📜
ติวฺาสติม ปจฺเฉท
ลํกาวิโลโปนาม
มหินฺโท ตํ กณิฏฺโ โส, ราชปุตฺโต ตทจฺจเย;
อุสฺสาปิย เสตจฺฉตฺต-มนุราธปุเร วเร.
เสน เสนานีนา’นีต เทสนฺตรชนา กุเล;
ตตฺถ วาสมกปฺเปสิ, กิจฺเฉน ทสวจฺฉเร.
อเปตนีติ มคฺคสฺส, มุทุภูตสฺส สพฺพโส;
อุปฺปาทภาคํ นาทํสุ, ตสฺส ชานปทา ตทา.
อจฺจนฺตํ ขีณจิตฺโต โส, วสฺสมฺหิ ทสเม วิภู;
วุตฺติทาเนน นาสกฺขิ, สงฺคเหตุํ สกํ พลํ.
อลทฺธ วุตฺติโน สพฺเพ, เกรฬา สหิตา ตโต;
น วุตฺติทานํ โน ยาว, โหติ มาตาว ภฺุชตุ.
อิติ ราชฆรทฺวาเร, สาหเสกรสา ภุสํ;
จาปหตา นิสีทึสุ, สนฺนทฺธฉุริกายุธา.
หตฺถสารํ สมาทาย, เต วิวฺจิย ภูปติ;
อุมฺมคฺคโต วินิคฺคมฺม, ตุริโต โรหณํ อคา.
สีทุปพฺพตคามมฺหิ ¶ , ขนฺธวารํ นิพนฺธิย;
ภาตุ ชายมฺม เหสิตฺเต, เปตฺวา โส ตหึ วสี.
น จิรสฺเสว ตสฺสาย, มตา ยสมหีปติ;
มเหสิตฺเต นิเวเสสิ, สกภาตุสฺส ธีตรํ.
เทวิยา ตาย สฺชาเต, สุเต กสฺสปนามเก;
อชฺฌาวุตฺตํ วิหายา’ถ, ขนฺธาวารํ มหีมติ.
การยิตฺวาน นครํ, กปฺปคลฺลกคามเก;
อธิปจฺจํ ปวตฺเตนฺโต, โรหเณ สุจิรํ วสี.
ตโต เสเสสุ าเนสุ, เกรฬา สีหฬา ตทา;
กณฺณาฏา จ ยถากาม-มาธิปจฺจํ ปวตฺตยุํ.
อถสฺส วาณิโช เอโก, ปรตีรํ อิธาคโต;
คนฺตฺวา ปวตฺตึ ลํกาย, โจฬรฺโ นิเวทยิ.
โสตํ สุณิตฺวา เปเสสิ, ลํกาคหณมานโส;
พลํ มหนฺตํ พลวา, ตํ ขิปฺปํ ลํกโมตริ.
ปฏฺาโย ติณฺณานมฺหา, วิเหเนฺตํ พหู ชเน;
อนุกฺกเมน ตํ โจฬ-พลํ โรหณมชฺฌคา.
ฉตฺตึเส ราชิโน วสฺเส, มเหสึ รตนานิ จ;
มกุฏฺจ กมายาตํ, สพฺพมาภรณํ ตถา.
อมูลิกฺจวชิร-วลยํ เทวทตฺติยํ;
อจฺเฉชฺชจฺฉุริกํ ฉินฺน-ปฏฺฏิกา ธาตุกฺจ เต.
ปวิฏฺํ วนทุคฺคมฺหิ, ภยาตฺจ มหีปตึ;
ชีวคฺคาหมคณฺหึสุ, สนฺธิเลสมฺปทสฺสิย.
มหีปาลํ ธนํ ตฺจ, สพฺพํ หตฺถคตํ ตโต;
เปสยึสุ ลหุํ โจฬ-มหีปาลสฺส สนฺติกํ.
นิกายตฺติตเย ธาตุ-คพฺเภ ลํกาตเล ขิเล;
มหารเห สุวณฺณาทิ-ปฏิพิมฺเพ จ’นปฺปเก.
ภินฺทิตฺวา สหสา สพฺเพ, วิหาเร จ ตหึ ตหึ;
ยโถ โชหาริโน ยกฺขา, ลงฺกายํ สารมคฺคหุํ.
เต โจฬา ราชรฏฺํ ตํ, ปุลตฺถิปุรนิสฺสิตา;
รกฺขปาสาณกณฺฑวฺห, านาวธิมภฺุชิสุํ.
ตํ ¶ กุมารกมาทาย, กสฺสปํ รฏฺวาสิโน;
วฑฺเฒนฺติ โจฬภยโต, โคปยนฺตา สุสาทรา.
โจฬราชา กุมารํ ตํ, สุตฺวา ทฺวาทสวสฺสิกํ;
คหณตฺถาย เปเสสิ, มหามจฺเจ มหาพเล.
อูนํ ปฺจสหสฺเสน, โยธลกฺขํ สมาทิย;
สพฺพํ เต โรหณํ เทสํ, สงฺโขเภสุ มิโต ตโต.
กิตฺตินาโม’ถ สจิโว, มกฺขกุทฺรูสวาสิโก;
มุทฺธนาโม ตถามจฺโจ, มารคลฺลกวาสิโก.
อุโภปิ เต มหาวีรา, ยุทฺโธปายวิจกฺขณา;
โจฬเสนํ วินาเสตุ-มจฺจนฺตกตนิจฺฉยา.
ปลุฏฺคิรินามมฺหิ, าเน ทุคฺเค นิเวสิย;
กตฺวา ฉมาสํ สงฺคามํ, หนึสุ ทมิเฬ พหูํ.
หตาวสิฏฺา โจฬาตา, รเณ ตสฺมึ ภยทฺทิตา;
ปลายิตฺวา ยถาปุพฺพํ, ปุลตฺติปุรมาวสุํ.
กุมาโร ชยิโต ทิสฺวา, อุโภ เต สจิเว ตทา;
หฏฺตุฏฺโ ‘‘วรํ ตาตา, คณฺหถา’’ติ ส จพฺรวี.
พุทฺโธ ปเวณิคามํ โส, วรํ ยาจิตฺถ กิตฺติโก;
สงฺฆิกํ คหิตํ ภาคํ, วิสฺสชฺเชตุํ วรํ วริ.
ราชปุตฺตวราลทฺธ-วรา’มจฺจวรา ตทา;
นิทฺทรา สาทรา วีรา, ปาเท วนฺทึสุ ตสฺส เต.
ราชา ทฺวาทสวสฺสานิ, วสิตฺวา โจฬมณฺฑเล;
อฏฺตาลีสวสฺสมฺหิ, มหินฺโท โส ทิวํคโต.
ปมาท โทสานคเตน เอวํ,
ลทฺธา’ปิ โภคานนถิรา ภวนฺติ;
อิจฺจปฺปมํทํ หิตมาสสาโน,
นิจฺจํ สุวิฺูสุสมา จเรยฺย.
สุชนปฺปสาทสํเวคตฺถาย กเต มหาวํเส
ลํกาวิโลโป นาม
ติปฺาสติโม ปริจฺเฉโท.