📜
เอกูนปฺาสติม ปริจฺเฉท
ราชทฺวยทีปโน
เอวํ ตสฺมึ มเต ตสฺส, กาตพฺพํ สาธุการิย;
มหาทีปาโท เสนวฺโห, อาทาย พลวาหนํ.
อาคมฺม นครํ ราชา, อโหสิ ธรณี ตเล;
อาทิกปฺปมฺหิ ราชูนํ, ทสฺสนฺโต จริยํ ปิย.
สทฺโธ มหาธโน สูโร, มุตฺตจาคี นิราลโย;
ยาจโยโค มหาโภโค, สมฺปนฺนพลวาหโน.
กิตฺติยา’มลภูตาย, ตถา เตโช คุเณน จ;
สนฺนิปาตํว โส จนฺท-สูริยานํ นิทสฺสยิ.
อสงฺกิณฺณ คุณากิณฺโณ, สุวิจิณฺณ คุณาคุโณ;
นิตฺถิณฺณปาโป นิพฺพิณฺณ-สํสาโร สารทสฺสโน.
ภริยา ตสฺส ยา อาสิ, สงฺฆาตํ โส ภิเสจยิ;
มเหสีภาเว ทตฺวาน, ปริหารํ ยถาภตํ.
มหินฺทํ นาม สปฺปฺํ, กณิฏฺํ ภาตรํ สกํ;
ทตฺวา ทกฺขิณภาคํ โส, โอปรชฺเช’ภิเสจยิ.
อนฺเตปุเร’ปรชฺฌิตฺวา, โส รฺา อวธาริเต;
สปุตฺตทาโร วุฏฺาย, อฺาโต มลยํ อคา.
อุปฺปชฺชิตฺถ ¶ ตทา ปุตฺโต, รฺโ สงฺฆาย เทวิยา;
ทสฺเสนฺโต’ว ปนาทสฺส, กุมาร รูปมตฺตโน.
ราชา ตํ ชาตมตฺตํ’ว, ทิสฺวา สนฺถุฏฺมานุโส;
สิทฺธตฺถํ ลุมฺพินีชาตํ, ราชา สุทฺโธทโน วิย.
ธฺปฺุคุณูเปโต, เปตฺวา ทีปเมกกํ;
ชมฺพุทีเป’ปิ กสิเณ, รชฺชโยคฺโคติ เม สุโต.
นามทาน ทิเนเยว, ปริหาเรน สพฺพโส;
โอปรชฺเช ภิสิฺจิตฺวา, ทกฺขิณํ เทสมสฺส’ทา.
ยุวราชาปิ มลเย, วสนฺโต’ว มหีปตึ;
อาราเธตฺวา อุปาเยน, อนฺุโต สภาตรา.
นิกายตฺตย วา สีหิ, สทฺธึ ภิกฺขูหิ อาคโต;
ทิสฺวา ราชานเมตฺเถว, สนฺธีํ’กาสิ อกุปฺปิยํ.
ยา ตสฺส ยุวราชสฺส, ภริยา ติสฺสา นามิกา;
ราชินี สา วิชายิตฺถ, ธีตรํ สงฺฆนามิกํ.
กิตฺตินามา’ปรายา จ, ภริยา สาปิ โข ปน;
วิชายิ ปุตฺเต จตฺตาโร, ตถา เอกฺจ ธีตรํ.
ตทา ราชาปิ จินฺเตตฺวา, เอวํ สติ กณิฏฺโก;
นิสฺสงฺโก มยิ โหตีติ, สมฺมา มนฺตีหิ มนฺติย.
ธีตรํ ยุวราชสฺส, สุรูปึ รูปนามิกํ;
กสฺสปสฺส’ตฺต ปุตฺตสฺส, วิวาหํ การยิ พุโธ.
ทกฺขิณํ เทสมสฺเสว, กณิฏฺสฺส สทาปยิ;
ราชปุตฺตสฺส ปาทาปิ, ปจฺเจกํ โภคมตฺตโน.
