මූල > අභිධම්මපිටක > පට්ඨානපාළි-2

1. පරිත්තං ¶ ¶ ධම්මං පටිච්ච පරිත්තො ධම්මො උප්පජ්ජති හෙතුපච්චයා – පරිත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ පරිත්තං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං පටිච්ච තයො මහාභූතා…පෙ… ද්වෙ මහාභූතෙ පටිච්ච චිත්තසමුට්ඨානං රූපං…පෙ…. (1)

පරිත්තං ධම්මං පටිච්ච මහග්ගතො ධම්මො උප්පජ්ජති හෙතුපච්චයා – පටිසන්ධික්ඛණෙ වත්ථුං පටිච්ච මහග්ගතා ඛන්ධා. (2)

පරිත්තං ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ වත්ථුං පටිච්ච මහග්ගතා ඛන්ධා, මහාභූතෙ පටිච්ච කටත්තාරූපං. (3)

2. මහග්ගතං ¶ ධම්මං පටිච්ච මහග්ගතො ධම්මො උප්පජ්ජති හෙතුපච්චයා – මහග්ගතං ¶ එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

මහග්ගතං ධම්මං පටිච්ච පරිත්තො ධම්මො උප්පජ්ජති හෙතුපච්චයා – මහග්ගතෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ මහග්ගතෙ ඛන්ධෙ පටිච්ච කටත්තාරූපං. (2)

මහග්ගතං ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති හෙතුපච්චයා – මහග්ගතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… පටිසන්ධික්ඛණෙ මහග්ගතං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ…. (3)

3. අප්පමාණං ධම්මං පටිච්ච අප්පමාණො ධම්මො උප්පජ්ජති හෙතුපච්චයා – අප්පමාණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

අප්පමාණං ධම්මං පටිච්ච පරිත්තො ධම්මො උප්පජ්ජති හෙතුපච්චයා – අප්පමාණෙ ඛන්ධෙ පටිච්ච චිත්තසමුට්ඨානං රූපං. (2)

අප්පමාණං ¶ ධම්මං පටිච්ච පරිත්තො ච අප්පමාණො ච ධම්මා උප්පජ්ජන්ති හෙතුපච්චයා – අප්පමාණං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

4. පරිත්තඤ්ච අප්පමාණඤ්ච ධම්මං පටිච්ච පරිත්තො ධම්මො උප්පජ්ජති හෙතුපච්චයා – අප්පමාණෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

පරිත්තඤ්ච මහග්ගතඤ්ච ධම්මං පටිච්ච පරිත්තො ධම්මො උප්පජ්ජති හෙතුපච්චයා – මහග්ගතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. පටිසන්ධික්ඛණෙ…පෙ…. (1)

පරිත්තඤ්ච මහග්ගතඤ්ච ධම්මං පටිච්ච මහග්ගතො ධම්මො උප්පජ්ජති හෙතුපච්චයා – පටිසන්ධික්ඛණෙ ¶ මහග්ගතං එකං ¶ ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (2)

පරිත්තඤ්ච මහග්ගතඤ්ච ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ මහග්ගතං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… මහග්ගතෙ ඛන්ධෙ ච මහාභූතෙ ච පටිච්ච කටත්තාරූපං. (3)

5. පරිත්තං ධම්මං පටිච්ච පරිත්තො ධම්මො උප්පජ්ජති ආරම්මණපච්චයා – පරිත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පටිච්ච ඛන්ධා. (1)

පරිත්තං ධම්මං පටිච්ච මහග්ගතො ධම්මො උප්පජ්ජති ආරම්මණපච්චයා – පටිසන්ධික්ඛණෙ වත්ථුං පටිච්ච මහග්ගතා ඛන්ධා. (2)

මහග්ගතං ධම්මං පටිච්ච මහග්ගතො ධම්මො උප්පජ්ජති ආරම්මණපච්චයා – මහග්ගතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

අප්පමාණං ධම්මං පටිච්ච අප්පමාණො ධම්මො උප්පජ්ජති ආරම්මණපච්චයා – අප්පමාණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

පරිත්තඤ්ච මහග්ගතඤ්ච ධම්මං පටිච්ච මහග්ගතො ධම්මො උප්පජ්ජති ආරම්මණපච්චයා – පටිසන්ධික්ඛණෙ මහග්ගතං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

6. පරිත්තං ¶ ධම්මං පටිච්ච පරිත්තො ධම්මො උප්පජ්ජති අධිපතිපච්චයා – පරිත්තං ¶ එකං ඛන්ධං ¶ පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ…පෙ… එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං. (1)

මහග්ගතං ධම්මං පටිච්ච මහග්ගතො ධම්මො උප්පජ්ජති අධිපතිපච්චයා – මහග්ගතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

මහග්ගතං ධම්මං පටිච්ච පරිත්තො ධම්මො උප්පජ්ජති අධිපතිපච්චයා – මහග්ගතෙ ඛන්ධෙ පටිච්ච චිත්තසමුට්ඨානං රූපං. (2)

මහග්ගතං ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති අධිපතිපච්චයා – මහග්ගතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

අප්පමාණං ධම්මං පටිච්ච අප්පමාණො ධම්මො උප්පජ්ජති අධිපතිපච්චයා – අප්පමාණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

අප්පමාණං ධම්මං පටිච්ච පරිත්තො ධම්මො උප්පජ්ජති අධිපතිපච්චයා – අප්පමාණෙ ඛන්ධෙ පටිච්ච චිත්තසමුට්ඨානං රූපං. (2)

අප්පමාණං ධම්මං පටිච්ච පරිත්තො ච අප්පමාණො ච ධම්මා උප්පජ්ජන්ති අධිපතිපච්චයා – අප්පමාණං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

7. පරිත්තඤ්ච අප්පමාණඤ්ච ධම්මං පටිච්ච පරිත්තො ධම්මො උප්පජ්ජති අධිපතිපච්චයා – අප්පමාණෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

පරිත්තඤ්ච මහග්ගතඤ්ච ධම්මං පටිච්ච පරිත්තො ධම්මො ¶ උප්පජ්ජති අධිපතිපච්චයා – මහග්ගතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

8. පරිත්තං ධම්මං පටිච්ච පරිත්තො ධම්මො උප්පජ්ජති අනන්තරපච්චයා… සමනන්තරපච්චයා… සහජාතපච්චයා (සබ්බෙපි මහාභූතා කාතබ්බා)… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා ¶ … පුරෙජාතපච්චයා (තිස්සො ¶ පඤ්හා කාතබ්බා)… ආසෙවනපච්චයා (තිස්සො පඤ්හා කාතබ්බා)… කම්මපච්චයා… විපාකපච්චයා (තෙරස පඤ්හා)… ආහාරපච්චයා… ඉන්ද්රියපච්චයා… ඣානපච්චයා… මග්ගපච්චයා,… සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.

9. හෙතුයා තෙරස, ආරම්මණෙ පඤ්ච, අධිපතියා නව, අනන්තරෙ පඤ්ච, සමනන්තරෙ පඤ්ච, සහජාතෙ තෙරස, අඤ්ඤමඤ්ඤෙ සත්ත, නිස්සයෙ තෙරස, උපනිස්සයෙ පඤ්ච, පුරෙජාතෙ තීණි, ආසෙවනෙ තීණි, කම්මෙ තෙරස, විපාකෙ තෙරස, ආහාරෙ ඉන්ද්රියෙ ඣානෙ මග්ගෙ තෙරස, සම්පයුත්තෙ පඤ්ච, විප්පයුත්තෙ තෙරස, අත්ථියා තෙරස, නත්ථියා පඤ්ච, විගතෙ පඤ්ච, අවිගතෙ තෙරස.

10. පරිත්තං ධම්මං පටිච්ච පරිත්තො ධම්මො උප්පජ්ජති නහෙතුපච්චයා – අහෙතුකං පරිත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච ¶ රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ… විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

11. පරිත්තං ¶ ධම්මං පටිච්ච පරිත්තො ධම්මො උප්පජ්ජති නආරම්මණපච්චයා – පරිත්තෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ පරිත්තෙ ඛන්ධෙ පටිච්ච කටත්තාරූපං, ඛන්ධෙ පටිච්ච වත්ථු…පෙ… එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ…. (1)

මහග්ගතං ¶ ධම්මං පටිච්ච පරිත්තො ධම්මො උප්පජ්ජති නආරම්මණපච්චයා – මහග්ගතෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ මහග්ගතෙ ඛන්ධෙ පටිච්ච කටත්තාරූපං. (1)

අප්පමාණං ධම්මං පටිච්ච පරිත්තො ධම්මො උප්පජ්ජති නආරම්මණපච්චයා – අප්පමාණෙ ඛන්ධෙ පටිච්ච චිත්තසමුට්ඨානං රූපං. (1)

පරිත්තඤ්ච අප්පමාණඤ්ච ධම්මං පටිච්ච පරිත්තො ධම්මො උප්පජ්ජති නආරම්මණපච්චයා – අප්පමාණෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

පරිත්තඤ්ච මහග්ගතඤ්ච ධම්මං පටිච්ච පරිත්තො ධම්මො උප්පජ්ජති නආරම්මණපච්චයා – මහග්ගතෙ ඛන්ධෙ ච මහාභූතෙ ¶ ච පටිච්ච චිත්තසමුට්ඨානං රූපං. පටිසන්ධික්ඛණෙ මහග්ගතෙ ඛන්ධෙ ච මහාභූතෙ ච පටිච්ච කටත්තාරූපං. (1)

12. පරිත්තං ධම්මං පටිච්ච පරිත්තො ධම්මො උප්පජ්ජති නඅධිපතිපච්චයා – පරිත්තං එකං ඛන්ධං පටිච්ච තයො ඛන්ධා…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ… අසඤ්ඤසත්තානං…පෙ…. (1)

පරිත්තං ධම්මං පටිච්ච මහග්ගතො ධම්මො උප්පජ්ජති නඅධිපතිපච්චයා – පටිසන්ධික්ඛණෙ වත්ථුං පටිච්ච මහග්ගතා ඛන්ධා. (2)

පරිත්තං ¶ ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති නඅධිපතිපච්චයා – පටිසන්ධික්ඛණෙ වත්ථුං පටිච්ච මහග්ගතා ඛන්ධා, මහාභූතෙ පටිච්ච කටත්තාරූපං. (3)

13. මහග්ගතං ධම්මං පටිච්ච මහග්ගතො ධම්මො උප්පජ්ජති නඅධිපතිපච්චයා – මහග්ගතෙ ඛන්ධෙ පටිච්ච මහග්ගතාධිපති, විපාකං මහග්ගතං එකං ඛන්ධං පටිච්ච…පෙ… පටිසන්ධික්ඛණෙ…පෙ…. (1)

මහග්ගතං ධම්මං පටිච්ච පරිත්තො ධම්මො උප්පජ්ජති නඅධිපතිපච්චයා – විපාකෙ මහග්ගතෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ මහග්ගතෙ ඛන්ධෙ පටිච්ච කටත්තාරූපං. (2)

මහග්ගතං ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති නඅධිපතිපච්චයා – විපාකං මහග්ගතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

14. අප්පමාණං ¶ ¶ ධම්මං පටිච්ච අප්පමාණො ධම්මො උප්පජ්ජති නඅධිපතිපච්චයා – අප්පමාණෙ ඛන්ධෙ පටිච්ච අප්පමාණාධිපති. (1)

පරිත්තඤ්ච මහග්ගතඤ්ච ධම්මං පටිච්ච පරිත්තො ධම්මො උප්පජ්ජති නඅධිපතිපච්චයා – විපාකෙ මහග්ගතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. පටිසන්ධික්ඛණෙ මහග්ගතෙ ඛන්ධෙ ච මහාභූතෙ ච පටිච්ච කටත්තාරූපං. (1)

පරිත්තඤ්ච මහග්ගතඤ්ච ධම්මං පටිච්ච මහග්ගතො ධම්මො උප්පජ්ජති නඅධිපතිපච්චයා – පටිසන්ධික්ඛණෙ මහග්ගතං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (2)

පරිත්තඤ්ච මහග්ගතඤ්ච ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති නඅධිපතිපච්චයා – පටිසන්ධික්ඛණෙ මහග්ගතං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… මහග්ගතෙ ඛන්ධෙ ච මහාභූතෙ ච පටිච්ච කටත්තාරූපං. (3)

15. පරිත්තං ¶ ධම්මං පටිච්ච පරිත්තො ධම්මො උප්පජ්ජති නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා.

