📜

මහාපධානදීපනීගාථා

111.

ඔරොහිතොතොහිතපාපධම්මො,

ඡන්නෙන ස ඡන්නහයෙන ගන්ත්වා;

අනොමතීරම්හි අනොමසත්තො,

අනොමපබ්බජ්ජමුපාගතො සො.

112.

නිරාමිසං පීතිසුඛං අනූපමං,

අනූපියෙ අම්බවනෙ අලත්ථ;

සරූපසොභාය විරූපසොභං,

සරාජිකං රාජගහං කරිත්ථ.

113.

තතො අළාර ඌදකතාපසානං,

ඣානෙනසන්තුට්ඨමනො විහාය;

මහාපධානාය උරුවෙලභූමිං,

ගතො සිඛප්පත්තමකාසි දුක්කරං.

114.

න කාමතො නෙවතිදුක්කරම්හි,

සබ්බඤ්ඤුතා සිජ්ඣති මජ්ඣිමාය;

ඤත්වාන තං පුබ්බගුණොපලද්ධං,

ධම්මං සමානෙතුමගා සුබොධිං.