📜

14. හීනත්තිකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

1. හීනං ¶ ¶ ¶ ධම්මං පටිච්ච හීනො ධම්මො උප්පජ්ජති හෙතුපච්චයා – හීනං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

හීනං ධම්මං පටිච්ච මජ්ඣිමො ධම්මො උප්පජ්ජති හෙතුපච්චයා – හීනෙ ඛන්ධෙ පටිච්ච චිත්තසමුට්ඨානං රූපං. (2)

හීනං ධම්මං පටිච්ච හීනො ච මජ්ඣිමො ච ධම්මා උප්පජ්ජන්ති හෙතුපච්චයා – හීනං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

2. මජ්ඣිමං ධම්මං පටිච්ච මජ්ඣිමො ධම්මො උප්පජ්ජති හෙතුපච්චයා – මජ්ඣිමං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

3. පණීතං ¶ ධම්මං පටිච්ච පණීතො ධම්මො උප්පජ්ජති හෙතුපච්චයා… තීණි.

4. මජ්ඣිමඤ්ච පණීතඤ්ච ධම්මං පටිච්ච මජ්ඣිමො ධම්මො උප්පජ්ජති හෙතුපච්චයා – පණීතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

5. හීනඤ්ච මජ්ඣිමඤ්ච ධම්මං පටිච්ච මජ්ඣිමො ධම්මො උප්පජ්ජති හෙතුපච්චයා ¶ – හීනෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

(හීනත්තිකං සංකිලිට්ඨත්තිකසදිසං විත්ථාරෙතබ්බං පරිපුණ්ණං.)

හීනත්තිකං නිට්ඨිතං.