📜
4. අඩ්ඪසමවුත්තිනිද්දෙස-චතුත්ථපරිච්ඡෙද
විසමෙ යදි සා ස,ල,ගා සමෙ,
භ,ත්තයතො ගරුකා වු’පචිත්තං.
භ,ත්තයතො යදි ගා දුතමජ්ඣා;
යදි පුනරෙ’ව භවන්ති න, ජා ජ්යා.
යදි ස,ත්තිතයං ගරුයුත්තං,
වෙගවතී යදි භ,ත්තිතයා ගා.
තො ජො විසමෙ රතො ගරූ චෙ;
ස්මා ජ්ගා භද්දවිරාජ මෙත්ථ ගො චෙ.
විසමෙ ස, ජා ස,ගරු,යුත්තා;
කෙතුමතී සමෙ භ,ර,න,ගා ගො.
ආඛ්යානකී තා විසමෙ ජ, ගා ගො; (ඉන්දවජිර)
ජ,තා ජ,ගා ගො තු සමෙ’ථ පාදෙ. (උපෙන්දවජිර)
ජ,තා ජ,ගා ගො විසමෙ සමෙ තු; (උපෙන්දවජිර)
තා ජො ග,ගා චෙ විපරීතපුබ්බා. (ඉන්දවජිර)
ස,ස,තො ස,ල,ගා විසමෙ සමෙ;
න,භ,භ,රා භවතෙ හරිණප්ලුතා.
යදි න,න,ර,ල,ගා න,ජා ජ,රා,
යදි ච තදා’පරවත්ත මිච්ඡති.
විසම ¶ මුපගතා න,නා ර,යා චෙ;
න,ජ,ජ,ර,ගා සමකෙ ච පුප්ඵිතග්ගා.
ද්වයං මිදං වෙතාලීය’ප්පභෙදො.
සා යවාදිකා මතී ර,ජා ර,ජා ත්ව,
සමෙ සමෙ ජ,රා ජ,රා ගරූ භවෙය්යුං.
ඉති වුත්තොදයෙ ඡන්දසි අඩ්ඪසමවුත්තිනිද්දෙසො නාම
චතුත්ථො පරිච්ඡෙදො.