📜

ගුණදීපනීගාථා

184.

න තස්ස අදිට්ඨනමිධත්ථි කිඤ්චි,

අතො අවිඤ්ඤාතමජානිතබ්බං;

සබ්බං අභිඤ්ඤාසි යදත්ථි ඤෙය්යං,

තථාගතො තෙන සමන්තචක්ඛු.

185.

ඉති මහිතමනන්තාකිත්තිසම්භාරසාරං,

සකලදසසහස්සීලොකධාතුම්හි නිච්චං;

උපචිතසුභහෙතුපයුතානන්තකාලං,

තදිහ සුගතබොධිසාධුකං චින්තනීයං;

186.

තක්කබ්යාකරණඤ්ච ධම්මවිනයං සුත්වා පි යො පඤ්ඤවා,

තෙනායං සුචිසාරභූතවචනං විඤ්ඤායතෙ කෙවලං;

හෙතුඤ්චාපි ඵලෙන තෙන සඵලං සම්පස්සමානො තතො බොධිං සද්දහතෙව තස්ස මහතාවායමතො සම්භවං.

187.

යො සද්දහන්තො පන තස්ස බොධිං,

වුත්තානුසාරෙන ගුණෙරහාදී;

කථෙති චින්තෙන්ති ච සො මුහුත්තං,

ඔහාය පාපානි උපෙති සන්තිං.

188.

සද්ධෙය්යා තෙ චින්තෙය්යා තෙ,

වන්දෙය්යා තෙ පූජෙය්යාතෙ;

බුද්ධොලොකාලොකෙ ලොකෙ,

ජාතෙ නෙතං පත්ථෙන්තෙන.