මූල > අභිධම්මපිටක > පට්ඨානපාළි-3

1. සඤ්ඤොජනං ¶ ¶ ධම්මං පටිච්ච සඤ්ඤොජනො ධම්මො උප්පජ්ජති හෙතුපච්චයා – කාමරාගසඤ්ඤොජනං පටිච්ච දිට්ඨිසඤ්ඤොජනං අවිජ්ජාසඤ්ඤොජනං, කාමරාගසඤ්ඤොජනං පටිච්ච සීලබ්බතපරාමාසසඤ්ඤොජනං අවිජ්ජාසඤ්ඤොජනං, කාමරාගසඤ්ඤොජනං පටිච්ච මානසඤ්ඤොජනං අවිජ්ජාසඤ්ඤොජනං, කාමරාගසඤ්ඤොජනං පටිච්ච අවිජ්ජාසඤ්ඤොජනං, පටිඝසඤ්ඤොජනං පටිච්ච ඉස්සාසඤ්ඤොජනං අවිජ්ජාසඤ්ඤොජනං, පටිඝසඤ්ඤොජනං පටිච්ච මච්ඡරියසඤ්ඤොජනං අවිජ්ජාසඤ්ඤොජනං, පටිඝසඤ්ඤොජනං පටිච්ච අවිජ්ජාසඤ්ඤොජනං, මානසඤ්ඤොජනං පටිච්ච භවරාගසඤ්ඤොජනං අවිජ්ජාසඤ්ඤොජනං, භවරාගසඤ්ඤොජනං පටිච්ච අවිජ්ජාසඤ්ඤොජනං, විචිකිච්ඡාසඤ්ඤොජනං පටිච්ච අවිජ්ජාසඤ්ඤොජනං. (1)

සඤ්ඤොජනං ධම්මං පටිච්ච නොසඤ්ඤොජනො ධම්මො උප්පජ්ජති හෙතුපච්චයා – සඤ්ඤොජනෙ පටිච්ච සම්පයුත්තකා ඛන්ධා චිත්තසමුට්ඨානඤ්ච ¶ රූපං. (2)

සඤ්ඤොජනං ¶ ධම්මං පටිච්ච සඤ්ඤොජනො ච නොසඤ්ඤොජනො ච ධම්මා උප්පජ්ජන්ති හෙතුපච්චයා – කාමරාගසඤ්ඤොජනං පටිච්ච දිට්ඨිසඤ්ඤොජනං අවිජ්ජාසඤ්ඤොජනං සම්පයුත්තකා ච ඛන්ධා චිත්තසමුට්ඨානඤ්ච රූපං (චක්කං බන්ධිතබ්බං). (3)

2. නොසඤ්ඤොජනං ධම්මං පටිච්ච නොසඤ්ඤොජනො ධම්මො උප්පජ්ජති හෙතුපච්චයා – නොසඤ්ඤොජනං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

නොසඤ්ඤොජනං ධම්මං පටිච්ච සඤ්ඤොජනො ධම්මො උප්පජ්ජති හෙතුපච්චයා – නොසඤ්ඤොජනෙ ඛන්ධෙ පටිච්ච සඤ්ඤොජනා. (2)

නොසඤ්ඤොජනං ¶ ධම්මං පටිච්ච සඤ්ඤොජනො ච නොසඤ්ඤොජනො ච ධම්මා උප්පජ්ජන්ති හෙතුපච්චයා – නොසඤ්ඤොජනං එකං ඛන්ධං පටිච්ච තයො ඛන්ධා සඤ්ඤොජනා ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

3. සඤ්ඤොජනඤ්ච නොසඤ්ඤොජනඤ්ච ධම්මං පටිච්ච සඤ්ඤොජනො ධම්මො උප්පජ්ජති හෙතුපච්චයා – කාමරාගසඤ්ඤොජනඤ්ච සම්පයුත්තකෙ ච ඛන්ධෙ පටිච්ච දිට්ඨිසඤ්ඤොජනං අවිජ්ජාසඤ්ඤොජනං (චක්කං බන්ධිතබ්බං). (1)

සඤ්ඤොජනඤ්ච නොසඤ්ඤොජනඤ්ච ධම්මං පටිච්ච නොසඤ්ඤොජනො ධම්මො උප්පජ්ජති හෙතුපච්චයා – නොසඤ්ඤොජනං එකං ඛන්ධඤ්ච සඤ්ඤොජනෙ ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච…පෙ…. (2)

සඤ්ඤොජනඤ්ච නොසඤ්ඤොජනඤ්ච ධම්මං පටිච්ච සඤ්ඤොජනො ¶ ච නොසඤ්ඤොජනො ච ධම්මා උප්පජ්ජන්ති හෙතුපච්චයා – නොසඤ්ඤොජනං එකං ඛන්ධඤ්ච කාමරාගසඤ්ඤොජනඤ්ච පටිච්ච තයො ඛන්ධා දිට්ඨිසඤ්ඤොජනං අවිජ්ජාසඤ්ඤොජනං චිත්තසමුට්ඨානඤ්ච රූපං…පෙ… (චක්කං බන්ධිතබ්බං). (3)

(ආරම්මණපච්චයෙ ¶ රූපං නත්ථි. අධිපතිපච්චයො හෙතුසදිසො, විචිකිච්ඡාසඤ්ඤොජනං නත්ථි.) අනන්තරපච්චයා…පෙ… අවිගතපච්චයා.

4. හෙතුයා නව, ආරම්මණෙ නව, අධිපතියා නව, අනන්තරෙ නව (සබ්බත්ථ නව), විපාකෙ එකං, ආහාරෙ නව…පෙ… අවිගතෙ නව.

5. සඤ්ඤොජනං ධම්මං පටිච්ච සඤ්ඤොජනො ධම්මො උප්පජ්ජති නහෙතුපච්චයා – විචිකිච්ඡාසඤ්ඤොජනං පටිච්ච අවිජ්ජාසඤ්ඤොජනං. (1)

නොසඤ්ඤොජනං ¶ ධම්මං පටිච්ච නොසඤ්ඤොජනො ධම්මො උප්පජ්ජති නහෙතුපච්චයා – අහෙතුකං නොසඤ්ඤොජනං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… (යාව අසඤ්ඤසත්තා). (1)

නොසඤ්ඤොජනං ¶ ධම්මං පටිච්ච සඤ්ඤොජනො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච අවිජ්ජාසඤ්ඤොජනං. (2)

සඤ්ඤොජනඤ්ච නොසඤ්ඤොජනඤ්ච ධම්මං පටිච්ච සඤ්ඤොජනො ධම්මො උප්පජ්ජති නහෙතුපච්චයා – විචිකිච්ඡාසඤ්ඤොජනඤ්ච සම්පයුත්තකෙ ච ඛන්ධෙ පටිච්ච අවිජ්ජාසඤ්ඤොජනං. (3)

(සංඛිත්තං. ආසවගොච්ඡකසදිසං. නආරම්මණාපි සබ්බෙ උද්ධරිතබ්බා.)

6. නහෙතුයා චත්තාරි, නආරම්මණෙ තීණි, නඅධිපතියා නව ¶ , නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ නව, නොනත්ථියා තීණි, නොවිගතෙ තීණි.

7. හෙතුපච්චයා නආරම්මණෙ තීණි, නඅධිපතියා නව (එවං සබ්බං ගණෙතබ්බං).

8. නහෙතුපච්චයා ¶ ¶ ආරම්මණෙ චත්තාරි (සබ්බත්ථ චත්තාරි) විපාකෙ එකං, ආහාරෙ චත්තාරි…පෙ… මග්ගෙ තීණි, සම්පයුත්තෙ චත්තාරි…පෙ… අවිගතෙ චත්තාරි.

9. සඤ්ඤොජනං ධම්මං සහජාතො සඤ්ඤොජනො ධම්මො උප්පජ්ජති හෙතුපච්චයා (පටිච්චවාරසදිසං).

10. සඤ්ඤොජනං ධම්මං පච්චයා සඤ්ඤොජනො ධම්මො උප්පජ්ජති හෙතුපච්චයා… තීණි (පටිච්චසදිසං).

නොසඤ්ඤොජනං ධම්මං පච්චයා නොසඤ්ඤොජනො ධම්මො උප්පජ්ජති හෙතුපච්චයා – නොසඤ්ඤොජනං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා, එකං මහාභූතං…පෙ… මහාභූතෙ පච්චයා චිත්තසමුට්ඨානං රූපං, කටත්තාරූපං, උපාදාරූපං, වත්ථුං පච්චයා නොසඤ්ඤොජනා ඛන්ධා. (1)

නොසඤ්ඤොජනං ¶ ධම්මං පච්චයා සඤ්ඤොජනො ධම්මො උප්පජ්ජති හෙතුපච්චයා – නොසඤ්ඤොජනෙ ¶ ඛන්ධෙ පච්චයා සඤ්ඤොජනා, වත්ථුං පච්චයා සඤ්ඤොජනා. (2)

නොසඤ්ඤොජනං ධම්මං පච්චයා සඤ්ඤොජනො ච නොසඤ්ඤොජනො ච ධම්මා උප්පජ්ජන්ති හෙතුපච්චයා – නොසඤ්ඤොජනං එකං ඛන්ධං පච්චයා තයො ඛන්ධා සඤ්ඤොජනඤ්ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… වත්ථුං පච්චයා සඤ්ඤොජනා, මහාභූතෙ පච්චයා චිත්තසමුට්ඨානං රූපං, වත්ථුං පච්චයා සඤ්ඤොජනා සම්පයුත්තකා ච ඛන්ධා. (3)

11. සඤ්ඤොජනඤ්ච ¶ නොසඤ්ඤොජනඤ්ච ධම්මං පච්චයා සඤ්ඤොජනො ධම්මො උප්පජ්ජති හෙතුපච්චයා – කාමරාගසඤ්ඤොජනඤ්ච සම්පයුත්තකෙ ච ඛන්ධෙ පච්චයා දිට්ඨිසඤ්ඤොජනං අවිජ්ජාසඤ්ඤොජනං, කාමරාගසඤ්ඤොජනඤ්ච වත්ථුඤ්ච පච්චයා දිට්ඨිසඤ්ඤොජනං අවිජ්ජාසඤ්ඤොජනං (චක්කං) (1)

සඤ්ඤොජනඤ්ච නොසඤ්ඤොජනඤ්ච ධම්මං පච්චයා නොසඤ්ඤොජනො ධම්මො උප්පජ්ජති හෙතුපච්චයා – නොසඤ්ඤොජනං එකං ඛන්ධඤ්ච සඤ්ඤොජනෙ ච පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… (චක්කං). සඤ්ඤොජනෙ ච වත්ථුඤ්ච පච්චයා නොසඤ්ඤොජනා ඛන්ධා. (2)

සඤ්ඤොජනඤ්ච නොසඤ්ඤොජනඤ්ච ධම්මං පච්චයා සඤ්ඤොජනො ච නොසඤ්ඤොජනො ච ධම්මා උප්පජ්ජන්ති හෙතුපච්චයා – නොසඤ්ඤොජනං එකං ඛන්ධඤ්ච කාමරාගසඤ්ඤොජනඤ්ච පච්චයා තයො ඛන්ධා දිට්ඨිසඤ්ඤොජනං අවිජ්ජාසඤ්ඤොජනං චිත්තසමුට්ඨානඤ්ච රූපං, ද්වෙ ඛන්ධෙ…පෙ… (චක්කං). කාමරාගසඤ්ඤොජනඤ්ච වත්ථුඤ්ච පච්චයා දිට්ඨිසඤ්ඤොජනං අවිජ්ජාසඤ්ඤොජනං සම්පයුත්තකා ච ඛන්ධා (චක්කං. සංඛිත්තං). (3)

12. හෙතුයා ¶ නව, ආරම්මණෙ නව (සබ්බත්ථ නව), විපාකෙ එකං…පෙ… අවිගතෙ නව.

13. නහෙතුයා ¶ චත්තාරි (යත්ථ යත්ථ වත්ථු ලබ්භති, තත්ථ තත්ථ නින්නෙතබ්බං), නආරම්මණෙ තීණි…පෙ… නොවිගතෙ තීණි.

(එවං ඉතරෙපි ද්වෙ ගණනා ච නිස්සයවාරො ච කාතබ්බො.)

14. සඤ්ඤොජනං ධම්මං සංසට්ඨො සඤ්ඤොජනො ධම්මො උප්පජ්ජති හෙතුපච්චයා – කාමරාගසඤ්ඤොජනං සංසට්ඨං දිට්ඨිසඤ්ඤොජනං අවිජ්ජාසඤ්ඤොජනං (එවං නව පඤ්හා. අරූපායෙව කාතබ්බා).

