📜
๑๑. วลาหกสํยุตฺตวณฺณนา
๕๕๐-๖๐๖. โลกํ ¶ วาเลนฺตา สํวรนฺตา ฉาเทนฺตา อหนฺติ ปริเยสนฺตีติ วลาหา, เทวปุตฺตา. เตสํ สมูโห วลาหกเทวกาโยติ อาห ‘‘วลาหกกายิกา’’ติอาทิ. สีตกรณวลาหกาติ สีตหรณวลาหกา. เสสปเทสูติ อุณฺหวลาหกาทิปเทสุ. เอเสว นโยติ ‘‘อุณฺหกรณวลาหกา’’ติอาทินา อตฺโถ เวทิตพฺโพ. จิตฺตฏฺปนนฺติ ‘‘สีตํ โหตู’’ติ เอวํ จิตฺตสฺส อุปฺปาทนํ. วสฺสาเนติ วสฺสกาเล. อุตุสมุฏฺานเมวาติ ปากติกสีตเมวาติ อตฺโถ. อุณฺเหปีติ อุณฺหกาเล. อพฺภมณฺฑโปติ มณฺฑปสทิสอพฺภปฏลวิตานมาห. อพฺภํ อุปฺปชฺชตีติ ตหํ ตหํ ปฏลํ อุฏฺหติ. อพฺเภเยวาติ อพฺภกาเล เอว, วสฺสาเนติ อตฺโถ. อติอพฺภนฺติ สตปฏลสหสฺสปฏลํ หุตฺวา อพฺภุฏฺานํ. จิตฺตเวสาขมาเสสูติ วสนฺตกาลํ สนฺธายาห. ตทา หิ วิทฺโธ วิคตวลาหโก เทโว ภวิตุํ ยุตฺโต. อุตฺตรทกฺขิณาทีติ อาทิ-สทฺเทน ปจฺฉิมวาตาทึ สงฺคณฺหาติ. ปกติวาโตติ ปกติยา สภาเวน วายนกวาโต. ตํ อุตุสมุฏฺานเมวาติ อาหารูปชีวีนํ สตฺตานํ สาธารณกมฺมูปนิสฺสยอุตุสมุฏฺานเมว. เอส นโย อุตุสมุฏฺานสีตุณฺหวาเตสุปิ. ตมฺปิ หิ อาหารูปชีวีนํ สตฺตานํ สาธารณกมฺมูปนิสฺสยเมวาติ.
คีตนฺติ เมฆคีตํ. สจฺจกิริยายาติ ตาทิสานํ ปุริสวิเสสานํ สจฺจาธิฏฺาเนน. อิทฺธิพเลนาติ อิทฺธิมนฺตานํ อิทฺธิอานุภาเวน. วินาสเมเฆนาติ ¶ กปฺปวินาสกเมเฆน. อฺเนปิ กณฺหปาปิกสตฺตานํ ปาปกมฺมปจฺจยา อุปฺปนฺนวินาสเมเฆน วุฏฺเน โส โส เทโส วินสฺสเตว.
วลาหกสํยุตฺตวณฺณนา นิฏฺิตา.