📜

12. ද්වාදසමො පරිච්ඡෙදො

පඤ්ඤත්තිනිද්දෙසවණ්ණනා

සඞ්ඛායතීති ¶ සඞ්ඛා, කථීයතීති අත්ථො. කින්ති කිං ඉති කථීයති. ‘‘අහ’’න්ති ‘‘මම’’න්ති කථීයති.

තජ්ජාපඤ්ඤත්තීති තස්ස චක්ඛුසොතාදිකස්ස අනුරූපවසෙන ජාතා පඤ්ඤත්තීති අත්ථො.

එකස්සවාති එකස්ස නාමධම්මස්ස ‘‘අච්ඡො’’ති නාමං ගහෙත්වා බහූනං නාමධම්මානං ‘‘අච්ඡො’’ති නාමං ගහෙත්වා. සමූහමෙවාති නාමධම්මානං සමූහං එව.

ගහිතො පුබ්බෙ සඞ්කෙතො එතෙනාති ගහිතපුබ්බසඞ්කෙතං. කිං තං? මනොද්වාරාවජ්ජනජවනවිඤ්ඤාණං. තෙන ගහිතාය පඤ්ඤත්තියා විඤ්ඤායති ‘‘සත්තා’’ති ‘‘කම්මජා’’ති කථීයති.

ඉත්ථී ¶ ච පුරිසො ච ඉත්ථිපුරිසා, තෙ ආදයො යෙසං තෙ ඉත්ථිපුරිසාදයො, තෙසං.

778. තතියා කොටීති තතියො කොට්ඨාසො.

ඉති අභිධම්මාවතාරටීකාය

පඤ්ඤත්තිනිද්දෙසවණ්ණනා නිට්ඨිතා.

ද්වාදසමො පරිච්ඡෙදො.