📜
ปฺจม ปริจฺเฉท
ตติยธมฺมสํคีติ
ยา มหากสฺสปาทีหิ ¶ , มหาเถเรหิ อาทิโต;
กตา สทฺธมฺม สํคีติ, เถริยา’ติ ปวุจฺจติ.
เอโก’ว เถรวาโท โส, อาทิวสฺสสเต อหุ;
อฺาจริยวาทาตุ, ตโต โอรํ อชายิสุํ.
เตหิ สํคีติกาเรหิ, เถเรหิ ทุติเยหิ เต;
นิคฺคหิตา ปาปภิกฺขู, สพฺเพ ทสสหสฺสกา.
อกํสา’จริยวาทํ เต, มหาสํคีตินามกา;
ตโต โคกุลิกา ชาตา, เอกพฺโพหาริกาปิ จ.
โคกุลิเกหิ ปณฺณตฺติ-วาทา พาหุลิกาปิ จ;
เจติยวาทา เตสฺเวว, สมตาสงฺฆิกา ฉ เต.
ปุนาปิ เถรวาเทหิ, มหึสาสกภิกฺขโว;
วชฺชีปุตฺตกภิกฺขู จ, ทุเว ชาตา อิเม ขลุ.
ชาตา’ถ ธมฺมุตฺตริยา, ภทฺรยานิกภิกฺขโว;
ฉนฺนาคารา สมฺมิติยา, วชฺชีปุตฺติยภิกฺขูติ.
มหึสาสกภิกฺขูหิ, ภิกฺขู สพฺพตฺถ วาทิโน;
ธมฺมคุตฺติยภิกฺขู จ, ชาตา ขลุ อิเม ทุเว.
ชาตา สพฺพตฺถิวาทีหิ, กสฺสปิยา ตโต ปน;
ชาตา สงฺกนฺติกา ภิกฺขู, สุตฺตวาทา ตโต ปน.
เถรวาเทน สห เต, โหนฺติ ทฺวาทสิ’เมปิ จ;
ปุพฺเพ วุตฺตฉวาทา จ, อิติ อฏฺารสา ขิลา.
สตฺตรสาปิ ทุติเย, ชาตา วสสฺสเต อิติ;
อฺาจริยวาทา ตุ, ตโต โอรมชายิสุํ.
เหมตา ¶ ราชคิริยา, ตถา สิทฺธตฺถิกาปิ จ;
ปุพฺพเสลิยภิกฺขู จ, ตถา อปรเสลิยา.
วาชิริยา ฉ เอเตหิ, ชมฺพุทีปมฺหิ ภินฺนกา;
ธมฺมรุจิ จ สาคลิยา, ลํกาทีปมฺหิ ภินฺนกา.
อาจริยกุลวาทกถา นิฏฺิตา.
ธมฺมาโสกาภิเสก
กาฬาโสกสฺส ปุตฺตา ตุ, อเหสุํ ทสภาติกา;
พาวีสตึ เต วสฺสานิ, รชฺชํ สมนุสาสิสุํ.
นว นนฺทา ตโต อาสุํ, กเมเนว นราธิปา;
เต’ปิ พาวีสวสฺสานิ, รชฺชํ สมนุสาสิสุํ.
โมริยานํ ขตฺติยานํ, วํเส ชาตํ สิริธรํ;
จนฺทคุตฺโตติ ปฺาตํ, จาณกฺโก พฺราหฺมโณ ตโต.
นวมํ ธนนนฺทํ ตํ, ฆาเตตฺวา จณฺฑโกธสา;
สกเล ชมฺพุทีปสฺมึ, รชฺเช สมภิสิฺจี โส.
โส จตุวีสวสฺสานึ, ราชา รชฺชมการยิ;
ตสฺส ปุตฺโต พินฺทุสาโร, อฏฺวีสติ การยิ.
พินฺทุสารสุตา อาสุํ, สตํ เอโก จ วิสฺสุตา;
อโสโก อาสิ เตสํ ตุ, ปฺุเตโชพลิทฺธิโก.
เวมาติเก ภาตโร โส, หนฺตฺวา เอกูนกํ สตํ;
สกเล ชมฺพุทีปสฺมึ, เอกรชฺชมปาปุณิ.
ชินนิพฺพานโต ปจฺฉา, ปุเร ตสฺสาภิเสกโต;
สาฏฺารสํ วสฺสสต-ทฺวยเมวํ วิชานิย.
ปตฺวา จตูหิ วสฺเสหิ, เอกรชฺชํ มหายโส;
ปุเร ปาฏลิปุตฺตสฺมึ, อตฺตานมภิเสจยิ.
ตสฺสา’ภิเสเกน ¶ สมํ, อากาเส ภูมิยํ ตถา;
โยชเน โยชเน อาณา, นิจฺจํ ปวตฺติตา อหุ.
อโนตตฺโต ทกากาเช, อฏฺเนสุํ ทิเน ทิเน;
เทวา เทโว อกา เตหิ, สํวิภาคํ ชนสฺสจ.
นาคลตาทนฺตกฏฺํ, อาเนสุํ หิมวนฺตโต;
อเนเกสํ สหสฺสานํ, เทวา เอว ปโหนกํ.
อคทา’มลกฺเจว, ตถาคท หริตกํ;
ตโต’ว อมปกฺกฺจ, วณฺณคนฺธรสุตฺตมํ.
ปฺจวณฺณานิ วตฺถานิ, ตตฺถปฺุชนปฏฺฏกํ;
ปีตฺจ ทิพฺพปานฺจ, ฉทฺทนฺตทหโต มรุ.
มรนฺตา นคเร ตสฺมึ, มิคสูกรปกฺขิโน;
อาคนฺตฺวาน มหานสํ, สยเมว มรนฺติ จ.
คาโว ตตฺถ จราเปตฺวา, วชมาเนนฺติ ทีปิโน;
เขตฺต วตฺถุตฬากาทึ, ปาเลนฺติ มิคสูกรา.
สุมนํ ปุปฺผปฏกํ, อภุตฺตํ ทิพฺพมุปฺปลํ;
วิเลปนํ อฺชนฺจ, นาคานาคาวิมานโต.
สาลิวาหสหสฺสานิ, นวุตึ ตุ สุวา ปน;
ฉทฺทนฺตทหโตเยว, อาหรึสุ ทิเน ทิเน.
เต สาลินิตฺถุสกเณ, อขณฺเฑตฺวาน ตณฺฑุเล;
อกํสุ มูสิกา เตหิ, ภตฺตํ ราชกุเล อหุ.
อกํสุ สสฺสตํ ตสฺส, มธูนิ มธุมกฺขิกา;
ตถา กมฺมารสาลาสุ, อจฺฉากูฏานิ ปาตยุํ.
กรวิกา สกุณิกา, มนฺุมธุรสฺสรา;
อกํสุ ตสฺสา’คนฺตฺวาน, รฺโ มธุรวสฺสิตํ.
ราชา’ภิสิตฺโต โส’โสโก,
กุมารํ ติสฺสสวฺหยํ;
กณิฏฺํ สํโสทริยํ, อุปรชฺเช’ภิเสจยิ.
ธมฺมาโสกาภิเสโก นิฏฺิโต
นิคฺโรธสามเณร ทสฺสน
ปิตา ¶ สฏฺิสหสฺสานิ, พฺราหฺมเณ พฺรหฺมปกฺขิเก;
โภเชสิ โสปิ เตเยว, ตีณิ วสฺสานิ โภชยิ.
