මූල > අභිධම්මපිටක > පට්ඨානපාළි-3

1. ආසවං ¶ ¶ ධම්මං පටිච්ච ආසවො ධම්මො උප්පජ්ජති හෙතුපච්චයා – කාමාසවං පටිච්ච දිට්ඨාසවො අවිජ්ජාසවො, දිට්ඨාසවං පටිච්ච ¶ කාමාසවො අවිජ්ජාසවො, අවිජ්ජාසවං පටිච්ච කාමාසවො දිට්ඨාසවො, භවාසවං පටිච්ච අවිජ්ජාසවො, දිට්ඨාසවං පටිච්ච අවිජ්ජාසවො (එකෙකම්පි චක්කං කාතබ්බං). (1)

ආසවං ධම්මං පටිච්ච නොආසවො ධම්මො උප්පජ්ජති හෙතුපච්චයා – ආසවං පටිච්ච ආසවසම්පයුත්තකා ඛන්ධා චිත්තසමුට්ඨානඤ්ච රූපං. (2)

ආසවං ධම්මං පටිච්ච ආසවො ච නොආසවො ච ධම්මා උප්පජ්ජන්ති හෙතුපච්චයා – කාමාසවං පටිච්ච දිට්ඨාසවො අවිජ්ජාසවො සම්පයුත්තකා ච ඛන්ධා චිත්තසමුට්ඨානඤ්ච රූපං (චක්කං). (3)

2. නොආසවං ¶ ධම්මං පටිච්ච නොආසවො ධම්මො උප්පජ්ජති හෙතුපච්චයා – නොආසවං එකං ඛන්ධං පටිච්ච තයො ඛන්ධා චිත්තසමුට්ඨානං රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

නොආසවං ධම්මං පටිච්ච ආසවො ධම්මො උප්පජ්ජති හෙතුපච්චයා – නොආසවෙ ඛන්ධෙ පටිච්ච ආසවා. (2)

නොආසවං ධම්මං පටිච්ච ආසවො ච නොආසවො ච ධම්මා උප්පජ්ජන්ති හෙතුපච්චයා – නොආසවං එකං ඛන්ධං පටිච්ච තයො ඛන්ධා ආසවා ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

3. ආසවඤ්ච නොආසවඤ්ච ධම්මං පටිච්ච ආසවො ධම්මො උප්පජ්ජති හෙතුපච්චයා – කාමාසවඤ්ච සම්පයුත්තකෙ ච ඛන්ධෙ පටිච්ච දිට්ඨාසවො අවිජ්ජාසවො (චක්කං බන්ධිතබ්බං). (1)

ආසවඤ්ච ¶ නොආසවඤ්ච ධම්මං පටිච්ච නොආසවො ධම්මො උප්පජ්ජති හෙතුපච්චයා – නොආසවං එකං ඛන්ධඤ්ච ¶ ආසවෙ ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (2)

ආසවඤ්ච නොආසවඤ්ච ධම්මං පටිච්ච ආසවො ච නොආසවො ච ධම්මා උප්පජ්ජන්ති හෙතුපච්චයා – නොආසවං එකං ඛන්ධඤ්ච කාමාසවඤ්ච පටිච්ච තයො ඛන්ධා දිට්ඨාසවො අවිජ්ජාසවො චිත්තසමුට්ඨානඤ්ච රූපං…පෙ… ද්වෙ ඛන්ධෙ ච…පෙ… (චක්කං. සංඛිත්තං). (3)

4. හෙතුයා නව, ආරම්මණෙ නව (සබ්බත්ථ නව), විපාකෙ එකං, ආහාරෙ නව…පෙ… අවිගතෙ නව.

5. නොආසවං ¶ ධම්මං පටිච්ච නොආසවො ධම්මො උප්පජ්ජති නහෙතුපච්චයා – අහෙතුකං නොආසවං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ… (යාව අසඤ්ඤසත්තා). (1)

නොආසවං ධම්මං පටිච්ච ආසවො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (2)

6. ආසවං ධම්මං පටිච්ච නොආසවො ධම්මො උප්පජ්ජති නආරම්මණපච්චයා – ආසවෙ පටිච්ච චිත්තසමුට්ඨානං රූපං. (1)

නොආසවං ¶ ධම්මං පටිච්ච නොආසවො ධම්මො උප්පජ්ජති නආරම්මණපච්චයා – නොආසවෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… ඛන්ධෙ පටිච්ච වත්ථු, එකං මහාභූතං…පෙ… (යාව අසඤ්ඤසත්තා) ¶ . (1)

ආසවඤ්ච නොආසවඤ්ච ධම්මං පටිච්ච නොආසවො ධම්මො උප්පජ්ජති නආරම්මණපච්චයා – ආසවෙ ච සම්පයුත්තකෙ ච ඛන්ධෙ පටිච්ච චිත්තසමුට්ඨානං රූපං (සංඛිත්තං). (1)

7. නහෙතුයා ¶ ද්වෙ, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ නව, නොනත්ථියා තීණි, නොවිගතෙ තීණි.

8. හෙතුපච්චයා නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නසම්පයුත්තෙ තීණි, නවිප්පයුත්තෙ නව, නොනත්ථියා තීණි, නොවිගතෙ තීණි.

9. නහෙතුපච්චයා ¶ ¶ ආරම්මණෙ ද්වෙ, අනන්තරෙ ද්වෙ…පෙ… විපාකෙ එකං…පෙ… මග්ගෙ එකං…පෙ… අවිගතෙ ද්වෙ.

10. ආසවං ¶ ධම්මං පච්චයා ආසවො ධම්මො උප්පජ්ජති හෙතුපච්චයා (ආසවමූලකං තීණි, පටිච්චසදිසා).

නොආසවං ධම්මං පච්චයා නොආසවො ධම්මො උප්පජ්ජති හෙතුපච්චයා – නොආසවං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා, මහාභූතෙ පච්චයා චිත්තසමුට්ඨානං රූපං කටත්තාරූපං උපාදාරූපං, වත්ථුං පච්චයා නොආසවා ඛන්ධා. (1)

නොආසවං ¶ ධම්මං පච්චයා ආසවො ධම්මො උප්පජ්ජති හෙතුපච්චයා – නොආසවෙ ඛන්ධෙ පච්චයා ආසවා, වත්ථුං පච්චයා ආසවා. (2)

නොආසවං ධම්මං පච්චයා ආසවො ච නොආසවො ච ධම්මා උප්පජ්ජන්ති හෙතුපච්චයා – නොආසවං එකං ඛන්ධං පච්චයා තයො ඛන්ධා ආසවා ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… වත්ථුං පච්චයා ආසවා සම්පයුත්තකා ච ඛන්ධා. (3)

11. ආසවඤ්ච නොආසවඤ්ච ධම්මං පච්චයා ආසවො ධම්මො උප්පජ්ජති හෙතුපච්චයා – කාමාසවඤ්ච සම්පයුත්තකෙ ච ඛන්ධෙ පච්චයා දිට්ඨාසවො අවිජ්ජාසවො ¶ (චක්කං). කාමාසවඤ්ච වත්ථුඤ්ච පච්චයා දිට්ඨාසවො අවිජ්ජාසවො (චක්කං). (1)

ආසවඤ්ච නොආසවඤ්ච ධම්මං පච්චයා නොආසවො ධම්මො උප්පජ්ජති හෙතුපච්චයා – නොආසවං එකං ඛන්ධඤ්ච ආසවෙ ච පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… ආසවඤ්ච වත්ථුඤ්ච පච්චයා ¶ නොආසවා ඛන්ධා. (2)

ආසවඤ්ච නොආසවඤ්ච ධම්මං පච්චයා ආසවො ච නොආසවො ච ධම්මා උප්පජ්ජන්ති හෙතුපච්චයා – නොආසවං එකං ඛන්ධඤ්ච කාමාසවඤ්ච පච්චයා තයො ඛන්ධා දිට්ඨාසවො අවිජ්ජාසවො චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… (චක්කං). කාමාසවඤ්ච වත්ථුඤ්ච පච්චයා දිට්ඨාසවො අවිජ්ජාසවො සම්පයුත්තකා ච ඛන්ධා (චක්කං. සංඛිත්තං). (3)

12. හෙතුයා නව, ආරම්මණෙ නව, අධිපතියා නව…පෙ… විපාකෙ එකං…පෙ… අවිගතෙ නව.

13. නොආසවං ¶ ධම්මං පච්චයා නොආසවො ධම්මො උප්පජ්ජති නහෙතුපච්චයා – අහෙතුකං නොආසවං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… (යාව අසඤ්ඤසත්තා) චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං… වත්ථුං පච්චයා අහෙතුකා නොආසවා ඛන්ධා. (1)

නොආසවං ධම්මං පච්චයා ආසවො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (2)

14. නහෙතුයා ¶ ද්වෙ, නආරම්මණෙ තීණි, නඅධිපතියා නව…පෙ… නකම්මෙ තීණි…පෙ… නවිප්පයුත්තෙ නව, නොනත්ථියා තීණි, නොවිගතෙ තීණි (එවං සබ්බෙ ගණනා ගණෙතබ්බා).

15. ආසවං ¶ ¶ ධම්මං සංසට්ඨො ආසවො ධම්මො උප්පජ්ජති හෙතුපච්චයා – කාමාසවං සංසට්ඨො දිට්ඨාසවො අවිජ්ජාසවො (චක්කං. සංඛිත්තං).

හෙතුයා නව, ආරම්මණෙ නව (සබ්බත්ථ නව), විපාකෙ එකං…පෙ… අවිගතෙ නව.

නහෙතුයා ද්වෙ, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නඣානෙ එකං, නමග්ගෙ එකං, නවිප්පයුත්තෙ නව.

(ගණනාපි සම්පයුත්තවාරොපි සංසට්ඨවාරසදිසො.)

16. ආසවො ධම්මො ආසවස්ස ධම්මස්ස හෙතුපච්චයෙන පච්චයො – කාමාසවො දිට්ඨාසවස්ස අවිජ්ජාසවස්ස හෙතුපච්චයෙන පච්චයො; භවාසවො අවිජ්ජාසවස්ස හෙතුපච්චයෙන පච්චයො (චක්කං). (1)

ආසවො ¶ ධම්මො නොආසවස්ස ධම්මස්ස හෙතුපච්චයෙන පච්චයො – ආසවා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (2)

ආසවො ¶ ධම්මො ආසවස්ස ච නොආසවස්ස ච ධම්මස්ස හෙතුපච්චයෙන පච්චයො – කාමාසවො දිට්ඨාසවස්ස අවිජ්ජාසවස්ස සම්පයුත්තකානඤ්ච ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො ¶ . (3)

17. නොආසවො ධම්මො නොආසවස්ස ධම්මස්ස හෙතුපච්චයෙන පච්චයො – නොආසවා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

නොආසවො ධම්මො ආසවස්ස ධම්මස්ස හෙතුපච්චයෙන පච්චයො – නොආසවා හෙතූ සම්පයුත්තකානං ආසවානං හෙතුපච්චයෙන පච්චයො. (2)

නොආසවො ධම්මො ආසවස්ස ච නොආසවස්ස ච ධම්මස්ස හෙතුපච්චයෙන පච්චයො – නොආසවා හෙතූ සම්පයුත්තකානං ඛන්ධානං ආසවානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

ආසවො ච නොආසවො ච ධම්මා නොආසවස්ස ධම්මස්ස හෙතුපච්චයෙන පච්චයො – ආසවා ච නොආසවා ච හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (1)

18. ආසවො ධම්මො ආසවස්ස ධම්මස්ස ආරම්මණපච්චයෙන පච්චයො – ආසවෙ ආරබ්භ ආසවා උප්පජ්ජන්ති. (1)

ආසවො ¶ ධම්මො නොආසවස්ස ධම්මස්ස ආරම්මණපච්චයෙන පච්චයො – ආසවෙ ආරබ්භ නොආසවා ඛන්ධා උප්පජ්ජන්ති. (2)

ආසවො ධම්මො ආසවස්ස ච නොආසවස්ස ච ධම්මස්ස ආරම්මණපච්චයෙන පච්චයො – ආසවෙ ආරබ්භ ආසවා ච සම්පයුත්තකා ච ඛන්ධා උප්පජ්ජන්ති. (3)

19. නොආසවො ධම්මො නොආසවස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං…පෙ… පුබ්බෙ…පෙ… ඣානා…පෙ… අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති, නිබ්බානං පච්චවෙක්ඛන්ති; නිබ්බානං ¶ ගොත්රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො; අරියා නොආසවෙ පහීනෙ කිලෙසෙ…පෙ… වික්ඛම්භිතෙ ¶ කිලෙසෙ…පෙ… පුබ්බෙ සමුදාචිණ්ණෙ කිලෙසෙ ජානන්ති, චක්ඛුං…පෙ… වත්ථුං නොආසවෙ ඛන්ධෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙන නොආසවචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… නොආසවා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

නොආසවො ධම්මො ආසවස්ස ධම්මස්ස ආරම්මණපච්චයෙන පච්චයො – දානං දත්වා…පෙ… තං අස්සාදෙති අභිනන්දති, තං ආරබ්භ ආසවා උප්පජ්ජන්ති, සීලං…පෙ… උපොසථකම්මං…පෙ… පුබ්බෙ…පෙ… ඣානා…පෙ… චක්ඛුං…පෙ… වත්ථුං නොආසවෙ ඛන්ධෙ අස්සාදෙති අභිනන්දති, තං ආරබ්භ ආසවා උප්පජ්ජන්ති. (2)

නොආසවො ධම්මො ආසවස්ස ච නොආසවස්ස ච ධම්මස්ස ආරම්මණපච්චයෙන පච්චයො – දානං දත්වා…පෙ… (දුතියගමනං) නොආසවෙ ඛන්ධෙ අස්සාදෙති අභිනන්දති, තං ආරබ්භ ආසවා ච සම්පයුත්තකා ච ඛන්ධා උප්පජ්ජන්ති. (3)

20. ආසවො ¶ ච නොආසවො ච ධම්මා ආසවස්ස ධම්මස්ස ආරම්මණපච්චයෙන පච්චයො – ආසවෙ ච සම්පයුත්තකෙ ච ඛන්ධෙ ආරබ්භ ආසවා උප්පජ්ජන්ති. (1)

ආසවො ච නොආසවො ච ධම්මා නොආසවස්ස ධම්මස්ස ආරම්මණපච්චයෙන පච්චයො – ආසවෙ ච සම්පයුත්තකෙ ච ඛන්ධෙ ආරබ්භ නොආසවා ඛන්ධා උප්පජ්ජන්ති ¶ . (2)

ආසවො ච නොආසවො ච ධම්මා ආසවස්ස ච නොආසවස්ස ච ධම්මස්ස ආරම්මණපච්චයෙන පච්චයො – ආසවෙ ච සම්පයුත්තකෙ ච ඛන්ධෙ ආරබ්භ ආසවා ච සම්පයුත්තකා ච ඛන්ධා උප්පජ්ජන්ති. (3)

21. ආසවො ¶ ධම්මො ආසවස්ස ධම්මස්ස අධිපතිපච්චයෙන පච්චයො. ආරම්මණාධිපති – ආසවෙ ගරුං කත්වා ආසවා උප්පජ්ජන්ති (තීණි ආරම්මණසදිසා, ගරුකාරම්මණා කාතබ්බා).

