📜
(25) 5. දුච්චරිතවග්ගො
1. පඨමදුච්චරිතසුත්තවණ්ණනා
241. පඤ්චමස්ස ¶ ¶ පඨමෙ දුච්චරිතෙ සුචරිතෙති ඉදං අභෙදතො වුත්තං, කායදුච්චරිතෙතිආදි කායද්වාරාදීනං වසෙන භෙදතො. සද්ධම්මාති දසකුසලකම්මපථධම්මතො. අසද්ධම්මෙති අකුසලකම්මපථසඞ්ඛාතෙ අස්සද්ධම්මෙ.
9. සිවථිකසුත්තවණ්ණනා
249. නවමෙ සිවථිකායාති සුසානෙ. ආරොදනාති ආරොදනට්ඨානං. අසුචිනාති ජිගුච්ඡනීයෙන.
10. පුග්ගලප්පසාදසුත්තවණ්ණනා
250. දසමෙ පුග්ගලප්පසාදෙති එකපුග්ගලස්මිං උප්පන්නප්පසාදෙ. අන්තෙ නිසීදාපෙතීති භික්ඛූනං ආසනපරියන්තෙ නිසීදාපෙති. සෙසං සබ්බත්ථ උත්තානත්ථමෙවාති.
දුච්චරිතවග්ගො පඤ්චමො.
පඤ්චමපණ්ණාසකං නිට්ඨිතං.