รชฺชมฺหิ สพฺพํ ตสฺเสว, ปริโภคาย ทาปยิ;
เกวลนฺตุ วิจาเรสิ, ทีปํ ทีป หิตาวโห.
เตสํ สํวาสมนฺวาย, อุภินฺนํ ปฺุกมฺมินํ;
ธฺปฺุคุณูเปตา, วิชาตา ปุตฺตธีตโร.
กตฺวา สพฺโพปหาเรน, ทาาธาตุ มหามหํ;
อารุยฺห วรปาสาทํ, รตนวฺหํ มหีปติ.
ตทา โสวณฺณยสฺสาปิ, สมฺพุทฺธสฺส ปุรา ิตํ;
สฺุํ ปิฏฺํ สยํ ทิสฺวา, กสฺมา เอวนฺติ สํวทิ.
ตโต ¶ อมจฺจา อาหํสุ, นาชานาสิ มหีปติ;
มหาปิตุนรินฺทสฺส, กาเล ตว นริสฺสรํ.
ปณฺฑุราชา อิธาคมฺม, ทีปเมตํ วินาสิย;
สพฺพํ สารคตํ ทีเป, สมาทาย คโต อิติ.
ตํ สุตฺวา ลชฺชิโต ราชา, สยํ วิย ปราชิโต;
ตทเหว นิโยเชสิ, อมจฺเจ พลสงฺคเห.
ตทา’ว กิร อาคฺฉิ, ปณฺฑุราชกุมารโก;
ปริภูโต สราเชน, รชฺชตฺถํ กต นิจฺฉโย.
ราชา ทิสฺวา’ติ สนฺตุฏฺโ, กตฺตพฺพํ ตสฺส การิย;
มหาติตฺถ มุปาคมฺม, ปฏฺฏนํ เสมตฺรโส.
มหนฺตํ พลกายฺจ, ตสฺโสปกรณานิ จ;
อนุนํ ปฏิยาเทตฺวา, เทวเสนํว สชฺชิตํ.
ปณฺฑุราชกุมาเรน, สทฺธึ เสนาปติ สกํ;
คนฺตฺวา ตํ ปณฺฑุราชานํ, หนฺตฺวานิกมิโต ปุรา.
รตนํ สพฺพมาทาย, ทตฺวา รชฺชํ อิมสฺส จ;
น จิเรเนว เอหีตี, อุยฺโยเชสิ มหายโส.
โสปิ เอวํ กโรมีติ, ปฏิสฺสุตฺวา มหีปตึ;
วินฺทิตฺวา พลมาทาย, นามมารุยฺห ตํ ขเณ.
ปรตีรํ ตโต คนฺตฺวา, สํวุฬห พลวาหโน;
วินาสยนฺโต ปจฺจนฺตํ, วาเรสิ มธุรํ ปุรํ.
ทฺวารานิ ปิทหิตฺวาน, ปจฺฉินฺทิตฺถ คตาคตํ;
ตโต อคฺคึ ขิปาเปสิ, โคปุรฏฺฏาล โกฏฺเก.
เอวํ สีหฬเสนาย, ปวิฏฺาย สกํ ปุรํ;
สพฺพํ วิลุมฺปมานาย, เสนงฺคํ ฆาตยนฺติยา.
ปณฺฑุราชา นิสมฺเมตํ, สมาทาย สกํ พลํ;
เวคสา ตํ สมาคมฺม, ยุทฺธํ กาตุํ สมารภิ.
อสมฺปุณฺณ พลตฺตา โส, วิทฺโธ สลฺเลน ภูปติ;
หตฺถิกฺขนฺธคโตเยว, วิหาย ปุรมตฺตโน.
ปลายิตฺวา คตาเน, ชีวิตํ นิชเมสฺสชิ;
ภริยาว’สฺส เตนาสิ, สมฺปตฺตา ชีวิตกฺขยํ.
ตโต ¶ สีหฬเสนาสา, ปวิฏฺา นิพฺภยา ปุรํ;
ตตฺถ สพฺพํ วิลุมฺปิตฺถ, เทวา’สิรปุรํ ยถา.