නොආසවො ධම්මො නොආසවස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… සීලං…පෙ… උපොසථකම්මං…පෙ… පුබ්බෙ…පෙ… ඣානා…පෙ… අරියා මග්ගා…පෙ… ඵලං…පෙ… නිබ්බානං ගරුං…පෙ… නිබ්බානං ගොත්රභුස්ස, වොදානස්ස, මග්ගස්ස, ඵලස්ස අධිපතිපච්චයෙන පච්චයො; චක්ඛුං…පෙ… වත්ථුං නොආසවෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – නොආසවා අධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

නොආසවො ධම්මො ආසවස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… නොආසවෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා ආසවා ¶ උප්පජ්ජන්ති. සහජාතාධිපති – නොආසවා අධිපති සම්පයුත්තකානං ආසවානං අධිපතිපච්චයෙන පච්චයො. (2)

නොආසවො ¶ ධම්මො ආසවස්ස ච නොආසවස්ස ච ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… නොආසවෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – නොආසවා අධිපති සම්පයුත්තකානං ඛන්ධානං ආසවානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

ආසවො ච නොආසවො ච ධම්මා ආසවස්ස ධම්මස්ස අධිපතිපච්චයෙන පච්චයො. ආරම්මණාධිපති – ආසවෙ ච සම්පයුත්තකෙ ච ඛන්ධෙ ගරුං කත්වා අස්සාදෙති…පෙ… ආසවා උප්පජ්ජන්ති (තීණි, ගරුකාරම්මණා).

22. ආසවො ¶ ධම්මො ආසවස්ස ධම්මස්ස අනන්තරපච්චයෙන පච්චයො – පුරිමා පුරිමා ආසවා පච්ඡිමානං පච්ඡිමානං ආසවානං අනන්තරපච්චයෙන පච්චයො. (1)

ආසවො ධම්මො නොආසවස්ස ධම්මස්ස අනන්තරපච්චයෙන පච්චයො – පුරිමා පුරිමා ආසවා පච්ඡිමානං පච්ඡිමානං නොආසවානං ඛන්ධානං අනන්තරපච්චයෙන පච්චයො; ආසවා වුට්ඨානස්ස අනන්තරපච්චයෙන පච්චයො. (2)

ආසවො ධම්මො ආසවස්ස ච නොආසවස්ස ච ධම්මස්ස අනන්තරපච්චයෙන පච්චයො – පුරිමා පුරිමා ආසවා පච්ඡිමානං පච්ඡිමානං ආසවානං සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

23. නොආසවො ධම්මො නොආසවස්ස ධම්මස්ස අනන්තරපච්චයෙන ¶ පච්චයො – පුරිමා පුරිමා නොආසවා ඛන්ධා පච්ඡිමානං පච්ඡිමානං නොආසවානං ඛන්ධානං අනන්තරපච්චයෙන පච්චයො; අනුලොමං ගොත්රභුස්ස…පෙ… ඵලසමාපත්තියා අනන්තරපච්චයෙන පච්චයො. (1)

නොආසවො ධම්මො ආසවස්ස ධම්මස්ස අනන්තරපච්චයෙන පච්චයො – පුරිමා පුරිමා නොආසවා ¶ ඛන්ධා පච්ඡිමානං පච්ඡිමානං ආසවානං අනන්තරපච්චයෙන පච්චයො; ආවජ්ජනා ආසවානං අනන්තරපච්චයෙන පච්චයො. (2)

නොආසවො ධම්මො ආසවස්ස ච නොආසවස්ස ච ධම්මස්ස අනන්තරපච්චයෙන පච්චයො – පුරිමා පුරිමා නොආසවා ඛන්ධා පච්ඡිමානං පච්ඡිමානං ආසවානං සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

24. ආසවො ච නොආසවො ච ධම්මා ආසවස්ස ධම්මස්ස අනන්තරපච්චයෙන පච්චයො… තීණි.

25. ආසවො ධම්මො ආසවස්ස ධම්මස්ස සමනන්තරපච්චයෙන පච්චයො… සහජාතපච්චයෙන පච්චයො… නව… අඤ්ඤමඤ්ඤපච්චයෙන පච්චයො… නව… නිස්සයපච්චයෙන පච්චයො… නව (වත්ථු ච දස්සෙතබ්බං).

26. ආසවො ¶ ධම්මො ආසවස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – ආසවා ආසවානං උපනිස්සයපච්චයෙන පච්චයො (තීණි).

27. නොආසවො ධම්මො නොආසවස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති; සීලං…පෙ… සෙනාසනං උපනිස්සාය ¶ දානං දෙති…පෙ… සඞ්ඝං භින්දති; සද්ධා…පෙ… සෙනාසනං සද්ධාය…පෙ… ඵලසමාපත්තියා උපනිස්සයපච්චයෙන පච්චයො. (1)

නොආසවො ධම්මො ආසවස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො ¶ , පකතූපනිස්සයො…පෙ…. පකතූපනිස්සයො – සද්ධං උපනිස්සාය මානං ජප්පෙති, දිට්ඨිං ගණ්හාති; සීලං…පෙ… සඞ්ඝං භින්දති, සද්ධා…පෙ… සෙනාසනං රාගස්ස…පෙ… පත්ථනාය උපනිස්සයපච්චයෙන පච්චයො. (2)

නොආසවො ධම්මො ආසවස්ස ච නොආසවස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය මානං ජප්පෙති, දිට්ඨිං ගණ්හාති; සීලං…පෙ… සෙනාසනං උපනිස්සාය…පෙ… පාණං හනති…පෙ… සඞ්ඝං භින්දති, සද්ධා…පෙ… සෙනාසනං රාගස්ස…පෙ… පත්ථනාය උපනිස්සයපච්චයෙන පච්චයො. (3)

ආසවො ච නොආසවො ච ධම්මා ආසවස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො… තීණි.

28. නොආසවො ධම්මො නොආසවස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං ¶ …පෙ… වත්ථුං (එවං විත්ථාරෙතබ්බං), ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස, වත්ථු නොආසවානං ¶ ඛන්ධානං පුරෙජාතපච්චයෙන පච්චයො. (1)

නොආසවො ධම්මො ආසවස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ ආසවා උප්පජ්ජන්ති. වත්ථුපුරෙජාතං – වත්ථු ආසවානං පුරෙජාතපච්චයෙන පච්චයො. (2)

නොආසවො ධම්මො ආසවස්ස ච නොආසවස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අස්සාදෙති අභිනන්දති ¶ , තං ආරබ්භ ආසවා ච සම්පයුත්තකා ච ඛන්ධා උප්පජ්ජන්ති. වත්ථුපුරෙජාතං – වත්ථු ආසවානඤ්ච ආසවසම්පයුත්තකානඤ්ච ඛන්ධානං පුරෙජාතපච්චයෙන පච්චයො. (3)

29. ආසවො ධම්මො නොආසවස්ස ධම්මස්ස පච්ඡාජාතපච්චයෙන පච්චයො – පච්ඡාජාතා ආසවා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

නොආසවො ධම්මො නොආසවස්ස ධම්මස්ස පච්ඡාජාතපච්චයෙන පච්චයො – පච්ඡාජාතා නොආසවා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

ආසවො ච නොආසවො ච ධම්මා නොආසවස්ස ධම්මස්ස පච්ඡාජාතපච්චයෙන පච්චයො – පච්ඡාජාතා ආසවා ච සම්පයුත්තකා ච ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

30. ආසවො ධම්මො ආසවස්ස ධම්මස්ස ආසෙවනපච්චයෙන පච්චයො… නව.

31. නොආසවො ¶ ¶ ධම්මො නොආසවස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නොආසවා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නොආසවා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (1)

නොආසවො ධම්මො ආසවස්ස ධම්මස්ස කම්මපච්චයෙන පච්චයො – නොආසවා චෙතනා සම්පයුත්තකානං ආසවානං කම්මපච්චයෙන පච්චයො. (2)

නොආසවො ¶ ධම්මො ආසවස්ස ච නොආසවස්ස ච ධම්මස්ස කම්මපච්චයෙන පච්චයො – නොආසවා චෙතනා සම්පයුත්තකානං ඛන්ධානං ආසවානං චිත්තසමුට්ඨානානඤ්ච රූපානං කම්මපච්චයෙන පච්චයො. (3)

32. නොආසවො ධම්මො නොආසවස්ස ධම්මස්ස විපාකපච්චයෙන පච්චයො… එකං, ආහාරපච්චයෙන පච්චයො – නොආසවා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො; පටිසන්ධික්ඛණෙ…පෙ… කබළීකාරො ආහාරො ඉමස්ස කායස්ස ආහාරපච්චයෙන පච්චයො. (1)

නොආසවො ධම්මො ආසවස්ස ධම්මස්ස ආහාරපච්චයෙන පච්චයො – නොආසවා ආහාරා සම්පයුත්තකානං ආසවානං ආහාරපච්චයෙන පච්චයො. (2)

නොආසවො ධම්මො ආසවස්ස ච නොආසවස්ස ච ධම්මස්ස ආහාරපච්චයෙන පච්චයො – නොආසවා ආහාරා සම්පයුත්තකානං ඛන්ධානං ¶ ආසවානං චිත්තසමුට්ඨානානඤ්ච රූපානං ආහාරපච්චයෙන පච්චයො. (3)

33. නොආසවො ධම්මො නොආසවස්ස ධම්මස්ස ඉන්ද්රියපච්චයෙන පච්චයො – නොආසවා ඉන්ද්රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ¶ ඉන්ද්රියපච්චයෙන පච්චයො; පටිසන්ධික්ඛණෙ…පෙ… චක්ඛුන්ද්රියං චක්ඛුවිඤ්ඤාණස්ස…පෙ… කායින්ද්රියං කායවිඤ්ඤාණස්ස…පෙ… රූපජීවිතින්ද්රියං කටත්තාරූපානං ඉන්ද්රියපච්චයෙන පච්චයො… තීණි… ඣානපච්චයෙන පච්චයො… තීණි… මග්ගපච්චයෙන පච්චයො… නව… සම්පයුත්තපච්චයෙන පච්චයො… නව.

34. ආසවො ¶ ධම්මො නොආසවස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – ආසවා චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – ආසවා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

35. නොආසවො ධම්මො නොආසවස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – නොආසවා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ…පෙ… ඛන්ධා වත්ථුස්ස විප්පයුත්තපච්චයෙන පච්චයො, වත්ථු ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු නොආසවානං ඛන්ධානං විප්පයුත්තපච්චයෙන පච්චයො. පච්ඡාජාතා – නොආසවා ඛන්ධා පුරෙජාතස්ස ¶ ඉමස්ස කායස්ස විප්පයුත්තපච්චයෙන පච්චයො. (1)

නොආසවො ධම්මො ආසවස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු ආසවානං විප්පයුත්තපච්චයෙන පච්චයො. (2)

නොආසවො ධම්මො ආසවස්ස ච නොආසවස්ස ච ධම්මස්ස විප්පයුත්තපච්චයෙන පච්චයො. පුරෙජාතං – වත්ථු ආසවානං සම්පයුත්තකානඤ්ච ඛන්ධානං විප්පයුත්තපච්චයෙන පච්චයො. (3)

36. ආසවො ච නොආසවො ච ධම්මා නොආසවස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – ආසවා ච සම්පයුත්තකා ච ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – ආසවා ච සම්පයුත්තකා ච ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

37. ආසවො ¶ ධම්මො ආසවස්ස ධම්මස්ස අත්ථිපච්චයෙන පච්චයො – කාමාසවො දිට්ඨාසවස්ස අවිජ්ජාසවස්ස අත්ථිපච්චයෙන පච්චයො (චක්කං). (1)

ආසවො ¶ ධම්මො නොආසවස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – ආසවා සම්පයුත්තකානං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො. පච්ඡාජාතා – ආසවා පුරෙජාතස්ස ඉමස්ස කායස්ස අත්ථිපච්චයෙන පච්චයො. (2)

ආසවො ධම්මො ආසවස්ස ච නොආසවස්ස ච ධම්මස්ස අත්ථිපච්චයෙන පච්චයො – කාමාසවො දිට්ඨාසවස්ස අවිජ්ජාසවස්ස සම්පයුත්තකානං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන ¶ පච්චයො (චක්කං). (3)