16. පරිත්තං ධම්මං පටිච්ච පරිත්තො ධම්මො උප්පජ්ජති නපුරෙජාතපච්චයා – අරූපෙ පරිත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පරිත්තෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ පරිත්තං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… (සබ්බෙ මහාභූතා විත්ථාරෙතබ්බා, අරූපෙ පරිත්තමූලකෙ තිස්සො පඤ්හා).

මහග්ගතං ¶ ධම්මං පටිච්ච මහග්ගතො ධම්මො උප්පජ්ජති නපුරෙජාතපච්චයා – මහග්ගතං එකං ඛන්ධං…පෙ… පටිසන්ධික්ඛණෙ…පෙ…. (1)

මහග්ගතං ධම්මං පටිච්ච පරිත්තො ධම්මො උප්පජ්ජති නපුරෙජාතපච්චයා – මහග්ගතෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ මහග්ගතෙ ඛන්ධෙ පටිච්ච කටත්තාරූපං. (2)

මහග්ගතං ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති නපුරෙජාතපච්චයා – පටිසන්ධික්ඛණෙ මහග්ගතං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ…. (3)

17. අප්පමාණං ¶ ධම්මං පටිච්ච අප්පමාණො ධම්මො උප්පජ්ජති නපුරෙජාතපච්චයා – අරූපෙ අප්පමාණං එකං ඛන්ධං…පෙ…. (1)

අප්පමාණං ධම්මං පටිච්ච පරිත්තො ධම්මො උප්පජ්ජති නපුරෙජාතපච්චයා – අප්පමාණෙ ඛන්ධෙ පටිච්ච චිත්තසමුට්ඨානං රූපං.(2)

පරිත්තඤ්ච ¶ අප්පමාණඤ්ච ධම්මං පටිච්ච පරිත්තො ධම්මො උප්පජ්ජති නපුරෙජාතපච්චයා – අප්පමාණෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (3)

පරිත්තඤ්ච මහග්ගතඤ්ච ධම්මං පටිච්ච පරිත්තො ධම්මො උප්පජ්ජති නපුරෙජාතපච්චයා – මහග්ගතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. පටිසන්ධික්ඛණෙ…පෙ…. (1)

පරිත්තඤ්ච මහග්ගතඤ්ච ධම්මං පටිච්ච මහග්ගතො ධම්මො උප්පජ්ජති නපුරෙජාතපච්චයා – පටිසන්ධික්ඛණෙ මහග්ගතං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ…. (2)

පරිත්තඤ්ච මහග්ගතඤ්ච ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති නපුරෙජාතපච්චයා ¶ – පටිසන්ධික්ඛණෙ මහග්ගතං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… මහග්ගතෙ ඛන්ධෙ ච මහාභූතෙ ච පටිච්ච කටත්තාරූපං. (3)

18. පරිත්තං ධම්මං පටිච්ච පරිත්තො ධම්මො උප්පජ්ජති නපච්ඡාජාතපච්චයා… නආසෙවනපච්චයා – පරිත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ… අසඤ්ඤසත්තානං එකං මහාභූතං…පෙ….(1)

පරිත්තං ධම්මං පටිච්ච මහග්ගතො ධම්මො උප්පජ්ජති නආසෙවනපච්චයා – පටිසන්ධික්ඛණෙ වත්ථුං පටිච්ච මහග්ගතා ඛන්ධා. (2)

පරිත්තං ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති නආසෙවනපච්චයා – පටිසන්ධික්ඛණෙ වත්ථුං පටිච්ච මහග්ගතා ඛන්ධා, මහාභූතෙ පටිච්ච කටත්තාරූපං. (3)

19. මහග්ගතං ධම්මං පටිච්ච මහග්ගතො ධම්මො උප්පජ්ජති නආසෙවනපච්චයා – විපාකං මහග්ගතං ¶ එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ මහග්ගතං එකං ඛන්ධං පටිච්ච තයො ඛන්ධා…පෙ…. (1) මහග්ගතං ¶ ධම්මං පටිච්ච පරිත්තො ධම්මො උප්පජ්ජති නආසෙවනපච්චයා – මහග්ගතෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ…පෙ…. (2)

මහග්ගතං ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති නආසෙවනපච්චයා – විපාකං මහග්ගතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච ¶ රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ මහග්ගතං එකං ඛන්ධං…පෙ…. (3)

20. අප්පමාණං ධම්මං පටිච්ච අප්පමාණො ධම්මො උප්පජ්ජති නආසෙවනපච්චයා – විපාකං අප්පමාණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

අප්පමාණං ධම්මං පටිච්ච පරිත්තො ධම්මො උප්පජ්ජති නආසෙවනපච්චයා – අප්පමාණෙ ඛන්ධෙ පටිච්ච චිත්තසමුට්ඨානං රූපං. (2)

අප්පමාණං ධම්මං පටිච්ච පරිත්තො ච අප්පමාණො ච ධම්මා උප්පජ්ජන්ති නආසෙවනපච්චයා – විපාකං අප්පමාණං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ…. (3)

21. පරිත්තඤ්ච අප්පමාණඤ්ච ධම්මං පටිච්ච පරිත්තො ධම්මො උප්පජ්ජති නආසෙවනපච්චයා – අප්පමාණෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

පරිත්තඤ්ච මහග්ගතඤ්ච ධම්මං පටිච්ච පරිත්තො ධම්මො උප්පජ්ජති නආසෙවනපච්චයා – මහග්ගතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. පටිසන්ධික්ඛණෙ මහග්ගතෙ ඛන්ධෙ ච මහාභූතෙ ච පටිච්ච කටත්තාරූපං. (1)

පරිත්තඤ්ච මහග්ගතඤ්ච ධම්මං පටිච්ච මහග්ගතො ධම්මො උප්පජ්ජති නආසෙවනපච්චයා – පටිසන්ධික්ඛණෙ ¶ මහග්ගතං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (2)

පරිත්තඤ්ච මහග්ගතඤ්ච ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති නආසෙවනපච්චයා – පටිසන්ධික්ඛණෙ මහග්ගතං එකං ඛන්ධඤ්ච වත්ථුඤ්ච පටිච්ච තයො ¶ ඛන්ධා…පෙ… ද්වෙ ඛන්ධෙ…පෙ… මහග්ගතෙ ඛන්ධෙ ච මහාභූතෙ ච පටිච්ච කටත්තාරූපං. (3)

22. පරිත්තං ¶ ධම්මං පටිච්ච පරිත්තො ධම්මො උප්පජ්ජති නකම්මපච්චයා – පරිත්තෙ ඛන්ධෙ පටිච්ච පරිත්තා චෙතනා. බාහිරං… ආහාරසමුට්ඨානං… උතුසමුට්ඨානං… එකං මහාභූතං…පෙ…. (1)

මහග්ගතං ධම්මං පටිච්ච මහග්ගතො ධම්මො උප්පජ්ජති නකම්මපච්චයා – මහග්ගතෙ ඛන්ධෙ පටිච්ච මහග්ගතා චෙතනා. (1)

අප්පමාණං ධම්මං පටිච්ච අප්පමාණො ධම්මො උප්පජ්ජති නකම්මපච්චයා – කුසලෙ අප්පමාණෙ ඛන්ධෙ පටිච්ච අප්පමාණා චෙතනා. (1)

23. පරිත්තං ධම්මං පටිච්ච පරිත්තො ධම්මො උප්පජ්ජති නවිපාකපච්චයා – පරිත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ…. (1)

මහග්ගතං ධම්මං පටිච්ච මහග්ගතො ධම්මො උප්පජ්ජති නවිපාකපච්චයා – මහග්ගතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

මහග්ගතං ¶ ධම්මං පටිච්ච පරිත්තො ධම්මො උප්පජ්ජති නවිපාකපච්චයා – මහග්ගතෙ ඛන්ධෙ පටිච්ච චිත්තසමුට්ඨානං රූපං. (2)

මහග්ගතං ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති නවිපාකපච්චයා – මහග්ගතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච ¶ රූපං…පෙ… ද්වෙ ඛන්ධෙ…පෙ…. (3)

අප්පමාණං ධම්මං පටිච්ච අප්පමාණො ධම්මො උප්පජ්ජති නවිපාකපච්චයා – කුසලං අප්පමාණං එකං ඛන්ධං පටිච්ච තයො ඛන්ධා…පෙ…. (1)

අප්පමාණං ධම්මං පටිච්ච පරිත්තො ධම්මො උප්පජ්ජති නවිපාකපච්චයා – කුසලෙ අප්පමාණෙ ඛන්ධෙ පටිච්ච චිත්තසමුට්ඨානං රූපං. (2)

අප්පමාණං ධම්මං පටිච්ච පරිත්තො ච අප්පමාණො ච ධම්මා උප්පජ්ජන්ති නවිපාකපච්චයා – කුසලං අප්පමාණං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

පරිත්තඤ්ච ¶ අප්පමාණඤ්ච ධම්මං පටිච්ච පරිත්තො ධම්මො උප්පජ්ජති නවිපාකපච්චයා – කුසලෙ අප්පමාණෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

පරිත්තඤ්ච මහග්ගතඤ්ච ධම්මං පටිච්ච පරිත්තො ධම්මො උප්පජ්ජති නවිපාකපච්චයා – මහග්ගතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

24. පරිත්තං ධම්මං පටිච්ච පරිත්තො ධම්මො උප්පජ්ජති නආහාරපච්චයා – බාහිරං… උතුසමුට්ඨානං… අසඤ්ඤසත්තානං (විත්ථාරෙතබ්බං)… නඉන්ද්රියපච්චයා – බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… මහාභූතෙ පටිච්ච රූපජීවිතින්ද්රියං, නඣානපච්චයා – පඤ්චවිඤ්ඤාණසහගතං එකං ඛන්ධං…පෙ… බාහිරං…පෙ… අසඤ්ඤසත්තානං එකං මහාභූතං ¶ …පෙ… (සබ්බෙ මහාභූතා කාතබ්බා), නමග්ගපච්චයා ¶ – අහෙතුකං පරිත්තං එකං ඛන්ධං…පෙ… අහෙතුකපටිසන්ධික්ඛණෙ එකං…පෙ… (සබ්බෙ මහාභූතා කාතබ්බා) නසම්පයුත්තපච්චයා… නවිප්පයුත්තපච්චයා – අරූපෙ පරිත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ….

මහග්ගතං ධම්මං පටිච්ච මහග්ගතො ධම්මො උප්පජ්ජති නවිප්පයුත්තපච්චයා – අරූපෙ මහග්ගතං එකං ඛන්ධං…පෙ…. (1)

අප්පමාණං ධම්මං පටිච්ච අප්පමාණො ධම්මො උප්පජ්ජති නවිප්පයුත්තපච්චයා – අරූපෙ අප්පමාණං එකං ඛන්ධං…පෙ… නොනත්ථිපච්චයා… නොවිගතපච්චයා.

25. නහෙතුයා එකං, නආරම්මණෙ පඤ්ච, නඅධිපතියා දස, නඅනන්තරෙ පඤ්ච, නසමනන්තරෙ පඤ්ච, නඅඤ්ඤමඤ්ඤෙ නඋපනිස්සයෙ පඤ්ච, නපුරෙජාතෙ ද්වාදස, නපච්ඡාජාතෙ තෙරස, නආසෙවනෙ තෙරස, නකම්මෙ තීණි, නවිපාකෙ නව, නආහාරෙ එකං, නඉන්ද්රියෙ නඣානෙ නමග්ගෙ එකං, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).

