📜
චොදනාකණ්ඩං
අනුවිජ්ජකකිච්චවණ්ණනා
360. පාළියං ¶ ¶ යං ඛො ත්වන්තිආදීසු ත්වං, ආවුසො, යං ඉමං භික්ඛුං චොදෙසි, තං කිම්හි දොසෙ චොදෙසි, කතරාය විපත්තියා චොදෙසීති අත්ථො. එවං සබ්බත්ථ.
361. අසුද්ධපරිසඞ්කිතොති අසුද්ධාය අට්ඨානෙ උප්පන්නාය පරිසඞ්කාය පරිසඞ්කිතො. තෙනාහ ‘‘අමූලකපරිසඞ්කිතො’’ති.
364. පාළියං උපොසථො සාමග්ගත්ථායාති විසුද්ධානං භික්ඛූනං අඤ්ඤොඤ්ඤනිරපෙක්ඛො අහුත්වා උපොසථො උපොසථට්ඨානං සන්නිපතිත්වා ‘‘පාරිසුද්ධිං ආයස්මන්තො ආරොචෙථ, පරිසුද්ධෙත්ථායස්මන්තො, පරිසුද්ධො අහං ආවුසො’’තිආදිනා අඤ්ඤමඤ්ඤං පරිසුද්ධිවීමංසනාරොචනවසෙන අයුත්තෙ විවජ්ජෙත්වා යුත්තෙහෙව කායචිත්තසාමග්ගීකරණත්ථාය.
විසුද්ධාය පවාරණාති දිට්ඨසුතාදීහි අඤ්ඤමඤ්ඤං කථාපෙත්වා විසුද්ධිසම්පාදනත්ථායාති අත්ථො. උභො එතෙති ආමිසපුග්ගලනිස්සයනෙ එතෙ උභො.
අනුවිජ්ජකකිච්චවණ්ණනා නිට්ඨිතා.