38. නොආසවො ධම්මො නොආසවස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතො – නොආසවො එකො ඛන්ධො තිණ්ණන්නං ඛන්ධානං…පෙ… (යාව අසඤ්ඤසත්තා). පුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු නොආසවානං ඛන්ධානං අත්ථිපච්චයෙන පච්චයො. පච්ඡාජාතා – නොආසවා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො; කබළීකාරො ආහාරො ඉමස්ස කායස්ස අත්ථිපච්චයෙන පච්චයො; රූපජීවිතින්ද්රියං කටත්තාරූපානං අත්ථිපච්චයෙන පච්චයො. (1)

නොආසවො ධම්මො ආසවස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතා – නොආසවා ඛන්ධා ආසවානං අත්ථිපච්චයෙන පච්චයො. පුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ ආසවා උප්පජ්ජන්ති, වත්ථු ආසවානං අත්ථිපච්චයෙන පච්චයො. (2)

නොආසවො ¶ ධම්මො ආසවස්ස ච නොආසවස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – නොආසවො එකො ඛන්ධො තිණ්ණන්නං ඛන්ධානං ආසවානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… (චක්කං). (3)

39. ආසවො ච නොආසවො ච ධම්මා ආසවස්ස ධම්මස්ස අත්ථිපච්චයෙන ¶ පච්චයො – සහජාතං ¶ , පුරෙජාතං. සහජාතො – කාමාසවො ච සම්පයුත්තකා ච ඛන්ධා දිට්ඨාසවස්ස අවිජ්ජාසවස්ස අත්ථිපච්චයෙන පච්චයො (චක්කං). කාමාසවො ච වත්ථු ච දිට්ඨාසවස්ස අවිජ්ජාසවස්ස අත්ථිපච්චයෙන පච්චයො (චක්කං). (1)

ආසවො ච නොආසවො ච ධම්මා නොආසවස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතො – නොආසවො එකො ඛන්ධො ච ආසවා ච තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො. සහජාතා – ආසවා මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො; ආසවා ච වත්ථු ච නොආසවානං ඛන්ධානං අත්ථිපච්චයෙන පච්චයො. පච්ඡාජාතා – ආසවා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – ආසවා ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (2)

ආසවො ච නොආසවො ච ධම්මා ආසවස්ස ච නොආසවස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – නොආසවො එකො ඛන්ධො ච කාමාසවො ච තිණ්ණන්නං ඛන්ධානං දිට්ඨාසවස්ස අවිජ්ජාසවස්ස චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ… (චක්කං). සහජාතො – කාමාසවො ච වත්ථු ච දිට්ඨාසවස්ස අවිජ්ජාසවස්ස සම්පයුත්තකානඤ්ච ඛන්ධානං අත්ථිපච්චයෙන පච්චයො (චක්කං). (3)

40. හෙතුයා ¶ සත්ත, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ ¶ නව, පුරෙජාතෙ තීණි, පච්ඡාජාතෙ තීණි, ආසෙවනෙ නව, කම්මෙ තීණි, විපාකෙ එකං, ආහාරෙ තීණි…පෙ… මග්ගෙ නව, සම්පයුත්තෙ නව, විප්පයුත්තෙ පඤ්ච, අත්ථියා නව, නත්ථියා නව, විගතෙ නව, අවිගතෙ නව.

41. ආසවො ¶ ධම්මො ආසවස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

ආසවො ධම්මො නොආසවස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (2)

ආසවො ධම්මො ආසවස්ස ච නොආසවස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

42. නොආසවො ධම්මො නොආසවස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

නොආසවො ධම්මො ආසවස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන ¶ පච්චයො. (2)

නොආසවො ධම්මො ආසවස්ස ච නොආසවස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (3)

43. ආසවො ච නොආසවො ච ධම්මා ආසවස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

ආසවො ¶ ච නොආසවො ච ධම්මා නොආසවස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (2)

ආසවො ¶ ච නොආසවො ච ධම්මා ආසවස්ස ච නොආසවස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

44. නහෙතුයා නව, නආරම්මණෙ නව, නඅධිපතියා නව (සබ්බත්ථ නව), නොඅවිගතෙ නව.

45. හෙතුපච්චයා නආරම්මණෙ සත්ත, නඅධිපතියා සත්ත, නඅනන්තරෙ සත්ත, නසමනන්තරෙ සත්ත, නඅඤ්ඤමඤ්ඤෙ තීණි, නඋපනිස්සයෙ සත්ත (සබ්බත්ථ සත්ත), නමග්ගෙ සත්ත, නසම්පයුත්තෙ තීණි, නවිප්පයුත්තෙ සත්ත, නොනත්ථියා සත්ත, නොවිගතෙ සත්ත.

46. නහෙතුපච්චයා ¶ ආරම්මණෙ නව, අධිපතියා නව (අනුලොමපදා පරිපුණ්ණා), අවිගතෙ නව.

47. සාසවං ¶ ¶ ධම්මං පටිච්ච සාසවො ධම්මො උප්පජ්ජති හෙතුපච්චයා – සාසවං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

අනාසවං ධම්මං පටිච්ච අනාසවො ධම්මො උප්පජ්ජති හෙතුපච්චයා – අනාසවං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

අනාසවං ධම්මං පටිච්ච සාසවො ධම්මො උප්පජ්ජති හෙතුපච්චයා – අනාසවෙ ඛන්ධෙ පටිච්ච චිත්තසමුට්ඨානං රූපං. (2)

අනාසවං ධම්මං පටිච්ච සාසවො ච අනාසවො ච ධම්මා උප්පජ්ජන්ති හෙතුපච්චයා – අනාසවං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

සාසවඤ්ච අනාසවඤ්ච ධම්මං පටිච්ච සාසවො ධම්මො උප්පජ්ජති හෙතුපච්චයා – අනාසවෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

(යථා ¶ චූළන්තරදුකෙ ලොකියදුකං එවං කාතබ්බං නින්නානාකරණං.)

48. ආසවසම්පයුත්තං ¶ ධම්මං පටිච්ච ආසවසම්පයුත්තො ධම්මො උප්පජ්ජති හෙතුපච්චයා – ආසවසම්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

ආසවසම්පයුත්තං ¶ ධම්මං පටිච්ච ආසවවිප්පයුත්තො ධම්මො උප්පජ්ජති හෙතුපච්චයා – ආසවසම්පයුත්තෙ ඛන්ධෙ පටිච්ච චිත්තසමුට්ඨානං රූපං, දොමනස්සසහගතෙ ඛන්ධෙ පටිච්ච මොහො චිත්තසමුට්ඨානඤ්ච රූපං. (2)

ආසවසම්පයුත්තං ධම්මං පටිච්ච ආසවසම්පයුත්තො ච ආසවවිප්පයුත්තො ච ධම්මා උප්පජ්ජන්ති හෙතුපච්චයා – ආසවසම්පයුත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… දොමනස්සසහගතං එකං ඛන්ධං පටිච්ච තයො ඛන්ධා මොහො චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

49. ආසවවිප්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති හෙතුපච්චයා – ආසවවිප්පයුත්තං ¶ එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… දොමනස්සසහගතං විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං පටිච්ච තයො මහාභූතා, තයො ¶ මහාභූතෙ පටිච්ච එකං මහාභූතං, ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

ආසවවිප්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති හෙතුපච්චයා – දොමනස්සසහගතං විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා ඛන්ධා. (2)

ආසවවිප්පයුත්තං ධම්මං පටිච්ච ආසවසම්පයුත්තො ච ආසවවිප්පයුත්තො ච ධම්මා උප්පජ්ජන්ති හෙතුපච්චයා – දොමනස්සසහගතං විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං. (3)

50. ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවසම්පයුත්තො ධම්මො උප්පජ්ජති හෙතුපච්චයා – දොමනස්සසහගතං විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවවිප්පයුත්තො ධම්මො උප්පජ්ජති හෙතුපච්චයා – ආසවසම්පයුත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, දොමනස්සසහගතෙ විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං. (2)

ආසවසම්පයුත්තඤ්ච ¶ ආසවවිප්පයුත්තඤ්ච ධම්මං පටිච්ච ආසවසම්පයුත්තො ච ආසවවිප්පයුත්තො ච ධම්මා උප්පජ්ජන්ති හෙතුපච්චයා – දොමනස්සසහගතං විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ…පෙ…. (3)

51. ආසවසම්පයුත්තං ¶ ¶ ධම්මං පටිච්ච ආසවසම්පයුත්තො ධම්මො උප්පජ්ජති ආරම්මණපච්චයා – ආසවසම්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

ආසවසම්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති ආරම්මණපච්චයා – දොමනස්සසහගතෙ විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච මොහො. (2)

ආසවසම්පයුත්තං ධම්මං පටිච්ච ආසවසම්පයුත්තො ච ආසවවිප්පයුත්තො ච ධම්මා උප්පජ්ජන්ති ආරම්මණපච්චයා – දොමනස්සසහගතං විචිකිච්ඡාසහගතං උද්ධච්චසහගතං එකං ඛන්ධං පටිච්ච තයො ඛන්ධා මොහො ච…පෙ… ද්වෙ ඛන්ධෙ…පෙ…. (3)

52. ආසවවිප්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති ආරම්මණපච්චයා – ආසවවිප්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පටිච්ච ඛන්ධා. (1) ආසවවිප්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති ආරම්මණපච්චයා – දොමනස්සසහගතං විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා ඛන්ධා. (2)

ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවසම්පයුත්තො ධම්මො උප්පජ්ජති ආරම්මණපච්චයා – දොමනස්සසහගතං විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

53. ආසවසම්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති අධිපතිපච්චයා… තීණි.

ආසවවිප්පයුත්තං ¶ ¶ ධම්මං පටිච්ච ආසවවිප්පයුත්තො ¶ ධම්මො උප්පජ්ජති අධිපතිපච්චයා – ආසවවිප්පයුත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… දොමනස්සසහගතං මොහං පටිච්ච චිත්තසමුට්ඨානං රූපං, එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං. (1)

ආසවවිප්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති අධිපතිපච්චයා – දොමනස්සසහගතං මොහං පටිච්ච සම්පයුත්තකා ඛන්ධා. (2)

ආසවවිප්පයුත්තං ධම්මං පටිච්ච ආසවසම්පයුත්තො ච ආසවවිප්පයුත්තො ච ධම්මා උප්පජ්ජන්ති අධිපතිපච්චයා – දොමනස්සසහගතං මොහං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං. (3)

54. ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවසම්පයුත්තො ධම්මො උප්පජ්ජති අධිපතිපච්චයා – දොමනස්සසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවවිප්පයුත්තො ධම්මො උප්පජ්ජති අධිපතිපච්චයා – ආසවසම්පයුත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, දොමනස්සසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං. (2)

ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවසම්පයුත්තො ච ආසවවිප්පයුත්තො ච ධම්මා උප්පජ්ජන්ති අධිපතිපච්චයා – දොමනස්සසහගතං එකං ඛන්ධඤ්ච මොහඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

(එවං සබ්බෙ පච්චයා විත්ථාරෙතබ්බා. සංඛිත්තං.)

55. හෙතුයා ¶ ¶ නව, ආරම්මණෙ ඡ, අධිපතියා නව, අනන්තරෙ ඡ, සමනන්තරෙ ඡ, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ ඡ, පුරෙජාතෙ ඡ, ආසෙවනෙ ඡ, කම්මෙ නව, විපාකෙ එකං ¶ , ආහාරෙ නව, ඉන්ද්රියෙ නව, ඣානෙ නව, මග්ගෙ නව, සම්පයුත්තෙ ඡ, විප්පයුත්තෙ නව, අත්ථියා නව, නත්ථියා ඡ, විගතෙ ඡ, අවිගතෙ නව.

56. ආසවසම්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

ආසවවිප්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති නහෙතුපච්චයා – අහෙතුකං ආසවවිප්පයුත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… (යාව ආසඤ්ඤසත්තා). (1)

57. ආසවසම්පයුත්තං ¶ ධම්මං පටිච්ච ආසවවිප්පයුත්තො ධම්මො උප්පජ්ජති නආරම්මණපච්චයා – ආසවසම්පයුත්තෙ ඛන්ධෙ පටිච්ච චිත්තසමුට්ඨානං රූපං. (1)

ආසවවිප්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති නආරම්මණපච්චයා – ආසවවිප්පයුත්තෙ ඛන්ධෙ පටිච්ච චිත්තසමුට්ඨානං රූපං, දොමනස්සසහගතං විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… ඛන්ධෙ ¶ පටිච්ච වත්ථු, එකං මහාභූතං…පෙ… (යාව අසඤ්ඤසත්තා). (1)

ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවවිප්පයුත්තො ධම්මො උප්පජ්ජති නආරම්මණපච්චයා – ආසවසම්පයුත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, දොමනස්සසහගතෙ විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං. (1)

58. ආසවසම්පයුත්තං ¶ ධම්මං පටිච්ච ආසවසම්පයුත්තො ධම්මො උප්පජ්ජති නඅධිපතිපච්චයා (සංඛිත්තං).

