📜
ปกิณฺณก-นิทฺเทส
กุมุทํ ¶ โก ปโพธยิ,
นาโถ รวินฺทุ ปณฺฑิโต;
กมลํ โก กุมุทํ โก,
นรปํ โก ปโพธยิ.
จิตฺเตน ¶ นิยฺยติ โลโก,
จิตฺเตน ปริกสฺสติ;
จิตฺตสฺส เอก-ธมฺมสฺส,
สพฺเพว วสมนฺวคู.
สมโณ ¶ ราชานุราชา,
เสนาปติ มหา-มตฺโต;
ธมฺมฏฺโ ปณฺฑิโต ทิสฺวา,
ปจฺจกฺขตฺถํ น การิยา.
ทีโป ¶ นว-ทิสํ เตโช,
น เหฏฺา จ ตถา สกํ;
ปร-วชฺชํ วิทู ปสฺเส,
สก-วชฺชํปิ ปสฺสตุ.
ส-ผลํ ¶ ปณฺฑิโต โลเก,
ส-การณํ วจํ ภเณ;
อ-การณํผลํ พาโล,
อิทํ อุภย-ลกฺขณํ.
ตสฺส ¶ วาจาย ชาเนยฺย,
กุฏิลํ พาล-ปณฺฑิตํ;
วาจา-รูปํ มิตฺตํ กเร,
วาจา-รูปํ ธุวํ ชเห.
ทุจฺจินฺติตสฺส ¶ จินฺตา จ,
ทุพฺภาสิตสฺส ภาสนา;
ทุกฺกมฺมสฺส กตฺจาติ,
เอตํ พาลสฺส ลกฺขณํ.
สุ-จินฺติตสฺส ¶ จินฺตา จ,
สุ-ภาสิตสฺส ภาสนา;
สุ-กมฺมสฺส กตฺจาติ,
เอตํ ธีรสฺส ลกฺขณํ.
อ-นยํ ¶ นยติ ทุมฺเมโธ,
อ-ธุรายํ นิ-ยฺุชติ;
ทุนฺนโย เสยฺยโส โหติ,
สมฺมา วุตฺโต ปกุปฺปติ;
วินยํ โส น ชานาติ,
สาธุ ตสฺส อ-ทสฺสนํ.
นยํ ¶ นยติ เมธาวี,
อ-ธุรายํ น ยฺุชติ;
สุ-นโย เสยฺยโส โหติ,
สมฺมา วุตฺโต น กุปฺปติ;
วินยํ โส ปชานาติ,
สาธุ เตน สมาคโม.
อ-นายกา ¶ วินสฺสนฺติ,
นสฺสนฺติ พหุ-นายกา;
ถี-นายกา วินสฺสนฺติ,
นสฺสนฺติ สุสุ-นายกา.
เชฏฺโ ¶ กมฺเมสุ นีจานํ,
ชานํชานํว อาจเร;
อ-ชาเนวํ กเร ชานํ,
นีโจ เอติ ภยํ ปิยํ.
กมฺมํ ¶ ทุชฺชน-สารุปฺปํ,
ทุธา สุชน-สารุปฺปํ;
ทุชฺชนํ เตสุ ทุกฺกมฺเม,
สุ-กมฺเม สุชนํ อิจฺเฉ.
ปณฺฑิโต ¶ เวรี พาโล จ,
ทุชฺชโย พาล-เวริโต;
ปณฺฑิตํ-เวรี ปมาเทน,
น ตํ ชโย หิ สพฺพทา.
คุยฺหสฺส ¶ หิ คุยฺหเมว สาธุ,
น หิ คุยฺหสฺส ปสตฺถมาวิ-กมฺมํ;
อ-นิปฺผนฺนตาย สเหยฺย ธีโร,
นิปฺผนฺนตฺโถว ยถา-สุขํ ภเณยฺย.
คุยฺหมตฺถํ ¶ น วิวเรยฺย,
รกฺเขยฺย นํ ยถา นิธึ;
น หี ปาตุกโต สาธุ,
คุยฺโห อตฺโถ ปชานตา.
ถิยา ¶ คุยฺหํ น สํเสยฺย,
อ-มิตฺตสฺส จ ปณฺฑิโต;
โย จามิเสน สํหีโร,
หทย-ตฺเถโน จ โย นโร.
วิวิจฺจ ¶ ภาเสยฺย ทิวา รหสฺสํ,
รตฺตึ คิรํ นาติ-เวลํ ปมฺุเจ;
อุปสฺสุติกา หิ สุณนฺติ มนฺตํ,
ตสฺมา หิ มนฺโต ขิปฺปมุเปติ เภทํ.
น ¶ ปกาสติ คุยฺหํ โย,
โส คุยฺหํ ปฏิคุยฺหติ;
ภเยสุ น ชเห กิจฺเจ,
สุ-มิตฺโตนุจโร ภเว.