เสนาปติ ตโต ราช-เคเห ภตฺตํ สเมกฺขิย;
ทีปานิตมิมมฺหา จ, ตตฺรฏฺฺจ มหารหํ.
สารํ สพฺพํสมาทาย, เทเส จ นคเร ิตํ;
กตฺวา อิสฺสริยํ ตตฺถ, วเสวตฺติย อตฺตโน.
ปณฺฑุราช กุมารํ ตุ, ตตฺถ รชฺเช’ภิ สิฺจิย;
กาเรตฺวา ปริหารฺจ, เทสํ ตสฺส สมปฺปิย.
ยถารุจึ คเหตฺวาน, หตฺถิอสฺเส นเร’ปิ จ;
ตตฺถ ตตฺถ ยถา กามํ, วสนฺโต อกุโต ภโย.
สมุทฺท ตฏมาคมฺม, ตฺวา ตตฺถ ยถาสุขํ;
กีฬนฺโต วิย นาวํ โส, สมารุยฺห วิสารโท.
มหาติตฺถ มุปาคมฺม, วนฺทิตฺวา ธรณี ปตึ;
ตํ สาสนํ นิเวเทตฺวา, สารํ ทสฺเสสิ อาหฏํ.
ราชา สาธูติ วตฺวาน, กาเรตฺวา ตสฺส สงฺคหํ;
สทฺธึ เสนาย อาคนฺตฺวา, ปกฏฺาย สกํ ปุรํ.
ชยปานํ ปิวิตฺวาน, กตฺวา วิชยมงฺคลํ;
มหาธาคํ ปวตฺเตตฺวา, ยาจกานํ ยถา รุจึ.
สพฺพํ ปากติกํ กาสิ, สารํ ทีเป นิราลโย;
โสวณฺณ ปฏิมาโย จ, ยถาาเน ปาปยิ.
สฺุํ รตนปาสาเท, ปิฏฺํ ปูเรสิ สตฺถุโน;
กาสิ รกฺขปิธาเนน, นิพฺภยํ ธรณีตลํ.
ตโต ปฏฺาย ทีปํโส, อรีนํ ทุปฺปธํสิยํ;
กตฺวา วฑฺเฒสิ โภเคหิ, อุตฺตราทิกุรุํ ปิย.
ขินฺนา ปุพฺพสฺส ราชสฺส, กาเล ทีปมฺหิ ปาณิโน;
นิพฺพุตา ตํ สมาคมฺม, ฆมฺมา วิย วลาหกา.
ตสฺส วีสติเม วสฺเส, วิหาเร อภยุตฺตเร;
นิกฺขมิตฺวา คตา เหสุํ, ปํสุกูลิก ภิกฺขโว.
ยุวราชา มหินฺโท โส, ธุมราชสฺส สตฺถุโน;
การาปยิ ฆรํ รมฺมํ, ทสฺสเนยฺยํ มโนรมํ.
โพธิเคหํ ¶ กโรนฺโต ตํ, ทิสฺวา วฑฺฒกีโน ตทา;
วํเสน สาขํ อาหจฺจ, ภิชฺชนฺตํ วรโพธิยา.
กินฺตุ กาตพฺพเมตฺถาติ, ยุวราชํ นิเวทยุํ;
โส ตํ ตํ มุปสํกมฺม, มหาปูชาย ปูชิย.
สเจ สตฺถา, หิตตฺถาย, สมฺภูโต สพฺพปาณินํ;
ลทฺธุํ ปฺุสฺส’นคฺฆสฺส, ฆรสฺส กรเณติ’ธ.
สาขา คจฺฉํ ตุ อุทฺธํว, กาตุํ สกฺกา ยถาฆรํ;
เอวมาราธยิตฺวาน, วนฺทิตฺวา สงฺฆรํ คโต.
ตทา สาขา ทุมินฺทสฺส, รตฺติยํ อุทฺธมุคฺคมิ;
ตโต กมฺมกรา สพฺพํ, อาโรเจสุํ สสามิโน.
