📜

1. නිස්සයවග්ගො

1-10. කිමත්ථියසුත්තාදිවණ්ණනා

1-10. එකාදසකනිපාතස්ස ¶ ¶ පඨමාදීනි උත්තානත්ථානෙව. දසමෙ ජනිතස්මින්ති කම්මකිලෙසෙහි නිබ්බත්තෙ, ජනෙ එතස්මින්ති වා ජනෙතස්මිං, මනුස්සෙසූති අත්ථො. තෙනාහ ‘‘යෙ ගොත්තපටිසාරිනො’’ති. ජනිතස්මිං-සද්දො එව වා ඉ-කාරස්ස එ-කාරං කත්වා ‘‘ජනෙතස්මි’’න්ති වුත්තො. ජනිතස්මින්ති ච ජනස්මින්ති අත්ථො වෙදිතබ්බො. ජනිතස්මින්ති සාමඤ්ඤග්ගහණෙපි යත්ථ චතුවණ්ණසමඤ්ඤා, තත්ථෙව මනුස්සලොකෙ. ඛත්තියො සෙට්ඨොති අයං ලොකසමඤ්ඤාපි මනුස්සලොකෙයෙව, න දෙවකායෙ බ්රහ්මකායෙ වාති දස්සෙතුං ‘‘යෙ ගොත්තපටිසාරිනො’’ති වුත්තං. පටිසරන්තීති ‘‘අහං ගොතමො, අහං කස්සපො’’ති පටි පටි අත්තනො ගොත්තං අනුස්සරන්ති පටිජානන්ති වාති අත්ථො.

කිමත්ථියසුත්තාදිවණ්ණනා නිට්ඨිතා.

නිස්සයවග්ගවණ්ණනා නිට්ඨිතා.