📜
เอกูนจตฺตาลีสติม ปริจฺเฉท
ราชทฺวยทีปโน
ตโต กสฺสปนาโม โส, ปาปโก นรปาลโก;
อสฺส โค ปฺจสูทฺจ, เปสยิตฺวาน ภาติกํ.
มาราเปตุํ อสกฺโกนฺโต, ภีโต สีหคิรึ คโต;
ทุราโรหํ มนุสฺเสหิ, โสธาเปตฺวา สมนฺตโต.
ปากาเรน ปริกฺขิปฺป, สีหากาเรน การยิ;
ตตฺถ นิสฺเสณิ เคหานิ, เตน ตํ นามโก อหู.
สํหริตฺวา ธนํ ตตฺถ, นิทหิตฺวา สุโคปิตํ;
อตฺตโน นิหิตานํ โส, รกฺขํ ทตฺวา ตหึ ตหึ.
กตฺวา ราชฆรํ ตตฺถ, ทสฺสเนยฺยํ มโนรมํ;
ทุติยาลกมนฺทํว, กุเวโรว ตหึ วสิ.
มิคาโร นาม กาเรสิ, เสนาปติ สนามกํ;
ปริเวณํ ตถาเคห-มภิเสกชินิสฺส จ.
ตสฺสาภิเสกํ ยาจิตฺวา, สิลาสมฺพุทฺธโต’ธิรํ;
อลทฺธาสามิ โน รชฺเช, ชานิสฺสามีติ สณฺหิ.
หุตฺวา วิปฺปฏิสารี โส, อตฺตนา กตกมฺมนา;
มุจฺจิสฺสามิ กตํ นุ’ติ, ปฺุํ กาสิ อนปฺปกํ.
มหา ¶ วตฺถุนิ กาเรสิ, ทฺวาเรสุ นครสฺส โส;
อมฺพุยฺยาเน จ กาเรสิ, ทีเป โยชน โยชเน.
อิสฺสรสมณารามํ, กาเรตฺวา ปุพฺพวตฺถุโต;
อธิกํ โภคคาเม จ, อธิกํ ตสฺส ทาปยิ.
โพธิ อุปฺปลวณฺณา จ, ตสฺสาสุํ ธีตโร ทุเว;
วิหารสฺส’สฺส กาเรสิ, นามํ ตาสฺจ อตฺตโน.
เทนฺเต ตสฺมึ น อิจฺฉึสุ, สมณา เถรวาทิโน;
‘‘ปิตุฆาติสฺส กมฺม’’นฺติ, โลกคารยฺห ภีรุโน.
ทาตุกาโมส เตสํ’ว, สมฺพุทฺธ ปฏิมาย’ทา;
ภิกฺขเว อธิวาเสสุํ, โภโค โน สตฺถุโน อิติ.
กถา นิยฺยนฺติ อุยฺยาเน, สมีเป ปพฺพตสฺส โส;
การาเปสิ วิหารํ โส, เตสํ นาโม ตโต อหุ.
อทา ธมฺมรุจินํ ตํ, สมฺปตฺต จตุปจฺจยํ;
วิหารฺเจว อุยฺยานํ, ทิสาภาคมฺหิ อุตฺตเร.
ภตฺตํ สนีรปกฺกํ โส, ภฺุชิตฺวา ทินฺนมิตฺถิยา;
สปฺปิยุตฺตํ มนฺุเหิ, สูเปหิ อภิสงฺขตํ.
มนฺุมิทมยฺยานํ, ทสฺสเมวนฺติ ตาทิสํ;
ภตฺตํ ปาทาสิ ภิกฺขูนํ, สพฺเพสฺจ สจีวรํ.
อุโปสถมธิฏฺาสิ, อปฺปมฺฺจ ภาวยิ,
สมาทิยิ ธุตงฺเค จ, ลิขาเปสิ จ โปตฺถเก.
ปฏิมาทาน สาลาทึ, การาเปสิ อนปฺปกํ;
ภิโต โส ปรโลกมฺหา, โมคฺคลฺลานา จ วตฺตติ.
ตโต อฏฺารเส วสฺเส, โมคฺคลฺลาโน มหาภโฏ;
อาเทเสน นิคณฺานํ, ทฺวาทสคฺคสหาย วา.
