📜
5. විසමවුත්තිනිද්දෙස-පඤ්චමපරිච්ඡෙද
118. න’ට්ඨක්ඛරෙසු පාදෙසු, ස්නා’දිම්හා යො’ණ්ණවා වත්තං.
119. සමෙසු සින්ධුතො ජෙන, පථ්යාවත්තං පකිත්තිතං.
120. ඔජෙසු ජෙන සින්ධුතො, ත’මෙව වීපරීතා’දි.
121. න,කාරො චෙ ජලධිතො, චපලාවත්ත’මිච්චෙ’තං.
122. සමෙ ලො සත්තමො යස්සා, විපුලා පිඞ්ගලස්ස සා.
වත්ත’ප්පභෙදො.
නදිස්සතෙ’ත්ථ යං ඡන්දං, පයොගෙ දිස්සතෙ යදි;
විසම’ක්ඛරපාදං තං, ගාථා සාමඤ්ඤනාමතො.
ඉති වුත්තොදයෙ ඡන්දසි විසමවුත්ති නිද්දෙසො නාම
පඤ්චමො පරිච්ඡෙදො.