📜
මහාසඞ්ගාමං
වොහරන්තෙන ජානිතබ්බාදිවණ්ණනා
368-374. මහාසඞ්ගාමෙ ¶ ¶ පාළියං සඞ්ගාමාවචරෙනාති අනුවිජ්ජකං සන්ධාය වුත්තං. වත්ථූති මෙථුනාදිවීතික්කමො. නිදානන්ති වෙසාලිආදිපඤ්ඤත්තිට්ඨානං. පුග්ගලො අකාරකො ජානිතබ්බොති එත්ථ සඞ්ඝෙ වා ගණෙ වා පරිණායකභූතො පුග්ගලොති දට්ඨබ්බං.
375. විස්සට්ඨිසික්ඛාපදන්ති නීලාදිදසන්නං සුක්කානං මොචනවසෙන වුත්තං සුක්කවිස්සට්ඨිසික්ඛාපදං. තඤ්හි තෙලාදිමන්දවණ්ණානං නීලාදිපචුරවණ්ණානං වසෙන ‘‘වණ්ණාවණ්ණා’’ති වුත්තං. පචුරත්ථෙ හි ඉධ අවණ්ණොති අ-කාරො.
379. යාව අකනිට්ඨබ්රහ්මානො ද්විධා හොන්තීති එත්ථ අවිහාදිසුද්ධාවාසිකා අඤ්ඤභූමීසු අරියා ධම්මවාදීපක්ඛං එව භජන්ති, ඉතරෙ දුවිධම්පීති දට්ඨබ්බං.
වොහරන්තෙන ජානිතබ්බාදිවණ්ණනා නිට්ඨිතා.