන පච්චයො. (1)

අසෙක්ඛො ¶ ධම්මො නෙවසෙක්ඛනාසෙක්ඛස්ස ධම්මස්ස කම්මපච්චයෙන පච්චයො – අසෙක්ඛා චෙතනා චිත්තසමුට්ඨානානං රූපානං කම්මපච්චයෙන පච්චයො. (2)

අසෙක්ඛො ධම්මො අසෙක්ඛස්ස ච නෙවසෙක්ඛනාසෙක්ඛස්ස ච ධම්මස්ස කම්මපච්චයෙන පච්චයො – අසෙක්ඛා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (3)

61. නෙවසෙක්ඛනාසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නෙවසෙක්ඛනාසෙක්ඛා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. පටිසන්ධික්ඛණෙ…පෙ…. නානාක්ඛණිකා – නෙවසෙක්ඛනාසෙක්ඛා චෙතනා විපාකානං නෙවසෙක්ඛනාසෙක්ඛානං ඛන්ධානං කටත්තා ච රූපානං කම්මපච්චයෙන පච්චයො. (1)

62. සෙක්ඛො ¶ ධම්මො සෙක්ඛස්ස ධම්මස්ස විපාකපච්චයෙන පච්චයො – විපාකො සෙක්ඛො එකො ඛන්ධො තිණ්ණන්නං ඛන්ධානං…පෙ… (සෙක්ඛමූලකෙ තීණි ).

අසෙක්ඛො ¶ ධම්මො අසෙක්ඛස්ස ධම්මස්ස විපාකපච්චයෙන පච්චයො – අසෙක්ඛො එකො ඛන්ධො තිණ්ණන්නං ඛන්ධානං…පෙ… (අසෙක්ඛමූලකෙ තීණි).

නෙවසෙක්ඛනාසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස විපාකපච්චයෙන පච්චයො – විපාකො නෙවසෙක්ඛනාසෙක්ඛො එකො ඛන්ධො තිණ්ණන්නං ඛන්ධානං…පෙ… පටිසන්ධික්ඛණෙ…පෙ… ඛන්ධා වත්ථුස්ස විපාකපච්චයෙන පච්චයො. (1)

63. සෙක්ඛො ධම්මො සෙක්ඛස්ස ධම්මස්ස ආහාරපච්චයෙන පච්චයො… ඉන්ද්රියපච්චයෙන පච්චයො… ඣානපච්චයෙන පච්චයො… මග්ගපච්චයෙන පච්චයො… සම්පයුත්තපච්චයෙන පච්චයො…පෙ….

64. සෙක්ඛො ¶ ධම්මො නෙවසෙක්ඛනාසෙක්ඛස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – සෙක්ඛා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – සෙක්ඛා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො (1).

අසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (සෙක්ඛසදිසං).

නෙවසෙක්ඛනාසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස විප්පයුත්තපච්චයෙන පච්චයො – සහජාතං ¶ , පුරෙජාතං, පච්ඡාජාතං. සහජාතා – නෙවසෙක්ඛනාසෙක්ඛා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පටිසන්ධික්ඛණෙ නෙවසෙක්ඛනාසෙක්ඛා ඛන්ධා කටත්තාරූපානං ¶ විප්පයුත්තපච්චයෙන පච්චයො. ඛන්ධා වත්ථුස්ස විප්පයුත්තපච්චයෙන පච්චයො. වත්ථු ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස, වත්ථු නෙවසෙක්ඛනාසෙක්ඛානං ඛන්ධානං විප්පයුත්තපච්චයෙන පච්චයො. පච්ඡාජාතා – නෙවසෙක්ඛනාසෙක්ඛා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

නෙවසෙක්ඛනාසෙක්ඛො ධම්මො සෙක්ඛස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු සෙක්ඛානං ඛන්ධානං විප්පයුත්තපච්චයෙන පච්චයො. (2)

නෙවසෙක්ඛනාසෙක්ඛො ධම්මො අසෙක්ඛස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු අසෙක්ඛානං ඛන්ධානං විප්පයුත්තපච්චයෙන පච්චයො. (3)

65. සෙක්ඛො ධම්මො සෙක්ඛස්ස ධම්මස්ස අත්ථිපච්චයෙන පච්චයො – සෙක්ඛො එකො ඛන්ධො තිණ්ණන්නං ඛන්ධානං…පෙ…. (1)

සෙක්ඛො ධම්මො නෙවසෙක්ඛනාසෙක්ඛස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – සෙක්ඛා ඛන්ධා චිත්තසමුට්ඨානානං රූපානං අත්ථිපච්චයෙන පච්චයො. පච්ඡාජාතා – සෙක්ඛා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. (2)

සෙක්ඛො ¶ ධම්මො සෙක්ඛස්ස ච නෙවසෙක්ඛනාසෙක්ඛස්ස ච ධම්මස්ස ¶ අත්ථිපච්චයෙන පච්චයො – සෙක්ඛො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ…. (3)

අසෙක්ඛො ධම්මො අසෙක්ඛස්ස ධම්මස්ස අත්ථිපච්චයෙන පච්චයො…පෙ… තීණි (සෙක්ඛසදිසං).

