📜
กายขมนีย-นิทฺเทส
อภิวาทน-สีลิสฺส ¶ ,
นิจฺจํ วุฑฺฒาปจายิโน;
จตฺตาโร ธมฺมา วฑฺฒนฺติ,
อายุ วณฺโณ สุขํ พลํ.
๒๓๕. ปฺจิเม ¶ ภิกฺขเว ธมฺมา อายุสฺสา, กตเม ปฺจ. สปฺปาย-การี โหติ. สปฺปาเยจ มตฺตํ ชานาติ. ปริณตฺตโภชี จ โหติ. กาล-จารี จ, พฺรหฺม-จารีจ. อิเม โข ภิกฺขเว ปฺจ ธมฺมา อายุสฺสาติ.
๒๓๖. ปฺจิเม ¶ ภิกฺขเว ธมฺมา อายุสฺสา, กตเม ปฺจ. สปฺปาย-การี โหติ. สปฺปาเยจ มตฺตํ ชานาติ. ปริณตโภชีจโหติ. สีลวาจ, กลฺยาณ มิตฺโตจ. อิเม โข ภิกฺขเว ปฺจ ธมฺมา อายุสฺสาติ.
ปฺจ-สีลํ ¶ สมาทาย,
สมํ กตฺวา ทิเน ทิเน;
สติมา ปฺวา หุตฺวา,
จเร สพฺพิริยาปเถ.
๒๓๘. ปฺจิเม ¶ ภิกฺขเว จงฺกเม อานิสํสา, กตเม ปฺจ, อทฺธานกฺขโม โหติ. ปธานกฺขโม โหติ. อปฺปาพาโธ โหติ. อสิตํปีตํขายิตํสายิตํ สมฺมา ปริณามํ คจฺฉติ. จงฺกมาธิคโต สมาธิ จิรฏฺิติโก โหติ. อิเมโข ภิกฺขเว ปฺจ จงฺกเม อานิ สํสาติ.
ปริสฺสาวน-ทานฺจ ¶ ,
อาวาส-ทานเมว จ;
คิลาน-วตฺถุ-ทานฺจ,
ทาตพฺพํ มนุชาธิป.
กาตพฺพํ ¶ ชิณฺณกาวาสํ,
ปฏิสงฺขรณํ ตถา;
ปฺจ-สีล-สมาทานํ,
กตฺวา ตํ สาธุ-รกฺขิตํ;
อุโปสโถปวาโส จ,
กาตพฺโพโปสเถ อิติ.
อติ-โภตฺตา ¶ โรค-มูลํ,
อายุกฺขยํ กโรติ เว;
ตสฺมา ตํ อติ-ภุตฺตึว,
ปริหเรยฺย ปณฺฑิโต.
อ-ชิณฺเณ ¶ โภชนํ วิสํ,
ทุลฺลทฺเธ อ-วิจารเก;
ชิณฺเณ สุ-ลทฺเธ วิจาเร,
น วชฺชํ สพฺพ-โภชนํ.
จตฺตาโร ¶ ปฺจ อาโลเป,
อาภุตฺวา อุทกํ ปิเว;
อลํ ผาสุ-วิหาราย;
ปหิตตฺตสฺส ภิกฺขุโน.
มนุชสฺส ¶ สทา สติมโต,
มตฺตํ ชานโต ลทฺธ-โภชนํ;
ตนุกสฺส ภวนฺติ เวทนา,
สนิกํ ชีรติ อายุ ปาลยํ.
ครูนํ ¶ อฑฺฒ-โสหิจฺจํ,
ลหูนํ นาติ-กิตฺติยา;
มตฺตา-ปมาณํ นิทฺทิฏฺํ,
สุขํ ชีรติ ตาวตา.
โตยาภาเว ¶ ปิปาสตฺตา,
ขณา ปาเณหิ มุจฺจเต;
ตสฺมา สพฺพาสุวตฺถาสุ,
เทยฺยํ วารึ ปิปาสเย.
สีโตทกํ ¶ ปโย ขุทฺทํ,
ฆตเมเกกโส ทฺวิโส;
ติสฺโส สมคฺคมถ วา,
ปเค ปิตํ ยุวตฺตทํ.
อนฺนํ ¶ พฺรหฺมา รเส วิณฺหุ,
ภุตฺเต เจว มเหสโร;
เอวํ ตฺวาตุ โย ภฺุเช,
อนฺน-โทสํ น ลิมฺปเต.
กตฺติกสฺสนฺติโม ¶ ภาโค,
ยํ จาโท มิค-มาสโช;
ตาวุโภ ยม-ทาาขฺโย,
ลฆฺวาหาโรว ชีวติ.
สตฺถานุกุล-จริยา ¶ ,
จิตฺตฺาวสวตฺตินา;
พุทฺธิ-รกฺขิลิตตฺเถน,
ปริปุณฺณํ รสายนํ.
อ-ชาติยา ¶ อ-ชาตานํ,
ชาตานํ วินิวตฺติยา;
โรคานํ โย วิธิ ทิฏฺโ,
ตํ สุขตฺถี สมาจเร.
อาโรคฺยํ ¶ ปรมา ลาภา,
สนฺตุฏฺิ ปรมํ ธนํ;
วิสฺสาสา ปรมา าติ,
นิพฺพานํ ปรมํ สุขํ.