59. ආසවසම්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති නපුරෙජාතපච්චයා – අරූපෙ ආසවසම්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

ආසවසම්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති නපුරෙජාතපච්චයා – අරූපෙ විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො, ආසවසම්පයුත්තෙ ඛන්ධෙ පටිච්ච චිත්තසමුට්ඨානං රූපං. (2)

ආසවසම්පයුත්තං ¶ ධම්මං පටිච්ච ආසවසම්පයුත්තො ච ආසවවිප්පයුත්තො ච ධම්මා උප්පජ්ජන්ති නපුරෙජාතපච්චයා – අරූපෙ විචිකිච්ඡාසහගතං උද්ධච්චසහගතං එකං ඛන්ධං පටිච්ච තයො ඛන්ධා මොහො ච…පෙ… ද්වෙ ඛන්ධෙ…පෙ…. (3)

60. ආසවවිප්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති නපුරෙජාතපච්චයා – අරූපෙ ආසවවිප්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… ආසවවිප්පයුත්තෙ ¶ ඛන්ධෙ පටිච්ච චිත්තසමුට්ඨානං රූපං, දොමනස්සසහගතං විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… (යාව අසඤ්ඤසත්තා). (1)

ආසවවිප්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති නපුරෙජාතපච්චයා – අරූපෙ විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා ඛන්ධා. (2)

61. ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවසම්පයුත්තො ධම්මො උප්පජ්ජති නපුරෙජාතපච්චයා – අරූපෙ විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. (1)

ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවවිප්පයුත්තො ධම්මො උප්පජ්ජති නපුරෙජාතපච්චයා – ආසවසම්පයුත්තෙ ඛන්ධෙ ච මහාභූතෙ ච ¶ පටිච්ච චිත්තසමුට්ඨානං රූපං, දොමනස්සසහගතෙ විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං. (2)

(නපච්ඡාජාතපච්චයා නව, නආසෙවනපච්චයා නව.)

62. ආසවසම්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති නකම්මපච්චයා – ආසවසම්පයුත්තෙ ඛන්ධෙ පටිච්ච සම්පයුත්තකා චෙතනා. (1)

ආසවවිප්පයුත්තං ¶ ධම්මං පටිච්ච ආසවවිප්පයුත්තො ධම්මො උප්පජ්ජති නකම්මපච්චයා – ආසවවිප්පයුත්තෙ ඛන්ධෙ පටිච්ච විප්පයුත්තකා චෙතනා. (1)

ආසවවිප්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති නකම්මපච්චයා – දොමනස්සසහගතං විචිකිච්ඡාසහගතං ¶ උද්ධච්චසහගතං මොහං පටිච්ච සම්පයුත්තකා චෙතනා. (2)

ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවසම්පයුත්තො ධම්මො උප්පජ්ජති නකම්මපච්චයා – දොමනස්සසහගතෙ විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පටිච්ච සම්පයුත්තකා චෙතනා… නවිපාකපච්චයා… නආහාරපච්චයා… නඉන්ද්රියපච්චයා… නඣානපච්චයා… නමග්ගපච්චයා… නසම්පයුත්තපච්චයා… නවිප්පයුත්තපච්චයා… නොනත්ථිපච්චයා… නොවිගතපච්චයා.

63. නහෙතුයා ද්වෙ, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ සත්ත, නපච්ඡාජාතෙ නව, නආසෙවනෙ නව, නකම්මෙ චත්තාරි, නවිපාකෙ නව, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ ඡ, නොනත්ථියා තීණි, නොවිගතෙ තීණි.

64. හෙතුපච්චයා ¶ ¶ නආරම්මණෙ තීණි…පෙ… නපුරෙජාතෙ ඡ…පෙ… නවිපාකෙ නව…පෙ… නසම්පයුත්තෙ තීණි, නවිප්පයුත්තෙ චත්තාරි, නොනත්ථියා තීණි, නොවිගතෙ තීණි.

65. නහෙතුපච්චයා ආරම්මණෙ ද්වෙ, අනන්තරෙ ද්වෙ, සමනන්තරෙ ද්වෙ…පෙ… කම්මෙ ද්වෙ, විපාකෙ එකං, ආහාරෙ ද්වෙ…පෙ… මග්ගෙ එකං ¶ , සම්පයුත්තෙ ද්වෙ, විප්පයුත්තෙ ද්වෙ…පෙ… අවිගතෙ ද්වෙ.

66. ආසවසම්පයුත්තං ¶ ධම්මං පච්චයා ආසවසම්පයුත්තො ධම්මො උප්පජ්ජති හෙතුපච්චයා… තීණි (පටිච්චවාරසදිසො).

ආසවවිප්පයුත්තං ධම්මං පච්චයා ආසවවිප්පයුත්තො ධම්මො උප්පජ්ජති හෙතුපච්චයා – ආසවවිප්පයුත්තං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… දොමනස්සසහගතං විචිකිච්ඡාසහගතං උද්ධච්චසහගතං මොහං පච්චයා චිත්තසමුට්ඨානං රූපං; පටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා, එකං මහාභූතං…පෙ… මහාභූතෙ පච්චයා චිත්තසමුට්ඨානං රූපං ¶ , කටත්තාරූපං, උපාදාරූපං. වත්ථුං පච්චයා ආසවවිප්පයුත්තා ඛන්ධා, වත්ථුං පච්චයා දොමනස්සසහගතො මොහො. (1)

ආසවවිප්පයුත්තං ධම්මං පච්චයා ආසවසම්පයුත්තො ධම්මො උප්පජ්ජති හෙතුපච්චයා – වත්ථුං පච්චයා ආසවසම්පයුත්තකා ඛන්ධා, දොමනස්සසහගතං විචිකිච්ඡාසහගතං උද්ධච්චසහගතං මොහං පච්චයා සම්පයුත්තකා ඛන්ධා. (2)

ආසවවිප්පයුත්තං ධම්මං පච්චයා ආසවසම්පයුත්තො ච ආසවවිප්පයුත්තො ච ධම්මා උප්පජ්ජන්ති හෙතුපච්චයා – වත්ථුං පච්චයා ආසවසම්පයුත්තකා ඛන්ධා, මහාභූතෙ පච්චයා චිත්තසමුට්ඨානං රූපං ¶ , දොමනස්සසහගතං විචිකිච්ඡාසහගතං උද්ධච්චසහගතං මොහං පච්චයා සම්පයුත්තකා ඛන්ධා චිත්තසමුට්ඨානඤ්ච රූපං, වත්ථුං පච්චයා දොමනස්සසහගතා ඛන්ධා ච මොහො ච. (3)

67. ආසවසම්පයුත්තඤ්ච ආසවවිප්පයුත්තඤ්ච ධම්මං පච්චයා ආසවසම්පයුත්තො ධම්මො උප්පජ්ජති හෙතුපච්චයා – ආසවසම්පයුත්තං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ¶ ඛන්ධෙ ච…පෙ… දොමනස්සසහගතං විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ…. (1)

ආසවසම්පයුත්තඤ්ච ආසවවිප්පයුත්තඤ්ච ධම්මං පච්චයා ආසවවිප්පයුත්තො ධම්මො උප්පජ්ජති හෙතුපච්චයා – ආසවසම්පයුත්තෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, දොමනස්සසහගතෙ විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පච්චයා චිත්තසමුට්ඨානං රූපං, දොමනස්සසහගතෙ ඛන්ධෙ ච වත්ථුඤ්ච පච්චයා දොමනස්සසහගතො මොහො. (2)

ආසවසම්පයුත්තඤ්ච ආසවවිප්පයුත්තඤ්ච ධම්මං පච්චයා ආසවසම්පයුත්තො ච ආසවවිප්පයුත්තො ච ධම්මා උප්පජ්ජන්ති හෙතුපච්චයා – ආසවසම්පයුත්තං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… ආසවසම්පයුත්තෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, දොමනස්සසහගතං විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… දොමනස්සසහගතං එකං ඛන්ධඤ්ච වත්ථුඤ්ච පච්චයා තයො ඛන්ධා මොහො ¶ ච…පෙ… ද්වෙ ඛන්ධෙ…පෙ…. (3)

68. ආසවසම්පයුත්තං ¶ ධම්මං පච්චයා ආසවසම්පයුත්තො ධම්මො උප්පජ්ජති ආරම්මණපච්චයා… තීණි (පටිච්චවාරසදිසා).

ආසවවිප්පයුත්තං ධම්මං පච්චයා ආසවවිප්පයුත්තො ධම්මො උප්පජ්ජති ආරම්මණපච්චයා – ආසවවිප්පයුත්තං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පච්චයා ඛන්ධා, චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා ආසවවිප්පයුත්තා ඛන්ධා, වත්ථුං පච්චයා දොමනස්සසහගතො විචිකිච්ඡාසහගතො උද්ධච්චසහගතො මොහො. (1)

ආසවවිප්පයුත්තං ධම්මං පච්චයා ආසවසම්පයුත්තො ධම්මො උප්පජ්ජති ආරම්මණපච්චයා – වත්ථුං ¶ පච්චයා ආසවසම්පයුත්තකා ඛන්ධා, දොමනස්සසහගතං විචිකිච්ඡාසහගතං උද්ධච්චසහගතං මොහං පච්චයා සම්පයුත්තකා ඛන්ධා. (2)

ආසවවිප්පයුත්තං ධම්මං පච්චයා ආසවසම්පයුත්තො ච ආසවවිප්පයුත්තො ච ධම්මා උප්පජ්ජන්ති ආරම්මණපච්චයා – වත්ථුං පච්චයා දොමනස්සසහගතා විචිකිච්ඡාසහගතා උද්ධච්චසහගතා ඛන්ධා මොහො ච. (3)

69. ආසවසම්පයුත්තඤ්ච ආසවවිප්පයුත්තඤ්ච ධම්මං පච්චයා ආසවසම්පයුත්තො ධම්මො උප්පජ්ජති ආරම්මණපච්චයා – ආසවසම්පයුත්තං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ…. (1)

ආසවසම්පයුත්තඤ්ච ආසවවිප්පයුත්තඤ්ච ධම්මං පච්චයා ආසවවිප්පයුත්තො ධම්මො උප්පජ්ජති ¶ ආරම්මණපච්චයා – දොමනස්සසහගතෙ විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා දොමනස්සසහගතො විචිකිච්ඡාසහගතො උද්ධච්චසහගතො මොහො. (2)

ආසවසම්පයුත්තඤ්ච ආසවවිප්පයුත්තඤ්ච ධම්මං පච්චයා ආසවසම්පයුත්තො ච ආසවවිප්පයුත්තො ච ධම්මා උප්පජ්ජන්ති ආරම්මණපච්චයා – දොමනස්සසහගතං විචිකිච්ඡාසහගතං උද්ධච්චසහගතං එකං ඛන්ධඤ්ච වත්ථුඤ්ච පච්චයා තයො ඛන්ධා මොහො ච…පෙ… ද්වෙ ඛන්ධෙ…පෙ… අධිපතිපච්චයා… අනන්තරපච්චයා…පෙ… අවිගතපච්චයා. (3)

70. හෙතුයා ¶ නව, ආරම්මණෙ නව (සබ්බත්ථ නව), කම්මෙ නව, විපාකෙ එකං…පෙ… අවිගතෙ නව.

71. ආසවසම්පයුත්තං ¶ ධම්මං පච්චයා ආසවවිප්පයුත්තො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පච්චයා විචිකිච්ඡාසහගතො උද්ධච්චසහගතො මොහො. (1)

ආසවවිප්පයුත්තං ධම්මං පච්චයා ආසවවිප්පයුත්තො ධම්මො උප්පජ්ජති නහෙතුපච්චයා – අහෙතුකං ආසවවිප්පයුත්තං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… (යාව අසඤ්ඤසත්තා) චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා ආසවවිප්පයුත්තා ඛන්ධා, වත්ථුං පච්චයා විචිකිච්ඡාසහගතො උද්ධච්චසහගතො මොහො. (1)

ආසවසම්පයුත්තඤ්ච ¶ ආසවවිප්පයුත්තඤ්ච ධම්මං පච්චයා ආසවවිප්පයුත්තො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (1) (සංඛිත්තං.)

72. නහෙතුයා තීණි, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ සත්ත, නපච්ඡාජාතෙ නව, නආසෙවනෙ නව, නකම්මෙ චත්තාරි ¶ , නවිපාකෙ නව, නආහාරෙ එකං, නඉන්ද්රියෙ එකං, නඣානෙ ¶ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ ඡ, නොනත්ථියා තීණි, නොවිගතෙ තීණි (එවං ඉතරෙපි ද්වෙ ගණනා කාතබ්බා).

73. ආසවසම්පයුත්තං ධම්මං සංසට්ඨො ආසවසම්පයුත්තො ධම්මො උප්පජ්ජති හෙතුපච්චයා (සංඛිත්තං).

හෙතුයා ඡ, ආරම්මණෙ ඡ, අධිපතියා ඡ (සබ්බත්ථ ඡ), විපාකෙ එකං…පෙ… අවිගතෙ ඡ.

ආසවසම්පයුත්තං ධම්මං සංසට්ඨො ආසවවිප්පයුත්තො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ සංසට්ඨො ¶ විචිකිච්ඡාසහගතො උද්ධච්චසහගතො මොහො. (1)

ආසවවිප්පයුත්තං ධම්මං සංසට්ඨො ආසවවිප්පයුත්තො ධම්මො උප්පජ්ජති නහෙතුපච්චයා…පෙ….

නහෙතුයා ද්වෙ, නඅධිපතියා ඡ, නපුරෙජාතෙ ඡ, නපච්ඡාජාතෙ ඡ, නආසෙවනෙ ඡ, නකම්මෙ චත්තාරි, නවිපාකෙ ඡ, නඣානෙ එකං, නමග්ගෙ එකං, නවිප්පයුත්තෙ ඡ (එවං ඉතරෙපි ද්වෙ ගණනා කාතබ්බා).

(සම්පයුත්තවාරොපි සංසට්ඨවාරසදිසො.)