ทิสฺวา’นุปสมํ เตสํ, อโสโก ปริเวสเน;
วิเจยฺย ทานํ ทสฺสนฺติ, อมจฺเจ สนฺนิโยชิย.
อาณาปยิตฺวา มติมา, นานาปาสณฺฑิเก วิสุํ;
วีมํสิตฺวา นิสชฺชาย, โภชาเปตฺวา วิสชฺชยิ.
กาเล วาตายนคโต, สนฺตํ รจฺฉาคตํ ยตึ;
นิคฺโรธสามเณรํ โส, ทิสฺวา จิตฺตํ ปสาทยิ.
พินฺทุสารสฺส ปุตฺตานํ, สพฺเพสํ เชฏฺภาตุโน;
สุมนสฺส กุมารสฺส, ปุตฺโต โส หิ กุมารโก.
อโสโก ปิตรา ทินฺนํ, รชฺชมุชฺเชนิยฺหิ โส;
หิตฺวา’คโต ปุปฺผปุรํ, พินฺทุสาเร คิลานเก.
กตฺวา ปุรํ สกายตฺตํ, มเต ปิตริ ภาตรํ;
ฆาเตตฺวา เชฏฺกํ รชฺชํ, อคฺคเหสิ ปุเร วเร.
สุมนสฺส กุมารสฺส, เทวี ตนฺนามิกา ตโต;
คพฺภินี นิกฺขมิตฺวาน, ปาจินทฺวารโต พหิ.
จณฺฑาลคาม มคมา, ตตฺถ นิคฺโรธเทวตา;
ตมาลปิยนาเมน, มา ปตฺวา ฆรกํ อทา.
ตทเห’ว วรํ ปุตฺตํ, วิชายิตฺวา สุตสฺส สา;
นิคฺโรโธติ อกา นามํ, เทวตา นุคฺคหานุคา.
ทิสฺวา ตํ เชฏฺจณฺฑาโล, อตฺตโน สามินึ วิย;
มฺนฺโต ตํ อุปฏฺาสิ, สตฺตวสฺสานิ สาธุกํ.
ตํ มหาวรุโณ เถโร, ตทา ทิสฺวา กุมารกํ;
อุปนิสฺสย สมฺปนฺนํ, อรหา ปุจฺฉิ มาตรํ.
ปพฺพาเชสิ ขุรคฺเค โส, อรหตฺตมปาปุณิ;
ทสฺสนาโย’ป คจฺฉนฺโต, โส ตโต มาตุเทวิยา.
ทกฺขิเณน จ ทฺวาเรน, ปวิสิตฺวา ปุรุตฺตมํ;
ตํ คามคามิมคฺเคน, ยาติ ราชงฺคเณ ตทา.
สนฺตาย ¶ อิริยา ยสฺมึ, ปสีทิ สมหีปติ;
ปุพฺเพ’ว สนฺนิวาเสน, เปมํ ตสฺมึ อชายถ.
ปุพฺเพ กิร ตโย อาสุํ, ภาตโร มธุ วาณิชา;
เอโก มธุํ วิกฺกิณาติ, อาหรนฺติ มธุํ ทุเว.
เอโก ปจฺเจกสมฺพุทฺโธ, วณโรคาตุโร อหุ;
อฺโ ปจฺเจกสมฺพุทฺโธ, ตทตฺถํ มธุวตฺถิโก.
ปิณฺฑจาริกวตฺเตน, นครํ ปาวิสี ตทา;
ติตฺถํ ชลตฺถํ คจฺฉนฺติ, เอกา เจฏี ตมทฺทส.
ปุจฺฉิตฺวา มธุกามตฺตํ, ตฺวา หตฺเถน อาทิสิ;
เอโส มธฺวาปโณ ภนฺเต, ตตฺถ คจฺฉา’ติ อพฺรวิ.
ตตฺถ ปตฺตสฺส พุทฺธสฺส, วาณิโช โส ปสาทวา;
วิสฺสนฺทยนฺโต มุขโต, ปตฺตปุรํ มธุํ อทา.
ปุณฺณฺจ อุปฺปตนฺตฺจ, ปติตฺจ มหีตเล;
ทิสฺวา มธุํ ปสนฺโน โส, เอวํ ปณิทหี ตทา.
ชมฺพุทีเป เอกรชฺชํ, ทาเนนา’เนน โหตุ เม;
อากาเส โยชเน อาณา, ภูมิยํ โยชเนติ จ.
ภาตเร อาคเต อาห, เอทิสสฺส มธุํ อทํ;
อนุโมทถ ตุมฺเห ตํ, ตุมฺหากฺจ ยโต มธุ.
เชฏฺโ อาห อตุฏฺโ โส,
จณฺฑาโล นูน โสสิยํ;
นิวาเสนฺตีติ จณฺฑาลา,
กาสายานิ สทา อิติ.
มชฺโฌ ปจฺเจกพุทฺธํ ตํ, ขิปปารณฺณเว อิติ;
ปตฺติทานวโจ ตสฺส, สุตฺวา เต จานุโมทิสุํ.
อาปณา เทสิกํ ยาตุ, เทวิตฺตํ ตสฺส ปตฺถยิ;
อาทิสฺสมานสนฺธิ จ, รูปํ อติมโนรมํ.
อโสโก มธุโท’สนฺธิ-มิตฺตาเทวี ตุ เจฏิกา;
จณฺฑาลวาที นิคฺโรโธ, ติสฺโส โส ปารวาทิโก.
จณฺฑาลวาที จณฺฑาล-คาเม อาสิ ยโต ตุ โส;
ปตฺเถสิ โมกฺขํ โมกฺขฺจ, สตฺต วสฺโสว ปาปุณิ.
นิวิฏฺเปโม ¶ ตสฺมึ โส, ราชา’ติ ตุริโต ตโต;
ปกฺโกสาเปสิ ตํ โส ตุ, สนฺตวุตฺตี อุปาคมิ.
นิสิท ตาตา’นุรูเป, อาสเน ตา’ห ภูปติ;
อทิสฺวา ภิกฺขุมฺํ โส, สีหาสนมุปาคมิ.
ตสฺมึ ปลฺลงฺกมายาเต, ราชาอิติ วิจินฺตยิ;
อชฺชา’ยํ สามเณโร เม, ฆเร เหสฺสติ สามิโก.
อาลมฺพิตฺวา กรํ รฺโ, โส ปลฺลงฺเก สมารุหิ;
นิสีทิ ราชปลฺลงฺเก, เสตจฺฉตฺตสฺส เหฏฺโต.
ทิสฺวา ตถา นิสินฺนํ ตํ, อโสโก โส มหีปติ;
สมฺภาเวตฺวาน คุณโต, ตุฏฺโ’ตีว ตทา อหุ.
อตฺตโน ปฏิยตฺเตน, ขชฺชโภชฺเชน ตปฺปิย;
สมฺพุทฺธเทสิตํ ธมฺมํ, สามเณรมปุจฺฉิตํ.
ตสฺส’ปฺปมาทวคฺคํ โส, สามเณโร อภาสถ;
ตํ สุตฺวา ภูมิปาโล โส, ปสนฺโน ชินสาสเน.
อฏฺ เต นิจฺจภตฺตานิ, ทมฺมิ ตาตา’ติ อาห ตํ;
อุปชฺฌายสฺส เม ราช, ตานิ ทมฺมีติ อาห โส.
ปุน อฏฺสุ ทินฺเนสุ, ตาน’ทา จริยสฺส โส;
ปุน อฏฺสุ ทินฺเนสุ, ภิกฺขุสงฺฆสฺส ตาน’ทา.