ยุวราชา’ติ สนฺตุฏฺโ, ภาตุรฺโ นิเวทิย;
มหาปูชาย ปูเชสิ, วิสฺสชฺชิย พหุธนํ.
ตถา มหินฺทเสนวฺหํ, ปริเวณฺจ การิย;
สงฺฆสฺสา’ทา สโภคํ โส, ปฺุา ปฺุานิจาจีนิ.
อทา สปริสํ ภตฺตํ, วตฺถํ ฉตฺตมุปาหนํ;
ตถา คมิยภตฺตฺจ, นหานฺจ สภตฺตกํ.
เอวํ ขุทฺทานุ ขุทฺทานิ, กตฺวา ปฺุานิ โส วิภู;
รฺโ เตตฺตึสวสฺสมฺหิ, ยถากมฺมมุปาคมิ.
อถ ราชา มเตตสฺมึ, กณิฏฺมุทยํ สกํ;
ตสฺส าเน เปตฺวาน, สพฺพํ ตสฺเสว ตสฺสทา.
ตุลาภารสฺส ทาเนน, ทีนานาเถ สตปฺปยิ;
ธมฺมกมฺเมน โสเธสิ, นิกายตฺตยเมกโต.
โสณฺณถาลีสหสฺสํ โส, มุตฺตาหิ ปริปูริย;
เปตฺวา มณิเมเกกํ, ตสฺโสปริ มหารหํ.
พฺราหฺมณานํ สหสฺสสฺส, สุทฺเธ รตนภาชเน;
โภเชตฺวา ขีรปายาสํ, ทาเปตฺวา เหมสุตฺตกํ.
ตถา นเวหิ วตฺเถหิ, อจฺฉาเทตฺวา ยถารุจึ;
สนฺตปฺเปสิ มหนฺเตน, ปริหาเรน ปฺุวา.
ภิกฺขูนํ ทีปวาสีนํ, อทาสิ จ ติจีวรํ;
อทา สพฺพาสมิตฺถีนํ, วตฺถฺจ สุมโนหรํ.
กาเรตฺวา ¶ โลหปาสาทํ, เวชยนฺตสริกฺขกํ;
วฑฺเฒสิ ปฏิมํ ตตฺถ, สุวณฺณฆฏโกฏฺฏิมํ.
สุตฺวา อุโปสถาคาร-ภาวํ สพฺพ มเหสีนํ;
ตุจฺโฉ ยํ เนว โหตูติ, วาสํ สงฺฆสฺส ตํ อกา.
โภคคาเม จ ตสฺสทา, รกฺขเก จ นิโยชยิ;
ภิกฺขู ทฺวตฺตึสมตฺตาหิ, วสนฺตูติ นิยามยิ.
คงฺคาย มริยาทํ โส, กาเรสิ มณิเมขลํ;
โตยนิทฺธมนฺจากา, มณิหีรกวาปิยา.
กฏฺุนฺตนคเร เจว, กาณวาปึจ พนฺธยิ;
เวชฺชสาลฺจ กาเรสิ, เจติยมฺหิ คิริมฺหิ โส.
พุทฺธคามวิหารฺจ, วิหารํ มหิยงฺคณํ;
กูฏติสฺส วิหารฺจ, โภคคาเม น วฑฺฒยิ.
มณฺฑลสฺส คิริสฺสา’ทา, วิหารสฺส สคามเก;
อุตฺตราฬฺเห จ กาเรสิ, ปาสาทํ ปริเวณเก.
มหาเสนสฺส พุทฺธสฺส, คามํ ทตฺวาน รกฺขเก;
ทาสิ โสพฺภวิหาเร จ, กาเรสิ ปฏิมาฆรํ.
โพธิสตฺเต จ วฑฺเฒสิ, ปาสาเท มณิเมขเล;
สีลามยมุนินฺทสฺส, ชิณฺณเคหมฺปิ การยิ.
ราช ตํ โพธิสตฺตฺจ, สฆรํ ตตฺถ สนฺนหิ;
อาลวาลํ ทุมินฺทสฺส, คนฺธิตฺวา กา มหามหํ.