74. ආසවසම්පයුත්තො ¶ ධම්මො ආසවසම්පයුත්තස්ස ධම්මස්ස හෙතුපච්චයෙන පච්චයො – ආසවසම්පයුත්තා හෙතූ සම්පයුත්තකානං ඛන්ධානං හෙතුපච්චයෙන පච්චයො. (1)

ආසවසම්පයුත්තො ¶ ධම්මො ආසවවිප්පයුත්තස්ස ධම්මස්ස හෙතුපච්චයෙන පච්චයො – ආසවසම්පයුත්තා හෙතූ චිත්තසමුට්ඨානානං රූපානං හෙතුපච්චයෙන පච්චයො; දොසො මොහස්ස චිත්තසමුට්ඨානානඤ්ච රූපානං හෙතුපච්චයෙන පච්චයො. (2)

ආසවසම්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස හෙතුපච්චයෙන පච්චයො – ආසවසම්පයුත්තා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; දොසො සම්පයුත්තකානං ඛන්ධානං මොහස්ස චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

75. ආසවවිප්පයුත්තො ධම්මො ආසවවිප්පයුත්තස්ස ධම්මස්ස හෙතුපච්චයෙන පච්චයො – ආසවවිප්පයුත්තා ¶ හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; දොමනස්සසහගතො විචිකිච්ඡාසහගතො උද්ධච්චසහගතො මොහො චිත්තසමුට්ඨානානං රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

ආසවවිප්පයුත්තො ධම්මො ආසවසම්පයුත්තස්ස ධම්මස්ස හෙතුපච්චයෙන පච්චයො – දොමනස්සසහගතො විචිකිච්ඡාසහගතො උද්ධච්චසහගතො මොහො සම්පයුත්තකානං ඛන්ධානං හෙතුපච්චයෙන පච්චයො. (2)

ආසවවිප්පයුත්තො ¶ ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස හෙතුපච්චයෙන පච්චයො – දොමනස්සසහගතො විචිකිච්ඡාසහගතො උද්ධච්චසහගතො මොහො සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

76. ආසවසම්පයුත්තො ච ආසවවිප්පයුත්තො ච ධම්මා ආසවසම්පයුත්තස්ස ධම්මස්ස හෙතුපච්චයෙන පච්චයො – දොසො ච මොහො ච ආසවසම්පයුත්තකානං ඛන්ධානං හෙතුපච්චයෙන පච්චයො. (1)

ආසවසම්පයුත්තො ච ආසවවිප්පයුත්තො ච ධම්මා ආසවවිප්පයුත්තස්ස ධම්මස්ස හෙතුපච්චයෙන පච්චයො – දොසො ච මොහො ච චිත්තසමුට්ඨානානං රූපානං හෙතුපච්චයෙන පච්චයො. (2)

ආසවසම්පයුත්තො ච ආසවවිප්පයුත්තො ච ධම්මා ආසවසම්පයුත්තස්ස ච ආසවවිප්පයුත්තස්ස ච ධම්මස්ස හෙතුපච්චයෙන පච්චයො – දොසො ච මොහො ¶ ච සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

77. ආසවසම්පයුත්තො ධම්මො ආසවසම්පයුත්තස්ස ධම්මස්ස ආරම්මණපච්චයෙන ¶ පච්චයො – ආසවසම්පයුත්තෙ ඛන්ධෙ ආරබ්භ ආසවසම්පයුත්තකා ඛන්ධා උප්පජ්ජන්ති. (1)

ආසවසම්පයුත්තො ධම්මො ආසවවිප්පයුත්තස්ස ධම්මස්ස ආරම්මණපච්චයෙන පච්චයො – ආසවසම්පයුත්තෙ ඛන්ධෙ ආරබ්භ ආසවවිප්පයුත්තා ඛන්ධා ච මොහො ච උප්පජ්ජන්ති. (2)

ආසවසම්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස ආරම්මණපච්චයෙන පච්චයො – ආසවසම්පයුත්තෙ ඛන්ධෙ ආරබ්භ දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච උප්පජ්ජන්ති. (3)

78. ආසවවිප්පයුත්තො ධම්මො ආසවවිප්පයුත්තස්ස ධම්මස්ස ආරම්මණපච්චයෙන පච්චයො – දානං ¶ දත්වා සීලං…පෙ… උපොසථකම්මං කත්වා තං පච්චවෙක්ඛති; පුබ්බෙ සුචිණ්ණානි…පෙ… ඣානා…පෙ… අරියා මග්ගං…පෙ… ඵලං…පෙ… නිබ්බානං…පෙ… නිබ්බානං ගොත්රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො; අරියා ආසවවිප්පයුත්තෙ පහීනෙ කිලෙසෙ පච්චවෙක්ඛන්ති; වික්ඛම්භිතෙ…පෙ… පුබ්බෙ…පෙ… චක්ඛුං…පෙ… වත්ථුං ආසවවිප්පයුත්තෙ ඛන්ධෙ අනිච්චතො දුක්ඛතො අනත්තතො විපස්සති. (ඉධ අස්සාදනා නත්ථි) දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. චෙතොපරියඤාණෙන ආසවවිප්පයුත්තචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… ආසවවිප්පයුත්තා ¶ ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය මොහස්ස ආරම්මණපච්චයෙන පච්චයො. (1)

ආසවවිප්පයුත්තො ¶ ධම්මො ආසවසම්පයුත්තස්ස ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං කත්වා තං අස්සාදෙති අභිනන්දති, තං ආරබ්භ රාගො උප්පජ්ජති, දිට්ඨි…පෙ… විචිකිච්ඡා…පෙ… උද්ධච්චං…පෙ… දොමනස්සං උප්පජ්ජති; පුබ්බෙ සුචිණ්ණානි…පෙ… ඣානා වුට්ඨහිත්වා ඣානං…පෙ… චක්ඛුං…පෙ… වත්ථුං ආසවවිප්පයුත්තෙ ඛන්ධෙ අස්සාදෙති අභිනන්දති, තං ආරබ්භ රාගො…පෙ… දිට්ඨි… දොමනස්සං… විචිකිච්ඡා… උද්ධච්චං උප්පජ්ජති. (2)

ආසවවිප්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස ආරම්මණපච්චයෙන පච්චයො – චක්ඛුං…පෙ… වත්ථුං ආසවවිප්පයුත්තෙ ඛන්ධෙ ආරබ්භ දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච උප්පජ්ජන්ති. (3)

79. ආසවසම්පයුත්තො ච ආසවවිප්පයුත්තො ච ධම්මා ආසවසම්පයුත්තස්ස ධම්මස්ස ආරම්මණපච්චයෙන පච්චයො – දොමනස්සසහගතෙ විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච ආරබ්භ ආසවසම්පයුත්තා ඛන්ධා උප්පජ්ජන්ති. (1)

ආසවසම්පයුත්තො ච ආසවවිප්පයුත්තො ච ධම්මා ආසවවිප්පයුත්තස්ස ධම්මස්ස ආරම්මණපච්චයෙන ¶ පච්චයො – දොමනස්සසහගතෙ විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච ආරබ්භ ආසවවිප්පයුත්තා ඛන්ධා ච මොහො ¶ ච උප්පජ්ජන්ති. (2)

ආසවසම්පයුත්තො ච ආසවවිප්පයුත්තො ච ධම්මා ආසවසම්පයුත්තස්ස ච ආසවවිප්පයුත්තස්ස ච ධම්මස්ස ආරම්මණපච්චයෙන පච්චයො – දොමනස්සසහගතෙ විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච ආරබ්භ දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච උප්පජ්ජන්ති. (3)

80. ආසවසම්පයුත්තො ධම්මො ආසවසම්පයුත්තස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – ආසවසම්පයුත්තෙ ඛන්ධෙ ගරුං කත්වා ආසවසම්පයුත්තකා ඛන්ධා උප්පජ්ජන්ති. සහජාතාධිපති – ආසවසම්පයුත්තාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

ආසවසම්පයුත්තො ¶ ධම්මො ආසවවිප්පයුත්තස්ස ධම්මස්ස අධිපතිපච්චයෙන පච්චයො. සහජාතාධිපති – ආසවසම්පයුත්තාධිපති චිත්තසමුට්ඨානානං රූපානං අධිපතිපච්චයෙන පච්චයො; දොමනස්සසහගතාධිපති මොහස්ස චිත්තසමුට්ඨානානඤ්ච රූපානං අධිපතිපච්චයෙන පච්චයො. (2)

ආසවසම්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස අධිපතිපච්චයෙන පච්චයො. සහජාතාධිපති – ආසවසම්පයුත්තාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො; දොමනස්සසහගතාධිපති සම්පයුත්තකානං ඛන්ධානං මොහස්ස ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

81. ආසවවිප්පයුත්තො ධම්මො ආසවවිප්පයුත්තස්ස ධම්මස්ස අධිපතිපච්චයෙන පච්චයො ¶ – ආරම්මණාධිපති, සහජාතාධිපති. ආරම්මණාධිපති – දානං දත්වා, සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති; පුබ්බෙ සුචිණ්ණානි…පෙ… ඣානා…පෙ… අරියා මග්ගා වුට්ඨහිත්වා මග්ගං…පෙ… ඵලං…පෙ… නිබ්බානං ගරුං කත්වා පච්චවෙක්ඛන්ති; නිබ්බානං ¶ ගොත්රභුස්ස, වොදානස්ස, මග්ගස්ස, ඵලස්ස අධිපතිපච්චයෙන පච්චයො. සහජාතාධිපති – ආසවවිප්පයුත්තාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

ආසවවිප්පයුත්තො ධම්මො ආසවසම්පයුත්තස්ස ධම්මස්ස අධිපතිපච්චයෙන පච්චයො. ආරම්මණාධිපති – දානං දත්වා සීලං…පෙ… උපොසථකම්මං කත්වා තං ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති, පුබ්බෙ සුචිණ්ණානි…පෙ… ඣානා…පෙ… චක්ඛුං…පෙ… වත්ථුං ආසවවිප්පයුත්තෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. (2)

82. ආසවසම්පයුත්තො ධම්මො ආසවසම්පයුත්තස්ස ධම්මස්ස අනන්තරපච්චයෙන පච්චයො – පුරිමා පුරිමා ආසවසම්පයුත්තකා ඛන්ධා පච්ඡිමානං පච්ඡිමානං ආසවසම්පයුත්තකානං ඛන්ධානං අනන්තරපච්චයෙන පච්චයො. (1)

ආසවසම්පයුත්තො ධම්මො ආසවවිප්පයුත්තස්ස ධම්මස්ස අනන්තරපච්චයෙන පච්චයො – පුරිමා පුරිමා දොමනස්සසහගතා විචිකිච්ඡාසහගතා උද්ධච්චසහගතා ¶ ඛන්ධා පච්ඡිමස්ස පච්ඡිමස්ස දොමනස්සසහගතස්ස විචිකිච්ඡාසහගතස්ස උද්ධච්චසහගතස්ස මොහස්ස අනන්තරපච්චයෙන ¶ පච්චයො; ආසවසම්පයුත්තා ඛන්ධා වුට්ඨානස්ස අනන්තරපච්චයෙන පච්චයො. (2)

ආසවසම්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස අනන්තරපච්චයෙන පච්චයො – පුරිමා පුරිමා දොමනස්සසහගතා විචිකිච්ඡාසහගතා උද්ධච්චසහගතා ඛන්ධා පච්ඡිමානං පච්ඡිමානං දොමනස්සසහගතානං විචිකිච්ඡාසහගතානං උද්ධච්චසහගතානං ඛන්ධානං මොහස්ස ච අනන්තරපච්චයෙන පච්චයො. (3)

83. ආසවවිප්පයුත්තො ධම්මො ආසවවිප්පයුත්තස්ස ධම්මස්ස අනන්තරපච්චයෙන පච්චයො – පුරිමො පුරිමො දොමනස්සසහගතො විචිකිච්ඡාසහගතො උද්ධච්චසහගතො මොහො පච්ඡිමස්ස පච්ඡිමස්ස ¶ දොමනස්සසහගතස්ස විචිකිච්ඡාසහගතස්ස උද්ධච්චසහගතස්ස මොහස්ස අනන්තරපච්චයෙන පච්චයො; පුරිමා පුරිමා ආසවවිප්පයුත්තා ඛන්ධා පච්ඡිමානං පච්ඡිමානං ආසවවිප්පයුත්තානං ඛන්ධානං අනන්තරපච්චයෙන පච්චයො; අනුලොමං ගොත්රභුස්ස…පෙ… ඵලසමාපත්තියා අනන්තරපච්චයෙන පච්චයො. (1)

ආසවවිප්පයුත්තො ධම්මො ආසවසම්පයුත්තස්ස ධම්මස්ස අනන්තරපච්චයෙන පච්චයො – පුරිමො පුරිමො දොමනස්සසහගතො විචිකිච්ඡාසහගතො උද්ධච්චසහගතො මොහො පච්ඡිමානං පච්ඡිමානං දොමනස්සසහගතානං විචිකිච්ඡාසහගතානං උද්ධච්චසහගතානං ඛන්ධානං අනන්තරපච්චයෙන පච්චයො; ආවජ්ජනා ආසවසම්පයුත්තකානං ඛන්ධානං අනන්තරපච්චයෙන පච්චයො. (2)

ආසවවිප්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස අනන්තරපච්චයෙන පච්චයො – පුරිමො පුරිමො දොමනස්සසහගතො ¶ විචිකිච්ඡාසහගතො උද්ධච්චසහගතො මොහො පච්ඡිමානං පච්ඡිමානං දොමනස්සසහගතානං විචිකිච්ඡාසහගතානං උද්ධච්චසහගතානං ඛන්ධානං මොහස්ස ච අනන්තරපච්චයෙන පච්චයො; ආවජ්ජනා දොමනස්සසහගතානං විචිකිච්ඡාසහගතානං උද්ධච්චසහගතානං ඛන්ධානං මොහස්ස ච අනන්තරපච්චයෙන පච්චයො. (3)

84. ආසවසම්පයුත්තො ¶ ච ආසවවිප්පයුත්තො ච ධම්මා ආසවසම්පයුත්තස්ස ධම්මස්ස අනන්තරපච්චයෙන පච්චයො – පුරිමා පුරිමා දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච පච්ඡිමානං පච්ඡිමානං දොමනස්සසහගතානං විචිකිච්ඡාසහගතානං උද්ධච්චසහගතානං ඛන්ධානං අනන්තරපච්චයෙන පච්චයො. (1)

ආසවසම්පයුත්තො ච ආසවවිප්පයුත්තො ච ධම්මා ආසවවිප්පයුත්තස්ස ධම්මස්ස අනන්තරපච්චයෙන පච්චයො – පුරිමා පුරිමා දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච පච්ඡිමස්ස පච්ඡිමස්ස දොමනස්සසහගතස්ස විචිකිච්ඡාසහගතස්ස උද්ධච්චසහගතස්ස මොහස්ස අනන්තරපච්චයෙන පච්චයො; දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච වුට්ඨානස්ස අනන්තරපච්චයෙන පච්චයො. (2)

ආසවසම්පයුත්තො ¶ ච ආසවවිප්පයුත්තො ච ධම්මා ආසවසම්පයුත්තස්ස ච ආසවවිප්පයුත්තස්ස ච ධම්මස්ස අනන්තරපච්චයෙන පච්චයො – පුරිමා පුරිමා දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච පච්ඡිමානං පච්ඡිමානං දොමනස්සසහගතානං විචිකිච්ඡාසහගතානං උද්ධච්චසහගතානං ¶ ඛන්ධානං මොහස්ස ච අනන්තරපච්චයෙන පච්චයො. (3)

85. ආසවසම්පයුත්තො ධම්මො ආසවසම්පයුත්තස්ස ධම්මස්ස සමනන්තරපච්චයෙන පච්චයො… සහජාතපච්චයෙන පච්චයො… නව… අඤ්ඤමඤ්ඤපච්චයෙන පච්චයො… ඡ… නිස්සයපච්චයෙන පච්චයො… නව.