ปุน อฏฺสุ ทินฺเนสุ, อธิวาเสสิ พุทฺธิมา;
ทฺวตฺตึสภิกฺขู อาทาย, ทุติยทิวเส คโต.
สหตฺถา ตปฺปิโต รฺา, ธมฺมํ เทสิย ภูปตึ;
สรเณสุ จ สีเลสุ, เปสิ สมหาชนํ.
นิคฺโรธสามเณรทสฺสนํ
สาสนปฺปเวส
ตโต ราชา ปสนฺโน โส, ทิคุเณน ทิเน ทิเน;
ภิกฺขู สฏฺิสหสฺสานิ, อนุปุพฺเพนุ’ปหิ.
ตตฺถิยานํ สหสฺสานิ, นิกฑฺฒิตฺวาน สฏฺิโส;
สฏฺิภิกฺขุสหสฺสานิ, ฆเร นิจฺจมโภชยิ.
สฏฺิภิกฺขุสหสฺสานิ ¶ , โภเชตุํ ตุริโต หิ โส;
ปฏิยาทาปยิตฺวาน, ขชฺชโภชฺชํ มหารหํ.
ภูสาเปตฺวาน นครํ, คนฺตฺวา สงฺฆํ นิมนฺติย;
ฆรํ เนตฺวาน โภเชตฺวา, ทตฺวา สามณกํ พหุํ.
สตฺถารา เทสิโต ธมฺโม, กิตฺตโกติ อปุจฺฉถ;
พฺยากาสิ โมคฺคลิปุตฺโต, ติสฺสตฺเถโร ตทสฺสตํ.
สุตฺวาน จตุราสีติ, ธมฺมกฺขนฺธา’ติ โส’พฺรวิ;
ปูเชมิ เต’หํ ปจฺเจกํ, วิหาเรนา’ติ ภูปติ.
ทตฺวา ตทา ฉนฺนวุติ-ธนโกฏึ มหีปติ;
ปุเรสุ จตุราสีติ-สหสฺเสสุ มหีตเล.
ตตฺถ ตตฺเถ’ว ราชูหิ, วิหาเร อารภาปยิ;
สยํ อโสการามํ ตุ, การาเปตุํ สมารภิ.
รตนตฺตยนิคฺโรธ-คิลานานนฺติ สาสเน;
ปจฺเจกํ สตสหสฺสํ, โส ทาเปสิ ทิเน ทิเน.
ธเนน พุทฺธทินฺเนน, ถูปปูชา อเนกธา;
อเนเกสุ วิหาเรสุ, อเนเก อกรุํ สทา.
ธเนน ธมฺมทินฺเนน, ปจฺจเย จตุโร วเร;
ธมฺมธรานํ ภิกฺขูนํ, อุปเนตุํ สทา นรา.
อโนตตฺโตทกาเชสุ, สงฺฆสฺส จตุโร อทา;
เต ปิฏกานํ เถรานํ, สฏฺิเย’กํ ทิเน ทิเน.
เอกํ อสนฺธิมิตฺตาย, เทวิยา ตุ อทาปยิ;
สยํ ปน ทุเวเยว, ปริภฺุชิ มหีปติ.
สฏฺิภิกฺขุสหสฺสานํ, ทนฺตกฏฺํ ทิเน ทิเน;
โสฬสิตฺถิสหสฺสานํ, อทา นาคลตาวฺหยํ.
อเถกทิวสํ ราชา, จตุสมฺพุทฺธทสฺสินํ;
กปฺปายุกํ มหากาฬํ, นาคราชํ มหิทฺธิกํ.
สุณิตฺวา ตมาเนตุํ, โสณฺฑสงฺขลิพนฺธนํ;
เปสยิตฺวา ตมาเนตฺวา, เสตจฺฉตฺตสฺส เหฏฺโต.
ปลฺลงฺกมฺหิ นิสีเทตฺวา, นานาปุปฺเผหิ ปูชิย;
โสฬสิตฺถิสหสฺเสหิ, ปริวาริย อพฺรวิ.
สทฺธมฺมจกฺกวตฺติสฺส ¶ , สมฺพุทฺธสฺส มเหสิโน;
รูปํ อนนฺตาณสฺส, ทสฺเสหิ มม โภ อิติ.
ทฺวตฺตึสลกฺขณูเปตํ, อสีติพฺยฺชนุชฺชลํ;
พฺยามปฺปภาปริกฺขิตฺตํ, เกตุมาลาหิ โสภิตํ.
นิมฺมาสิ นาคราชา โส, พุทฺธรูปํ มโนหรํ;
ตํ ทิสฺวา’ติ ปสาทสฺส, วิมฺหยสฺส จ ปูริโต.
เอเตน นิมฺมิตํ รูปํ, อีทิสํ กีทิสํ นุโข;
ตถาคตสฺส รูปนฺติ, อาสิ ปิตุนฺนตุนฺนโต.
อกฺขิปูชนฺติ สฺาตํ, ตํ สตฺตาหํ นิรนฺตรํ;
มหามหํ มหาราช, การาเปสิ มหิทฺธิโก.
เอวํ มหานุภาโว จ, สทฺโธ จาปิ มหีปติ;
เถโร จ โมคฺคลิปุตฺโต, ทิฏฺา ปุพฺเพ วสีหิ เต.
สาสนปฺปเวโส นิฏฺิโต.
โมคฺคลิปุตฺตติสฺสเถราทโย
ทุติเย สงฺคเห เถรา, เปกฺขนฺตา’นาคเตหิ เต;
สาสโนปทฺทวํ ตสฺส, รฺโ กาลมฺหิ อทฺทสุํ.
เปกฺขานฺตา สกเล โลเก, ตทุปทฺทวฆาตกํ;
ติสฺสพฺรหฺมานมทฺทกฺขุํ, อจิรฏฺายิ ชีวิตํ.
เตสํ สมุปสงฺกมฺม, อายาจึสุ มหาปตึ;
มนุสฺเสสุ’ปปชฺชิตฺวา, ตทุปทฺทวฆาตนํ.
อทา ปฏิฺํ เตสํ โส, สาสนุชฺโชตนตฺถิโก;
สิคฺควํ จณฺฑวชฺชิฺจ อโวจุํ ทหเร ยติ.
อฏฺารสาทิกา วสฺส-สตา อุปริ เหสฺสติ;
อุปทฺทโว สาสนสฺส, น สมฺโภสฺสาม ตํ มยํ.
อิมํ ตุมฺหา’ธิกรณํ, โนปคฺฉิตฺถ ภิกฺขโว;
ทณฺฑกมฺมารหา ตสฺมา, ทณฺฑกมฺมปทฺหิ โว.
สาสนุชฺโชตนตฺถาย, ติสฺสพฺรหฺมา มหาปติ;
โมคฺคลิพฺราหฺมณฆเร, ปฏิสนฺธึ คเหสฺสติ.
กาเล ¶ ตุมฺเหสุ เอโก ตํ, ปพฺพาเชตุ กุมารกํ;
เอโก ตํ พุทฺธวจนํ, อุคฺคณฺหาเปตุ สาธุกํ.
อหุ อุปาลิเถรสฺส,
เถโร สทฺธิวิหาริโก;
ทาสโก โสณโก ตสฺส,
ทฺเว เถรา โสณกสฺสิเม.
อหุ เวสาลิยํ ปุพฺเพ-ทาสโก นาม โสตฺถิโย;
ติสิสฺสสตเชฏฺโ โส, วสํ อาจริยนฺติเก.