66. නෙවසෙක්ඛනාසෙක්ඛො ¶ ධම්මො නෙවසෙක්ඛනාසෙක්ඛස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතො – නෙවසෙක්ඛනාසෙක්ඛො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ… ඛන්ධා වත්ථුස්ස අත්ථිපච්චයෙන පච්චයො. වත්ථු ඛන්ධානං අත්ථිපච්චයෙන පච්චයො, එකං මහාභූතං…පෙ… බාහිරං…පෙ… අසඤ්ඤසත්තානං…පෙ…. පුරෙජාතං – චක්ඛුං අනිච්චතො දුක්ඛතො අනත්තතො විපස්සති; අස්සාදෙති අභිනන්දති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. සොතං…පෙ… වත්ථුං අනිච්චතො…පෙ… විපස්සති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස… වත්ථු නෙවසෙක්ඛනාසෙක්ඛානං ඛන්ධානං අත්ථිපච්චයෙන පච්චයො. පච්ඡාජාතා – නෙවසෙක්ඛනාසෙක්ඛා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. කබළීකාරො ආහාරො ඉමස්ස කායස්ස අත්ථිපච්චයෙන පච්චයො. රූපජීවිතින්ද්රියං ¶ කටත්තාරූපානං අත්ථිපච්චයෙන පච්චයො. (1)

නෙවසෙක්ඛනාසෙක්ඛො ධම්මො සෙක්ඛස්ස ධම්මස්ස අත්ථිපච්චයෙන පච්චයො. පුරෙජාතං – වත්ථු සෙක්ඛානං ඛන්ධානං අත්ථිපච්චයෙන පච්චයො. (2)

නෙවසෙක්ඛනාසෙක්ඛො ධම්මො අසෙක්ඛස්ස ධම්මස්ස අත්ථිපච්චයෙන පච්චයො. පුරෙජාතං – වත්ථු අසෙක්ඛානං ඛන්ධානං අත්ථිපච්චයෙන පච්චයො. (3)

67. සෙක්ඛො ච නෙවසෙක්ඛනාසෙක්ඛො ච ධම්මා සෙක්ඛස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – සෙක්ඛො ¶ එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා…පෙ…. (1)

සෙක්ඛො ච නෙවසෙක්ඛනාසෙක්ඛො ච ධම්මා නෙවසෙක්ඛනාසෙක්ඛස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතා – සෙක්ඛා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. පච්ඡාජාතා – සෙක්ඛා ඛන්ධා ච කබළීකාරො ¶ ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – සෙක්ඛා ඛන්ධා ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (2)

අසෙක්ඛො ච නෙවසෙක්ඛනාසෙක්ඛො ච ධම්මා අසෙක්ඛස්ස ධම්මස්ස අත්ථිපච්චයෙන පච්චයො…පෙ… (ද්වෙ පඤ්හා කාතබ්බා, සෙක්ඛසදිසා).

68. හෙතුයා ¶ සත්ත, ආරම්මණෙ පඤ්ච, අධිපතියා නව, අනන්තරෙ අට්ඨ, සමනන්තරෙ අට්ඨ, සහජාතෙ නව, අඤ්ඤමඤ්ඤෙ තීණි, නිස්සයෙ තෙරස, උපනිස්සයෙ අට්ඨ, පුරෙජාතෙ තීණි, පච්ඡාජාතෙ තීණි, ආසෙවනෙ ද්වෙ, කම්මෙ අට්ඨ, විපාකෙ ආහාරෙ ඉන්ද්රියෙ ඣානෙ මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා අට්ඨ, විගතෙ අට්ඨ, අවිගතෙ තෙරස (එවං ගණෙතබ්බං).