86. ආසවසම්පයුත්තො ධම්මො ආසවසම්පයුත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – ආසවසම්පයුත්තා ඛන්ධා ආසවසම්පයුත්තානං ඛන්ධානං උපනිස්සයපච්චයෙන පච්චයො. (1)

ආසවසම්පයුත්තො ධම්මො ආසවවිප්පයුත්තස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො ¶ – ආසවසම්පයුත්තා ඛන්ධා ආසවවිප්පයුත්තානං ඛන්ධානං මොහස්ස ච උපනිස්සයපච්චයෙන පච්චයො. (2)

ආසවසම්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – ආසවසම්පයුත්තකා ඛන්ධා දොමනස්සසහගතානං විචිකිච්ඡාසහගතානං උද්ධච්චසහගතානං ඛන්ධානං මොහස්ස ච උපනිස්සයපච්චයෙන පච්චයො. (3)

87. ආසවවිප්පයුත්තො ධම්මො ආසවවිප්පයුත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය ¶ දානං දෙති…පෙ… සීලං…පෙ… පඤ්ඤං… කායිකං සුඛං…පෙ… සෙනාසනං… මොහං උපනිස්සාය දානං දෙති…පෙ… සමාපත්තිං ¶ උප්පාදෙති; සද්ධා…පෙ… පඤ්ඤා… කායිකං සුඛං… කායිකං දුක්ඛං… මොහො ච සද්ධාය…පෙ… මොහස්ස ච උපනිස්සයපච්චයෙන පච්චයො. (1)

ආසවවිප්පයුත්තො ධම්මො ආසවසම්පයුත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය මානං ජප්පෙති, දිට්ඨිං ගණ්හාති; සීලං…පෙ… පඤ්ඤං… කායිකං සුඛං… කායිකං දුක්ඛං… උතුං… භොජනං… සෙනාසනං… මොහං උපනිස්සාය පාණං හනති…පෙ… සඞ්ඝං භින්දති; සද්ධා…පෙ… මොහො ච රාගස්ස…පෙ… පත්ථනාය උපනිස්සයපච්චයෙන පච්චයො. (2)

ආසවවිප්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධා… සීලං…පෙ… මොහො දොමනස්සසහගතානං විචිකිච්ඡාසහගතානං උද්ධච්චසහගතානං ඛන්ධානං මොහස්ස ච උපනිස්සයපච්චයෙන පච්චයො. (3)

88. ආසවසම්පයුත්තො ච ආසවවිප්පයුත්තො ච ධම්මා ආසවසම්පයුත්තස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො ¶ …පෙ…. පකතූපනිස්සයො – දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච ආසවසම්පයුත්තකානං ඛන්ධානං උපනිස්සයපච්චයෙන පච්චයො. (පුච්ඡිතබ්බං මූලං) දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච ආසවසම්පයුත්තකානං ඛන්ධානං උපනිස්සයපච්චයෙන පච්චයො. (1)

ආසවසම්පයුත්තො ¶ ච ආසවවිප්පයුත්තො ච ධම්මා ආසවසම්පයුත්තස්ස ච ආසවවිප්පයුත්තස්ස ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – දොමනස්සසහගතා විචිකිච්ඡාසහගතා උද්ධච්චසහගතා ¶ ඛන්ධා ච මොහො ච දොමනස්සසහගතානං විචිකිච්ඡාසහගතානං උද්ධච්චසහගතානං ඛන්ධානං මොහස්ස ච උපනිස්සයපච්චයෙන පච්චයො. (2)

89. ආසවවිප්පයුත්තො ධම්මො ආසවවිප්පයුත්තස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො දුක්ඛතො අනත්තතො විපස්සති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු ආසවවිප්පයුත්තානං ඛන්ධානං මොහස්ස ච පුරෙජාතපච්චයෙන පච්චයො. (1)

ආසවවිප්පයුත්තො ධම්මො ආසවසම්පයුත්තස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති. වත්ථුපුරෙජාතං – වත්ථු ආසවසම්පයුත්තකානං ඛන්ධානං පුරෙජාතපච්චයෙන පච්චයො. (2)

ආසවවිප්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස පුරෙජාතපච්චයෙන ¶ පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං ආරබ්භ දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච උප්පජ්ජන්ති ¶ . වත්ථුපුරෙජාතං – වත්ථු දොමනස්සසහගතානං විචිකිච්ඡාසහගතානං උද්ධච්චසහගතානං ඛන්ධානං මොහස්ස ච පුරෙජාතපච්චයෙන පච්චයො. (3)

90. ආසවසම්පයුත්තො ධම්මො ආසවවිප්පයුත්තස්ස ධම්මස්ස පච්ඡාජාතපච්චයෙන පච්චයො – පච්ඡාජාතා ආසවසම්පයුත්තකා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

ආසවවිප්පයුත්තො ¶ ධම්මො ආසවවිප්පයුත්තස්ස ධම්මස්ස පච්ඡාජාතපච්චයෙන පච්චයො – පච්ඡාජාතා ආසවවිප්පයුත්තා ඛන්ධා ච මොහො ච පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

ආසවසම්පයුත්තො ච ආසවවිප්පයුත්තො ච ධම්මා ආසවවිප්පයුත්තස්ස ධම්මස්ස පච්ඡාජාතපච්චයෙන පච්චයො – පච්ඡාජාතා දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

91. ආසවසම්පයුත්තො ධම්මො ආසවසම්පයුත්තස්ස ධම්මස්ස ආසෙවනපච්චයෙන පච්චයො… නව (ආවජ්ජනාපි වුට්ඨානම්පි නත්ථි ).

92. ආසවසම්පයුත්තො ධම්මො ආසවසම්පයුත්තස්ස ධම්මස්ස කම්මපච්චයෙන පච්චයො – ආසවසම්පයුත්තකා චෙතනා සම්පයුත්තකානං ඛන්ධානං කම්මපච්චයෙන පච්චයො. (1)

ආසවසම්පයුත්තො ධම්මො ආසවවිප්පයුත්තස්ස ¶ ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – ආසවසම්පයුත්තා චෙතනා චිත්තසමුට්ඨානානං රූපානං කම්මපච්චයෙන පච්චයො; දොමනස්සසහගතා විචිකිච්ඡාසහගතා උද්ධච්චසහගතා චෙතනා මොහස්ස චිත්තසමුට්ඨානානඤ්ච රූපානං කම්මපච්චයෙන පච්චයො. නානාක්ඛණිකා – ආසවසම්පයුත්තකා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (2)

ආසවසම්පයුත්තො ¶ ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස කම්මපච්චයෙන පච්චයො – ආසවසම්පයුත්තා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; දොමනස්සසහගතා විචිකිච්ඡාසහගතා උද්ධච්චසහගතා චෙතනා සම්පයුත්තකානං ඛන්ධානං මොහස්ස ච චිත්තසමුට්ඨානානඤ්ච රූපානං කම්මපච්චයෙන පච්චයො. (3)

ආසවවිප්පයුත්තො ¶ ධම්මො ආසවවිප්පයුත්තස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – ආසවවිප්පයුත්තා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා ආසවවිප්පයුත්තා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (1)

93. ආසවවිප්පයුත්තො ධම්මො ආසවවිප්පයුත්තස්ස ධම්මස්ස විපාකපච්චයෙන පච්චයො… එකං.

94. ආසවසම්පයුත්තො ධම්මො ආසවසම්පයුත්තස්ස ධම්මස්ස ආහාරපච්චයෙන ¶ පච්චයො – ආසවසම්පයුත්තා ආහාරා සම්පයුත්තකානං ඛන්ධානං ආහාරපච්චයෙන පච්චයො. (1)

ආසවසම්පයුත්තො ධම්මො ආසවවිප්පයුත්තස්ස ධම්මස්ස ආහාරපච්චයෙන පච්චයො – ආසවසම්පයුත්තා ආහාරා චිත්තසමුට්ඨානානං රූපානං ආහාරපච්චයෙන පච්චයො; දොමනස්සසහගතා විචිකිච්ඡාසහගතා උද්ධච්චසහගතා ආහාරා මොහස්ස චිත්තසමුට්ඨානානඤ්ච රූපානං ආහාරපච්චයෙන පච්චයො. (2)

ආසවසම්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස ආහාරපච්චයෙන පච්චයො – ආසවසම්පයුත්තා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො; දොමනස්සසහගතා විචිකිච්ඡාසහගතා උද්ධච්චසහගතා ආහාරා සම්පයුත්තකානං ඛන්ධානං මොහස්ස ච චිත්තසමුට්ඨානානඤ්ච රූපානං ආහාරපච්චයෙන පච්චයො. (3)

95. ආසවවිප්පයුත්තො ¶ ධම්මො ආසවවිප්පයුත්තස්ස ධම්මස්ස ආහාරපච්චයෙන පච්චයො – ආසවවිප්පයුත්තා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො; පටිසන්ධික්ඛණෙ…පෙ… කබළීකාරො ආහාරො ඉමස්ස කායස්ස ආහාරපච්චයෙන පච්චයො. (1)

96. ආසවසම්පයුත්තො ¶ ධම්මො ආසවසම්පයුත්තස්ස ධම්මස්ස ඉන්ද්රියපච්චයෙන පච්චයො… චත්තාරි… ඣානපච්චයෙන පච්චයො… චත්තාරි… මග්ගපච්චයෙන පච්චයො… චත්තාරි… සම්පයුත්තපච්චයෙන පච්චයො… ඡ.

97. ආසවසම්පයුත්තො ¶ ධම්මො ආසවවිප්පයුත්තස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – ආසවසම්පයුත්තා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – ආසවසම්පයුත්තා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

ආසවවිප්පයුත්තො ධම්මො ආසවවිප්පයුත්තස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං (සංඛිත්තං. විත්ථාරෙතබ්බං). (1)

98. ආසවවිප්පයුත්තො ධම්මො ආසවසම්පයුත්තස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු ආසවසම්පයුත්තකානං ඛන්ධානං විප්පයුත්තපච්චයෙන පච්චයො. (1)

ආසවවිප්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස විප්පයුත්තපච්චයෙන පච්චයො. පුරෙජාතං – වත්ථු දොමනස්සසහගතානං විචිකිච්ඡාසහගතානං උද්ධච්චසහගතානං ඛන්ධානං මොහස්ස ච විප්පයුත්තපච්චයෙන පච්චයො. (2)

ආසවසම්පයුත්තො ච ආසවවිප්පයුත්තො ච ධම්මා ආසවවිප්පයුත්තස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ¶ ච මොහො ච චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

99. ආසවසම්පයුත්තො ¶ ධම්මො ආසවසම්පයුත්තස්ස ධම්මස්ස අත්ථිපච්චයෙන ¶ පච්චයො… එකං. (1)

ආසවසම්පයුත්තො ධම්මො ආසවවිප්පයුත්තස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – ආසවසම්පයුත්තා ඛන්ධා චිත්තසමුට්ඨානානං රූපානං අත්ථිපච්චයෙන පච්චයො; දොමනස්සසහගතා විචිකිච්ඡාසහගතා උද්ධච්චසහගතා ඛන්ධා මොහස්ස ච චිත්තසමුට්ඨානානඤ්ච රූපානං අත්ථිපච්චයෙන පච්චයො. පච්ඡාජාතා – ආසවසම්පයුත්තා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. (2)

ආසවසම්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස අත්ථිපච්චයෙන පච්චයො (සහජාතසදිසං). (3)

100. ආසවවිප්පයුත්තො ධම්මො ආසවවිප්පයුත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං (සංඛිත්තං, විත්ථාරෙතබ්බං). (1)

ආසවවිප්පයුත්තො ධම්මො ආසවසම්පයුත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – දොමනස්සසහගතො විචිකිච්ඡාසහගතො උද්ධච්චසහගතො මොහො සම්පයුත්තකානං ඛන්ධානං අත්ථිපච්චයෙන පච්චයො. පුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ රාගො උප්පජ්ජති, දිට්ඨි උප්පජ්ජති, විචිකිච්ඡා උප්පජ්ජති, උද්ධච්චං උප්පජ්ජති, දොමනස්සං උප්පජ්ජති, වත්ථු ආසවසම්පයුත්තකානං ඛන්ධානං අත්ථිපච්චයෙන පච්චයො. (2)