ทฺวาทสวสฺสิโกเยว, เวทปารคโต จรํ;
สสิสฺโส วาลิการาเม, วสนฺตํ กตสงฺคหํ.
อุปาลิเถรํ ปสฺสิตฺวา, นิสีทิตฺวา ตทนฺติเก;
เวเทสุ คณฺิานานิ, ปุจฺฉิ โส ตานิ พฺยากริ.
สพฺพธมฺมานุปติโต, เอกธมฺโม หิ มาณว;
สพฺเพ ธมฺมา โอสรนฺติ, เอกธมฺโม หิ โก นุ โส.
อิจฺจาห นามํ สนฺธาย, เถโร มาณวโก ตุ โส;
นา’ฺาสิ ปุจฺฉิโต มนฺโต, พุทฺธมนฺโตติ ภาสิโต.
เทหีติ อาห โส อาห, เทม โน เวสธาริโน;
คุรุํ อาปุจฺฉิ มนฺตตฺถํ, มาตรํ ปิตรํ ตถา.
มาณวานํ สเตเห’ส, ตีหิ เถรสฺส สนฺติเก;
ปพฺพชิตฺวาน กาเลน, อุปสมฺปชฺชิ มาณโว.
ขีณาสวสหสฺสํ โส, ทาสกตฺเถรเชฏฺกํ;
อุปาลิเถโร วาเจสิ, สกลํ ปิฏกตฺตยํ.
คณนา วีติวตฺตา เต, เสสา’ริย ปุถุชฺชนา;
ปิฏกานุคฺคหิตานิ, เยหิ เถรสฺส สนฺติเก.
กาสีสุ โกสโล นาม, สตฺถวาหสุโต อหุ;
คิริพฺพชํ วณิชฺชาย, คโต มาตาปิตูหิ โส.
อคา เวฬุวนํ ปฺจ-ทสวโส กุมารโก;
มาณวํ ปฺจปฺาส, ปริวาริย ตํ คตา.
สคณํ ทาสกํ เถรํ, ตตฺถ ทิสฺวา ปสีทิย;
ปพฺพชฺชํ ยาจิ โส อาห, ตวา’ปุจฺฉ คุรุํ อิติ.
ภตฺตตฺตยมภฺุชิตฺวา ¶ , โสณโก โส กุมารโก;
มาตาปิตูหิ กาเรตฺวา, ปพฺพชฺชานฺุมาคโต.
สทฺธึ เตหิ กุมาเรหิ, ทาสกตฺเถรสนฺติเก;
ปพฺพชฺชํ อุปสมฺปชฺช, อุคฺคณฺหิ ปิฏกตฺตยํ.
ขีณาสวสหสฺสสฺส, เถรสิสฺส คณสฺส โส;
อโหสิ ปิฏกฺุสฺส, เชฏฺโก โสณโก ยติ.
อโหสิ สิคฺคโว นาม, ปุเร ปาฏลินามโก;
ปฺวา’มจฺจตนโย, อฏฺารสสโม ตุ โส.
ปาสาเทสุ วสํ ตีสุ, ฉฬฑฺฒอุตุสาธุสุ;
อมจฺจปุตฺตํ อาทาย, จณฺฑวชฺชึ สหายกํ.
ปุริสานํ ทสทฺเธหิ, สเตหิ ปริวาริโต;
คนฺตฺวาน กุกฺกุฏารามํ, โสณกตฺเถรมทฺทส.
สมาปตฺติสมาปนฺนํ, นิสินฺนํ สํวุตินฺทฺริยํ;
วนฺทิ เตนาลปนฺตํ ตํ, ตฺวา สงฺฆมปุจฺฉิตํ.
สมาปตฺติสมาปนฺนา, นาลปนฺตี’ติ อาหุ เต;
กถนฺนุ วุฏฺหนฺตีติ, วุตฺตา อาหํสุ ภิกฺขโว.
ปกฺโกสนาย สตฺถุสฺส, สงฺฆปกฺโกสนาย จ;
ยถา กาลปริจฺเฉทา, อายุกฺขยวเสน จ.
วุฏฺหนฺตีติ วตฺวาน, เตสํ ทิสฺโว’ปนิสฺสยํ;
ปาเหสุํ สงฺฆวจนํ, วุฏฺาย ส ตหึ อคา.
กุมาโร ปุจฺฉิ กึ ภนฺเต, นาลปิตฺถาติ อาห โส;
ภฺุชิมฺห ภฺุชิตพฺพนฺติ, อาห โภเชถ โน อปิ.
อาห อมฺหาทิเส ชาเห, สกฺกา โภชยิตุํ อิติ;
มาตาปิตุ อนฺุาย, โส กุมาโรถ สิคฺคโว.
จณฺฑวชฺชี จ เตปฺจ-สตานิ ปุริสาปิ จ;
ปพฺพชฺชิตฺโว’ปสมฺปชฺชุํ, โสณตฺเถรสฺส สนฺติเก.
อุปชฺฌายนฺติเกเยว, เต ทุเว ปิฏกตฺตยํ;
อุคฺคเหสฺุจ กาเลน, ฉฬภิฺํ ลภึสุ จ.
ตฺวา ¶ ติสฺส ปฏิสนฺธึ, ตโต ปภุติ สิคฺคโว;
เถโร โส สตฺตวสฺสานิ, ตํ ฆรํ อุปสงฺกมิ.
คจฺฉาติ วาจามตฺตมฺปิ, สตฺตวสฺสานิ นาลภิ;
อลตฺถ อฏฺเม วสฺเส, คจฺฉาติ วจนํ ตหึ.
ตํ นิกฺขมนฺตํ ปวิสนฺโต, ทิสฺวา โมคฺคลิพฺราหฺมโณ;
กิฺจิ ลทฺธํ ฆเร โนติ, ปุจฺฉิ อามาติ โส’พฺรวิ.
ฆรํ คนฺตฺวาน ปุจฺฉิตฺวา, ทุติเย ทิวเส ตโต;
มุสาวาเทน นิคฺคณฺหิ, เถรํ ฆรมุปาคตํ.
เถรสฺส วจนํ สุตฺวา, โส ปสนฺนมโน ทฺวิโช;
อตฺตโน ปกเตน’สฺส, นิจฺจํ ภิกฺขํ ปวตฺตยิ.
กเมน’สฺส ปสีทึสุ, สพฺเพ’ปิ ฆรมานุสา;
โภชาเปสิ ทิโช นิจฺจํ, นิสีทาปิย ตํ ฆเร.
เอวํ กเมน คจฺฉนฺโต, กาเล โสฬสวสฺสิโก;
อหุ ติสฺสกุมาโร โส, ติเวโททธิปารโค.
เถโร กถาสมุฏฺานํ, เหสฺสเต’ว ฆเร อิติ;
อาสนานิ น ทสฺเสสิ, เปตฺวา มาณวาสนํ.
พฺรหฺมโลกคตตฺตาว, สุจิกาโม อโหสิ โส;
ตสฺมา โส ตสฺส ปลฺลงฺโก, วาสยิตฺวา ลคียติ.
อฺาสนํ อปสฺสนฺโต, ิเต เถเร สสมฺภโม;
ตสฺส ตํ อาสนํ ตสฺส, ปฺเปสิ ฆเร ชโน.
ทิสฺวา ตตฺถ นิสินฺนํ ตํ, อาคมฺมา’จริยนฺติกา;
กุชฺฌิตฺวา มาณโว วาจํ, อมนาปํ อุทีรยิ.