ลิขิตฺวา เหมปฏฺฏมฺหิ, สพฺพรตนสุตฺตกํ;
มหาปูชมกา ตสฺส, อภิธมฺมํ กถาปยิ.
อานนฺทปฏิมํ เนตฺวา, ปุรํ กตฺวา ปทกฺขิณํ;
ปริตฺตํ ภิกฺขุสงฺเฆน, ภณาเปตฺวา ยถาวิธึ.
ปริตฺโตทกเสเกน, ชนํ กตฺวา นิราตุรํ;
ราชา โรคภยํ เปวํ, นีหริตฺถ สเทสโต.
อภิเสกํ คเหตฺวาน, เหมวาลุก เจติเย;
อนุสํวจฺฉรํ กาตุํ, ตํ จาริตฺตํ ลิขาปยิ.
อทา มาสสฺส จตูสุ, อุโปสถทิเนสุ โส;
จตุนฺนฺจ สหสฺสานํ, วตฺถทานํ สภตฺตกํ.
เวสาขกีฬํ ¶ กีฬิตฺถ, สทฺธึ ทุคฺคตเกหิ โส;
อนฺนํ ปานฺจ วตฺถฺจ, เตสํ ทตฺวา ยถารุจึ.
ภิกฺขุสงฺฆสฺส ทีปมฺหิ, นิจฺจทานํ ปวตฺตยิ;
สนฺตปฺเปสิ จ ทาเนน, กปณทฺธิกวณิพฺพเก.
ตสฺส รฺโ มเหสี จ, สงฺฆนามา อการยิ;
ปพฺพตํ สงฺฆเสนวฺหํ, สโภคมภยุตฺตเร.
นีลจูฬามณิฺจากา, สิลามย มเหสิโน;
ปูชํ สพฺโพปหาเรหิ, กาสิ สตฺถุสฺส สพฺพทา.
ตสฺส เสนาปติจา’กา, เสนเสนาปติวฺหยํ;
ปริเวณํ มหาโภคํ, สูโร ตุฏฺกนามโก.
เอวํ สปริโส กตฺวา, สปฺุานิ มหายโส;
ปฺจตึสติเม วสฺเส, เทวโลกมุปาคมิ.
ตโต ตสฺสา’นุโช อาสิ, อุทโย นาม ขตฺติโย;
ราชา สพฺพปฺปโยเคหิ, หิเตสี ทีปวาสีนํ.
หุตฺวา โส สยํ ราชา, กณิฏฺํ สกภาตรํ;
มหาทีปาทานมฺหิ, ปิ กสฺสปนามกํ.
ราชา จินฺติย าตีนํ, กาตพฺโพ สงฺคโห อิติ;
เอวํ กสฺสปนามสฺส, ภาตุปุตฺตสฺส ธีตรํ.
ยุวราชสฺส ตสฺสา’กา, ภริยํ เสนนามิกํ;
ธาเรสิจ สยํ ราชา, อปรํ ติสฺสสวฺหยํ.
มหินฺทสฺสุปราชสฺส, ราชธีตาย กิตฺติยา;
ปุตฺโต กิตฺตคฺคโพธีติ, อาทิปาโท วิพุทฺธิโก.
โจโร หุตฺวา มหารฺโ, นิกฺขมิตฺวาน รตฺติยํ;
เอโก อฺาตเวเสน, สมุปาคมฺมโรหณํ.
ชนํ หตฺตคตํ กตฺวา, เทสํ สพฺพํ วินาสิย;
ฆาตาปยิตฺถ ตตฺรฏฺํ, โส ตํ มาตุลมตฺตโน.
ตํ สุตฺวา ธรณีปาโล, ตสฺมึ’ตีว ปกุปฺปิย;
อาเนตุํ ตมุปายํ โส, คเวสนฺโต ตถา ตถา.
ภาตุปุตฺตํ ตมาหุย, ยุวราชํ สกสฺสปํ;
อามนฺเตสิ มหาปฺุ, สหาโย โหติ เม อิติ.