ආසවවිප්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – දොමනස්සසහගතො ¶ විචිකිච්ඡාසහගතො උද්ධච්චසහගතො ¶ මොහො සම්පයුත්තකානං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන ¶ පච්චයො. පුරෙජාතං – චක්ඛුං…පෙ… වත්ථුං ආරබ්භ දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච උප්පජ්ජන්ති. (3)

101. ආසවසම්පයුත්තො ච ආසවවිප්පයුත්තො ච ධම්මා ආසවසම්පයුත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – ආසවසම්පයුත්තො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ… දොමනස්සසහගතො විචිකිච්ඡාසහගතො උද්ධච්චසහගතො එකො ඛන්ධො ච මොහො ච තිණ්ණන්නං ඛන්ධානං අත්ථිපච්චයෙන පච්චයො; ද්වෙ ඛන්ධා ච…පෙ…. (1)

ආසවසම්පයුත්තො ච ආසවවිප්පයුත්තො ච ධම්මා ආසවවිප්පයුත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතා – ආසවසම්පයුත්තා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො; දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච මොහො ච චිත්තසමුට්ඨානානං රූපානං අත්ථිපච්චයෙන පච්චයො; දොමනස්සසහගතා විචිකිච්ඡාසහගතා උද්ධච්චසහගතා ඛන්ධා ච වත්ථු ච මොහස්ස අත්ථිපච්චයෙන පච්චයො. පච්ඡාජාතා – ආසවසම්පයුත්තා ඛන්ධා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – ආසවසම්පයුත්තා ඛන්ධා ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (2)

ආසවසම්පයුත්තො ච ආසවවිප්පයුත්තො ¶ ච ධම්මා ආසවසම්පයුත්තස්ස ච ආසවවිප්පයුත්තස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – දොමනස්සසහගතො විචිකිච්ඡාසහගතො උද්ධච්චසහගතො එකො ඛන්ධො ච මොහො ච තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. සහජාතො – දොමනස්සසහගතො විචිකිච්ඡාසහගතො උද්ධච්චසහගතො එකො ඛන්ධො ච වත්ථු ච තිණ්ණන්නං ඛන්ධානං මොහස්ස ච…පෙ… ද්වෙ ඛන්ධා ච…පෙ…. (3)

102. හෙතුයා ¶ ¶ නව, ආරම්මණෙ නව, අධිපතියා පඤ්ච, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ නව, කම්මෙ චත්තාරි, විපාකෙ එකං, ආහාරෙ චත්තාරි, ඉන්ද්රියෙ චත්තාරි, ඣානෙ චත්තාරි, මග්ගෙ චත්තාරි, සම්පයුත්තෙ ඡ, විප්පයුත්තෙ පඤ්ච, අත්ථියා නව, නත්ථියා නව, විගතෙ නව, අවිගතෙ නව.

103. ආසවසම්පයුත්තො ධම්මො ආසවසම්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

ආසවසම්පයුත්තො ධම්මො ආසවවිප්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (2)

ආසවසම්පයුත්තො ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස ආරම්මණපච්චයෙන ¶ පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

104. ආසවවිප්පයුත්තො ධම්මො ආසවවිප්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

ආසවවිප්පයුත්තො ¶ ධම්මො ආසවසම්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

ආසවවිප්පයුත්තො ¶ ධම්මො ආසවසම්පයුත්තස්ස ච ආසවවිප්පයුත්තස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (3)

105. ආසවසම්පයුත්තො ච ආසවවිප්පයුත්තො ච ධම්මා ආසවසම්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

ආසවසම්පයුත්තො ච ආසවවිප්පයුත්තො ච ධම්මා ආසවවිප්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (2)

ආසවසම්පයුත්තො ච ආසවවිප්පයුත්තො ච ධම්මා ආසවසම්පයුත්තස්ස ච ආසවවිප්පයුත්තස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

106. නහෙතුයා ¶ නව, නආරම්මණෙ නව, නඅධිපතියා නව (සබ්බත්ථ නව), නොඅවිගතෙ නව.

107. හෙතුපච්චයා ¶ නආරම්මණෙ නව, නඅධිපතියා නව…පෙ… නසමනන්තරෙ නව, නඅඤ්ඤමඤ්ඤෙ තීණි, නඋපනිස්සයෙ නව…පෙ… නමග්ගෙ නව, නසම්පයුත්තෙ තීණි, නවිප්පයුත්තෙ ඡ, නොනත්ථියා නව, නොවිගතෙ නව.

108. නහෙතුපච්චයා ¶ ආරම්මණෙ නව, අධිපතියා පඤ්ච…පෙ… අවිගතෙ නව.

109. ආසවඤ්චෙව ¶ සාසවඤ්ච ධම්මං පටිච්ච ආසවො චෙව සාසවො ච ධම්මො උප්පජ්ජති හෙතුපච්චයා – කාමාසවං පටිච්ච දිට්ඨාසවො අවිජ්ජාසවො (චක්කං බන්ධිතබ්බං) භවාසවං පටිච්ච අවිජ්ජාසවො (චක්කං බන්ධිතබ්බං) දිට්ඨාසවං පටිච්ච අවිජ්ජාසවො. (1)

ආසවඤ්චෙව සාසවඤ්ච ධම්මං පටිච්ච සාසවො චෙව නො ච ආසවො ධම්මො උප්පජ්ජති හෙතුපච්චයා ¶ – ආසවෙ පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං. (2)

ආසවඤ්චෙව සාසවඤ්ච ධම්මං පටිච්ච ආසවො චෙව සාසවො ච සාසවො චෙව නො ච ආසවො ච ධම්මා උප්පජ්ජන්ති හෙතුපච්චයා – කාමාසවං පටිච්ච දිට්ඨාසවො අවිජ්ජාසවො සම්පයුත්තකා ඛන්ධා චිත්තසමුට්ඨානඤ්ච රූපං, භවාසවං (චක්කං බන්ධිතබ්බං). (3)

110. සාසවඤ්චෙව නො ච ආසවං ධම්මං පටිච්ච සාසවො චෙව නො ච ආසවො ධම්මො උප්පජ්ජති හෙතුපච්චයා – සාසවඤ්චෙව නො ච ආසවං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ…. (1)

සාසවඤ්චෙව ¶ ¶ නො ච ආසවං ධම්මං පටිච්ච ආසවො චෙව සාසවො ච ධම්මො උප්පජ්ජති හෙතුපච්චයා – සාසවෙ චෙව නො ච ආසවෙ ඛන්ධෙ පටිච්ච ආසවා. (2)

සාසවඤ්චෙව නො ච ආසවං ධම්මං පටිච්ච ආසවො චෙව සාසවො ච සාසවො චෙව නො ච ආසවො ච ධම්මා උප්පජ්ජන්ති හෙතුපච්චයා – සාසවඤ්චෙව නො ච ආසවං එකං ඛන්ධං පටිච්ච තයො ඛන්ධා ආසවා ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

111. ආසවඤ්චෙව සාසවඤ්ච සාසවඤ්චෙව නො ච ආසවඤ්ච ධම්මං පටිච්ච ආසවො චෙව සාසවො ච ධම්මො උප්පජ්ජති හෙතුපච්චයා – කාමාසවඤ්ච සම්පයුත්තකෙ ච ඛන්ධෙ පටිච්ච දිට්ඨාසවො අවිජ්ජාසවො (එවං චක්කං බන්ධිතබ්බං). (1)

ආසවඤ්චෙව සාසවඤ්ච සාසවඤ්චෙව නො ච ආසවඤ්ච ධම්මං පටිච්ච සාසවො චෙව නො ච ආසවො ධම්මො උප්පජ්ජති හෙතුපච්චයා – සාසවඤ්චෙව නො ච ආසවං එකං ඛන්ධඤ්ච ¶ ආසවෙ ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච…පෙ…. (2)

ආසවඤ්චෙව සාසවඤ්ච සාසවඤ්චෙව නො ච ආසවඤ්ච ධම්මං පටිච්ච ආසවො චෙව සාසවො ච සාසවො චෙව නො ච ආසවො ච ධම්මා උප්පජ්ජන්ති හෙතුපච්චයා – සාසවඤ්චෙව නො ච ආසවං එකං ඛන්ධඤ්ච කාමාසවඤ්ච පටිච්ච තයො ඛන්ධා දිට්ඨාසවො අවිජ්ජාසවො චිත්තසමුට්ඨානඤ්ච රූපං…පෙ… ද්වෙ ඛන්ධෙ ච…පෙ… (චක්කං. සංඛිත්තං). (3)

2-6. සහජාත-පච්චය-නිස්සය-සංසට්ඨ-සම්පයුත්තවාරො

(එවං පටිච්චවාරොපි සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි යථා ආසවදුකං එවං කාතබ්බං, නින්නානං.)

(පඤ්හාවාරෙ ¶ හෙතුපච්චයෙපි ආරම්මණපච්චයෙපි ලොකුත්තරං න කාතබ්බං, සෙඛා ගොත්රභුං පච්චවෙක්ඛන්ති, වොදානං පච්චවෙක්ඛන්තීති කාතබ්බා. අධිපතිපච්චයම්පි සබ්බං ජානිත්වා කාතබ්බං.)

112. ආසවො ¶ චෙව සාසවො ච ධම්මො ආසවස්ස චෙව සාසවස්ස ච ධම්මස්ස අනන්තරපච්චයෙන පච්චයො – පුරිමා පුරිමා ආසවා පච්ඡිමානං පච්ඡිමානං ආසවානං අනන්තරපච්චයෙන පච්චයො. (1)

ආසවො චෙව සාසවො ච ධම්මො සාසවස්ස චෙව නො ච ආසවස්ස ධම්මස්ස අනන්තරපච්චයෙන පච්චයො – පුරිමා පුරිමා ආසවා පච්ඡිමානං පච්ඡිමානං සාසවඤ්චෙව නො ච ආසවානං ඛන්ධානං අනන්තරපච්චයෙන පච්චයො; ආසවා වුට්ඨානස්ස අනන්තරපච්චයෙන පච්චයො. (2)

ආසවො චෙව සාසවො ච ධම්මො ආසවස්ස ¶ චෙව සාසවස්ස ච සාසවස්ස චෙව නො ච ආසවස්ස ච ධම්මස්ස අනන්තරපච්චයෙන පච්චයො – පුරිමා පුරිමා ආසවා පච්ඡිමානං පච්ඡිමානං ආසවානං සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

113. සාසවො චෙව නො ච ආසවො ධම්මො සාසවස්ස චෙව නො ච ආසවස්ස ධම්මස්ස අනන්තරපච්චයෙන පච්චයො – පුරිමා පුරිමා සාසවා චෙව නො ච ආසවා ඛන්ධා පච්ඡිමානං පච්ඡිමානං සාසවානඤ්චෙව නො ච ආසවානං ඛන්ධානං අනන්තරපච්චයෙන පච්චයො; අනුලොමං ගොත්රභුස්ස, අනුලොමං වොදානස්ස, ආවජ්ජනා සාසවානඤ්චෙව නො ච ආසවානං ඛන්ධානං අනන්තරපච්චයෙන පච්චයො. (1)

සාසවො ¶ චෙව නො ච ආසවො ධම්මො ආසවස්ස චෙව සාසවස්ස ච ධම්මස්ස අනන්තරපච්චයෙන පච්චයො – පුරිමා පුරිමා සාසවා චෙව නො ච ආසවා ඛන්ධා පච්ඡිමානං පච්ඡිමානං ආසවානං අනන්තරපච්චයෙන පච්චයො; ආවජ්ජනා ආසවානං අනන්තරපච්චයෙන පච්චයො. (2)

සාසවො චෙව නො ච ආසවො ධම්මො ආසවස්ස චෙව සාසවස්ස ච සාසවස්ස චෙව නො ච ආසවස්ස ච ධම්මස්ස අනන්තරපච්චයෙන පච්චයො – පුරිමා පුරිමා සාසවා චෙව නො ච ආසවා ඛන්ධා පච්ඡිමානං පච්ඡිමානං ආසවානං සම්පයුත්තකානඤ්ච ඛන්ධානං අනන්තරපච්චයෙන පච්චයො; ආවජ්ජනා ආසවානං සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

114. ආසවො චෙව සාසවො ච සාසවො චෙව නො ච ආසවො ච ධම්මා ආසවස්ස චෙව සාසවස්ස ච ධම්මස්ස අනන්තරපච්චයෙන පච්චයො ¶ – පුරිමා පුරිමා ආසවා ච සම්පයුත්තකා ච ඛන්ධා පච්ඡිමානං පච්ඡිමානං ආසවානං ¶ අනන්තරපච්චයෙන පච්චයො. (1)

ආසවො චෙව සාසවො ච සාසවො චෙව නො ච ආසවො ච ධම්මා සාසවස්ස චෙව නො ච ආසවස්ස ධම්මස්ස අනන්තරපච්චයෙන පච්චයො – පුරිමා පුරිමා ආසවා ච සම්පයුත්තකා ච ඛන්ධා පච්ඡිමානං පච්ඡිමානං සාසවානඤ්චෙව නො ච ආසවානං ඛන්ධානං අනන්තරපච්චයෙන පච්චයො; ආසවා ච සම්පයුත්තකා ච ඛන්ධා වුට්ඨානස්ස අනන්තරපච්චයෙන පච්චයො. (2)

ආසවො චෙව සාසවො ච සාසවො චෙව නො ච ආසවො ච ධම්මා ආසවස්ස චෙව සාසවස්ස ච සාසවස්ස චෙව නො ච ආසවස්ස ච ධම්මස්ස අනන්තරපච්චයෙන පච්චයො – පුරිමා පුරිමා ආසවා ච සම්පයුත්තකා ච ඛන්ධා පච්ඡිමානං පච්ඡිමානං ආසවානං සම්පයුත්තකානඤ්ච ඛන්ධානං අනන්තරපච්චයෙන පච්චයො (එවං සබ්බං විත්ථාරෙතබ්බං). (3)

(ආසවදුකෙපි අනන්තරං ඉමිනා සදිසං කාතබ්බං. ආවජ්ජනාපි වුට්ඨානම්පි එවං සමුද්දිට්ඨං සංඛිත්තං. සබ්බං පරිපුණ්ණං. ආසවදුකසදිසං කාතබ්බං, නින්නානං.)