กโรติ ¶ ทุกฺกรํ สาธุํ,
อุชุํ ขมติ ทุกฺขมํ;
ทุทฺททํ สามํ ททาติ,
โย สุ-มิตฺโต หเว ภเว.
ปิย-วาจา ¶ สทา มิตฺโต,
ปิย-วตฺถุํ น ยาจนา;
อิจฺฉาคเตน ทาเนน,
สุ-ทฬฺโห สุ-ปฺปิโย หเว;
ตทงฺคโต จ หีเนน,
อ-ปฺปิโย ภิชฺชโน ภเว.
เทหีติ ¶ ยาจเน หิรี,
สิรี จ กาย-เทวตา;
ปลายนฺติ สิริจฺฉิโต,
น ยาเจ ปร-สนฺตกํ.
สฺวาโน ¶ ลทฺธาน นิมฺมํสํ,
อฏฺึ ตุฏฺโ ปโมทติ;
สกนฺติกํ มิคํ สีโห,
หิตฺวา หตฺถึนุธาวติ.
เอวํ ¶ ฉนฺทานุรูเปน,
ชโน อาสีสเต ผลํ;
มหา ฉนฺทา มหนฺตํว,
หีนํว หีน-ฉนฺทกา.
นานา-ฉนฺทา ¶ มหาราช,
เอกาคาเร วสามเส;
อหํ คาม-วรํ อิจฺเฉ,
พฺราหฺมณี จ ควํ สตํ.
ปุตฺโต ¶ จ อาชฺ-รถํ,
กฺา จ มณิ-กุณฺฑลํ;
ยา เจสา ปุณฺณกา ชมฺมี,
อุชุกฺขลํภิ-กงฺขติ.
านํ ¶ มิตฺเต ธเน กมฺเม,
สตุสฺสาเห สุ-ลพฺภิตํ;
ตํ ทฬฺหํ ทุกฺกรํ กเร,
ปฺา-สติ-สมาธินา.
เภสชฺเช ¶ วิหิเต สุทฺธ,
พุทฺธาทิ-รตนตฺตเย;
ปสาทมาจเร นิจฺจํ,
สชฺชเน ส-คุเณปิ จ.
ราชา ¶ รฏฺเน ธาตุโส,
พาโล ปาเปหิ ทุมฺมโน,
อลงฺกาเรน อิตฺถีปิ,
กาเมหิ จ น ตปฺปติ.
อปฺปิจฺโฉ ¶ จ ธุตงฺเคน,
อารทฺโธ วีริเยน หิ;
วิสารโท ปริสาย,
ปริจฺจาเคน ทายโก;
สวเนน สุ-ธมฺมํปิ,
น ตปฺปติว ปณฺฑิโต.
เชฏฺสฺส ¶ สิตํ หสิตํ,
มชฺฌสฺส มธุรสฺสรํ;
โลเก อํส-สิโร-กมฺปํ,
ชมฺมสฺส อป-หสฺสิตํ;
เอเตสํ อติ-หสฺสิตํ,
หาโส โหติ ยถากฺกมํ.
นตฺถิ ¶ ทุฏฺเ นโย อตฺถิ,
น ธมฺโม น สุ-ภาสิตํ;
นิกฺกมํ ทุฏฺเ ยฺุเชยฺย,
โส หิ สพฺภึ น รฺชติ.
ทุลฺลภํ ¶ ปกตึ วาจํ,
ทุลฺลโภ เขมโก สุโต;
ทุลฺลภา สทิสี ชายา,
ทุลฺลโภ ส-ชโน ปิโย.
ธโช ¶ รถสฺส ปฺาณํ,
ธูโม ปฺาณมคฺคิโน;
ราชา รฏฺสฺส ปฺาณํ,
ภตฺตา ปฺาณมิตฺถิยา.
ทุนฺนาริยา ¶ กุลํ สุทฺธํ,
ปุตฺโต นสฺสติ ลาลนา;
สมิทฺธิ อ-นยา พนฺธุ,
ปวาสา มทนา หิรี.
มาตา ¶ ปิตา จ ปุตฺตานํ,
โนวาเท พหุ-สาสนฺนํ;
ปณฺฑิตา มาตโร อปฺปํ,
วเทยฺยุํ วชฺช-ทีปนํ.
ลาฬเย ¶ ปฺฉ-วสฺสานิ,
ทส-วสฺสานิ ตาฬเย;
ปตฺเต ตุ โสฬเส วสฺเส,
ปุตฺตํ มิตฺตํวทาจเร.
ลาลเน ¶ ธีตรํ โทสา,
ปาลเน พหโว คุณา;
ธีตุยา กิริยํ นิจฺจํ,
ปสฺสนฺตุ สุฏฺุ มาตโร.
อิติ ¶ ปกิณฺณก-นิทฺเทโส นาม
สตฺตมา ปริจฺเฉโท.