📜
๒๔. จตุวีสติโม ปริจฺเฉโท
ปจฺจยนิทฺเทสวณฺณนา
๑๓๙๕. รูปํ ¶ รูปสฺสาติ รูปํ รูปสฺส. อรูปสฺส นามสฺส.
๑๓๙๖. มิสฺสกสฺสาติ นามรูปมิสฺสกสฺสาติ อตฺโถ.
๑๓๙๙. เอโกติ ¶ กมฺมปจฺจโย. ทฺเวกาลิโกติ อตีตปจฺจุปฺปนฺนกาลวเสน ทฺวีสุ กาเลสุ นิยุตฺโต. ทสฺสิโตติ ภควตา เทสิโต.
อิติ อภิธมฺมาวตารฏีกาย
ปจฺจยนิทฺเทสวณฺณนา นิฏฺิตา.
จตุวีสติโม ปริจฺเฉโท.
นิคมนกถาวณฺณนา
๑๔๐๑. สุมติมติวิจารโพธโนติ สุมตีนํ สุนฺทรปฺานํ กวีนํ มติยา วิจารสฺส โพธโน. วิมติวิโมหวินาสโนติ วิมตีนํ พาลานํ วิโมหสฺส วินาสโน. กุมติมติมหาตโมนาโสติ กุมตีนํ พาลานํ มหาตมสนฺนิภาย มติยา นาสโก. ปฏุมติภาสกโรติ ปฏูนํ ปณฺฑิตานํ ติกฺขปฺาย โอภาสกโร.
๑๔๐๒. สุมตินามโก ภิกฺขุ อสมานโต อสทิสาย ปูชาย มม อายาจิโต ยโต ยสฺมา ¶ การณา, ตโต ตสฺมา การณา อยํ อภิธมฺมาวตาโร. ปทาโต ปทาติ โกฏฺาสโต โกฏฺาสโต. หิตวิภาวนา ภาวนาติ หิตปฺปกาสนาย ภาวนาย มยา รจิโต. อถ วา อหํ สุมตินา ภิกฺขุนา อสมานโต มานโต อายาจิโต ยโต ยสฺมา, ตโต ตสฺมา.
๑๔๐๕. ติวิธา พฺยปฺปถานฺหิ คติโยติ พฺยปฺปถานํ วจนานํ อตฺถคนฺถยุตฺติวเสน ติวิธา คติโย.
๑๔๐๖. นิกายนฺตรลทฺธีหีติ อฺสฺมึ นิกาเย ลทฺธีหิ. วาจนามคฺคนิสฺสิโตติ วจนปฺปพนฺธนิสฺสิโต.
๑๔๑๐. อสํกิณฺณกุลากุเลติ ¶ อสมฺมิสฺสกุเลหิ อากิณฺเณ. สุปสนฺนสิโตทเกติ มธุรสีโตทเก.
๑๔๑๒. เกลาสสิขราการปาสาทปฏิมณฺฑิเตติ รชตปพฺพตมตฺถกนิเภหิ ปาสาเทหิ อลงฺกเต.
๑๔๑๓. วิวิธาการจารุปาการโคปุเรติ วิวิธสณฺานมนฺุปาการทฺวารโกฏฺเก.
๑๔๑๔. สลฺเลขาติ สลฺเลขวุตฺติ. สาขลฺเยติ สขิลภาเว. สตาติ สติสมฺปนฺเนน.
๑๔๑๕. วสฺสวลาหกา เทวาติ วสฺสวลาหกภูตา เทวา อมรา.
นิคมนกถาวณฺณนา นิฏฺิตา.
อภิธมฺมาวตารปุราณฏีกา นิฏฺิตา.
นโม ตสฺส ภควโต อรหโต สมฺมาสมฺพุทฺธสฺส
อภิธมฺมาวตาร-อภินวฏีกา
(ปโม ภาโค)
คนฺถารมฺภกถา
(ก) วิสุทฺธกรุณาาณํ ¶ ¶ , พุทฺธํ สมฺพุทฺธปูชิตํ;
ธมฺมํ สทฺธมฺมสมฺภูตํ, วนฺเท สํฆํ นิรงฺคณํ.
(ข) สาริปุตฺตํ มหาเถรํ, ปริยตฺติวิสารทํ;
นมามิ สนฺตวุตฺตึ เม, คุรุํ คารวภาชนํ.
(ค) วนฺทนฺเตน มยา เอวํ,
ยา ลทฺธา ปฺุสมฺปทา;
หิตฺวา ตสฺสานุภาเวน,
อนฺตราเย อเสสโต.
(ฆ) มหาวิหารวาสีนํ ¶ , เถรานํ ถิรสีลินํ;
วํสาลงฺการภูเตน, ภูตานุคฺคหการินา.
(ง) เถเรน พุทฺธทตฺเตน, รจิตํ ยํ มโนรมํ;
ปิฏเก อภิธมฺมสฺมึ, โอตารุปายภาวโต.
(จ) อภิธมฺมาวตาโรติ, ลทฺธนาเมน วิสฺสุตํ;
นานานิปุณคมฺภีรนยํ ปกรณุตฺตมํ.
(ฉ) อตฺถสํวณฺณนํ ตสฺส, อารภิสฺสํ ยถาพลํ;
ปาโมชฺชชนนตฺถาย, อาภิธมฺมิกภิกฺขุนนฺติ.