📜

නමො තස්ස භගවතො අරහතො සම්මාසම්බුද්ධස්ස

සාසනවංසප්පදීපිකා

බුද්ධං ¶ සුමාලී ද්විපදුත්තමො තමො,

හන්ත්වාන බොධෙසිධ පඞ්කජං කජං;

මග්ගග්ගසෙලම්හි සුඤට්ඨිතො ඨිතො,

සො මං චිරං පාතු සුඛං සදා සදා.

සීහළද්දීපතොයෙව,

ආගතෙහි දිසන්තරෙ;

භික්ඛූහි යාචිතො කස්සං,

සාස්නවංසප්පදීපිකං.

කාමඤ්ච පොරාණෙහි යා,

සාස්නවංසප්පදිපිකා;

විත්ථාර වාචනාමග්ගා,

විරචිතා විනිච්ඡයා.

සා ¶ පන මරම්මභාසාය,

කතත්තායෙව එතෙසං;

දීපන්තරනිවාසිනං,

වහාති සුට්ඨුනාත්ථං.

තස්මා හි මූලභාසාය,

කරිස්සාමි අහං හවෙ;

සංසන්දිත්වාන ගන්ථෙහි,

තං සල්ලක්ඛෙන්තු සාධවොති.

තත්රායංමාතිකා –

1. නවට්ඨානාගතසාසනවංසකථාමග්ගො,

2. සීහළදීපිකසාසනවංසකථාමග්ගො,

3. සුවණ්ණභූමිසාසනවංසකථාමග්ගො,

4. යොනකරට්ඨසාසනවංසකථාමග්ගො,

5. වනවාසීරට්ඨසාසනවංසකථාමග්ගො,

6. අපරන්තරට්ඨසාසනවංසකථාමග්ගො,

7. කස්මීරගන්ධාරරට්ඨසාසනවංසකථාමග්ගො,

8. මහිංසකරට්ඨසාසනවංසකථාමග්ගො,

9. මහාරට්ඨසාසනවංසවථාමග්ගො,

10. චිනරට්ඨසාසනවංසකථාමග්ගොචාති.