(සංසට්ඨවාරොපි සම්පයුත්තවාරොපි එවං කාතබ්බා.)

15. සඤ්ඤොජනො ¶ ධම්මො සඤ්ඤොජනස්ස ධම්මස්ස හෙතුපච්චයෙන පච්චයො – සඤ්ඤොජනා හෙතූ සම්පයුත්තකානං සඤ්ඤොජනානං හෙතුපච්චයෙන පච්චයො. (1)

සඤ්ඤොජනො ¶ ධම්මො නොසඤ්ඤොජනස්ස ධම්මස්ස හෙතුපච්චයෙන පච්චයො – සඤ්ඤොජනා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (2)

සඤ්ඤොජනො ධම්මො සඤ්ඤොජනස්ස ච නොසඤ්ඤොජනස්ස ච ධම්මස්ස හෙතුපච්චයෙන පච්චයො – සඤ්ඤොජනා හෙතූ සම්පයුත්තකානං ඛන්ධානං සඤ්ඤොජනානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

16. නොසඤ්ඤොජනො ධම්මො නොසඤ්ඤොජනස්ස ධම්මස්ස හෙතුපච්චයෙන පච්චයො – නොසඤ්ඤොජනා හෙතූ ¶ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

17. සඤ්ඤොජනො ධම්මො සඤ්ඤොජනස්ස ධම්මස්ස ආරම්මණපච්චයෙන පච්චයො – සඤ්ඤොජනෙ ආරබ්භ සඤ්ඤොජනා උප්පජ්ජන්ති. (මූලං කාතබ්බං) සඤ්ඤොජනෙ ආරබ්භ නොසඤ්ඤොජනා ඛන්ධා උප්පජ්ජන්ති. (මූලං කාතබ්බං) සඤ්ඤොජනෙ ආරබ්භ සඤ්ඤොජනා ච සම්පයුත්තකා ච ඛන්ධා උප්පජ්ජන්ති. (3)

18. නොසඤ්ඤොජනො ධම්මො නොසඤ්ඤොජනස්ස ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි…පෙ… ඣානා…පෙ… අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං…පෙ… නිබ්බානං පච්චවෙක්ඛන්ති, නිබ්බානං ගොත්රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො; අරියා නොසඤ්ඤොජනෙ පහීනෙ කිලෙසෙ…පෙ… වික්ඛම්භිතෙ කිලෙසෙ…පෙ… පුබ්බෙ…පෙ… චක්ඛුං ¶ …පෙ… වත්ථුං නොසඤ්ඤොජනෙ ඛන්ධෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙන නොසඤ්ඤොජනචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… නොසඤ්ඤොජනා ඛන්ධා ¶ ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස ¶ , අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

නොසඤ්ඤොජනො ධම්මො සඤ්ඤොජනස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං…පෙ… පුබ්බෙ…පෙ… ඣානා…පෙ… චක්ඛුං…පෙ… වත්ථුං නොසඤ්ඤොජනෙ ඛන්ධෙ අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති. (2)

නොසඤ්ඤොජනො ධම්මො සඤ්ඤොජනස්ස ච නොසඤ්ඤොජනස්ස ච ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං…පෙ… පුබ්බෙ…පෙ… ඣානා…පෙ… චක්ඛුං…පෙ… වත්ථුං නොසඤ්ඤොජනෙ ඛන්ධෙ අස්සාදෙති අභිනන්දති, තං ආරබ්භ සඤ්ඤොජනා ච සඤ්ඤොජනසම්පයුත්තකා ච ඛන්ධා උප්පජ්ජන්ති. (3)

සඤ්ඤොජනො ච නොසඤ්ඤොජනො ච ධම්මා සඤ්ඤොජනස්ස ධම්මස්ස ආරම්මණපච්චයෙන පච්චයො… තීණි (ආරබ්භයෙව කාතබ්බා).

19. සඤ්ඤොජනො ධම්මො සඤ්ඤොජනස්ස ධම්මස්ස අධිපතිපච්චයෙන පච්චයො. ආරම්මණාධිපති – සඤ්ඤොජනං ගරුං කත්වා…පෙ… තීණි (ගරුකාරම්මණා).

නොසඤ්ඤොජනො ධම්මො නොසඤ්ඤොජනස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං…පෙ… තීණි (තිණ්ණම්පි ආරම්මණාධිපති, සහජාතාධිපතිපි කාතබ්බා, විභජිතබ්බා තීණිපි).

සඤ්ඤොජනො ¶ ච නොසඤ්ඤොජනො ච ධම්මා සඤ්ඤොජනස්ස ධම්මස්ස අධිපතිපච්චයෙන පච්චයො. ආරම්මණාධිපති – සඤ්ඤොජනෙ ච සම්පයුත්තකෙ ¶ ච ඛන්ධෙ ගරුං කත්වා…පෙ… තීණි.

20. සඤ්ඤොජනො ¶ ධම්මො සඤ්ඤොජනස්ස ධම්මස්ස අනන්තරපච්චයෙන පච්චයො – පුරිමා පුරිමා සඤ්ඤොජනා පච්ඡිමානං පච්ඡිමානං සඤ්ඤොජනානං අනන්තරපච්චයෙන පච්චයො… තීණි.

නොසඤ්ඤොජනො ධම්මො නොසඤ්ඤොජනස්ස ධම්මස්ස අනන්තරපච්චයෙන පච්චයො – පුරිමා පුරිමා නොසඤ්ඤොජනා ඛන්ධා පච්ඡිමානං…පෙ… ඵලසමාපත්තියා අනන්තරපච්චයෙන පච්චයො. (1)

නොසඤ්ඤොජනො ධම්මො සඤ්ඤොජනස්ස ධම්මස්ස අනන්තරපච්චයෙන පච්චයො – පුරිමා පුරිමා නොසඤ්ඤොජනා ඛන්ධා පච්ඡිමානං පච්ඡිමානං සඤ්ඤොජනානං අනන්තරපච්චයෙන පච්චයො; ආවජ්ජනා සඤ්ඤොජනානං අනන්තරපච්චයෙන පච්චයො (එවං ද්වෙපි කාතබ්බා). (3)

සඤ්ඤොජනො ච නොසඤ්ඤොජනො ච ධම්මා සඤ්ඤොජනස්ස ධම්මස්ස අනන්තරපච්චයෙන පච්චයො… තීණි.

21. සඤ්ඤොජනො ධම්මො සඤ්ඤොජනස්ස ධම්මස්ස සමනන්තරපච්චයෙන පච්චයො… නව… සහජාතපච්චයෙන පච්චයො… නව… අඤ්ඤමඤ්ඤපච්චයෙන පච්චයො… නව… නිස්සයපච්චයෙන පච්චයො… නව.

22. සඤ්ඤොජනො ධම්මො සඤ්ඤොජනස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සඤ්ඤොජනා සඤ්ඤොජනානං උපනිස්සයපච්චයෙන පච්චයො (එවං තීණිපි).

23. නොසඤ්ඤොජනො ¶ ධම්මො නොසඤ්ඤොජනස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය ¶ දානං දෙති…පෙ… සමාපත්තිං උප්පාදෙති ¶ , මානං ජප්පෙති, දිට්ඨිං ගණ්හාති; සීලං…පෙ… පඤ්ඤං, රාගං…පෙ… පත්ථනං…පෙ… සෙනාසනං උපනිස්සාය දානං දෙති…පෙ… සඞ්ඝං භින්දති; සද්ධා…පෙ… සෙනාසනං සද්ධාය…පෙ… ඵලසමාපත්තියා උපනිස්සයපච්චයෙන පච්චයො. (1)

නොසඤ්ඤොජනො ධම්මො සඤ්ඤොජනස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය මානං ජප්පෙති, දිට්ඨිං ගණ්හාති; සීලං…පෙ… සෙනාසනං උපනිස්සාය පාණං හනති…පෙ… සඞ්ඝං භින්දති; සද්ධා…පෙ… සෙනාසනං රාගස්ස…පෙ… පත්ථනාය උපනිස්සයපච්චයෙන පච්චයො. (2)

නොසඤ්ඤොජනො ධම්මො සඤ්ඤොජනස්ස ච නොසඤ්ඤොජනස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය මානං ජප්පෙති, දිට්ඨිං ගණ්හාති; සීලං…පෙ… සෙනාසනං උපනිස්සාය පාණං හනති…පෙ… සඞ්ඝං භින්දති; සද්ධා…පෙ… සෙනාසනං සඤ්ඤොජනානං සම්පයුත්තකානඤ්ච ඛන්ධානං උපනිස්සයපච්චයෙන පච්චයො. (3)

සඤ්ඤොජනො ච නොසඤ්ඤොජනො ච ධම්මා සඤ්ඤොජනස්ස ධම්මස්ස උපනිස්සයපච්චයෙන පච්චයො… තීණි.

24. නොසඤ්ඤොජනො ධම්මො නොසඤ්ඤොජනස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; දිබ්බෙන ¶ චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ…. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු නොසඤ්ඤොජනානං ඛන්ධානං පුරෙජාතපච්චයෙන පච්චයො. (1)

නොසඤ්ඤොජනො ¶ ¶ ධම්මො සඤ්ඤොජනස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති. වත්ථුපුරෙජාතං – වත්ථු සඤ්ඤොජනානං පුරෙජාතපච්චයෙන පච්චයො. (2)

නොසඤ්ඤොජනො ධම්මො සඤ්ඤොජනස්ස ච නොසඤ්ඤොජනස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අස්සාදෙති, අභිනන්දති, තං ආරබ්භ සඤ්ඤොජනා ච සම්පයුත්තකා ච ඛන්ධා උප්පජ්ජන්ති. වත්ථුපුරෙජාතං – වත්ථු සඤ්ඤොජනානං සම්පයුත්තකානඤ්ච ඛන්ධානං පුරෙජාතපච්චයෙන පච්චයො. (3)

25. සඤ්ඤොජනො ධම්මො නොසඤ්ඤොජනස්ස ධම්මස්ස පච්ඡාජාතපච්චයෙන පච්චයො… එකං.

නොසඤ්ඤොජනො ධම්මො නොසඤ්ඤොජනස්ස ධම්මස්ස පච්ඡාජාතපච්චයෙන පච්චයො…පෙ…. (1)

සඤ්ඤොජනො ච නොසඤ්ඤොජනො ච ධම්මා නොසඤ්ඤොජනස්ස ධම්මස්ස පච්ඡාජාතපච්චයෙන පච්චයො…පෙ…. (1)

26. සඤ්ඤොජනො ¶ ධම්මො සඤ්ඤොජනස්ස ධම්මස්ස ආසෙවනපච්චයෙන පච්චයො… නව.

27. නොසඤ්ඤොජනො ධම්මො නොසඤ්ඤොජනස්ස ධම්මස්ස කම්මපච්චයෙන පච්චයො… තීණි… විපාකපච්චයෙන පච්චයො… එකං… ආහාරපච්චයෙන පච්චයො… තීණි… ඉන්ද්රියපච්චයෙන පච්චයො… තීණි… ඣානපච්චයෙන පච්චයො… තීණි… මග්ගපච්චයෙන පච්චයො… නව… සම්පයුත්තපච්චයෙන පච්චයො… නව.