เถโร มาณว กึ มนฺตํ, ชานาสีติ ตมพฺรวิ;
ตเมว ปุจฺฉํ เถรสฺส, ปจฺฉา โรเจสิ มาณโว.
ชานามีติ ปฏิฺาย, เถเร เถรํ อปุจฺฉิโส;
คณฺิานานิ เวเทสุ, ตสฺส เถโร’ถ พฺยากริ.
คหฏฺโเยว ¶ เถโร โส,
เวทปารคโต อหุ;
น พฺยากเรยฺย กึ ตสฺส,
ปภินฺนปฏิสมฺภิโท.
ยสฺส จิตฺตํ อุปฺปชฺชติ น นิรุชฺฌติ,
ตสฺส จิตฺตํ นิรุชฺฌิสฺสติ; น อุปฺปชฺชิสฺสติ,
ยสฺส วา ปน จิตฺตํ นิรุชฺฌิสติ น อุปฺปชฺชิสฺสติ;
ตสฺส จิตฺตํ อุปฺปชฺชติ, น นิรุชฺฌตีติ.
ตํ จิตฺตยมเก ปฺหํ, ปุจฺฉิ เถโร วิสารโท;
อนฺธกาโร วิย อหุ, ตสฺส โส ตมโวจ โส.
ภิกฺขุโก นาม มนฺโตติ, พุทฺธ มนฺโตติ โส พฺรวิ;
เทหีติ วุตฺเต โนเวส-ธาริโน ทมฺมิ ตํ อิติ.
มาตาปิตูหิ’นฺุาโต, มนฺตตฺถาย ส ปพฺพชฺชิ;
กมฺมฏฺานมทา เถโร, ปพฺพาเชตฺวา ยถารหํ.
ภาวนํ อนุยฺุชนฺโต, อจิเรน มหามตี;
โสตาผตฺติผลํ ปตฺโต, เถโร ตฺวาน ตํ ตถา.
เปเสสิ จณฺฑวชฺชิสฺส, เถรสฺสนฺติกมุคฺคหํ;
กาตุํ สุตฺตาภิธมฺมานํ, โสตตฺถา’กาตทุคฺคหํ.
ตโต โส ติสฺสทหโร, อารภิตฺวา วิปสฺสนํ;
ฉฬภิฺโ อหุ กาเล, เถรภาวฺจ ปาปุณิ.
อตีว ปากโฏ อาสิ, จนฺโท’ว สูริโย’วโส;
โลโก ตสฺส วโจ’มฺี, สมฺพุทฺธสฺส วโจปิย.
โมคฺคลิปุตฺตติสฺสเถโรทโย นิฏฺีโต.
เอกาหํ ¶ อุปราชา โส, อทกฺขิ มิควํ คโต;
กีฬมาเน มิเค’รฺเ, ทิสฺวา เอตํ วิจินฺตยิ.
มิคาปิ เอวํ กิฬนฺติ, อรฺเ ติณโคจรา;
น กิฬิสฺสนฺติ กึ ภิกฺขู, สุขาหารวิหาริโน.
อตฺตโน จินฺติตํ รฺโ, อาโรเจสิ ฆรํ คโต;
สฺาเปตุํ ตุ สตฺตาหํ, รชฺชํ ตสฺส อทาสิ โส.
อนุโภหิ อิเม รชฺชํ, สตฺตาหํ ตฺวํ กุมารก;
ตโต ตํ ฆาตยิสฺสามิ, อิจฺจ’โวจ มหีปติ.
อาหา’ติ ตมฺหิ สตฺตาเห,
ตฺวํ เกนา’สิ กิโส อิติ;
มรณสฺส ภเยนาติ,
วุตฺเต ราชา’ห ตํ ปุน.
สตฺตาหา’หํ มริสฺสํติ, ตฺวํ น กีฬิ อิเม กถํ;
กีฬิสฺสนฺติ ยติ ตาต, สทา มรณสฺิโน.
อิจฺเจวํ ภากรา วุตฺโต, สาสนสฺมึ ปสีทิ โส;
กาเลน มิควํ คนฺตฺวา, เถรมทกฺขิ สฺตํ.
นิสินฺนํ รุกฺขมูลสฺมึ, โส มหาธมฺมรกฺขิตํ;
สาลสาขาย นาเคน, พีชยนฺต มนาสวํ.
อยํ เถโร วิยา’หมฺปิ, ปพฺพชฺช ชิน สาสเน;
วิหริสฺสํ กทา รฺเ, อิติ จินฺตยิ ปฺวา.
เถโร ตสฺส ปสาทตฺถํ,
อุปติตฺวา วิหายสา;
คนฺตฺวา อโสการามสฺส,
โปกฺขรฺโ ชเล ิโต.
อากาเส ปยิตฺวาน, จีวรานิ วรานิ โส;
โอคาหิตฺวา โปกฺขรณี, คตฺตานิ ปริสิฺจถ.
ตํ ¶ อิทฺธึ อุปราชา โส, ทิสฺวา’ตีว ปสีทิย;
อชฺเชว ปพฺพชิสฺสํติ, พุทฺธึจา’กาสิ พุทฺธิมา.
อุปสงฺกมฺม ราชานํ, ปพฺพชฺชํ ยาจิ สาทโร;
นิวาเรตุมสกฺโกนฺโต, ตมาทาย มหีปติ.
มหตา ปริวาเรน, วิหารมคมา สยํ;
ปพฺพชิ โส มหาธมฺม-รกฺขิตตฺเถรสนฺติเก.
สทฺธึ เตน จตุสต-สหสฺสานิ นราปิ จ;
อนุปพฺพชิตานนฺตุ, คณนา จ น วชฺชติ.
ภาคิเนยฺโย นรินฺทสฺส, อคฺคิ พฺรหฺมาติ วิสฺสุโต;
อโหสิ รฺโ ธีตาย, สงฺฆมิตฺตาย สามิโก.
ตสฺสา ตสฺส สุโต จาปิ,
สุมโน นาม นามโส;
ยาจิตฺวา โส’ปิ ราชานํ,
อุปราเชน ปพฺพชิ.
อุปราชสฺส ปพฺพชฺชา, ตสฺสา’โสกสฺส ราชิโน;
จตุตฺเถ อาสิวสฺเสสา, มหาชนหิโตทยา.
ตตฺเถว อุปสมฺปนฺโน, สมฺปนฺนอุปนิสฺสโย;
ฆเฏนฺโต อุปราชา โส, ฉฬ’ภิฺโ’รหา อหุ.
วิหาเร เตสมารทฺเธ, สพฺเพ สพฺพปุเรสุปิ;
สาธุกํ ตีหิ วสฺเสหิ, นิฏฺาเปสุํ มโนรเม.
เถรสฺส อินฺทคุตฺตสฺส, กมฺมาทิฏฺายกสฺส ตุ;
อิทฺธิยา จา’สุ นิฏฺาสิ, อโสการามสวฺหโย.
ชเนน ปริภุตฺเตสุ, าเนสุ จ ตหึ ตหึ;
เจติยานิ อกาเรสิ, รมณียานิ ภูปติ.
ปุเรหิ จตุราสีติ-สหสฺเสหิ สมนฺตโต;
เลเข เอกาหมาเนสุํ, วิหารา นิฏฺิตา อิติ.
เลเข สุตฺวา มหาราชา, มหาเตชิทฺธิ วิกฺกโม;
กาตุกาโม สกึเยว, สพฺพาราม มหามหํ.