69. සෙක්ඛො ධම්මො සෙක්ඛස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (1)

සෙක්ඛො ධම්මො අසෙක්ඛස්ස ධම්මස්ස උපනිස්සයපච්චයෙන පච්චයො. (2)

සෙක්ඛො ධම්මො නෙවසෙක්ඛනාසෙක්ඛස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (3)

සෙක්ඛො ධම්මො සෙක්ඛස්ස ච නෙවසෙක්ඛනාසෙක්ඛස්ස ච ධම්මස්ස සහජාතපච්චයෙන පච්චයො. (4)

70. අසෙක්ඛො ¶ ¶ ධම්මො අසෙක්ඛස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (1)

අසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන ¶ පච්චයො… පච්ඡාජාතපච්චයෙන පච්චයො. (2)

අසෙක්ඛො ධම්මො අසෙක්ඛස්ස ච නෙවසෙක්ඛනාසෙක්ඛස්ස ච ධම්මස්ස සහජාතපච්චයෙන පච්චයො. (3)

71. නෙවසෙක්ඛනාසෙක්ඛො ධම්මො නෙවසෙක්ඛනාසෙක්ඛස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

නෙවසෙක්ඛනාසෙක්ඛො ධම්මො සෙක්ඛස්ස ධම්මස්ස උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

නෙවසෙක්ඛනාසෙක්ඛො ධම්මො අසෙක්ඛස්ස ධම්මස්ස උපනිස්සයපච්චයෙන පච්චයො… පුරෙජාතපච්චයෙන පච්චයො. (3)

72. සෙක්ඛො ච නෙවසෙක්ඛනාසෙක්ඛො ච ධම්මා සෙක්ඛස්ස ධම්මස්ස සහජාතං, පුරෙජාතං. (1)

සෙක්ඛො ච නෙවසෙක්ඛනාසෙක්ඛො ච ධම්මා නෙවසෙක්ඛනාසෙක්ඛස්ස ධම්මස්ස සහජාතං, පච්ඡාජාතං, ආහාරං, ඉන්ද්රියං. (2)

අසෙක්ඛො ච නෙවසෙක්ඛනාසෙක්ඛො ච ධම්මා අසෙක්ඛස්ස ධම්මස්ස සහජාතං, පුරෙජාතං. (1)

අසෙක්ඛො ¶ ච නෙවසෙක්ඛනාසෙක්ඛො ච ධම්මා නෙවසෙක්ඛනාසෙක්ඛස්ස ධම්මස්ස සහජාතං, පච්ඡාජාතං, ආහාරං, ඉන්ද්රියං. (2)

73. නහෙතුයා ¶ චුද්දස, නආරම්මණෙ නඅධිපතියා නඅනන්තරෙ නසමනන්තරෙ චුද්දස, නසහජාතෙ දස, නඅඤ්ඤමඤ්ඤෙ දස, නනිස්සයෙ දස ¶ , නඋපනිස්සයෙ තෙරස, නපුරෙජාතෙ ද්වාදස, නපච්ඡාජාතෙ චුද්දස, නආසෙවනෙ නකම්මෙ චුද්දස, නවිපාකෙ ද්වාදස, නආහාරෙ නඉන්ද්රියෙ නඣානෙ නමග්ගෙ චුද්දස, නසම්පයුත්තෙ දස, නවිප්පයුත්තෙ අට්ඨ, නොඅත්ථියා අට්ඨ, නොනත්ථියා චුද්දස, නොවිගතෙ චුද්දස, නොඅවිගතෙ අට්ඨ (එවං ගණෙතබ්බං).

74. හෙතුපච්චයා නආරම්මණෙ සත්ත, නඅධිපතියා සත්ත, නඅනන්තරෙ සත්ත, නසමනන්තරෙ සත්ත, නඅඤ්ඤමඤ්ඤෙ තීණි, නඋපනිස්සයෙ නපුරෙජාතෙ නපච්ඡාජාතෙ නආසෙවනෙ නකම්මෙ සත්ත, නවිපාකෙ චත්තාරි, නආහාරෙ නඉන්ද්රියෙ නඣානෙ නමග්ගෙ සත්ත, නසම්පයුත්තෙ තීණි, නවිප්පයුත්තෙ තීණි, නොනත්ථියා සත්ත, නොවිගතෙ සත්ත (එවං ගණෙතබ්බං).

75. නහෙතුපච්චයා ¶ ආරම්මණෙ පඤ්ච, අධිපතියා නව, අනන්තරෙ අට්ඨ, සමනන්තරෙ අට්ඨ, සහජාතෙ නව, අඤ්ඤමඤ්ඤෙ තීණි, නිස්සයෙ තෙරස, උපනිස්සයෙ අට්ඨ, පුරෙජාතෙ තීණි, පච්ඡාජාතෙ තීණි, ආසෙවනෙ ද්වෙ, කම්මෙ අට්ඨ, විපාකෙ ආහාරෙ ඉන්ද්රියෙ ඣානෙ මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා ¶ අට්ඨ, විගතෙ අට්ඨ, අවිගතෙ තෙරස (එවං ගණෙතබ්බං).