28. සඤ්ඤොජනො ¶ ¶ ධම්මො නොසඤ්ඤොජනස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (විභජිතබ්බං). (1)

නොසඤ්ඤොජනො ධම්මො නොසඤ්ඤොජනස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං (විභජිතබ්බං). (1)

නොසඤ්ඤොජනො ධම්මො සඤ්ඤොජනස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු සඤ්ඤොජනානං විප්පයුත්තපච්චයෙන පච්චයො. (2)

නොසඤ්ඤොජනො ධම්මො සඤ්ඤොජනස්ස ච නොසඤ්ඤොජනස්ස ච ධම්මස්ස විප්පයුත්තපච්චයෙන පච්චයො. පුරෙජාතං – වත්ථු සඤ්ඤොජනානං සම්පයුත්තකානඤ්ච ඛන්ධානං විප්පයුත්තපච්චයෙන පච්චයො. (3)

සඤ්ඤොජනො ච නොසඤ්ඤොජනො ච ධම්මා නොසඤ්ඤොජනස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (විභජිතබ්බං). (1)

29. සඤ්ඤොජනො ධම්මො සඤ්ඤොජනස්ස ධම්මස්ස අත්ථිපච්චයෙන පච්චයො… එකං (පටිච්චසදිසං). (1)

සඤ්ඤොජනො ධම්මො නොසඤ්ඤොජනස්ස ධම්මස්ස ¶ අත්ථිපච්චයෙන පච්චයො – සහජාතං, පච්ඡාජාතං (සංඛිත්තං). (2)

සඤ්ඤොජනො ධම්මො සඤ්ඤොජනස්ස ච නොසඤ්ඤොජනස්ස ච ධම්මස්ස අත්ථිපච්චයෙන පච්චයො (පටිච්චසදිසං). (3)

30. නොසඤ්ඤොජනො ¶ ධම්මො නොසඤ්ඤොජනස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං (සංඛිත්තං). (1)

නොසඤ්ඤොජනො ධම්මො සඤ්ඤොජනස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතා – නොසඤ්ඤොජනා ඛන්ධා සම්පයුත්තකානං සඤ්ඤොජනානං අත්ථිපච්චයෙන පච්චයො. පුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති, වත්ථු සඤ්ඤොජනානං අත්ථිපච්චයෙන පච්චයො. (2)

නොසඤ්ඤොජනො ¶ ධම්මො සඤ්ඤොජනස්ස ච නොසඤ්ඤොජනස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – නොසඤ්ඤොජනො…පෙ… (සංඛිත්තං, ආසවසදිසං). (3)

31. සඤ්ඤොජනො ච නොසඤ්ඤොජනො ච ධම්මා සඤ්ඤොජනස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං (ආසවසදිසං). (1)

සඤ්ඤොජනො ච නොසඤ්ඤොජනො ච ධම්මා නොසඤ්ඤොජනස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං (විභජිතබ්බං ආසවසදිසං). (2)

සඤ්ඤොජනො ච නොසඤ්ඤොජනො ච ධම්මා සඤ්ඤොජනස්ස ච නොසඤ්ඤොජනස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං (විභජිතබ්බං ආසවසදිසං). (3)

32. හෙතුයා ¶ චත්තාරි, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ තීණි, පච්ඡාජාතෙ ¶ තීණි, ආසෙවනෙ නව, කම්මෙ තීණි, විපාකෙ එකං, ආහාරෙ තීණි, ඉන්ද්රියෙ තීණි, ඣානෙ තීණි, මග්ගෙ නව, සම්පයුත්තෙ නව, විප්පයුත්තෙ පඤ්ච, අත්ථියා නව, නත්ථියා නව, විගතෙ නව, අවිගතෙ නව.

33. සඤ්ඤොජනො ධම්මො සඤ්ඤොජනස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

සඤ්ඤොජනො ධම්මො නොසඤ්ඤොජනස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (2)

සඤ්ඤොජනො ¶ ධම්මො සඤ්ඤොජනස්ස ච නොසඤ්ඤොජනස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

34. නොසඤ්ඤොජනො ධම්මො නොසඤ්ඤොජනස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

නොසඤ්ඤොජනො ධම්මො සඤ්ඤොජනස්ස ධම්මස්ස ආරම්මණපච්චයෙන පච්චයො… සහජාතපච්චයෙන ¶ පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

නොසඤ්ඤොජනො ධම්මො සඤ්ඤොජනස්ස ච නොසඤ්ඤොජනස්ස ච ධම්මස්ස ආරම්මණපච්චයෙන පච්චයො ¶ … සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (3)

35. සඤ්ඤොජනො ච නොසඤ්ඤොජනො ච ධම්මා සඤ්ඤොජනස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

සඤ්ඤොජනො ච නොසඤ්ඤොජනො ච ධම්මා නොසඤ්ඤොජනස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (2)

සඤ්ඤොජනො ච නොසඤ්ඤොජනො ච ධම්මා සඤ්ඤොජනස්ස ච නොසඤ්ඤොජනස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

36. නහෙතුයා නව, නආරම්මණෙ නව (සබ්බත්ථ නව), නොඅවිගතෙ නව.

37. හෙතුපච්චයා ¶ නආරම්මණෙ චත්තාරි…පෙ… නසමනන්තරෙ චත්තාරි, නඅඤ්ඤමඤ්ඤෙ ද්වෙ, නඋපනිස්සයෙ චත්තාරි…පෙ… නමග්ගෙ චත්තාරි, නසම්පයුත්තෙ ද්වෙ, නවිප්පයුත්තෙ චත්තාරි, නොනත්ථියා චත්තාරි, නොවිගතෙ චත්තාරි.

38. නහෙතුපච්චයා ¶ ආරම්මණෙ නව, අධිපතියා නව (අනුලොමමාතිකා) ¶ , අවිගතෙ නව.

39. සඤ්ඤොජනියං ¶ ධම්මං පටිච්ච සඤ්ඤොජනියො ධම්මො උප්පජ්ජති හෙතුපච්චයා – සඤ්ඤොජනියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ….

(චූළන්තරදුකෙ ලොකියදුකසදිසං, නින්නානාකරණං.)

40. සඤ්ඤොජනසම්පයුත්තං ¶ ධම්මං පටිච්ච සඤ්ඤොජනසම්පයුත්තො ධම්මො උප්පජ්ජති හෙතුපච්චයා – සඤ්ඤොජනසම්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

සඤ්ඤොජනසම්පයුත්තං ¶ ධම්මං පටිච්ච සඤ්ඤොජනවිප්පයුත්තො ධම්මො උප්පජ්ජති හෙතුපච්චයා – සඤ්ඤොජනසම්පයුත්තෙ ඛන්ධෙ පටිච්ච චිත්තසමුට්ඨානං රූපං. (2)

සඤ්ඤොජනසම්පයුත්තං ධම්මං පටිච්ච සඤ්ඤොජනසම්පයුත්තො ච සඤ්ඤොජනවිප්පයුත්තො ¶ ච ධම්මා උප්පජ්ජන්ති හෙතුපච්චයා – සඤ්ඤොජනසම්පයුත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

41. සඤ්ඤොජනවිප්පයුත්තං ධම්මං පටිච්ච සඤ්ඤොජනවිප්පයුත්තො ධම්මො උප්පජ්ජති හෙතුපච්චයා – සඤ්ඤොජනවිප්පයුත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං ¶ …පෙ… ද්වෙ ඛන්ධෙ…පෙ… උද්ධච්චසහගතං මොහං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… එකං මහාභූතං…පෙ…. (1)

සඤ්ඤොජනවිප්පයුත්තං ධම්මං පටිච්ච සඤ්ඤොජනසම්පයුත්තො ධම්මො උප්පජ්ජති හෙතුපච්චයා – උද්ධච්චසහගතං මොහං පටිච්ච සම්පයුත්තකා ඛන්ධා. (2)

සඤ්ඤොජනවිප්පයුත්තං ධම්මං පටිච්ච සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා උප්පජ්ජන්ති හෙතුපච්චයා – උද්ධච්චසහගතං මොහං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං. (3)

42. සඤ්ඤොජනසම්පයුත්තඤ්ච සඤ්ඤොජනවිප්පයුත්තඤ්ච ධම්මං පටිච්ච සඤ්ඤොජනසම්පයුත්තො ධම්මො උප්පජ්ජති හෙතුපච්චයා – උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

සඤ්ඤොජනසම්පයුත්තඤ්ච සඤ්ඤොජනවිප්පයුත්තඤ්ච ධම්මං පටිච්ච සඤ්ඤොජනවිප්පයුත්තො ධම්මො උප්පජ්ජති හෙතුපච්චයා – සඤ්ඤොජනසම්පයුත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, උද්ධච්චසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං. (2)

සඤ්ඤොජනසම්පයුත්තඤ්ච සඤ්ඤොජනවිප්පයුත්තඤ්ච ධම්මං පටිච්ච සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා උප්පජ්ජන්ති හෙතුපච්චයා ¶ – උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

43. සඤ්ඤොජනසම්පයුත්තං ¶ ධම්මං පටිච්ච සඤ්ඤොජනසම්පයුත්තො ධම්මො උප්පජ්ජති ආරම්මණපච්චයා – සඤ්ඤොජනසම්පයුත්තං එකං ඛන්ධං…පෙ… ද්වෙ ඛන්ධෙ…පෙ…. (1)

සඤ්ඤොජනසම්පයුත්තං ¶ ධම්මං පටිච්ච සඤ්ඤොජනවිප්පයුත්තො ධම්මො උප්පජ්ජති ආරම්මණපච්චයා – උද්ධච්චසහගතෙ ඛන්ධෙ පටිච්ච උද්ධච්චසහගතො මොහො. (2)

සඤ්ඤොජනසම්පයුත්තං ධම්මං පටිච්ච සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා උප්පජ්ජන්ති ආරම්මණපච්චයා – උද්ධච්චසහගතං එකං ඛන්ධං පටිච්ච තයො ඛන්ධා මොහො ච…පෙ… ද්වෙ ඛන්ධෙ…පෙ…. (3)

44. සඤ්ඤොජනවිප්පයුත්තං ධම්මං පටිච්ච සඤ්ඤොජනවිප්පයුත්තො ධම්මො උප්පජ්ජති ආරම්මණපච්චයා – සඤ්ඤොජනවිප්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පටිච්ච ඛන්ධා. (1)

සඤ්ඤොජනවිප්පයුත්තං ධම්මං පටිච්ච සඤ්ඤොජනසම්පයුත්තො ධම්මො උප්පජ්ජති ආරම්මණපච්චයා – උද්ධච්චසහගතං මොහං පටිච්ච සම්පයුත්තකා ඛන්ධා. (2)

සඤ්ඤොජනසම්පයුත්තඤ්ච සඤ්ඤොජනවිප්පයුත්තඤ්ච ධම්මං පටිච්ච සඤ්ඤොජනසම්පයුත්තො ධම්මො උප්පජ්ජති ආරම්මණපච්චයා – උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

45. සඤ්ඤොජනසම්පයුත්තං ධම්මං පටිච්ච සඤ්ඤොජනසම්පයුත්තො ධම්මො ¶ උප්පජ්ජති අධිපතිපච්චයා… තීණි.

සඤ්ඤොජනවිප්පයුත්තං ධම්මං පටිච්ච සඤ්ඤොජනවිප්පයුත්තො ධම්මො උප්පජ්ජති අධිපතිපච්චයා… එකං.

සඤ්ඤොජනසම්පයුත්තඤ්ච සඤ්ඤොජනවිප්පයුත්තඤ්ච ධම්මං පටිච්ච සඤ්ඤොජනවිප්පයුත්තො ධම්මො උප්පජ්ජති අධිපතිපච්චයා – සඤ්ඤොජනසම්පයුත්තකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1) (සංඛිත්තං.)

46. හෙතුයා ¶ ¶ නව, ආරම්මණෙ ඡ, අධිපතියා පඤ්ච, අනන්තරෙ ඡ, සමනන්තරෙ ඡ, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ ඡ, පුරෙජාතෙ ඡ, ආසෙවනෙ ඡ, කම්මෙ නව, විපාකෙ එකං, ආහාරෙ නව, ඉන්ද්රියෙ නව, ඣානෙ නව, මග්ගෙ නව, සම්පයුත්තෙ ඡ, විප්පයුත්තෙ නව, අත්ථියා නව, නත්ථියා ඡ, විගතෙ ඡ, අවිගතෙ නව.

47. සඤ්ඤොජනසම්පයුත්තං ධම්මං පටිච්ච සඤ්ඤොජනසම්පයුත්තො ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ පටිච්ච විචිකිච්ඡාසහගතො මොහො. (1)

සඤ්ඤොජනසම්පයුත්තං ධම්මං පටිච්ච සඤ්ඤොජනවිප්පයුත්තො ධම්මො උප්පජ්ජති නහෙතුපච්චයා – උද්ධච්චසහගතෙ ඛන්ධෙ පටිච්ච උද්ධච්චසහගතො මොහො. (2)

සඤ්ඤොජනවිප්පයුත්තං ධම්මං පටිච්ච සඤ්ඤොජනවිප්පයුත්තො ධම්මො උප්පජ්ජති නහෙතුපච්චයා – අහෙතුකං සඤ්ඤොජනවිප්පයුත්තං එකං ඛන්ධං…පෙ… (යාව අසඤ්ඤසත්තා, සංඛිත්තං). (1)

48. නහෙතුයා ¶ ¶ තීණි, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ සත්ත, නපච්ඡාජාතෙ නව, නආසෙවනෙ නව, නකම්මෙ චත්තාරි ¶ , නවිපාකෙ නව, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ ඡ, නොනත්ථියා තීණි, නොවිගතෙ තීණි.

49. හෙතුපච්චයා නආරම්මණෙ තීණි, නඅධිපතියා නව…පෙ… නඋපනිස්සයෙ තීණි, නපුරෙජාතෙ ඡ, නපච්ඡාජාතෙ නව, නආසෙවනෙ නව, නකම්මෙ චත්තාරි, නවිපාකෙ නව, නසම්පයුත්තෙ තීණි, නවිප්පයුත්තෙ චත්තාරි, නොනත්ථියා තීණි, නොවිගතෙ තීණි.