ปุเร เภรึ จราเปสิ, สตฺตเม ทิวเส อิโต;
สพฺพารามมโห โหตุ, สพฺพเทเสสุ เอกทา.
โยชเน ¶ โยชเน เทนฺตุ, มหาทานํ มหีตเล;
กโรนฺตุ คามารามานํ, มคฺคานฺจ วิภูสนํ.
วิหาเรสุ จ สพฺเพสุ, ภิกฺขุสงฺฆสฺส สพฺพถา;
มหาทานานิ วตฺเตนฺตุ, ยถากาลํ ยถาพลํ.
ทีปมาลา ปุมฺผมาลา-ลงฺกาเรหิ ตหึ ตหึ;
ตูริเยหิ จ สพฺเพหิ, อุปหารํ อเนกธา.
อุโปสถงฺคานา’ทาย, สพฺเพ ธมฺมํ สุณนฺตุ จ;
ปูชาวิเสเสน’เนเก จ, กโรนฺตุ ตทเหปิ จ.
สพฺเพ สพฺพตฺถ สพฺพถา, ยถาณตฺตาธิกาปิ จ;
ปูชา สมฺปฏิยาเทสุํ, เทวโลกมโนรมา.
ตสฺมึ ทิเน มหาราชา, สพฺพาลงฺการ ภูสิโต;
สโหโรโธ สหามจฺโจ, พโลฆ ปริวาริโต.
อคมาสิ สการามํ, ภินฺทนฺโต วิย เมทินึ;
สงฺฆมชฺฌมฺหิ อฏฺาสิ, วนฺทิตฺวา สงฺฆมุตฺตมํ.
ตสฺมึ สมาคเม อาสุํ, อสีติ ภิกฺขุโกฏิ โย;
อเหสุํ สตสหสฺสํ, เตสุ ขีณาสวา ยติ.
นวุติ ภิกฺขุสหสฺสานิ, อหู ภิกฺขุนิโย ตหึ;
ขิณาสวา ภิกฺขุนิโย, สหสฺสํ อาสุ ตาสุ ตุ.
โลกวิวรณํ นาม, ปาฏิหีรํ อกํสุ เต;
ขีณาสวา ปสาทตฺถํ, ธมฺมาโสกสฺส ราชิโน.
จณฺฑาโสโกติ ายิตฺถ, ปุพฺเพ ปาเปน กมฺมุนา;
ธมฺมาโสโกติ ายิตฺถ, ปจฺฉา ปฺุเน กมฺมุนา.
สมุทฺทปริยนฺตํ โส, ชมฺพุทีปํ สมนฺตโต;
ปสฺสิ สพฺเพ วิหาเร จ, นานาปูชา วิภูสิเต.
อตีว ตุฏฺโ เต ทิสฺวา, สงฺฆํ ปุจฺฉิ นิสีทิย;
กสฺส ภนฺเต ปริจฺจาโค, มหาสุคต สาสเน.
เถโร โส โมคฺคลิปุตฺโต, รฺโ ปฺหํ วิยากริ;
ธรมาเน’ปิ สุคเต, นตฺถิ จาคี ตยาสโม.
ตํ สุตฺวา วจนํ ภิยฺโย, ตุฏฺโ ราชา อปุจฺฉิ ตํ;
พุทฺธสาสน ทายาโท, โหติ โข มาทิโส อิติ.
เถโร ¶ ตุ ราชปุตฺตสฺส, มหินฺทสฺสู’ปนิสฺสยํ;
ตเถว ราชธีตาย, สงฺฆมิตฺตาย เปกฺขิย.
สาสนสฺสา’ภิ วุทฺธิฺจ, ตํ เหตุกม เวกฺขิย;
ปจฺจาภาสถ ราชานํ, โส สาสนธุรนฺธโร.
ตาทิโส’ปิ มหาจาคี, ทายาโท สาสนสฺส น;
ปจฺจยทายโก’จฺเจว, วุจฺจเต มนุชาธีป.
โย ตุ ปุตฺตํ ธีตรํ วา,
ปพฺพชฺชาเปติ สาสเน;
โส สาสนสฺส ทายาโท,
โหติ โน ทายโก อปิ.
อถ สาสน ทายาท-ภาวมิจฺฉํ มหีปติ;
มหินฺทํ สงฺฆมิตฺตฺจ, ิเต ตตฺร อปุจฺฉถ.
ปพฺพชิสฺสถ กึ ตาตา, ปพฺพชฺชา มหตี มตา;
ปิตุโน วจนํ สุตฺวา, ปิตรํ เต อภาสิสุํ.
อชฺเชว ปพฺพชิสฺสาม, สเจ ตฺวํ เทว อิจฺฉสิ;
อมฺหฺจ ลาโภ ตุมฺหฺจ, ปพฺพชฺชาย ภวิสฺสติ.
อุปราชสฺส ปพฺพชฺช-กาลโภ ปภุตีหิ โส;
สา จาปิ อคฺคิพฺรหฺมสฺส, ปพฺพชฺชา กตนิจฺฉยา.
อุปรชฺชํ มหีนฺทสฺส, ทาตุกาโม’ปิ ภูปติ;
ตโต’ปิ อธิกาสา’ติ, ปพฺพชฺชํเยว โรจยิ.
ปิยํ ปุตฺตํ มหินฺทฺจ, พุทฺธิรูปพโลทิตํ;
ปพฺพชฺชา เปสิ สมหํ, สงฺฆ มิตฺตฺจ ธีตรํ.
ตทา วีสติวสฺโส โส, มหินฺโท ราชนนฺทโน;
สงฺฆมิตฺตา ราชธีตา, อฏฺารสสมา ตทา.
ตทเหว อหุ ตสฺส, ปพฺพชฺชา อุปสมฺปทา;
ปพฺพชฺชา สิกฺขาทานฺจ, ตสฺสา จ ตทหุ อหุ.
อุปชฺฌาโย กุมารสฺส, อหุ โมคฺคลิสวฺหโย;
ปพฺพาเชสิ มหาเทว-ตฺเถโร มชฺฌนฺติโก ปน.
กมฺมวาจํ อกา ตสฺมึ, โส’ปสมฺปทมณฺฑเล;
อรหตฺตํ มหินฺโท โส, ปตฺโต สปฏิสมฺภิทํ.
สงฺฆมิตฺตา’หุ’ปชฺฌายา ¶ , ธมฺมปาลาติ วิสฺสุตา;
อาจริยา อายุปาลิ, กาเล สา’สิ อนาสวา.
อุโภ สาสนปชฺโชตา, ลํกาทีโปปการิโน;
ฉฏฺเ วสฺเส ปพฺพชึสุ, ธมฺมาโสกสฺส ราชิโน.
มหามหินฺโท วสฺเสหิ, ตีหิ ทีปปฺปสาทโก;
ปิฏกตฺตยํ มุคฺคณฺหิ, อุปชฺฌายสฺส สนฺติเก.
สา ภิกฺขุนี จนฺทเลขา, มหินฺโท ภิกฺขู สูริโย;
สมฺพุทฺธ สาสนากาสํ, เต สทา โสภยุํ ตทา.
วเน ปาฏลิปุตฺตมฺหา, วเน วนจโร จรํ;
กุนฺตกินฺนริยา สทฺธึ, สํวาสํ กปฺปยี กิร.
เตน สํวาสมนฺวาย,
สา ปุตฺเต ชนยี ทุเว;
ติสฺโส เชฏฺโ กณิฏฺโ ตุ,
สุมิตฺโต นาม นามโต.
