📜

20. අමතවග්ගවණ්ණනා

600-611. නත්ථි ¶ එත්ථ මතං මරණං විනාසොති අමතං, නිබ්බානන්ති ආහ – ‘‘මරණවිරහිතං නිබ්බානං පරිභුඤ්ජන්තී’’ති. අමතස්ස වා නිබ්බානස්ස අධිගමහෙතුතාය ¶ අමතසදිසඅතප්පකසුඛපතිතතාය ච කායගතාසති ‘‘අමත’’න්ති වුත්තා. පරිභුඤ්ජන්තීති ඣානසමාපජ්ජනෙන වළඤ්ජන්ති. විරද්ධන්ති අනධිගමෙන විරජ්ඣිතං. තෙනාහ – ‘‘විරාධිතං නාධිගත’’න්ති. ආරද්ධන්ති සාධිතං නිප්ඵාදිතං. තඤ්ච පරිපුණ්ණං නාම හොතීති ආහ – ‘‘ආරද්ධන්ති පරිපුණ්ණ’’න්ති. පමාදිංසූති කාලබ්යත්තයෙනෙදං වුත්තන්ති ආහ – ‘‘පමජ්ජන්තී’’ති.

අමතවග්ගවණ්ණනා නිට්ඨිතා.

ඉති මනොරථපූරණියා අඞ්ගුත්තරනිකාය-අට්ඨකථාය

එකකනිපාතවණ්ණනාය අනුත්තානත්ථදීපනා සමත්තා.

පඨමො භාගො නිට්ඨිතො.