50. නහෙතුපච්චයා ආරම්මණෙ තීණි…පෙ… විපාකෙ එකං, ආහාරෙ තීණි…පෙ… මග්ගෙ ද්වෙ…පෙ… අවිගතෙ තීණි.

51. සඤ්ඤොජනසම්පයුත්තං ¶ ධම්මං පච්චයා සඤ්ඤොජනසම්පයුත්තො ධම්මො උප්පජ්ජති හෙතුපච්චයා… තීණි (පටිච්චසදිසං).

සඤ්ඤොජනවිප්පයුත්තං ¶ ධම්මං පච්චයා සඤ්ඤොජනවිප්පයුත්තො ධම්මො උප්පජ්ජති හෙතුපච්චයා (යාව පටිසන්ධි), එකං මහාභූතං…පෙ… වත්ථුං පච්චයා සඤ්ඤොජනවිප්පයුත්තා ඛන්ධා, වත්ථුං පච්චයා උද්ධච්චසහගතො මොහො. (1)

සඤ්ඤොජනවිප්පයුත්තං ධම්මං පච්චයා සඤ්ඤොජනසම්පයුත්තො ධම්මො ¶ උප්පජ්ජති හෙතුපච්චයා – වත්ථුං පච්චයා සඤ්ඤොජනසම්පයුත්තකා ඛන්ධා, උද්ධච්චසහගතං මොහං පච්චයා සම්පයුත්තකා ඛන්ධා. (2)

සඤ්ඤොජනවිප්පයුත්තං ධම්මං පච්චයා සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා උප්පජ්ජන්ති හෙතුපච්චයා – වත්ථුං පච්චයා සඤ්ඤොජනසම්පයුත්තකා ඛන්ධා, මහාභූතෙ පච්චයා චිත්තසමුට්ඨානං රූපං, උද්ධච්චසහගතං මොහං පච්චයා සම්පයුත්තකා ඛන්ධා චිත්තසමුට්ඨානඤ්ච රූපං. (3)

52. සඤ්ඤොජනසම්පයුත්තඤ්ච සඤ්ඤොජනවිප්පයුත්තඤ්ච ධම්මං පච්චයා සඤ්ඤොජනසම්පයුත්තො ධම්මො උප්පජ්ජති හෙතුපච්චයා – සඤ්ඤොජනසම්පයුත්තං එකං ඛන්ධඤ්ච වත්ථුඤ්ච පච්චයා තයො ඛන්ධා ¶ …පෙ… ද්වෙ ඛන්ධෙ…පෙ… උද්ධච්චසහගතං එකං ඛන්ධඤ්ච මොහඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ…. (1)

සඤ්ඤොජනසම්පයුත්තඤ්ච සඤ්ඤොජනවිප්පයුත්තඤ්ච ධම්මං පච්චයා සඤ්ඤොජනවිප්පයුත්තො ධම්මො උප්පජ්ජති හෙතුපච්චයා – සඤ්ඤොජනසම්පයුත්තෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, උද්ධච්චසහගතෙ ඛන්ධෙ ච මොහඤ්ච පච්චයා චිත්තසමුට්ඨානං රූපං. (2)

සඤ්ඤොජනසම්පයුත්තඤ්ච සඤ්ඤොජනවිප්පයුත්තඤ්ච ධම්මං පච්චයා සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා උප්පජ්ජන්ති හෙතුපච්චයා – සඤ්ඤොජනසම්පයුත්තං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… සඤ්ඤොජනසම්පයුත්තෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, උද්ධච්චසහගතං එකං ඛන්ධඤ්ච මොහඤ්ච පච්චයා තයො ඛන්ධා චිත්තසමුට්ඨානඤ්ච ¶ රූපං…පෙ… ද්වෙ ඛන්ධෙ…පෙ…. (3)

53. සඤ්ඤොජනසම්පයුත්තං ධම්මං පච්චයා සඤ්ඤොජනසම්පයුත්තො ධම්මො උප්පජ්ජති ආරම්මණපච්චයා… තීණි (පටිච්චසදිසා).

සඤ්ඤොජනවිප්පයුත්තං ධම්මං පච්චයා සඤ්ඤොජනවිප්පයුත්තො ධම්මො උප්පජ්ජති ආරම්මණපච්චයා (යාව පටිසන්ධි), වත්ථුං පච්චයා සඤ්ඤොජනවිප්පයුත්තා ඛන්ධා ¶ , චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා සඤ්ඤොජනවිප්පයුත්තා ඛන්ධා, වත්ථුං පච්චයා උද්ධච්චසහගතො මොහො. (1)

සඤ්ඤොජනවිප්පයුත්තං ධම්මං පච්චයා සඤ්ඤොජනසම්පයුත්තො ධම්මො උප්පජ්ජති ආරම්මණපච්චයා – වත්ථුං පච්චයා සඤ්ඤොජනසම්පයුත්තකා ඛන්ධා, උද්ධච්චසහගතං මොහං පච්චයා සම්පයුත්තකා ඛන්ධා. (2)

සඤ්ඤොජනවිප්පයුත්තං ¶ ධම්මං පච්චයා සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා උප්පජ්ජන්ති ආරම්මණපච්චයා – වත්ථුං පච්චයා උද්ධච්චසහගතා ඛන්ධා ච මොහො ච. (3)

54. සඤ්ඤොජනසම්පයුත්තඤ්ච සඤ්ඤොජනවිප්පයුත්තඤ්ච ධම්මං පච්චයා සඤ්ඤොජනසම්පයුත්තො ධම්මො උප්පජ්ජති ආරම්මණපච්චයා – සඤ්ඤොජනසම්පයුත්තං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… උද්ධච්චසහගතං එකං ඛන්ධඤ්ච මොහඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ…. (1)

සඤ්ඤොජනසම්පයුත්තඤ්ච සඤ්ඤොජනවිප්පයුත්තඤ්ච ධම්මං පච්චයා සඤ්ඤොජනවිප්පයුත්තො ධම්මො උප්පජ්ජති ආරම්මණපච්චයා – උද්ධච්චසහගතෙ ¶ ඛන්ධෙ ච වත්ථුඤ්ච පච්චයා උද්ධච්චසහගතො මොහො. (2)

සඤ්ඤොජනසම්පයුත්තඤ්ච සඤ්ඤොජනවිප්පයුත්තඤ්ච ධම්මං පච්චයා සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා උප්පජ්ජන්ති ආරම්මණපච්චයා – උද්ධච්චසහගතං එකං ඛන්ධඤ්ච වත්ථුඤ්ච පච්චයා තයො ඛන්ධා මොහො ච…පෙ… ද්වෙ ඛන්ධෙ…පෙ…. (3)

55. සඤ්ඤොජනසම්පයුත්තං ධම්මං පච්චයා සඤ්ඤොජනසම්පයුත්තො ධම්මො උප්පජ්ජති අධිපතිපච්චයා…පෙ… අවිගතපච්චයා…පෙ….

56. හෙතුයා නව, ආරම්මණෙ නව, අධිපතියා නව (සබ්බත්ථ නව), විපාකෙ එකං, ආහාරෙ නව…පෙ… අවිගතෙ නව.

57. සඤ්ඤොජනසම්පයුත්තං ¶ ¶ ධම්මං පච්චයා සඤ්ඤොජනසම්පයුත්තො ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ පච්චයා විචිකිච්ඡාසහගතො මොහො. (1)

සඤ්ඤොජනසම්පයුත්තං ධම්මං පච්චයා සඤ්ඤොජනවිප්පයුත්තො ධම්මො උප්පජ්ජති නහෙතුපච්චයා – උද්ධච්චසහගතෙ ඛන්ධෙ පච්චයා උද්ධච්චසහගතො මොහො. (2)

58. සඤ්ඤොජනවිප්පයුත්තං ධම්මං පච්චයා සඤ්ඤොජනවිප්පයුත්තො ධම්මො උප්පජ්ජති නහෙතුපච්චයා – අහෙතුකං සඤ්ඤොජනවිප්පයුත්තං එකං ඛන්ධං…පෙ… (යාව අසඤ්ඤසත්තා), චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා සඤ්ඤොජනවිප්පයුත්තා ඛන්ධා ච උද්ධච්චසහගතො මොහො ච. (1)

සඤ්ඤොජනවිප්පයුත්තං ධම්මං පච්චයා සඤ්ඤොජනසම්පයුත්තො ධම්මො උප්පජ්ජති නහෙතුපච්චයා – වත්ථුං ¶ පච්චයා විචිකිච්ඡාසහගතො මොහො. (2)

59. සඤ්ඤොජනසම්පයුත්තඤ්ච සඤ්ඤොජනවිප්පයුත්තඤ්ච ධම්මං පච්චයා සඤ්ඤොජනසම්පයුත්තො ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො මොහො. (1)

සඤ්ඤොජනසම්පයුත්තඤ්ච සඤ්ඤොජනවිප්පයුත්තඤ්ච ධම්මං පච්චයා සඤ්ඤොජනවිප්පයුත්තො ධම්මො උප්පජ්ජති නහෙතුපච්චයා – උද්ධච්චසහගතෙ ඛන්ධෙ ච වත්ථුඤ්ච පච්චයා උද්ධච්චසහගතො මොහො (සංඛිත්තං). (2)

60. නහෙතුයා ¶ ඡ, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ සත්ත, නපච්ඡාජාතෙ නව, නආසෙවනෙ නව, නකම්මෙ චත්තාරි, නවිපාකෙ ¶ නව, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ ඡ, නොනත්ථියා තීණි, නොවිගතෙ තීණි.

61. හෙතුපච්චයා නආරම්මණෙ තීණි, නඅධිපතියා නව (සංඛිත්තං, එවං කාතබ්බං).

62. නහෙතුපච්චයා ආරම්මණෙ ඡ (සබ්බත්ථ ඡ), විපාකෙ එකං, ආහාරෙ ඡ…පෙ… මග්ගෙ ඡ…පෙ… අවිගතෙ ඡ.

63. සඤ්ඤොජනසම්පයුත්තං ¶ ධම්මං සංසට්ඨො සඤ්ඤොජනසම්පයුත්තො ධම්මො ¶ උප්පජ්ජති හෙතුපච්චයා – සඤ්ඤොජනසම්පයුත්තං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ….(1)

සඤ්ඤොජනවිප්පයුත්තං ධම්මං සංසට්ඨො සඤ්ඤොජනවිප්පයුත්තො ධම්මො උප්පජ්ජති හෙතුපච්චයා – සඤ්ඤොජනවිප්පයුත්තං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

සඤ්ඤොජනවිප්පයුත්තං ධම්මං සංසට්ඨො සඤ්ඤොජනසම්පයුත්තො ධම්මො උප්පජ්ජති හෙතුපච්චයා – උද්ධච්චසහගතං මොහං සංසට්ඨා සම්පයුත්තකා ඛන්ධා. (2)

සඤ්ඤොජනසම්පයුත්තඤ්ච ¶ සඤ්ඤොජනවිප්පයුත්තඤ්ච ධම්මං සංසට්ඨො සඤ්ඤොජනසම්පයුත්තො ධම්මො උප්පජ්ජති හෙතුපච්චයා – උද්ධච්චසහගතං එකං ඛන්ධඤ්ච මොහඤ්ච සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1) (සංඛිත්තං.)

64. හෙතුයා චත්තාරි, ආරම්මණෙ ඡ, අධිපතියා ද්වෙ, අනන්තරෙ ඡ, සමනන්තරෙ ඡ…පෙ… අවිගතෙ ඡ.

65. නහෙතුයා තීණි, නඅධිපතියා ඡ, නපුරෙජාතෙ ඡ, නපච්ඡාජාතෙ ඡ, නආසෙවනෙ ඡ, නකම්මෙ චත්තාරි, නවිපාකෙ ඡ, නඣානෙ එකං, නමග්ගෙ එකං, නවිප්පයුත්තෙ ඡ.

(ඉතරෙ ද්වෙ ගණනාපි සම්පයුත්තවාරොපි කාතබ්බො.)