26. හෙතුපච්චයා ¶ නආරම්මණෙ පඤ්ච, නඅධිපතියා දස, නඅනන්තරෙ පඤ්ච, නසමනන්තරෙ නඅඤ්ඤමඤ්ඤෙ නඋපනිස්සයෙ පඤ්ච, නපුරෙජාතෙ ¶ ද්වාදස, නපච්ඡාජාතෙ තෙරස, නආසෙවනෙ ¶ තෙරස, නකම්මෙ තීණි, නවිපාකෙ නව, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).

27. නහෙතුපච්චයා ආරම්මණෙ එකං, අනන්තරෙ එකං…පෙ… විගතෙ එකං, අවිගතෙ එකං (එවං ගණෙතබ්බං).

28. පරිත්තං ධම්මං පච්චයා පරිත්තො ධම්මො උප්පජ්ජති හෙතුපච්චයා – පරිත්තං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා; එකං මහාභූතං පච්චයා…පෙ… උපාදාරූපං, වත්ථුං පච්චයා පරිත්තා ඛන්ධා. (1)

පරිත්තං ¶ ධම්මං පච්චයා මහග්ගතො ධම්මො උප්පජ්ජති හෙතුපච්චයා – වත්ථුං පච්චයා මහග්ගතා ඛන්ධා. පටිසන්ධික්ඛණෙ වත්ථුං පච්චයා මහග්ගතා ඛන්ධා. (2)

පරිත්තං ධම්මං පච්චයා අප්පමාණො ධම්මො උප්පජ්ජති හෙතුපච්චයා – වත්ථුං පච්චයා අප්පමාණා ඛන්ධා. (3)

පරිත්තං ¶ ධම්මං පච්චයා පරිත්තො ච අප්පමාණො ච ධම්මා උප්පජ්ජන්ති හෙතුපච්චයා – වත්ථුං පච්චයා අප්පමාණා ¶ ඛන්ධා, මහාභූතෙ පච්චයා චිත්තසමුට්ඨානං රූපං. (4)

පරිත්තං ධම්මං පච්චයා පරිත්තො ච මහග්ගතො ච ධම්මා උප්පජ්ජන්ති හෙතුපච්චයා – වත්ථුං පච්චයා මහග්ගතා ඛන්ධා, මහාභූතෙ පච්චයා චිත්තසමුට්ඨානං රූපං. පටිසන්ධික්ඛණෙ වත්ථුං පච්චයා මහග්ගතා ඛන්ධා. (5)

29. මහග්ගතං ධම්මං පච්චයා මහග්ගතො ධම්මො උප්පජ්ජති හෙතුපච්චයා – මහග්ගතං එකං ඛන්ධං පච්චයා තයො ඛන්ධා…පෙ… පටිසන්ධික්ඛණෙ මහග්ගතං එකං ඛන්ධං…පෙ…. (1)

මහග්ගතං ධම්මං පච්චයා පරිත්තො ධම්මො උප්පජ්ජති හෙතුපච්චයා – මහග්ගතෙ ඛන්ධෙ පච්චයා චිත්තසමුට්ඨානං රූපං. පටිසන්ධික්ඛණෙ…පෙ…. (2)

මහග්ගතං ධම්මං පච්චයා පරිත්තො ච මහග්ගතො ච ධම්මා උප්පජ්ජන්ති හෙතුපච්චයා – මහග්ගතං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ මහග්ගතං එකං ඛන්ධං…පෙ…. (3)

අප්පමාණං ධම්මං පච්චයා අප්පමාණො ධම්මො උප්පජ්ජති හෙතුපච්චයා – අප්පමාණෙ… තීණි.

30. පරිත්තඤ්ච අප්පමාණඤ්ච ධම්මං පච්චයා පරිත්තො ධම්මො උප්පජ්ජති හෙතුපච්චයා – අප්පමාණෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (1)

පරිත්තඤ්ච ¶ අප්පමාණඤ්ච ධම්මං පච්චයා අප්පමාණො ධම්මො උප්පජ්ජති හෙතුපච්චයා – අප්පමාණං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ…. (2)

පරිත්තඤ්ච අප්පමාණඤ්ච ධම්මං පච්චයා පරිත්තො ච අප්පමාණො ච ධම්මා උප්පජ්ජන්ති ¶ හෙතුපච්චයා – අප්පමාණං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… අප්පමාණෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (3)

පරිත්තඤ්ච මහග්ගතඤ්ච ධම්මං පච්චයා පරිත්තො ධම්මො උප්පජ්ජති හෙතුපච්චයා… තීණි (පටිසන්ධික්ඛණෙ තීණිපි කාතබ්බා).

31. පරිත්තං ධම්මං පච්චයා පරිත්තො ධම්මො උප්පජ්ජති ආරම්මණපච්චයා – පරිත්තං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං ¶ පච්චයා ඛන්ධා, චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා පරිත්තා ඛන්ධා (අවසෙසා ඡ පඤ්හා හෙතුපච්චයසදිසා සත්ත කාතබ්බා), අධිපතිපච්චයා (පටිසන්ධි නත්ථි, සත්තරස පඤ්හා පරිපුණ්ණා), අනන්තරපච්චයා…පෙ… අවිගතපච්චයා.

32. හෙතුයා සත්තරස, ආරම්මණෙ සත්ත, අධිපතියා සත්තරස, අනන්තරෙ සත්ත, සමනන්තරෙ සත්ත, සහජාතෙ සත්තරස, අඤ්ඤමඤ්ඤෙ නව, නිස්සයෙ සත්තරස, උපනිස්සයෙ සත්ත, පුරෙජාතෙ සත්ත, ආසෙවනෙ සත්ත, කම්මෙ සත්තරස, විපාකෙ සත්තරස, ආහාරෙ සත්තරස, ඉන්ද්රියෙ ඣානෙ මග්ගෙ සත්තරස, සම්පයුත්තෙ සත්ත, විප්පයුත්තෙ සත්තරස, අත්ථියා සත්තරස, නත්ථියා සත්ත, විගතෙ සත්ත, අවිගතෙ සත්තරස (එවං ගණෙතබ්බං)

33. පරිත්තං ¶ ¶ ධම්මං පච්චයා පරිත්තො ධම්මො උප්පජ්ජති නහෙතුපච්චයා – අහෙතුකං පරිත්තං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා; එකං මහාභූතං…පෙ… අසඤ්ඤසත්තානං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා පරිත්තා ඛන්ධා, විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (1)

34. පරිත්තං ධම්මං පච්චයා පරිත්තො ධම්මො උප්පජ්ජති නආරම්මණපච්චයා (පටිච්චවාරසදිසං. පඤ්ච).

35. පරිත්තං ¶ ධම්මං පච්චයා පරිත්තො ධම්මො උප්පජ්ජති නඅධිපතිපච්චයා – පරිත්තං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… 53අසඤ්ඤසත්තානං…පෙ… චක්ඛායතනං…පෙ… කායායතනං…පෙ… වත්ථුං පච්චයා පරිත්තා ඛන්ධා. (1)

පරිත්තං ධම්මං පච්චයා මහග්ගතො ධම්මො උප්පජ්ජති නඅධිපතිපච්චයා – වත්ථුං පච්චයා මහග්ගතාධිපති, වත්ථුං පච්චයා විපාකා මහග්ගතා ඛන්ධා. පටිසන්ධික්ඛණෙ වත්ථුං පච්චයා මහග්ගතා ඛන්ධා. (2)

පරිත්තං ¶ ධම්මං පච්චයා අප්පමාණො ධම්මො උප්පජ්ජති නඅධිපතිපච්චයා – වත්ථුං පච්චයා අප්පමාණාධිපති. (3)

පරිත්තං ධම්මං පච්චයා පරිත්තො ච මහග්ගතො ච ධම්මා උප්පජ්ජන්ති නඅධිපතිපච්චයා – වත්ථුං පච්චයා විපාකා මහග්ගතා ¶ ඛන්ධා, මහාභූතෙ පච්චයා චිත්තසමුට්ඨානං රූපං. පටිසන්ධික්ඛණෙ…පෙ…. (4)

36. මහග්ගතං ධම්මං පච්චයා මහග්ගතො ධම්මො උප්පජ්ජති නඅධිපතිපච්චයා – මහග්ගතෙ ඛන්ධෙ පච්චයා මහග්ගතාධිපති, විපාකං මහග්ගතං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

මහග්ගතං ධම්මං පච්චයා පරිත්තො ධම්මො උප්පජ්ජති නඅධිපතිපච්චයා – විපාකෙ මහග්ගතෙ ඛන්ධෙ පච්චයා චිත්තසමුට්ඨානං රූපං. පටිසන්ධික්ඛණෙ…පෙ…. (2)

මහග්ගතං ධම්මං පච්චයා පරිත්තො ච මහග්ගතො ච ධම්මා උප්පජ්ජන්ති නඅධිපතිපච්චයා – විපාකං මහග්ගතං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

අප්පමාණං ධම්මං පච්චයා අප්පමාණො ධම්මො උප්පජ්ජති නඅධිපතිපච්චයා – අප්පමාණෙ ඛන්ධෙ පච්චයා අප්පමාණාධිපති. (1)

37. පරිත්තඤ්ච අප්පමාණඤ්ච ධම්මං පච්චයා අප්පමාණො ධම්මො උප්පජ්ජති නඅධිපතිපච්චයා – අප්පමාණෙ ඛන්ධෙ ච වත්ථුඤ්ච පච්චයා අප්පමාණාධිපති. (1)

පරිත්තඤ්ච මහග්ගතඤ්ච ධම්මං පච්චයා පරිත්තො ධම්මො උප්පජ්ජති නඅධිපතිපච්චයා – විපාකෙ මහග්ගතෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. පටිසන්ධික්ඛණෙ…පෙ…. (1)

පරිත්තඤ්ච ¶ ¶ මහග්ගතඤ්ච ධම්මං පච්චයා මහග්ගතො ධම්මො උප්පජ්ජති නඅධිපතිපච්චයා – මහග්ගතෙ ඛන්ධෙ ¶ ච වත්ථුඤ්ච පච්චයා මහග්ගතාධිපති, විපාකං මහග්ගතං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (2)

පරිත්තඤ්ච මහග්ගතඤ්ච ධම්මං පච්චයා පරිත්තො ච මහග්ගතො ච ධම්මා උප්පජ්ජන්ති නඅධිපතිපච්චයා – විපාකං මහග්ගතං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… විපාකෙ මහග්ගතෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. පටිසන්ධික්ඛණෙ විපාකං මහග්ගතං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… විපාකෙ මහග්ගතෙ ඛන්ධෙ ච මහාභූතෙ ච පච්චයා කටත්තාරූපං. (3)

38. පරිත්තං ධම්මං පච්චයා පරිත්තො ධම්මො උප්පජ්ජති නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා… නපුරෙජාතපච්චයා… (පටිච්චවාරසදිසා ද්වාදස පඤ්හා) නපච්ඡාජාතපච්චයා… නආසෙවනපච්චයා… (පරිපුණ්ණං, විපාකොති නිද්දිසිතබ්බං චිත්තසමුට්ඨානං රූපං විපාකොති න කාතබ්බං) නකම්මපච්චයා… නවිපාකපච්චයා… (පටිසන්ධිවිපාකොපි නත්ථි) නආහාරපච්චයා… නඉන්ද්රියපච්චයා… නඣානපච්චයා… නමග්ගපච්චයා… නසම්පයුත්තපච්චයා… නවිප්පයුත්තපච්චයා… නොනත්ථිපච්චයා… නොවිගතපච්චයා.

