📜
(12) 2. කෙසිවග්ගො
1-7. කෙසිසුත්තාදිවණ්ණනා
111-117. දුතියස්ස ¶ පඨමෙ අස්සදම්මෙති දම්මනයොග්ගෙ අස්සෙ. සාරෙතීති සික්ඛාපෙති පවත්තෙති. සෙසමෙත්ථ උත්තානමෙව. දුතියාදීනි උත්තානත්ථානෙව.
කෙසිසුත්තාදිවණ්ණනා නිට්ඨිතා.
8-10. සංවෙජනීයසුත්තාදිවණ්ණනා
118-120. අට්ඨමෙ ¶ සද්ධස්සාති බුද්ධාදීසු පසන්නචිත්තස්ස වත්තසම්පන්නස්ස, යස්ස පාතො වුට්ඨාය චෙතියඞ්ගණවත්තාදීනි සබ්බවත්තානි කතානෙව පඤ්ඤායන්ති. දස්සනීයානීති දස්සනාරහානි. සංවෙගො නාම සහොත්තප්පං ඤාණං. අභිජාතිට්ඨානාදීනිපි තස්ස උප්පත්තිහෙතූනි භවන්තීති සික්ඛාපෙන්තො ආහ ‘‘සංවෙගජනකානී’’ති. ඨානානීති කාරණානි, පදෙසට්ඨානානි වා. නවමදසමානි සුවිඤ්ඤෙය්යානි.
සංවෙජනීයසුත්තාදිවණ්ණනා නිට්ඨිතා.
කෙසිවග්ගවණ්ණනා නිට්ඨිතා.