📜

4. කුමාරපඤ්හා

1. ‘‘එකං ¶ නාම කිං’’? ‘‘සබ්බෙ සත්තා ආහාරට්ඨිතිකා’’.

2. ‘‘ද්වෙ නාම කිං’’? ‘‘නාමඤ්ච රූපඤ්ච’’.

3. ‘‘තීණි නාම කිං’’? ‘‘තිස්සො වෙදනා’’.

4. ‘‘චත්තාරි ¶ නාම කිං’’? ‘‘චත්තාරි අරියසච්චානි’’.

5. ‘‘පඤ්ච නාම කිං’’? ‘‘පඤ්චුපාදානක්ඛන්ධා’’.

6. ‘‘ඡ නාම කිං’’? ‘‘ඡ අජ්ඣත්තිකානි ආයතනානි’’.

7. ‘‘සත්ත නාම කිං’’? ‘‘සත්ත බොජ්ඣඞ්ගා’’.

8. ‘‘අට්ඨ නාම කිං’’? ‘‘අරියො අට්ඨඞ්ගිකො මග්ගො’’.

9. ‘‘නව නාම කිං’’? ‘‘නව සත්තාවාසා’’.

10. ‘‘දස නාම කිං’’? ‘‘දසහඞ්ගෙහි සමන්නාගතො ‘අරහා’ති වුච්චතී’’ති.

කුමාරපඤ්හා නිට්ඨිතා.