📜
11. තිකවග්ගො
1. රාගසුත්තවණ්ණනා
107. එකාදසමස්ස ¶ පඨමෙ අසුභාති අසුභකම්මට්ඨානං. මෙත්තාති මෙත්තාකම්මට්ඨානං. පඤ්ඤාති සහවිපස්සනා මග්ගපඤ්ඤා.
6. අස්සාදසුත්තවණ්ණනා
112. ඡට්ඨෙ ¶ අස්සාදදිට්ඨීති සස්සතදිට්ඨි. අත්තානුදිට්ඨීති අත්තානං අනුගතා වීසතිවත්ථුකා සක්කායදිට්ඨි. මිච්ඡාදිට්ඨීති ද්වාසට්ඨිවිධාපි දිට්ඨි. සම්මාදිට්ඨීති මග්ගසම්මාදිට්ඨි, නත්ථි දින්නන්තිආදිකා වා මිච්ඡාදිට්ඨි, කම්මස්සකතඤාණං සම්මාදිට්ඨි.
7. අරතිසුත්තවණ්ණනා
113. සත්තමෙ අධම්මචරියාති දස අකුසලකම්මපථා.
10. උද්ධච්චසුත්තවණ්ණනා
116. දසමෙ අසංවරොති අනධිවාසකභාවො. සෙසං සබ්බත්ථ උත්තානමෙවාති.
තිකවග්ගො එකාදසමො.