39. නහෙතුයා එකං, නආරම්මණෙ පඤ්ච, නඅධිපතියා ද්වාදස, නඅනන්තරෙ පඤ්ච, නසමනන්තරෙ නඅඤ්ඤමඤ්ඤෙ නඋපනිස්සයෙ පඤ්ච, නපුරෙජාතෙ ද්වාදස, නපච්ඡාජාතෙ සත්තරස, නආසෙවනෙ සත්තරස, නකම්මෙ සත්ත, නවිපාකෙ සත්තරස, නආහාරෙ නඉන්ද්රියෙ නඣානෙ නමග්ගෙ එකං, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා ¶ පඤ්ච, නොවිගතෙ පඤ්ච (එවං ගණෙතබ්බං).

40. හෙතුපච්චයා ¶ ¶ නආරම්මණෙ පඤ්ච, නඅධිපතියා ද්වාදස, නඅනන්තරෙ පඤ්ච, නසමනන්තරෙ පඤ්ච, නඅඤ්ඤමඤ්ඤෙ පඤ්ච, නඋපනිස්සයෙ පඤ්ච, නපුරෙජාතෙ ද්වාදස, නපච්ඡාජාතෙ සත්තරස, නආසෙවනෙ සත්තරස, නකම්මෙ සත්ත, නවිපාකෙ සත්තරස, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).

41. නහෙතුපච්චයා ආරම්මණෙ එකං, අනන්තරෙ සමනන්තරෙ සහජාතෙ…පෙ… විගතෙ අවිගතෙ එකං (එවං ගණෙතබ්බං).

42. පරිත්තං ¶ ධම්මං සංසට්ඨො පරිත්තො ධම්මො උප්පජ්ජති හෙතුපච්චයා – පරිත්තං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

මහග්ගතං ධම්මං සංසට්ඨො මහග්ගතො ධම්මො උප්පජ්ජති හෙතුපච්චයා – මහග්ගතං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… ¶ පටිසන්ධික්ඛණෙ…පෙ…. (1)

අප්පමාණං ¶ ධම්මං සංසට්ඨො අප්පමාණො ධම්මො උප්පජ්ජති හෙතුපච්චයා – අප්පමාණං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

43. පරිත්තං ධම්මං සංසට්ඨො පරිත්තො ධම්මො උප්පජ්ජති ආරම්මණපච්චයා… අධිපතිපච්චයා (පටිසන්ධි නත්ථි)… අනන්තරපච්චයා… සමනන්තරපච්චයා… සහජාතපච්චයා… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා… පුරෙජාතපච්චයා (පටිසන්ධි නත්ථි)… ආසෙවනපච්චයා(විපාකොපි පටිසන්ධිපි නත්ථි)… කම්මපච්චයා… විපාකපච්චයා… ආහාරපච්චයා… ඉන්ද්රියපච්චයා… ඣානපච්චයා… මග්ගපච්චයා… සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.

44. හෙතුයා ¶ තීණි, ආරම්මණෙ තීණි, අධිපතියා තීණි…පෙ… අවිගතෙ තීණි (එවං ගණෙතබ්බං).

45. පරිත්තං ධම්මං සංසට්ඨො පරිත්තො ධම්මො උප්පජ්ජති නහෙතුපච්චයා – අහෙතුකං පරිත්තං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ සංසට්ඨො විචිකිච්ඡාසහගතො උද්ධච්චසහගතො මොහො. (1)

46. පරිත්තං ධම්මං සංසට්ඨො පරිත්තො ධම්මො උප්පජ්ජති නඅධිපතිපච්චයා ¶ – පරිත්තං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

මහග්ගතං ¶ ධම්මං සංසට්ඨො මහග්ගතො ධම්මො උප්පජ්ජති නඅධිපතිපච්චයා – මහග්ගතෙ ඛන්ධෙ සංසට්ඨා මහග්ගතා අධිපති, විපාකං මහග්ගතං එකං ඛන්ධං සංසට්ඨා…පෙ… පටිසන්ධික්ඛණෙ…පෙ…. (1)

අප්පමාණං ¶ ධම්මං සංසට්ඨො අප්පමාණො ධම්මො උප්පජ්ජති නඅධිපතිපච්චයා – අප්පමාණෙ ඛන්ධෙ සංසට්ඨා අප්පමාණා අධිපති. (1)

47. පරිත්තං ධම්මං සංසට්ඨො පරිත්තො ධම්මො උප්පජ්ජති නපුරෙජාතපච්චයා – අරූපෙ පරිත්තං එකං ඛන්ධං සංසට්ඨා තයො ඛන්ධා…පෙ… පටිසන්ධික්ඛණෙ…පෙ…. (1)

මහග්ගතං ධම්මං සංසට්ඨො මහග්ගතො ධම්මො උප්පජ්ජති නපුරෙජාතපච්චයා – අරූපෙ මහග්ගතං එකං ඛන්ධං සංසට්ඨා තයො ඛන්ධා…පෙ… පටිසන්ධික්ඛණෙ…පෙ…. (1)

අප්පමාණං ධම්මං සංසට්ඨො අප්පමාණො ධම්මො උප්පජ්ජති නපුරෙජාතපච්චයා – අරූපෙ අප්පමාණං එකං ඛන්ධං සංසට්ඨා තයො ඛන්ධා…පෙ…. (1)

48. පරිත්තං ධම්මං සංසට්ඨො පරිත්තො ධම්මො උප්පජ්ජති නපච්ඡාජාතපච්චයා… නආසෙවනපච්චයා – පරිත්තං එකං ඛන්ධං සංසට්ඨා තයො ඛන්ධා…පෙ… පටිසන්ධික්ඛණෙ…පෙ…. (1)

මහග්ගතං ධම්මං සංසට්ඨො මහග්ගතො ධම්මො උප්පජ්ජති නආසෙවනපච්චයා – විපාකං මහග්ගතං එකං ඛන්ධං සංසට්ඨා තයො ඛන්ධා…පෙ… පටිසන්ධික්ඛණෙ…පෙ… ¶ . (1)

අප්පමාණං ධම්මං සංසට්ඨො අප්පමාණො ධම්මො උප්පජ්ජති නආසෙවනපච්චයා – විපාකං අප්පමාණං එකං ඛන්ධං සංසට්ඨා තයො ඛන්ධා…පෙ…. (1)

49. පරිත්තං ධම්මං සංසට්ඨො පරිත්තො ධම්මො උප්පජ්ජති නකම්මපච්චයා – පරිත්තෙ ඛන්ධෙ සංසට්ඨා පරිත්තා චෙතනා. (1)

මහග්ගතං ධම්මං සංසට්ඨො මහග්ගතො ධම්මො උප්පජ්ජති නකම්මපච්චයා – මහග්ගතෙ ඛන්ධෙ සංසට්ඨා මහග්ගතා චෙතනා. (1)

අප්පමාණං ¶ ධම්මං සංසට්ඨො අප්පමාණො ධම්මො උප්පජ්ජති නකම්මපච්චයා – කුසලෙ අප්පමාණෙ ඛන්ධෙ සංසට්ඨා අප්පමාණා චෙතනා. (1)

50. පරිත්තං ¶ ධම්මං සංසට්ඨො පරිත්තො ධම්මො උප්පජ්ජති නවිපාකපච්චයා – පරිත්තං එකං ඛන්ධං සංසට්ඨා තයො ඛන්ධා…පෙ…. (1)

මහග්ගතං ධම්මං සංසට්ඨො මහග්ගතො ධම්මො උප්පජ්ජති නවිපාකපච්චයා – මහග්ගතං එකං ඛන්ධං සංසට්ඨා තයො ඛන්ධා…පෙ…. (1)

අප්පමාණං ධම්මං සංසට්ඨො අප්පමාණො ධම්මො උප්පජ්ජති නවිපාකපච්චයා – කුසලං අප්පමාණං එකං ඛන්ධං සංසට්ඨා තයො ඛන්ධා…පෙ…. (1)

51. පරිත්තං ධම්මං සංසට්ඨො පරිත්තො ධම්මො උප්පජ්ජති නඣානපච්චයා… නමග්ගපච්චයා… නවිප්පයුත්තපච්චයා – අරූපෙ පරිත්තං එකං ඛන්ධං සංසට්ඨා තයො ඛන්ධා…පෙ…. (1)

මහග්ගතං ධම්මං සංසට්ඨො මහග්ගතො ධම්මො උප්පජ්ජති නවිප්පයුත්තපච්චයා – අරූපෙ මහග්ගතං එකං ඛන්ධං සංසට්ඨා තයො ඛන්ධා…පෙ…. (1)

අප්පමාණං ¶ ධම්මං සංසට්ඨො අප්පමාණො ධම්මො උප්පජ්ජති නවිප්පයුත්තපච්චයා – අරූපෙ අප්පමාණං එකං ඛන්ධං සංසට්ඨා තයො ඛන්ධා…පෙ…. (1)

52. නහෙතුයා ¶ එකං, නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නඣානෙ එකං, නමග්ගෙ එකං, නවිප්පයුත්තෙ තීණි (එවං ගණෙතබ්බං).

53. හෙතුපච්චයා නඅධිපතියා තීණි, නපුරෙජාතෙ නපච්ඡාජාතෙ නආසෙවනෙ නකම්මෙ නවිපාකෙ නවිප්පයුත්තෙ තීණි (එවං ගණතබ්බං).

54. නහෙතුපච්චයා ¶ ආරම්මණෙ එකං, අනන්තරෙ එකං…පෙ… අවිගතෙ එක (එවං ගණෙතබ්බං).

(සම්පයුත්තවාරො ¶ සංසට්ඨවාරසදිසො).

55. පරිත්තො ධම්මො පරිත්තස්ස ධම්මස්ස හෙතුපච්චයෙන පච්චයො – පරිත්තා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. පටිසන්ධික්ඛණෙ…පෙ…. (1)

මහග්ගතො ධම්මො මහග්ගතස්ස ධම්මස්ස හෙතුපච්චයෙන පච්චයො… තීණි (පවත්තිපටිසන්ධි කාතබ්බා).

අප්පමාණො ¶ ධම්මො අප්පමාණස්ස ධම්මස්ස හෙතුපච්චයෙන පච්චයො… තීණි.

56. පරිත්තො ධම්මො පරිත්තස්ස ධම්මස්ස ආරම්මණපච්චයෙන පච්චයො – දානං දත්වා සීලං සමාදියිත්වා උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති, අරියා ගොත්රභුං පච්චවෙක්ඛන්ති, වොදානං පච්චවෙක්ඛන්ති, පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. චක්ඛුං…පෙ… වත්ථුං… පරිත්තෙ ඛන්ධෙ අනිච්චතො…පෙ… විපස්සන්ති අස්සාදෙන්ති අභිනන්දන්ති, තං ආරබ්භ රාගො උප්පජ්ජති ¶ …පෙ… දොමනස්සං උප්පජ්ජති. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස ආරම්මණපච්චයෙන පච්චයො. (1)

පරිත්තො ¶ ධම්මො මහග්ගතස්ස ධම්මස්ස ආරම්මණපච්චයෙන පච්චයො – දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙන පරිත්තචිත්තසමඞ්ගිස්ස චිත්තං ජානාති. පරිත්තා ඛන්ධා ඉද්ධිවිධඤාණස්ස, චෙතොපරියඤාණස්ස පුබ්බෙනිවාසානුස්සතිඤාණස්ස යථාකම්මූපගඤාණස්ස අනාගතංසඤාණස්ස ආරම්මණපච්චයෙන පච්චයො. (2)

57. මහග්ගතො ධම්මො මහග්ගතස්ස ධම්මස්ස ආරම්මණපච්චයෙන පච්චයො – චෙතොපරියඤාණෙන මහග්ගතචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස ආරම්මණපච්චයෙන පච්චයො ¶ . මහග්ගතා ඛන්ධා ඉද්ධිවිධඤාණස්ස, චෙතොපරියඤාණස්ස පුබ්බෙනිවාසානුස්සතිඤාණස්ස යථාකම්මූපගඤාණස්ස අනාගතංසඤාණස්ස ආරම්මණපච්චයෙන පච්චයො. (1)

