📜

4. අදන්තවග්ගවණ්ණනා

31-36. චතුත්ථස්ස ¶ පඨමෙ අදන්තන්ති චිත්තභාවනාය විනා න දන්තං. තෙනාහ – ‘‘සතිසංවරරහිත’’න්ති. චතුත්ථෙ තතියෙ වුත්තවිපරියායෙන අත්ථො වෙදිතබ්බො. පඤ්චමඡට්ඨෙසු පුරිමසදිසොයෙවාති තතියචතුත්ථසදිසො එව.

37-38. සත්තමට්ඨමෙසු උපමා පනෙත්ථාති යථා පඨමාදීසු අදන්තහත්ථිඅස්සාදයො උපමාභාවෙන ගහිතා, එවමෙත්ථ සත්ථමට්ඨමෙසු ‘‘අසංවුතඝරද්වාරාදිවසෙන වෙදිතබ්බා’’ති වුත්තං.

39-40. නවමදසමෙසු චතූහිපි පදෙහීති අදන්තාදීහි චතූහි පදෙහි යොජෙත්වා නවමදසමානි සුත්තානි වුත්තානීති යොජනා.

අදන්තවග්ගවණ්ණනා නිට්ඨිතා.