📜
นโม ตสฺส ภควโต อรหโต สมฺมาสมฺพุทฺธสฺส.
รสวาหินี
ปณามาทิกถา
สตฺถุปฺปสตฺถจรณํ ¶ สรณํ ชนานํ,
พฺรหฺมาทิโมฬิ มณิรํสิ สมาวหนฺตํ,
ปงฺเกรุหาภมุทุโกมลจารุวณฺณํ;
วนฺทามิ จกฺกวรลกฺขณมาทธานํ.
สิทฺธํ ชิเนน จิรกาลมตนฺทิเตน,
ยํ ภาวโก สมธิคจฺฉติ เขมมคฺคํ;
ยํ กปฺปรุกฺข รุจิทาน มณิว ภาติ,
ตํ ธมฺมมคฺค มสมํ ปณมามิ นิจฺจํ.
สนฺตินฺทฺริยํ สุคตสูนุวรํ วิสุทฺธํ,
ยํ ทกฺขิเณยฺยมตทํ สุจิปฺุเขตฺตํ;
ตาเณสินํ สรณมุชฺฌิตสพฺพทุกฺขํ,
วนฺทามิ สงฺฆ มนฆํ สิรสา มหคฺฆํ.
ยมฺปตฺตเมตฺถ รตนตฺตยโถมเนน,
ปฺุเน เตน ทุริตํ สกลํ ปณุชฺช,
วกฺขามหํ สุมธุรํ รสวาหินินฺตํ,
โภ โภ สุณนฺตุ สุชนา ภิมุทาวหา สา.
ตตฺถตตฺถูปปนฺนานิ, ¶ วตฺถูนิ อรหา ปุเร;
อภาสุํ ทีปภาสาย, เปสุํ ตํ ปุราตนา.
มหาวิหาเร ตงฺคุตฺต, วงฺกปริเวณวาสิโก;
รฏฺปาโลติ นาเมน, สีลาจาร คุณากโร.
หิตาย ปริวตฺเตสิ, ปชานํ ปาฬิภาสโต;
ปุนรุตฺตาทิโทเสหิ, ตมาสิ สพฺพมากุลํ;
อนากุลํ กริสฺสามิ, ตํ สุณาถ สมาหิตา.
วิตราคา ปุเร โวจุํ, ยสฺมา ตสฺมา หิ ภาสิตํ;
เอตมาทรณียฺหิ, สาธุ สาธูหิ สพฺพทาติ.
ชมฺพุทีปุปฺปตฺติ วตฺถูนิ.