මහග්ගතො ධම්මො පරිත්තස්ස ධම්මස්ස ආරම්මණපච්චයෙන පච්චයො – පඨමං ඣානං පච්චවෙක්ඛති…පෙ… නෙවසඤ්ඤානාසඤ්ඤායතනං පච්චවෙක්ඛති, දිබ්බං චක්ඛුං පච්චවෙක්ඛති, දිබ්බං සොතධාතුං පච්චවෙක්ඛති, ඉද්ධිවිධඤාණං පච්චවෙක්ඛති, චෙතොපරියඤාණං පච්චවෙක්ඛති, පුබ්බෙනිවාසානුස්සතිඤාණං පච්චවෙක්ඛති, යථාකම්මූපගඤාණං පච්චවෙක්ඛති, අනාගතංසඤාණං පච්චවෙක්ඛති. මහග්ගතෙ ඛන්ධෙ අනිච්චතො…පෙ… විප්පස්සති අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති. (2)

58. අප්පමාණො ධම්මො අප්පමාණස්ස ධම්මස්ස ආරම්මණපච්චයෙන පච්චයො – නිබ්බානං මග්ගස්ස, ඵලස්ස ආරම්මණපච්චයෙන පච්චයො. (1)

අප්පමාණො ධම්මො පරිත්තස්ස ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති, නිබ්බානං පච්චවෙක්ඛන්ති, නිබ්බානං ගොත්රභුස්ස, වොදානස්ස, ආවජ්ජනාය ආරම්මණපච්චයෙන පච්චයො. (2)

අප්පමාණො ¶ ධම්මො මහග්ගතස්ස ධම්මස්ස ආරම්මණපච්චයෙන පච්චයො – අරියා චෙතොපරියඤාණෙන අප්පමාණචිත්තසමඞ්ගිස්ස ¶ චිත්තං ජානන්ති, අප්පමාණා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස ආරම්මණපච්චයෙන පච්චයො. (3)

59. පරිත්තො ¶ ධම්මො පරිත්තස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං සමාදියිත්වා උපොසථකම්මං කත්වා තං ගරුං කත්වා පච්චවෙක්ඛති, පුබ්බෙ සුචිණ්ණානි ගරුං කත්වා පච්චවෙක්ඛති. සෙක්ඛා ගොත්රභුං ගරුං කත්වා පච්චවෙක්ඛන්ති, වොදානං ගරුං කත්වා පච්චවෙක්ඛන්ති. චක්ඛුං…පෙ… වත්ථුං… පරිත්තෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – පරිත්තාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

මහග්ගතො ධම්මො මහග්ගතස්ස ධම්මස්ස අධිපතිපච්චයෙන පච්චයො. සහජාතාධිපති – මහග්ගතාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

මහග්ගතො ධම්මො පරිත්තස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – පඨමං ඣානං ගරුං කත්වා…පෙ… නෙවසඤ්ඤානාසඤ්ඤායතනං…පෙ… දිබ්බං චක්ඛුං…පෙ… අනාගතංසඤාණං ගරුං කත්වා පච්චවෙක්ඛති. මහග්ගතෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති… දිට්ඨි ¶ උප්පජ්ජති. සහජාතාධිපති – මහග්ගතාධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

මහග්ගතො ධම්මො පරිත්තස්ස ච මහග්ගතස්ස ච ධම්මස්ස අධිපතිපච්චයෙන පච්චයො. සහජාතාධිපති – මහග්ගතාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

60. අප්පමාණො ¶ ධම්මො අප්පමාණස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – නිබ්බානං මග්ගස්ස… ඵලස්ස අධිපතිපච්චයෙන පච්චයො. සහජාතාධිපති – අප්පමාණාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

අප්පමාණො ධම්මො පරිත්තස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, ඵලං ගරුං කත්වා පච්චවෙක්ඛන්ති, නිබ්බානං ගරුං කත්වා පච්චවෙක්ඛන්ති, නිබ්බානං ගොත්රභුස්ස, වොදානස්ස අධිපතිපච්චයෙන පච්චයො ¶ . සහජාතාධිපති – අප්පමාණාධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

අප්පමාණො ධම්මො පරිත්තස්ස ච අප්පමාණස්ස ච ධම්මස්ස අධිපතිපච්චයෙන පච්චයො. සහජාතාධිපති – අප්පමාණාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන ¶ පච්චයො. (3)

61. පරිත්තො ධම්මො පරිත්තස්ස ධම්මස්ස අනන්තරපච්චයෙන පච්චයො – පුරිමා පුරිමා පරිත්තා ඛන්ධා පච්ඡිමානං පච්ඡිමානං පරිත්තානං ඛන්ධානං අනන්තරපච්චයෙන පච්චයො. අනුලොමං ගොත්රභුස්ස… අනුලොමං වොදානස්ස… ආවජ්ජනා පරිත්තානං ඛන්ධානං අනන්තරපච්චයෙන පච්චයො. (1)

පරිත්තො ධම්මො මහග්ගතස්ස ධම්මස්ස අනන්තරපච්චයෙන පච්චයො – පරිත්තං චුතිචිත්තං මහග්ගතස්ස උපපත්තිචිත්තස්ස අනන්තරපච්චයෙන පච්චයො. පරිත්තා ඛන්ධා මහග්ගතස්ස වුට්ඨානස්ස අනන්තරපච්චයෙන පච්චයො. පඨමස්ස ඣානස්ස පරිකම්මං…පෙ… නෙවසඤ්ඤානාසඤ්ඤායතනස්ස පරිකම්මං…පෙ… දිබ්බස්ස චක්ඛුස්ස පරිකම්මං…පෙ… අනාගතංසඤාණස්ස පරිකම්මං අනාගතංසඤාණස්ස අනන්තරපච්චයෙන පච්චයො. (2)

පරිත්තො ¶ ධම්මො අප්පමාණස්ස ධම්මස්ස අනන්තරපච්චයෙන පච්චයො – ගොත්රභු මග්ගස්ස… වොදානං මග්ගස්ස… අනුලොමං ඵලසමාපත්තියා අනන්තරපච්චයෙන පච්චයො. (3)

62. මහග්ගතො ධම්මො මහග්ගතස්ස ධම්මස්ස අනන්තරපච්චයෙන පච්චයො – පුරිමා පුරිමා මහග්ගතා ඛන්ධා පච්ඡිමානං පච්ඡිමානං මහග්ගතානං ඛන්ධානං අනන්තරපච්චයෙන පච්චයො. (1)

මහග්ගතො ධම්මො පරිත්තස්ස ධම්මස්ස අනන්තරපච්චයෙන පච්චයො ¶ – මහග්ගතං චුතිචිත්තං පරිත්තස්ස උපපත්තිචිත්තස්ස අනන්තරපච්චයෙන පච්චයො. මහග්ගතං භවඞ්ගං ආවජ්ජනාය අනන්තරපච්චයෙන පච්චයො. මහග්ගතා ඛන්ධා පරිත්තස්ස වුට්ඨානස්ස අනන්තරපච්චයෙන පච්චයො. (2)

මහග්ගතො ¶ ධම්මො අප්පමාණස්ස ධම්මස්ස අනන්තරපච්චයෙන පච්චයො – නෙවසඤ්ඤානාසඤ්ඤායතනං නිරොධා වුට්ඨහන්තස්ස ඵලසමාපත්තියා අනන්තරපච්චයෙන පච්චයො. (3)

63. අප්පමාණො ධම්මො අප්පමාණස්ස ධම්මස්ස අනන්තරපච්චයෙන පච්චයො – පුරිමා පුරිමා අප්පමාණා ඛන්ධා පච්ඡිමානං පච්ඡිමානං අප්පමාණානං ඛන්ධානං අනන්තරපච්චයෙන පච්චයො. මග්ගො ඵලස්ස… ඵලං ඵලස්ස අනන්තරපච්චයෙන පච්චයො. (1)

අප්පමාණො ධම්මො පරිත්තස්ස ධම්මස්ස අනන්තරපච්චයෙන පච්චයො – ඵලං පරිත්තස්ස වුට්ඨානස්ස අනන්තරපච්චයෙන පච්චයො. (2)

අප්පමාණො ධම්මො මහග්ගතස්ස ධම්මස්ස අනන්තරපච්චයෙන පච්චයො – ඵලං මහග්ගතස්ස වුට්ඨානස්ස අනන්තරපච්චයෙන පච්චයො. (3)

(සමනන්තරපච්චයං අනන්තරපච්චයසදිසං.)

64. පරිත්තො ¶ ධම්මො පරිත්තස්ස ධම්මස්ස සහජාතපච්චයෙන පච්චයො – පරිත්තො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ… ඛන්ධා වත්ථුස්ස, වත්ථු ඛන්ධානං සහජාතපච්චයෙන පච්චයො; එකං ¶ මහාභූතං…පෙ… අසඤ්ඤසත්තානං…පෙ…. (1)

පරිත්තො ධම්මො මහග්ගතස්ස ධම්මස්ස සහජාතපච්චයෙන පච්චයො – පටිසන්ධික්ඛණෙ වත්ථු මහග්ගතානං ඛන්ධානං සහජාතපච්චයෙන පච්චයො. (2)

65. මහග්ගතො ධම්මො මහග්ගතස්ස ධම්මස්ස සහජාතපච්චයෙන පච්චයො – මහග්ගතො එකො ඛන්ධො තිණ්ණන්නං ඛන්ධානං…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (1)

මහග්ගතො ¶ ධම්මො පරිත්තස්ස ධම්මස්ස සහජාතපච්චයෙන පච්චයො – මහග්ගතා ඛන්ධා චිත්තසමුට්ඨානානං රූපානං සහජාතපච්චයෙන පච්චයො. පටිසන්ධික්ඛණෙ මහග්ගතා ඛන්ධා කටත්තාරූපානං සහජාතපච්චයෙන පච්චයො. (2)

මහග්ගතො ධම්මො පරිත්තස්ස ච මහග්ගතස්ස ච ධම්මස්ස සහජාතපච්චයෙන පච්චයො – මහග්ගතො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (3)

66. අප්පමාණො ධම්මො අප්පමාණස්ස ධම්මස්ස සහජාතපච්චයෙන පච්චයො – අප්පමාණො එකො ඛන්ධො තිණ්ණන්නං ඛන්ධානං සහජාතපච්චයෙන පච්චයො…පෙ…. (1)

අප්පමාණො ධම්මො පරිත්තස්ස ධම්මස්ස සහජාතපච්චයෙන පච්චයො – අප්පමාණා ඛන්ධා චිත්තසමුට්ඨානානං රූපානං සහජාතපච්චයෙන පච්චයො. (2)

අප්පමාණො ධම්මො පරිත්තස්ස ච අප්පමාණස්ස ච ධම්මස්ස සහජාතපච්චයෙන පච්චයො – අප්පමාණො ¶ එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො…පෙ…. (3)

67. පරිත්තො ච අප්පමාණො ච ධම්මා පරිත්තස්ස ධම්මස්ස සහජාතපච්චයෙන පච්චයො – අප්පමාණා ඛන්ධා ච මහාභූතා ච චිත්තසමුට්ඨානානං රූපානං සහජාතපච්චයෙන ¶ පච්චයො. (1)

පරිත්තො ච මහග්ගතො ච ධම්මා පරිත්තස්ස ධම්මස්ස සහජාතපච්චයෙන පච්චයො – මහග්ගතා ඛන්ධා ච මහාභූතා ච චිත්තසමුට්ඨානානං රූපානං සහජාතපච්චයෙන පච්චයො. පටිසන්ධික්ඛණෙ මහග්ගතා ඛන්ධා ච මහාභූතා ච කටත්තාරූපානං සහජාතපච්චයෙන පච්චයො. (1)

