📜
เตรสม ปริจฺเฉท
มหินฺทาคมโน
มหามหินฺทตฺเถโร โส, ตทา ทฺวาทสวสฺสิโก;
อุปชฺฌาเยน อาณตฺโต, สงฺเฆน จ มหามตี.
ลํกาทีปํ ปสาเทตุํ,
กาลํ เปกฺขํ วิจินฺตยี;
‘‘วุฑฺโฒ มุฏสิโว ราชา,
ราชา โหตุ สุโต’’ อิติ.
ตทนฺตเร ¶ าติคณํ, ทฏฺุํ กตฺวาน มานสํ;
อุปชฺฌายฺจ สงฺฆฺจ, วนฺทิตฺวา ปุจฺฉ ภูปตึ.
อาทาย จตุโร เถเร, สงฺฆมิตฺตาย อตฺรชํ;
สุมนํ สามเณรฺจ, ฉฬาภิฺํ มหิทฺธิกํ.
าตีนํ สงฺคหํ กาตุํ, อคมา ทกฺขิณาคิรึ;
ตโต ตตฺถ จรนฺตสฺส, ฉมฺมาสา สมติกฺกมุํ.
กเมน เวทิสคิรึ, นครํ มาตุเทวิยา;
สมฺปตฺวา มตรํ ปสฺสิ, เทวี ทิสฺวา ปิยํ สุตํ.
โภชยิตฺวา สปริสํ, อตฺตนาเยว การิตํ;
วิหารํ เจติยคิรึ, เถรํ อาโรปยี สุภํ.
อวนฺติรฏฺํ ภฺุชนฺโต, ปิตรา ทินฺนมตฺตโน;
โส อโสก กุมาโร หิ, อุชฺเชนีคมนา ปุรา.
เวทิเส นคเร วาสํ, อุปคนฺตฺวา ตหึ สุภํ;
เทวินฺนาม ลภิตฺวาน, กุมารึ เสฏฺิธีตรํ.
สํวาสํ ตาย กปฺเปสิ, คพฺภํ คณฺหิย เตน สา;
อุชฺเชนิยํ กุมารํ ตํ, มหินฺทํ ชนยี สุภํ.
วสฺสทฺวยมติกฺกมฺม, สงฺฆมิตฺตฺจ ธีตรํ;
ตสฺมึ กาเล วสติ สา, เวทิเส นคเร ตหึ.
เถโร ตตฺถ นิสีทิตฺวา, กาลฺู อิติ จินฺตยิ;
ปิตรา เม สมาณตฺตํ, อภิเสก มหุสฺสวํ.
เทวานํปิยติสฺโส โส, มหาราชา’นุโภตุ จ;
วตฺถุตฺตยคุเณ จาปิ, สุตฺวา ชานาตุ ทูหโต.
อาโรหตุ มิสฺสนคํ, เชฏฺมาสสฺสุ’โปสเถ;
ตทเหว คมิสฺสาม, ลํกาทีปวรํ มยํ.
มหินฺโท อุปสงฺกมฺม, มหินฺทตฺเถร มุตฺตมํ;
ยาหิ ลํกํ ปสาเทตุํ, สมฺพุทฺเธนา’สิ พฺยากโต.
มยมฺปิ ตตฺถุปตฺถมฺภา, ภวิสฺสามา’ติ อพฺรวิ;
เทวิยา ภคินี ธีตุ-ปุตฺโต ภณฺฑุก นามโก.
เถเรน เทวิยา ธมฺมํ, สุตฺวา เทสิตเมว ตุ;
อนาคามิผลํ ปตฺวา, วสิ เถรสฺส สนฺติเก.
ตตฺถ ¶ มาสํ วสิตฺวาน, เชฏฺมาสสฺสุ’ โปสเถ;
เถโร จตูหิ เถเรหิ, สุมเนนา’ถ ภณฺฑุนา.
สทฺธึ เตน คหฏฺเน, น รโต าติเหตุนา;
ตสฺมา วิหารา อากาสํ, อุคฺคนฺตฺวา โส มหิทฺธิโก.
ขเณเนว อิธาคมฺม, รมฺเม มิสฺสก ปพฺพเต;
อฏฺาสิ วิลุกูฏมฺหิ, รุจิรมฺพตฺถเล วเร.
ลํกาปสาท คุเณน วิยากโต โส;
ลํกาหิตาย มุนินา สยิเตน อนฺเต;
ลํกาย สตฺถุสทิโส หิตเหตุ ตสฺสา;
ลํกามรูหิ มหิโต’ภินิสีทิ ตตฺตาติ.
สุชนปฺปสาทสํเวคตฺถาย กเต มหาวํเส
มหินฺทาคมโน นาม
เตรสโม ปริจฺเฉโท.