📜
නවගුණදීපනීගාථා
එවං හි බුද්ධත්තමුපාගතො සො,
දෙසෙසි ධම්මං සනරාමරානං;
නානානයෙහීභිසමෙසි සත්තෙ,
තස්මා හි ඣාතො තිභවෙසු නාථො.
අද්ධා ලද්ධා ධම්මාලොකං,
දිට්ඨා පත්තා ඤාතා සච්චං;
තිඤ්ඤාරාගාදොසමොහා,
ථොමෙසුං තෙ දෙවා බ්රහ්මා.
මුනිරාජවරො නරරාජවරො,
දිවිදෙවවරො සුචිබ්රහ්මවරො;
සකපාපහරො පරපාපහරො,
සකවුඩ්ඪිකරො පරවුඩ්ඪිකරො.
සනරාමරුබ්රහ්මගණෙභි රුතා,
අරහාදිගුණා විපුලා විමලා;
නවධා වසුධාගගණෙ,
සකලෙ තිදිවෙ තිභවෙ විසටා.
යෙ පිස්ස තෙ භගවතො ච අචින්තියාදී,
සුද්ධාතිසුද්ධතරබුද්ධගුණා හි සබ්බෙ;
සඞ්ඛෙපතො නවවිධෙසු පදෙසු ඛිත්තා,
වක්ඛාමි දානි අරහාදිගුණෙ අහං පි.
යො චීධ ජාතො අරහං නිරාසො,
සම්මාභිසම්බුද්ධසමන්තචක්ඛු;
සම්පන්නවිජ්ජාචරණොඝතිණ්ණො,
සම්මාගතො සො සුගතො ගතො ව.
අවෙදි සො ලොකමිමං පරඤ්ච,
අමුත්තරො සාරථිදම්මසත්තෙ;
සදෙවකානං වරසත්ථුකිච්චං,
අකාසි බුද්ධො භගවා විසුද්ධො.