66. සඤ්ඤොජනසම්පයුත්තො ¶ ධම්මො සඤ්ඤොජනසම්පයුත්තස්ස ධම්මස්ස හෙතුපච්චයෙන පච්චයො – සඤ්ඤොජනසම්පයුත්තා හෙතූ සම්පයුත්තකානං ඛන්ධානං හෙතුපච්චයෙන පච්චයො. (1)

සඤ්ඤොජනසම්පයුත්තො ධම්මො ¶ සඤ්ඤොජනවිප්පයුත්තස්ස ධම්මස්ස හෙතුපච්චයෙන පච්චයො – සඤ්ඤොජනසම්පයුත්තා හෙතූ චිත්තසමුට්ඨානානං රූපානං හෙතුපච්චයෙන පච්චයො. (2)

සඤ්ඤොජනසම්පයුත්තො ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස හෙතුපච්චයෙන පච්චයො – සඤ්ඤොජනසම්පයුත්තා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

67. සඤ්ඤොජනවිප්පයුත්තො ධම්මො සඤ්ඤොජනවිප්පයුත්තස්ස ධම්මස්ස හෙතුපච්චයෙන පච්චයො – සඤ්ඤොජනවිප්පයුත්තා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො, උද්ධච්චසහගතො මොහො ¶ චිත්තසමුට්ඨානානං රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ධම්මස්ස හෙතුපච්චයෙන පච්චයො – උද්ධච්චසහගතො මොහො සම්පයුත්තකානං ඛන්ධානං හෙතුපච්චයෙන පච්චයො. (2)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස හෙතුපච්චයෙන පච්චයො – උද්ධච්චසහගතො මොහො සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

68. සඤ්ඤොජනසම්පයුත්තො ¶ ධම්මො සඤ්ඤොජනසම්පයුත්තස්ස ධම්මස්ස ආරම්මණපච්චයෙන පච්චයො – සඤ්ඤොජනසම්පයුත්තෙ ඛන්ධෙ ආරබ්භ සඤ්ඤොජනසම්පයුත්තකා ඛන්ධා උප්පජ්ජන්ති. (මූලං කාතබ්බං) සඤ්ඤොජනසම්පයුත්තෙ ඛන්ධෙ ආරබ්භ සඤ්ඤොජනවිප්පයුත්තා ඛන්ධා ච මොහො ¶ ච උප්පජ්ජන්ති. (මූලං කාතබ්බං) සඤ්ඤොජනසම්පයුත්තෙ ඛන්ධෙ ආරබ්භ උද්ධච්චසහගතා ඛන්ධා ච මොහො ච උප්පජ්ජන්ති. (3)

69. සඤ්ඤොජනවිප්පයුත්තො ධම්මො සඤ්ඤොජනවිප්පයුත්තස්ස ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි…පෙ… ඣානා…පෙ… අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති, නිබ්බානං පච්චවෙක්ඛන්ති, නිබ්බානං ගොත්රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො; අරියා සඤ්ඤොජනවිප්පයුත්තෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති, චක්ඛුං…පෙ… වත්ථුං සඤ්ඤොජනවිප්පයුත්තෙ ඛන්ධෙ ච මොහඤ්ච අනිච්චතො…පෙ… විපස්සති…පෙ… දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙන සඤ්ඤොජනවිප්පයුත්තචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස…පෙ… රූපායතනං…පෙ… ඵොට්ඨබ්බායතනං…පෙ… සඤ්ඤොජනවිප්පයුත්තා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස ¶ , ආවජ්ජනාය මොහස්ස ච ආරම්මණපච්චයෙන පච්චයො. (1)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං…පෙ… පුබ්බෙ සුචිණ්ණානි…පෙ… ඣානා වුට්ඨහිත්වා ¶ ඣානං…පෙ… චක්ඛුං…පෙ… වත්ථුං සඤ්ඤොජනවිප්පයුත්තෙ ඛන්ධෙ ච මොහඤ්ච අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති. (2)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස ආරම්මණපච්චයෙන ¶ පච්චයො – චක්ඛුං…පෙ… වත්ථුං සඤ්ඤොජනවිප්පයුත්තෙ ඛන්ධෙ ච මොහඤ්ච ආරබ්භ උද්ධච්චසහගතා ඛන්ධා ච මොහො ච උප්පජ්ජන්ති. (3)

70. සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා සඤ්ඤොජනසම්පයුත්තස්ස ධම්මස්ස ආරම්මණපච්චයෙන පච්චයො – උද්ධච්චසහගතෙ ඛන්ධෙ ච මොහඤ්ච ආරබ්භ සඤ්ඤොජනසම්පයුත්තකා ඛන්ධා උප්පජ්ජන්ති. (මූලං කාතබ්බං) උද්ධච්චසහගතෙ ඛන්ධෙ ච මොහඤ්ච ආරබ්භ සඤ්ඤොජනවිප්පයුත්තා ඛන්ධා ච මොහො ච උප්පජ්ජන්ති. (මූලං කාතබ්බං) උද්ධච්චසහගතෙ ඛන්ධෙ ච මොහඤ්ච ආරබ්භ උද්ධච්චසහගතා ඛන්ධා ච මොහො ච උප්පජ්ජන්ති. (3)

71. සඤ්ඤොජනසම්පයුත්තො ධම්මො සඤ්ඤොජනසම්පයුත්තස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – රාගං…පෙ… දිට්ඨිං ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – සඤ්ඤොජනසම්පයුත්තාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

සඤ්ඤොජනසම්පයුත්තො ධම්මො සඤ්ඤොජනවිප්පයුත්තස්ස ධම්මස්ස අධිපතිපච්චයෙන පච්චයො. සහජාතාධිපති – සඤ්ඤොජනසම්පයුත්තාධිපති ¶ චිත්තසමුට්ඨානානං රූපානං අධිපතිපච්චයෙන පච්චයො. (2)

සඤ්ඤොජනසම්පයුත්තො ¶ ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස අධිපතිපච්චයෙන පච්චයො. සහජාතාධිපති – සඤ්ඤොජනසම්පයුත්තාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

72. සඤ්ඤොජනවිප්පයුත්තො ධම්මො සඤ්ඤොජනවිප්පයුත්තස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති, පුබ්බෙ සුචිණ්ණානි…පෙ… ඣානා…පෙ… අරියා ¶ මග්ගා…පෙ… ඵලං…පෙ… නිබ්බානං…පෙ… නිබ්බානං ගොත්රභුස්ස, වොදානස්ස, මග්ගස්ස, ඵලස්ස අධිපතිපච්චයෙන පච්චයො. සහජාතාධිපති – සඤ්ඤොජනවිප්පයුත්තාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ධම්මස්ස අධිපතිපච්චයෙන පච්චයො. ආරම්මණාධිපති – දානං දත්වා සීලං…පෙ… උපොසථකම්මං කත්වා තං ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති, පුබ්බෙ සුචිණ්ණානි…පෙ… ඣානා…පෙ… චක්ඛුං…පෙ… වත්ථුං සඤ්ඤොජනවිප්පයුත්තෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. (2)

73. සඤ්ඤොජනසම්පයුත්තො ධම්මො සඤ්ඤොජනසම්පයුත්තස්ස ධම්මස්ස අනන්තරපච්චයෙන පච්චයො – පුරිමා පුරිමා සඤ්ඤොජනසම්පයුත්තා ¶ ඛන්ධා පච්ඡිමානං පච්ඡිමානං සඤ්ඤොජනසම්පයුත්තකානං ඛන්ධානං අනන්තරපච්චයෙන පච්චයො. (1)

සඤ්ඤොජනසම්පයුත්තො ධම්මො සඤ්ඤොජනවිප්පයුත්තස්ස ධම්මස්ස අනන්තරපච්චයෙන පච්චයො – පුරිමා පුරිමා උද්ධච්චසහගතා ඛන්ධා පච්ඡිමස්ස පච්ඡිමස්ස උද්ධච්චසහගතස්ස මොහස්ස අනන්තරපච්චයෙන පච්චයො; සඤ්ඤොජනසම්පයුත්තා ඛන්ධා වුට්ඨානස්ස අනන්තරපච්චයෙන පච්චයො. (2)

සඤ්ඤොජනසම්පයුත්තො ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස අනන්තරපච්චයෙන පච්චයො – පුරිමා පුරිමා උද්ධච්චසහගතා ¶ ඛන්ධා පච්ඡිමානං පච්ඡිමානං උද්ධච්චසහගතානං ඛන්ධානං මොහස්ස ච අනන්තරපච්චයෙන පච්චයො. (3)

74. සඤ්ඤොජනවිප්පයුත්තො ධම්මො සඤ්ඤොජනවිප්පයුත්තස්ස ධම්මස්ස අනන්තරපච්චයෙන පච්චයො – පුරිමො පුරිමො උද්ධච්චසහගතො මොහො පච්ඡිමස්ස පච්ඡිමස්ස උද්ධච්චසහගතස්ස මොහස්ස අනන්තරපච්චයෙන පච්චයො; පුරිමා පුරිමා සඤ්ඤොජනවිප්පයුත්තා ඛන්ධා පච්ඡිමානං…පෙ… ඵලසමාපත්තියා අනන්තරපච්චයෙන පච්චයො. (1)

සඤ්ඤොජනවිප්පයුත්තො ¶ ධම්මො සඤ්ඤොජනසම්පයුත්තස්ස ධම්මස්ස අනන්තරපච්චයෙන පච්චයො – පුරිමො පුරිමො උද්ධච්චසහගතො මොහො පච්ඡිමානං පච්ඡිමානං උද්ධච්චසහගතානං ඛන්ධානං අනන්තරපච්චයෙන පච්චයො; ආවජ්ජනා සඤ්ඤොජනසම්පයුත්තකානං ඛන්ධානං අනන්තරපච්චයෙන පච්චයො. (2)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස අනන්තරපච්චයෙන ¶ පච්චයො – පුරිමො පුරිමො උද්ධච්චසහගතො මොහො පච්ඡිමානං පච්ඡිමානං උද්ධච්චසහගතානං ඛන්ධානං මොහස්ස ච අනන්තරපච්චයෙන පච්චයො; ආවජ්ජනා උද්ධච්චසහගතානං ඛන්ධානං මොහස්ස ච අනන්තරපච්චයෙන පච්චයො. (3)

75. සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා සඤ්ඤොජනසම්පයුත්තස්ස ධම්මස්ස අනන්තරපච්චයෙන පච්චයො – පුරිමා පුරිමා උද්ධච්චසහගතා ඛන්ධා ච මොහො ච පච්ඡිමානං පච්ඡිමානං උද්ධච්චසහගතානං ඛන්ධානං අනන්තරපච්චයෙන පච්චයො. (1)

සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා සඤ්ඤොජනවිප්පයුත්තස්ස ධම්මස්ස අනන්තරපච්චයෙන පච්චයො – පුරිමා පුරිමා උද්ධච්චසහගතා ඛන්ධා ච මොහො ච පච්ඡිමස්ස පච්ඡිමස්ස උද්ධච්චසහගතස්ස මොහස්ස අනන්තරපච්චයෙන පච්චයො; උද්ධච්චසහගතා ඛන්ධා ච මොහො ච වුට්ඨානස්ස අනන්තරපච්චයෙන පච්චයො. (2)

සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස අනන්තරපච්චයෙන පච්චයො – පුරිමා පුරිමා උද්ධච්චසහගතා ඛන්ධා ච මොහො ච පච්ඡිමානං පච්ඡිමානං ¶ උද්ධච්චසහගතානං ඛන්ධානං මොහස්ස ච අනන්තරපච්චයෙන පච්චයො. (3)

76. සඤ්ඤොජනසම්පයුත්තො ධම්මො සඤ්ඤොජනසම්පයුත්තස්ස ධම්මස්ස සමනන්තරපච්චයෙන පච්චයො ¶ … නව… සහජාතපච්චයෙන පච්චයො… නව… අඤ්ඤමඤ්ඤපච්චයෙන පච්චයො… ඡ… නිස්සයපච්චයෙන පච්චයො… නව.