มหาวรุณตฺเถรสฺส, กาเล ปพฺพชฺช สนฺติเก;
อรหตฺตํ ปาปุณึสุ, ฉฬภิฺํ คุณํ อุโภ.
ปาเท กีฏวิเสนา’สิ, ผุฏฺโ เชฏฺโ สเวทโน;
อาห ปุฏฺโ กณิฏฺเน, เภสชฺชํ ปสตํ ฆฏํ.
รฺโ นิเวทนํ เถโร, คิลานวตฺตโต’ปิ โส;
สปฺปิสตฺถฺจ จรณํ, ปจฺฉาภตฺตํ ปฏิกฺขิปิ.
ปิณฺฑาย เจ จรํ สปฺปึ, ลภเส ตฺวํ ตมาหร;
อิจฺฉาห ติสฺสเถโร โส, สุมิตฺตํ เถรมุตฺตมํ.
ปิณฺฑาย จรตา เตน, น ลทฺธํ ปสตํ ฆตํ;
สปฺปิกุมฺภสเตนาปิ, พฺยาธิชาโต อสาธิโย.
เตเนว พฺยาธินา เถโร, ปตฺโต อายุกฺขยนฺติกํ;
โอวทิตฺวาปฺปมาเทน, นิพฺพาตุํ มานสํ อกา.
อากาสมฺหิ นิสีทิตฺวา, เตโชธาตุวเสน โส;
ยถารุจิ อธิฏฺาย, สรีรํ ปรินิพฺพุโต.
ชาลาสรีรา นิกฺขมฺม, นิมฺมํสฉาริกํ ฑหิ;
เถรสฺส สกลํ กายํ, อฏฺิกานิตุโน ฑหิ.
สุตฺวา ¶ นิพฺพูติเมตสฺส, ติสฺสเถรสฺส ภูปติ;
อคมาสิ สการามํ, ชโนฆ ปริวาริโต.
หตฺติกฺขนฺธคโต ราชา, ตานฏฺิน’วโรปิย;
กาเรตฺวา ธาตุสกฺการํ, สงฺฆํ พฺยาธิมปุจฺฉิตํ.
ตํ สุตฺวา ชาตสํเวโค, ปุรทฺวาเรสุ การิย;
สุธาจิตา โปกฺขรณี, เภสชฺชานฺจ ปูริย.
ปาเปสิ ภิกฺขุสงฺฆสฺส, เภสชฺชานิ ทิเน ทิเน;
มา โหตุ ภิกฺขุสงฺฆสฺส, เภสชฺชํ ทุลฺลภํ อิติ.
สุมิตฺตเถโร นิพฺพายิ, จงฺกมนฺโต’ว จงฺกเม;
ปสีทิ สาสเน’ตีว, เตนาปิ จ มหาชโน.
กุนฺติปุตฺตา ทุเว เถรา,
เต โลกหิตการิโน;
นิพฺพายึสุ อโสกสฺส,
รฺโ วสฺสมฺหิ อฏฺเม.
ตโต ปภุติ สงฺฆสฺส, ลาโภ’ตีว มหา อหุ;
ปจฺฉา ปสนฺนา จ ชนา, ยสฺมา ลาภํ ปวตฺตยุํ.
ปหีนลาภสกฺการา, ติตฺถิยา ลาภการณา;
สยํ กาสายมาทาย, วสึสุ สห ภิกฺขูหิ.
ยถาสกฺจ เต วาทํ, พุทฺธวาโท’ติ ทีปยุํ;
ยถาสกฺจ กิริยา, อกรึสุ ยถารุจิ.
ตโต โมคฺคลิปุตฺโต โส,
เถโร ถิร คุโณทโย;
สาสนพฺพุทมุปฺปนฺนํ,
ทิสฺวา ตมติกกฺขลํ.
ตสฺโส’ปสมเน กาลํ, ทีฆทสฺสี อเวกฺขิย;
ทตฺวา มหินฺทเถรสฺส, มหาภิกฺขุคณํ สกํ.
อุทฺธํ คงฺคาย เอโก’ว, อโหคงฺคมฺหิ ปพฺพเต;
วิหาสิ สตฺตวสฺสานิ, วิเวก มนุพฺรูหยํ.
ติตฺถิยานํ พหุจตฺตา จ, ทุพฺพจฺจตฺตา จ ภิกฺขโว;
เตสํ กาตุํ น สกฺขึสุ, ธมฺเมน ปฏิเสธนํ.
เตเนว ¶ ชมฺพุทีปมฺหิ, สพฺพาราเมสุ ภิกฺขโว;
สตฺตวสฺสานิ นากํสุ, อุโปสถ ปวารณํ.
ตํ สุตฺวา มหาราชา, ธมฺมาโสโก มหายโส;
เอกํ อมจฺจํ เปเสสิ, อโสการาม มุตฺตมํ.
คนฺตฺวา’ธิกรณํ เอตํ, วุปสมฺม อุโปสถํ;
กาเรหิ ภิกฺขุสงฺเฆน, ปมา’ราเม ตุวํ อิติ.
คนฺตฺวาน สนฺนิปาเตตฺวา, ภิกฺขุสงฺฆํ สทุมฺมติ;
อุโปสถํ กโรถาติ, สาเวสิ ราชสาสนํ.
อุโปสถํ ติตฺติเยหิ, น กโรม มยํ อิติ;
อโว จ ภิกฺขุสงฺโฆ ตํ, อมจฺจํ มูฬฺหมานสํ.
โส’มจฺโจ กติปยานํ, เถรานํ ปฏิปาฏิยา;
อจฺฉินฺทิ อสินา สีสํ, กาเรมีติ อุโปสถํ.
ราชภาตา ติสฺสตฺเถโร, ตํ ทิสฺวา กิริยํ ลหุํ;
คนฺตฺวาน ตสฺส อาสนฺเน, สาสนมฺหิ นิสิทิ โส.
เถรํ ทิสฺวา อมจฺโจ โส, คนฺตฺวา รฺโ นิเวทยิ;
สพฺพํ ปวตฺตึ ตํ สุตฺวา, ชาตทาโห มหีปติ.
สีฆํ คนฺตฺวา ภิกฺขุสงฺฆํ, ปุจฺฉิ อุพฺพิคฺคมานโส;
เอวํ กเตน กมฺเมน, กสฺส ปาปํ สิยา อิติ.
เตสํ อปณฺฑิตา เกจิ, ปาปํ ตุยฺหนฺติ เกจิ ตุ;
อุภินฺนํจา’ติ อาหํสุ, นตฺถิ ตุยฺหนฺติ ปณฺฑิตา.
ตํ สุตฺวา’ห มหาราชา, สมตฺโถ อตฺถิ ภิกฺขุน;
วิมตึ เม วิโนเทตฺวา, กาตุํ สาสนปคฺคหํ.
อตฺถิ โมคฺคลิปุตฺโต โส,
ติสฺสตฺเถโร รเถสภ;
อิจฺฉาห สงฺโฆ ราชานํ,
ราช ตตฺถา’สิ สาทโร.
วิสุํ ภิกฺขุสหสฺเสน, จตุโร ปริวาริเต;
เถโร นรสหสฺเสน, อมจฺเจ จตุโร ตถา.
ตทเหเยว เปเสสิ, อตฺตโน วจเนน โส;
เถรํ อาเนตุ เม เตหิ, ตถา วุตฺเต สนาคมิ.