ชมฺพุทีปา อิธาคมฺม, เทเส อมฺพฏฺโกลเก;
กุฬารี นาเม พนฺธิตฺถ, วิหาเร พลสฺจยํ.
ราชา สุตฺวา คเหตฺวา ตํ, ภฺชิสฺสามิติ นิกฺขมิ;
เนมิตฺเตหิ น สกฺกาติ, วทนฺเตปิ มหาพโล.
โมคฺคลฺลาโนปิ สนฺนทฺธ พโล สูรสหาย วา;
คจฺฉนฺโต สุรสงฺคามํ, เทโว วิย สุชมฺปติ.
อฺมฺํ ¶ อุปาคมฺม, ภินฺนเวลาว สาครา;
อารภึสุ มหายุทฺธํ, พลกายา อุโภปิ เต.
กสฺสโป ปุรโต ทิสฺวา, มหนฺตํ กทฺทมาสยํ;
คนฺตุมฺเน มคฺเคน, ปริวตฺเตสิ ทนฺตินํ.
ทิสฺวา ตํ สามิโกโน’ยํ, ปลายติ ภเณ อิติ;
พลกาโย ปภิชฺชิตฺถ, ‘‘ทิฏฺํ ปิ’’นฺติ โฆสยุํ.
โมคฺคลาน พลาราชา, เฉตฺวา นิกรเณน โส;
สีสํ อุกฺขิปิยา’กาสํ, ฉุริกํ โกสิยํ ขิปิ.
กตฺวา’ฬาหน กิจฺจํ โส, ตสฺส กมฺเม ปสีทิย;
สพฺพํโส ธนมาทาย, อาคฺฉิ นครํ วรํ.
ภิกฺขู สุตฺวา ปวตฺตึ ตํ, สุนิวตฺถา สุปารุตา;
สมฺมชฺชิตฺวา วิหารฺจ, อฏฺํสุ ปฏิปาฏิยา.
มหาเมฆวนํ ปตฺวา, เทวราชาว นนฺทนํ;
มหาเสน นิวตฺเตตฺวา, หตฺถิปาการโต พหิ.
อุปสงฺกมฺม วนฺทิตฺวา, สงฺเฆ ตสฺมึ ปสีทิย;
ฉตฺตตฺเตน สงฺฆํ ปูเชสิ, สงฺโฆ ตสฺเสว ตํ อทา.
ตํ านํ ฉตฺตวฑฺฒีติ, โวหรึสุ ตหึ กตํ;
ปริเวณมฺปิ ตํ นามํ, อโหสิ ปุรมาคโต.
วิหาเร ทฺเวปิ คนฺตฺวาน, สงฺฆํ ตตฺถา’ภิวนฺทิย;
ปาปุณิตฺวา มหารชฺชํ, โลกํ ธมฺเมน ปาลยิ.
กุทฺโธ นีหริ ทาํโส, ฆาตกํ ปิตุโน มม;
อนุวตฺติตฺวา มจฺจาติ, เตน รกฺขส นาม วา.
อติเรกสหสฺสํ โส, อมจฺจานํ วินาสยิ;
กณฺณนาสาทิ เฉเทสิ, ปพฺพาเชสิ ตถา พหู.
ตโต สุตฺวาน สทฺธมฺม-มุปสนฺโน สุมานโส;
มหาทานํ ปวตฺเตสิ, เมโฆ วิย มหีตเล.
ผุสฺสปุณฺณมียํ ทาน-มนุวสฺสํ ปวตฺตยิ;
ตโต ปฏฺาย ตํ ทานํ, ทีเป อชฺชาปิ วตฺตติ.
โสปิ สารถิโก ลาช-ทายโก ปิตุราชิโน;
อาเนตฺวา ปิตุสนฺเท สํ, โมคฺคลฺลานสฺส ทสฺสยิ.
ตํ ¶ ทิสฺวา ปริเทวิตฺวา, ปิตุโน เปม มตฺตนี;
วณฺเณตฺวา ตสฺส ปาทาสิ, ทฺวารนายกตํ วิภู.
เสนาปติ มิคาโรหิ, นิเวเทตฺวา ยถา วิธึ;
อภิเสก ชินสฺสา’กา, อภิเสกํ ยถารุจึ.