77. සඤ්ඤොජනසම්පයුත්තො ¶ ධම්මො සඤ්ඤොජනසම්පයුත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සඤ්ඤොජනසම්පයුත්තා ඛන්ධා සඤ්ඤොජනසම්පයුත්තකානං ඛන්ධානං උපනිස්සයපච්චයෙන පච්චයො. (1)

සඤ්ඤොජනසම්පයුත්තො ධම්මො සඤ්ඤොජනවිප්පයුත්තස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – සඤ්ඤොජනසම්පයුත්තා ඛන්ධා සඤ්ඤොජනවිප්පයුත්තානං ඛන්ධානං මොහස්ස ච උපනිස්සයපච්චයෙන පච්චයො. (2)

සඤ්ඤොජනසම්පයුත්තො ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – සඤ්ඤොජනසම්පයුත්තා ඛන්ධා උද්ධච්චසහගතානං ඛන්ධානං මොහස්ස ච උපනිස්සයපච්චයෙන පච්චයො. (3)

78. සඤ්ඤොජනවිප්පයුත්තො ධම්මො සඤ්ඤොජනවිප්පයුත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති…පෙ… සමාපත්තිං උප්පාදෙති; සීලං…පෙ… පඤ්ඤං… කායිකං සුඛං… කායිකං දුක්ඛං… උතුං… භොජනං… සෙනාසනං මොහං උපනිස්සාය දානං දෙති…පෙ… සමාපත්තිං උප්පාදෙති; සද්ධා…පෙ… සෙනාසනං මොහො ච සද්ධාය…පෙ… ඵලසමාපත්තියා මොහස්ස ච උපනිස්සයපච්චයෙන පච්චයො. (1)

සඤ්ඤොජනවිප්පයුත්තො ¶ ධම්මො ¶ සඤ්ඤොජනසම්පයුත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය මානං ජප්පෙති, දිට්ඨිං ගණ්හාති; සීලං…පෙ… පඤ්ඤං… කායිකං සුඛං… කායිකං ¶ දුක්ඛං… උතුං… භොජනං… සෙනාසනං මොහං උපනිස්සාය පාණං හනති…පෙ… සඞ්ඝං භින්දති; සද්ධා…පෙ… සෙනාසනං මොහො රාගස්ස…පෙ… පත්ථනාය උපනිස්සයපච්චයෙන පච්චයො. (2)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධා…පෙ… පඤ්ඤා… කායිකං සුඛං…පෙ… සෙනාසනං මොහො ච උද්ධච්චසහගතානං ඛන්ධානං මොහස්ස ච උපනිස්සයපච්චයෙන පච්චයො. (3)

79. සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා සඤ්ඤොජනසම්පයුත්තස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – උද්ධච්චසහගතා ඛන්ධා ච මොහො ච සඤ්ඤොජනසම්පයුත්තකානං ඛන්ධානං උපනිස්සයපච්චයෙන පච්චයො. (1)

සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා සඤ්ඤොජනවිප්පයුත්තස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – උද්ධච්චසහගතා ඛන්ධා ච මොහො ච සඤ්ඤොජනවිප්පයුත්තානං ඛන්ධානං මොහස්ස ච උපනිස්සයපච්චයෙන පච්චයො. (2)

සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා සඤ්ඤොජනසම්පයුත්තස්ස ¶ ච සඤ්ඤොජනවිප්පයුත්තස්ස ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – උද්ධච්චසහගතා ඛන්ධා ච මොහො ච උද්ධච්චසහගතානං ඛන්ධානං මොහස්ස ච උපනිස්සයපච්චයෙන පච්චයො. (3)

80. සඤ්ඤොජනවිප්පයුත්තො ¶ ධම්මො සඤ්ඤොජනවිප්පයුත්තස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො ¶ …පෙ… විපස්සති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ…. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු සඤ්ඤොජනවිප්පයුත්තානං ඛන්ධානං මොහස්ස ච පුරෙජාතපච්චයෙන පච්චයො. (1)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති. වත්ථුපුරෙජාතං – වත්ථු සඤ්ඤොජනසම්පයුත්තකානං ඛන්ධානං පුරෙජාතපච්චයෙන පච්චයො. (2)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං ආරබ්භ උද්ධච්චසහගතා ඛන්ධා ච මොහො ච උප්පජ්ජන්ති. වත්ථුපුරෙජාතං – වත්ථු උද්ධච්චසහගතානං ¶ ඛන්ධානං මොහස්ස ච පුරෙජාතපච්චයෙන පච්චයො. (3)

81. සඤ්ඤොජනසම්පයුත්තො ධම්මො සඤ්ඤොජනවිප්පයුත්තස්ස ධම්මස්ස පච්ඡාජාතපච්චයෙන පච්චයො – පච්ඡාජාතා සඤ්ඤොජනසම්පයුත්තා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

සඤ්ඤොජනවිප්පයුත්තො ධම්මො සඤ්ඤොජනවිප්පයුත්තස්ස ධම්මස්ස පච්ඡාජාතපච්චයෙන පච්චයො – පච්ඡාජාතා සඤ්ඤොජනවිප්පයුත්තා ඛන්ධා ච මොහො ච පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

සඤ්ඤොජනසම්පයුත්තො ¶ ච සඤ්ඤොජනවිප්පයුත්තො ච ධම්මා සඤ්ඤොජනවිප්පයුත්තස්ස ධම්මස්ස පච්ඡාජාතපච්චයෙන පච්චයො – පච්ඡාජාතා උද්ධච්චසහගතා ඛන්ධා ච මොහො ච පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

82. සඤ්ඤොජනසම්පයුත්තො ¶ ධම්මො සඤ්ඤොජනසම්පයුත්තස්ස ධම්මස්ස ආසෙවනපච්චයෙන පච්චයො… නව (ආවජ්ජනාපි වුට්ඨානම්පි නත්ථි ).

83. සඤ්ඤොජනසම්පයුත්තො ධම්මො සඤ්ඤොජනසම්පයුත්තස්ස ධම්මස්ස කම්මපච්චයෙන පච්චයො – සඤ්ඤොජනසම්පයුත්තා චෙතනා සඤ්ඤොජනසම්පයුත්තකානං ඛන්ධානං කම්මපච්චයෙන පච්චයො. (1)

සඤ්ඤොජනසම්පයුත්තො ධම්මො සඤ්ඤොජනවිප්පයුත්තස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සඤ්ඤොජනසම්පයුත්තා චෙතනා චිත්තසමුට්ඨානානං රූපානං කම්මපච්චයෙන පච්චයො ¶ ; උද්ධච්චසහගතා චෙතනා මොහස්ස චිත්තසමුට්ඨානානඤ්ච රූපානං කම්මපච්චයෙන පච්චයො. නානාක්ඛණිකා – සඤ්ඤොජනසම්පයුත්තකා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (2)

සඤ්ඤොජනසම්පයුත්තො ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස කම්මපච්චයෙන පච්චයො – සඤ්ඤොජනසම්පයුත්තා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; උද්ධච්චසහගතා චෙතනා සම්පයුත්තකානං ඛන්ධානං මොහස්ස ච චිත්තසමුට්ඨානානඤ්ච රූපානං කම්මපච්චයෙන පච්චයො. (3)

සඤ්ඤොජනවිප්පයුත්තො ධම්මො සඤ්ඤොජනවිප්පයුත්තස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සඤ්ඤොජනවිප්පයුත්තා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – සඤ්ඤොජනවිප්පයුත්තා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො.

84. සඤ්ඤොජනවිප්පයුත්තො ¶ ¶ ධම්මො සඤ්ඤොජනවිප්පයුත්තස්ස ධම්මස්ස විපාකපච්චයෙන පච්චයො… එකං.

85. සඤ්ඤොජනසම්පයුත්තො ධම්මො සඤ්ඤොජනසම්පයුත්තස්ස ධම්මස්ස ආහාරපච්චයෙන පච්චයො… චත්තාරි… ඉන්ද්රියපච්චයෙන පච්චයො… චත්තාරි… ඣානපච්චයෙන පච්චයො… චත්තාරි… මග්ගපච්චයෙන පච්චයො… චත්තාරි… සම්පයුත්තපච්චයෙන පච්චයො… ඡ.

86. සඤ්ඤොජනසම්පයුත්තො ¶ ධම්මො සඤ්ඤොජනවිප්පයුත්තස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (සංඛිත්තං). (1)

සඤ්ඤොජනවිප්පයුත්තො ධම්මො සඤ්ඤොජනවිප්පයුත්තස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං (සංඛිත්තං). (1)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු සඤ්ඤොජනසම්පයුත්තකානං ඛන්ධානං විප්පයුත්තපච්චයෙන පච්චයො. (2)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස විප්පයුත්තපච්චයෙන පච්චයො. පුරෙජාතං – වත්ථු උද්ධච්චසහගතානං ඛන්ධානං මොහස්ස ච විප්පයුත්තපච්චයෙන පච්චයො. (3)

සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා සඤ්ඤොජනවිප්පයුත්තස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (සංඛිත්තං). (1)

87. සඤ්ඤොජනසම්පයුත්තො ¶ ධම්මො සඤ්ඤොජනසම්පයුත්තස්ස ධම්මස්ස අත්ථිපච්චයෙන පච්චයො… එකං (පටිච්චවාරසදිසං). (1)

සඤ්ඤොජනසම්පයුත්තො ¶ ධම්මො සඤ්ඤොජනවිප්පයුත්තස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – සඤ්ඤොජනසම්පයුත්තා ඛන්ධා චිත්තසමුට්ඨානානං රූපානං අත්ථිපච්චයෙන පච්චයො; උද්ධච්චසහගතා ඛන්ධා මොහස්ස චිත්තසමුට්ඨානානඤ්ච රූපානං අත්ථිපච්චයෙන පච්චයො. පච්ඡාජාතා – සඤ්ඤොජනසම්පයුත්තා ඛන්ධා පුරෙජාතස්ස ¶ ඉමස්ස කායස්ස අත්ථිපච්චයෙන පච්චයො. (2)

සඤ්ඤොජනසම්පයුත්තො ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස අත්ථිපච්චයෙන පච්චයො – සඤ්ඤොජනසම්පයුත්තො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… උද්ධච්චසහගතො එකො ඛන්ධො තිණ්ණන්නං ඛන්ධානං මොහස්ස ච චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ…. (3)

88. සඤ්ඤොජනවිප්පයුත්තො ධම්මො සඤ්ඤොජනවිප්පයුත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං (සංඛිත්තං. විත්ථාරෙතබ්බං). (1)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – උද්ධච්චසහගතො මොහො සම්පයුත්තකානං ඛන්ධානං අත්ථිපච්චයෙන පච්චයො. පුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති, වත්ථු සඤ්ඤොජනසම්පයුත්තකානං ඛන්ධානං අත්ථිපච්චයෙන පච්චයො. (2)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – උද්ධච්චසහගතො මොහො සම්පයුත්තකානං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො. පුරෙජාතං – චක්ඛුං ¶ …පෙ… වත්ථුං ආරබ්භ උද්ධච්චසහගතා ඛන්ධා ච මොහො ච උප්පජ්ජන්ති, වත්ථු උද්ධච්චසහගතානං ¶ ඛන්ධානං මොහස්ස ච අත්ථිපච්චයෙන පච්චයො. (3)

89. සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා සඤ්ඤොජනසම්පයුත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – සඤ්ඤොජනසම්පයුත්තො එකො ඛන්ධො ච වත්ථු ¶ ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ… උද්ධච්චසහගතො එකො ඛන්ධො ච මොහො ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. (1)

සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා සඤ්ඤොජනවිප්පයුත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතා – සඤ්ඤොජනසම්පයුත්තා ඛන්ධා ච මොහො ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො; උද්ධච්චසහගතා ඛන්ධා ච මොහො ච චිත්තසමුට්ඨානානං රූපානං අත්ථිපච්චයෙන පච්චයො; උද්ධච්චසහගතා ඛන්ධා ච වත්ථු ච මොහස්ස අත්ථිපච්චයෙන පච්චයො. පච්ඡාජාතා – උද්ධච්චසහගතා ඛන්ධා ච මොහො ච පුරෙජාතස්ස ඉමස්ස කායස්ස අත්ථිපච්චයෙන පච්චයො. පච්ඡාජාතා – සඤ්ඤොජනසම්පයුත්තා ඛන්ධා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – සඤ්ඤොජනසම්පයුත්තා ඛන්ධා ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (2)

සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ¶ ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – උද්ධච්චසහගතො එකො ඛන්ධො ච මොහො ච තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. සහජාතො – උද්ධච්චසහගතො එකො ඛන්ධො ච වත්ථු ච තිණ්ණන්නං ඛන්ධානං මොහස්ස ච අත්ථිපච්චයෙන පච්චයො…පෙ… ද්වෙ ඛන්ධා…පෙ…. (3)

නත්ථිපච්චයෙන පච්චයො… විගතපච්චයෙන පච්චයො… අවිගතපච්චයෙන පච්චයො.

90. හෙතුයා ¶ ඡ, ආරම්මණෙ නව, අධිපතියා පඤ්ච, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ නව, කම්මෙ චත්තාරි, විපාකෙ එකං, ආහාරෙ චත්තාරි, ඉන්ද්රියෙ චත්තාරි, ඣානෙ චත්තාරි, මග්ගෙ ¶ චත්තාරි, සම්පයුත්තෙ ඡ, විප්පයුත්තෙ පඤ්ච, අත්ථියා නව, නත්ථියා නව, විගතෙ නව, අවිගතෙ නව.