115. ආසවඤ්චෙව ¶ ආසවසම්පයුත්තඤ්ච ධම්මං පටිච්ච ආසවො චෙව ආසවසම්පයුත්තො ච ධම්මො උප්පජ්ජති හෙතුපච්චයා – කාමාසවං පටිච්ච දිට්ඨාසවො අවිජ්ජාසවො (චක්කං බන්ධිතබ්බං). භවාසවං පටිච්ච අවිජ්ජාසවො ¶ (චක්කං බන්ධිතබ්බං). දිට්ඨාසවං පටිච්ච අවිජ්ජාසවො. (1)

ආසවඤ්චෙව ආසවසම්පයුත්තඤ්ච ධම්මං පටිච්ච ආසවසම්පයුත්තො චෙව නො ච ආසවො ධම්මො උප්පජ්ජති හෙතුපච්චයා – ආසවෙ පටිච්ච සම්පයුත්තකා ඛන්ධා. (2)

ආසවඤ්චෙව ¶ ආසවසම්පයුත්තඤ්ච ධම්මං පටිච්ච ආසවො චෙව ආසවසම්පයුත්තො ච ආසවසම්පයුත්තො චෙව නො ච ආසවො ච ධම්මා උප්පජ්ජන්ති හෙතුපච්චයා – ආසවසම්පයුත්තං කාමාසවං පටිච්ච දිට්ඨාසවො අවිජ්ජාසවො සම්පයුත්තකා ච ඛන්ධා (සබ්බං චක්කං). (3)

116. ආසවසම්පයුත්තඤ්චෙව නො ච ආසවං ධම්මං පටිච්ච ආසවසම්පයුත්තො චෙව නො ච ¶ ආසවො ධම්මො උප්පජ්ජති හෙතුපච්චයා – ආසවසම්පයුත්තඤ්චෙව නො ච ආසවං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

ආසවසම්පයුත්තඤ්චෙව නො ච ආසවං ධම්මං පටිච්ච ආසවො චෙව ආසවසම්පයුත්තො ච ධම්මො උප්පජ්ජති හෙතුපච්චයා – ආසවසම්පයුත්තඤ්චෙව නො ච ආසවෙ ඛන්ධෙ පටිච්ච ආසවා. (2)

ආසවසම්පයුත්තඤ්චෙව නො ච ආසවං ධම්මං පටිච්ච ආසවො චෙව ආසවසම්පයුත්තො ච ආසවසම්පයුත්තො චෙව නො ච ආසවො ච ධම්මා උප්පජ්ජන්ති හෙතුපච්චයා – ආසවසම්පයුත්තඤ්චෙව නො ච ආසවං එකං ඛන්ධං පටිච්ච තයො ඛන්ධා ආසවා ච…පෙ… ද්වෙ ඛන්ධෙ…පෙ…. (3)

117. ආසවඤ්චෙව ආසවසම්පයුත්තඤ්ච ආසවසම්පයුත්තඤ්චෙව නො ච ආසවඤ්ච ධම්මං පටිච්ච ආසවො චෙව ආසවසම්පයුත්තො ච ධම්මො උප්පජ්ජති හෙතුපච්චයා – කාමාසවඤ්ච සම්පයුත්තකෙ ච ඛන්ධෙ පටිච්ච දිට්ඨාසවො අවිජ්ජාසවො (සබ්බං චක්කං). (1)

ආසවඤ්චෙව ¶ ආසවසම්පයුත්තඤ්ච ආසවසම්පයුත්තඤ්චෙව නො ච ආසවඤ්ච ධම්මං පටිච්ච ආසවසම්පයුත්තො චෙව නො ච ආසවො ධම්මො උප්පජ්ජති හෙතුපච්චයා – ආසවසම්පයුත්තඤ්චෙව නො ච ආසවං එකං ඛන්ධඤ්ච ආසවෙ ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (2)

ආසවඤ්චෙව ආසවසම්පයුත්තඤ්ච ආසවසම්පයුත්තඤ්චෙව නො ච ආසවඤ්ච ධම්මං පටිච්ච ආසවො චෙව ආසවසම්පයුත්තො ච ආසවසම්පයුත්තො චෙව නො ච ආසවො ච ධම්මා උප්පජ්ජන්ති හෙතුපච්චයා – ආසවසම්පයුත්තඤ්චෙව නො ච ආසවං එකං ඛන්ධඤ්ච කාමාසවඤ්ච පටිච්ච තයො ඛන්ධා දිට්ඨාසවො අවිජ්ජාසවො…පෙ… ද්වෙ ඛන්ධෙ…පෙ…. (3)

(චක්කං. එවං සබ්බෙ පච්චයා කාතබ්බා.)

118. හෙතුයා ¶ ¶ නව, ආරම්මණෙ නව, අධිපතියා නව ( සබ්බත්ථ නව, සංඛිත්තං), කම්මෙ නව (විපාකං නත්ථි), ආහාරෙ නව…පෙ… අවිගතෙ නව.

119. ආසවඤ්චෙව ආසවසම්පයුත්තං ධම්මං පටිච්ච ආසවො චෙව ආසවසම්පයුත්තො ච ධම්මො උප්පජ්ජති නඅධිපතිපච්චයා (නහෙතුමූලකං නත්ථි), නපුරෙජාතපච්චයා, නපච්ඡාජාතපච්චයා (සංඛිත්තං).

120. නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව.

(එවං ¶ ඉතරෙ ද්වෙ ගණනාපි සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි පරිපුණ්ණං පටිච්චසදිසා.)

121. ආසවො ¶ චෙව ආසවසම්පයුත්තො ච ධම්මො ආසවස්ස චෙව ආසවසම්පයුත්තස්ස ච ධම්මස්ස හෙතුපච්චයෙන පච්චයො… තීණි.

ආසවසම්පයුත්තො ¶ චෙව නො ච ආසවො ධම්මො ආසවසම්පයුත්තස්ස චෙව නො ච ආසවස්ස ධම්මස්ස හෙතුපච්චයෙන පච්චයො – ආසවසම්පයුත්තා චෙව නො ච ආසවා හෙතූ සම්පයුත්තකානං ඛන්ධානං හෙතුපච්චයෙන පච්චයො. (1)

122. ආසවො චෙව ආසවසම්පයුත්තො ච ධම්මො ආසවස්ස චෙව ආසවසම්පයුත්තස්ස ච ධම්මස්ස ආරම්මණපච්චයෙන පච්චයො… තීණි.

ආසවසම්පයුත්තො චෙව නො ච ආසවො ධම්මො ආසවසම්පයුත්තස්ස චෙව නො ච ආසවස්ස ධම්මස්ස ආරම්මණපච්චයෙන පච්චයො – ආසවසම්පයුත්තෙ චෙව නො ච ආසවෙ ඛන්ධෙ ආරබ්භ ආසවසම්පයුත්තා චෙව නො ච ආසවා ඛන්ධා උප්පජ්ජන්ති. (1)

ආසවසම්පයුත්තො චෙව නො ච ආසවො ධම්මො ආසවස්ස චෙව ආසවසම්පයුත්තස්ස ච ධම්මස්ස ¶ ආරම්මණපච්චයෙන පච්චයො – ආසවසම්පයුත්තෙ චෙව නො ච ආසවෙ ඛන්ධෙ ආරබ්භ ආසවා උප්පජ්ජන්ති. (2)

ආසවසම්පයුත්තො චෙව නො ච ආසවො ධම්මො ආසවස්ස චෙව ආසවසම්පයුත්තස්ස ච ආසවසම්පයුත්තස්ස චෙව නො ච ආසවස්ස ච ධම්මස්ස ආරම්මණපච්චයෙන පච්චයො – ආසවසම්පයුත්තෙ චෙව නො ච ආසවෙ ඛන්ධෙ ආරබ්භ ආසවා ච ආසවසම්පයුත්තකා ච ඛන්ධා උප්පජ්ජන්ති. (3)

ආසවො චෙව ආසවසම්පයුත්තො ච ආසවසම්පයුත්තො චෙව නො ච ආසවො ච ධම්මා ආසවස්ස චෙව ආසවසම්පයුත්තස්ස ච ධම්මස්ස ආරම්මණපච්චයෙන පච්චයො ¶ … තීණි.

අධිපතිපච්චයා… (ආරම්මණසදිසා, ගරුකාරම්මණා) අනන්තරපච්චයා… (ආරම්මණසදිසායෙව, පුරිමා පුරිමාති කාතබ්බා.) සමනන්තරපච්චයා… සහජාතපච්චයා… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා (ආරම්මණසදිසංයෙව, විභජනා නත්ථි… තීණි. උපනිස්සයං සබ්බං කාතබ්බං).

123. ආසවසම්පයුත්තො ¶ චෙව නො ච ආසවො ධම්මො ආසවසම්පයුත්තස්ස චෙව නො ච ආසවස්ස ධම්මස්ස කම්මපච්චයෙන පච්චයො… තීණි… ආහාරපච්චයෙන පච්චයො… තීණි… ඉන්ද්රියපච්චයෙන පච්චයො… තීණි… ඣානපච්චයෙන පච්චයො… තීණි… මග්ගපච්චයෙන පච්චයො… නව… සම්පයුත්තපච්චයෙන පච්චයො… නව… අත්ථිපච්චයෙන පච්චයො… නත්ථිපච්චයෙන පච්චයො… විගතපච්චයෙන පච්චයො… අවිගතපච්චයෙන පච්චයො… නව.

124. හෙතුයා ¶ චත්තාරි, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, ආසෙවනෙ නව, කම්මෙ තීණි, ආහාරෙ තීණි, ඉන්ද්රියෙ තීණි, ඣානෙ තීණි, මග්ගෙ නව, සම්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව.

125. ආසවො චෙව ආසවසම්පයුත්තො ච ධම්මො ආසවස්ස චෙව ආසවසම්පයුත්තස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන ¶ පච්චයො… උපනිස්සයපච්චයෙන පච්චයො. (1)

ආසවො චෙව ආසවසම්පයුත්තො ච ධම්මො ආසවසම්පයුත්තස්ස චෙව නො ච ආසවස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (2)

ආසවො චෙව ආසවසම්පයුත්තො ච ධම්මො ආසවස්ස චෙව ආසවසම්පයුත්තස්ස ච ආසවසම්පයුත්තස්ස චෙව නො ච ආසවස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

126. ආසවසම්පයුත්තො ¶ චෙව නො ච ආසවො ධම්මො ආසවසම්පයුත්තස්ස චෙව නො ච ආසවස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

ආසවසම්පයුත්තො ¶ චෙව නො ච ආසවො ධම්මො ආසවස්ස චෙව ආසවසම්පයුත්තස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (2)

ආසවසම්පයුත්තො චෙව නො ච ආසවො ධම්මො ආසවස්ස චෙව ආසවසම්පයුත්තස්ස ච ආසවසම්පයුත්තස්ස චෙව නො ච ආසවස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

127. ආසවො චෙව ආසවසම්පයුත්තො ච ආසවසම්පයුත්තො චෙව නො ච ආසවො ච ධම්මා ආසවස්ස චෙව ආසවසම්පයුත්තස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

ආසවො චෙව ආසවසම්පයුත්තො ච ආසවසම්පයුත්තො චෙව නො ච ආසවො ච ධම්මා ආසවසම්පයුත්තස්ස චෙව නො ච ආසවස්ස ¶ ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (2)

ආසවො චෙව ආසවසම්පයුත්තො ච ආසවසම්පයුත්තො චෙව නො ච ආසවො ච ධම්මා ආසවස්ස චෙව ආසවසම්පයුත්තස්ස ච ආසවසම්පයුත්තස්ස චෙව නො ච ආසවස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

128. නහෙතුයා නව, නආරම්මණෙ නව (සබ්බත්ථ නව), නොඅවිගතෙ නව.

129. හෙතුපච්චයා ¶ ¶ නආරම්මණෙ චත්තාරි…පෙ… නසමනන්තරෙ චත්තාරි, නඋපනිස්සයෙ චත්තාරි…පෙ… නමග්ගෙ චත්තාරි…පෙ… නවිප්පයුත්තෙ චත්තාරි, නොනත්ථියා චත්තාරි, නොවිගතෙ චත්තාරි.

130. නහෙතුපච්චයා ආරම්මණෙ නව, අධිපතියා නව (අනුලොමපදානි ගණිතබ්බානි)…පෙ… අවිගතෙ නව.

ආසවආසවසම්පයුත්තදුකං නිට්ඨිතං.

131. ආසවවිප්පයුත්තං ¶ සාසවං ධම්මං පටිච්ච ආසවවිප්පයුත්තො සාසවො ධම්මො උප්පජ්ජති හෙතුපච්චයා – ආසවවිප්පයුත්තං සාසවං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ ¶ …පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ…. (1)

ආසවවිප්පයුත්තං අනාසවං ධම්මං පටිච්ච ආසවවිප්පයුත්තො අනාසවො ධම්මො උප්පජ්ජති හෙතුපච්චයා… තීණි.

(යථා චූළන්තරදුකෙ ලොකියදුකං එවං විත්ථාරෙතබ්බං නින්නානාකරණං, සංඛිත්තං.)

ආසවවිප්පයුත්තසාසවදුකං නිට්ඨිතං.