පරිත්තො ච මහග්ගතො ච ධම්මා මහග්ගතස්ස ධම්මස්ස සහජාතපච්චයෙන පච්චයො – පටිසන්ධික්ඛණෙ මහග්ගතො එකො ඛන්ධො ච වත්ථු ච තිණ්ණන්නං ඛන්ධානං සහජාතපච්චයෙන පච්චයො…පෙ…. (2)

68. පරිත්තො ධම්මො පරිත්තස්ස ධම්මස්ස අඤ්ඤමඤ්ඤපච්චයෙන පච්චයො – පරිත්තො එකො ඛන්ධො තිණ්ණන්නං ඛන්ධානං අඤ්ඤමඤ්ඤපච්චයෙන පච්චයො…පෙ… පටිසන්ධික්ඛණෙ…පෙ… ඛන්ධා වත්ථුස්ස…පෙ… වත්ථු ඛන්ධානං අඤ්ඤමඤ්ඤපච්චයෙන පච්චයො; එකං මහාභූතං…පෙ… අසඤ්ඤසත්තානං…පෙ…. (1)

පරිත්තො ¶ ධම්මො මහග්ගතස්ස ධම්මස්ස අඤ්ඤමඤ්ඤපච්චයෙන පච්චයො…පෙ… පටිසන්ධික්ඛණෙ වත්ථු මහග්ගතානං ඛන්ධානං අඤ්ඤමඤ්ඤපච්චයෙන පච්චයො…පෙ…. (2)

මහග්ගතො ධම්මො මහග්ගතස්ස ධම්මස්ස අඤ්ඤමඤ්ඤපච්චයෙන පච්චයො – මහග්ගතො එකො ඛන්ධො තිණ්ණන්නං ඛන්ධානං අඤ්ඤමඤ්ඤපච්චයෙන පච්චයො…පෙ… පටිසන්ධික්ඛණෙ…පෙ…. (1)

මහග්ගතො ¶ ධම්මො පරිත්තස්ස ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ ¶ මහග්ගතා ඛන්ධා වත්ථුස්ස අඤ්ඤමඤ්ඤපච්චයෙන පච්චයො. (2)

මහග්ගතො ධම්මො පරිත්තස්ස ච මහග්ගතස්ස ච ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ මහග්ගතො එකො ඛන්ධො තිණ්ණන්නං ඛන්ධානං වත්ථුස්ස ච අඤ්ඤමඤ්ඤපච්චයෙන පච්චයො…පෙ…. (3)

අප්පමාණො ධම්මො අප්පමාණස්ස ධම්මස්ස අඤ්ඤමඤ්ඤපච්චයෙන පච්චයො – අප්පමාණො එකො ඛන්ධො තිණ්ණන්නං ඛන්ධානං අඤ්ඤමඤ්ඤපච්චයෙන පච්චයො…පෙ… ද්වෙ ඛන්ධා…පෙ…. (1)

පරිත්තො ච මහග්ගතො ච ධම්මා මහග්ගතස්ස ධම්මස්ස අඤ්ඤමඤ්ඤපච්චයෙන පච්චයො – පටිසන්ධික්ඛණෙ මහග්ගතො එකො ඛන්ධො ච වත්ථු ච තිණ්ණන්නං ඛන්ධානං අඤ්ඤමඤ්ඤපච්චයෙන පච්චයො…පෙ…. (1)

69. පරිත්තො ධම්මො පරිත්තස්ස ධම්මස්ස නිස්සයපච්චයෙන පච්චයො – පරිත්තො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං නිස්සයපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ… ඛන්ධා වත්ථුස්ස…පෙ… වත්ථු ඛන්ධානං නිස්සයපච්චයෙන පච්චයො…පෙ… එකං මහාභූතං…පෙ… අසඤ්ඤසත්තානං එකං මහාභූතං…පෙ… චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස… වත්ථු පරිත්තානං ඛන්ධානං නිස්සයපච්චයෙන පච්චයො. (1)

පරිත්තො ධම්මො මහග්ගතස්ස ධම්මස්ස නිස්සයපච්චයෙන පච්චයො – වත්ථු මහග්ගතානං ඛන්ධානං නිස්සයපච්චයෙන පච්චයො. පටිසන්ධික්ඛණෙ වත්ථු මහග්ගතානං ඛන්ධානං නිස්සයපච්චයෙන පච්චයො. (2)

පරිත්තො ¶ ධම්මො අප්පමාණස්ස ධම්මස්ස නිස්සයපච්චයෙන පච්චයො – වත්ථු අප්පමාණානං ඛන්ධානං නිස්සයපච්චයෙන පච්චයො. (3)

70. මහග්ගතො ¶ ¶ ධම්මො මහග්ගතස්ස ධම්මස්ස නිස්සයපච්චයෙන පච්චයො – මහග්ගතො එකො ඛන්ධො තිණ්ණන්නං ඛන්ධානං…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (1)

මහග්ගතො ධම්මො පරිත්තස්ස ධම්මස්ස නිස්සයපච්චයෙන පච්චයො – මහග්ගතා ඛන්ධා චිත්තසමුට්ඨානානං රූපානං නිස්සයපච්චයෙන පච්චයො. පටිසන්ධික්ඛණෙ මහග්ගතා ඛන්ධා කටත්තාරූපානං නිස්සයපච්චයෙන පච්චයො. (2)

මහග්ගතො ධම්මො පරිත්තස්ස ච මහග්ගතස්ස ච ධම්මස්ස නිස්සයපච්චයෙන පච්චයො – මහග්ගතො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං නිස්සයපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (3)

71. අප්පමාණො ධම්මො අප්පමාණස්ස ධම්මස්ස නිස්සයපච්චයෙන පච්චයො – අප්පමාණො එකො ඛන්ධො තිණ්ණන්නං ඛන්ධානං නිස්සයපච්චයෙන පච්චයො…පෙ…. (1)

අප්පමාණො ධම්මො පරිත්තස්ස ධම්මස්ස නිස්සයපච්චයෙන පච්චයො – අප්පමාණා ඛන්ධා චිත්තසමුට්ඨානානං රූපානං නිස්සයපච්චයෙන පච්චයො. (2)

අප්පමාණො ධම්මො පරිත්තස්ස ච අප්පමාණස්ස ච ධම්මස්ස නිස්සයපච්චයෙන පච්චයො – අප්පමාණො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං නිස්සයපච්චයෙන පච්චයො…පෙ…. (3)

පරිත්තො ච අප්පමාණො ච ධම්මා පරිත්තස්ස ධම්මස්ස නිස්සයපච්චයෙන පච්චයො – අප්පමාණා ඛන්ධා ච මහාභූතා ච චිත්තසමුට්ඨානානං රූපානං නිස්සයපච්චයෙන පච්චයො. (1)

පරිත්තො ¶ ච අප්පමාණො ච ධම්මා අප්පමාණස්ස ධම්මස්ස නිස්සයපච්චයෙන පච්චයො – අප්පමාණො එකො ඛන්ධො ච වත්ථු ච තිණ්ණන්නං ඛන්ධානං නිස්සයපච්චයෙන පච්චයො…පෙ… ද්වෙ ඛන්ධා…පෙ…. (2)

පරිත්තො ¶ ච මහග්ගතො ච ධම්මා පරිත්තස්ස ධම්මස්ස නිස්සයපච්චයෙන පච්චයො – මහග්ගතා ඛන්ධා ච මහාභූතා ච චිත්තසමුට්ඨානානං රූපානං නිස්සයපච්චයෙන පච්චයො. පටිසන්ධික්ඛණෙ මහග්ගතා ඛන්ධා ච මහාභූතා ච කටත්තාරූපානං නිස්සයපච්චයෙන පච්චයො. (1)

පරිත්තො ¶ ච මහග්ගතො ච ධම්මා මහග්ගතස්ස ධම්මස්ස නිස්සයපච්චයෙන පච්චයො – මහග්ගතො එකො ඛන්ධො ච වත්ථු ච තිණ්ණන්නං ඛන්ධානං නිස්සයපච්චයෙන පච්චයො…පෙ… පටිසන්ධික්ඛණෙ මහග්ගතො එකො ඛන්ධො ච වත්ථු ච තිණ්ණන්නං ඛන්ධානං නිස්සයපච්චයෙන පච්චයො…පෙ… ද්වෙ ඛන්ධා…පෙ…. (2)

72. පරිත්තො ධම්මො පරිත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – පරිත්තං සද්ධං උපනිස්සාය දානං දෙති, සීලං සමාදියති, උපොසථකම්මං කරොති, විපස්සනං උප්පාදෙති, මානං ජප්පෙති, දිට්ඨිං ගණ්හාති, පරිත්තං සීලං…පෙ… පඤ්ඤං… රාගං…පෙ… පත්ථනං… කායිකං සුඛං…පෙ… සෙනාසනං උපනිස්සාය දානං දෙති, සීලං…පෙ… උපොසථං…පෙ… විපස්සනං උප්පාදෙති, පාණං හනති…පෙ… සඞ්ඝං භින්දති. පරිත්තා සද්ධා…පෙ… පඤ්ඤා, රාගො…පෙ… පත්ථනා, කායිකං සුඛං…පෙ… සෙනාසනං පරිත්තාය සද්ධාය…පෙ… පඤ්ඤාය ¶ , රාගස්ස…පෙ… පත්ථනාය, කායිකස්ස සුඛස්ස, කායිකස්ස දුක්ඛස්ස උපනිස්සයපච්චයෙන පච්චයො. කුසලාකුසලං කම්මං විපාකස්ස උපනිස්සයපච්චයෙන පච්චයො. පාණාතිපාතො පාණාතිපාතස්ස උපනිස්සයපච්චයෙන පච්චයො (චක්කං කාතබ්බං). මාතුඝාතිකම්මං මාතුඝාතිකම්මස්ස උපනිස්සයපච්චයෙන පච්චයො (චක්කං කාතබ්බං කුසලත්තිකසදිසං). (1)

පරිත්තො ධම්මො මහග්ගතස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – පරිත්තං සද්ධං උපනිස්සාය මහග්ගතං ඣානං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති. පරිත්තං සීලං…පෙ… පඤ්ඤං… රාගං…පෙ… සෙනාසනං උපනිස්සාය මහග්ගතං ඣානං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති. පරිත්තා සද්ධා…පෙ… සෙනාසනං මහග්ගතාය සද්ධාය…පෙ… පඤ්ඤාය උපනිස්සයපච්චයෙන ¶ පච්චයො. පඨමස්ස ඣානස්ස පරිකම්මං…පෙ… නෙවසඤ්ඤානාසඤ්ඤායතනස්ස පරිකම්මං නෙවසඤ්ඤානාසඤ්ඤායතනස්ස උපනිස්සයපච්චයෙන පච්චයො. දිබ්බස්ස චක්ඛුස්ස පරිකම්මං…පෙ… අනාගතංසඤාණස්ස පරිකම්මං…පෙ…. (2)

පරිත්තො ධම්මො අප්පමාණස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො පරිත්තං ¶ සද්ධං උපනිස්සාය අප්පමාණං ඣානං උප්පාදෙති, මග්ගං උප්පාදෙති, ඵලසමාපත්තිං උප්පාදෙති. පරිත්තං සීලං…පෙ… පඤ්ඤං… රාගං…පෙ… පත්ථනං… කායිකං සුඛං…පෙ… සෙනාසනං උපනිස්සාය අප්පමාණං ඣානං උප්පාදෙති, මග්ගං උප්පාදෙති, ඵලසමාපත්තිං උප්පාදෙති. පරිත්තා සද්ධා…පෙ… සෙනාසනං අප්පමාණාය සද්ධාය…පෙ… පඤ්ඤාය, මග්ගස්ස ඵලසමාපත්තියා උපනිස්සයපච්චයෙන පච්චයො. පඨමස්ස ¶ මග්ගස්ස පරිකම්මං පඨමස්ස මග්ගස්ස…පෙ… චතුත්ථස්ස මග්ගස්ස පරිකම්මං චතුත්ථස්ස මග්ගස්ස උපනිස්සයපච්චයෙන පච්චයො. (3)