กึ ¶ เม กตฺตพฺพ’มิจฺจาห, ปจฺจาห ธรณีปติ;
ปุตฺโต ตว มหินฺโท โส, วุทฺธิปฺปตฺโต มหาพโล.
ลาภี โรหณเทสสฺส, มาติโต ปิติโต’ปิ จ;
สูโร สพฺพสโห วีโร, กุสโล กตูปาสโน.
สงฺคามโยคฺโค มติมา, นิปุโณ นยโกวิโท;
ตํ เปเสตฺวา นยิสฺสาม, ปาปํ มาตุลฆาตกํ.
ตํ สุตฺวา วจนํ รฺโ, กสฺสโป ภาสิ สาทโร;
เทว เทเวน วุตฺโต’หํ, คจฺเฉยฺยํ กินฺตุ เม สุโต.
วํโส เม ปาลิโต โหติ, ปสาโท จ ตวาธิป;
ตสฺมา กาลมหาเปตฺวา, ยํ อิจฺฉสิ ตถา กุรุ.
สุตฺวา อตีวสนฺตุฏฺโ, นรินฺโท ตสฺส ตํ วโจ;
มหนฺถํ พลกายํ โส, สพฺพโส ปฏิยาทิย.
มหตา ปริหาเรน, มหินฺทํ ราชโปตกํ;
รกฺขิตุํ ตํ นิโยเชตฺวา, วชิรคฺคฺจ นายกํ.
ตุจฺฉํ วิย ปุรํ กตฺวา, สพฺพฺจ พลวาหนํ;
สพฺโพปกรณฺเจว, อนูนํ ตสฺส ทาปิย.
สยํ ตมนุคจฺฉนฺโต, ปทสา’ว นริสฺสโร;
อุยฺโยเชสิ มหาปฺุ, คจฺฉ รุกฺขาติ เมทินึ.
มหินฺโท โส มหินฺโท’ว, เทวเสนา ปุรกฺขโต;
คจฺฉนฺโต สุวีโรจิตฺถ, เทวาสุรมหาหวํ.
ตโต คนฺตฺวา น จิเรน, คุตฺตสาลมุปาคมิ;
ตโต ชานปทา สพฺเพ, มณฺฑลิกา จ รฏฺิยา.
เตน มาตุลฆาเตน, ปาปเกน อุปทฺทุตา;
คนฺตฺวา ตํ ปริวาเรสุํ, ลทฺโธ โน สามิโก อิติ.
ปตนฺโต โสปิ โข โจโร, ิโตว คิริมณฺฑเล;
สพฺพํ หตฺถคตํ กตฺวา, ราชภณฺฑํ มหคฺฆิยํ.
หตฺถี อสฺเสจ อาทาย, คนฺตฺวา มลยมารุหิ;
มหินฺทเสนา ฆาเตนฺตี, ตสฺส เสนํ ตหึ ตหึ.
ปทานุปทมสฺเส’ว, คจฺฉนฺติ หตฺถิอสฺสเก;
ทิสฺวา มลยปาทมฺหิ, คเหตฺวา เอตฺถ โส อิติ.
ตตฺถ ¶ ปาวิสิมทฺทนฺตี, สพฺพํ มลยกานนํ;
นทีโย ปลฺลเล เจว, กโรนฺติ มคฺคสาทิเส.
พาลโกว ชนํ ทิสฺวา, สพฺพํ รตนมตฺตโน;
โกธาภิภูโต ฉฑฺเฑสิ, นที โสพฺภตฏาทีสุ.
เอกโกว นิลียิตฺถ, วเน ปพฺพตกนฺทเร;
คเวสนฺโต ชโน ทิสฺวา, ตมคฺคหิ นราธมฺมํ.
ตมาทาย’ติ ตุฏฺโ โส, ชโน อาคมฺม สชฺชุกํ;
มหินฺทมุปทสฺเสสิ, นิสินฺนํ คุตฺตสาลเก.
โส ตํ ทิสฺวา หสิตฺวาน,
ภุตฺโต กึ โรหโณ’’อิติ;
นายกสฺส นิยฺยาเตตฺวา,
วชิรคฺคสฺส ราชิโน.