91. සඤ්ඤොජනසම්පයුත්තො ධම්මො සඤ්ඤොජනසම්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

සඤ්ඤොජනසම්පයුත්තො ධම්මො සඤ්ඤොජනවිප්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (2)

සඤ්ඤොජනසම්පයුත්තො ¶ ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

92. සඤ්ඤොජනවිප්පයුත්තො ධම්මො සඤ්ඤොජනවිප්පයුත්තස්ස ධම්මස්ස ආරම්මණපච්චයෙන පච්චයො, සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො ¶ … පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

සඤ්ඤොජනවිප්පයුත්තො ධම්මො සඤ්ඤොජනසම්පයුත්තස්ස ච සඤ්ඤොජනවිප්පයුත්තස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (3)

93. සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා සඤ්ඤොජනසම්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

සඤ්ඤොජනසම්පයුත්තො ¶ ච සඤ්ඤොජනවිප්පයුත්තො ච ධම්මා සඤ්ඤොජනවිප්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (2)

සඤ්ඤොජනසම්පයුත්තො ච සඤ්ඤොජනවිප්පයුත්තො ච ධම්මා සඤ්ඤොජනසම්පයුත්තස්ස ¶ ච සඤ්ඤොජනවිප්පයුත්තස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

94. නහෙතුයා නව, නආරම්මණෙ නව (සබ්බත්ථ නව), නොවිගතෙ නව, නොඅවිගතෙ නව.

95. හෙතුපච්චයා ¶ නආරම්මණෙ ඡ…පෙ… නසමනන්තරෙ ඡ, නඅඤ්ඤමඤ්ඤෙ ද්වෙ, නඋපනිස්සයෙ ඡ…පෙ… නමග්ගෙ ඡ, නසම්පයුත්තෙ ද්වෙ, නවිප්පයුත්තෙ තීණි, නොනත්ථියා ඡ, නොවිගතෙ ඡ.

96. නහෙතුපච්චයා ආරම්මණෙ නව, අධිපතියා පඤ්ච (අනුලොමපදානි ගණිතබ්බානි), අවිගතෙ නව.

සඤ්ඤොජනසම්පයුත්තදුකං නිට්ඨිතං.

97. සඤ්ඤොජනඤ්චෙව ¶ සඤ්ඤොජනියඤ්ච ධම්මං පටිච්ච සඤ්ඤොජනො චෙව සඤ්ඤොජනියො ච ධම්මා උප්පජ්ජන්ති හෙතුපච්චයා – කාමරාගසඤ්ඤොජනං පටිච්ච දිට්ඨිසඤ්ඤොජනං අවිජ්ජාසඤ්ඤොජනං (චක්කං). (1)

සඤ්ඤොජනඤ්චෙව ¶ සඤ්ඤොජනියඤ්ච ධම්මං පටිච්ච සඤ්ඤොජනියො චෙව නො ච සඤ්ඤොජනො ධම්මො උප්පජ්ජති හෙතුපච්චයා – සඤ්ඤොජනෙ පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං. (2)

සඤ්ඤොජනඤ්චෙව ¶ සඤ්ඤොජනියඤ්ච ධම්මං පටිච්ච සඤ්ඤොජනො චෙව සඤ්ඤොජනියො ච සඤ්ඤොජනියො චෙව නො ච සඤ්ඤොජනො ච ධම්මා උප්පජ්ජන්ති හෙතුපච්චයා – කාමරාගසඤ්ඤොජනං පටිච්ච දිට්ඨිසඤ්ඤොජනං අවිජ්ජාසඤ්ඤොජනං සම්පයුත්තකා ඛන්ධා චිත්තසමුට්ඨානඤ්ච රූපං (චක්කං). (3)

98. සඤ්ඤොජනියඤ්චෙව ¶ නො ච සඤ්ඤොජනං ධම්මං පටිච්ච සඤ්ඤොජනියො චෙව නො ච සඤ්ඤොජනො ධම්මො උප්පජ්ජති හෙතුපච්චයා – සඤ්ඤොජනියඤ්චෙව නො ච සඤ්ඤොජනං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… (යාව මහාභූතා). (1)

සඤ්ඤොජනියඤ්චෙව නො ච සඤ්ඤොජනං ධම්මං පටිච්ච සඤ්ඤොජනො චෙව සඤ්ඤොජනියො ච ධම්මො උප්පජ්ජති හෙතුපච්චයා – සඤ්ඤොජනියෙ චෙව නො ච සඤ්ඤොජනෙ ඛන්ධෙ පටිච්ච සඤ්ඤොජනා. (2)

සඤ්ඤොජනියඤ්චෙව නො ච සඤ්ඤොජනං ධම්මං පටිච්ච සඤ්ඤොජනො චෙව සඤ්ඤොජනියො ච සඤ්ඤොජනියො චෙව නො ච සඤ්ඤොජනො ච ධම්මා උප්පජ්ජන්ති හෙතුපච්චයා – සඤ්ඤොජනියඤ්චෙව නො ච සඤ්ඤොජනං එකං ඛන්ධං පටිච්ච තයො ඛන්ධා සඤ්ඤොජනා ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

99. සඤ්ඤොජනඤ්චෙව සඤ්ඤොජනියඤ්ච සඤ්ඤොජනියඤ්චෙව නො ච සඤ්ඤොජනං ධම්මං පටිච්ච සඤ්ඤොජනො චෙව සඤ්ඤොජනියො ච ධම්මො උප්පජ්ජති හෙතුපච්චයා – කාමරාගසඤ්ඤොජනඤ්ච සම්පයුත්තකෙ ච ඛන්ධෙ පටිච්ච දිට්ඨිසඤ්ඤොජනං අවිජ්ජාසඤ්ඤොජනං (චක්කං). (1)

සඤ්ඤොජනඤ්චෙව සඤ්ඤොජනියඤ්ච සඤ්ඤොජනියඤ්චෙව නො ච සඤ්ඤොජනඤ්ච ධම්මං පටිච්ච සඤ්ඤොජනියො චෙව නො ¶ ච සඤ්ඤොජනො ධම්මො උප්පජ්ජති හෙතුපච්චයා – සඤ්ඤොජනියඤ්චෙව නො ච සඤ්ඤොජනං එකං ඛන්ධඤ්ච සඤ්ඤොජනෙ ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (2)

සඤ්ඤොජනඤ්චෙව සඤ්ඤොජනියඤ්ච සඤ්ඤොජනියඤ්චෙව නො ච සඤ්ඤොජනඤ්ච ධම්මං පටිච්ච සඤ්ඤොජනො චෙව සඤ්ඤොජනියො ච සඤ්ඤොජනියො චෙව ¶ නො ච සඤ්ඤොජනො ච ධම්මා උප්පජ්ජන්ති හෙතුපච්චයා – සඤ්ඤොජනියඤ්චෙව නො ච සඤ්ඤොජනං එකං ඛන්ධඤ්ච කාමරාගසඤ්ඤොජනඤ්ච ¶ පටිච්ච තයො ඛන්ධා දිට්ඨිසඤ්ඤොජනං අවිජ්ජාසඤ්ඤොජනං චිත්තසමුට්ඨානඤ්ච රූපං…පෙ… ද්වෙ ඛන්ධෙ ච…පෙ… (චක්කං බන්ධිතබ්බං). (3)

(එවං ඉමම්පි දුකං විත්ථාරෙතබ්බං, නින්නානාකරණං ඨපෙත්වා ලොකුත්තරං).

සඤ්ඤොජනසඤ්ඤොජනියදුකං නිට්ඨිතං.

24. සඤ්ඤොජනසඤ්ඤොජනසම්පයුත්තදුකං

100. සඤ්ඤොජනඤ්චෙව ¶ සඤ්ඤොජනසම්පයුත්තඤ්ච ධම්මං පටිච්ච සඤ්ඤොජනො චෙව සඤ්ඤොජනසම්පයුත්තො ච ධම්මො උප්පජ්ජති හෙතුපච්චයා – කාමරාගසඤ්ඤොජනං පටිච්ච දිට්ඨිසඤ්ඤොජනං අවිජ්ජාසඤ්ඤොජනං (චක්කං). (1)

සඤ්ඤොජනඤ්චෙව සඤ්ඤොජනසම්පයුත්තඤ්ච ධම්මං පටිච්ච සඤ්ඤොජනසම්පයුත්තො චෙව නො ච සඤ්ඤොජනො ධම්මො උප්පජ්ජති හෙතුපච්චයා – සඤ්ඤොජනෙ පටිච්ච සම්පයුත්තකා ඛන්ධා. (2)

සඤ්ඤොජනඤ්චෙව සඤ්ඤොජනසම්පයුත්තඤ්ච ¶ ධම්මං පටිච්ච සඤ්ඤොජනො චෙව සඤ්ඤොජනසම්පයුත්තො ච සඤ්ඤොජනසම්පයුත්තො චෙව නො ච සඤ්ඤොජනො ච ධම්මා උප්පජ්ජන්ති හෙතුපච්චයා – කාමරාගසඤ්ඤොජනං පටිච්ච දිට්ඨිසඤ්ඤොජනං අවිජ්ජාසඤ්ඤොජනං සම්පයුත්තකා ච ඛන්ධා (චක්කං). (3)

101. සඤ්ඤොජනසම්පයුත්තඤ්චෙව නො ච සඤ්ඤොජනං ධම්මං පටිච්ච සඤ්ඤොජනසම්පයුත්තො චෙව ¶ නො ච සඤ්ඤොජනො ධම්මො උප්පජ්ජති හෙතුපච්චයා – සඤ්ඤොජනසම්පයුත්තඤ්චෙව නො ච සඤ්ඤොජනං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

සඤ්ඤොජනසම්පයුත්තඤ්චෙව ¶ නො ච සඤ්ඤොජනං ධම්මං පටිච්ච සඤ්ඤොජනො චෙව සඤ්ඤොජනසම්පයුත්තො ච ධම්මො උප්පජ්ජති හෙතුපච්චයා – සඤ්ඤොජනසම්පයුත්තෙ චෙව නො ච සඤ්ඤොජනෙ ඛන්ධෙ පටිච්ච සඤ්ඤොජනා (2)

සඤ්ඤොජනසම්පයුත්තඤ්චෙව නො ච සඤ්ඤොජනං ධම්මං පටිච්ච සඤ්ඤොජනො චෙව සඤ්ඤොජනසම්පයුත්තො ච සඤ්ඤොජනසම්පයුත්තො චෙව නො ච සඤ්ඤොජනො ච ධම්මා උප්පජ්ජන්ති හෙතුපච්චයා – සඤ්ඤොජනසම්පයුත්තඤ්චෙව නො ච සඤ්ඤොජනං එකං ඛන්ධං පටිච්ච තයො ඛන්ධා සඤ්ඤොජනා ච…පෙ… ද්වෙ ඛන්ධෙ…පෙ…. (3)

102. සඤ්ඤොජනඤ්චෙව සඤ්ඤොජනසම්පයුත්තඤ්ච සඤ්ඤොජනසම්පයුත්තඤ්චෙව නො ච සඤ්ඤොජනඤ්ච ධම්මං පටිච්ච සඤ්ඤොජනො චෙව සඤ්ඤොජනසම්පයුත්තො ච ධම්මො උප්පජ්ජති හෙතුපච්චයා – කාමරාගසඤ්ඤොජනඤ්ච සම්පයුත්තකෙ ච ඛන්ධෙ පටිච්ච දිට්ඨිසඤ්ඤොජනං අවිජ්ජාසඤ්ඤොජනං (චක්කං). (1)

සඤ්ඤොජනඤ්චෙව සඤ්ඤොජනසම්පයුත්තඤ්ච සඤ්ඤොජනසම්පයුත්තඤ්චෙව නො ච සඤ්ඤොජනඤ්ච ධම්මං පටිච්ච සඤ්ඤොජනසම්පයුත්තො ¶ චෙව නො ච සඤ්ඤොජනො ධම්මො උප්පජ්ජති හෙතුපච්චයා – සඤ්ඤොජනසම්පයුත්තඤ්චෙව නො ච සඤ්ඤොජනං එකං ඛන්ධඤ්ච සඤ්ඤොජනෙ ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. (2)

සඤ්ඤොජනඤ්චෙව සඤ්ඤොජනසම්පයුත්තඤ්ච සඤ්ඤොජනසම්පයුත්තඤ්චෙව නො ච සඤ්ඤොජනඤ්ච ධම්මං පටිච්ච සඤ්ඤොජනො චෙව සඤ්ඤොජනසම්පයුත්තො ච සඤ්ඤොජනසම්පයුත්තො චෙව නො ච සඤ්ඤොජනො ච ධම්මා උප්පජ්ජන්ති හෙතුපච්චයා – සඤ්ඤොජනසම්පයුත්තඤ්චෙව නො ච සඤ්ඤොජනං එකං ඛන්ධඤ්ච කාමරාගසඤ්ඤොජනඤ්ච පටිච්ච තයො ඛන්ධා දිට්ඨිසඤ්ඤොජනං අවිජ්ජාසඤ්ඤොජනං…පෙ… ද්වෙ ඛන්ධෙ ච…පෙ… (චක්කං). (3)

103. හෙතුයා ¶ නව, ආරම්මණෙ නව, අධිපතියා නව (සබ්බත්ථ නව), කම්මෙ නව, ආහාරෙ නව…පෙ… අවිගතෙ නව.

