📜
จตุปฺาสติม ปริจฺเฉท
ฉ ราชโกนาม
กตฺวา ¶ วิกฺกมฺม พาหู’ติ, นาม ภูปาลสูนุโต;
ตสฺสาณาย ปวตฺตึสุ, สาทรํ สีหฬา ขิลา.
โส ราชา ทมิเฬ หนฺตุํ, ธนํ สฺจิย’เนกาธา;
สงฺคหํ เสวกานฺจ, กุรุมาโน ยโถจิตํ.
อลงฺการกิรีฏานิ, ฉตฺตสีหาสนานิ จ;
การยิตฺวา’ภิเสกตฺถํ, สจิเวหา’ภิยาจิโต.
น ยาว ราชรฏฺสฺส, คหณํ โหติ ตาว เม;
ฉตฺตุสฺสาปนกมฺเมน, กึ เตนา’ติ วิวาริย.
สตํ นรสหสฺสานํ, สงฺกเลตฺวา มหพฺพโล;
สงฺคามารพฺภ กาลมฺหิ, วาตโรคาภิปีฬิโต.
ยุชฺฌิตุํ สมโย เนติ, ทฺวาทเส วจฺฉเร ลหุํ;
อุเปจฺจ เทวนครํ, คฺฉิเทวสหพฺยตํ.
กิตฺตินาโม จ สจิโว, เสนาปจฺจมธิฏฺิโต;
รชฺชตฺถิโก ทินานฏฺ, นิชาณํ สมฺปวตฺตยิ.
ฆาเตตฺวา ตํ มหาลาน-กิตฺตินาโม มหพฺพโล;
ปตฺวา’ภิเสกํ ภฺุชนฺโต, เทสํ ตํ โรหณวฺหยํ.
สํวจฺฉรมฺหิ ตติเย, โจฬยุทฺเธ ปราชิโต;
สหตฺเถน สกํ สีสํ, ฉินฺทิตฺวา สหสา มริ.
ตทาปิเต กิรีฏาทิ-ธนสารํ สมาทิย;
เปเสสุํ ทมิฬา โจฬ-มหีปาลสฺส สนฺติกํ.
ภยา สรฏฺํ หิตฺวา’ถ, ทุฏฺเทเส วสํ ตทา;
เอโก วิกฺกมปณฺฑูติ, วิสฺสุโต ปตฺถิวตฺตโช.
วิฺาตลงฺกาวุตฺตนฺโต, เทสมาคมฺม โรหณํ;
กาฬติตฺเถ วสํ วสฺส-เมกํ รชฺชมการยิ.
รามนฺวยสมุพฺภูโต ¶ , ตทายุชฺฌ ปุราคโต;
ชคตี ปาลนาเมน, วิสฺสุโต ภูภุชตฺตโช.
รเณ วิกฺกมปณฺฑุตํ, ฆาตาเปตฺวา มหพฺพโล;
ตโต จตฺตาริ วสฺสานิ, รชฺชํ กาเรสิ โรหเณ.
ตมฺปิ โจฬารเณ หนฺตฺวา, มเหสึ ธีตรา สห;
วิตฺตสารฺจ สากลํ, โจฬรฏฺมเปสยุํ.
ราชา ปรกฺกโม นาม, ปณฺฑุราชสุโต ตโต;
อกา วสฺสทฺวยํ โจฬา, ฆาเตสุํ ตมฺปิ ยุชฺฌิย.
อิเม ภุสํ โลภพลาภิภูตา,
คตา อเสสา วิวสา วินาสํ;
อิจฺเจวมฺาย สทา สปฺโ,
ตณฺหกฺขเยเยว รตึ กเรยฺย.
สุชนปฺปสาทสํเวคตฺถาย กเต มหาวํเส
ฉ ราชโก นาม
จตุปฺาสติโม ปริจฺเฉโท.