📜
ติคุมฺพเจติย โถมนา
นโม ตสฺส ภควโต อรหโต สมฺมาสมฺพุทฺธสฺส
โย ¶ ทีปงฺกรมูลมฺหิ, ปทํ หตฺตคตํ จชิ;
สมฺมาสมฺโพธิ มากงฺขํ, วนฺเท ตสฺส สิโรรุหํ.
(ปถฺยาวตฺตคาถา).
ปูเรตฺวา โพธิสมฺภาร-มเหสํ โย อนุตฺตรํ;
อลตฺถ พุทฺธตฺตํ ตสฺส, เกสธาตุวรํ นเม.
(ปถฺยาวตฺตคาถา).
ลทฺธา พุทฺธตฺตํ ฉาน-มติกฺกมฺม ปเวทยิ;
วิมุตฺตึ ราชายตเน, ตสฺส เกสวรํ นเม.
(รการ ภการวิปุลา ปถฺยาวตฺตคาถา).
ตตฺถ สกฺกทตฺติยมฺปิ, นาคลตํ หรีตกํ;
อโนตตฺโตทกํ ภฺุชิ, วนฺเท ตสฺส สิโรรุหํ.
(รการวิปุลา ปถฺยาวตฺตคาถา).
ตทา ¶ มุคฺคเสลปตฺตํ, มหาราชูหิ ทินฺนกํ;
ตถาคโต ปฏิคฺคณฺหิ, วนฺทามิ ตสฺส สีสชํ.
(รการวิปุลา ปถฺยาวตฺตคาถา).
ตทา ทฺวินฺนํ ทฺเวภาติก-ชเนหิ มธุปิณฺฑิกํ;
ปริภฺุเชสิ มนฺถมฺปิ, ตสฺส สีสสิรึ นเม.
(ตการวิปุลา ปถฺยาวตฺตคาถา).
โย ตปุสฺสภลฺลิกานํ, ตทา ทฺวิสรณํ อทา;
โลกมฺหิ สพฺพปมํ, ตสฺส สีริวหํ นเม.
(รการ นการ วิปุลาปถฺยาวตฺตคาถา).
ตทา ¶ ตตฺถุปฏฺกานํ, เตสํ เกเส อทา อ;
โลกหิต มเปกฺขนฺโต, นาโถ โย ตสฺส เต นเม.
(รการวิปุลา ปถฺยาวตฺตคาถา).
เตปิ ตํ อาหาริตฺวาน, โปกฺขรพฺพติยํ กรุํ;
สชีวเกส เจติยํ, นเมตํ สพฺพปุพฺพกํ.
(มการวิปุลา ปถฺยาวตฺตคาถา).
อุโปสถุโปสถมฺหิ, มฺุจนฺตํ นีลรสฺมิโย;
ภควาว โลกอตฺถํ, กโรนฺตํ ตํ สทา นเม.
(รการวิปุลา ปถฺยาวตฺตคาถา).
จูฬามณิทุสฺสเจตฺยํ ¶ , กาลมฺหิ โพธิสตฺตเก;
พุทฺธกาเล อิทํ สพฺพ-ปมํ ตํ นมามหํ.
(รการวิปุลา ปถฺยาวตฺตคาถา).
นมามหํ วนฺทามหํ, ปูเชมหํ สิโรรุหํ;
ปฺุมิทํ ภวตุ เม, ปจฺจโย อาสวกฺขเย.
(ตการ นการวิปุลา ปถฺยาวตฺตคาถา).
ติคุมฺพเจติยโถมนา นิฏฺิตา.