104. සඤ්ඤොජනඤ්චෙව ¶ සඤ්ඤොජනසම්පයුත්තඤ්ච ධම්මං පටිච්ච සඤ්ඤොජනො චෙව සඤ්ඤොජනසම්පයුත්තො ච ධම්මො උප්පජ්ජති නහෙතුපච්චයා – විචිකිච්ඡාසඤ්ඤොජනං පටිච්ච අවිජ්ජාසඤ්ඤොජනං. (1)

සඤ්ඤොජනසම්පයුත්තඤ්චෙව නො ච සඤ්ඤොජනං ධම්මං පටිච්ච සඤ්ඤොජනො චෙව සඤ්ඤොජනසම්පයුත්තො ච ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ පටිච්ච විචිකිච්ඡාසහගතො මොහො. (1)

සඤ්ඤොජනඤ්චෙව සඤ්ඤොජනසම්පයුත්තඤ්ච සඤ්ඤොජනසම්පයුත්තඤ්චෙව නො ච සඤ්ඤොජනඤ්ච ධම්මං පටිච්ච සඤ්ඤොජනො චෙව සඤ්ඤොජනසම්පයුත්තො ච ධම්මො උප්පජ්ජති නහෙතුපච්චයා – විචිකිච්ඡාසඤ්ඤොජනඤ්ච සම්පයුත්තකෙ ච ඛන්ධෙ පටිච්ච ¶ අවිජ්ජාසඤ්ඤොජනං. (1)

105. නහෙතුයා ¶ තීණි, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව.

2-6. සහජාත-පච්චය-නිස්සය-සංසට්ඨ-සම්පයුත්තවාරො

(එවං ඉතරෙ ද්වෙ ගණනාපි සහජාතවාරොපි කාතබ්බො. පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා.)

106. සඤ්ඤොජනො චෙව සඤ්ඤොජනසම්පයුත්තො ච ධම්මො සඤ්ඤොජනස්ස චෙව සඤ්ඤොජනසම්පයුත්තස්ස ච ධම්මස්ස හෙතුපච්චයෙන පච්චයො – කාමරාගසඤ්ඤොජනො ¶ දිට්ඨිසඤ්ඤොජනස්ස අවිජ්ජාසඤ්ඤොජනස්ස හෙතුපච්චයෙන පච්චයො (චක්කං). (1)

සඤ්ඤොජනො චෙව සඤ්ඤොජනසම්පයුත්තො ච ධම්මො සඤ්ඤොජනසම්පයුත්තස්ස චෙව නො ච සඤ්ඤොජනස්ස ධම්මස්ස හෙතුපච්චයෙන පච්චයො – සඤ්ඤොජනා චෙව සඤ්ඤොජනසම්පයුත්තා ච හෙතූ සම්පයුත්තකානං ඛන්ධානං හෙතුපච්චයෙන පච්චයො. (2)

සඤ්ඤොජනො ¶ චෙව සඤ්ඤොජනසම්පයුත්තො ච ධම්මො සඤ්ඤොජනස්ස චෙව සඤ්ඤොජනසම්පයුත්තස්ස ච සඤ්ඤොජනසම්පයුත්තස්ස චෙව නො ච සඤ්ඤොජනස්ස ච ධම්මස්ස හෙතුපච්චයෙන පච්චයො – කාමරාගසඤ්ඤොජනො දිට්ඨිසඤ්ඤොජනස්ස අවිජ්ජාසඤ්ඤොජනස්ස සම්පයුත්තකානඤ්ච ඛන්ධානං හෙතුපච්චයෙන පච්චයො (චක්කං). (3)

107. සඤ්ඤොජනො චෙව සඤ්ඤොජනසම්පයුත්තො ච ධම්මො සඤ්ඤොජනස්ස චෙව සඤ්ඤොජනසම්පයුත්තස්ස ච ධම්මස්ස ආරම්මණපච්චයෙන පච්චයො ¶ – සඤ්ඤොජනෙ ආරබ්භ සඤ්ඤොජනා උප්පජ්ජන්ති. (මූලං කාතබ්බං) සඤ්ඤොජනෙ ආරබ්භ සඤ්ඤොජනසම්පයුත්තා චෙව නො ච සඤ්ඤොජනා ඛන්ධා උප්පජ්ජන්ති. (මූලං කාතබ්බං) සඤ්ඤොජනෙ ආරබ්භ සඤ්ඤොජනා ච සඤ්ඤොජනසම්පයුත්තකා ච ඛන්ධා උප්පජ්ජන්ති. (1)

සඤ්ඤොජනසම්පයුත්තො චෙව නො ච සඤ්ඤොජනො ධම්මො සඤ්ඤොජනසම්පයුත්තස්ස චෙව නො ච සඤ්ඤොජනස්ස ධම්මස්ස ආරම්මණපච්චයෙන පච්චයො – සඤ්ඤොජනසම්පයුත්තෙ චෙව නො ච සඤ්ඤොජනෙ ඛන්ධෙ ආරබ්භ සඤ්ඤොජනසම්පයුත්තා චෙව නො ච සඤ්ඤොජනා ඛන්ධා උප්පජ්ජන්ති. (1)

සඤ්ඤොජනසම්පයුත්තො චෙව නො ච සඤ්ඤොජනො ධම්මො සඤ්ඤොජනස්ස චෙව සඤ්ඤොජනසම්පයුත්තස්ස ච ධම්මස්ස ආරම්මණපච්චයෙන පච්චයො – සඤ්ඤොජනසම්පයුත්තෙ චෙව නො ච සඤ්ඤොජනෙ ඛන්ධෙ ආරබ්භ සඤ්ඤොජනා උප්පජ්ජන්ති. (2)

සඤ්ඤොජනසම්පයුත්තො චෙව නො ච සඤ්ඤොජනො ධම්මො සඤ්ඤොජනස්ස චෙව සඤ්ඤොජනසම්පයුත්තස්ස ච සඤ්ඤොජනසම්පයුත්තස්ස චෙව නො ච සඤ්ඤොජනස්ස ච ධම්මස්ස ආරම්මණපච්චයෙන පච්චයො – සඤ්ඤොජනසම්පයුත්තෙ චෙව ¶ නො ච සඤ්ඤොජනෙ ඛන්ධෙ ආරබ්භ සඤ්ඤොජනා ච සඤ්ඤොජනසම්පයුත්තකා ච ඛන්ධා උප්පජ්ජන්ති. (3)

සඤ්ඤොජනො චෙව සඤ්ඤොජනසම්පයුත්තො ච සඤ්ඤොජනසම්පයුත්තො චෙව නො ච සඤ්ඤොජනො ච ධම්මා සඤ්ඤොජනස්ස චෙව සඤ්ඤොජනසම්පයුත්තස්ස ච ධම්මස්ස ආරම්මණපච්චයෙන පච්චයො… තීණි.

108. සඤ්ඤොජනො ¶ චෙව සඤ්ඤොජනසම්පයුත්තො ච ධම්මො සඤ්ඤොජනස්ස ¶ චෙව සඤ්ඤොජනසම්පයුත්තස්ස ච ධම්මස්ස අධිපතිපච්චයෙන පච්චයො – ආරම්මණාධිපති… තීණි.

සඤ්ඤොජනසම්පයුත්තො චෙව නො ච සඤ්ඤොජනො ධම්මො සඤ්ඤොජනසම්පයුත්තස්ස චෙව නො ච සඤ්ඤොජනස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති… තීණි (ඉමාසු තීසුපි පඤ්හාසු ආරම්මණාධිපතිපි සහජාතාධිපතිපි කාතබ්බා).

සඤ්ඤොජනො චෙව සඤ්ඤොජනසම්පයුත්තො ච සඤ්ඤොජනසම්පයුත්තො චෙව නො ච සඤ්ඤොජනො ච ධම්මා සඤ්ඤොජනස්ස චෙව සඤ්ඤොජනසම්පයුත්තස්ස ච ධම්මස්ස අධිපතිපච්චයෙන පච්චයො – ආරම්මණාධිපති… තීණි.

109. සඤ්ඤොජනො චෙව සඤ්ඤොජනසම්පයුත්තො ච ධම්මො සඤ්ඤොජනස්ස චෙව සඤ්ඤොජනසම්පයුත්තස්ස ච ධම්මස්ස අනන්තරපච්චයෙන පච්චයො… නව (නින්නානාකරණං, විභජනා නත්ථි. ආරම්මණසදිසා)… සමනන්තරපච්චයෙන පච්චයො… නව… සහජාතපච්චයෙන පච්චයො… නව… අඤ්ඤමඤ්ඤපච්චයෙන පච්චයො… නව… නිස්සයපච්චයෙන පච්චයො… නව… උපනිස්සයපච්චයෙන පච්චයො… නව (ආරම්මණනයෙන කාතබ්බා)… ආසෙවනපච්චයෙන පච්චයො… නව.

110. සඤ්ඤොජනසම්පයුත්තො චෙව නො ච සඤ්ඤොජනො ධම්මො සඤ්ඤොජනසම්පයුත්තස්ස චෙව නො ච සඤ්ඤොජනස්ස ධම්මස්ස කම්මපච්චයෙන පච්චයො… තීණි… ආහාරපච්චයෙන පච්චයො… තීණි… ඉන්ද්රියපච්චයෙන පච්චයො… තීණි… ඣානපච්චයෙන පච්චයො… තීණි… මග්ගපච්චයෙන ¶ පච්චයො… නව ¶ … සම්පයුත්තපච්චයෙන පච්චයො… නව… අත්ථිපච්චයෙන පච්චයො ¶ … නව… නත්ථිපච්චයෙන පච්චයො… නව… විගතපච්චයෙන පච්චයො… නව… අවිගතපච්චයෙන පච්චයො… නව.

111. හෙතුයා තීණි, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, ආසෙවනෙ නව, කම්මෙ තීණි, ආහාරෙ තීණි, ඉන්ද්රියෙ තීණි, ඣානෙ තීණි, මග්ගෙ නව, සම්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව.

112. සඤ්ඤොජනො චෙව සඤ්ඤොජනසම්පයුත්තො ච ධම්මො සඤ්ඤොජනස්ස චෙව සඤ්ඤොජනසම්පයුත්තස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො…. (සංඛිත්තං. එවං නව පඤ්හා කාතබ්බා. තීසුයෙව පදෙසු පරිවත්තෙතබ්බා, නානාක්ඛණිකා නත්ථි.)

113. නහෙතුයා නව, නආරම්මණෙ නව (සබ්බත්ථ නව), නොඅවිගතෙ නව.

114. හෙතුපච්චයා ¶ නආරම්මණෙ තීණි…පෙ… නසමනන්තරෙ තීණි, නඋපනිස්සයෙ තීණි, නපුරෙජාතෙ තීණි…පෙ… නමග්ගෙ තීණි, නසම්පයුත්තෙ තීණි, නවිප්පයුත්තෙ තීණි, නොනත්ථියා තීණි ¶ , නොවිගතෙ තීණි.

115. නහෙතුපච්චයා ¶ ආරම්මණෙ නව, අධිපතියා නව (අනුලොමපදානි කාතබ්බානි)…පෙ… අවිගතෙ නව.

සඤ්ඤොජනසඤ්ඤොජනසම්පයුත්තදුකං නිට්ඨිතං.

25. සඤ්ඤොජනවිප්පයුත්තසඤ්ඤොජනියදුකං

116. සඤ්ඤොජනවිප්පයුත්තං ¶ සඤ්ඤොජනියං ධම්මං පටිච්ච සඤ්ඤොජනවිප්පයුත්තො සඤ්ඤොජනියො ධම්මො උප්පජ්ජති හෙතුපච්චයා – සඤ්ඤොජනවිප්පයුත්තං සඤ්ඤොජනියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… (යාව අසඤ්ඤසත්තා, මහාභූතා).

සඤ්ඤොජනවිප්පයුත්තං අසඤ්ඤොජනියං ධම්මං පටිච්ච සඤ්ඤොජනවිප්පයුත්තො අසඤ්ඤොජනියො ධම්මො උප්පජ්ජති හෙතුපච්චයා – සඤ්ඤොජනවිප්පයුත්තං අසඤ්ඤොජනියං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ….

සඤ්ඤොජනවිප්පයුත්තං අසඤ්ඤොජනියං ධම්මං…පෙ… (ද්වෙ පඤ්හා කාතබ්බා).

(ඉමං දුකං චූළන්තරදුකෙ ලොකියදුකසදිසං නින්නානාකරණං.)

සඤ්ඤොජනවිප්පයුත්තසඤ්ඤොජනියදුකං නිට්ඨිතං.