📜
21. එකවීසතිමො පරිච්ඡෙදො
පටිපදාඤාණදස්සනවිසුද්ධිනිද්දෙසවණ්ණනා
1299. උපල්ලෙසවිමුත්තං ¶ සුවිසදං ඤාණන්ති අට්ඨවිධඤාණං සන්ධායාහ.
1302. සච්චානුලොමඤාණන්ති අයමෙව පවුච්චති.
1306. අයං සිඛාපත්තා විපස්සනා එව සච්චානුලොමඤාණං නාම පවුච්චති.
1309. භවඞ්ගානන්තරං සඞ්ඛාරු-පෙක්ඛාගතනයෙනාති භවඞ්ගානන්තරං සඞ්ඛාරුපෙක්ඛාසඞ්ඛාතෙන ඤාණෙන කතනයෙන.
1314-6. බොධිපක්ඛියධම්මානං ¶ , උද්ධඤ්ච අනුලොමතොති උද්ධං වත්තමානානං බොධිපක්ඛියධම්මානං අනුලොමතො, ඉදං අනුලොමඤාණං වුට්ඨානගාමිනියා පරියොසානං නාම භාසිතං මහෙසිනා කථිතං. සච්චානුලොමඤාණං ආහච්ච උප්පන්නා, සබ්බප්පකාරෙන ගොත්රභුපරියොසානං.
ඉති අභිධම්මාවතාරටීකාය
පටිපදාඤාණදස්සනවිසුද්ධිනිද්දෙසවණ්ණනා නිට්ඨිතා.
එකවීසතිමො පරිච්ඡෙදො.