📜
๙. สุปณฺณสํยุตฺตวณฺณนา
๓๙๒-๔๓๗. ปตฺตานนฺติ ¶ ¶ อุโภสุ ปกฺเขสุ ปตฺตานํ. วณฺณวนฺตตายาติ อติสเยน วิจิตฺตวณฺณตาย. อติสยตฺโถ หิ อยํ วนฺต-สทฺโท. ปุริมนเยนาติ นาคสํยุตฺเต ปมสุตฺเต วุตฺตนเยน. อุทฺธรนฺตีติ สมุทฺทโต อุทฺธรนฺติ, ปถวนฺตรปพฺพตนฺตรโต ปน เตสํ อุทฺธรณํ ทุกฺกรเมว. ปณีตตเรติ พเลน ปณีตตเร, พลวนฺเตติ อตฺโถ. อนุทฺธรณียนาคาติ อานุภาวมหนฺตตาย จ วสนฏฺานวิทุคฺคตาย จ อุทฺธริตุํ อสกฺกุเณยฺยา นาคา. เต ‘‘สตฺตวิธา’’ติ วตฺวา สรูปโต วสนฏฺานโต จ ทสฺเสนฺโต ‘‘กมฺพลสฺสตรา’’ติอาทิมาห. ตตฺถ กมฺพลสฺสตรา ธตรฏฺาติ อิเม ชาติวเสน วุตฺตา. สตฺตสีทนฺตรวาสิโนติ สตฺตวิธสีทสมุทฺทวาสิโน. ปถวิฏฺกาติ ปถวนฺตรวาสิโน, ตถา ปพฺพตฏฺกา. เต จ วิมานวาสิโน. เต นาเค โกจิ สุปณฺโณ อุทฺธริตุํ น สกฺโกตีติ สมฺพนฺโธ. เสสนฺติ ‘‘กาเยน ทฺวยการิโน’’ติอาทีสุ ยํ วตฺตพฺพํ, ตํ สพฺพํ นาคสํยุตฺเต วุตฺตนยเมว, ตตฺถ จ วุตฺตนเยเนว อตฺโถ เวทิตพฺโพติ อธิปฺปาโย.
สุปณฺณสํยุตฺตวณฺณนา นิฏฺิตา.