73. මහග්ගතො ධම්මො මහග්ගතස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – මහග්ගතං සද්ධං උපනිස්සාය මහග්ගතං ඣානං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති. මහග්ගතං සීලං…පෙ… පඤ්ඤං උපනිස්සාය මහග්ගතං ඣානං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති. මහග්ගතා සද්ධා…පෙ… පඤ්ඤා මහග්ගතාය සද්ධාය…පෙ… පඤ්ඤාය උපනිස්සයපච්චයෙන පච්චයො. පඨමං ඣානං දුතියස්ස ඣානස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස උපනිස්සයපච්චයෙන පච්චයො. (1)

මහග්ගතො ධම්මො පරිත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – මහග්ගතං සද්ධං උපනිස්සාය දානං දෙති, සීලං සමාදියති, උපොසථකම්මං කරොති, විපස්සනං උප්පාදෙති, මානං ජප්පෙති, දිට්ඨිං ගණ්හාති, මහග්ගතං සීලං…පෙ… පඤ්ඤං උපනිස්සාය දානං දෙති…පෙ… විපස්සනං උප්පාදෙති…පෙ… මහග්ගතා සද්ධා…පෙ… පඤ්ඤා පරිත්තාය සද්ධාය…පෙ… පඤ්ඤාය…පෙ… කායිකස්ස සුඛස්ස, කායිකස්ස දුක්ඛස්ස උපනිස්සයපච්චයෙන පච්චයො. (2)

මහග්ගතො ¶ ධම්මො අප්පමාණස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – මහග්ගතං සද්ධං උපනිස්සාය අප්පමාණං ඣානං උප්පාදෙති, මග්ගං උප්පාදෙති, ඵලසමාපත්තිං උප්පාදෙති ¶ . මහග්ගතං සීලං…පෙ… පඤ්ඤං උපනිස්සාය අප්පමාණං ඣානං උප්පාදෙති, මග්ගං උප්පාදෙති, ඵලසමාපත්තිං උප්පාදෙති. මහග්ගතා සද්ධා…පෙ… පඤ්ඤා අප්පමාණාය සද්ධාය…පෙ… පඤ්ඤාය මග්ගස්ස ඵලසමාපත්තියා උපනිස්සයපච්චයෙන පච්චයො. (3)

74. අප්පමාණො ¶ ධම්මො අප්පමාණස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අප්පමාණං සද්ධං උපනිස්සාය අප්පමාණං ඣානං උප්පාදෙති, මග්ගං උප්පාදෙති, ඵලසමාපත්තිං උප්පාදෙති. අප්පමාණං සීලං…පෙ… පඤ්ඤං උපනිස්සාය අප්පමාණං ඣානං උප්පාදෙති, මග්ගං උප්පාදෙති, ඵලසමාපත්තිං උප්පාදෙති. අප්පමාණා සද්ධා…පෙ… පඤ්ඤා අප්පමාණාය සද්ධාය…පෙ… පඤ්ඤාය උපනිස්සයපච්චයෙන පච්චයො. පඨමො මග්ගො දුතියස්ස මග්ගස්ස…පෙ… තතියො මග්ගො චතුත්ථස්ස මග්ගස්ස… මග්ගො ඵලසමාපත්තියා උපනිස්සයපච්චයෙන පච්චයො. (1)

අප්පමාණො ධම්මො පරිත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අප්පමාණං සද්ධං උපනිස්සාය දානං දෙති, සීලං…පෙ… උපොසථකම්මං… විපස්සනං උප්පාදෙති. අප්පමාණං සීලං…පෙ… පඤ්ඤං උපනිස්සාය දානං දෙති, සීලං…පෙ… උපොසථකම්මං… විපස්සනං… අප්පමාණා සද්ධා…පෙ… පඤ්ඤා පරිත්තාය සද්ධාය…පෙ… පඤ්ඤාය…පෙ… කායිකස්ස සුඛස්ස, කායිකස්ස දුක්ඛස්ස උපනිස්සයපච්චයෙන පච්චයො. ඵලසමාපත්ති කායිකස්ස සුඛස්ස උපනිස්සයපච්චයෙන පච්චයො. අරියා මග්ගං උපනිස්සාය ¶ සඞ්ඛාරෙ අනිච්චතො…පෙ… විපස්සන්ති, මග්ගො අරියානං අත්ථප්පටිසම්භිදාය…පෙ… පටිභානප්පටිසම්භිදාය… ඨානාඨානකොසල්ලස්ස උපනිස්සයපච්චයෙන පච්චයො. (2)

අප්පමාණො ධම්මො මහග්ගතස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – අප්පමාණං සද්ධං උපනිස්සාය මහග්ගතං ඣානං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති, අප්පමාණං සීලං…පෙ… පඤ්ඤං උපනිස්සාය ¶ මහග්ගතං ඣානං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති. අප්පමාණා සද්ධා…පෙ… පඤ්ඤා මහග්ගතාය සද්ධාය…පෙ… පඤ්ඤාය උපනිස්සයපච්චයෙන පච්චයො, අරියා මග්ගං උපනිස්සාය අනුප්පන්නං සමාපත්තිං උප්පාදෙන්ති, උප්පන්නං සමාපජ්ජන්ති. (3)

75. පරිත්තො ධම්මො පරිත්තස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං අනිච්චතො…පෙ… ¶ විපස්සති අස්සාදෙති අභිනන්දති; තං ආරබ්භ රාගො උප්පජ්ජති…පෙ… දොමනස්සං උප්පජ්ජති. සොතං…පෙ… වත්ථුං අනිච්චතො…පෙ… දොමනස්සං උප්පජ්ජති. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස… වත්ථු පරිත්තානං ඛන්ධානං පුරෙජාතපච්චයෙන පච්චයො. (1)

පරිත්තො ධම්මො මහග්ගතස්ස ධම්මස්ස පුරෙජාතපච්චයෙන පච්චයො ¶ – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. වත්ථුපුරෙජාතං – වත්ථු මහග්ගතානං ඛන්ධානං පුරෙජාතපච්චයෙන පච්චයො. (2)

පරිත්තො ධම්මො අප්පමාණස්ස ධම්මස්ස පුරෙජාතපච්චයෙන පච්චයො. වත්ථුපුරෙජාතං – වත්ථු අප්පමාණානං ඛන්ධානං පුරෙජාතපච්චයෙන පච්චයො. (3)

76. පරිත්තො ධම්මො පරිත්තස්ස ධම්මස්ස පච්ඡාජාතපච්චයෙන පච්චයො – පච්ඡාජාතා පරිත්තා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

මහග්ගතො ධම්මො පරිත්තස්ස ධම්මස්ස පච්ඡාජාතපච්චයෙන පච්චයො – පච්ඡාජාතා මහග්ගතා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

අප්පමාණො ¶ ධම්මො පරිත්තස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අප්පමාණා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

77. පරිත්තො ධම්මො පරිත්තස්ස ධම්මස්ස ආසෙවනපච්චයෙන පච්චයො – පුරිමා පුරිමා පරිත්තා ඛන්ධා පච්ඡිමානං පච්ඡිමානං පරිත්තානං ඛන්ධානං…පෙ… අනුලොමං ගොත්රභුස්ස, අනුලොමං වොදානස්ස ආසෙවනපච්චයෙන පච්චයො. (1)

පරිත්තො ¶ ධම්මො මහග්ගතස්ස ධම්මස්ස ආසෙවනපච්චයෙන පච්චයො – පඨමස්ස ඣානස්ස පරිකම්මං තස්සෙව [පඨමස්ස ඣානස්ස (?)] ආසෙවනපච්චයෙන පච්චයො…පෙ… නෙවසඤ්ඤානාසඤ්ඤායතනස්ස පරිකම්මං තස්සෙව [නෙවසඤ්ඤානාසඤ්ඤායතනස්ස (?) අඤ්ඤෙසු තිකෙසු ඔලොකෙතබ්බං] ආසෙවනපච්චයෙන ¶ පච්චයො. දිබ්බස්ස චක්ඛුස්ස පරිකම්මං…පෙ… අනාගතංසඤාණස්ස පරිකම්මං අනාගතංසඤාණස්ස ආසෙවනපච්චයෙන පච්චයො. (2)

පරිත්තො ධම්මො අප්පමාණස්ස ධම්මස්ස ආසෙවනපච්චයෙන පච්චයො – ගොත්රභු මග්ගස්ස… වොදානං මග්ගස්ස ආසෙවනපච්චයෙන පච්චයො. (3)

මහග්ගතො ධම්මො මහග්ගතස්ස ධම්මස්ස ආසෙවනපච්චයෙන පච්චයො – පුරිමා පුරිමා මහග්ගතා ඛන්ධා පච්ඡිමානං පච්ඡිමානං මහග්ගතානං ඛන්ධානං…පෙ… ආසෙවනපච්චයෙන පච්චයො. (1)

78. පරිත්තො ධම්මො පරිත්තස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – පරිත්තා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. පටිසන්ධික්ඛණෙ පරිත්තා චෙතනා සම්පයුත්තකානං ඛන්ධානං කටත්තා ච රූපානං කම්මපච්චයෙන පච්චයො. නානාක්ඛණිකා – පරිත්තා චෙතනා විපාකානං පරිත්තානං ඛන්ධානං කටත්තා ච රූපානං කම්මපච්චයෙන පච්චයො. (1)

මහග්ගතො ¶ ධම්මො මහග්ගතස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – මහග්ගතා චෙතනා සම්පයුත්තකානං ඛන්ධානං කම්මපච්චයෙන පච්චයො. පටිසන්ධික්ඛණෙ මහග්ගතා චෙතනා සම්පයුත්තකානං ඛන්ධානං කම්මපච්චයෙන පච්චයො. නානාක්ඛණිකා – මහග්ගතා චෙතනා විපාකානං මහග්ගතානං ඛන්ධානං කම්මපච්චයෙන ¶ පච්චයො. (1)

මහග්ගතො ධම්මො පරිත්තස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – මහග්ගතා චෙතනා චිත්තසමුට්ඨානානං රූපානං කම්මපච්චයෙන පච්චයො. පටිසන්ධික්ඛණෙ මහග්ගතා චෙතනා කටත්තාරූපානං කම්මපච්චයෙන පච්චයො. නානාක්ඛණිකා – මහග්ගතා චෙතනා කටත්තාරූපානං කම්මපච්චයෙන පච්චයො. (2)

මහග්ගතො ¶ ධම්මො පරිත්තස්ස ච මහග්ගතස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – මහග්ගතා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. පටිසන්ධික්ඛණෙ මහග්ගතා චෙතනා සම්පයුත්තකානං ඛන්ධානං කටත්තා ච රූපානං කම්මපච්චයෙන පච්චයො. නානාක්ඛණිකා – මහග්ගතා චෙතනා විපාකානං මහග්ගතානං ඛන්ධානං කටත්තා ච රූපානං කම්මපච්චයෙන පච්චයො. (3)

79. අප්පමාණො ධම්මො අප්පමාණස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අප්පමාණා චෙතනා සම්පයුත්තකානං ඛන්ධානං කම්මපච්චයෙන පච්චයො. නානාක්ඛණිකා – අප්පමාණා චෙතනා විපාකානං අප්පමාණානං ඛන්ධානං කම්මපච්චයෙන පච්චයො. (1)

අප්පමාණො ධම්මො පරිත්තස්ස ධම්මස්ස කම්මපච්චයෙන පච්චයො – අප්පමාණා චෙතනා චිත්තසමුට්ඨානානං රූපානං කම්මපච්චයෙන පච්චයො ¶ . (2)

අප්පමාණො ධම්මො පරිත්තස්ස ච අප්පමාණස්ස ච ධම්මස්ස කම්මපච්චයෙන පච්චයො – අප්පමාණා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (3)

80. පරිත්තො ¶ ධම්මො පරිත්තස්ස ධම්මස්ස විපාකපච්චයෙන පච්චයො – විපාකො පරිත්තො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො…පෙ… පටිසන්ධික්ඛණෙ…පෙ… ඛන්ධා වත්ථුස්ස විපාකපච්චයෙන පච්චයො. (1)

මහග්ගතො ධම්මො මහග්ගතස්ස ධම්මස්ස විපාකපච්චයෙන පච්චයො…පෙ… (තිස්සො පඤ්හා, පවත්තිපටිසන්ධි කාතබ්බා). (3)

අප්පමාණො ධම්මො අප්පමාණස්ස ධම්මස්ස විපාකපච්චයෙන පච්චයො… තීණි (පවත්තිමෙව).