ตํ ¶ สุตฺวา ปุน อฏฺ’ตฺถ, เถเร’มจฺเจ จ เปสยิ;
วิสุํ สหสฺสปุริเส, ปุพฺเพ วิย สนาคมิ.
ราชา ปุจฺฉิ กถํ เถโร, อาคจฺเฉยฺย นุ โข อิติ;
ภิกฺขู อาหํสุ เถรสฺส, ตสฺส’คมนการณํ.
โหติ ภนฺเต อุปตฺถมฺโภ, กาตุํ สาสนปคฺคหํ;
อิติ วุตฺเต มหาราช, เถโร เอสฺสติ โส อิติ.
ปุนาปิ เถโร’มจฺเจ จ, ราชา โสฬส โสฬส;
วิสุํ สหสฺส ปุริเส, ตถา วตฺวาน เปสยิ.
เถโร มหลฺลตฺเต’ปิ, นาโรหิสฺสติ ยานกํ;
เถรํ คงฺคาย นาวาย, อาเนถา’ติ จ อพฺรวิ.
คนฺตฺวา เต ตํ ตถา’โวจุํ,
โส ตํ สุตฺวา’ว อุฏฺหิ;
นาวาย เถรํ อาเนสุํ,
ราชา ปจฺจุคฺคมี ตหึ.
ชาณุมตฺตํ ชลํ ราโช’คเหตฺวา ทกฺขิณํ กรํ;
นาวาย โอตรนฺตสฺส, เถรสฺสา’ทาสิ คารโว.
ทกฺขิณํ ทกฺขิเณยฺโย โส, กรํ รฺโ’นุกมฺปโก;
อาลมฺพิตฺวา’นุกมฺปาย, เถโร นาวาย โอตริ.
ราชา เถรํ นยิตฺวาน, อุยฺยานํ รติวฑฺฒนํ;
เถรสฺส ปาเท โธวิตฺวา, มกฺเขตฺวา จ นิสีทิย.
สมตฺถภาวํ เถรสฺส, วีมํสนฺโต มหีปติ;
ทฏฺุกาโม อหํ ภนฺเต, ปาฏิหีรนฺติ อพฺรวิ.
กนฺติ วุตฺเต มหีกมฺปํ, อาห ตํ ปุน ราหโส;
สกลาเย’ก เทสาย, กตรํ ทฏฺุมิจฺฉสิ.
โก ทุกฺกโรติ ปุจฺฉิตฺวา, เอก เทสาย กมฺปนํ;
ทุกฺกรนฺติ สุณิตฺวาน, ตํ ทุฏฺุกามตํ พฺรวี.
รถํ อสฺสํ มนุสฺสฺจ, ปาติฺโจทก ปูริตํ;
เถโร โยชน สีมาย, อนฺตรมฺหิ จตุทฺทิเส.
ปาเปตฺวา ¶ ตทฑฺเฒหิ, สห ตํ โยชนํ มหึ;
จาเลสิ อิทฺธิยา ตตฺร, นิสินฺนสฺส จ ทสฺสยิ.
เตนา’มจฺเจน ภิกฺขูนํ, มรเณน’ตฺตโนปิ จ;
ปาปสฺส’ตฺถิตฺต นตฺถิตฺตํ, เถรํ ปุจฺฉิ มหีปติ.
ปฏิจฺจ กมฺมํ นตฺถีติ, กิลิฏฺํ เจตนํ วินา;
เถโร โพเธสิ ราชานํ, วตฺวา ติตฺติรชาตกํ.
วสนฺโต ตตฺถ สตฺตาหํ, ราชุยฺยาเน มโนรเม;
สิกฺขาเปสิ มหีปาลํ, สมฺพุทฺธสมยํ สุภํ.
ตสฺมึเยว จ สตฺตา เห, ทุเว ยกฺเข มหีปติ;
เปเสตฺวา มหิยํ ภิกฺขู, อเสเส สนฺนิปาตยิ.
สตฺตเม ทิวเส คนฺตฺวา, สการามํ มโนรมํ;
กาเรสิ ภิกฺขุสงฺฆสฺส, สนฺนิปาตมเสสโต.
เถเรน สห เอกนฺเต, นิสินฺโน สาณิอนฺตเร;
เอเกกลทฺธิเก ภิกฺขุ, ปกฺโกสิตฺวาน สนฺติกํ.
กึวาที สุคโต ภนฺเต, อิติ ปุจฺฉิ มหีปติ;
เต สสฺสตาทิกํ ทิฏฺึ, พฺยากรึสุ ยถาสกํ.
เต มิจฺฉาทิฏฺิเก สพฺเพ, ราชา อุปฺปพฺพาชาปยี;
สพฺเพ สฏฺิสหสฺสานิ, อาสุํ อุปฺปพฺพชาปิตา.
อปุจฺฉิ ธมฺมิเก ภิกฺขู, กึวาที สุคโต อิติ;
วิภชฺชวาที ตาหํสุ, ตํ เถรํ ปุจฺฉิ ภูปติ.
วิภชฺชวาที สมฺพุทฺโธ,
โหติ ภนฺเต’ติ อาห โส;
เถโร’ อามา’ติ ตํ สุตฺวา,
ราชา ตุฏฺมโน ตทา.
สงฺโฆ ปิโสธิโต ยสฺมา,
ตสฺมา สงฺโฆ อุโปสถํ;
กโรตุ ภนฺเต อิจฺเจวํ,
วตฺวา เถรสฺส ภูปติ.
สงฺฆสฺส รกฺขํ ทตฺวาน, นครํ ปาวิสี สุภํ;
สงฺโฆ สมคฺโค หุตฺวาน, ตทา’กาสิ อุโปสถํ.
เถโร ¶ อเนก สงฺขมฺหา, ภิกฺขุสงฺฆา วิสารเท;
ฉฬภิฺเ เตปิฏเก, ปภินฺนปฏิสมฺภิเท.
ภิกฺขุสหสฺสํ อุจฺจินิ, กาตุํ สทฺธมฺมํ สงฺคหํ;
เตหิ อโสการามมฺหิ, อกา สทฺธมฺม สงฺคหํ.
มหากสฺสปตฺเถโร จ, ยสตฺเถโร จ การยุํ;
ยถา เต ธมฺม สํคีตึ, ติสฺสตฺเถโรปิ ตํ ตถา.
ตถาวตฺถุปฺปกรณํ, ปรวาทปฺปมทฺทนํ;
อภาสิ ติสฺสตฺเถโร จ, ตสฺมึ สํคีติ มณฺฑเล.
เอวํ ภิกฺขุสหสฺเสน, รกฺขาย’โสก ราชิโน;
อยํ นวหิ มาเสหิ, ธมฺม สํคีติ นิฏฺิตา.
รฺโ สตฺตรเส วสฺเส, ทฺวาสตฺตติสโม อิสิ;
มหาปวารณาย’โส, สํคีติ ตํ สมาปยิ.
สาธุการํ ททนฺตีว, สาสนฏฺิติ การณํ;
สํคีติ ปริโยสาเน, อกมฺมิตฺถ มหามหี.
หิตฺวา เสฏฺํ พฺรหฺมวิมานมฺปิ มนฺุํ;
เชคุจฺฉํ โส สาสนเหตุนรโลกํ;
อาคมฺมา’กา สาสนกิจฺจํ กตกิจฺโจ;
โกนาม’ฺโ สาสนกิจฺจมฺหิ ปมชฺเชติ.
สุชนปฺปสาทสํเวคตฺถาย กเต มหาวํเส
ตติยธมฺมสํคีติ นาม
ปฺจโม ปริจฺเฉโท.