📜
๒๓. เตวีสติโม ปริจฺเฉโท
กิเลสปหานนิทฺเทสวณฺณนา
๑๓๗๕. อิธ ¶ ปน อิมสฺมึ ปนาธิกาเร การณูปจาเรน ลาภาทิการณสฺส โวหาเรน, ลาโภ อาทิ วตฺถุ ยสฺส อนุนยสฺสาติ ลาภาทิวตฺถุโก, ตสฺส.
สุขุมาติ กามราคปฏิฆา สุขุมา.
๑๓๗๖. เยน ¶ เยน ปมมคฺคาทิาเณน โย โย สํโยชนาทิโก ปหาตพฺโพ ธมฺโม ฆาตํ วินาสํ ยาติ, โส โส ธมฺโม เตน เตน อเสเสน าเณน เอวํ สาธุ มยา สนฺทสฺสิโต.
๑๓๘๓. ปริฺาภิสมเยนาติ ปริจฺฉินฺทิตฺวา ชานเนน. ทุกฺขํ อภิสเมตีติ ทุกฺขํ ปฏิวิชฺฌติ.
๑๓๙๔. โย โยคี อิมํ วิทิตฺวา หิตภาวนํ วนํ วเนตพฺพํ วิทิตฺวา ชานิตฺวา เว เอกนฺเตน สุขสํหิตํ หิตํ อุเปติ, จิตฺตสฺส ตมํ อนุตฺตมํ หีนํ วิธูย วินาเสตฺวา อวิคฺคหกมฺปทํ ปทํ อวิคฺคหกํ สรีรรหิตํ ปทํ ปฏิปชฺชิตพฺพํ าตพฺพํ ปทํ นิพฺพานํ อุเปติ ปาปุณาติ จ.
อิติ อภิธมฺมาวตารฏีกาย
กิเลสปหานนิทฺเทสวณฺณนา นิฏฺิตา.
เตวีสติโม ปริจฺเฉโท.