สยํ เสนํ สมาทาย, มหาคามมุปาคโต;
โรหณา ธิปติ หุตฺวา, กโรนฺโต โลกสงฺคหํ.
ชนํ ปากติกํ กตฺวา, พาลเกน วิพาธิตํ;
สาสนฺจ ยถาาเน, เปตฺวา เตน นาสิตํ.
ปุปฺผาราเม ผลาราเม, การยิตฺวา ตหึ ตหึ;
วาปิโย’ปิ จ คณฺหิตฺวา, พนฺธาเปตฺวา มหานทึ.
สพฺพตฺถ สุลภํ กตฺวา, สงฺฆสฺส จตุปจฺจยํ;
ทุฏฺเ จ ปฏิพาเหตฺวา, มณฺฑลีเก จ รฏฺิเย.
โจเร จ ปริโสเธตฺวา, กตฺวา วิคตกณฺฏกํ;
โตสยนฺโต’ขิลํ โลกํ, จาคโภคสมปฺปิโต.
อุปาสนิโย วิฺูหิ, เสวนีโย ธนตฺถีหิ;
กปฺปรุกฺขูปโม สพฺพ-ยาจกานํ หิตาวโห.
หิตฺวา ทุพฺพินยํ เทเส, ปุพฺพเกหิ ปวตฺติตํ;
สมาจรนฺโต ธมฺมฺจ, วาสํ ตตฺเถว กปฺปยิ.
อาทิปาทํ คเหตฺวาน, วชิรคฺโค วินายโก;
อนุราธมุปาคมฺม, ราชานมภิทสฺสยิ.
ราชาปิ ทิสฺวา ตํ กุทฺโธ, ขิปฺปํ ปกฺขิปฺป จารเก;
รกฺขาวรณมสฺสาทา, วิเหเสิ จ สพฺพาโส.
อทาสิ ¶ จ ตุลาภารํ, ติกฺขตฺตุํ โส มหายโส;
ถูปารามมฺหิ ถูปฺจ, เหมปฏฺเฏน ฉาทยิ.
กตฺวา ตตฺเถว ปาสาทํ, ภิกฺขุสงฺฆํ นิวาสิย;
วิหาเร นคเร เจว, ปฏิสงฺขาสิ ชิณฺณกํ.
กทมฺพนทียา’กาสิ, นิชฺฌรํ ถิรพนฺธนํ;
มริยาทํ ปวฑฺเฒสิ, วาปิยํ โส มเยตฺติยํ.
ตตฺถ นิทฺธมนํจา’กา, อนุวสฺสมฺปิ ภูมิโป;
จีวรตฺถํ สุวตฺถานิ, สุสณฺหานิ จ ทาปยิ.
ทุพฺภิกฺเข ทานสาลาโย, กาเรตฺวา สพฺพปาณินํ;
มหาทานํ ปวตฺเตสิ, มหาปาฬิฺจ วฑฺฒยิ.
ทธิภตฺตฺจ ทาเปสิ, นิกายตฺตยวาสินํ;
นิจฺจํ ทุคฺคตภตฺตฺจ, ยาคฺุเจว สขชฺชกํ.
เอวมาทีนิ ปฺุานิ, กตฺวา โสวคฺคิยานิ โส;
เอกาทสหิ วสฺเสหิ, คโต เทวสหพฺยตํ.
ตสฺเสกาทสวสฺเสสุ, วิสฺสฏฺํ โสณฺณเมว ตุ;
อหุ สตสหสฺสานํ, ตโย ทสหิ สมฺมิตํ.
สุทุชฺชยํ ปณฺฑุนราธิราช,
เมโกปโร โรหณมุคฺคทุคฺคํ;
กตฺวา’ปิ เอเต สวเส นรินฺทา,
สยํ วสํ มจฺจุมุปาคมึสุ.
สุชนปฺปสาท สํเวคตฺถาย กเต มหาวํเส
ราชทฺวยทีปโน นาม
เอกูนปฺาสติโม ปริจฺเฉโท.