📜
(๑๑) ๑. ผาสุวิหารวคฺโค
๑. สารชฺชสุตฺตวณฺณนา
๑๐๑. ตติยสฺส ¶ ¶ ปเม เวสารชฺชกรณาติ วิสารทภาวาวหา. สารชฺชํ โหตีติ โทมนสฺสํ โหติ.
๒. อุสฺสงฺกิตสุตฺตวณฺณนา
๑๐๒. ทุติเย อุสฺสงฺกิตปริสงฺกิโตติ อุสฺสงฺกิโต จ ปริสงฺกิโต จ. อปิ อกุปฺปธมฺโมปีติ อปิ อกุปฺปธมฺโม ขีณาสโว สมาโนปิ ปเรหิ ปาปภิกฺขูหิ อุสฺสงฺกิตปริสงฺกิโต โหตีติ อตฺโถ. เวสิยาโคจโรติอาทีสุ เวสิยา วุจฺจนฺติ รูปูปชีวินิโย, ตา โคจโร อสฺสาติ เวสิยาโคจโร, ตาสํ เคหํ อภิณฺหคมโนติ อตฺโถ. เสสปเทสุปิ เอเสว นโย. ตตฺถ ปน วิธวาติ มตปติกา. ถุลฺลกุมาริกาติ มหลฺลิกกุมาริกาโย.
๓. มหาโจรสุตฺตวณฺณนา
๑๐๓. ตติเย อิโต โภเคน ปฏิสนฺถริสฺสามีติ อิโต มม สาปเตยฺยโต โภคํ คเหตฺวา เตน ปฏิสนฺถารํ กริสฺสามิ, ตสฺส จ มม จ อนฺตรํ ปิทหิสฺสามีติ อตฺโถ. คหณานีติ ¶ ปรสนฺตกานํ ภณฺฑานํ คหณานิ. คุยฺหมนฺตาติ คุหิตพฺพมนฺตา. อนฺตคฺคาหิกายาติ สสฺสตํ วา อุจฺเฉทํ วา คเหตฺวา ิตาย. เสสเมตฺถ อุตฺตานตฺถเมว. จตุตฺเถ สพฺพํ เหฏฺา วุตฺตนยเมว.
๕. ผาสุวิหารสุตฺตวณฺณนา
๑๐๕. ปฺจเม เมตฺตํ กายกมฺมนฺติ เมตฺตจิตฺเตน ปวตฺติตํ กายกมฺมํ. อาวิ เจว รโห จาติ ¶ สมฺมุเข เจว ปรมฺมุเข จ. อิตเรสุปิ เอเสว นโย. ยานิ ตานิ สีลานีติอาทิ จตุปาริสุทฺธิสีลวเสน วุตฺตํ. สมาธิสํวตฺตนิกานีติ ¶ มคฺคสมาธิผลสมาธินิพฺพตฺตกานิ. สีลสามฺคโตติ สมานสีลตํ คโต, เอกสทิสสีโล หุตฺวาติ อตฺโถ. ตกฺกรสฺสาติ โย นํ กโรติ, ตสฺส. อิติ อิมสฺมึ สุตฺเต สีลํ มิสฺสกํ กถิตํ, ทิฏฺิ วิปสฺสนาสมฺมาทิฏฺีติ.
๖. อานนฺทสุตฺตวณฺณนา
๑๐๖. ฉฏฺเ โน จ ปรํ อธิสีเล สมฺปวตฺตา โหตีติ ปรํ สีลภาเวน น ครหติ น อุปวทติ. อตฺตานุเปกฺขีติ อตฺตโนว กตากตํ ชานนวเสน อตฺตานํ อนุเปกฺขิตา. โน ปรานุเปกฺขีติ ปรสฺส กตากเตสุ อพฺยาวโฏ. อปฺาโตติ อปากโฏ อปฺปปฺุโ. อปฺาตเกนาติ อปฺาตภาเวน อปากฏตาย มนฺทปฺุตาย. โน ปริตสฺสตีติ ปริตาสํ นาปชฺชติ. อิติ อิมสฺมึ สุตฺเต ขีณาสโวว กถิโต.
๗-๘. สีลสุตฺตาทิวณฺณนา
๑๐๗-๑๐๘. สตฺตเม สีลสมาธิปฺา มิสฺสิกา กถิตา, วิมุตฺติ อรหตฺตผลํ ¶ , วิมุตฺติาณทสฺสนํ ปจฺจเวกฺขณาณํ โลกิยเมว. อฏฺเมปิ เอเสว นโย. ปจฺจเวกฺขณาณํ ปเนตฺถ อเสขสฺส ปวตฺตตฺตา อเสขนฺติ วุตฺตํ.
๙-๑๐. จาตุทฺทิสสุตฺตาทิวณฺณนา
๑๐๙-๑๑๐. นวเม จาตุทฺทิโสติ จตูสุ ทิสาสุ อปฺปฏิหตจาโร. อิมสฺมิมฺปิ สุตฺเต ขีณาสโวว กถิโต. ทสเม อลนฺติ ยุตฺโต. อิธาปิ ขีณาสโวว กถิโต.
ผาสุวิหารวคฺโค ปโม.