สีหา’จเล ทฬฺหนามํ, ทาา โกณฺฑฺกมฺปิ จ;
วิหารํ ธมฺมรุจินํ, สาคลินฺจ ทาปยิ.
ปพฺพตนฺตุ วิหารํโส, กตฺวา เถรสฺส ทาปยิ;
มหานามสนามสฺส, ทีฆสณฺฑ วิหารเก.
ราชินินามกฺเจว, กตฺวา ภิกฺขุนุปสฺสยํ;
อทา สาคลิกานํ โส, ภิกฺขุนีนํ มหามติ.
ลมฺพกณฺณกโคตฺโตปิ, ทาา ปภุติ นามโก;
กสฺสปสฺส อุปาเน, โกจิ นิพฺพินฺน มานโส.
คนฺตา เม เรลิยํ วคฺคํ,
วาสํ ตตฺเถว กปฺปยิ;
อโหสิ ปุตฺโต ตสฺเสโก,
สิลากา โลติ ปิสฺสุโต.
โสปิ กสฺสปโต ภีโต, าตเกน สห’ตฺตโน;
โมคฺคลฺลาเนน คนฺตฺวาน, ชมฺพุทีปตลํ อิโต.
โพธิปณฺฑวิหารมฺปิ, ปพฺพชฺชํ สมุปาคโต;
กโรนฺโต สงฺฆกิจฺจานิ, สาทโร โส สุเปสโล.
อมฺมํ สงฺฆสฺส ปาทาสิ, สงฺโฆ ตสฺมึ ปสีทิย;
อาห’มฺพ สามเณโร’ติ, เตน ตํ นามโก อหุ.
โส เกสธาตุวํสมฺหิ, วุตฺเตน วิธินา ตโต;
เกสธาตุํ ลภิตฺวาน, ตสฺส รชฺเช อิธา’นยิ.
ตสฺส กตฺวาน สกฺการํ, คเหตฺวา เกส ธาตุโย;
มหคฺเฆ นิทหิตฺวาน, กรณฺเฑ ผลิกุมฺภวฺเห.
ทีปงฺกรสฺส นาถสฺส, ปฏิมาย ฆเร วเร;
วฑฺเฒตฺวา ปริหาเรน, มหาปูชํ ปวตฺตยิ.
มาตุลํ ภริยฺจ’สฺส, กตฺวา โสวณฺณยํ ตหึ;
เปสิ ปฏิมาโย จ, อสฺส พิมฺพฺจ จารุกํ.
เกสธาตุกรณฺฑฺจ ¶ , ฉตฺตํ รตนมณฺฑปํ;
สาวกคฺคยุํคํ วาฬ-พีชนิฺจ สการยิ.
ปริหารฺจ ตสฺส’ทา, ราชา อธิกมตฺตโน;
สิลากาฬ มสิคฺคาหํ, กตฺวา รกฺขาย โยชยิ.
อสิคฺคาหสิลากาโฬ, อิติ เตนา’สิ วิสฺสุโต;
ภคินิฺจ’สฺส ปาทาสิ, สทฺธึ โภเคน ภูมิโป.
วุตฺโต’ยมติ สงฺเขโป, วิตฺถาโร ปน สพฺพโส;
เกสธาตุกวํสมฺหา, คเหตพฺโพ วิภาวินา.
พนฺธิตฺวา สาครา รกฺขํ, ทีปฺจ กาสินิพฺภยํ;
ธมฺมกมฺมน โสเธสิ, สธมฺมํ ชินสาสนํ.
เสนาปติส นามํ’กา, ปธานฆร มุตฺตโร;
กตฺวา’ฏฺารสเม วสฺเส, โส ปฺุานิ ขยํ คโต.
กสฺสปโต ชิโต อติพลิ ปฺุกฺขเย สงฺขเต;
เชตุํ โน วิสหิตฺถ มจฺจุมุปคํ โส เยวทาโสวิย;
ตสฺมา มจฺจุพลํ นิหจฺจ สุขิโน เหสฺสนฺติ เมธาวิโน;
นิพฺพานํ ปรมจฺจุตํ สิวปทํ ปตฺตพฺพมตฺตฺุนา.
สุชนปฺปสาท สํเวคตฺถาย กเต มหาวํเส
ราชทฺวยทีปโน นาม
เอกูนจตฺตาลีสติโม ปริจฺเฉโท.