81. පරිත්තො ධම්මො පරිත්තස්ස ධම්මස්ස ආහාරපච්චයෙන පච්චයො…පෙ… ඉන්ද්රියපච්චයෙන පච්චයො… ඣානපච්චයෙන පච්චයො… මග්ගපච්චයෙන පච්චයො… සම්පයුත්තපච්චයෙන ¶ පච්චයො… විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – පරිත්තා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පටිසන්ධික්ඛණෙ පරිත්තා ඛන්ධා කටත්තාරූපානං විප්පයුත්තපච්චයෙන පච්චයො. ඛන්ධා වත්ථුස්ස…පෙ… වත්ථු ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස විප්පයුත්තපච්චයෙන පච්චයො…පෙ… කායායතනං ¶ කායවිඤ්ඤාණස්ස විප්පයුත්තපච්චයෙන පච්චයො. වත්ථු පරිත්තානං ඛන්ධානං විප්පයුත්තපච්චයෙන පච්චයො. පච්ඡාජාතා – පරිත්තා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

පරිත්තො ධම්මො මහග්ගතස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු මහග්ගතානං ඛන්ධානං විප්පයුත්තපච්චයෙන පච්චයො. පුරෙජාතං – වත්ථු මහග්ගතානං ඛන්ධානං විප්පයුත්තපච්චයෙන පච්චයො. (2)

පරිත්තො ¶ ධම්මො අප්පමාණස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු අප්පමාණානං ඛන්ධානං විප්පයුත්තපච්චයෙන පච්චයො. (3)

82. මහග්ගතො ධම්මො පරිත්තස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – මහග්ගතා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පටිසන්ධික්ඛණෙ…පෙ… පච්ඡාජාතා – මහග්ගතා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

අප්පමාණො ධම්මො පරිත්තස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – අප්පමාණා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – අප්පමාණා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො ¶ . (1)

83. පරිත්තො ධම්මො පරිත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතො – පරිත්තො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ… ඛන්ධා වත්ථුස්ස අත්ථිපච්චයෙන ¶ පච්චයො. වත්ථු ඛන්ධානං අත්ථිපච්චයෙන පච්චයො; එකං මහාභූතං…පෙ… අසඤ්ඤසත්තානං…පෙ…. පුරෙජාතං – චක්ඛුං…පෙ… වත්ථුං අනිච්චතො…පෙ… විපස්සති අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස අත්ථිපච්චයෙන පච්චයො. චක්ඛායතනං චක්ඛුවිඤ්ඤාණස්ස අත්ථිපච්චයෙන පච්චයො…පෙ… කායායතනං කායවිඤ්ඤාණස්ස…පෙ… වත්ථු පරිත්තානං ඛන්ධානං අත්ථිපච්චයෙන පච්චයො. පච්ඡාජාතා – පරිත්තා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. කබළීකාරො ආහාරො ඉමස්ස කායස්ස අත්ථිපච්චයෙන පච්චයො. රූපජීවිතින්ද්රියං කටත්තාරූපානං අත්ථිපච්චයෙන පච්චයො. (1)

පරිත්තො ධම්මො මහග්ගතස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතං ¶ – පටිසන්ධික්ඛණෙ වත්ථු මහග්ගතානං ඛන්ධානං අත්ථිපච්චයෙන පච්චයො. පුරෙජාතං – දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, වත්ථු මහග්ගතානං ඛන්ධානං ¶ අත්ථිපච්චයෙන පච්චයො. (2)

පරිත්තො ධම්මො අප්පමාණස්ස ධම්මස්ස අත්ථිපච්චයෙන පච්චයො. පුරෙජාතං – වත්ථු අප්පමාණානං ඛන්ධානං අත්ථිපච්චයෙන පච්චයො. (3)

84. මහග්ගතො ධම්මො මහග්ගතස්ස ධම්මස්ස අත්ථිපච්චයෙන පච්චයො. මහග්ගතො එකො ඛන්ධො තිණ්ණන්නං ඛන්ධානං…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (1)

මහග්ගතො ධම්මො පරිත්තස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – මහග්ගතා ඛන්ධා චිත්තසමුට්ඨානානං රූපානං අත්ථිපච්චයෙන පච්චයො. පටිසන්ධික්ඛණෙ මහග්ගතා ඛන්ධා කටත්තාරූපානං අත්ථිපච්චයෙන පච්චයො. පච්ඡාජාතා – මහග්ගතා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. (2)

මහග්ගතො ධම්මො පරිත්තස්ස ච මහග්ගතස්ස ච ධම්මස්ස අත්ථිපච්චයෙන පච්චයො – මහග්ගතො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (3)

85. අප්පමාණො ¶ ධම්මො අප්පමාණස්ස ධම්මස්ස අත්ථිපච්චයෙන පච්චයො – අප්පමාණො එකො ඛන්ධො තිණ්ණන්නං ඛන්ධානං…පෙ…. (1)

අප්පමාණො ධම්මො පරිත්තස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – අප්පමාණා ඛන්ධා චිත්තසමුට්ඨානානං ¶ රූපානං අත්ථිපච්චයෙන පච්චයො. පච්ඡාජාතා – අප්පමාණා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. (2)

අප්පමාණො ධම්මො පරිත්තස්ස ච අප්පමාණස්ස ච ධම්මස්ස අත්ථිපච්චයෙන පච්චයො – අප්පමාණො ¶ එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ…. (3)

86. පරිත්තො ච අප්පමාණො ච ධම්මා පරිත්තස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතා – අප්පමාණා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. පච්ඡාජාතා – අප්පමාණා ඛන්ධා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – අප්පමාණා ඛන්ධා ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (1)

පරිත්තො ච අප්පමාණො ච ධම්මා අප්පමාණස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – අප්පමාණො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා…පෙ…. (2)

පරිත්තො ච මහග්ගතො ච ධම්මා පරිත්තස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතා – මහග්ගතා ඛන්ධා ච මහාභූතා ච චිත්තසමුට්ඨානානං රූපානං ¶ අත්ථිපච්චයෙන පච්චයො. පටිසන්ධික්ඛණෙ මහග්ගතා ඛන්ධා ච මහාභූතා ච කටත්තාරූපානං අත්ථිපච්චයෙන පච්චයො. පච්ඡාජාතා – මහග්ගතා ඛන්ධා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – මහග්ගතා ඛන්ධා ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (1)

පරිත්තො ච මහග්ගතො ච ධම්මා මහග්ගතස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – මහග්ගතො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ ¶ මහග්ගතො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච වත්ථු ච…පෙ… නත්ථිපච්චයෙන පච්චයො… විගතපච්චයෙන පච්චයො… අවිගතපච්චයෙන පච්චයො. (2)

87. හෙතුයා ¶ සත්ත, ආරම්මණෙ සත්ත, අධිපතියා සත්ත, අනන්තරෙ නව, සමනන්තරෙ නව, සහජාතෙ එකාදස, අඤ්ඤමඤ්ඤෙ සත්ත, නිස්සයෙ තෙරස, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ චත්තාරි, කම්මෙ සත්ත, විපාකෙ ආහාරෙ ඉන්ද්රියෙ ඣානෙ මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා නව, විගතෙ නව, අවිගතෙ තෙරස (එවං ගණෙතබ්බං).

88. පරිත්තො ¶ ධම්මො පරිත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

පරිත්තො ධම්මො මහග්ගතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

පරිත්තො ධම්මො අප්පමාණස්ස ධම්මස්ස උපනිස්සයපච්චයෙන පච්චයො… පුරෙජාතපච්චයෙන පච්චයො. (3)

මහග්ගතො ධම්මො මහග්ගතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

මහග්ගතො ධම්මො පරිත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො ¶ … උපනිස්සයපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (2)

මහග්ගතො ¶ ධම්මො අප්පමාණස්ස ධම්මස්ස උපනිස්සයපච්චයෙන පච්චයො. (3)

මහග්ගතො ධම්මො පරිත්තස්ස ච මහග්ගතස්ස ච ධම්මස්ස සහජාතපච්චයෙන පච්චයො… කම්මපච්චයෙන පච්චයො. (4)

89. අප්පමාණො ¶ ධම්මො අප්පමාණස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. (1)

අප්පමාණො ධම්මො පරිත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (2)

අප්පමාණො ධම්මො මහග්ගතස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (3)

අප්පමාණො ධම්මො පරිත්තස්ස ච අප්පමාණස්ස ච ධම්මස්ස සහජාතපච්චයෙන පච්චයො. (4)

පරිත්තො ච අප්පමාණො ච ධම්මා පරිත්තස්ස ධම්මස්ස සහජාතං, පච්ඡාජාතං, ආහාරං, ඉන්ද්රියං. (1)

පරිත්තො ච අප්පමාණො ච ධම්මා අප්පමාණස්ස ධම්මස්ස සහජාතං, පුරෙජාතං. (2)

පරිත්තො ච මහග්ගතො ච ධම්මා පරිත්තස්ස ධම්මස්ස සහජාතං, පච්ඡාජාතං, ආහාරං, ඉන්ද්රියං. (1)

පරිත්තො ච මහග්ගතො ච ධම්මා මහග්ගතස්ස ධම්මස්ස සහජාතං, පුරෙජාතං. (2)

90. නහෙතුයා ¶ පන්නරස, නආරම්මණෙ පන්නරස, නඅධිපතියා නඅනන්තරෙ නසමනන්තරෙ පන්නරස, නසහජාතෙ ද්වාදස, නඅඤ්ඤමඤ්ඤෙ ද්වාදස, නනිස්සයෙ ද්වාදස, නඋපනිස්සයෙ චුද්දස, නපුරෙජාතෙ ¶ චුද්දස, නපච්ඡාජාතෙ පන්නරස, නආසෙවනෙ පන්නරස…පෙ… නමග්ගෙ පන්නරස, නසම්පයුත්තෙ ද්වාදස, නවිප්පයුත්තෙ දස, නොඅත්ථියා දස, නොනත්ථියා පන්නරස, නොවිගතෙ පන්නරස, නොඅවිගතෙ දස (එවං ගණෙතබ්බං).

91. හෙතුපච්චයා ¶ නආරම්මණෙ සත්ත, නඅධිපතියා නඅනන්තරෙ නසමනන්තරෙ සත්ත, නඅඤ්ඤමඤ්ඤෙ තීණි, නඋපනිස්සයෙ සත්ත, නපුරෙජාතෙ සත්ත…පෙ… නමග්ගෙ සත්ත, නසම්පයුත්තෙ තීණි, නවිප්පයුත්තෙ තීණි, නොනත්ථියා සත්ත, නොවිගතෙ සත්ත (එවං ගණෙතබ්බං).

92. නහෙතුපච්චයා ආරම්මණෙ සත්ත, අධිපතියා සත්ත, අනන්තරෙ නව, සමනන්තරෙ නව, සහජාතෙ එකාදස, අඤ්ඤමඤ්ඤෙ සත්ත, නිස්සයෙ තෙරස, උපනිස්සයෙ නව, පුරෙජාතෙ තීණි, පච්ඡාජාතෙ ¶ තීණි, ආසෙවනෙ චත්තාරි, කම්මෙ සත්ත…පෙ… මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා නව, විගතෙ නව, අවිගතෙ තෙරස.